តាមរយៈទំព័រហ្វេសប៊ុកនៅថ្ងៃទី៣១ ខែមីនានេះ ជូរី ល្អហួស បានលើកឡើងដែរថា ធ្វើឱ្យសាធារណជនកោតសរសើរជាថ្មី ជាមួយនឹងសកម្មភាពនៃការលើកតម្កើងតម្លៃវប្បធម៌ជាតិ តាមរយៈឈុតបុរាណខ្មែរដែលជាការច្នៃដំឡើងលំនាំតាមរចនាបទខ្មែរពិតៗ។ បវរកញ្ញាវ័យក្មេងរូបនេះ លើកឡើងដែរថា “នេះជាប្រទេសដែលមានវប្បធម៌ និងអរិយធម៌ពិតប្រាកដ មិនមែន AI”។

ការបង្ហាញខ្លួនជាមួយឈុតបុរាណខ្មែរ ដែលបានច្នៃដំឡើងយ៉ាងល្អវិចិត្រនេះ គឺស្របពេលដែល ជូរី ល្អហួស ម្ចាស់មកុដ Miss Teen Cambodia 2025 បាននិងកំពុងផ្តួចផ្តើមគម្រោង នៃការចុះផ្សព្វផ្សាយឈុតស្បៃខ្មែរទូទាំងប្រទេស។

តាមរយៈគម្រោងនេះ មិនត្រឹមតែជាការបង្ហាញស្បៃខ្មែរ តែក៏ជាវេទិកាសំខាន់ក្នុងគោលបំណងថែរក្សាសិល្បៈ និងវប្បធម៌ខ្មែរ ឱ្យរស់រវើកក្នុងបរិបទសម័យថ្មី។ លើសពីនេះ គឺផ្ដល់ឱកាសសាធារណជន បានចូលរួមជាសកម្មភាពផ្ទាល់ក្នុងការលើកតម្កើងវប្បធម៌ខ្មែរ និងទាក់ទាញមហាជនទាំងក្នុង និងក្រៅប្រទេសចងចាំ និងរួមថែរក្សា៕ ដោយ៖ ចាន់រ៉ា

The post ល្អហួស រំលេចប្រណីតភាពនៃឈុតបុរាណខ្មែរ ឱ្យពិភពលោកបានឃើញតម្លៃវប្បធម៌-អរិយធម៌ជាតិដ៏យូរលង់ appeared first on Kampuchea Thmey Daily.

ជូរី ល្អហួស តែងធ្វើឱ្យមហាជនអ្នកគាំទ្រខ្មែរមានមោទនភាពចំពោះខ្លួន ជាពិសេសក្នុងការបង្ហាញខ្លួនលើឆាកជាតិ និងអន្តរជាតិ ផ្សារភ្ជាប់បំណងផ្សព្វផ្សាយអត្តសញ្ញាណ និងវប្បធម៌ខ្មែរ ទៅកាន់ពិភពលោក។

តួយ៉ាង នៅខែមីនា ឆ្នាំ២០២៦នេះ ល្អហួស បានផ្តួចផ្តើមគម្រោងនៃការចុះផ្សព្វផ្សាយឈុតស្បៃខ្មែរទូទាំងប្រទេស ក្នុងន័យលើកតម្កើង និងផ្សព្វផ្សាយ ខណៈក៏ជាការផ្តល់ឱកាសដល់ម្ចាស់សំអាងការក្នុងរាជធានី និងខេត្តនានា ចូលរួមផ្ទាល់ក្នុងការលើកស្ទួយវប្បធម៌ជាតិ តាមរយៈឈុតស្បៃខ្មែរដែលល្អហួសជ្រើសស្លៀក។

