ជនអន្តោប្រវេសន៍ Archives - Kampuchea Thmey Daily

ទូកដឹកជនអន្តោរប្រវេសន៍ជាង១០០នាក់លិចនៅសមុទ្រមេឌីទែរណេ ជាង៧០នាក់បាត់ខ្លួន

Rann Reuy — Sun, 05 Apr 2026 11:22:49 +0000

ទូកឈើដែលមានអ្នកដំណើរជាជនអន្តោរប្រវេសន៍ ១០៥នាក់ បានក្រឡាប់លិច បណ្តាលឲ្យមនុស្សប្រមាណ៧០នាក់បាត់ខ្លួន ហើយជាង៣០នាក់ត្រូវបានជួយសង្គ្រោះ។

យោងសេចក្តីរាយការណ៍ទាន់ហេតុការណ៍របស់ Al Jazeera មនុស្សជាង ៧០នាក់កំពុងបាត់ខ្លួននៅឡើយ បន្ទាប់ពីទូកឈើមួយគ្រឿងដែលដឹកជនអន្តោប្រវេសន៍ប្រហែល ១០៥នាក់ រួមមាន កុមារផងនោះ បានក្រឡាប់នៅក្នុងដែនទឹកក្រោមការគ្រប់គ្រងរបស់ក្រុមស្រាវជ្រាវនិងសង្គ្រោះ (SAR) នៃប្រទេសលីប៊ី។

អង្គការមិនមែនរដ្ឋាភិបាល Mediterranea Saving Humans បានឱ្យដឹងថា អ្នករស់រានមានជីវិតចំនួន ៣២នាក់ និងសាកសពពីរនាក់ត្រូវបានរកឃើញ។

The post ទូកដឹកជនអន្តោរប្រវេសន៍ជាង១០០នាក់លិចនៅសមុទ្រមេឌីទែរណេ ជាង៧០នាក់បាត់ខ្លួន appeared first on Kampuchea Thmey Daily.

ការស្តង់មតិ៖ ពលរដ្ឋអាមេរិក ៦៣% គាំទ្រឱ្យដកមន្រ្តីអន្តោប្រវេសន៍ចេញពីក្រុង Minneapolis

Minea Neu — Fri, 06 Feb 2026 06:41:50 +0000

ការស្ទង់មតិថ្មីមួយបានធ្វើឡើងនៅប៉ុន្មានថ្ងៃចុងក្រោយ បន្ទាប់ពីការបាញ់សម្លាប់បុគ្គលិកពេទ្យ លោក Alex Pretti ដោយភ្នាក់ងារមន្រ្តីអន្តោប្រវេសន៍នៅទីក្រុង Minneapolis រកឃើញថា ការអនុវត្តច្បាប់អន្តោប្រវេសន៍ និងគយ (ICE) កាន់តែអាក្រក់ទៅៗ។

មន្រ្តីអន្តោប្រវេសន៍អាមេរិក។ Reuters

យោងតាមការផ្សាយ ABC News, នៅថ្ងៃទី៥ ខែកុម្ភៈនេះ អ្នកចូលរួមបោះឆ្នោតក្នុងការស្ទង់មតិភាគច្រើនបានអំពាវនាវឱ្យដករដ្ឋមន្ត្រីក្រសួងសន្តិសុខ លោកស្រី Kristi Noem ដែលធ្វើការជិតស្និទ្ធជាមួយមន្រ្តីអនុវត្តច្បាប់អន្តោប្រវេសន៍ ចេញពីតំណែង។ ជាពិសេសជិតពាក់កណ្តាលនៃអ្នកបោះឆ្នោតនិយាយថា ពួកគេដឹងថា មនុស្សដែលកំពុងរស់នៅក្នុងរដ្ឋនេះ មានភាពភ័យខ្លាច ព្រោះតែគោលនយោបាយនិរទេសរបស់រដ្ឋបាល លោក ដូណាល់ ត្រាំ។

ការស្ទង់មតិដែលធ្វើឡើងដោយ សាកលវិទ្យាល័យឯកជន Quinnipiac ចេញផ្សាយកាលពីថ្ងៃពុធ បានរកឃើញថា ៦៣ភាគរយ នៃអ្នកបោះឆ្នោតមិនយល់ព្រមចំពោះការអនុវត្តច្បាប់អន្តោប្រវេសន៍ និងគយ (ICE)នោះទេ និង ៣៤ភាគរយយល់ព្រម ចំណែកការស្ទង់មតិដោយ Quinnipiac ដដែលក្នុងខែមករា មាន៥៧ភាគរយ មិនយល់ព្រម និង ៤០ភាគរយ បានយល់ព្រម។

លើសពីនេះ នៅក្នុងការស្ទង់មតិបានរកឃើញថា អ្នកបោះឆ្នោតចំនួន ៥៨ភាគរយ និយាយថា លោកស្រីរដ្ឋមន្ត្រីក្រសួងសន្តិសុខជាតិ គួរតែត្រូវបានដកចេញពីការងារ ហើយ ៦០ភាគរយ លើកឡើងមន្រ្តីអន្តោប្រវេសន៍ និងគយគួរតែដកខ្លួនចេញពីក្រុង Minneapolis ។ ការស្ទង់មតិនេះ ត្រូវបានធ្វើឡើង មុនពេលលោក Tom Homan បានប្រកាសកាលពីថ្ងៃពុធ ពីការដកភ្នាក់ងារមន្រ្តីអន្តោប្រវេសន៍ចំនួន ៧០០នាក់ ចេញពីរដ្ឋ Minnesota ។

