ក្នុងឱកាសជំនួបនារសៀល ថ្ងៃទី៦ ខែវិច្ឆិកា ឆ្នាំ២០២៤ នេះ លោកឧកញ៉ាប្រធានក្រុមហ៊ុនបានគោរពជម្រាបជូនសម្ដេចបវរធិបតី អំពីសកម្មភាពវិនិយោគនាពេលកន្លងមករបស់ក្រុមហ៊ុននៅកម្ពុជា និងអំពីផែនការពង្រីកការវិនិយោគរបស់ក្រុមហ៊ុន​ក្នុង​រយៈ៥ឆ្នាំខាងមុខលើការបង្កើតសួនឧស្សាហកម្ម។

លោកប្រធានក្រុមហ៊ុនបានបន្ថែមទៀតថា បណ្តាក្រុមហ៊ុនជាច្រេីន​របស់​ចិន​ បាន​ធ្វេីដំណេីរទស្សនកិច្ចពាណិជ្ជកម្មមកកម្ពុជា៤លេីកមកហេីយ​ ក្រោមការ​សម្របសម្រួល​របស់​ Guoxing Group ដេីម្បី​ស្វែង​យល់ពី​សក្តានុពល​ និងឱកាស​វិនិយោគ​នៅកម្ពុជា​ ព្រមទាំងបានប្ដេជ្ញាបោះទុនវិនិយោគនៅក្នុងសួនឧស្សាហកម្ម និងការបង្កើតរោងចក្រនៅកម្ពុជា។

ជាការឆ្លើយតប សម្ដេចបវរធិបតី បានសម្តែងនូវការរីករាយចំពោះក្រុមហ៊ុនដែលបានបោះទុនវិនិយោគនៅកម្ពុជា និងមានផែនការពង្រីកការវិនិយោគបន្ថែមទៀត។ សម្ដេចបវរធិបតី បានបញ្ជាក់អំពីការដាក់ចេញនូវគោលនយោបាយរបស់រាជរដ្ឋាភិបាលកម្ពុជា ដែលផ្តល់ការលើកទឹកចិត្ត និងការគាំទ្រដល់ជោគជ័យរបស់បណ្ដាក្រុមហ៊ុនវិនិយោគនៅក្នុងប្រទេសកម្ពុជា ព្រមទាំងបានគូសបញ្ជាក់ផងដែរថា នេះជាចំណុចដ៏ល្អមួយ ដែលក្រុមហ៊ុន Guoxing Group មានបណ្ដាក្រុមហ៊ុនចូលរួមច្រើន ដើម្បីផលិតជាខ្សែច្រវាក់ផលិតកម្មនៅក្នុងប្រទេសកម្ពុជា ដើម្បីកាត់បន្ថយការនាំចូលវត្ថុធាតុដើមពីក្រៅប្រទេស។

សម្ដេចបវរធិបតី ក៏បានគូសបញ្ជាក់ផងដែរថា​ រាជរដ្ឋាភិបាល​ផ្តល់នូបការគាំទ្រ​ និង​ផ្តល់ការលើកទឹកចិត្តដល់ក្រុមហ៊ុនវិនិយោគដែលផលិត​នូវ​ច្រវាក់ផលិតកម្មដេីម្បីផ្តង់ផ្គង់ក្នុងស្រុក​ និង​នាំចេញ​ទៅ​ក្រៅប្រទេស៕

The post ក្រុមហ៊ុន Guoxing Group របស់ចិន នឹងពិនិត្យលទ្ធភាពវិនិយោគលើការផលិតជីធម្មជាតិ នៅកម្ពុជា appeared first on Kampuchea Thmey Daily.

សម្ដេចធិបតី នាយករដ្ឋមន្ត្រីកម្ពុជា បានជួបពិភាក្សាជាមួយអ្នកឧកញ៉ា ម៉ុង ឬទ្ធី លើការផលិតជីធម្មជាតិ ទុកលក់ឱ្យកសិករខ្មែរ ក្នុងតម្លៃទាបជាងជីដែលនាំចូលពីប្រទេសជិតខាង។

នាព្រឹកថ្ងៃសុក្រ ទី០១ ខែវិច្ឆិកា អ្នកឧកញ៉ា ម៉ុង ឫទ្ធី សរសេរលើទំព័រហ្វេសប៊ុកដូច្នេះ÷[ សម្តេច​មហាបវរធិបតី​ បានផ្តល់​កិត្តិយស​ដ៏​មហាខ្ពង់ខ្ពស់បំផុត​ ពិសារអាហារ​ពេលព្រឹក​ពិភាក្សា​លេី​វិស័យ​ផលិត​ជី​សេរីរាង​(ជីធម្មជាតិ)​ ដេីម្បី​លក់ចែកជូន​ប្រជាកសិករ​យេីង​ក្នុង​តម្លៃ​ទាបជាង​ជីនាំចូល​មកពី​បរទេស​ និង​ជួយ​ជម្រុញ​ពង្រីក​វិស័យ​ទេសចរណ៍​ធម្មជាតិ​អោយ​កាន់តែ​ច្រើន​បន្ថែម​ទៀត​។]។

