ប្រធានមន្ទីរ សាធារណការនិងដឹកជញ្ជូនខេត្តព្រះវិហារ លោកសំ លាងទ្រី បានឱ្យដឹងថា៖ក្រុមការងារ បានអនុវត្តការស្រោចកៅស៊ូ បន្ថែមពីលើ(Reseal) នៅលើកំណាត់ផ្លូវជាតិលេខ៩ត្រង់ចន្លោះគីឡូម៉ែត្រ គម ៥៣៥+២៧០ ដល់គម ៥៣៩+២៧០។ ការងារ នេះជាផ្នែកមួយនៃផែនការថែទាំខួប ដើម្បីធានាថា ផ្លូវ នៅតែមានគុណភាពល្អ និងអាចប្រើប្រាស់បាន យូរអង្វែង។

ដោយបានមើលឃើញពីការយកចិត្តទុកដាក់ពីមន្ទីរ សាធារណការ និង ដឹកជញ្ជូនខេត្តព្រះវិហារបានធ្វើការជួសជុលកែលម្អរផ្លូវក្នុងខេត្តកន្លងមកនិងបច្ចុបុបន្នជាបន្តបន្ទាប់ឥតឈប់ឈរនេះធ្វើឱ្យប្រជាពលរដ្ឋដែលឆ្លងកាត់បានសម្ដែងនូវការកោតសរសើរដល់លោកប្រធានមន្ទីរដែលដឹកនាំការងារជួសជុលផ្លូវបានស្អាតមានគុណភាពនិងមានសោភណ្ឌភាពថែមទៀតពិសេសនោះការធ្វើដំណើររបស់ប្រជាពលរដ្ឋកាន់តែងាយស្រួលលឿន៕

ដោយ ៖ ស្រីរ័ត្ន

The post មន្ទីរ សាធារណការខេត្តព្រះវិហារស្រោចកៅស៊ូបន្ថែមពីលើ(Reseal) ដើម្បីបន្តអាយុកាលផ្លូវជាតិលេខ៩ appeared first on Kampuchea Thmey Daily.

ប្រជាពលរដ្ឋ បានបង្ហាញក្ដីរំភើបសម្រាប់ការទទួលបានសមិទ្ធផលផ្លូវក្រាលកៅស៊ូថ្មីមួយខ្សែនេះ ដែលជាអំណោយរបស់សម្ដេចតេជោ ហ៊ុន សែន ជូនប្រជាពលរដ្ឋបង្កភាពងាយស្រួលក្នុងការផ្លូវដំណើរ ជាពិសេសប្រជាពលរដ្ឋក្នុងមូលដ្ឋានស្រុកក្រឡាញ់ផ្ទាល់។ មុនផ្លូវមួយខ្សែនេះ លំបាកខ្លាំងក្នុងការធ្វើដំណើរ ដោយសារតែមានក្រឡុក ហើយរអិលព្រោះជាប្រភេទផ្លូវដីឥដ្ឋ ដោយការដឹកជញ្ជូនកសិផលទៅមកមានភាពលំបាក ជាពិសេសសិស្សទៅសាលារៀន អ្នកជំងឺ ឬស្ត្រីមានផ្ទៃពោះ ដែលត្រូវធ្វើដំណើរគឺរឹតតែលំបាកខ្លាំង។

ពលរដ្ឋបន្តថា ចាត់តាំងពីសមិទ្ធផលផ្លូវនេះបានសាងសង់រួចរាល់មក ប្រជាពលរដ្ឋមានអារម្មណ៍សប្បាយចិត្តខ្លាំងណាស់ ដោយសារងាយស្រួលក្នុងការធ្វើដំណើរ។ ពួកគាត់បានគោរពថ្លែងអំណរគុណចំពោះ សម្ដេចតេជោ ហ៊ុន សែន និង សម្ដេចធិបតី ហ៊ុន ម៉ាណែត ដែលលោកបានយកចិត្តទុកដាក់លើសុខទុក្ខ និងជីវភាពរបស់ប្រជាពលរដ្ឋ ដោយបានសាងសង់ផ្លូវមួយខ្សែនេះតាមរយៈ លោក សៀង ណាំ និង ឯកឧត្តម ប្រាក់ សោភ័ណ អភិបាលខេត្ត។ “សូមអរគុណដល់រាជរដ្ឋាភិបាល និងថ្នាក់ដឹកនាំទាំងអស់ដែលបានគិតគូរដល់ប្រជាពលរដ្ឋ”។

