លោក ស សុខា តាមរយៈទំព័រហ្វេសប៊ុកផ្លូវការនាល្ងាចថ្ងៃទី២៩ ខែវិច្ឆិកា ចាត់ទុកទង្វើសាមញ្ញរបស់មន្ត្រីនគរបាលជាតិកម្ពុជា ប្រចាំនៅច្រកទ្វារអន្តរជាតិប៉ោយប៉ែត ដែលសណ្ដោសប្រណីលើជនជាតិថៃ ថាជានិមិត្តរូបមួយនៃភាពជាមនុស្សជាតិ ពិសេសក្នុងចំណោមជនជាតិខ្មែរ និងថៃ។ លោកចាត់ទុកដូច្នេះ បន្ទាប់ពីឃើញវីដេអូមន្ត្រីនគរបាលជាតិកម្ពុជា ផ្ដល់ក្ដីសណ្ដោសប្រណី និងផ្ដល់ថវិកាដល់ជនជាតិថៃរងរបួសជើង ដើររើសអេតចាយសន្សំប្រាក់ដើម្បីវិលទៅភូមិឋានកំណើតវិញ ក្នុងគ្រាស្ថានភាពជម្លោះព្រំដែនរវាងថៃ-កម្ពុជានៅមិនទាន់ធូរស្រាល។

លោក ស សុខា សរសេរៀបរាប់ថា អនុសេនីយ៍ទោ ជា តាកីម មន្ត្រីនៅប៉ុស្តិ៍នគរបាលច្រកទ្វារព្រំដែនអន្តរជាតិ ប៉ោយប៉ែត បានប្រទះឃើញជនម្នាក់ កំពុងដើរដោយមានកាន់របស់របរខ្លះ នៅគោលដៅស្ពានផ្លូវរទេះភ្លើង ជាប់ព្រំដែនកម្ពុជា-ថៃ កាលពីវេលាម៉ោង ៨ និង ៣០នាទីយប់ កាលពីថ្ងៃទី២៧ ខែវិច្ឆិកា ឆ្នាំ២០២៥ ហើយព្រោះតែការសង្ស័យ ទើបលោក បានសួរនាំជននោះ ព្រោះពីដំបូងគិតថា ជាជនជាតិខ្មែរ ប៉ុន្តែពេលសួរទៅ ទើបដឹងថាជាជនជាតិថៃ។លោក

លោក ស សុខា ឱ្យដឹងទៀត បន្ទាប់ឃើញសភាពជាក់ស្តែង ហើយដឹងពីសាច់រឿងពិត អារម្មណ៍អាណិតអាសូរ របស់នគរបាលជាតិកម្ពុជាបានកើតមានភ្លាមៗ គ្មានឡើយការនឹកគិតខឹង ឬស្អប់ ពេលដឹងថាជននោះ ជាជនជាតិថៃ។

ដោយសារជននោះ មិនទាន់រកការងារធ្វើបាន មិនមានប្រាក់ជាប់ខ្លួន និងកំពុងដើររើសអេតចាយដើម្បីសន្សំប្រាក់ត្រឡប់ទៅផ្ទះវិញ ជាពិសេសដោយឃើញថាជននោះ មានរបួសជើងផង លោក ក៏បានផ្ដល់ថវិកាមួយចំនួន ទៅឱ្យជននោះ និងអនុញ្ញាតឱ្យបន្តដំណើរ។

រដ្ឋមន្ត្រីមហាផ្ទៃ មើលឃើញថា ÷”សង្គ្រាម និងការពុំឯកភាពគ្នាខាងទស្សនៈ និងគោលជំហរអំពីបញ្ហាព្រំដែនរវាងរដ្ឋ និងប្រជាជនទាំងសងខាង គឺជាបញ្ហាធំ។ ប៉ុន្តែទោះក្នុងតម្លៃណាក៏ដោយ មនោសញ្ចេតនា ក្នុងនាមជាមនុស្សដូចគ្នា ក៏ជាវប្បធម៌ពុំអាចលុបបំបាត់បានពីសង្គមមនុស្សដែរ។ “។

លោក ស សុខា ចាត់ទុកទង្វើដល់របស់មន្ត្រីនគរបាលជាតិកម្ពុជាថាជារឿងហេតុដ៏សាមញ្ញ ប៉ុន្តែរឿងនេះវាបានក្លាយជាគំរូដ៏អស្ចារ្យសម្រាប់មន្ត្រី និងប្រជាជនទាំងសងខាង។ លោក