តាមអ្នកឧកញ៉ា ម៉ុង ឫទ្ធី នាព្រឹកនេះ សម្ដេចធិបតី បានជួប​ពិភាក្សា​រយៈពេល​មួយ​ម៉ោង​ដប់ប្រាំនាំទី​​ ​ជាមួយលោក។

ឆ្លងកាត់ការពិភាក្សានេះ មហាសេដ្ឋីរកស៊ីលើវិស័យកសិកម្ម អ្នកឧកញ៉ា ម៉ុង ឫទ្ធី ក៏បានឆ្លៀតសរសើរសម្ដេចនាយករដ្ឋមន្ត្រីថា ​សម្តេច​ធិបតី​ឈ្ឈ្លៀសវៃ ហើយស្ទើរតែ​គ្រប់ពាក្យទាំងអស់​ សម្តេច​ធិបតី គិតគូ​តែពី​ផលប្រយោជន៍​ជាតិ​ និង​ប្រជាជន​។

​ជាមួយគ្នានេះ អ្នកឧកញ៉ា ម៉ុង ឫទ្ធី សន្យាថា នឹងខិតខំ​ប្រឹងប្រែង​រកគ្រប់​មធ្យោបាយ​ ដេីម្បី​អនុវត្តអោយបានតាម​អនុសាសន៍​របស់​សម្តេច​ ដេីម្បី​បាន​ចូលរួម​ចំណែក​បំរើ​ជាតិ​ប្រជាជន​ លេីវិស័យ​កសិកម្ម​ កសិឧស្សាហកម្ម​ និង​ទេសចរណ៍​ធម្មជាតិ​នេះ​៕

The post សម្ដេចធិបតី ពិភាក្សាជាមួយមហាសេដ្ឋីកសិកម្ម លេីការផលិតជីធម្មជាតិ លក់ឲ្យកសិករតម្លៃទាបជាងជីនាំចូល appeared first on Kampuchea Thmey Daily.

លោក ជា ឡង់ឌី ម្ចាស់កសិដ្ឋានតាខ្មៅ បានប្រាប់ឱ្យ កម្ពុជាថ្មី ដឹងថា សម្រាប់ការកែច្នៃជីធម្មជាតិ ធ្វើចេញពីស្រកីដូងទុំ គ្រួសាររបស់លោក បានចាប់ផ្ដើមធ្វើមកតាំងពីឆ្នាំ ២០១២ មកម្ល៉េះ។ លោកបន្តថា មូលហេតុដែល លោក ជ្រើសរើសស្រកីដូងទុំ ធ្វើចេញជាជីធម្មជាតិ ដោយសារតែ ទីផ្សារការផលិត និងកែច្នៃជីធម្មជាតិនៅក្នុងស្រុកនាពេលបច្ចុប្បន្ននេះ មិនសូវសម្បូរដូចប្រទេសជិតខាងនោះឡើយ។

លោក ជា ឡង់ឌី បានបន្ថែមទៀតថា ការកែច្នៃជីធម្មជាតិ ដែលចេញពីស្រកីដូងទុំ មិនមានភាពងាយស្រួលនោះទេ នេះក៏ដោយសារតែ ស្រកីដូងទុំ ត្រូវដើរប្រមូលទិញពីផ្សារមួយចំនួនក្នុងរាជធានីភ្នំពេញ ពេលខ្លះ មិនសូវសម្បូរ ពីព្រោះតែស្រកីដូងទុំ មានច្រើនតែនៅតាមផ្សារដើមគរ និងផ្សារនាគមាស តែប៉ុណ្ណោះ។ លោក បញ្ជាក់ទៀតថា ភាគច្រើននៃអ្នកដែលទិញជីស្រកីដូង របស់លោកទៅប្រើប្រាស់ គឺមានដូចជា៖ កសិដ្ឋានដាំបន្លែសុវត្ថិភាព អ្នករស់នៅតាមបុរី និងអ្នកបណ្ដុះកូនឈើ ឬកូនរុក្ខជាតិ ផ្សេងៗ ដែលពួកគាត់យល់ច្បាស់ពី អត្ថប្រយោជន៍ នៃជីធម្មជាតិ ជាជាងការប្រើប្រាស់ជីគីមី។

