កម្មវិធីជជែកដេញដោលយុវជនថ្នាក់ជាតិ ២០២៥ គឺ រៀបចំដោយនាយកដ្ឋានអប់រំយុវជននិងកុមារ នៃអគ្គនាយកដ្ឋានយុវជន ក្រសួងអប់រំ យុវជន និងកីឡា។ បើតាមក្រសួងអប់រំ កម្មវិធីជជែកដេញដោលយុវជនថ្នាក់ជាតិ រៀបចំឡើងក្នុងគោលបំណងបណ្តុះបណ្តាលសមត្ថភាពយុវជនកម្ពុជា លើបំណិនសតវត្សរ៍ទី២១ ដើម្បីពង្រឹងបំណិនស្រាវជ្រាវ បំណិនត្រឹះរឹះពិចារណា នវានុវត្តន៍ ការនិយាយជាសាធារណៈ មូលដ្ឋានចំណេះដឹង ឌីជីថល ការដោះស្រាយបញ្ហា ការធ្វើការងារជាក្រុម ការប្រាស្រ័យទាក់ទងប្រកបដោយសន្តិសហវិជ្ជមាន ដើម្បីក្លាយខ្លួនជាពលរដ្ឋល្អដែលមានទំនួលខុសត្រូវក្នុងសង្គមជាតិ។

ក្នុងឱកាសដែលរកឃើញក្រុមឆ្នើមអាចបន្តទៅវគ្គផ្តាច់ព្រ័ត្រនេះ ក្រសួងក៏បានអរគុណចំពោះការខិតខំប្រឹងប្រែងក្នុងការប្រកួត និងអំពាវនាវដល់បេក្ខជនទាំងអស់រក្សានូវស្មារតីក្នុងការខិតខំប្រឹងប្រែង តស៊ូ ព្យាយាមរៀនសូត្រ រួមទាំងបន្តសិក្សា ស្រាវជ្រាវដើម្បីក្លាយជាយុវជន យុវនារី សម្បូរទៅដោយចំណេះដឹង ដែលអាចចូលរួមជាផ្នែកមួយក្នុងការអភិវឌ្ឍសង្គមជាតិ៕

The post សិស្សវិទ្យាល័យ២ក្រុម មកពីខេត្តពោធិ៍សាត់ និងបាត់ដំបង ឈានដល់វគ្គផ្តាច់ព្រ័ត្រកម្មវិធីជជែកដេញដោលយុវជនថ្នាក់ជាតិ appeared first on Kampuchea Thmey Daily.

កញ្ញា ស៊ីថង រេតធីតា និស្សិតឆ្នាំទី៤ ជំនាញនីតិសាស្រ្ត នៃសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច និងជាសមាជិកក្រុម ពុទ្ធនារីឬទ្ធិ បានប្រាប់ កម្ពុជាថ្មី ថា៖ “តាមរយៈការប្រកួត បានផ្ដល់ឱ្យខ្ញុំនូវចំណេះដឹងទាក់ទងនឹងវិធីសាស្រ្តក្នុងការជជែកដេញដោល ដែលពីមុនមកខ្ញុំមិនធ្លាប់មានបទពិសោធន៍ទាល់តែសោះ ជួយបង្កើនចំណេះដឹងទូទៅពីសង្គមពិសេសទាក់ទងនឹងស្រ្តីនៅក្នុងសម័យសកលភាវូបនីយកម្ម ជំនាញទន់ជាច្រើនដូចជាការត្រិះរិះពិចារណា ការវិភាគ ការធ្វើការធ្វើជាក្រុម។ ជាពិសេសនោះ គឺទទួលបានមិត្តភាពដែលលើសពីពាក្យថា គូប្រកួត”។

ចំពោះការត្រៀមលក្ខណៈមុនប្រកួត រេតធីតា បានឱ្យដឹងថា មុននឹងប្រកួត គឺសិក្សាស្វែងយល់ដោយខ្លួនឯងតាមបណ្តាញអ៉ីនធឺណេត ពីតិចទិច និងមូលដ្ឋានគ្រឹះជជែកដេញដោល ព្រមទាំងសួរនាំទៅកាន់អ្នកណែនាំបន្ថែមឱ្យខ្លួន និងក្រុម យល់កាន់តែច្បាស់។ បន្ទាប់មក អំឡុងពេលប្រកួត ក្រុមបានប្រមូលឯកសារពាក់ព័ន្ធចាំបាច់នានាទុកនៅពេលមានតម្រូវការ និងព្យាយាមណាត់ជួបក្រុមឱ្យបានច្រើនតាមរយៈជួបផ្ទាល់ និងអនឡាញ ដើម្បីភាក្សាគ្នាឱ្យបានច្រើន លើសពីនេះ គឺការថែរក្សាសុខភាពឱ្យបានល្អ ចៀសវាងកុំឱ្យមានបញ្ហាសុខភាពកើតឡើងនៅពេលឡើងប្រកួត។

និស្សិត រេតធីតា បន្តថា៖ “បើនិយាយពី ចំណុចដែលជាចំណុចខ្លាំងពិសេសរបស់ក្រុមខ្ញុំ ខ្ញុំយល់ថា ពួកខ្ញុំទាំង៤នាក់ ហាក់ដូចជារូបផ្គុំ ដែលម្នាក់ៗមានចំណុចខ្លាំងរៀងខ្លួន ហើយមកបំពេញចន្លោះខ្វះខាតឱ្យគ្នា ដែលបង្កើតបានជាក្រុមមួយដែលមានគ្រប់លក្ខណៈសម្បត្តិ និងមានសក្តានុពល ដែលអាចយកឈ្នះមិត្តប្រកួតបាន”។

