ក្នុងកិច្ចប្រជុំត្រួតពិនិត្យការងារគ្រប់គ្រងមណ្ឌលអប់រំកែប្រែ និងពន្ធនាគាររាជធានី-ខេត្ត នៅព្រឹកថ្ងៃនេះ លោកឧត្ដមអគ្គានុរក្សលេខ១ ឈន សាណាត បានណែនាំដល់មន្ដ្រីពន្ធនាគារទាំងអស់ ត្រូវអនុវត្តនូវវិធានាការនានាឱ្យបានម៉ឺងមាត់ក្នុងការគ្រប់គ្រងពន្ធនាគារឱ្យកាន់តែមានប្រសិទ្ធភាព។ នៅក្នុងនោះ ឧត្ដមអគ្គានុរក្សលេខ១រូបនេះ បានណែនាំឱ្យមន្ដ្រីពន្ធនាគាររាជធានី-ខេត្តទាំងអស់ ត្រូវឆែកឆេរឱ្យបានជាប់ជាប្រចាំចំពោះអ្នកចូលសួរសុខទុក្ខអ្នកជាប់ពន្ធនាគារ។

លោកអគ្គនាយកពន្ធនាគារ បានជំរុញឱ្យមន្ដ្រីពន្ធនាគារទាំងអស់ ត្រូវសហការឱ្យបានជាប់ជាប្រចាំជាមួយស្នងការដ្ឋាននគរបាលរាជធានី-ខេត្ត និងកម្លាំងកងរាជអាវុធហត្ថឱ្យបានជិតស្និទ្ធិ ដើម្បីធានាថា នៅពេលបញ្ជូនជនជាប់ឃុំ ទៅមន្ទីរពេទ្យ ឬទៅកាន់តុលាការ ប្រកបដោយសុវត្ថិភាព ដោយជៀសវាងកុំឱ្យមានការកើតឡើងករណីណាមួយជាយថាហេតុ។ ទន្ទឹមនឹងការពង្រឹងវិធានការទាំងនេះ ឧត្ដមអគ្គានុរក្សលេខ១ ឈន សាណាត ក៏បានផ្ដាំផ្ញើដល់មន្ដ្រីពន្ធនាគារ ត្រូវត្រួតពិនិត្យប្រព័ន្ធទឹក-ភ្លើង នៅជុំវិញអគារពន្ធនាគារឱ្យបានត្រឹមត្រូវ ជាពិសេសមន្ដ្រីពន្ធនាគារ ត្រូវធ្វើអនាម័យសម្អាតជាប្រចាំនៅបន្ទប់ឃុំ អគារឃុំ និងបរិវេនពន្ធនាគារ។

តែយ៉ាងណាមិញ លោកឧត្ដមអគ្គានុរក្សលេខ១ ឈន សាណាត ក៏បានថ្លែងអំណរគុណចំពោះមន្ដ្រីពន្ធនាគាររាជធានី-ខេត្ត និងអ្នកពាក់ព័ន្ធទាំងអស់ ដែលបានខិតខំប្រឹងប្រែងបំពេញការងារគ្រប់គ្រងនៅតាមពន្ធនាគារនីមួយៗ ក្នុងរយៈពេលកន្លងមក៕

The post មេពន្ធនាគារ បញ្ជាមន្ត្រីឱ្យឆែកឆេរឱ្យបានហ្មត់ ចត់ ពេលមានអ្នកចូលសួរសុខទុក្ខអ្នកជាប់ឃុំ appeared first on Kampuchea Thmey Daily.

ជាមួយគ្នានេះ លោក ឈន សាណាត ក៏បានណែនាំទៅដល់អគ្គនាយករង ទទួលបន្ទុកពន្ធនាគាររាជធានី-ខេត្ត និងប្រធានមណ្ឌលពន្ធនាគារទាំងអស់ ត្រូវណែនាំមន្ដ្រីក្រោមឱវាទ ឱ្យមានការយកចិត្តទុកដាក់បន្ថែមទៀត ចំពោះការគ្រប់គ្រងជនជាប់ឃុំ។

បន្ថែមពីនេះ លោក ឈន សាណាត ឧត្តមអគ្គានុរក្សថ្នាក់លេខ១ អគ្គនាយក នៃអគ្គនាយកដ្ឋានពន្ធនាគារ បានលើកឡើងថា ផ្អែកតាមស្មារតី នៃកិច្ចប្រជុំរបស់អគ្គនាយកដ្ឋានពន្ធនាគារ នាពេលកន្លងទៅនេះ តាមការសង្កេតរបស់ លោក អគ្គនាយក បានមើលឃើញថា លទ្ធផលតាមមណ្ឌលពន្ធនាគាររាជធានី-ខេត្ត ដែលបានអនុវត្ត គឺអាចទទួលយកបាន ហើយមានលទ្ធផលល្អប្រសើរ ពិសេសទៀតនោះ គ្រប់បណ្ដាលអង្គភាពពាក់ព័ន្ធទាំងអស់ ក៏មានការយកចិត្តទុកដាក់ ប្រកបដោយស្មារតីទទួលខុសត្រូវខ្ពស់ផងដែរ។

លើសនេះ លោក រី រ៉ន  ឧត្តមអគ្គានុរក្សថ្នាក់លេខ២ អនុប្រធាននាយកដ្ឋានរដ្ឋបាលសរុប បានផ្សព្វផ្សាយ ការបែងចែកតួនាទីភារកិច្ច និងការទទួលខុសត្រូវរបស់ អគ្គនាយករង នៃអគ្គនាយកដ្ឋានពន្ធនាគារ ដោយជួយការងារអគ្គនាយក តាមរយៈការផ្ដួចផ្ដើមផ្ដល់យោបល់លើការងារដឹកនាំ ការងារគ្រប់គ្រង តាមដាន និងជំរុញការអនុវត្តទិសដៅការងារ ផែនការសកម្មភាព ការងារនៅតាមនាយកដ្ឋានជំនាញទាំង៥ និងពន្ធនាគាររាជធានី-ខេត្ត តាមភារកិច្ចដែលបានបែងចែក។ ក្រៅពីភារកិច្ចដែលបានបែងចែកឱ្យទទួលខុសត្រូវខាងលើនេះ អគ្គនាយករង មានភារកិច្ចអនុវត្តការងារចាំបាច់ផ្សេងៗទៀត តាមការប្រគល់របស់អគ្គនាយក៕

ដោយ៖ ង៉ិល ណារ៉ាត់

The post បច្ចុប្បន្ន កម្ពុជាមានអ្នកកំពុងជាប់ឃុំជាង ៤ម៉ឺននាក់ appeared first on Kampuchea Thmey Daily.