ជំងឺផ្ដាសាយបក្សី Archives - Kampuchea Thmey Daily

បុរសអាយុ ២២ ឆ្នាំ ម្នាក់ នៅរាជធានីភ្នំពេញ បានស្លាប់ដោយសារជំងឺផ្ដាសាយបក្សី

អ៊ិន ពិសី — Sun, 16 Nov 2025 03:28:34 +0000

បុរសអាយុ ២២ ឆ្នាំ ម្នាក់ រស់នៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ បានស្លាប់បាត់បង់ជីវិត កាលពីថ្ងៃទី ១៥ ខែវិច្ឆិកា ឆ្នាំ ២០២៥ ដោយសារជំងឺផ្តាសាយបក្សីទោះជាមានការយកចិត្តទុកដាក់ថែទាំ និងជួយសង្គ្រោះពីសំណាក់ក្រុមគ្រូពេទ្យក៏ដោយ។

បើតាមក្រសួងសុខាភិបាល បានបញ្ជាក់ កាលពីយប់ថ្ងៃទី ១៥ វិច្ឆិកា ថា វិទ្យាស្ថានជាតិសុខភាពសាធារណៈបានបញ្ជាក់ថា បុរសអាយុ ២២ ឆ្នាំ មានវិជ្ជមានជំងឺផ្តាសាយបក្សីប្រភេទហាស់ ៥ អ៊ុន ១ (H5N1) នៅថ្ងៃទី ១៥ ខែវិច្ឆិកា ឆ្នាំ ២០២៥។ ទោះជាមានការយកចិត្តទុកដាក់ថែទាំ និងជួយសង្គ្រោះពីសំណាក់ក្រុមគ្រូពេទ្យ អ្នកជំងឺបានទទួលមរណភាពនៅថ្ងៃទី ១៥ ខែវិច្ឆិកា ឆ្នាំ ២០២៥ វេលាម៉ោង៩ និង ៤១ នាទី ដោយសារមានស្ថានភាពធ្ងន់ធ្ងរ រួមមាន គ្រុនក្តៅ ក្អក ហត់និង ពិបាកដកដង្ហើម។

ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការ ជាមួយក្រុមការងារ នៃមន្ទីរកសិកម្មខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្ម លើការកើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស ស្វែងរក ប្រភពចម្លង ទាំងលើសត្វ និងមនុស្ស និងស្វែងរកករណីសង្ស័យនិងអ្នកប៉ះពាល់ ដើម្បីទប់ស្កាត់ការឆ្លងបន្តក្នុង សហគមន៍ ព្រមទាំងចែកជូនឱសថតាមីហ្គូ(Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាព ប្រជាពលរដ្ឋនៅក្នុងភូមិដែលកើតហេតុខាងលើ។

ក្រសួងសុខាភិបាល សូមក្រើនរំលឹកសាជាថ្មីម្តងទៀត ដល់ប្រជាពលរដ្ឋទាំងអស់ សូមយកចិត្ត ទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់ សុខភាពប្រជាពលរដ្ឋ ហើយក៏សូមជម្រាបដល់ពលរដ្ឋទាំងអស់ប្រសិនបើមានអាការក្តៅខ្លួន ក្អក ហូរសំបោរ ឬ ពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង ១៤ ថ្ងៃមុន ថ្ងៃចាប់ផ្ដើមមានរោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹងហានិភ័យខ្ពស់ នៃការស្លាប់ជាយថាហេតុ។

ក្រសួងសុខាភិបាល បានណែនាំថា ជំងឺផ្តាសាយបក្សី H5N1 គឺជាជំងឺផ្តាសាយមួយដែលជាធម្មតាចម្លងរវាងសត្វបក្សីឈឺ ទៅបក្សីផ្សេងទៀត ប៉ុន្តែជួនកាលវាអាចចម្លងពីបក្សីទៅមនុស្ស តាមការប៉ះពាល់ជិតស្និទ្ធជាមួយបក្សីដែលឈឺ ឬងាប់។ ជំងឺផ្តាសាយបក្សីលើមនុស្សជាជំងឺធ្ងន់ធ្ងរ ដែលតម្រូវឱ្យមានការធ្វើការព្យាបាលនៅមន្ទីរពេទ្យទាន់ពេលវេលា។ ទោះបីជាវាមិនងាយឆ្លងពីមនុស្សទៅមនុស្ស ប៉ុន្តែបើវាអាចបំប្លែងខ្លួនអាចឆ្លង ដូចនឹងជំងឺផ្តាសាយតាមរដូវកាល ផងដែរ។