ក្នុងនាមខ្លួនជាបេក្ខជនមួយរូម និងជាអ្នកទទួលបានជ័យលាភីផងនោះ កញ្ញា រេតធីតា បានជំរុញទឹកចិត្តដល់យុវជនឯទៀត ចុះឈ្មោះក្នុងកម្មវិធីជជែកដេញដោលឱ្យបានច្រើន ដើម្បីទទួលបានចំណេះដឹង និងភាពក្លាហានបន្ថែម។ មួយវិញទៀត កញ្ញាលើកទឹកចិត្តឱ្យយុវជនមានភាពតស៊ូ កុំបោះបង់ចោលនូវភាពបរាជ័យ ពោល គឺត្រូវតែហ៊ានសាកល្បង ព្រោះនេះជាឱកាសដ៏ល្អ ប្រសិនជាទទួលបានជោគជ័យគឺជាលទ្ធផលមួយដ៏ល្អ ប៉ុន្តែ ប្រសិនជាមិនទទួលបានជោគជ័យ អាចចាត់ទុកជាបទពិសោធសម្រាប់រៀនសូត្រ និងពង្រឹងសមត្ថភាពនាឱកាសក្រោយទៀត។

សូមជម្រាបថា សមាជិកក្រុម ពុទ្ធនារីឬទ្ធិ មានសមាជិក៤នាក់ គឺ កញ្ញា ស៊ីថង រេតធីតា និស្សិតឆ្នាំទី៤ ជំនាញនីតិសាស្ត្រ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច, លោក នី ពិសិដ្ឋពង្ស និស្សិតឆ្នាំទី៤ ជំនាញទំនាក់ទំនងអន្តរជាតិ នៃសាកលវិទ្យាល័យប៊ែលធីអន្តរជាតិ, កញ្ញា ខុន សិរីវឌ្ឍនា ជានិស្សិតឆ្នាំទី២ ជំនាញ English for Business Communication នៃសាកលវិទ្យាល័យបញ្ញាសាស្រ្ត និងកញ្ញា ឈាង ម៉ីនាង ជានិស្សិតឆ្នាំទី១ ជំនាញវិស្វករ នៃវិទ្យាស្ថានបច្ចេកវិទ្យាកម្ពុជា។

គួររម្លឹកថា ការប្រកួតជជែកដេញដោល«ទស្សនៈយុវជន» រដូវកាលទី៥នេះ ត្រូវបានសហការរៀបចំឡើងដោយ NGO-CEDAW និង RULErs។  មុននឹងឈានមកដល់វគ្គនេះ បេក្ខជនបានឆ្លងកាត់ការបណ្តុះបណ្តាលពីអ្នកជំនាញទាំងផ្នែកនិយាយជាសាធារណៈ និងការជជែកដេញដោល ព្រមទាំងប្រធានបទដែលពាក់ព័ន្ធនឹងស្រ្តី៕

The post ម្ចាស់ជ័យលាភី៖ កម្មវិធីជជែកដេញដោលជួយពង្រឹងសមត្ថភាព និងបង្កើនចំណេះដឹងបន្ថែមដល់យុវជន appeared first on Kampuchea Thmey Daily.

សូមជម្រាបថា និស្សិត៤ក្រុម កាលពីថ្ងៃទី ២៥ ឧសភា ២០២៥ បានប្រកួតនៅវគ្គពាក់កណ្តាលផ្តាច់ព្រ័ត្រ ក្រោមប្រធានបទពីរផ្សេងគ្នាគឺ ប្រធានបទទី១ «ការមិនអនុវត្តនូវក្រមសីលធម៌វិជ្ជាជីវៈអ្នកសារព័ត៌មានជាកត្តាជំរុញឱ្យកើនឡើងនូវវប្បធម៍ស្តីបន្ទោសជនរងគ្រោះ» និងប្រធានបទទី២ «ការកើនឡើងនៃការប្រើប្រាស់បណ្តាញសង្គមជាកត្តាជំរុញនាំឱ្យមានផលប៉ះពាល់ដល់ស្ត្រីជាជាងជួយស្ត្រី» ។ ការប្រកួតនេះ មានការចូលរួមពីអាណាព្យាបាលនៃបេក្ខជន អតីតបេក្ខជននៃ«ទស្សនៈយុវជន» រដូវកាលមុនៗ ព្រមទាំងសាធារណៈជនទូទៅ ដែលភាគច្រើនជាសិស្សវិទ្យាល័យ និងនិស្សិត។

លោក ឯក ពុទ្ធពិសិដ្ឋ ដែលជាប្រធានគម្រោងទស្សនៈយុវជនរដូវកាលទី៥ បានប្រាប់ កម្ពុជាថ្មី ថា  បេក្ខជនទាំង៤ក្រុម បានបញ្ចេញសមត្ថភាព និងចំណេះដឹងពីការស្រាវជ្រាវលើប្រធានបទបានយ៉ាងសកម្ម ដែលធ្វើឱ្យទស្សនិកជនទាំងក្នុងការផ្សាយផ្ទាល់ និងសាធារណជនដែលចូលរួមផ្ទាល់នៅទីតាំង គាំទ្រនូវការបញ្ចេញសម្លេងរបស់ពួកគេ ដែលពោរពេញទៅដោយភាពក្លាហាន និងប្រើប្រាស់ទឡ្ហីករណ៍ដោយមានឯកសារយោងជាច្រើន។