រដ្ឋមន្ត្រីមហាផ្ទៃ ស សុខា បន្ថែមថា÷”ទោះក្នុងស្ថានភាពណាក៏ដោយ ក្នុងនាមជាជនស៊ីវិលដូចគ្នា យើងគប្បីផ្ដល់ការស្រលាញ់រាប់អាន និងជួយយកអាសារគ្នា ដោយមិនត្រូវប្រកាន់ជាតិសាសន៍ ពណ៌សម្បុរ និងសាសនាឡើយ។អំពើល្អ គឺជាប្រភពថាមពលនៃសន្តិភាព និងភាពសុខដុមនៃមនុស្សជាតិ!”៕

The post នគរបាលខ្មែរជួយពលរដ្ឋថៃ÷ រដ្ឋមន្ត្រីមហាផ្ទៃចង់ឱ្យខ្មែរបន្ត ហើយថៃគប្បីចេះជួយអាសារគ្នា មិនប្រកាន់ពូជសាសន៍ appeared first on Kampuchea Thmey Daily.

តាមប្រភពពីទំព័រហ្វេសប៊ុក Dr. Beat Richner នៅថ្ងៃទី២៤ ខែមិថុនា នេះ បានឱ្យដឹងថា កុមារីអាយុ ៤ឆ្នាំកន្លះ មកពីខេត្តត្បូងឃ្មុំ មានជំងឺអុតស្វាយ ក្លាយដំបៅខ្លោចស្បែកពេញខ្លួនយ៉ាងធ្ងន់ធ្ងរបំផុត និងមានមេរោគបង្កក្នុងឈាមបណ្តាលឱ្យរលាកសួតយ៉ាងធ្ងន់ធ្ងរ ព្រមទាំងរលាកខួរក្បាលទៀតផង ត្រូវបានក្រុមគ្រូពេទ្យសង្រ្គោះបន្ទាន់នៅមន្ទីរពេទ្យគន្ធបុប្ផា ថែទាំព្យាបាលសង្គ្រោះអស់រយៈពេល ៣៣ថ្ងៃ ហើយថ្ងៃនេះបានជាសះស្បើយ និងបានត្រឡប់ទៅផ្ទះវិញ។

មន្ទីរពេទ្យគន្ធបុប្ផា ត្រូវបានទទួលស្គាល់ជាមន្ទីរពេទ្យគំរូមួយ ដែលបានចូលរួមយ៉ាងសកម្ម ក្នុងការកាត់បន្ថយអត្រាមរណភាពមាតា កុមារ និងទារកនៅកម្ពុជា ហើយរាល់ការព្យាបាលទាំងអស់ គឺឥតគិតថ្លៃ សម្រាប់គ្រប់ៗគ្នា ដោយគ្មានការរើសអើង៕

The post កុមារីអាយុជាង ៤ឆ្នាំ មានជំងឺអុតស្វាយក្លាយដំបៅធ្ងន់ធ្ងរ ត្រូវបានមន្ទីរពេទ្យគន្ធបុប្ផា សង្គ្រោះបានដោយជោគជ័យ appeared first on Kampuchea Thmey Daily.

បើតាមប្រភពដដែលបានឱ្យដឹងថា ក្រុមមន្ត្រីនគរបាល បានជួយសង្គ្រោះដល់ស្ត្រីមានផ្ទៃពោះឆ្លងទន្លេតាមផ្លូវបានទារកចំនួន ១នាក់ ភេទប្រុស នៅវេលាម៉ោង៤ និង៤៥នាទីរសៀល នៅត្រង់ចំណុចគល់ស្ពានអ្នកលឿងត្រើយខាងកើត ក្នុងភូមិសាស្ត្រស្រុកពាមរក៍ ខេត្តព្រៃវែង ដោយក្រុមមន្ត្រីនគរបាល បានយករថយន្តសុឺរ៉ែនរបស់អធិការដ្ឋាន ដឹកនាំ និងជួយសង្គ្រោះបញ្ជូនទៅមន្ទីរពេទ្យបង្អែកអ្នកលឿង ដោយសុវត្ថិភាពទាំងម្ដាយ និងកូនបានទាន់ពេលវេលា។