ជាមួយគ្នានេះ ក្រសួងសុខាភិបាល បានណែនាំដល់ប្រជាពលរដ្ឋកុំប៉ះពាល់ ឬទទួលទាន មាន់ទាឈឺ ឬងាប់ និងពាក់ស្រោមដៃ និងម៉ាស ឬយកក្រមាចងបិតច្រមុះ មុនពេលចាប់កាន់មាន់ទាធ្វើម្ហូបអាហារ រួចហើយស្រុះវាក្នុងទឹកពុះមុននឹងបោចសម្អាតរោម។ ត្រូវប្រកាន់ខ្ជាប់នូវការអនុវត្តអនាម័យ លាងសម្អាតដៃ ឱ្យបានញឹកញាប់ មុនចាប់កាន់ចំណីអាហារ ជា ពិសេសបន្ទាប់ពីការប៉ះពាល់សត្វ បោចសំអាតរោមសត្វបសុបក្សី ឬវត្ថុផ្សេងៗ ដែលអាចជាប្រភពចម្លងរោគ។ ត្រូវចម្អិនម្ហូបអាហារឱ្យបានឆ្អិនល្អមុនបរិភោគ ជាពិសេសសាច់ សត្វបក្សី និងស៊ុត។ កុំទទួលទានពងមាន់ ឬពងទាជ័រព្នៅ និងទុកដាក់អាហារឆៅ និងឆ្អិនឱ្យនៅដាច់ដោយឡែកពីគ្នា សម្អាតសម្ភារៈប្រើប្រាស់ សម្រាប់ចម្អិនម្ហូបអាហារឱ្យបានត្រឹមត្រូវ។

ក្រសួងសុខាភិបាល បានបន្ថែមថា ប្រសិនបើមានមាន់ទាឈឺ ឬងាប់ច្រើននៅផ្ទះ ឬក្នុងភូមិ ហើយមានអាការក្តៅខ្លួន ក្អក ហូរសំបោរ ឬ ពិបាកដកដង្ហើម សូមប្រញាប់ស្វែងរកការពិគ្រោះយោបល់ និងការពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹងហានិភ័យខ្ពស់ នៃការស្លាប់ជាយថាហេតុ៕

អត្ថបទ ៖ សំអឿន

The post បុរសអាយុ ២២ ឆ្នាំ ម្នាក់ នៅរាជធានីភ្នំពេញ បានស្លាប់ដោយសារជំងឺផ្ដាសាយបក្សី appeared first on Kampuchea Thmey Daily.

ការិយាល័យផលិតកម្ម និងបសុព្យាបាលខេត្តកំពង់ឆ្នាំង ចុះផ្សព្វផ្សាយបាញ់ថ្នាំ និងធ្វើជីវៈសុវត្តិភាព ដើម្បីទប់ស្កាត់ជំងឺផ្ដាសាយបក្សី

Sokhom Khon — Fri, 13 Oct 2023 01:19:12 +0000

ការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រម៉ាញ់ និងនេសាទខេត្តកំពង់ឆ្នាំង នៅព្រឹកថ្ងៃទី១២ ខែតុលា ឆ្នាំ២០២៣ បានចុះផ្សព្វផ្សាយ និងធ្វើជីវ:សុវត្ថិភាពនៅតាមទីផ្សារ និងកន្លែងលក់ដូរសត្វមាន់ទាសាច់ជ្រូក និងនៅតាមកន្លែងសត្វឃាត រោងចិញ្ចឹមសត្វមាន់ទានៅក្នុងក្រុងកំពង់ឆ្នាំង ដោយតម្រូវអោយអ្នកលក់ដូរ អ្នកទិញទាំងអស់ប្រុងប្រយត្ន័ខ្ពស់ក្នុងរដូវភ្ជុំបិណ្ឌ បន្ទាប់ពីមានពលរដ្ឋពីរនាក់បានស្លាប់ដោយសារជំងឺផ្ដាសាយបក្សី នៅក្នុងខេត្តព្រៃវែង និងខេត្តស្វាយរៀងក្នុងពេលថ្មីៗនេះ។

