យោងតាមការផ្សាយរបស់គេហទំព័រស្រះកែវ ធីវី បានបញ្ជាក់ថា ហេតុការណ៍ផ្ទុះអាវុធនេះ បានកើតឡើងនៅវេលាម៉ោង ០០៖៣០នាទី រំលងអាធ្រាតឈានចូលថ្ងៃទី២១ ខែមិថុនា ឆ្នាំ២០២៥ នៅត្រង់ចំណុចក្បែរព្រំដែនកម្ពុជាស្ថិតក្នុងភូមិសែនសុខ ឃុំខ្លងណាំសៃ ស្រុកអារញ្ញប្រថេត ខេត្តស្រះកែវ។

គេហទំព័រដដែលបានឱ្យដឹងថា មុនពេលកើតហេតុ មានរថយន្ត ៣ ឬ ៤ គ្រឿង បានបើកមកឈប់ចត រួចហើយក៏មានមនុស្សចុះមកធ្វើដំណើរដោយថ្មើរជើងប្រមាណជាង ៣០នាក់។ នៅពេលនោះ ក៏មានយុវជនម្នាក់ ដែលគេដឹងថាជាអ្នករស់នៅក្នុងតំបន់នេះ ហើយក៏ជាមេខ្យល់នាំផ្លូវឱ្យក្រុមមនុស្សទាំងនោះ បានឆ្លងដែនចូលមកក្នុងទឹកដីកម្ពុជា។ ក្រោយពីពិនិត្យឃើញបែបនេះ ក្រុមយោធាថៃ បានឱ្យសញ្ញាឈប់ដើម្បីត្រួតពិនិត្យ នៅពេលនោះដែរយុវជនម្នាក់ដែលជាមេខ្យល់បានលោតចូលមកតតាំងជាមួយយោធាទើបក្រុមយោធាព្រំដែនបានផ្ទុះអាវុធឡើង ដោយត្រូវយុវជននោះចំនួន ៣គ្រាប់ ក្បែរឆ្អឹងជំនីខាងឆ្វេង និងត្រូវបានបញ្ជូនទៅកាន់មន្ទីរពេទ្យភ្លាមៗដើម្បីសង្គ្រោះផងដែរ។

យុវជននោះ មានឈ្មោះ ក្រៃ ចន្ថា អាយុ ៣៧ឆ្នាំ រស់នៅក្នុងឃុំថាខាម ស្រុកអារញ្ញប្រថេត ខេត្តស្រះកែវ ជាមេខ្យល់ដឹកនាំពលករថៃឱ្យចូលមកធ្វើការនៅក្នុងប្រទេសកម្ពុជា ពិសេសគឺមកបម្រើការតាមបណ្ដាកាស៊ីណូក្បែរបន្ទាត់ព្រំដែន ដោយសារតែ បច្ចុប្បន្ន ថ្លៃកម្លាំងពលកម្មគឺទ្វេដង។

ក្រោយពេលផ្ទុះអាវុធ ក្រុមពលករថៃទាំងអស់បានបែកខ្ញែកគ្នារត់គេចរៀងខ្លួន ប៉ុន្តែត្រូវបានក្រុមយោធាឃាត់ខ្លួនបានជិត ២០នាក់ រីឯមនុស្សជាង ១០នាក់ទៀតបានរត់ចូលព្រៃបាត់អស់។ បញ្ហាខាងលើ អាជ្ញាធរថៃកំពុងមានការងឿងឆ្ងល់ ថា អាជ្ញាធរថៃបានចេញសេចក្តីប្រកាសតាំងតែពីថ្ងៃទី១៧ ខែមីនា កន្លងមកដោយមិនអនុញ្ញាតឱ្យពលរដ្ឋថៃឆ្លងដែនចូលមកធ្វើការនៅប្រទេសកម្ពុជាឡើយ ប៉ុន្តែហេតុអ្វីបានជាពលរដ្ឋថៃ នៅមានការលួចឆ្លងដែននៅពេលយប់អាធ្រាតដើម្បីចូលមករកការងារធ្វើនៅក្នុងប្រទេសកម្ពុជាបែបនេះទៅវិញ៕

អត្ថបទ៖សោ និយមរ័ត្ន

The post យោធាថៃប្រើអាវុធបាញ់ស្ទាក់ក្រុមពលករថៃលួចឆ្លងដែនពេលយប់ចូលមកកម្ពុជា appeared first on Kampuchea Thmey Daily.