លោកបន្តថា ក្រោយការបញ្ចេញសមត្ថភាពរវាងក្រុមទាំង៤ និងការវាយតម្លៃរបស់គណៈកម្មការដែលមានបទពិសោធន៍ទាំងបីរូប ជាលទ្ធផលនៃការប្រកួតនៅវគ្គពាក់កណ្តាលផ្តាច់ព្រ័ត្រនេះ ក្រុម ពុទ្ធនារីឬទ្ធី និងក្រុម មេរ៉ាសម្បយោគបញ្ច បានឈានទៅដល់វគ្គផ្តាច់ព្រ័ត្រ ដែលនឹងប្រព្រឹត្តទៅនៅថ្ងៃទី ១៥ ខែមិថុនា ២០២៥។

គួររម្លឹកថា ការប្រកួតជជែកដេញដោល«ទស្សនៈយុវជន» រដូវកាលទី៥នេះ ត្រូវបានសហការរៀបចំឡើងដោយ NGO-CEDAW និង RULErs។  មុននឹងឈានមកដល់វគ្គនេះ បេក្ខជនបានឆ្លងកាត់ការបណ្តុះបណ្តាលពីអ្នកជំនាញទាំងផ្នែកនិយាយជាសាធារណៈ និងការជជែកដេញដោល ព្រមទាំងប្រធានបទដែលពាក់ព័ន្ធនឹងស្រ្តី។ ក្រោយការបានប្រធានបទជជែកដេញដោល បេក្ខជនបានទទួលបានការណែនាំពីអ្នកណែនាំរបស់ខ្លួន ដែលជាអតីតជ័យលាភីប្រកួតនាឆ្នាំកន្លងមកផងដែរ៕

The post និស្សិត២ក្រុម ឈានដល់វគ្គផ្តាច់ព្រ័ត្រជជែកដេញដោល «ស្ត្រី និងសកលភាវូបនីយកម្ម» នៅខែក្រោយ appeared first on Kampuchea Thmey Daily.

កញ្ញា តាំង មុយលាង អ្នកដឹកនាំគម្រោងកម្មវិធីប្រកួតជជែកដេញដោល «ទស្សនៈយុវជន»ប្រចាំឆ្នាំ២០២៥ បានប្រាប់ កម្ពុជាថ្មី ថា រដូវកាលទី៥នេះ កម្មវិធីជជែកដេញដោលផ្តោតលើមូលបទ «ស្រ្តី និងសកលភាវូបនីយកម្ម» ក្រោមការសហការរៀបចំរវាង NGO-CEDAW និង RULErs ។ កញ្ញាបន្តថា មកដល់ពេលនេះ បេក្ខជន ៤ក្រុម បានឈានមកដល់ដំណាក់កាលវគ្គពាក់កណ្តាលផ្តាច់ព្រ័ត្រ គឺក្រុម ស្រ្តីសកលឬទ្ធិពល, មេរ៉ាសម្បយោគបញ្ច , សណ្តែកក្រហម, និង ពុទ្ធនារីឬទ្ធី ដែលក្នុងចំណោម ៤ ក្រុមនេះ មានតែពីរក្រុមប៉ុណ្ណោះអាចឈានទៅកាន់វគ្គផ្តាច់ព្រ័ត្របាន។

បើតាមប្រធានគម្រោង បានឱ្យដឹងថា ការប្រកួតក្នងវគ្គពាក់កណ្តាលផ្តាច់ព្រ័ត្រនេះ ក្រុមទាំង៤ នឹងជជែកដេញដោលទៅលើប្រធានបទពីរផ្សេងគ្នា។ ប្រធានបទទី១ «ការមិនអនុវត្តនូវក្រមសីលធម៌វិជ្ជាជីវៈអ្នកសារព័ត៌មានជាកត្តាជំរុញឱ្យកើនឡើងនូវវប្បធម៍ស្តីបន្ទោសជនរងគ្រោះ» ជាការប្រកួតរវាងក្រុម ស្រ្តីសកលឬទ្ធិពល ជាមួយ ក្រុម មេរ៉ាសម្បយោគបញ្ច។ ប្រធានបទទី២ «ការកើនឡើងនៃការប្រើប្រាស់បណ្តាញសង្គមជាកត្តាជំរុញនាំឱ្យមានផលប៉ះពាល់ដល់ស្ត្រីជាជាងជួយស្ត្រី» ជាការប្រកួតរវាងក្រុម សណ្តែកក្រហម និង ក្រុម ពុទ្ធនារីឬទ្ធី។ ក្នុងចំណោមទាំងបួនក្រុមខាងលើ នឹងត្រូវជម្រុះយកតែពីរក្រុមប៉ុណ្ណោះដើម្បីឈានទៅកាន់វគ្គផ្តាច់ព្រ័ត្រ។

នៅក្នុងការជជែកដេញដោលវគ្គពាក់កណ្ដាលផ្ដាច់ព្រ័ត្រ «ទស្សនៈយុវជន» រដូវកាលទី៥ នឹងមានការចូលរួមដាក់ពិន្ទុដោយគណៈកម្មការវាយតម្លៃ៣រូប កញ្ញា ហេង បូដាលីន លោក ងួន វ៉ាយុ និង លោកស្រី អេង ចាន់ឌី។ គណៈកម្មការទាំង៣រូប សុទ្ធតែជាអ្នកដែលមានបទពិសោធន៍ពាក់ព័ន្ធជាមួយនឹងស្រ្តី ផ្នត់គំនិតយេនឌ័រ ការងារសង្គម និងបច្ចេកទេសនៅក្នុងការជជែកដេញដោល។