លើសពីនេះ ជិតពាក់កណ្តាលនៃអ្នកបោះឆ្នោត ៤៧ភាគរយ បានលើកឡើងថាពួកគេស្គាល់មនុស្សដែលកំពុងរស់នៅក្នុងភាពភ័យខ្លាចដោយសារតែគោលនយោបាយនិរទេសរបស់រដ្ឋបាល លោក ដូណាល់ ត្រាំ នេះបើយោងតាម Quinnipiac ។

សរុបមក ៦២ភាគរយ នៃអ្នកបោះឆ្នោតនៅក្នុងការស្ទង់មតិរបស់ Quinnipiac បាននិយាយថាការបាញ់សម្លាប់ លោក Pretti គឺ មិនសមហេតុសមផលសោះឡើយ ចំណែក ៦១ភាគរយ លើកឡើងថា រដ្ឋបាល លោក ដូណាល់ ត្រាំ គ្មានភាពស្មោះត្រង់ចំពោះឧប្បត្តិហេតុ ដែលមន្រ្តីអន្តោប្រវេសន៍បានអនុវត្តនោះទេ៕

ប្រែសម្រួល៖ ណឺ មិនា

The post ការស្តង់មតិ៖ ពលរដ្ឋអាមេរិក ៦៣% គាំទ្រឱ្យដកមន្រ្តីអន្តោប្រវេសន៍ចេញពីក្រុង Minneapolis appeared first on Kampuchea Thmey Daily.

អាមេរិកដាក់ផែនការពង្រីកកន្លែងឃុំឃាំងចំណាយ៤៥ប៊ីលានដុល្លា ខណៈការបង្ក្រាបជនអន្តោប្រវេសន៍ក្តៅគគុក

Minea Neu — Wed, 04 Feb 2026 10:27:51 +0000

មន្ត្រីអនុវត្តច្បាប់សហរដ្ឋអាមេរិកកំពុងរុករកទីតាំងក្នុងទីក្រុង និងរដ្ឋនានានៅទូទាំងប្រទេស ដើម្បីធ្វើជាកន្លែងឃុំឃាំងជនអន្តោប្រវេសន៍ ខណៈដែលពួកគេដាក់ចេញនូវផែនការពង្រីកកន្លែងឃុំឃាំងដ៏ធំ ដោយគ្រោងចំណាយចំនួន៤៥ប៊ីលានដុល្លារ ដែលផ្តល់ហិរញ្ញប្បទានដោយស្របច្បាប់ កាត់បន្ថយពន្ធនាពេលថ្មីៗនេះរបស់ប្រធានាធិបតី លោក ដូណាល់ ត្រាំ។

មន្ត្រីអន្តោប្រវេសន៍កំពុងសម្តីធំជាមួយពលរដ្ឋ។ Reuters

យោងតាមភ្នាក់ងារ AP ឱ្យដឹងថា ជាមួយនឹងភាពតានតឹងខ្ពស់លើការអនុវត្តន៍ច្បាប់អន្តោប្រវេសន៍ តាមបណ្តារដ្ឋ និងមូលដ្ឋានមួយចំនួន មានការតវ៉ាប្រឆាំងនឹងការប៉ុនប៉ងរបស់រដ្ឋបាល លោក ដូណាល់ ត្រាំ ក្នុងការបញ្ជូនជនអន្តោប្រវេសន៍រាប់ពាន់នាក់ដែលកំពុងជាប់ឃុំនៅក្នុងពន្ធនាគារ មកក្បែរផ្ទះសំបែង និងសហគមន៍របស់ពួកគេ។

ការបាញ់ប្រហារដ៏សាហាវដោយមន្ត្រីអន្តោប្រវេសន៍ មកលើ លោកស្រី Renee Good និងលោក Alex Pretti នៅទីក្រុង Minneapolis ទទួលបានការយកចិត្តទុកដាក់លើការអនុវត្តច្បាប់អន្តោប្រវេសន៍ និងគយ (ICE) របស់សហរដ្ឋអាមេរិក ជាពិសេសបង្កើនការត្រួតពិនិត្យលើផែនការរបស់ខ្លួនសម្រាប់កន្លែងឃុំឃាំងថ្មី។

គួរឱ្យដឹងថា កន្លែងដែលមន្រ្តីអន្តោប្រវេសន៍ស្នើឡើង គឺនៅភាគខាងជើងនៃទីក្រុង Richmond នៃរដ្ឋ Virginia បានទាក់ទាញមនុស្សរាប់រយនាក់ តវ៉ាប្រឆាំងជាសាធារណៈកាលពីសប្តាហ៍មុន។

អ្នកស្រុកម្នាក់ឈ្មោះ Kimberly Matthews បានប្រាប់មន្ត្រីស្រុកថា៖ « អ្នកចង់ឱ្យសកម្មភាពដែលកំពុងកើតឡើងក្នុងរដ្ឋ Minnesota ធ្លាក់ទៅក្នុងសួនច្បារផ្ទះរបស់យើងឬ? ហើយកសាងមណ្ឌលឃុំខ្លួននោះនៅទីនេះមែនទេ? នោះអាចជាអ្វីនឹងកើតឡើង»។