តាមរយៈគម្រោងនេះ មិនត្រឹមតែជាការបង្ហាញស្បៃខ្មែរ តែក៏ជាវេទិកាសំខាន់ក្នុងគោលបំណងថែរក្សាសិល្បៈ និងវប្បធម៌ខ្មែរ ឱ្យរស់រវើកក្នុងបរិបទសម័យថ្មី។ លើសពីនេះ គឺផ្ដល់ឱកាសសាធារណជន បានចូលរួមជាសកម្មភាពផ្ទាល់ក្នុងការលើកតម្កើងវប្បធម៌ខ្មែរ និងទាក់ទាញមហាជនទាំងក្នុង និងក្រៅប្រទេសចងចាំ និងរួមថែរក្សា។

គួររំលឹកថា បន្ទាប់ពីដណ្តើមបានមកុដ និងត្រៀមខ្លួនតំណាងឱ្យកម្ពុជាលើឆាកអន្តរជាតិក្នុងកម្មវិធី Miss Teen International 2026 នៅឥណ្ឌា នាពេលខាងមុខនេះ ជូរី ល្អហួស បានត្រៀមឈុតសម្លៀកបំពាក់ប្រមាន ៧០ ឈុត រួមមាន ២ឈុត តំណាងជាតិ, ៨ឈុត សម្រាប់ឈុតរាត្រីសមោសរ ក្នុងថ្ងៃប្រកួតផ្តាច់ព្រ័ត្រ និង ៦០ឈុតផ្សេងទៀត សម្រាប់ការចូលរួមសកម្មភាពនានា៕

The post ជូរី ល្អហួស ជ្រើសខេត្តសៀមរាបមុនគេ សម្រាប់គម្រោងផ្សព្វផ្សាយឈុតស្បៃខ្មែរទូទាំងប្រទេស appeared first on Kampuchea Thmey Daily.

បវរកញ្ញាវ័យក្មេងកម្ពុជារូបនេះ តែងធ្វើឱ្យមហាជនអ្នកគាំទ្រនៅកម្ពុជាមានមោទកភាពចំពោះខ្លួនជារឿយៗ។ តួយ៉ាង ក្រោយការបង្ហាញខ្លួនលើឆាកជាតិ និងអន្តរជាតិកន្លងមក​ ពិសេសការរួមចំណែកក្នុងការផ្សព្វផ្សាយ និងលើកតម្កើងវប្បធម៌ជាតិលើឆាកអន្តរជាតិ។

នៅថ្ងៃទី០៣ ខែមីនា ឆ្នាំ២០២៦ ជូរី ល្អហួស កាន់តែធ្វើឱ្យមហាជនអ្នកគាំទ្រកោតសរសើរឆន្ទ:របស់ខ្លួនជាថ្មី បន្ទាប់ពីការប្រកាសថាគ្រោងនឹងចុះផ្សព្វផ្សាយឈុតស្បៃខ្មែរទូទាំងរាជធានី-ខេត្ត នៃព្រះរាជណាចក្រកម្ពុជា។ ជាមួយគ្នានេះ ល្អហួស ក៏ប្រកាសស្វែងរកសំអាងការតាមបណ្តាខេត្តក្រុងនានា ដែលខ្លួននឹងចុះទៅផ្សព្វផ្សាយផងដែរ ដើម្បីតែងឈុតសម្រាប់ខ្លួន ក្នុងន័យផ្សព្វផ្សាយស្បៃរបស់ខ្មែរ។

គួររំលឹកថា បន្ទាប់ពីដណ្តើមបានមកុដ និងត្រៀមខ្លួនតំណាងឱ្យកម្ពុជា លើឆាកអន្តរជាតិក្នុងកម្មវិធី Miss Teen International 2026 នៅប្រទេសឥណ្ឌា ជូរី ល្អហួស ក៏បានតាំងចិត្តយ៉ាងមុតមាំដើម្បីយកឱកាសជួយផ្សព្វផ្សាយពីកម្ពុជាដែលរងនូវការឈ្លានពានតាមរយៈវេទិកាអន្តរជាតិនេះដើម្បីឱ្យពិភពលោកបានដឹងជួយរកយុត្តិធម៌ និងសន្តិភាពសម្រាប់ប្រទេសកម្ពុជា៕ ដោយ ៖ ចាន់រ៉ា

The post ជូរី ល្អហួស គ្រោងផ្សព្វផ្សាយឈុតស្បៃខ្មែរទូទាំងរាជធានី-ខេត្ត ខណៈប្រកាសរកសំអាងការតែងឈុតសម្រាប់ខ្លួន appeared first on Kampuchea Thmey Daily.