លោក ក្រឹង សំអាត ប្រធានការរិយាល័យផលិតកម្មនិងបសុព្យាបាលនៃមន្ទីរកសិកម្មរុក្ខារប្រមាញ់និងនេសាទខេត្តកំពង់ឆ្នាំង បានអោយដឹងថា មន្ត្រីការរិយាល័យផលិតកម្មនិងបុសុព្យាបាលខេត្តបានទទួលនូវសេចក្តីប្រកាសព័ត៌មានរបស់ក្រសួងសុខាភិបាលពីករណីឆ្លងពីសត្វមកមនុស្សនូវជំងឺផ្តាសាបក្សីបានធ្វើអោយប្រជាពលរដ្ឋ២នាក់បានស្លាប់នៅឯខេត្តស្វាយរៀង និងខេត្តព្រៃវែង។

ដោយឡែកនៅខេត្តកំពង់ឆ្នាំងនៅមិនទាន់មានជំងឺផ្តាសាយបក្សីនៅឡើយទេ ប៉ុន្តែយោងទៅតាមការណែនាំ និងសេចក្តីជូនដំណឹងប្រកាសព័ត៌មានឯកឧត្តមអគ្គក៏ដូចជាមន្ទីរកសិកម្មខេត្តបានអោយការរិយាល័យផលិតិកម្មនិងបសុព្យាបាលខេត្តចុះធ្វើជីវ:សុវត្ថភាព និងធ្វើការផ្សព្វផ្សាយទៅលើអ្នកចិញ្ចឹម និងតាមកន្លែងបោចមាន់ទោះបីមិនច្រើនតែវាក៏ជាផ្នែកមួយនៃប្រភពចម្លងជំងឺដែរ។ ដោយបានចុះផ្សព្វផ្សាយអប់រំណែនាំដល់ប្រជាពលរដ្ឋ និងអាជីវករយើងថ្ងៃទី១១ ខែតុលានៅតាមស្រុកមាននៅស្រុករលាប្អៀ ស្រុកបរិបូរណ៍ ស្រុកទឹកផុស និងស្រុកកំពង់ត្រឡាចគីបានធ្វើមួយជំហានហើយ។

លោក ក្រឹង សំអាត បានបញ្ជាក់អោយដឹងទៀតថា នៅថ្ងៃទី១២តុលា នេះបន្ថែមធ្វើនៅក្រុងកំពង់ឆ្នាំងដែលជាទីប្រជុំជនមានអ្នកលក់ច្រើនជាងតាមបណ្តាស្រុកដូចជាផ្សារលើ និងផ្សាក្រោម។ ការិយាល័បានការបិទផ្សព្វផ្សាយនូវខិតបណ្ណនៅតាមដើមឈើ និងបានធ្វើកាទាក់ទងជាមួយលោកគ្រូក៏ដូចជាអាជ្ញាធមូលដ្ឋានដើម្បីធ្វើការផ្សព្វផ្សាយផ្តល់ជូនជាខិតប័ណ្ណផងដែរ។

ដោយឡែកជំហានទី២ លោកប្រធាននឹងអោយមន្ត្រីការរិយាល័យ ចុះធ្វើការបាញ់ថ្នាំសម្លាប់មេរោគជីវ:សុវត្ថភាពកន្លែងលក់សាច់ស្រស់ សត្វរស់ ដើម្បីអោយមានការប្រុងប្រយត្ន័ខ្ពស់ហើយយើងបានចធ្វើការផ្សព្វផ្សាយ និងចែកខិតបណ្ណផ្ទាល់ជូនដល់អ្នកដែលកំពុងលក់មាន់ដែលបានធ្វើហើយដើម្បីអោយគាត់បានយល់ដូចជាអ្នកលក់ស៊ុតមាន់ និងស៊ុទា ក្នុងនោះយើងបានចែកខិតបណ្ណ និងផ្សព្វផ្សាយដល់បអ្នកចិញ្ចឹមពិសេសយកចិតទុកដាក់តាមដានមាន់របស់យើងបើសិនជាមានកាសង្ស័យសូមបងប្អូនរាយការបន្ទាន់ដល់ពេទ្យសត្វភូមិដែលនៅជិតៗភ្លាមៗដើម្បីងាយធ្វើការអន្តរាគមន៍ជៀសវាងឆ្លងល់មនុស្សហើយនិងធ្វើអោយគ្រោះថ្នាក់ដល់ជីវតមនុស្សហើយទើបយើងបានដឹង៕