ស្នងការដ្ឋាននគរបាលជាតិបញ្ជាក់ថា ស្ត្រីដែលមានផ្ទៃពោះឆ្លងទន្លេនៅត្រង់ចំណុចគល់ស្ពានអ្នកលឿងនោះ មានឈ្មោះថា ឌី ចន្ធូ អាយុ២៨ឆ្នាំ មានមុខរបរជាមេផ្ទះ ប្ដីឈ្មោះ ហឿន រ៉ាវី អាយុ ៣៤ឆ្នាំ មុខរបរជាកម្មករ មានទីលំនៅភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្ដាល៕

The post មន្ត្រីនគរបាលខេត្តព្រៃវែង ជួយសង្គ្រោះស្ត្រីម្នាក់សម្រាលកូនតាមផ្លូវ នៅគល់ស្ពានអ្នកលឿងបានជោគជ័យ appeared first on Kampuchea Thmey Daily.

តាមអ្នកនាំពាក្យរាជរដ្ឋាភិបាល លោក ប៉ែន បូណា សម្តេចតេជោ ហ៊ុន សែន គឺជាតួអង្គពិតក្នុងបេសកកម្ម «សំណាងមួយក្នុងមួយម៉ឺនគ្រោះថ្នាក់»នេះ។ លោក ប៉ែន បូណា បានរៀបរាប់ថា នៅម្ខាង គឺជាវាលពិឃាដនៃរបបប្រល័យពូជសាសន៍ដែលកាប់សម្លាប់មនុស្សគ្មានត្រាប្រណី រីឯនៅម្ខាងទៀត គឺជាព្រំដែនប្រទេសជិតខាងដែលកងទ័ពខ្មែរក្រហមធ្លាប់បើកការវាយប្រហារជារឿយៗ។ ស្ថានភាពនេះ មិនខុសពីចុះទឹកក្រពើឡើងលើខ្លានោះឡើយ។ ប៉ុន្តែដោយអំណាចនៃទឹកចិត្តស្នេហាជាតិដ៏មោះមុត កុលបុត្រខ្មែរដ៏ឆ្នើមរូបនេះ មិនញញើតឡើយក្នុងការប្រថុយជីវិតដើម្បីបុព្វហេតុរំដោះជាតិពីក្រញាំបិសាចអាវខ្មៅ។

លោក បានបន្តថា ក្រោយឆ្លងកាត់ឧបសគ្គរាប់សែនលានជំពូក ចលនាតស៊ូរំដោះជាតិក៏ត្រូវបានបង្កើតឡើងនៅថ្ងៃទី១២ ឧសភា ១៩៧៨។ បន្ទាប់មក រណសិរ្ស២ធ្នូ ក៏បានកកើតឡើងក្នុងឆ្នាំដដែល រហូតឈានដល់ជ័យជំនះថ្ងៃ៧ មករា ឆ្នាំ ១៩៧៩ ដែលបានសង្គ្រោះជីវិតខ្មែរគ្រប់គ្នាឱ្យរស់រានមានជីវិតដូចក្តីប្រាថ្នា។

បើទោះបីបេសកកម្មទាមទារសិទ្ធិរស់រានមានជីវិតបានទទួលជោគជ័យ ប៉ុន្តែសម្តេចតេជោ ហ៊ុន សែន និងឥស្សរជនគណបក្សប្រជាជនកម្ពុជា បន្តរែកពន់នូវអម្រែកដ៏សែនធ្ងន់នៅលើស្មា ពីព្រោះប្រទេសជាតិទាំងមូលត្រូវបានបំផ្លាញខ្ទេចខ្ទាំទាំងហេដ្ឋារចនាសម្ព័ន្ធសង្គម ទាំងធនធានមនុស្ស។ ដៃម្ខាងខំប្រឹងកសាងប្រទេសពីគំនរផេះផង់ រីឯដៃម្ខាងទៀតប្រឹងទប់កុំឱ្យរបបប្រល័យពូជសាសន៍វិលវិញ។ នេះជាការគូសបញ្ជាក់របស់លោក ប៉ែន បូណា។