កាលពីថ្មីៗកន្លងទៅ ជូរី ល្អហួស ធ្លាប់បានប្រកាសហើយថា បើយកឈ្នះមកុដក្នុងការប្រកួតវិស័យបវរកញ្ញាក្នុងស្រុកហើយ នឹងមានឱកាសតំណាងឱ្យកម្ពុជាទៅប្រកួតនៅលើឆាកអន្តរជាតិ ខ្លួននឹងត្រៀមបង្ហាញឱ្យអន្តរជាតិបានដឹងនូវបញ្ហាសង្គ្រាមឈ្លានពានរបស់សៀម ដែលជាអ្នកចាប់ផ្តើមមកលើបូរណភាពទឹកដីកម្ពុជា ពិសេសល្បិតកលដ៏កខ្វក់របស់យោធាសៀមឈ្លានពាន។

ជាថ្មីម្តងទៀត ល្អហួស បានបញ្ជាក់ជំហរខ្លួនថា “ដរាបណាមានផ្ការំដួលមួយទងនេះ កាន់ទង់ជាតិកម្ពុជា នាងខ្ញុំសន្យាថា មិនឱ្យជាតិសាសន៍ណាមកបំពានអ្នកបាន ហើយសៀវភៅមួយក្បាលនេះ ទើបតែចាប់ផ្តើមអានប៉ុណ្ណោះ ប៉ុន្តែនៅមានភាគបន្តទៀតនៅលើឆាកអន្តរជាតិ នៅឆ្នាំ២០២៦ ខាងមុខនេះ“។

ជូរី ល្អហួស បន្តទៀតថា “ផ្ការំដួលកម្ពុជា កំពុងតែជះក្លិនដ៏ក្រអូបបរិសុទ្ធទៅកាន់ពិភពលោក ឥទ្ធិពលសំឡេងរបស់កូន ស្រីកម្ពុជា កម្ពុជានិយាយគឺជាការពិត”។

គួររម្លឹកថា បន្ទាប់ពីជោគជ័យក្នុងការប្រកួតវគ្គផ្តាច់ព្រ័តនិងក្លាយជាម្ចាស់មកុដ Miss Teen Cambodia 2025 ជូរី ល្អហួស បានចេញមុខអះអាងឆន្ទ:ថា នឹងបេ្តជ្ញាប្រើសំឡេងក្នុងនាមកូនខ្មែរបើកបង្ហាញការពិតនៃជម្លោះព្រំដែនកម្ពុជា-ថៃ លើឆាកអន្តរជាតិនៅឆ្នាំ២០២៦៕ អត្ថបទ ៖ ចាន់រ៉ា

The post ល្អហួស ៖ ដរាបណាមានផ្ការំដួលមួយទងនេះ កាន់ទង់ជាតិកម្ពុជា មិនឱ្យជាតិសាសន៍ណាមកបំពានបានទេ appeared first on Kampuchea Thmey Daily.

នៅក្នុងថ្ងៃប្រឡងផ្តាច់ព្រ័ត្រនៃកម្មវិធី Miss Teen Cambodia 2025បវរកញ្ញាយុវតី ល្អហួស បានលើកយកប្រធានបទ “២៤ កក្តដា ខ្មែររងការបាញ់ប្រហារពីថៃ” មកនិយាយទាំងអួលដើមកនៅក្នុងកម្មវិធីប្រកួតមួយនេះ។ ក្នុងនោះគេសង្កេតឃើញមហាជនជាច្រើនបានបង្ហាញការគាំទ្រ និងកោតសរសើរខ្លាំងចំពោះការលើយកប្រធានបទខាងលើនេះ មកបង្ហាញទៅកាន់ពិភពលោក។