ការប្រកួតនេះនឹងប្រព្រឹត្តទៅនៅថ្ងៃទី ២៥ ឧសភា ២០២៥ ដែលនឹងធ្វើនៅទីតាំង Anik Palace Hotel ចាប់ពីម៉ោង ១រសៀល ដល់ម៉ោង ៥ ល្ងាច។ ប្រសិនបើមានចំណាប់អារម្មណ៍ក្នុងការចុះឈ្មោះ សូមចូលទៅកាន់តំណភ្ជាប់ចុះឈ្មោះឱ្យបានរួសរាន់ ព្រោះចំនួនមានកំណត់។ តំណភ្ជាប់ចុះឈ្មោះ (https://docs.google.com/…/1FAIpQLSezuxtyPDd7xI…/viewform ) ។

កញ្ញា មុយលាង បានបន្តរៀបរាប់ថា ទម្រាំមកដល់វគ្គពាក់កណ្តាលផ្តាច់ព្រ័ត្រនេះ បេក្ខជនទាំង ១៦ រូប បានឆ្លងកាត់ដំណាក់កាលជាច្រើនដូចជា ការដាក់ពាក្យអនឡាញ ការសម្ភាស ការបណ្តុះបណ្តាលពីរលើក ដែលណែនាំពីមូលបទនៃការប្រកួតនៅឆ្នាំនេះ ព្រមទាំងតិចនិចក្នុងការនិយាយជាសាធារណៈក្នុងនាមជាអ្នកជជែកដេញដោលផងដែរ ដែលត្រូវបានបណ្តុះបណ្តាលដោយអ្នកដែលមានបទពិសោធន៍ដូចជា បុគ្គលិកនៃ NGO-CEDAW អ្នកនាង សៀក ពេជ្ររចនា និងលោក ងួន វ៉ាយុ ដែលជាអ្នកមានបទពិសោធន៍ និងទទួលបានជ័យលាភីក្នុងការប្រកួតជាច្រើនទាំងកម្មវិធីថ្នាក់ជាតិ។

គួរបញ្ជាក់ផងដែរថា ឆ្នាំនេះជាលើកទី៥ហើយដែលក្រុមការងារ RULErs និង NGO-CEDAW បានសហការគ្នាក្នុងការរៀបចំការប្រកួតជជែកដេញដោលលើប្រធានបទជុំវិញសិទ្ធស្រ្តី និងសមភាពយេនឌ័រ៕

The post និស្សិត៤ក្រុម នឹងចូលរួមប្រកួតជជែកដេញដោលវគ្គពាក់កណ្តាលផ្តាច់ព្រ័ត្រ ក្រោមមូលបទ «ស្រ្តី និងសកលភាវូបនីយកម្ម» appeared first on Kampuchea Thmey Daily.

សម្រាប់គោលបំណងដែលជ្រើសយកប្រធានបទ «ស្ត្រី និងសកលភាវូបនីយកម្ម» អ្នកនាង គ្រី លីតា សហស្ថាបនិកនៃ RULErs បានឱ្យ កម្ពុជាថ្មី ដឹងថា ការរើសយកប្រធានបទនេះ ព្រោះមើលឃើញថា បច្ចុប្បន្ន មានលំហូរចូលវប្បធម៌ និងផ្នត់គំនិតពីបរទេសច្រើន ជាពិសេស ផ្នត់គំនិតរបស់ស្ត្រី និងក្មេងស្រីសព្វថ្ងៃ ក៏ទទួលឥទ្ធិពលពីសកលលោកមកដែរ តាមរយៈការគិតបានវែងឆ្ងាយ ហ៊ានក្នុងការសម្រេចចិត្ត និងរើសគូជីវិតដោយខ្លួនឯង និងបញ្ឈប់ការគិតថា ស្រ្តីវិលចង្ក្រាន្តមិនជុំ ដូចពីមុនទៀត។  

ចំពោះលក្ខខណ្ឌចូលរួមប្រកួតប្រជែងមានដូចជា ជានិស្សិតកំពុងសិក្សាថ្នាក់បរិញ្ញាបត្រ, ជាអ្នកមានទីលំនៅបច្ចុប្បន្នក្នុងទីក្រុងភ្នំពេញ, មានការយល់ដឹងមូលដ្ឋានក្នុងការនិយាយជាសាធារណៈ និងការជចែកដេញដោល, មានចំណាប់អារម្មណ៍ក្នុងការយល់ដឹង រៀនសូត្របន្ថែមពីបញ្ហាពាក់ព័ន្ធនឹងយេនឌ័រនៅក្នុងប្រទេសកម្ពុជា និងមានការប្តេជ្ញាខ្ពស់ចូលរួមវគ្គបណ្តុះបណ្តាលនានាដែលកម្មវិធីបានរៀបចំ។ សម្រាប់ការដាក់ពាក្យ អាចស្គេនតាម QR Code ខាងក្រោម។