តែយ៉ាងណា អភិបាលក្រុង Oklahoma និង Salt Lake ដែលអនុញ្ញាតឱ្យសាងសង់មណ្ឌលឃុំឃាំងរួចហើយ មានការព្រួយបារម្ភចំពោះទង្វើនេះយ៉ាងខ្លាំង។

អភិបាលក្រុងទាំងពីរបានប្រកាសកាលពីសប្តាហ៍មុនថាម្ចាស់អចលនទ្រព្យនឹងមិនលក់ ឬជួលកន្លែងរបស់ពួកគេសម្រាប់ការឃុំឃាំងជនអន្តោប្រវេសន៍ទេ។

ទន្ទឹមនឹងនេះ ស្ថាប័ននីតិប្បញ្ញត្តិនៅក្នុងរដ្ឋមួយចំនួនដែលដឹកនាំដោយបក្សប្រជាធិបតេយ្យ បានជំរុញពលរដ្ឋឱ្យរារាំង និងបញ្ឈប់សកម្មភាពរបស់ក្រុមមន្ត្រីអន្តោប្រវេសន៍ផងដែរ៕

ប្រែសម្រួល៖ ណឺ មិនា

The post អាមេរិកដាក់ផែនការពង្រីកកន្លែងឃុំឃាំងចំណាយ៤៥ប៊ីលានដុល្លា ខណៈការបង្ក្រាបជនអន្តោប្រវេសន៍ក្តៅគគុក appeared first on Kampuchea Thmey Daily.

អាហ្សង់ទីន ទំនងទទួលយកជនចំណាកស្រុកដែលបណ្តេញចេញពីអាមេរិក

Minea Neu — Sat, 31 Jan 2026 08:59:00 +0000

ក្រោយការវិលចូលកាន់អំណាចប្រធានាធិបតីសហរដ្ឋអាមេរិកលើកទី២ ប្រធានាធិបតីសហរដ្ឋអាមេរិក លោក ដូណាល់ ត្រាំ បានចេញគោលការណ៍ដ៏តឹងរឹងមួយ ក្នុងការបណ្តេញជនចំណាកស្រុកពីប្រទេសរបស់ខ្លួន ខណៈមានរបាយការណ៍ផ្សេងៗទៀតថា អាមេរិកពើបប្រទះនូវអត្រាចំនួនប្រជាជនធ្លាក់ចុះខ្លាំងជាលើកដំបូង។

លោក ត្រាំ និង លោក Javier Milei អំឡុងពេលមហាសន្និបាតអង្គការសហប្រជាជាតិលើកទី៨០ នៅទីក្រុង New York ។ Reuters

កាសែត New York Times បានរាយការណ៍កាលពីថ្ងៃទី ៣០ខែមករា ថាសហរដ្ឋអាមេរិក និងអាហ្សង់ទីន កំពុងស្ថិតក្នុងកិច្ចពិភាក្សាជាផ្លូវការមួយ ដើម្បីចុះហត្ថលេខាលើកិច្ចព្រមព្រៀង ដែលអនុញ្ញាតឱ្យសហរដ្ឋអាមេរិក អាចនិរទេសជនអន្តោប្រវេសន៍ពីប្រទេសរបស់ខ្លួន ទៅកាន់ប្រទេសអាមេរិកខាងត្បូងមួយនេះ។

យោងតាមរបាយការណ៍មួយឱ្យដឹងថា មន្ត្រីរដ្ឋាភិបាលអាហ្សង់ទីនម្នាក់បានដាក់សំណើ កាលពីដើមខែនេះ ដើម្បីបញ្ចប់កិច្ចព្រមព្រៀងប្រទេសទីបីជាមួយសហរដ្ឋអាមេរិក។

តែយ៉ាងណា អ្នកនាំពាក្យក្រសួងការបរទេសអាមេរិក និងក្រសួងការបរទេសអាហ្សង់ទីនបានបដិសេធមិនធ្វើអត្ថាធិប្បាយលើកិច្ចព្រមព្រងនេះ ជាមួយសារព័ត៌មានរ៉យទ័រនៅឡើយ។

មិនតែប៉ុណ្ណោះ កិច្ចព្រមព្រៀងប្រទេសទីបីជាមួយអាហ្សង់ទីន និងប្រធានាធិបតី លោក ដូណាល់ ត្រាំ នឹងជំរុញឱ្យមានការនិរទេសជនអន្តោប្រវេសន៍រាប់លាននាក់ ពីសហរដ្ឋអាមេរិកដោយខុសច្បាប់។

រដ្ឋបាលរបស់ លោក ដូណាល់ ត្រាំ មានគោលបំណងបង្កើនការនិរទេសចេញទៅកាន់ប្រទេសទីបី រួមទាំង Sudan ខាងត្បូង, Eswatini, El Salvador, Costa Rica និង Panama ។