ទោះបីយ៉ាងស្រាប់តែមាននារីម្នាក់បានបញ្ចេញមតិថាមិនដែលឃើញប្រទេសណានៅថ្ងៃប្រឡង Miss Teen យំទួញសោកអ៊ីចឹងទេ គួរតែយកសាច់រឿងអ្វីផ្សេងមកនិយាយតែមិនមែនថា មិនអើពើនិងរឿងសង្គ្រាមទេ ហេតុអី្វក៏តែងតែយំឱ្យតែប្រឡង?។ យើងអាចរើសយក content ផ្សេងៗទៀតបានតើ។នេះជាថ្ងៃប្រឡ ងផ្នែកសម្រស់ភាពស្រស់ស្អាតនិងញញឹម ចែកចាយក្តីសប្បាយនិងសម្ថភាពខ្លួនក្រៅពីសម្រស់។

ប្រភពដដែលបានបន្តថា “ខ្ញុំតែងតែចូលចិត្តល្អហួសគេមានដុងគ្រប់ទំរង់ និងវ័យក្មេងជោគជ័យហួសអាយុ បើមិនជាប់ទៀតមានតែគណ:កម្មការ”។ ឆ្លើយតបការលើកឡើងនេះ ដេននី ក្វាន់ ដែលជាម្តាយបានបញ្ជាក់ថា “បើមិនអោយល្អហួសលើកយកប្រធានថៃបើកសង្គ្រាមបាញ់កម្ពុជាតើចង់អោយគាត់យកអី្វមកនិយាយ? ការដែលយករឿងពិតមកនិយាយហើយជារឿងប្រវត្តិសាស្រ្តដ៏ឈឺចាប់អ្នកណាក៏យំដែរបើមិនយំមិនឈឺចាប់មិនមែនជាខ្មែរនោះទេ”។

សូមបញ្ជាក់ថា ឆ្លងកាត់ការប្រកួតយ៉ាងស្វិតស្វាញទី បំផុតកម្មវិធីប្រកួតសម្រស់បវរកញ្ញាយុវតី Miss Teen Cambodia 2025 បានឈានដល់វគ្គប្រកួតផ្ដាច់ព្រ័ត្រហើយដោយរកឃើញម្ចាស់ជ័យលាភីគ្រងមកុដថ្មី Miss Teen Cambodia ប្រចាំឆ្នាំ២០២៥ គឺបានទៅលើ ជូរី ល្អហួស ដែលត្រៀមតំណាងកម្ពុជាទៅប្រ កួតលើឆាកអន្តរជាតិ៕ អត្ថបទ ៖ ចាន់រ៉ា

The post ម្តាយ ល្អហួស ចេញមុខឆ្លើយតបការពារកូនស្រីក្រោយនារីម្នាក់ថា មិនគួរលើកយករឿងសង្គ្រាមមកនិយាយ appeared first on Kampuchea Thmey Daily.

ជូរី ល្អហួស បានបញ្ជាក់ឲ្យដឹងថា សម្រាប់ការប្រកួតគឺយើងត្រូវតែទទួលស្គាល់ថាលេខ១គឺមានតែម្នាក់គត់ដូច្នេះនាងបានត្រៀមខ្លួនរួចជាស្រេចក្នុងការទទួលយកភាពជោគជ័យនិងភាពបរាជ័យ នៅថ្ងៃប្រកួតផ្ដាច់ព្រ័ត្រនៅថ្ងៃទី១៦ ខែវិច្ឆិកាឆ្នាំ២០២៥ នៅផ្សារទំនើបអុីអន១វេលា ម៉ោង៦រសៀល។

ល្អហួស បាននិយាយទៀតថា “ល្អហួស MTC28 Final day នាងខ្ញុំត្រៀមខ្លួនរួចរាល់ទាំងសម្រស់និងចំណេះដឹងក្នុងការទៅដណ្តើមយកមកុដ MissTeen Cambodia 2025 ទោះបីជាលទ្ធផលចេញមកបែបណាឈ្នះឬចាញ់ក៏នាងខ្ញុំនៅតែញញឹមទទួលយកការពិតលើសមត្ថភាពរបស់ខ្លួនឯង”។