អ្នកនាង គ្រី លីតា បានបន្ថែមថា ស្ត្រី មានភាពក្លាហានច្រើនជាងមុន ក្នុងការជជែកដេញដោលជាសាធារណៈ បើប្រៀបធៀបនឹងរដូវកាលមុនៗ ពោល គឺចាប់ពីរដូវកាលទី១ ដល់រដូវកាលទី៤ ឃើញថា ស្ត្រីដាក់ពាក្យចូលរួមប្រកួតដេញដោលជាមួយទស្សនៈយុវជនកើនឡើងច្រើនជាងបុរស។  អ្នកនាងបញ្ជាក់ថា យុវជនមួយចំនួន មានបទពិសោធក្នុងការជជែកដេញដោលស្រាប់ ឯមួយចំនួននៅមិនទាន់មានភាពក្លាហានគ្រប់គ្រាន់នោះទេ ប៉ុន្តែពួកគេមានឆន្ទៈក្នុងការចូលរួមប្រកួត គួបផ្សំជាមួយនឹងការចូលរួមវគ្គបណ្តុះបណ្តាលជាមួយ ទស្សនៈយុជន ក្នុងកម្មវិធីជជែកដេញដោល ជំរុញឱ្យពួកគេមានភាពក្លាហាន និយាយជាសាធារណៈជុំវិញផ្នត់គំនិតយេនឌ័រ។

គួរបញ្ជាក់ថា RULErs និង NGO-CEDAW បានសហការគ្នា រៀបចំកម្មវិធីជជែកដេញដោល «ទស្សនៈយុវជន – Youth’s Perspectives» តាំងពីឆ្នាំ២០២១មកម្ល៉េះ ក្រោយពេលដែល RULErs បានលេចចេញជារូបរាងឡើងដោយអតីតនិស្សិតចំនួន៥រូបផ្តួចផ្តើម។ គិតមកដល់ពេលនេះ ឆ្នាំនេះគឺជារដូវកាលទី៥ នៃការប្រកួតដេញដោលនេះ ដោយម្ចាស់ជ័យលាភី នឹងត្រូវជ្រើសរើសក្លាយជាអ្នកបណ្តុះបណ្តាលដល់បេក្ខជនប្រកួតជំនាន់ក្រោយ ដើម្បីពង្រឹងសមត្ថភាពបន្ថែមដល់បេក្ខជនប្រកួតលើប្រធានបទដែលកម្មវិធីដាក់ជូន៕

អត្ថបទ៖ អុន ស្រីមាន

The post ឱកាសថ្មី សម្រាប់និស្សិតជជែកដេញដោលជាសាធារណៈលើប្រធានបទទាក់ទងនឹងផ្នត់គំនិតយេនឌ័រ appeared first on Kampuchea Thmey Daily.

កញ្ញា ណន ស្រីនិច ជានិសិត្សឆ្នាំទី៤ ជំនាញអក្សរសាស្ត្រអង់គ្លេស នៃវិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ តំណាងឱ្យក្រុម “នារីបញ្ចយុទ្ធ” បានឱ្យ “កម្ពុជាថ្មី” ដឹងថាក្រុមរបស់ខ្លួនបានខិតខំយ៉ាងខ្លាំង ទាំងការស្រាវជ្រាវឯកសារនានាទាក់ទងនឹងប្រធានបទ ការហ្វឹកហាត់ និងផែនការសម្រាប់ទប់ទល់ជាមួយគូប្រជែង។ នៅពីក្រោយភាពជោគជ័យនេះ ក្រុម “នារីបញ្ចយុទ្ធ” មានយុទ្ធសាស្រ្ត២។ ទី១ គឺការត្រៀមខ្លួនទុកជាមុន ដោយសិក្សាពីប្រធានបទឱ្យបានស៊ីជម្រៅ ពង្រឹងខ្លួនឱ្យរឹងមាំ បន្ទាប់មករៀបចំខ្លឹមសារឱ្យបានល្អ និងមានប្រភពច្បាស់លាស់ សមស្រប ដោយត្រៀមទឡ្ហីករណ៏គ្រប់គ្រាន់សម្រាប់បកស្រាយឱ្យមានភាពទាក់ទាញជាមួយនឹងការហាត់សមនិយាយឱ្យបានច្រើន។ ចំណែក យុទ្ធសាស្ត្រទី២ គឺ ការសហការគ្នាជាក្រុម ដែលជារឿងមួយចាំបាច់បំផុត។ ការប្តេជ្ញាខ្ពស់ពីសមាជិកម្នាក់ៗដើម្បីយកឈ្នះលើការប្រកួត ពោល គឺការខិតខំឱ្យអស់ពីសមត្ថភាពចំពោះការប្រកួតមួយនេះ។ លើសពីនេះ ក៏មានការបែងចែកពេលវេលាបានត្រឹមត្រូវ និងច្បាស់លាស់ផងដែរ។ មួយវិញទៀត ទាមទារឱ្យសមាជិកក្រុមមិនដាក់សម្ពាធលើគ្នា មិនបន្ទោសគ្នាទៅវិញទៅមក និងជួយកែតម្រូវចំណុចខ្វះខាតគ្នា ដើម្បីឆ្ពោះទៅរកភាពល្អប្រសើរ។