លោក ទូច សុឃៈ បានឱ្យដឹងថា គិតពីថ្ងៃទី២៦ ខែសីហា ដល់ថ្ងៃទី២៥ ខែកញ្ញា ឆ្នាំ២០២៤ រដ្ឋបាលខេត្តជាប់ព្រំដែនកម្ពុជា-ថៃ បានផ្តល់ប័ណ្ណព្រំដែនជូនប្រជាពលរដ្ឋប្រើប្រាស់ចំនួន ១៨ ៦៨០ក្បាល ដែលក្នុងចំណោមប័ណ្ណព្រំដែនបានផ្ដល់ជូននេះ គឺខេត្តបាត់ដំបងបានចំនួន ១ ៨២៥ក្បាល ខេត្តបន្ទាយមានជ័យចំនួន ១០ ០០៤ក្បាល ខេត្តឧត្តរមានជ័យ ចំនួន ៣ ៣៣១ក្បាល ខេត្តប៉ៃលិនមានចំនួន ៣ ០១៨ក្បាល និងខេត្តកោះកុងមានចំនួន ៥០២ក្បាល។

ក្នុងរយៈពេលដូចគ្នានេះ បើតាមអ្នកនាំពាក្យរងដដែល ក្រសួងមហាផ្ទៃក៏បានបន្តបើកផ្ដល់ប័ណ្ណព្រំដែនជូនរដ្ឋបាលខេត្តជាប់ព្រំដែនកម្ពុជា-ថៃ បានចំនួន ២៦ ០០០ក្បាលផងដែរ ក្នុងនោះខេត្តបន្ទាយមានជ័យទទួលបានច្រើនជាងគេ គឺមានរហូតដល់ទៅ ១២ ០០០ក្បាល ខេត្តបាត់ដំបង ៣ ៥០០ក្បាល ខេត្តឧត្តរមានជ័យ ៤ ៥០០ក្បាល ខេត្តប៉ៃលិន ៥ពាន់ក្បាល និងខេត្តកោះកុង ១ពាន់ក្បាល។

ដោយឡែក ព្រំដែនជាមួយឡាវ លោក ទូច សុឃៈ បានគូសបញ្ជាក់ថា ការបើកផ្ដល់ប័ណ្ណព្រំដែនជូនរដ្ឋបាលខេត្តជាប់ព្រំដែនកម្ពុជា-ឡាវ គិតចាប់ពីថ្ងៃទី២៦ ខែសីហា ដល់ថ្ងៃទី២៥ ខែកញ្ញា ឆ្នាំ២០២៤ មិនទាន់មាននោះទេ។ យ៉ាងណាក៏ដោយ ក្នុងរយៈពេលដូចគ្នានេះ រដ្ឋបាលខេត្តជាប់ព្រំដែនកម្ពុជា-ឡាវ បានចេញប័ណ្ណព្រំដែនជូនប្រជាពលរដ្ឋប្រើប្រាស់ក្នុងខេត្តស្ទឹងត្រែងចំនួន ៧ក្បាល។

សូមបញ្ជាក់ថា ប័ណ្ណព្រំដែន គឺប្រើប្រាស់សម្រាប់ឆ្លងដែន ឬជំនួសលិខិតឆ្លងដែន តែខុសគ្នាត្រង់ថា ប័ណ្ណនេះអាចប្រើប្រាស់ឆ្លងដែនបានតែខេត្តដែលជាប់ព្រំដែនគ្នាតែប៉ុណ្ណោះ។ ការផ្ដល់សេវាប័ណ្ណព្រំដែនកម្ពុជា-ថៃ-ឡាវ ធ្វើឡើងតាមរយៈការិយាល័យច្រកចេញចូលតែមួយនៃរដ្ឋបាលក្រុង ស្រុក និងទីតាំងផ្សេងទៀតតាមការចាំបាច់កំណត់ដោយរដ្ឋបាលក្រុង ស្រុកសាមី។ រាជរដ្ឋាភិបាល​ បានជំរុញឱ្យរដ្ឋបាលក្រុង ស្រុកនៃខេត្តជាប់ព្រំដែនប្រទេសថៃ និងឡាវ បន្តផ្សព្វផ្សាយឱ្យបានទូលំទូលាយជូនប្រជាពលរដ្ឋក្នុងដែនសមត្ថកិច្ចរបស់ខ្លួនអំពីតម្លៃសេវា និងរយៈពេលនៃការផ្តល់សេវាប័ណ្ណព្រំដែននេះ៕