គួររម្លឹកដែរថា កាលពីថ្មីៗកន្លងទៅ អតីតបវរកញ្ញាវ័យ ក្មេង ជូរី ល្អហួស ធ្លាប់បានអះអាងឆន្ទ:របស់ខ្លួន ថាប្រសិនបើឆ្នាំនេះនាងឈ្នះមកុដក្នុងការប្រកួតវិស័យបវរកញ្ញាក្នុងស្រុកនោះគឺខ្លួននឹងយកចម្រៀង Original ចម្រៀងពិតយកទៅច្រៀងឲ្យអន្តរជាតិបានស្តាប់ល្បិចកល់ដ៏កខ្វក់របស់ចោរឈ្លានពាន។

ក្នុងន័យនេះ ជូរី ល្អហួស ចង់និយាយដោយសំដៅថា បើខ្លួនមានឱកាសតំណាងកម្ពុជាទៅប្រកួតនៅលើឆាកអន្តរជាតិនាងនឹងបង្ហាញឱ្យអន្តរជាតិបានដឹងនូវបញ្ហាសង្គ្រាមឈ្លានពានរបស់សៀម ដែលជាអ្នកចាប់ផ្តើមមកលើបូរណភាពទឹកដីកម្ពុជាមុន។ ការលើកឡើងរបស់ ជូរី ល្អហួស នេះ ក្រោយបវរកញ្ញាថៃម្នាក់បំភ្លៃការពិតបោកអន្តរជាតិ តាមរយៈឆាកប្រកួតកម្មវិធី Miss Grand International កាលពីថ្មីៗនេះ៕ ចាន់រ៉ា

The post ល្អហួស ត្រៀមទទួលយកលទ្ធផលក្នុងការប្រកួត MTC 2025 ទោះឈ្នះឬចាញ់ នឹងញញឹមយកការពិត appeared first on Kampuchea Thmey Daily.

ក្នុងន័យនេះ ជូរី ល្អហួស ចង់និយាយដោយសំដៅថា បើខ្លួនមានឱកាសតំណាងកម្ពុជាទៅប្រកួតនៅលើឆាកអន្តរជាតិខ្លួននឹងបង្ហាញឲ្យអន្តរជាតិបានដឹងនូវបញ្ហាសង្គ្រាមឈ្លានពានរបស់សៀម ដែលជាអ្នកចាប់ផ្តើមមកលើបូរណភាពទឹកដីកម្ពុជាមុន។ ការលើកឡើងរបស់ ជូរី ល្អហួសនេះ គឺក្រោយបវរកញ្ញាថៃម្នាក់បំភ្លៃការពិតបោកអន្តរជាតិតាមរយៈឆាកប្រកួតកម្មវិធី Miss Grand International កាលពីថ្មីៗនេះ។

ល្អហួស បានបញ្ជាក់ថាបើសិនជា ល្អហួស បានឈ្នះមកុដក្នុងស្រុកនៅក្នុងឆ្នាំនេះហើយតំណាងអោយក ម្ពុជាទៅប្រកួតនៅលើឆាកអន្តរជាតិជាង៤០ ប្រទេស នៅប្រទេសឥណ្ឌា កូនស្រីកម្ពុជាមួយរូបនេះនិងយកចម្រៀងOriginal ចម្រៀងពិត យកទៅច្រៀងអោយអន្តរជាតិបានស្តាប់ម្តង ។