លោក សុខ ណារ៉េត អភិបាលស្រុកក្រឡាញ់ បានឱ្យដឹងថា ផ្លូវមួយខ្សែខាងលើនេះ ជាប្រភេទផ្លូវក្រាលកៅស៊ូ DBST មានប្រវែងជាង ២៥គីឡូ ឆ្លងកាត់ឃុំចំនួន៥ គឺឃុំសណ្ដាន់ ឃុំរោងគោ ឃុំស្នួល ឃុំក្រូចគរ និងឃុំសែនសុខ តភ្ជាប់ពីផ្លូវជាតិលេខ ៦ និងផ្លូវជាតិលេខ ៦៨។ គម្រោងនេះចាប់ផ្ដើមពីចុងឆ្នាំ២០២២ និងបញ្ចប់នៅក្នុងឆ្នាំ២០២៥។ ផ្លូវមួយខ្សែនេះ គឺពិតជាមានសារៈសំខាន់ណាស់ គឺជាសរសៃឈាមសេដ្ឋកិច្ចសង្គម គឺកាត់បន្ថយថ្លៃដឹកជញ្ជូនរបស់ប្រជាពលរដ្ឋ។ ការធ្វើដំណើររបស់ប្រជាពលរដ្ឋគ្រប់ប្រភេទតែម្ដង គឺទៅសាលារៀន មន្ទីរពេទ្យ ទៅវត្តអារាម ហើយជាពិសេសគឺការដឹកជញ្ជូនកសិផលរបស់បងប្អូនប្រជាពលរដ្ឋ ព្រោះបងប្អូនប្រជាពលរដ្ឋភាគច្រើនប្រកបរបរកសិកម្ម។ ជារួមផ្លូវនេះគឺការតភ្ជាប់រវាងទីប្រជុំជន និងជនបទ ហើយតភ្ជាប់ទីផ្សារតែម្ដង។

លោក សុខ ណារ៉េត បន្តថា កន្លងមកគឺផ្លូវនេះមានលក្ខណៈលំបាកណាស់ ជាផ្លូវលំជនបទ ហើយបងប្អូនប្រជាពលរដ្ឋសំណូមពរជាច្រើនលើកដែរ។ ក្នុងនោះដោយមានការយកចិត្តទុកដាក់ខ្ពស់ពីសំណាក់ លោក ប្រាក់ សោភ័ណ អភិបាលខេត្តសៀមរាប និងតំណាងរាស្ត្រមណ្ឌលសៀមរាប និងក្រុមការងារចុះជួយមូលដ្ឋានស្រុកក្រឡាញ់ ក៏បាននាំយកសំណើទាំងអស់នេះ ជូនទៅសម្ដេចតេជោ ហ៊ុន សែន ហើយសម្ដេចបានផ្ដល់ជាអំណោយដ៏ថ្លៃថ្លានេះ នាចុងនីតិកាលទី៦ នឹងបន្តសាងសង់បញ្ចប់ក្នុងនីតិកាលទី៧ នៃរដ្ឋសភា។ ប្រជាពលរដ្ឋពួកគាត់បានអបអរសាទរ និងថ្លែងអំណរគុណយ៉ាងខ្លាំងជូនដល់សម្ដេចទាំងទ្វេ គឺផ្លូវនេះ ប្រជាជនហៅថា “ផ្លូវសម្ដេចតេជោ ធិបតី”៕

ដោយ ៖ ជុន កុសល

The post ផ្លូវក្រាលកៅស៊ូជាង២៥គីឡូម៉ែត្រ ជាអំណោយរបស់សម្ដេចតេជោ និង សម្ដេចកិត្តិព្រឹទ្ធបណ្ឌិត ត្រូវបានស្ថាបនារួចរាល់ appeared first on Kampuchea Thmey Daily.