The post ក្នុងពេល១ខែ រដ្ឋបាលខេត្តតាមព្រំដែន ផ្តល់ប័ណ្ណព្រំដែនជូនពលរដ្ឋប្រើប្រាស់ជាង១ម៉ឺនសន្លឹក appeared first on Kampuchea Thmey Daily.

សេចក្ដីសម្រេចររបស់សម្ដេចធិបតី ហ៊ុន ម៉ាណែត ចុះថ្ងៃទី១៣ ខែកញ្ញានេះ ត្រូវបានបង្កើតគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ-ចូលរបស់ពលករខ្មែរនៅតាមព្រំដែនរបស់កម្ពុជា។ គណៈកម្មការចំពោះកិច្ចនេះ ត្រូវដឹកនាំដោយលោកឧបនាយករដ្ឋមន្ត្រី នេត សាវឿន ជាប្រធាន លោក គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ ជាអនុប្រធានប្រចាំការ លោក សំរិទ្ធ ឌី រដ្ឋលេខាធិការក្រសួងមហាផ្ទៃ ជាអនុប្រធាន លោក សៀក សុជាតិ រដ្ឋលេខាធិការក្រសួងការពារជាតិ ជាអនុប្រធាន និងប្រធានអង្គភាពជំនាញមួយចំនួនទៀត រួមទាំងអភិបាលខេត្តជាប់ព្រំដែនផង ជាសមាជិក។

គណៈកម្មការចំពោះកិច្ចនេះ មានភារកិច្ចតាមដាន និងត្រួតពិនិត្យការអនុវត្តវិធានការនានា ដែលបានដាក់ចេញដោយរាជរដ្ឋាភិបាល ដើម្បីលុបបំបាត់ភាពមិនប្រក្រតី និងបាតុភាពផ្សេងៗ ក៏ដូចជាបញ្ហាប្រឈមរបស់ពលករខ្មែរក្នុងការចេញចូល និងឆ្លងកាត់ព្រំដែន ហើយជំរុញដល់អាជ្ញាធរមានសមត្ថកិច្ចពាក់ព័ន្ធនៅតាមព្រំដែន ដើម្បីជួយសម្រួលដំណើរចេញចូលរបស់ពលករខ្មែរឱ្យបានត្រឹមត្រូវ។ ទន្ទឹមនេះ គណៈកម្មការចំពោះកិច្ច ក៏ត្រូវទទួល និងដោះស្រាយបណ្ដឹងតវ៉ានានារបស់ពលករខ្មែរ ពាក់ព័ន្ធនឹងដំណើរឆ្លងកាត់ព្រំដែន សិក្សាស្រាវជ្រាវលើប្រភពបញ្ហា ឬភាពមិនប្រក្រតី ដែលបង្កការរំខានដល់ដំណើរចេញចូល ឬប៉ះពាល់ដល់ផលប្រយោជន៍របស់ពលករខ្មែរតាមព្រំដែន ដោយរៀបចំឱ្យមានប្រព័ន្ធឆ្លើយតបបន្ទាន់ ដើម្បីសម្រួលឱ្យពលករអាចទំនាក់ទំនង និងរាយការណ៍ភាពមិនប្រក្រតីទាំងនេះបាន។

លើសពីនេះ គណៈកម្មការចំពោះកិច្ច ត្រូវដាក់ចេញវិធានការចុះប្រតិបត្តិការ ឬចេញសេចក្ដីណែនាំ ដើម្បីលុបបំបាត់ការ យកកម្រៃក្រៅផ្លូវការសម្រាប់ការធ្វើដំណើរចេញចូលនៅច្រកទ្វារព្រំដែន សំដៅសម្រួលដល់ការធ្វើដំណើរចេញចូលរបស់ពលករនៅតាមព្រំដែន ដោយត្រូវធ្វើរបាយការណ៍ជូនសម្ដេចប្រមុខរាជរដ្ឋាភិបាលអំពីវឌ្ឍនភាពការងារ និងបញ្ហាប្រឈមទាក់ទងនឹងការងារលុបបំបាត់ការយកកម្រៃក្រៅផ្លូវការនេះ។