ជូរី ល្អហួសបានបន្តថាចង់ដឹងថាតើមួយណាពិរោះជាបងមួយណារវាងចម្រៀង original ពិតប្រាកដដែលដិតដាមចង់ចាំនៅក្នុងខួរក្បាលនិងបេះដូងនិងចម្រៀង Copy ដែលអ្នកប្រឌិតឡើងសរសេរមកយ៉ាងកខ្វក់ ទន្ទេញយកមកច្រៀងកុហកមនុស្សពេញពិភពលោកនោះផ្ការំដួលកម្ពុជាមួយទងនេះ និងរកយុត្តិធម៌ និងភាពត្រឹមត្រូវជូនប្រទេសកម្ពុជាឱ្យទាល់តែបាន។

ទោះបីយ៉ាងណា មានមហាជនអ្នកគាំទ្រនិងអ្នកតាមដានវិស័យបវរកញ្ញានៅកម្ពុជាមួយចំនួនបានលើកទឹកចិត្ត និងជូនពរឲ្យល្អហួស សម្រេចបំណងក្នុងការប្រកួតវគ្គផ្តាច់ព្រ័ត្រ Miss Teen Cambodia 2025 ក្លាយជាម្ចាស់មកុដដើម្បីមានឱកាសឡើងទៅកាន់ឆាកអន្តរជាតិ៕ ចាន់រ៉ា

The post ល្អហួស ថា បើឈ្នះមកុដឆ្នាំនេះ នឹងយកការពិតទៅប្រាប់អន្តរជាតិឱ្យដឹងកាន់តែច្បាស់ពីល្បិចកលដ៏កខ្វក់ផ្ទះលេខ២ appeared first on Kampuchea Thmey Daily.

ថ្មីៗនេះ កំពុងផ្ទុះរឿងរ៉ាវនៃការលើកឡើងបំពានការពិតរបស់បវរកញ្ញាថៃម្នាក់ ក្នុងកម្មវិធីប្រកួតប្រជែងសម្រស់ និងសមត្ថភាព លើឆាកអន្តរជាតិ Miss Grand International ដោយនាងបានលើកឡើងពីសារៈសំខាន់សន្តិភាព តែបែរជាផ្សារភ្ជាប់នឹងពាក្យភូតកុហកមនុស្សជាតិពីជម្លោះព្រំដែនកម្ពុជា-ថៃ ទៅវិញ។

ក្នុងខ្លឹមសារនោះ នាងហាក់បង្ហាញពីជម្លោះដែលកំពុងកើតមានរវាងកម្ពុជា និងថៃ ខណៈដែលប្រជាជនថៃខ្លួនឯងក៏ច្បាស់ហើយថា អ្នកណាជាអ្នកផ្តើម តែបែរជានិយាយថា គេបំពានប្រទេសជាតិខ្លួន និងបំភ្លៃថា ប្រជាជនខ្លួនភ័យខ្លាចនិងបាត់បង់ជីវិតច្រើនទៅវិញ។ មិនតែប៉ុណ្ណោះ នាងថែមទាំងសង្កត់ធ្ងន់លើការទាមទារឱ្យបញ្ចប់សង្គ្រាម ទាំងដែលអន្តរជាតិក៏ដឹងហើយថា ភាគីថៃទេ ដែលមិនព្រមគោរពបទឈប់បាញ់ និងតែងតែបំពានដែនអធិបតេយ្យកម្ពុជាជាបន្តបន្ទាប់។

ដោយមើលឃើញទង្វើបំពានការពិតឥតខ្មាសរបស់បវរកញ្ញាថៃរូបនរះ ល្អហួស រៀបរាប់ថា “Miss MGI សៀ..ម និយាយខុសពីការពិត ប្រឌិតទាំងស្រុង ពូកែសម្តែងណាស់ . អ្នកសើចមុនសិនចុះ ចាំអោយកម្ពុជានិយាយការពិតនៅលើឆាកអន្តរជាតិវិញម្តង អ្នកសើចក្រោយអាចលឺជាងអ្នកសើចមុន”។

The post ល្អហួស ៖ សើចមុនចុះ ចាំឱ្យកម្ពុជានិយាយការពិតលើឆាកអន្តរជាតិវិញម្តង អ្នកសើចក្រោយអាចឮជាងអ្នកសើចមុន appeared first on Kampuchea Thmey Daily.