ខណៈប្រទេសអាហ្សង់ទីនមានគោលនយោបាយអន្តោប្រវេសន៍បើកចំហជាប្រវត្តិសាស្ត្រ។

ប្រធានាធិបតី លោក Javier Milei ដែលជាសម្ព័ន្ធមិត្តជិតស្និទ្ធរបស់លោក ដូណាល់ ត្រាំ បានស្វែងរកច្បាប់រឹតបន្តឹងជនអន្តោប្រវេសន៍ ដោយបង្ក្រាបអ្នកដែលជាប់បទព្រហ្មទណ្ឌ និងតម្រូវឱ្យអ្នកដំណើរទាំងអស់ ត្រូវប្រាកដថាពួកគេទទួលបានការធានារ៉ាប់រងសុខភាព។

តែយ៉ាងណាក្នុងសប្តាហ៍នេះ រដ្ឋមន្ត្រីសន្តិសុខជាតិ លោកស្រី Alejandra Monteoliva បាននិយាយនៅក្នុងវីដេអូមួយថា៖ « ក្នុងខែធ្នូ និងខែមករា មនុស្សជិត ៥ ០០០នាក់ មិនត្រូវបានអនុញ្ញាតឱ្យចូលប្រទេស ឬត្រូវបណ្តេញចេញនៅក្នុងខែនេះ ដែលជាកំណត់ត្រាប្រវត្តិសាស្ត្រ»។

ប្រែសម្រួល៖ ណឺ មិនា

The post អាហ្សង់ទីន ទំនងទទួលយកជនចំណាកស្រុកដែលបណ្តេញចេញពីអាមេរិក appeared first on Kampuchea Thmey Daily.

រដ្ឋនានាគ្រប់គ្រងដោយបក្សប្រជាធិបតេយ្យ រកច្បាប់ តទល់ជាមួយមន្រ្តីអន្តោប្រវេសន៍

Minea Neu — Thu, 29 Jan 2026 04:51:43 +0000

រដ្ឋនានាដែលដឹកនាំដោយបក្សប្រជាធិបតេយ្យ កំពុងស្វែងរកជំនួយផ្នែកច្បាប់ដែលអាចឱ្យពលរដ្ឋប្តឹងភ្នាក់ងារសហព័ន្ធអន្តោប្រវេសន៍ ដែលដាក់ពង្រាយក្នុងសហគមន៍របស់ពួកគេបាន។ ជាពិសេសការរំលោភសិទ្ធិជនស៊ីវិលកើនឡើង ចំពេលមានការតវ៉ាជុំវិញយុទ្ធសាស្ត្រដែលប្រើប្រាស់ដោយភ្នាក់ងារអនុវត្តច្បាប់អន្តោប្រវេសន៍ និងគយរបស់សហរដ្ឋអាមេរិក (ICE) អំឡុងពេលការបង្ក្រាបជនអន្តោប្រវេសន៍ ដែលដឹកនាំដោយរដ្ឋបាលលោក ដូណាល់ ត្រាំ នៅទីក្រុង Minneapolis និងកន្លែងផ្សេងទៀត។

មន្រ្តីអន្តោប្រវេសន៍អាមេរិក។ Reuters

មិនតែប៉ុណ្ណោះ កាលពីខែមុន រដ្ឋ Illinois បានក្លាយជារដ្ឋដំបូងគេដែលអនុម័តច្បាប់បែបនេះ។

តែយ៉ាងណា រដ្ឋបាលរបស់ លោក ដូណាល់ ត្រាំ បានដាក់ពាក្យប្តឹងយ៉ាងឆាប់រហ័ស ដើម្បីស្វែងរកការរារាំង ដោយលើកហេតុផលថា ការអនុញ្ញាតឱ្យមានការប្តឹង គឺផ្តល់សិទ្ធិស៊ីវិលប្រឆាំងនឹងភ្នាក់ងារអនុវត្តច្បាប់អន្តោប្រវេសន៍ និងគយនៅក្នុងតុលាការរដ្ឋ ជាពិសេសរំលោភលើបទប្បញ្ញត្តិសំខាន់ៗនៃរដ្ឋធម្មនុញ្ញសហរដ្ឋអាមេរិក។

គួរឱ្យដឹងថា ច្បាប់ដែលគាំទ្រដោយបក្សប្រជាធិបតេយ្យនឹងអនុញ្ញាតឱ្យមានការទាមទារសិទ្ធិជនស៊ីវិលប្រឆាំងនឹងភ្នាក់ងារអនុវត្តច្បាប់អន្តោប្រវេសន៍ និងគយរបស់អាមេរិក តុលាការរដ្ឋក៏កំពុងត្រូវបានពិចារណាផងដែរ។ ក្នុងនោះរួមមាន រដ្ឋ California, New York, Virginia, Maryland និង Connecticut ។

ការស្លាប់មនុស្សពីរនាក់គឺ លោកស្រី Renee Good និង លោក Alex Pretti ដោយភ្នាក់ងារអន្តោប្រវេសន៍(ICE ) នៅទីក្រុង Minneapolis ក្នុងខែនេះ គឺជាកលល្បិចដែលប្រើប្រាស់ដោយទីភ្នាក់ងារនេះ អំឡុងពេលការដាក់ពង្រាយមន្រ្តីរបស់ពួកគេ។

ការណ៍នេះបាននាំឱ្យមានការយកចិត្តទុកដាក់ជាថ្មី ដើម្បីប្រឹងប្រែងស្វែងរកច្បាប់មកការពារសិទ្ធិជនស៊ីវិលទាំងអស់ និងជាដំណាក់កាលដំបូងនៃដំណើរការនីតិប្បញ្ញត្តិ។