ការបង្កើតគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ-ចូលរបស់ពលករខ្មែរនៅតាមព្រំដែន នាពេលនេះ ខណៈកន្លងមក រាល់ការចេញចូល និងការឆ្លងដែនរបស់ពលរដ្ឋ ជាពិសេសពលករ ដែលតែងជួបបញ្ហាលំបាកមួយចំនួនលើភាពមិនប្រក្រតីផ្សេង ពិសេសការទារកម្រៃក្រៅផ្លូវការ៕

The post សម្ដេចធិបតី ចាត់លោក នេត សាវឿន ឱ្យលុបបំបាត់ការយកលុយក្រៅផ្លូវការពីពលករពេលឆ្លងដែន appeared first on Kampuchea Thmey Daily.

លោក កុយ គួ​ង អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា​បាន​ឲ្យ​ដឹង​នា​រសៀល​ថ្ងៃទី​១១ ខែមករា នេះ​ថា ពលករ​ខ្មែរ​ទាំង​ន​អស់នោះ ភាគច្រើន​ចូល​តាម​ច្រក​ប៉ោយប៉ែត​។ លោក​ថា ការដែល​ពួកគាត់​ត្រឡប់មកវិញ ដោយសារ​តែ​ពួកគាត់​ជួប​ការលំបាក ក្នុង​ការ​រក​ការងារ​ធ្វើ ដោយសារ​ការរីក​រាល​ដាល​ជម្ងឺ Covid19 ហើយក៏​បាន​សុំ​ឲ្យ​អគ្គ​កុងស៊ុល​កម្ពុជា​ប្រចាំ​ខេត្ត​ស្រះកែវ ជួយ​អន្តរាគមន៍ បញ្ជូនមក​កម្ពុជា​វិញ​។​

ដោយឡែក រយៈពេល​ដូចគ្នានេះ អគ្គ​កុងស៊ុល​កម្ពុជា​ប្រចាំខេត្ត​ស្រះកែវ​ប្រទេស​ថៃ ក៏បាន​ជួយ​អន្តរាគមន៍​បញ្ជូន​ពល​រដ្ឋ​ខ្មែរ ដែល​លួច​ឆ្លងដែន​ខុសច្បាប់ ហើយ​ត្រូវ​សមត្ថកិច្ច​ថៃ​ឃាត់ខ្លួន​ចំនួន​៤០ នាក់ ឲ្យ​បាន​ត្រឡប់មក​កម្ពុជា​វិញ​ផងដែរ​៕

ដោយ ៖ កោះ​កែវ

The post ១១​ថ្ងៃ អគ្គ​កុងស៊ុល​កម្ពុជា ជួយ​សម្របសម្រួល​បញ្ជូន​ពលករ​ខ្មែរ​មកពី​ប្រទេស​ថៃ​វិញ បាន​ចំនួន១៧០ នាក់ appeared first on Kampuchea Thmey Daily.

ភាគី​កម្ពុជា​បាន​ស្នើ​សុំ​ឲ្យ​ពលរដ្ឋ​ចេញចូល ១ ថ្ងៃ​ចំនួន ៣.០០០​នាក់​ចាប់ពី​ម៉ោង​៦​ព្រឹក​ដល់​ម៉ោង​១០​យប់​។ ក្នុង​កិច្ច​ពិភាក្សា​នោះ​ភាគី​កម្ពុ​ជា​មាន​លោក អ៊ុំ រាត្រី​អភិបាលខេត្ត​បន្ទាយ មានជ័យ និង លោក សុខ លូ អភិបាលខេត្ត​បាត់ដំបង​ចំណែក​ភាគី​ថៃ​លោក បរិ​នប​ញ្ញា ភោ​ធិ​សាធ អភិបាលខេត្ត​ស្រៈ​កែវ និង​មន្ត្រីរាជការ​កងក​ម្លាំង​ប្រដាប់​អាវុធ​ពាក់ព័ន្ធ​មួយ​ចំនួន​។ ក្នុង​កិច្ចពិភាក្សា​នោះ​ភាគី​កម្ពុជា​បាន​ស្នើ​សុំឱ្យ​ពលរដ្ឋ​ចេញចូល​១​ថ្ងៃ​ចំនួន ៣.០០០​នាក់​ចាប់ ពី​ម៉ោង​៦​ព្រឹក​ដល់​ម៉ោង​១០​យប់។