លោក សៀក មុន្នី អភិបាលស្រុកអូររាំង បានប្រាប់កម្ពុជាថ្មីឲ្យដឹងថា កន្លងមកផ្លូវមួយខ្សែនេះមានស្ថានភាពលំបាកខ្លាំង មានជង្ហុកច្រើន ជាពិសេសនៅរដូវវស្សា ដែលបណ្តាលឲ្យមានភក់ល្បាប់ រអិល និងពិបាកធ្វើដំណើរ ទៅកាន់ទីប្រជុំជន មណ្ឌលសុខភាព ឬពេលប្រជាពលរដ្ឋត្រូវឆ្លងទន្លេទៅពិនិត្យផ្ទៃពោះជាដើម។

លោករំពឹងថា ការជួសជុលផ្លូវមួយខ្សែនេះ នឹងជួយសម្រួលដល់ការធ្វើដំណើររបស់បងប្អូនប្រជាពលរដ្ឋឲ្យមានភាពងាយស្រួល និងសុវត្ថិភាពជាងមុន ជាពិសេសការធ្វើដំណើរទៅមណ្ឌលសុខភាព សាលារៀន និងការដឹកជញ្ជូនកសិផលទៅកាន់ទីផ្សារ ដែលអាចជួយលើកកម្ពស់ជីវភាព និងសេដ្ឋកិច្ចរបស់ប្រជាពលរដ្ឋក្នុងមូលដ្ឋានបានមួយកម្រិតទៀតផងដែរ៕

អត្ថបទ៖រៀម សុខហេង

The post អាជ្ញាធរស្រុកអូររាំង បើកការដ្ឋានជួសជុលផ្លូវមួយខ្សែ ដើម្បីសម្រួលដល់ការធ្វើដំណើរ appeared first on Kampuchea Thmey Daily.

អាជ្ញាធរបានឲ្យដឹងថា​ដោយអនុវត្តតាមផែនការដឹកនាំរបស់លោកឃឹម ស៊ុនសូដា អភិបាលនៃគណៈអភិបាលខណ្ឌកំបូល កាលពីថ្ងៃទី១៧ ខែធ្នូ ឆ្នាំ២០២៥ លោក ជា ឃឿន ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: បានដឹកនាំមន្រ្តីការិយាល័យ និងអាជ្ញាធរសង្កាត់-ភូមិ ចុះធ្វើការជួសជុលផ្លូវបេតុងជង្ហុកសំបុកមាន់ ដែលរងការខូចខាត ដើម្បីជួយសម្រួលដល់ប្រជាពលរដ្ឋក្នុងការធ្វើដំណើរ ក៏ដូចជាបញ្ចៀសការគ្រោះថ្នាក់កើតឡើងដោយជាយថាហេតុ។

អាជ្ញាធរបានបន្តថា​ ផ្លូវដែលត្រូវធើ្វការជួសជុលមានចំនួន ០២ខ្សែ ខ្សែទី១ តាមបណ្ដោយផ្លូវបេតុងភូមិព្រៃកី សង្កាត់ភ្លើងឆេះរទេះ​ ចំនួន ០៤កន្លែង ស្មើនឹង ៥៧ម៉ែត្រការ៉េ អស់បេតុង ៩ម៉ែត្រគូប។ ខ្សែទី២ ផ្លូវបេតុងវត្តជន្លង់ម្លូរ ចំនួន ០១កន្លែង ដោយចាក់កៅស៊ូ ម៉ាក FAST FIX ស្ថិតនៅភូមិកប់ភ្លុក់ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

ការជួសជុលនេះដើម្បីសម្រួលដល់បងប្អូនធ្វើដំណើរ​ ហើយផ្លូវដែលសេសសល់អាជ្ញាធរនឹងបន្តជួសជុលជាបន្តបន្ទាប់ទៀត៕ដោយ៖សុខា

The post អាជ្ញាធរខណ្ឌកំបូលបន្តចុះជួសជុលផ្លូវជង្ហុកសំបុកមាន់ក្នុងមូលដ្ឋានសម្រួលដល់ពលរដ្ឋធើ្វដំណើរ appeared first on Kampuchea Thmey Daily.