អត្ថបទ៖ ឈៀង ថារិទ្ធ

The post ការិយាល័យផលិតកម្ម និងបសុព្យាបាលខេត្តកំពង់ឆ្នាំង ចុះផ្សព្វផ្សាយបាញ់ថ្នាំ និងធ្វើជីវៈសុវត្តិភាព ដើម្បីទប់ស្កាត់ជំងឺផ្ដាសាយបក្សី appeared first on Kampuchea Thmey Daily.

អាមេរិកថា វីរុសផ្ដាសាយបក្សីនៅកម្ពុជា គឺជាជំងឺឆ្លងក្នុងស្រុក

Sonya — Tue, 28 Feb 2023 13:43:06 +0000

មជ្ឈមណ្ឌលគ្រប់គ្រងនិងប្រយុទ្ធនឹងជំងឺឆ្លងរបស់សហរដ្ឋអាមេរិក (CDC) បាននិយាយថា វីរុសដែលធ្វើឲ្យមនុស្ស ២នាក់ឆ្លងជំងឺផ្តាសាយបក្សី (H5N1) នៅកម្ពុជា គឺជាប្រភេទជំងឺផ្តាសាយបក្សីក្នុងស្រុកដែលឆ្លងនៅក្នុងប្រទេស។
ដោយផ្អែកលើលំដាប់ហ្សែនបឋមដែលបានធ្វើឡើងនៅកម្ពុជា ក្រសួងសុខាភិបាលបាននិយាយថា វីរុសប្រភេទនេះគឺជាវីរុសប្រភេទតូច 2.3.2.1c (មានហានិភ័យទាប) ដែលឆ្លងនៅក្នុងប្រទេសកម្ពុជាក្នុងចំណោមសត្វស្លាប និងបក្សីជាច្រើនឆ្នាំមកហើយ។

ចំណែកអង្គការសុខភាពពិភពលោក (WHO) បាននិយាយថា ក្រុមការងាររបស់ខ្លួនកំពុងធ្វើការជាមួយអាជ្ញាធរកម្ពុជាដើម្បីតាមដានករណីនេះ ដោយបានពន្យល់ថា ស្ថានភាពគួរឱ្យព្រួយបារម្ភ ដោយសារចំនួននៃការឆ្លងលើសត្វស្លាប បក្សី និងថនិកសត្វមានការកើនឡើងនាពេលថ្មីៗនេះ៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ មកដឹងចំនួនអ្នកឆ្លង និងស្លាប់សរុប បណ្ដាលមកពីជំងឺផ្ដាសាយបក្សី H5N1 លើពិភពលោក

ចុចអាន៖ ៤ចំណុចសំខាន់គួរដឹង អំពីជំងឺផ្តាសាយបក្សី H5N1

The post អាមេរិកថា វីរុសផ្ដាសាយបក្សីនៅកម្ពុជា គឺជាជំងឺឆ្លងក្នុងស្រុក appeared first on Kampuchea Thmey Daily.

រកឃើញវិជ្ជមានជំងឺផ្ដាសាយបក្សី H5N1 លើបុរសដែលជាឪពុកកុមារីដែលបានស្លាប់

deth leng — Fri, 24 Feb 2023 05:58:55 +0000

ក្រសួងសុខាភិបាលបានប្រកាសរកឃើញករណីទី២ នៃជំងឺផ្ដាសាយបក្សី លើមនុស្សដែលត្រូវជាឪពុកកុមារីស្លាប់នៅព្រៃវែងរកឃើញវិជ្ជមានជំងឺផ្ដាសាយបក្សី H5N1។