បើនិយាយពីប្រធានបទនៃការប្រកួតវិញ និស្សិត ណន ស្រីនិច យល់ថា ជាប្រធានបទមួយដែលសំខាន់ខ្លាំងសម្រាប់សាធារណជន និងជាសារមួយក្នុងការឱ្យយុវជនខ្មែរទទួលបានចំណេះដឹងបន្ថែមពីបញ្ហាស្ត្រី និងយេនឌ័រក្នុងសម័យបច្ចុប្បន្ន។ សម្រាប់កញ្ញាផ្ទាល់ ជ័យជម្នះនេះពិតជាសំខាន់ណាស់សម្រាប់ខ្លួន និងក្រុម ហើយក៏ជាចំណែកមួយដែលបានជួយដល់ស្ត្រីដូចគ្នា។ យុវតីរូបនេះ បញ្ជាក់ថា៖ “ខ្មុំស្រឡាញ់ជំនាញនិយាយជាសាធារណៈ និងជជែកដេញដោលនេះតាំងពីសិក្សារក្នុងវិទ្យាល័យ និង តាមរយះកម្មវីធីនេះ នាងខ្មុំមានឧកាសទទួលបានចំណេះដឹងបន្ថែមអំពីយេនឌ័រ ជាពិសេសនាងខ្មុំបានក្លាយជាសំឡេងនៃសមភាពយេនឌ័រ ចូលរួមដោះស្រាយបញ្ហាប្រឈម ដើម្បីលើក កម្ពស់សមភាពនិងសមធម៏យេនឌ័រ ហើយនេះជាកាតព្វកិច្ចមួយដែលនាងខ្មុំមានក្តីស្រមៃចង់បំពេញ”។

យុវតី ណន ស្រីនិច បានឱ្យដឹងថា នៅពេលដែលយុវជនខ្មែរ ជាពិសេសស្ត្រី មានចំណេះទាក់ទងនឹងយេនឌ័រ ពួកគេអាចប្រើប្រាស់ចំណេះដឹងនោះមកអភិវឌ្ឃន៏ខ្លួនឯង ប្រើប្រាស់សិទ្ធរបស់ខ្លួនក្នុងផ្លូវមួយត្រឹមត្រូវ និងសមភាព និងជាគំរូភាពក្នុងការផ្សព្វផ្សាយដល់យុវជនជំនាន់ក្រោយផងដែរ។ កញ្ញា ណន ស្រីនិច រួមទាំងក្រុមទាំងមូល លើកទឹកចិត្តឱ្យយុវជនខ្មែរចូលរួមការជែកដេញដោលសាធារណៈបែបនេះឱ្យបានច្រើន ព្រោះអាចជំរុញឱ្យពួកគេមានភាពក្លាហាន បង្កើនជំនាញនិយាយជាសាធារណៈ ការគិតបែបស៊ីជម្រៅ ការត្រិះរិះពិចារណា ការធ្វើការងារជាក្រុម និងជំនាញដោះស្រាយបញ្ហា ដែលជាតម្រូវការចាំបាច់ក្នុងសង្គមបច្ចុប្បន្ន។ ជាមួយគ្នានេះ ក៏ជួយឱ្យយុវជនអភិវឌ្ឍន៍ខ្លួនបានល្អ ទទួលបានឱកាសការងារច្រើន និងជាផ្នែកមួយជួយសង្គមផងដែរ។

សូមជម្រាបថា កាលពីថ្ងៃទី ២០ ខែតុលា ឆ្នាំ២០២៤ យុវជន២ក្រុម គឺក្រុមនារីបញ្ចយុទ្ធ និងក្រុមGen Z’s Genius ប្រកួតជជែកដេញដោលវគ្គផ្តាច់ព្រ័ត្រពីប្រធានបទ «តួនាទីយេនឌ័រ និងផ្នត់គំនិតសង្គម ជាមូលហេតុចម្បងនាំឱ្យមានវិសមភាពនៃការចូលរួមរបស់ស្រ្តីក្នុងវិស័យការងារ» ហើយក្រុមដែលទទួលបានជ័យលាភីលេខ១ក្នុងកម្មវិធី គឺក្រុម “នារីបញ្ចយុទ្ធ”។ យុវតីមួយក្រុមនេះ មានសមាជិក៤នាក់ មានដូចជា កញ្ញា ណន ស្រីនិច កញ្ញា ហោ វិចិត្រតា និស្សិតឆ្នាំទី៤ សិក្សាផ្នែកសេដ្ឋកិច្ច។ កញ្ញា ឬទ្ធី គឹមលី និសិត្សឆ្នាំទី៣ ជំនាញ សហគ្រិនភាពនិងនរវានុវត្តន៍ភាព និងកញ្ញា ហែម កណិកា និស្សិតឆ្នាំទី៣ ជំនាញនីតិសាស្ត្រ។

យ៉ាងណាមិញ នេះជាឆ្នាំទី៤ហើយ ដែលគម្រោងជជែកដេញដោល ទស្សនៈយុវជន ត្រូវបានរៀបចំឡើង ដោយ NGO-CEDAW និង RULErs ក្នុងគោលបំណងបង្វឹកសិស្សនិស្សិតពីការជជែកដេញដោល និងប្រធានបទពាក់ព័ន្ធនឹងសមភាពយេនឌ័រ៕ (ប្រភពរូបភាព៖ ទស្សនៈយុវជន)

ដោយ៖ អុន ស្រីមាន

The post យុវតីក្រុម “នារីបញ្ចយុទ្ធ” មានយុទ្ធសាស្ត្រសំខាន់២ ក្នុងការក្លាយជាម្ចាស់ជ័យលាភីជជែកដេញដោលទាក់ទងនឹងបញ្ហាស្ត្រី appeared first on Kampuchea Thmey Daily.