បើយោងតាមផែនការដឹកនាំ លោក ឃឹម ស៊ុនសូដា អភិបាលនៃគណ:អភិបាលខណ្ឌកំបូល លោក​ ទ្រី​ ណារ៉េត​ អភិបាលរងខណ្ឌកំបូល​ កាលពីថ្ងៃទី៥​ ខែធ្នូ​ ឆ្នាំ២០២៥នេះ​ បានដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងអាជ្ញាធរសង្កាត់-ភូមិ ចុះធ្វើការជួសជុលផ្លូវបេតុងសំបុកមាន់ ដែលរងការខូចខាត ដោយសារជំនន់ទឹកភ្លៀង។

អាជ្ញាធរបានឲ្យដឹងថា​ ការជួសជុលផ្លូវខាងលើនេះមានចំនួន២ខ្សែ​ ដោយខ្សែទី១​ នៅផ្លូវបេតុងវត្តស្ងួនពេជ្រ ស្ថិតនៅភូមិស្ងួនពេជ្រ សង្កាត់កន្ទោក​ និងទី២​ ផ្លូវបេតុងកែងផ្លូវជាតិលេខ៤​ ចូលសាលាខណ្ឌ ភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ​ ដើម្បីសម្រួលមួយគ្រាឲ្យប្រជាពលរដ្ឋធ្វើដំណើរប្រកបរបរផ្សេងៗ​ ចំណែកផ្លូវដែលសេសសល់អាជ្ញាធរនិងបន្តជួសជុលជាបន្តបន្ទាប់៕

អត្ថបទ៖ សុខា

The post អាជ្ញាធរខណ្ឌកំបូលជួសជុលជង្ហុកសំបុកមាន់ក្នុងមូលដ្ឋាន appeared first on Kampuchea Thmey Daily.

អាជ្ញាធរបានឱ្យដឹងថា​ ដោយមានការណែនាំពីលោក​ ឃឹម​ ស៊ុន​ សូដា​ អភិបាលនៃគណៈអភិបាលខណ្ឌកំបូល​ និង លោក ទ្រី ណារ៉េត អភិបាលរងខណ្ឌកំបូល ដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងសង្កាត់ ភូមិ ចុះអនុវត្ត​ឈូសឆាយ​សម្រួលផ្លូវជង្ហុក​ ដើម្បី​ជួយ​សម្រួលក្នុងការធ្វើដំណើររបស់បងប្អូនប្រជាពលរដ្ឋស្ថិតក្នុងភូមិសាស្រ្ត ខណ្ឌកំបូល រាជធានីភ្នំពេញ​បាន​ចំនួន ០២ខ្សែ។ អាជ្ញាធរបានបន្តថា​ ផ្លូវ​ដែលខូចខាត នឹងត្រូវបានអាជ្ញាធរឈូសឆាយសម្រួលរួមមាន៖

ខ្សែទី១៖ ចាប់​ពី​ភូមិត្រពាំងឈូក រហូតដល់ប្រឡាយតាហោ ស្ថិតនៅភូមិត្រពាំងឈូក ភូមិថ្មដា សង្កាត់កន្ទោក ភូមិត្មាតពង ភូមិព្រៃរមាសទី១ និងភូមិព្រៃរមាសទី២ សង្កាត់បឹងធំ​ ខណ្ឌកំបូល។

ខ្សែទី២៖​ តាមបណ្តោយផ្លូវភូមិតាជេត​ ជាប់របងតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ ស្ថិតនៅភូមិតាជេត សង្កាត់បឹងធំ ខណ្ឌកំបូល រាជធានីភ្នំពេញ។

ការឈូសឆាយសម្រួលផ្លូវខាងលេីនេះ ដេីម្បី​ឱ្យ​បងប្អូនងាយស្រួលក្នុងការធ្វេីដំណេីរ​និងប្រកបរបរផ្សេងៗបណ្តុះអាសន្នសិន៕

ដោយ ៖ សុខា

The post អាជ្ញាធរខណ្ឌកំបូល​ដាក់​គ្រឿង​ចក្រ​ឈូសឆាយ​ជួសជុល​ផ្លូវ​ចំនួន២ខ្សែ​ក្នុង​មូលដ្ឋាន appeared first on Kampuchea Thmey Daily.