ក្រសួងសុខាភិបាលបានឱ្យដឹងថា ករណីស្លាប់កុមារីម្នាក់ អាយុ ១១ ឆ្នាំ កាលពីថ្ងៃទី ២២ ខែកុម្ភៈ ឆ្នាំ២០២៣ ដែលរស់នៅភូមិរលីង ឃុំរំចេក ស្រុកស៊ីធរកណ្ដាល ខេត្តព្រៃវែង ក្រុមការងារអង្កេតស្រាវជ្រាវបន្ទាន់របស់ក្រសួងសុខាភិបាល បានចុះដល់មូលដ្ឋាននៅថ្ងៃទី ២៣ ខែកុម្ភៈ ឆ្នាំ២០២៣ ក្រុមឆ្លើយតបបន្ទាន់នេះ បានប្រមូលយកវត្ថុសំណាកអ្នកប៉ះពាល់ជាមួយកុមារីដែលបានស្លាប់ដោយសារជំងឺផ្តាសាយបក្សី H5N1 ចំនួន ១២នាក់ ដើម្បីធ្វើការវិភាគនៅវិទ្យាស្ថានស្រាវជ្រាវសុខភាពសាធារណៈ ដែលលទ្ធផលនៃការវិភាគ បានបញ្ជាក់ពីវិទ្យាស្ថានស្រាវជ្រាវសុខភាពសាធារណៈ ថាមានវិជ្ជមានវីរុសផ្តាសាយបក្សី ប្រភេទ ហាស់៥ អ៊ុន១ (H5N1) ១សំណាក ក្នុងចំណោមវត្ថុសំណាកទាំង១២ ដែលកើតមានលើបុរសអាយុ ៤៩ ឆ្នាំ ដែលមានទី លំនៅក្នុងភូមិរលាំង (ក្រសួងសូមកែតម្រូវឈ្មោះភូមិពីរលីង មកឈ្មោះភូមិរលាំង) ឃុំរំចេក ស្រុកស៊ីធរកណ្ដាល ខេត្តព្រៃវែង ត្រូវជាឪពុករបស់ករណីទី១ (ជាកុមារីដែលបានស្លាប់កាលពីថ្ងៃទី២២ ខែកុម្ភៈ ឆ្នាំ២០២៣)។ ប៉ុន្តែស្ថានភាពសុខភាពរបស់ បុរសនេះ មិនទាន់មានចេញនូវរោគសញ្ញាអ្វីគួរឱ្យកត់សំគាល់នៅឡើយ។

នេះជាករណីទី២ នៅក្នុងខែកុម្ភៈ ឆ្នាំ២០២៣នេះ បន្ទាប់ពីមិនបានរកឃើញវីរុសនេះលើខ្លួនមនុស្សអស់រយៈពេល ០៩ឆ្នាំកន្លងមកហើយនៅព្រះរាជាណាចក្រកម្ពុជា ដែលករណីចុងក្រោយនេះ គឺជាករណីទី៥៨ ដែលបានរកឃើញនៅថ្ងៃទី ២៣ ខែមីនា ឆ្នាំ២០២៣ នេះ ក្នុងនោះ មាន៤៥ករណីកើតលើកុមារអាយុក្រោម១៤ឆ្នាំ និង៣១ករណីក្នុងចំណោមករណី ទាំង៥៨ ជានារី។ ចាប់តាំងពីមានជំងឺផ្តាសាយបក្សីលើកដំបូងនៅព្រះរាជាណាចក្រកម្ពុជាក្នុងឆ្នាំ ២០០៥ មកនៅក្នុងចំណោម អ្នកដែលមានឆ្លងវីរុសផ្តាសាយបក្សី H5N1 ចំនួន ៥៨ ករណី មានតែ១៩ ករណីទេដែលមានជីវិត។

ក្រុមឆ្លើយតបបន្ទាន់ខាងលើបាននឹងកំពុងបន្តអង្កេតស្រាវជ្រាវការកើតឡើងនូវជំងឺផ្តាសាយបក្សីប្រភេទនេះ និងធ្វើការឆ្លើយតបទៅតាមវិធីសាស្ត្រនីតិវិធីរបស់ជាតិ និងបានសហការគ្នារវាងក្រុមឆ្លើយតបបន្ទាន់ពេទ្យមនុស្ស និងពេទ្យសត្វ និងស្វែងរកប្រភពចម្លងទាំងលើសត្វ និងមនុស្ស និងបន្តស្វែងរកករណីសង្ស័យ និងអ្នកប៉ះពាល់ដើម្បីទប់ស្កាត់ការឆ្លងបន្ត ទៅអ្នកដទៃទៀត ទាំងក្នុងសហគមន៍ជាបន្តទៀត និងធ្វើយុទ្ធនាការអប់រំសុខភាពប្រជាពលរដ្ឋនៅក្នុងភូមិដែលកើតហេតុ ខាងលើជាបន្តបន្ទាប់៕

The post រកឃើញវិជ្ជមានជំងឺផ្ដាសាយបក្សី H5N1 លើបុរសដែលជាឪពុកកុមារីដែលបានស្លាប់ appeared first on Kampuchea Thmey Daily.