លើសពីនេះ លោកស្រី Kathy Hochul អភិបាលក្រុងញូវយ៉ក ដែលជាអ្នកប្រជាធិបតេយ្យបាននិយាយអំឡុងពេលថ្លែងសុន្ទរកនៅថ្ងៃទី១៣ ខែមករា ថា៖ « ខ្ញុំនឹងធ្វើការផ្លាស់ប្តូរ ដើម្បីឱ្យប្រជាជនក្នុងក្រុងញូវយ៉កអាចប្លឹងបកទៅភ្នាក់ងារ ICE វិញបាន ហើយពួកគេនឹងធ្វើការទទួលខុសត្រូវ នៅឯតុលាការ ពេលដែលធ្វើសកម្មភាពក្រៅវិសាលភាពនៃភារកិច្ចរបស់ពួកគេ»។

គួរបញ្ជាក់ថាភ្នាក់ងារ ICE គឺជាផ្នែកមួយនៃក្រសួងសន្តិសុខមាតុភូមិរបស់សហរដ្ឋអាមេរិក(DHS) ។

លោក Tricia McLaughlin អ្នកនាំពាក្យរបស់ DHS បាននិយាយនៅក្នុងសេចក្តីថ្លែងការណ៍មួយទៅកាន់ Reuters ថា៖ « លោកស្រី Hochul បន្តលាបពណ៌អ្នកអនុវត្តច្បាប់ ដែលពួកគេគ្រាន់តែអនុវត្តនីតិរដ្ឋ ហើយកំពុងយកជីវិតរបស់អ្នកទាំងនោះ មកលេងសើច។ ចំណែក មន្ត្រីអនុវត្តច្បាប់របស់ក្រសួងសន្តិសុខមាតុភូមិ(DHS) គឺអនុវត្តតាមផ្លូវច្បាប់ និងរដ្ឋធម្មនុញ្ញសហរដ្ឋអាមេរិកប៉ុណ្ណោះ»៕

ប្រែសម្រួល៖ ណឺ មិនា

The post រដ្ឋនានាគ្រប់គ្រងដោយបក្សប្រជាធិបតេយ្យ រកច្បាប់ តទល់ជាមួយមន្រ្តីអន្តោប្រវេសន៍ appeared first on Kampuchea Thmey Daily.

នៅខែមេសា អេស្ប៉ាញបើកការដាក់ពាក្យទទួលយកជនអន្តោប្រវេសន៍ដល់៥០ម៉ឺននាក់

Minea Neu — Wed, 28 Jan 2026 09:30:04 +0000

ក្រោយការវិលចូលកាន់អំណាចប្រធានាធិបតីសហរដ្ឋអាមេរិកលើកទី២ ប្រធានាធិបតី ដូណាល់ ត្រាំ បានចេញគោលការណ៍ដ៏តឹងរឹងមួយ ក្នុងការបណ្តេញជនចំណាកស្រុកពីប្រទេសខ្លួន ខណៈមានរបាយការណ៍ផ្សេងៗទៀតថា អាមេរិកពើបប្រទះនូវអត្រាចំនួនប្រជាជនធ្លាក់ចុះខ្លាំងជាលើកដំបូង។

ឆ្លៀតក្នុងឱកាសនេះ ប្រទេសអេស្ប៉ាញ បានប្រកាសថា ខ្លួននឹងផ្តល់ការរស់នៅស្របច្បាប់ដល់ជនចំណាកស្រុកចំនួន ៥០០ ០០០នាក់ ក្នុងការផ្លាស់ប្តូរប្រឆាំងនឹងនិន្នាការ និងគោលនយោបាយជនអន្តោប្រវេសន៍នៅក្នុងសហរដ្ឋអាមេរិក។

លោកស្រី Elma Saiz រដ្ឋមន្ត្រីក្រសួងអន្តោប្រវេសន៍របស់ប្រទេសអេស្ប៉ាញ។

យោងតាម CNN, ការផ្លាស់ប្តូរនេះត្រូវបានប្រកាសកាលពីថ្ងៃអង្គារ គឺសំដៅដល់ការកាត់បន្ថយការកេងប្រវ័ញ្ចកម្លាំងពលកម្ម សេដ្ឋកិច្ចរបស់ប្រទេសអេស្ប៉ាញ។

គួរបញ្ជាក់ថា ធនាគារកណ្តាលរបស់ប្រទេសអេស្ប៉ាញ និងអង្គការសហប្រជាជាតិ ធ្លាប់បានលើកឡើងពីមុនថា ប្រទេសអេស្ប៉ាញត្រូវការកម្មករចំណាកស្រុកប្រហែល ៣០០ ០០០នាក់ ក្នុងមួយឆ្នាំ ដើម្បីទ្រទ្រង់ស្ថានភាពសុខុមាលភាពរបស់ប្រទេសនេះ។

លោកស្រី Elma Saiz រដ្ឋមន្ត្រីក្រសួងអន្តោប្រវេសន៍របស់ប្រទេសអេស្ប៉ាញ បានប្រាប់សន្និសីទសារព័ត៌មានមួយថា៖ «ថ្ងៃនេះជាថ្ងៃប្រវត្តិសាស្ត្រសម្រាប់ប្រទេសរបស់យើង។ យើងកំពុងពង្រឹងគោលការណ៍ចំណាកស្រុកដោយផ្អែកលើសិទ្ធិមនុស្ស សមាហរណកម្ម ការរួមរស់ជាមួយគ្នា និងភាពយោគយល់អធ្យាស្រ័យជាមួយនឹងកំណើនសេដ្ឋកិច្ច ពិសេសទំនាក់ទំនងសង្គម»។