ដោយឡែក​ចំពោះ​អ្នក​អូស​រទេះ​១​ថ្ងៃ​អនុញ្ញាត​សុំ​ចំនួន​៣០០​ជើង​ក្នុង​១​រទេះ​អនុញ្ញាត ៦ នាក់ តែ​ត្រូវ​អនុវត្ត​តាម​ការណែនាំ​របស់​ក្រសួងសុខាភិបាល។ ចំពោះ​ពលករ​ដែល​មាន Border Pass ឬ​ប័ណ្ណ​ឆ្លងព្រំដែន​ត្រូវ​អនុញ្ញាត​រយៈពេល​៣​ខែ​ចំនួន ៩០​ថ្ងៃ​ដែល​ធ្វើ​កសិកម្ម​តាម​បន្ទាត់​ព្រំដែន​។

​ក្នុង​កិច្ចពិភាក្សា​នោះ​ទោះជា​ភាគី​កម្ពុជា​ស្នើសុំ​យ៉ាង​នេះ​ក៏ដោយ​ភាគី​ថៃ​បាន​ត្រឹម​ទទួលយក​សំណើ​ដើម្បី​ស្នើ​សំ​ទៅ​រាជរដ្ឋាភិបាល​ថៃ​ដើម្បី​សម្រេច​នៅពេល​ក្រោយ​។​ចំពោះ​ច្រកព្រំដែន​ដែល​ស្នើសុំ​បើក​គឺ​ខេត្តបន្ទាយមានជ័យ​ច្រក​អន្តរជាតិ​ប៉ោយប៉ែត ច្រក​តំបន់​ម៉ាឡៃ និង បឹង​ត្រកួន និង ខេត្ត​បាត់ដំបង ច្រក​អន្តរជាតិ​គីឡូ​១៣ ស្រុក​សំពៅ​លូន​ឈម ភាគី​ថៃ​ច្រក​ខៅ​ឌិន ស្រុក​ក្លង​ហាត ខេត្ត​ស្រះកែវ​៕

ដោយ​ ៖​ ណា​រី

The post កម្ពុជា​ស្នើ​ភាគី​ថៃ​អនុញ្ញាត​ឱ្យ​ពលរដ្ឋ​ខ្មែរ​ចេញចូល​ព្រំដែន ៣.០០០ នាក់​ក្នុង​មួយថ្ងៃ appeared first on Kampuchea Thmey Daily.

លោកឧត្តមសេនីយ៍ ត្រី បោនប៊ិន នៅថ្ងៃទី០៤ ខែសីហានេះ បានប្រាប់ឱ្យដឹងថា នារីរងគ្រោះមានឈ្មោះ ប៉ុក ណាលីន អាយុ២៦ឆ្នាំ បានបញ្ជាក់ប្រាប់សមត្ថកិច្ចថា គាត់ជាអាជីករលក់ដូរក្នុងផ្សាររុងគ្លឿ។ នៅថ្ងៃទី២ ខែសីហា គាត់បានឱ្យមេខ្យល់ជូនមកស្រុកខ្មែរ ដោយតំលៃតាមហាងឆេង។ ពេលនិយាយត្រូវគ្នាហើយ មេខ្យល់ក៏បានយកមកទម្លាក់ចោលនៅព្រំដែនខ្មែ នៅចំណុចប៉ុស្ដិ៍ប្រាសាទត្បែង ស្រុកថ្មពួក ខេត្តបន្ទាយមានជ័យ ទាំងងងឹតឈឹង។