តាមទំព័រហ្វេសប៊ុករបស់ ទស្សនៈយុវជន បានឱ្យដឹងថា យុវជន២ក្រុមបានជាប់ជ័យលាភីនៅវគ្គពាក់កណ្តាលផ្តាច់ព្រ័ត្រ គឺក្រុមនារីបញ្ចយុទ្ធ និងក្រុមGen Z’s Genius ដែលបានប្រកួតជាមួយនឹងក្រុមឃ្មុំមាលា និងស្រមោចក្រហមកាលពីថ្ងៃ២៩ កញ្ញា កន្លងផុតទៅ។ ក្រុមទាំង២ បានឆ្លងកាត់វគ្គបណ្តុះបណ្តាលការជជែកដេញដោល ក៏ដូចជាការបណ្តុះបណ្តាលពាក់ព័ន្ធនឹងមូលបទ ស្រ្តី និងផ្នត់គំនិតយេនឌ័រសតវត្សទី២១ ដែលត្រូវបានរៀបចំដោយ NGO-CEDAW និង RULErs ដោយមានការចូលរួមចែករំលែកពីអ្នកដែលមានបទពិសោធន៍ក្នុងវិស័យជជែកដេញដោលផ្ទាល់ដើម្បីឱ្យបេក្ខជនមានសមត្ថភាពទាំងក្នុងការជជែកដេញដោល និងប្រធានបទ ដែលនាំឱ្យការជជែក និងការប្រកួតរបស់ពួកគេពោរពេញទៅដោយខ្លឹមសារអត្ថន័យ ព្រមទាំងសមត្ថភាពមកទាំងព្រមតែម្តង។

ក្រោយពីឈ្នះការប្រកួតវគ្គមុនៗ និងត្រៀមខ្លួនអស់រយៈពេលជាង៣សប្តាហ៍ ក្រុមនារីបញ្ចយុទ្ធ និងក្រុម Gen Z’s Genius នឹងប្រកួតនៅវគ្គផ្តាច់ព្រ័ត្រដែលជជែកពីប្រធានបទខាងលើនៅថ្ងៃទី ២០ ខែតុលា ២០២៤ វេលាម៉ោង ១:00 រសៀល។ ការប្រកួតនេះ ក៏អនុញ្ញាតឱ្យសាធារណជនចុះឈ្មោះចូលរួមដោយសេរីតាមរយៈតំណភ្ជាប់៖ ​ https://forms.gle/9HMDPs3ALKzVvxYRA ផងដែរ ។

នៅវគ្គផ្តាច់ព្រ័ត្រនេះ​ បេក្ខជនដែលបានជ័យលាភី នឹងទទួលបានរង្វាន់លើកទឹកចិត្ត និងលិខិតបញ្ជាក់ពីការចូលរួមប្រកួត ដែលនឹងមានវត្តមានបេក្ខជនទាំងអស់ក្នុងទស្សនៈយុវជន និងអ្នកចូលរួមដែលមានបំណងក្នុងការចូលរួមគាំទ្រយុវជនក្នុងការជជែកដេញដោលពាក់ព័ន្ធនឹងសមភាពយេនឌ័រ។

ចំពោះ ការប្រកួតវគ្គផ្តាច់ព្រ័ត្រនេះក៏មានការចូលរួមវាយតម្លៃដោយគណៈកម្មការដែលមានជំនាញក្នុងការជជែកដេញដោលព្រមទាំងអ្នកដែលធ្វើការពាក់ព័ន្ធនឹងសមភាពយេនឌ័រដែលមាន អ្នកស្រី ផាន់ គីមហុង ជានាយិកានៃមជ្ឈមណ្ឌលភាសាអេអាយអាយ , លោក សុគន្ធ សុខា ដែលជានាយកមកពីសាលាបង្រៀនគួរគុណវឌ្ឍន៍  និង ពេជ្រ ភារក្ស ដែលមកពីអង្គការក្លាហាន។

គួរបញ្ជាក់ថា នេះជាឆ្នាំទី៤ហើយដែលគម្រោងជជែកដេញដោល ទស្សនៈយុវជន ត្រូវបានរៀបចំឡើង ដោយ NGO-CEDAW និង RULErs ក្នុងគោលបំណងបង្វឹកសិស្សនិស្សិតពីការជជែកដេញដោល និងប្រធានបទពាក់ព័ន្ធនឹងសមភាពយេនឌ័រ ដែលចុងក្រោយ បេក្ខជននឹងបង្ហាញវត្តមានក្នុងការប្រកួតនៅលើឆាកចំនួនពីរលើកដើម្បីស្វែងរកម្ចាស់ជ័យលាភីលេខ ១ និងលេខ ២ នៅវគ្គផ្តាច់ព្រ័ត្រ៕

The post យុវជន២ក្រុម នឹងប្រកួតជជែកដេញដោលវគ្គផ្តាច់ព្រ័ត្រស្តីពី «ស្រ្តី និងផ្នត់គំនិតយេនឌ័រក្នុងសតវត្សទី២១» appeared first on Kampuchea Thmey Daily.