ជាក់ស្ដែងនៅព្រឹកថ្ងៃទី២៦ ខែវិច្ឆិកា ឆ្នាំ២០២៥ លោក ម៉ប់ សារ៉េត នាយករដ្ឋបាលខណ្ឌ៧មករា តំណាងឲ្យ លោក ថេង សុថុល អភិបាលនៃគណៈអភិបាលខណ្ឌ៧មករា និងលោកស្រី សួ គឹមឡេង ចៅសង្កាត់មនោរម្យ បានបើកការដ្ឋានជួសជុលផ្លូវ អ៊ុតកៅស៊ូ នៅកំណាត់ផ្លូវលេខ១៤០ មូលដ្ឋានសង្កាត់មនោរម្យ ខណ្ឌ៧មករា។

ក្នុងឱកាសបើកការដ្ឋាននេះដែរលោក ម៉ប់ សារ៉េត  នាយករដ្ឋបាលខណ្ឌ៧មករា បានលើកឡើងថា កន្លងមកកំណាត់ផ្លូវនេះមានសភាពជង្ហុកសំបុកមាន់ ខូចខាតស្ទើរទាំងស្រុង ដូច្នេះរដ្ឋបាលខណ្ឌក៏ដូចជាសង្កាត់បានជួសជុលកំណាត់ផ្លូវនេះឲ្យបានល្អប្រសើរជូនប្រជាពលរដ្ឋងាយស្រួលក្នុងការធ្វើដំណើរ។

លោកបន្ថែមថា ចៅសង្កាត់ជាម្ចាស់មូលដ្ឋាន និងម្ចាស់គម្រោងអភិវឌ្ឍន៍របស់សង្កាត់ផ្ទាល់ត្រូវតែចុះត្រួតពិនិត្យតាមដានការដ្ឋានដែលកំពុងតែដំណើរការឲ្យបានជាប់ជាប្រចាំគឺតាមដានត្រួតពិនិត្យ ឲ្យត្រូវលក្ខណៈបច្ចេកទេសត្រឹមត្រូវ ជៀសវាងបង្ករផលប៉ះពាល់ប្រជាពលរដ្ឋ យឺតយាវក្នុងកិច្ចសន្យារបស់គម្រោង។

លោក គឹមតុង ជាប្រជាពលរដ្ឋប្រកបរបរកាត់សក់ នៅកំណាត់ផ្លូវលេខ១៤០ បានលើកឡើងថា ក្រោយរដ្ឋបាលសង្កាត់ និងខណ្ឌបានយកចិត្តទុកដាក់ពីទុក្ខលំបាករបស់ប្រជាពលរដ្ឋ ,ពលរដ្ឋមានក្ដីរីករាយសប្បាយចិត្ត បានផ្លូវស្អាត ចិញ្ជើមផ្លូវល្អ មានសោភ័ណភាពមុខផ្ទះ និងដងផ្លូវ និងអរគុណដល់អាជ្ញាធរមូលដ្ឋាន សូមបន្តអនុវត្តឲ្យបានជាប្រចាំបន្តទៀត។

សូមបញ្ជាក់ជូនថា នៅក្នុងមូលដ្ឋានខណ្ឌ៧មករាសង្កេតឃើញថានៅតាមដងផ្លូវមួយចំនួននៅក្នុងមូលដ្ឋាន រដ្ឋបាលខណ្ឌបានបន្តការយកចិត្តទុកដាក់ ដូចជាគម្រោងការផ្លាស់ប្ដូរការ៉ូឡារលើចិញ្ចើម គម្រោងជួសជុលផ្លូវអ៊ុតកៅស៊ូ និងការផ្លាស់ប្ដូរប្រព័ន្ធលូជាដើម ដើម្បីអភិវឌ្ឍន៍ហេដ្ឋារចនាសម្ព័ន្ធនៅក្នុងមូលដ្ឋានបានល្អប្រសើរជូនប្រជាពលរដ្ឋ ស្របតាមគោលនយោបាយយុទ្ធសាស្ត្របញ្ចកោណដំណាក់កាលទី១ របស់រដ្ឋាភិបាល ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

អត្ថបទ ៖ សុភា

The post រដ្ឋបាលសង្កាត់មនោរម្យ បន្តជួសជុលអ៊ុតកៅស៊ូថ្មី លើកំណាត់ផ្លូវលេខ ១៤០ appeared first on Kampuchea Thmey Daily.