លោកបានឱ្យដឹងបន្តទៀតថា ដោយមានការភ័យខ្លាចពេក ព្រោះយប់ងងឹតខ្លាំង ទើបខ្លួន និងកូនធ្វើដំណើរ ហើយខ្លួនបានដើរធ្លាក់ជង្ហុកបណ្ដាលឱ្យបាក់កជើងខាងស្ដាំតែម្ដង។ ជាសំណាងស្រាប់តែកម្លាំងចម្រុះកំពុងល្បាតនៅព្រំដែនជួយទាន់ពេល និងបានយកទៅឱ្យក្រុមគ្រូពេទ្យនៅជួរមុខយកសំណាកទៅធ្វើការពិនិត្យដោយតេសត្តរហ័យ ស្រាប់តែឃើញម្តាយ មានវិជ្ជមានកូវីដ-១៩ ហើយបានបញ្ជូនមកព្យាបាលនៅមន្ទីរពេទ្យខេត្ត មិត្តភាព កម្ពុជាជប៉ុន ស្រុកមង្គលបូរីតែម្តង៕

អត្ថបទ៖ វ៉ាន់ ណាង

The post ម្ដាយ និងកូនចាញ់បោកមេខ្យល់ ហើយបាក់ជើង និងឆ្លងកូវីដ ទទួលឧបត្ថម្ភ៣លានរៀល appeared first on Kampuchea Thmey Daily.

លោក​វរសេនីយ៍​ត្រី សែម សាមឿន នាយ​ប៉ុស្តិ៍​នគរបាល​ការពារ​ព្រំដែន​គោក​ប៉ុស្តិ៍ បាន​ឲ្យ​ដឹង​ថា​ប្រជាពលរដ្ឋ​ទាំង​៦​នាក់​ដែល​ឃាត់ខ្លួន ១​មានឈ្មោះ​ហុង សារ៉ន ភេទ​ប្រុស អាយុ​៣៧​ឆ្នាំ ​២មានឈ្មោះ​ម៉ៅ រិទ្ធី ភេទ​ប្រុស អាយុ​៣៤​ឆ្នាំ​ ៣​មានឈ្មោះ​អ៊ី រស្មី ភេទ​ប្រុស អាយុ​៣២​ឆ្នាំ​ ៤​ឈ្មោះ​ហុង ស្រី​រៀម ភេទ​ស្រី អាយុ​៣០​ឆ្នាំ ​៥​មានឈ្មោះ​ហុង យូ​អ៊ី​ន ភេទ​ស្រី អាយុ​៨​ឆ្នាំ​ ៦​មានឈ្មោះ​អ៊ំ គីម​អ៊ី ភេទ​ស្រី អាយុ​១.៥​ឆ្នាំ អ្នក​ទាំងអស់​គឺជា​អាវជីករ​លក់ដូរ​នៅ​ផ្សារ​រោង​ក្លឿ​រ​ប្រទេស​ថៃ​ ដែល​មាន​ទីលំនៅ រស់នៅ​ភូមិ​ក្បាលស្ពាន​២ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ​។

លោក​វរសេនីយ៍​ត្រី សែម សាមឿន​បានបញ្ជាក់​ឲ្យ​ដឹង​បន្តទៀតថា​ ប្រជាពលរដ្ឋ​ទាំង​៦​នាក់​នោះបាន ប្រគល់​ទៅ​ឲ្យ លោក​គាត ​ហ៊ុល អភិបាលក្រុង​ប៉ោយប៉ែត​ដើម្បី​ដឹក​យក​ទៅធ្វើ​តេស្ត​រក​មេរោគ​កូ​វីត​.១៩ នៅ​ចំណុច​សំចត ( CQ2 ) នៃ​សាលា​វិទ្យាល័យ​និមិត្ត ស្ថិត​ក្នុងភូមិ​និមិត្ត សង្កាត់​និមិត្ត ក្រុង​ប៉ោយប៉ែត ខេត្តបន្ទាយមានជ័យ៕

ដោយ ៖ វ៉ាន់ ណា​ង

The post ប្រជាពលរដ្ឋ​​៦​នាក់​ ដែល​ឆ្លង​ទឹកអូរ​ពី​ប្រទេស​ថៃ​មក​ខ្មែរ​ ត្រូវ​ប៉ុស្តិ៍​ក្បាលស្ពាន​នៃ​វរៈ​សេនា​តូច​លេខ​៨៩១​ឃាត់ខ្លួន​យកទៅ​ច​ត្តា​ឡី​ស័ក appeared first on Kampuchea Thmey Daily.