ប្រទេសមួយនៅ អឺរ៉ុប ផ្ទុះជំងឺ H5N1 នៅក្នុងមាន់ជាង ៦២,៥០០ ក្បាល

Sok Chivon — Wed, 05 Jan 2022 09:12:24 +0000

ក្រសួងកសិកម្ម និងអភិវឌ្ឍន៍ជនបទអ៊ីស្រាអែលបាននិយាយកាលពីថ្ងៃអង្គារថា ប្រទេសអ៊ីស្រាអែលបានរកឃើញការផ្ទុះឡើងនៃជំងឺផ្តាសាយបក្សី H5N1 នៅក្នុងសត្វមាន់បារាំងជាង ៦២,៥០០ ក្បាល ។

ក្រសួងបាននិយាយនៅក្នុងសេចក្តីថ្លែងការណ៍មួយថា មាន់បារាំងដែលឆ្លងមេរោគត្រូវបានរកឃើញនៅក្នុងកសិដ្ឋានចំនួន ២ នៅភូមិ Ram On ភាគខាងជើង ។

ក្នុងប៉ុន្មានសប្តាហ៍ថ្មីៗនេះ ជំងឺគ្រុនផ្តាសាយបក្សីបានរីករាលដាលនៅក្នុងទ្រុងមាន់បារាំងរាប់សិបកន្លែងនៅភាគខាងជើង និងភាគខាងត្បូងប្រទេសអ៊ីស្រាអែល ដែលបណ្តាលឲ្យមានការសម្លាប់សត្វមាន់រាប់សែនក្បាល និងបណ្តាលឲ្យមានការខ្វះខាតស៊ុតនៅក្នុងប្រទេសជាដើម ។

ក្រសួងបាននិយាយថា សេវាបសុពេទ្យរបស់ខ្លួននឹងបន្តការត្រួតពិនិត្យយ៉ាងសកម្មនៅក្នុងតំបន់ ហើយនិងដាក់ចំណុចក្តៅនៃការផ្ទុះឡើងឲ្យនៅដាច់ពីគេផងដែរ ។

គួរបញ្ជាក់ថា ជំងឺផ្ដាសាយបក្សី H5N1 ក៏អាចឆ្លងដល់សត្វដទៃទៀតដែរ ដូចជាឆ្មា ជ្រូក និងខ្លា ប៉ុន្តែសម្រាប់ការឆ្លងដល់មនុស្សគឺស្ថិតក្នុងករណីកម្រ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ អ៊ីស្រាអែល ចាក់វ៉ាក់សាំងកូវីដដូសទី ៤ ដល់ក្រុមមនុស្ស ២ ប្រភេទ ទោះចាក់ដូសទី ៣ បាន ៤ ខែក៏ដោយ

The post ប្រទេសមួយនៅ អឺរ៉ុប ផ្ទុះជំងឺ H5N1 នៅក្នុងមាន់ជាង ៦២,៥០០ ក្បាល appeared first on Kampuchea Thmey Daily.

ផ្ទុះជំងឺឆ្លងដល់មនុស្សមួយទៀតកំពុងវាយលុកនៅ អឺរ៉ុប និង អាស៊ី (មានវីដេអូ)

Sok Chivon — Tue, 16 Nov 2021 02:10:25 +0000

ការផ្ទុះឡើងនៃជំងឺផ្តាសាយបក្សីជាច្រើននៅក្នុងទ្វីបអឺរ៉ុប និងអាស៊ីត្រូវបានរាយការណ៍នៅក្នុងប៉ុន្មានថ្ងៃថ្មីៗនេះទៅកាន់អង្គការសុខភាពសត្វពិភពលោក (OIE) ដែលជាសញ្ញាបង្ហាញថា មេរោគនេះកំពុងរីករាលដាលយ៉ាងឆាប់រហ័សម្តងទៀត ។