លោក ជា ឡង់ឌី បានឱ្យដឹងទៀតថា បច្ចុប្បន្ននេះ ការកែច្នៃជីធម្មជាតិ នៅក្នុងកសិដ្ឋានរបស់លោក មានភាពមមាញឹកយ៉ាងខ្លាំងដោយសារតែអតិថិជនបានបញ្ជាទិញជីស្រកីដូង និងជីសរីរាង្គផ្សេង ដែលសុទ្ធសឹងកើតចេញពីការផលិតរបស់ក្រុមការងារ ក្នុងកសិដ្ឋានរបស់លោកផ្ទាល់។ លោក ជា ឡង់ឌី បានបន្ថែមទៀតថា សម្រាប់ការលក់ជីធម្មជាតិនេះវិញ ក្នុងមួយថ្ងៃ លោកអាចលក់ទិញទៅកាន់ទីផ្សារបាន ៥០ បាវ ឬគិតជាខែ បានប្រមាណជាង ៤ ទៅ៥ តោន ក្នុងមួយខែ ជាប្រចាំ៕

អត្ថបទ ៖ សួស សិត

The post យុវជនម្នាក់ កែច្នៃស្រកីដូងទុំ ទៅជា ជីធម្មជាតិ សម្រាប់ប្រើប្រាស់ក្នុងដំណាំផ្សេងៗ appeared first on Kampuchea Thmey Daily.

ជំនួបពិភាក្សាដែលមានលក្ខណមិត្តភាព និងសហប្រតិបត្តិការភាពជាដៃគូវិនិយោគដើម្បីអភិវឌ្ឍន៍វិស័យសាកវប្បកម្ម (ដំណាំបន្លែ) នេះបានលើកយកប្រធានបទសំខាន់ៗដែលភាគីទាំងពីរឯកភាព និងមានឆន្ទ:រួមគ្នាថាត្រូវធ្វើការអភិវឌ្ឍ រួមមានជីកសិកម្ម។

អនាគតក្រុមហ៊ុនមានបំណងផលិតជីកសិកម្ម (ជីធម្មជាតិ ឬជីសរីរាង្គ)នៅកម្ពុជា ដើម្បីធានាគុណភាពកសិផល ពិសេសបន្លែ ប្រើប្រាស់វត្ថុធាតុដើមក្នុងស្រុកឲ្យអស់លទ្ធភាព និងកាត់បន្ថយការនាំចូលជីគីមី។ ឯកឧត្តមរដ្ឋមន្ត្រីគាំទ្រ ដោយសារយើងមានវត្ថុធាតុដើមច្រើនទីមួយ ទីពីរផលិតផលដែលប្រើជីធម្មជាតិ ឬជីសរីរាង្គ មានតម្លៃខ្ពស់ ធានាបាននូវសុខភាពសាធារណ រក្សាគុណភាពដី និងដំណាំ កាត់បន្ថយថ្លៃដើម។

ឆ្លៀតយកឱកាសនេះ ក្រុមហ៊ុនបានបង្ហាញចេតនាចង់សហការបង្កើតផ្ទះសំណាញ់ជាមួយអ្នកផលិត និងដៃគូអភិវឌ្ឍន៍ តាមរយ:ក្រសួង។ ឯកឧត្តមរដ្ឋមន្ត្រីបានណែនាំក្រុមហ៊ុន ជួបពិភាក្សាជាមួយឯកឧត្តមនាយកគម្រោង ASPIRE ដើម្បីពិភាក្សាលើការងារនេះ។

លោកនាយកក្រុមហ៊ុនបានជម្រាបថា ស្ថានភាពជំងឺឆ្លងកូវីដ ១៩ ហាក់មានភាពល្អប្រសើរជាបណ្តើរៗ ព្រមជាមួយគ្នានេះ ក្រុមហ៊ុន Yamato Green នឹងចាប់ផ្តើមសកម្មភាពរបស់ខ្លួនជាជំហានៗ តាមអ្វីដែលក្រសួងកសិកម្ម រុក្ខាប្រមាញ់ និងនេសាទ និងក្រុមហ៊ុនបានឯកភាពជាមួយគ្នាក្នុងខ្លឹមសារ MOU។

ចំណុចនេះ ឯកឧត្តមរដ្ឋមន្ត្រីឯកភាព ហើយបានបញ្ជាក់ថា ទោះបីយើងកំពុងប្រឈមបញ្ហាលំបាកយ៉ាងណាក៏ដោយ ក្រសួងនៅតែរក្សាតួនាទី និងភារកិច្ចរបស់ខ្លួនបានយ៉ាងខ្ជាប់ខ្ជួនដើម្បីធានាសន្តិសុខស្បៀង បង្កើនផលិតកម្មកសិកម្ម ក្នុងបរិបទនៃការរីករាយដាលជំងឺឆ្លងកូវីដ-១៩៕

អត្ថបទ៖ វ៉ាត វិន

The post ជប៉ុនគ្រោងផលិតជីធម្មជាតិនៅកម្ពុជាដើម្បីកាត់បន្ថយការនាំចូលជីគីមី appeared first on Kampuchea Thmey Daily.