បើតាមក្រុមការងារ RULErs បានឱ្យដឹងថា កម្មវិធីប្រកួតជជែកដេញដោល «ទស្សនៈយុវជន» រដូវកាលទី៤ ផ្តោតលើមូលបទ «ស្រ្តី និងផ្នត់គំនិតយេនឌ័រក្នុងសតវត្សទី២១» ដែលត្រូវបានសហការរៀបចំរវាង NGO-CEDAW និង RULErs ។ មកដល់ពេលនេះ បេក្ខជន បានឈានមកដល់ដំណាក់កាលវគ្គពាក់កណ្តាលផ្តាច់ព្រ័ត្រ ដែលមានបេក្ខជន ៤ក្រុម គឺក្រុម ឃ្ញុំមាលា, នារីបញ្ចយុទ្ធ, GEN Z’S GENIUS, និងក្រុមស្រមោចក្រហម ដែលក្នុងចំណោម ៤ ក្រុមនេះ មានតែពីរក្រុមប៉ុណ្ណោះនឹងឈានទៅកាន់វគ្គផ្តាច់ព្រ័ត្រ។

ប្រភពដដែលបន្តថា ប្រធានបទដែលលើកយកមកប្រកួតនៅវគ្គពាក់កណ្តាលផ្តាច់ព្រ័ត្រមានពីរធំៗ ដែលនឹងមានការប្រកួតពីរគូផ្សេងគ្នា។ ក្រុមឃ្មុំមាលា និងក្រុម GEN Z’S GENIUSនឹងប្រកួតគ្នាជជែកដេញដោលលើប្រធានបទ «ការកំណត់ចំនួនកូតាស្រ្តី និងអ្នកមានអត្តសញ្ញាណយេនឌ័រចម្រុះក្នុងវិស័យការងារជាកាតាលីករឱ្យមានសមភាពយេនឌ័រក្នុងសង្គម»។ ចំណែកឯក្រុមនារីបញ្ចយុទ្ធ និងក្រុមស្រមោចក្រហម នឹងប្រកួតគ្នាលើប្រធានបទ «ការបង្កើនចំនួនស្រ្តីក្នុងតួនាទីដឹកនាំ និងសម្រេចចិត្តគឺជាកត្តាដ៏មានប្រសិទ្ធភាពក្នុងការកសាងសង្គមដែលមិនមានការរើសអើងផ្អែកលើយេនឌ័រ»។

ទម្រាំមកដល់វគ្គពាក់កណ្តាលផ្តាច់ព្រ័ត្រនេះ បេក្ខជនទាំង៤ក្រុម សរុបមានបេក្ខជន១៦ រូប បានឆ្លងកាត់ដំណាក់កាលជាច្រើនដូចជា ការដាក់ពាក្យតាមអនឡាញ ការសម្ភាស ការបណ្តុះបណ្តាលពីរលើក ដែលណែនាំពីមូលបទនៃការប្រកួតនៅឆ្នាំនេះ ព្រមទាំងវិធីសាស្ត្រក្នុងការនិយាយជាសាធារណៈក្នុងនាមជាអ្នកជជែកដេញដោលផងដែរ។ ចំពោះការណែនាំ គឺត្រូវបានបណ្តុះបណ្តាលដោយអ្នកដែលមានបទពិសោធន៍ដូចជា បុគ្គលិកនៃ NGO-CEDAW អ្នកនាង សៀក ពេជ្ររចនា និងលោក ងួន វ៉ាយុ ដែលជាអ្នកមានបទពិសោធន៍ និងទទួលបានជ័យលាភីក្នុងការប្រកួតជាច្រើនទាំងកម្មវិធីថ្នាក់ជាតិ។

នៅក្នុងការជជែកដេញដោលវគ្គពាក់កណ្ដាលផ្ដាច់ព្រ័ត្រ «ទស្សនៈយុវជន» រដូវកាលទី៤  នឹងមានការចូលរួមដាក់ពិន្ទុដោយគណៈកម្មការជំនាញ៣រូប ក្នុងការវាយតម្លៃ គឺ កញ្ញា អយ ម៉ារីនី លោក សោម ទីណា និង សុទ្ធ ពៅសំណាង។ គណៈកម្មការទាំង៣រូប សុទ្ធតែជាអ្នកដែលមានបទពិសោធន៍ពាក់ព័ន្ធជាមួយនឹងស្រ្តី ផ្នត់គំនិតយេនឌ័រ ការងារសង្គម និងបច្ចេកទេសនៅក្នុងការជជែកដេញដោល។

ការប្រកួតនេះនឹងប្រព្រឹត្តទៅនៅថ្ងៃទី ២៩ កញ្ញា ២០២៤ ដែលនឹងធ្វើនៅទីតាំង Poulo Wai Hotel & Apartments ចាប់ពីម៉ោង ១ថ្ងៃត្រង់ ដល់ម៉ោង ៦ ល្ងាច។ ប្រសិនបើមានចំណាប់អារម្មណ៍ក្នុងការចុះឈ្មោះ សូមចូលទៅកាន់តំណភ្ជាប់ចុះឈ្មោះឱ្យបានរួសរាន់ ព្រោះចំនួនមានកំណត់។ គួរបញ្ជាក់ផងដែរថា ឆ្នាំនេះជាលើកទី៤ហើយដែលក្រុមការងារ RULErs និង NGO-CEDAW បានសហការគ្នាក្នុងការរៀបចំការប្រកួតជជែកដេញដោលលើប្រធានបទជុំវិញសិទ្ធស្រ្តី និងសមភាពយេនឌ័រ៕

The post បេក្ខជន ៤ក្រុមនឹងប្រកួតជជែកដេញដោលពីបញ្ហាស្ត្រី និងយេនឌ័រនៅចុងខែនេះ appeared first on Kampuchea Thmey Daily.