លោកស្រី Saiz បានបន្តថា៖«វិធានការថ្មីគឺចាំបាច់ដើម្បីឆ្លើយតបទៅនឹងការពិតដែលមាននៅលើដៃរបស់យើង ហើយអ្នកទាំងនោះនឹងផ្តល់អត្ថប្រយោជន៍ដល់សេដ្ឋកិច្ចប្រទេសយើងជាពុំខាន»។

រដ្ឋមន្ត្រីរូបនេះបន្ថែមថា៖ «វិធានការនេះនឹងអនុញ្ញាតឱ្យមានជីវិតថ្លៃថ្នូរសម្រាប់ជនចំណាកស្រុក»។

គួរបញ្ជាក់ ជនបរទេសដែលបានមកដល់ប្រទេសអេស្ប៉ាញមុនថ្ងៃទី៣១ខែធ្នូ ឆ្នាំ ២០២៥ អាចបញ្ជាក់ថា ខ្លួនបានរស់នៅក្នុងប្រទេសនេះ យ៉ាងហោចណាស់៥ខែ បន្ទាប់មកពួកគេនឹងទទួលបានសិទ្ធិស្នាក់នៅស្របច្បាប់រហូតដល់១ឆ្នាំ ជាពិសេសមានលិខិតអនុញ្ញាតការងារដែលមានសុពលភាពសម្រាប់គ្រប់វិស័យ និងទូទាំងប្រទេស។ ជាងនេះទៅទៀត ជនបរទេសទាំងអស់នោះនឹងត្រូវបញ្ជាក់ថា «ខ្លួនមិនធ្លាប់បទល្មើសនានា»។

ប្រជាពលរដ្ឋនឹងអាចដាក់ពាក្យចូលមកនៅប្រទេសអេស្ប៉ាញបាន ចាប់ពីដើមខែមេសា រហូតដល់ថ្ងៃទី៣០ខែមិថុនា ឆ្នាំ២០២៦៕

ប្រែសម្រួល៖ ណឺ មិនា

The post នៅខែមេសា អេស្ប៉ាញបើកការដាក់ពាក្យទទួលយកជនអន្តោប្រវេសន៍ដល់៥០ម៉ឺននាក់ appeared first on Kampuchea Thmey Daily.

មន្រ្តីអន្តោប្រវេសន៍ជាន់ខ្ពស់ដែលសម្លាប់ជនជាតិអាមេរិក នឹងត្រូវបណ្តេញចេញពីរដ្ឋ Minnesota

Minea Neu — Tue, 27 Jan 2026 05:04:23 +0000

មេបញ្ជាការអន្តោប្រវេសន៍ល្បាតព្រំដែនជាន់ខ្ពស់ និងភ្នាក់ងារមួយចំនួនត្រូវបានគេរំពឹងថា នឹងចាកចេញពីទីក្រុង Minneapolis នៅព្រឹកថ្ងៃអង្គារនេះ។ នេះបើតាមមនុស្សម្នាក់ដែលនៅក្នុងរដ្ឋ ប្រាប់សារព័ត៌មាន AP ។

លោក Greg Bovino, Reuters.

តែយ៉ាងណា ការចាកចេញរបស់មេបញ្ជាការល្បាតព្រំដែន លោក Greg Bovino ដែលប្រចាំការនៅចំកណ្តាលក្រុង បានអនុវត្តច្បាប់អន្តោប្រវេសន៍យ៉ាងធ្ងន់ធ្ងរក្នុងរបបរបស់រដ្ឋបាល លោក ដូណាល់ ត្រាំ នៅតាមបណ្តាទីក្រុងនានាទូទាំងប្រទេស។

ហេតុការណ៍នេះ បានកើតឡើងចំពេលដែលប្រធានាធិបតី លោក ដូណាល់ ត្រាំ បានបញ្ជូនលោក Tom Homan ដែលជាមន្ត្រីអនុវត្តច្បាប់របស់អាមេរិកទៅកាន់ រដ្ឋ Minnesota ដើម្បីប្រតិបត្តិការអនុវត្តច្បាប់អន្តោប្រវេសន៍ និងពន្ធគយ។

គួរបញ្ជាក់ថា ការចាកចេញរបស់ លោក Bovino គឺជាការផ្លាស់ប្តូរជាសាធារណៈដ៏សំខាន់ នៅក្នុងឥរិយាបថអនុវត្តច្បាប់សហព័ន្ធ ខណៈមានការខឹងសម្បារកាន់តែខ្លាំងឡើងពីសំណាកប្រជាជនអាមេរិក និងអតីតថ្នាក់ដឹកនាំមួយចំនួនទៀត ដូច លោក Bill Clinton និងលោក Barack Obama, ចំពោះការបាញ់សម្លាប់ លោក Alex Pretti ដែលជាគិលានុបដ្ឋាយិកា ICU មានអាយុ ៣៧ឆ្នាំ ដោយភ្នាក់ងារល្បាតព្រំដែន។