ការរីករាលដាលនៃជំងឺគ្រុនផ្តាសាយបក្សី បានធ្វើឲ្យឧស្សាហកម្មបសុបក្សីមានការប្រុងប្រយ័ត្ន បន្ទាប់ពីការផ្ទុះឡើងមុនៗបាននាំឲ្យមានការសម្លាប់សត្វស្លាបរាប់សិបលានក្បាល ។ ការផ្ទុះឡើងនេះជារឿយៗក៏នាំឲ្យមានការរឹតបន្តឹងពាណិជ្ជកម្មផងដែរ ។

ទន្ទឹមនោះ វាក៏កំពុងទាក់ទាញចំណាប់អារម្មណ៍ពីអ្នកវិទ្យាសាស្ត្រផ្នែករោគរាតត្បាតផងដែរ ព្រោះមេរោគអាចចម្លងទៅមនុស្សបាន ។ ប្រទេសចិនបានរាយការណ៍ពីការឆ្លងជំងឺផ្តាសាយបក្សី H5N6 ទៅមនុស្សចំនួន ២១ នាក់ ហើយរហូតមកដល់ពេលនេះករណីឆ្លងគឺច្រើនជាងឆ្នាំ ២០២០ ។

ដោយដកស្រង់របាយការណ៍ពីអាជ្ញាធរកូរ៉េខាងត្បូង OIE បាននិយាយកាលពីថ្ងៃចន្ទ ទី ១ ខែវិច្ឆិកាថា ប្រទេសកូរ៉េខាងត្បូងបានរាយការណ៍ពីការផ្ទុះឡើងនៅកសិដ្ឋានចិញ្ចឹមសត្វបក្សីប្រហែល ៧៧០,០០០ ក្បាលនៅខេត្ត Chungcheongbuk-do ហើយសត្វទាំងអស់ត្រូវបានសម្លាប់ ។

OIE បាននិយាយថា ចំណែកនៅក្នុងតំបន់អាស៊ីផងដែរ ប្រទេសជប៉ុន បានរកឃើញការផ្ទុះឡើងនៃជំងឺផ្តាសាយបក្សីជាលើកដំបូង សម្រាប់រដូវរងាឆ្នាំ ២០២១ ដោយករណីជំងឺនេះ ត្រូវបានបញ្ជាក់ក្នុងកសិដ្ឋានបសុបក្សីមួយកន្លែង នៅភាគឦសានប្រទេស ខណៈក្រសួងកសិកម្មរបស់ជប៉ុនបញ្ជាក់ថា ការផ្ទុះឡើងនេះគឺជាប្រភេទជំងឺផ្ដាសាយបក្សី H5N8 ។

OIE បាននិយាយថា នៅទ្វីបអឺរ៉ុប ប្រទេសន័រវេសបានរាយការណ៍ពីការផ្ទុះជំងឺផ្តាសាយបក្សី H5N1 នៅក្នុងតំបន់ Rogaland ក្នុងហ្វូងសត្វបក្សីចំនួន ៧,០០០ ក្បាល ។ ការផ្ទុះឡើងជាទូទៅកើតឡើងនៅរដូវស្លឹកឈើជ្រុះ ដែលរីករាលដាលដោយការផ្លាស់ទីលំនៅរបស់សត្វស្លាបព្រៃ ។

ស្របពេលជាមួយគ្នានេះ រដ្ឋាភិបាលប្រទេសបែលហ្ស៊ិក បានដាក់ប្រទេសលើហានិភ័យកើនឡើងនៃជំងឺផ្តាសាយបក្សី ដោយបញ្ជាឲ្យរក្សាទុកសត្វបក្សីក្នុងផ្ទះ បន្ទាប់ពីជំងឺគ្រុនផ្តាសាយបក្សីប្រភេទផ្សេងគ្នាត្រូវបានរកឃើញនៅក្នុងសត្វពពែព្រៃនៅជិតទីក្រុង Antwerp ។

គួរបញ្ជាក់ថា ជំងឺផ្តាសាយបក្សីមិនអាចឆ្លងតាមរយៈការបរិភោគផលិតផលបសុបក្សីនោះទេ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ អឺរ៉ុប រកឃើញវីរុសកូវីដបំប្លែងខ្លួនថ្មីមួយទៀត លើកនេះអ្នកវិទ្យាសាស្រ្តបារម្ភខ្លាំង