ជំងឺទឹកនោមសាបលើកុមារ (Diabetes Insipidus) ជាជំងឺមួយប្រភេទដែលបណ្តាលមកពី ការអសមត្ថភាព ក្នុងការផលិតនូវអ័រម៉ូនឈ្មោះ Anti-Diuretic Hormone (ADH) ក្នុងខួរក្បាល។ ការអសមត្ថភាព ក្នុងការផលិតអ័រម៉ូនមួយប្រភេទនេះ នឹងបណ្តាលឱ្យតម្រងនោមមានបញ្ហា មិនអាចស្រូបយកជាតិទឹកចូលទៅក្នុងឈាម ចាហេតុធ្វើឱ្យអ្នកជំងឺ នោមច្រើន និងស្រេកទឹក។

ចំពោះរោគសញ្ញានៃជំងឺទឹកនោមសាប មានដូចជា៖
_ ស្បែកស្ងួត
_ ផឹកទឹកច្រើនខ្លាំង
_ អស់កម្លាំងល្ហិតល្ហៃ
_ ពិបាកដេក
_ នោមច្រើន ជាពិសេសនោមញឹកញាប់នៅពេលយប់។

ប្រភពដដែល សង្កត់ធ្ងន់ថា ជំងឺទឹកនោមសាប ជាប្រភេទជំងឺកម្រ និងអាចមានគ្រោះថ្នាក់ ប្រសិនបើគ្មានការពិនិត្យ និងព្យាបាលទាន់ពេលវេលា ហើយបើយោងតាមរបាយការណ៍ មន្ទីរពេទ្យកុមារអង្គរ ក្នុងមួយឆ្នាំៗ មន្ទីរពេទ្យកុមារអង្គរ បានទទួលពិនិត្យ និងព្យាបាល កុមារដែលកើតជំងឺកម្រនេះ បានប្រមាណពី ៥-៦នាក់ ៕

អត្ថបទ៖ សុធាវី

The post ជំងឺទឹកនោមសាប ក៏អាចបង្កគ្រោះថ្នាក់ដល់កុមារដែរ បើព្យាបាលមិនទាន់ពេល appeared first on Kampuchea Thmey Daily.