ការរិះគន់បានកើនឡើងចំពោះមេបញ្ជាការ លោក Bovino ក្នុងរយៈពេលប៉ុន្មានថ្ងៃចុងក្រោយនេះ បន្ទាប់ពីការការពារសាធារណៈរបស់ លោក Pretti និងការលើកឡើងជាបន្តបន្ទាប់ បង្កឱ្យមានជម្លោះ រវាងការប្រឈមមុខដាក់គ្នាដែលនាំទៅដល់ការស្លាប់របស់បុរសវ័យ ៣៧ឆ្នាំរូបនេះ។

បន្ថែមពីនេះ អភិបាលក្រុង Minneapolis លោក Jacob Frey បានឱ្យដឹងថា លោកបាននិយាយជាមួយ លោក ដូណាល់ ត្រាំ អំពីការបង្រ្កាបជនអន្តោប្រវេសន៍នៅក្នុងទីក្រុងរបស់លោក ហើយមន្រ្តីសហព័ន្ធមួយចំនួននឹងចាប់ផ្តើមបណ្តេញចេញ។

អភិបាលក្រុងរូបនេះបន្តទៀតថា លោកបានស្នើសុំឱ្យ លោក ដូណាល់ ត្រាំ នៅក្នុងការហៅទូរស័ព្ទ ដើម្បីបញ្ចប់ការកើនឡើងនៃការអនុវត្តច្បាប់អន្តោប្រវេសន៍។ ជាងនេះលោកថា៖ «លោក ត្រាំ បានយល់ព្រមហើយ មិនឱ្យស្ថានភាពបច្ចុប្បន្នអាចបន្តទៀតទេ»។

មិនតែប៉ុណ្ណោះ លោក Frey បានលើកឡើងថា ភ្នាក់ងារមួយចំនួននឹងចាប់ផ្តើមចាកចេញពីថ្ងៃអង្គារ។ អភិបាលក្រុងបានបន្តថាលោកនឹងបន្តជំរុញឱ្យអ្នកផ្សេងទៀតដែលពាក់ព័ន្ធនឹងប្រតិបត្តិការ Metro Surge ចាកចេញពីក្រុងរបស់ខ្លួនតាមដែលអាចធ្វើទៅបាន៕

ប្រែសម្រួល៖ ណឺ មិនា

The post មន្រ្តីអន្តោប្រវេសន៍ជាន់ខ្ពស់ដែលសម្លាប់ជនជាតិអាមេរិក នឹងត្រូវបណ្តេញចេញពីរដ្ឋ Minnesota appeared first on Kampuchea Thmey Daily.

មន្ត្រីអន្តោប្រវេសន៍អាមេរិក ចាប់ក្មេងអាយុប្រាំឆ្នាំនៅរដ្ឋ Minnesota

Minea Neu — Fri, 23 Jan 2026 09:59:08 +0000

នាយកសាលារដ្ឋ Minnesota និងមេធាវីរបស់គ្រួសារកុមារម្នាក់ បាននិយាយថា មន្ត្រីអនុវត្តច្បាប់អន្តោប្រវេសន៍ និងគយសហរដ្ឋអាមេរិក (ICE) បានឃុំខ្លួនក្មេងប្រុសអាយុប្រាំឆ្នាំម្នាក់ កាលពីថ្ងៃអង្គារ អំឡុងពេលប្រតិបត្តិការអនុវត្តច្បាប់អន្តោប្រវេសន៍។

មន្ត្រីអន្តោប្រវេសន៍អាមេរិក, Reuters។

នៅក្នុងសេចក្តីថ្លែងការណ៍មួយដែលបានបង្ហោះនៅលើ X នាយកដ្ឋានសន្តិសុខក្នុងស្រុក DHS ថា៖ «មន្ត្រីអនុវត្តច្បាប់អន្តោប្រវេសន៍ ICE មិនបានកំណត់គោលដៅលើកុមារទេ ប៉ុន្តែពួកគេកំពុងធ្វើប្រតិបត្តិការប្រឆាំងនឹងឪពុករបស់គេដែលជាជនបរទេសខុសច្បាប់ប៉ុណ្ណោះ ដែលបុរសនោះបោះបង់កូនប្រុសរបស់គាត់ចោល នៅពេលប៉ូលិសចូលទៅជិតខ្លួន»។

លោក Zena Stenvik នាយកសាលារដ្ឋ Columbia Heights បានចោទសួរថា៖ «ហេតុអ្វីបានជាចាប់ក្មេងអាយុប្រាំឆ្នាំ? អ្នកកុំប្រាប់ខ្ញុំថាកុមារនេះ នឹងត្រូវបានចាត់ថ្នាក់ជាឧក្រិដ្ឋជនណា»។

ក្នុងបណ្តាញសង្គម X, ICE បានបដិសេធថាកុមារមិនត្រូវបានចាប់ខ្លួនទេ។

មន្រ្តីអនុវត្តច្បាប់អន្តោប្រវេសន៍ បាននិយាយថា៖ «ជនបរទេសខុសច្បាប់ម្នាក់ បានបោះបង់ចោលកូនរបស់គេ នៅពេលគេរត់ចេញពីមន្រ្តី ICE ហើយមន្រ្តីរបស់យើងបានទទួលស្គាល់ថាកុមារត្រូវបានរក្សាទុកដោយសុវត្ថិភាពក្នុងអាកាសធាតុត្រជាក់យ៉ាងខ្លាំង។ តែពួកគេបានបដិសេធមិនទទួលយកការឃុំឃាំងកុមារ។ ឪពុកបានប្រាប់មន្ត្រីថា គាត់ចង់ឱ្យកូននៅជាមួយគាត់»។