ដូច្នេះ លោក ប៉ែន បូណា បានសង្កត់ធ្ងន់ថា បើក្រឡេកថយក្រោយ​ ដើម្បីរំលឹកអំពីដំណើរឆ្ពោះទៅការរំដោះជាតិ និងដំណើរការកសាងជាតិឡើងវិញក្រោយរបបខ្មែរក្រហម រហូតសម្រេចបានសមិទ្ធផលជូនប្រទេសជាតិដូចសព្វថ្ងៃ ប្រាកដជាស្គាល់ច្បាស់ថា តើនរណាជាវីរជនសិទ្ធិមនុស្សពិតប្រាកដរបស់កម្ពុជា នរណាជាមហាវីរបុរសជាតិខ្មែរ នរណាជាបិតាស្ថាបនិកនិងប្រតិបត្តិករសន្តិភាព និងនរណាជាអ្នកសាងសមិទ្ធផលធំធេងអស្ចារ្យសម្រាប់ប្រទេសនេះដែលមិនធ្លាប់មានក្នុងប្រវត្តិសាស្ត្រសម័យទំនើបរយៈពេល៥០០ឆ្នាំចុងក្រោយ។ ទោះបីជាមានអ្នកខ្លះភ្លេច ឬធ្វើជាភ្លេចដោយសារតែហេតុ ផលនយោបាយងប់ងល់ជ្រុលនិយម ប៉ុន្តែពលរដ្ឋខ្មែរភាគច្រើនលើសលប់នៅចងចាំគ្មានថ្ងៃភ្លេចឡើយនូវព្រឹត្តិការណ៍ជាប្រវត្តិសាស្ត្រនេះ។

អ្នកនាំពាក្យរូបនេះ បានអះអាងយ៉ាងច្បាស់ថា សន្តិភាព និងសមិទ្ធផលគ្រប់បែបយ៉ាងដែលកើតមាននៅលើទឹកដីកម្ពុជាសព្វថ្ងៃ គឺជាស្នាដៃដឹកនាំរបស់រាជរដ្ឋាភិបាលគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាអតីតនាយករដ្ឋមន្ត្រី ដោយគ្មានអ្នកណាអាចកាឡៃបានឡើយ។ សមិទ្ធផលទាំងនេះ ត្រូវបានធានាការពារយ៉ាងគត់មុតដោយសម្តេចធិបតី ហ៊ុន ម៉ាណែត នាយករដ្ឋមន្ត្រីបច្ចុប្បន្ន ដែលកំពុងដឹកនាំប្រទេសឈានទៅសម្រេចចក្ខុវិស័យកម្ពុជា ឆ្នាំ ២០៥០ ក្លាយជាប្រទេសមានចំណូលខ្ពស់ ដែលនឹងក្លាយជាកំណត់ត្រាប្រវត្តិសាស្ត្រថ្មីមួយទៀតសម្រាប់កម្ពុជាសម័យទំនើប៕

The post អ្នកនាំពាក្យ៖២០មិថុនា កំណត់ត្រាអំពីតម្លៃនៃការលះបង់ដើម្បីសិទ្ធិរស់រានមានជីវិតរបស់ពលរដ្ឋខ្មែរ appeared first on Kampuchea Thmey Daily.

នៅ​ថ្ងៃ​ទី ០៧ ខែ​កញ្ញា ឆ្នាំ ២០២៣ នេះ យោង​តាមរយៈ​ផេក​ហ្វេស​ប៊ុក Dr. Beat Richner បាន​ឲ្យ​ដឹង​ថា ក្មេង​ស្រី អាយុ ១២ ឆ្នាំ ម្នាក់ មកពី​ខេត្ត​កោះកុង មាន​ជំងឺ​ប្រហោង​សន្ទះ​ថត​លើ​បេះដូង​យ៉ាង​ធំ​ពី​កំណើត (Large ASD) បណ្ដាល​ឲ្យ​ពិបាក​ដកដង្ហើម និង​រីក​បេះដូង នាង​ត្រូវ​បាន​ក្រុម​គ្រូពេទ្យ​ឯកទេស​វះកាត់​បេះដូង​នៅ​មន្ទីរពេទ្យ​គន្ធបុប្ផា​ភ្នំពេញ ជួយ​សង្គ្រោះ ដោយ​ធ្វើការ​វះកាត់​ភ្ជិត​ប្រហោង​បេះដូង​បាន​ជោគជ័យ។