យោងតាម​របាយការណ៍​របស់​វរ​សេនា​តូច​នគរបាល​ការពារ​ព្រំដែន​គោក​លេខ​៨១៥ បានឱ្យដឹងថា នៅ​ថ្ងៃទី​០៩ ខែមិថុនា ឆ្នាំ​២០២១ វេលា​ម៉ោង​០៤​និង​៣០​នាទី​ព្រឹក កម្លាំង​នគរបាល​ការពារ​ព្រំដែន​គោក និង​កម្លាំង​នគរបាល​ប៉ុស្តិ៍​សង្កែ សហការ​ជាមួយ​កម្លាំង​កងពលតូច​លេខ​៥១ បាន​ទប់ស្កាត់​ប្រជាពលរដ្ឋ​បម្រុង​លួច​ឆ្លងដែន​ខុសច្បាប់​ទៅ​ប្រទេស​ថៃ​ចំនួន ១៥​នាក់ (​ស្រី​០៨​នាក់ កុមារ​០២​នាក់​) នៅក្នុង​ភូមិសាស្ត្រ​ឃុំ​បឹងបេង ស្រុក​ម៉ាឡៃ។

ក្នុងនោះ​ឃាត់ខ្លួន​អ្នក​នាំ​ផ្លូវ ០១​នាក់ ឈ្មោះ យ៉ើ​ន ណា​រ៉ុង ភេទ​ប្រុស អាយុ ២០​ឆ្នាំ មាន​ទីលំនៅ​ក្នុងភូមិ​សង្កែ ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ។

លោក​វរសេនីយ៍ឯក សួង សៅ មេបញ្ជាការ​វរ​សេនា​តូច​ការពារ​ព្រំដែន​គោក​លេខ​៨១៥ បានបញ្ជាក់ ថា ក្រោយពី​ធ្វើការ​ឃាត់ខ្លួន កម្លាំង​បានប្រគល់​ឲ្យ​កម្លាំង​ជំនាញ​របស់​អធិការដ្ឋាន​ន​របាល​ស្រុក​ម៉ាឡៃ ដើម្បី​សួរនាំ និង​ចាត់វិធានការ​បន្ត​។

​ដោយឡែក នៅ​ស្រុក​ស្វាយចេក កម្លាំង​នគរបាល​អធិការដ្ឋាន​នគរបាល​ស្រុក​ស្វាយចេក និង​កម្លាំង​នគរបាល​ការពារ​ព្រំដែន​គោក​ប៉ុស្តិ៍​ថ្នល់បំបែក នៃ​វរ​សេនា​តូច​ការពារ​ព្រំដែន​គោក​លេខ​៩១១ បាន​សហការ​ជាមួយ​កម្លាំងយោធា​៥០៣ និង​កម្លាំង​កងពលតូច​ថ្មើរជើង​លេខ​៥១ នៅវេលា​ម៉ោង​១១​ព្រឹក ថ្ងៃទី​០៩ ខែមិថុនា ឆ្នាំ​២០២១ បាន​ដើរ​ល្បាត​ក្នុងភូមិ​សាស្ត្រ​ភូមិ​ល្បើក​ស្វាយ ឃុំ​ស្វាយចេក ស្រុក​ស្វាយចេក បាន​ឃាត់ខ្លួន​ពលរដ្ឋ​ខ្មែរ ចំនួន​០៥​នាក់ (​ស្រី​០២​នាក់ ក្នុងនោះ​កុមារ​តូច​អាយុ​០៣​ឆ្នាំ​០១​នាក់​)​បម្រុង​លួច ឆ្លងដែន​ទៅ​ប្រទេស​ថៃ។

បន្ទាប់ពី​ឃាត់ខ្លួន និង​សួរនាំ កម្លាំង​បាន​បញ្ជូនទៅ​ទីសំចត​នៅ​ឃុំ​អូរ​បី​ជាន់ ស្រុក​អូរជ្រៅ ដើម្បី​ចាត់ការ​បន្ត៕

ដោយ ៖ សំអឿន

The post សមត្ថកិច្ច ឃាត់ខ្លួន​ពលរដ្ឋ​២០​នាក់ និង​មេខ្យល់​១​នាក់​បម្រុង​ឆ្លងដែន​ខុសច្បាប់​ចូលទៅ​ប្រទេស​ថៃ appeared first on Kampuchea Thmey Daily.