យ៉ាងណា DHS មិនបានឆ្លើយតបភ្លាមៗចំពោះសំណើសុំការអត្ថាធិប្បាយបន្ថែមឱ្យសារព័ត៌មាន BBC ទេ។

ចំណែករូបថតដែលផ្តល់ទៅឱ្យ BBC ដោយសាលាស្រុកបង្ហាញថាក្មេងប្រុសម្នាក់ ត្រូវបានគេស្គាល់ថាជាកុមារ Liam Ramos អាយុ ៥ឆ្នាំ រៀននៅសាលារដ្ឋ Columbia Heights ពាក់មួករដូវរងារាងដូចទន្សាយឈរនៅខាងក្រៅខណៈដែលមន្រ្តីម្នាក់កាន់កាបូបស្ពាយរបស់គេ។

យ៉ាងណា នាយកសាលា Columbia Heights Public Schools បានពណ៌នាថា រូបថតជាអ្នកឈរទាំងនេះ គឺនៅក្បែររបង។ ហើយអាជ្ញាធរមិនបានកំណត់អត្តសញ្ញាណបុគ្គលដែលថតរូបនោះទេ ដោយសំដៅទៅពួកគេប្រហែលជាសមាជិកសហគមន៍ ឬ អ្នករស់នៅទីនេះ៕

ប្រែសម្រួល៖ ណឺ មិនា

The post មន្ត្រីអន្តោប្រវេសន៍អាមេរិក ចាប់ក្មេងអាយុប្រាំឆ្នាំនៅរដ្ឋ Minnesota appeared first on Kampuchea Thmey Daily.

ជនអន្តោប្រវេសន៍ Archives - Kampuchea Thmey Daily

​ទូក​ដឹកជន​អន្តោរប្រវេសន៍​ជាង​១០០​នាក់​លិច​នៅ​​សមុទ្រ​មេឌីទែរណេ​​ ជាង​៧០​នាក់បាត់​​ខ្លួន​

ការស្តង់​មតិ៖ ពល​រដ្ឋ​អាមេរិក​ ៦៣% គាំទ្រឱ្យដក​មន្រ្តី​អន្តោប្រវេសន៍​ចេញ​​ពីក្រុង​ Minneapolis

​អាហ្សង់​ទីន ទំនង​ទទួល​យក​​ជន​​ចំណាក​ស្រុក​ដែលបណ្តេញចេញពីអាមេរិក​​

រដ្ឋ​​នានា​​គ្រប់គ្រងដោយ​បក្ស​ប្រជាធិបតេយ្យ​ ​​រក​ច្បាប់​​ ​តទល់​ជាមួយ​មន្រ្តី​អន្តោ​ប្រវេសន៍​

នៅខែមេសា អេស្ប៉ាញ​​បើក​​ការ​ដាក់​ពាក្យ​ទទួល​យកជនអន្តោប្រវេសន៍​​​​​ដល់​៥០ម៉ឺននាក់​​

មន្រ្តី​អន្តោប្រវេសន៍ជាន់​ខ្ពស់​​ដែល​សម្លាប់​ជនជាតិ​អាមេរិក​ នឹង​ត្រូវ​បណ្តេញ​ចេញ​ពី​រដ្ឋ​ Minnesota

មន្ត្រី​​អន្តោ​ប្រវេសន៍អាមេរិក ចាប់​​ក្មេង​​អាយុ​​ប្រាំ​​ឆ្នាំ​នៅ​រដ្ឋ​ Minnesota

ទូកដឹកជនអន្តោរប្រវេសន៍ជាង១០០នាក់លិចនៅសមុទ្រមេឌីទែរណេ ជាង៧០នាក់បាត់ខ្លួន

ការស្តង់មតិ៖ ពលរដ្ឋអាមេរិក ៦៣% គាំទ្រឱ្យដកមន្រ្តីអន្តោប្រវេសន៍ចេញពីក្រុង Minneapolis

អាហ្សង់ទីន ទំនងទទួលយកជនចំណាកស្រុកដែលបណ្តេញចេញពីអាមេរិក

រដ្ឋនានាគ្រប់គ្រងដោយបក្សប្រជាធិបតេយ្យ រកច្បាប់ តទល់ជាមួយមន្រ្តីអន្តោប្រវេសន៍

នៅខែមេសា អេស្ប៉ាញបើកការដាក់ពាក្យទទួលយកជនអន្តោប្រវេសន៍ដល់៥០ម៉ឺននាក់

មន្រ្តីអន្តោប្រវេសន៍ជាន់ខ្ពស់ដែលសម្លាប់ជនជាតិអាមេរិក នឹងត្រូវបណ្តេញចេញពីរដ្ឋ Minnesota

មន្ត្រីអន្តោប្រវេសន៍អាមេរិក ចាប់ក្មេងអាយុប្រាំឆ្នាំនៅរដ្ឋ Minnesota