ផេក​ហ្វេស​ប៊ុក ដដែល បញ្ជាក់​ថា នេះ​ជា​ករណី​ទី ១៥៨៤ ហើយ​ថ្ងៃនេះ ក្មួយ​ស្រី​ខាង​លើ បាន​ជា​សះស្បើយ​ត្រឡប់​ទៅ​ផ្ទះ​វិញ ដោយ​ស្នាមញញឹម​ជាមួយ​ឪពុកម្ដាយ​នាង។

ជាមួយ​នេះ មន្ទីរពេទ្យ​គន្ធបុប្ផា ក៏​បាន​អរគុណ​មូលនិធិ​គន្ធបុប្ផា​ស្វីស និង​មូលនិធិ​គន្ធបុប្ផា​កម្ពុជា ព្រមទាំង​សប្បុរសជន​គ្រប់ៗ រូប ដែល​តែងតែ​គាំទ្រ​ដល់​ដំណើរការ​មន្ទីរពេទ្យ​គន្ធបុប្ផា​ផង​ដែរ។

សូម​បញ្ជាក់​ថា រាល់​ការ​ព្យាបាល​ជំងឺ​ទាំងអស់ គឺ ឥតគិតថ្លៃ សម្រាប់​គ្រប់ៗ គ្នា ដោយ​គ្មាន​ការ​រើសអើង​ចំពោះ​បុគ្គល​ណា​មួយ​ឡើយ៕

អត្ថបទ ៖ ពិសី

The post ក្មេងស្រីម្នាក់ កើតជំងឺប្រហោងសន្ទះថតលើបេះដូងយ៉ាងធំ ពីកំណើត ពិបាកដកដង្ហើម រីកបេះដូង ត្រូវបានមន្ទីរពេទ្យគន្ធបុប្ផាភ្នំពេញ ជួយសង្គ្រោះជោគជ័យ appeared first on Kampuchea Thmey Daily.

ហេតុការណ៍នេះបានកើតឡើងនៅថ្ងៃអង្គារ ទី២២ វេលាម៉ោង ៧ ព្រឹក ម៉ោងក្នុងប្រទេសប៉ាគីស្ថាន ។

ពេលនោះមានមនុស្សមួយក្រុមបានជាប់គាំងក្នុងកន្រ្តកខ្សែកាប ដោយសារដាច់ខ្សែកាបមួយក្នុងចំណោមខ្សែ ២ ខណៈពេលធ្វើដំណើរទៅសាលារៀននៅទីក្រុង Battagram ។ អ្វីដែលគួរឲ្យព្រួយបារម្ភនោះគឺ កន្ត្រកបានឈប់ពីលើជ្រលងភ្នំកម្ពស់ប្រហែល ២៧០ ម៉ែត្រឯណោះ ។

មិនតែប៉ុណ្ណោះ បេសកកម្មជួយសង្គ្រោះមានភាពស្មុគស្មាញណាស់ ដោយសារខ្យល់បក់ខ្លាំង ជាពិសេសធ្វើឲ្យឧទ្ធម្ភាគចក្រពិបាកចុះទៅជួយតែម្ដង ។

សូមបញ្ជាក់ថា ការជួយសង្គ្រោះត្រូវបានចូលរួមដោយកម្លាំងយោធា មន្ទីរសង្គ្រោះ រដ្ឋបាលស្រុក ក៏ដូចជាប្រជាពលរដ្ឋផងដែរ ។ ដូច្នេះការទទួលជោគជ័យនៃការជួយសង្គ្រោះលើកនេះ ធ្វើឲ្យប្រជាជនប៉ាគីស្ថានរាប់លាននាក់ត្រេកអរជាពន់ពេក ៕

ប្រែសម្រួល៖ វារី

ប្រភព៖ Dailymail

ចុចអាន៖ ដំណើររឿងអព្ភូតហេតុ ឈានទៅដល់ការរកឃើញកុមារ៤នាក់ ជាប់ក្នុងព្រៃអាម៉ាហ្សូន ៤០ថ្ងៃ

The post មនុស្ស ៨ នាក់ជាប់ក្នុងកន្ត្រកខ្សែកាបនៅ ប៉ាគីស្ថាន ត្រូវគេជួយសង្គ្រោះដោយសុវត្ថិភាព appeared first on Kampuchea Thmey Daily.