ក្រុមការងារអន្តរក្រសួង ដែលដឹកនាំដោយលោក ជី ស៊ីថា រដ្ឋលេខាធិការក្រសួងអភិវឌ្ឍន៍ជនបទ កាលពីថ្ងៃទី​១៧ ខែវិច្ឆិកា ឆ្នាំ ២០២៥ បានធ្វើបេសកកម្មចុះត្រួតពិនិត្យ និងវាយតម្លៃលើលទ្ធផលការងារសាងសង់សម្រេចបាន១០០% នៃគម្រោងអភិវឌ្ឍន៍ផ្លូវជនបទចំនួន០២ ក្នុងផែនការឆ្នាំ២០២៥ ។ លើសពីនេះ ក៏មានម្រោងជួសជុលថែទាំប្រចាំ ដំណាក់កាលទី២ ផ្លូវចំនួន០៧ខ្សែ ដែលមានប្រវែងសរុប ៩៥ ២០០ម៉ែត្រ (រួមទាំងផ្លូវក្រាលកៅស៊ូ DBST និងផ្លូវក្រាលល្បាយថ្មភ្នំ) គ្របដណ្តប់ក្រុងសែនមនោរម្យ ស្រុកកែវសីមា និងស្រុកកោះញែក ។

លោក ជី ស៊ីថា បានថ្លែងថា សមិទ្ធផលហេដ្ឋារចនាសម្ព័ន្ធទាំងនេះ គឺជាការបង្ហាញឱ្យឃើញពីការប្តេជ្ញាចិត្តរបស់រាជរដ្ឋាភិបាលក្នុងការបង្កលក្ខណៈងាយស្រួលដល់ប្រជាពលរដ្ឋ ក្នុងការកាត់បន្ថយភាពក្រីក្រ និងពង្រឹងគុណភាពជីវិតរបស់ប្រជាជននៅតាមជនបទឱ្យទទួលបានភាពរីកចម្រើនស្មើភាពគ្នា។ លោកបញ្ជាក់ថា «ផ្លូវថ្នល់ គឺជាសរសៃឈាមសេដ្ឋកិច្ច ដ៏សំខាន់សម្រាប់ប្រទេសជាតិ។ តាមរយៈផ្លូវល្អ នឹងបង្កលក្ខណៈងាយស្រួលបំផុតដល់បងប្អូនប្រជាកសិករក្នុងការដឹកជញ្ជូនកសិផលទៅកាន់ទីផ្សារបានទាន់ពេលវេលា និងកាត់បន្ថយថ្លៃដើមប្រតិបត្តិការ»។

ទន្ទឹមនោះ លោកបានជំរុញដល់អាជ្ញាធរ និងប្រជាពលរដ្ឋទាំងអស់ ឱ្យចូលរួមថែរក្សាការពារសមិទ្ធផលដែលកើតចេញពី សន្តិភាព និងស្ថិរភាពសង្គមនេះឱ្យបានគង់វង្សយូរអង្វែង ដើម្បីធានាថា ផ្លូវទាំងនេះអាចបម្រើផលប្រយោជន៍ដល់កូនចៅជំនាន់ក្រោយ។ លើសពីនេះ លោកបានក្រើនរំលឹកជាថ្មីដល់អ្នកប្រើប្រាស់ផ្លូវត្រូវគោរពច្បាប់ចរាចរណ៍ជានិច្ច ដើម្បីការពារអាយុជីវិត និងទ្រព្យសម្បត្តិ៕

ដោយ៖ រៀម សុខហេង

The post គម្រោងជួសជុលផ្លូវពីរខ្សែក្នុងស្រុកពេជ្រាដា ប្រវែងជាង១០០គីឡូម៉ែត្រ សម្រេចការសាងសង់១០០% appeared first on Kampuchea Thmey Daily.