ការក្រើនរម្លឹកនេះ ធ្វើឡើងក្នុងឱកាស ក្រុមឆ្លើយតបបន្ទាន់ (RRT) មន្ទីរសុខាភិបាលនៃរដ្ឋបាលរាជធានីភ្នំពេញ, ការិយាល័យស្រុកប្រតិបត្តិបាសាក់ និងមណ្ឌលសុខភាពចាក់អង្រែ រួមជាមួយមន្រ្តី RRT នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល, មន្រ្តីនៃអង្គការខាណា និងអាជ្ញាធរមូលដ្ឋានសង្កាត់ចាក់អង្រែលើ បានចុះអប់រំផ្សព្វផ្សាយស្តីពីជំងឺផ្តាសាយបក្សី (H5N1) ដល់លោកគ្រូ អ្នកគ្រូ និងសិស្សានុសិស្សនៅសាលាបឋមសិក្សាចាក់អង្រែលើ និងប្រជាពលរដ្ឋរស់នៅក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យរាជធានីភ្នំពេញ។

ការចុះផ្សព្វផ្សាយអប់រំនេះ ដើម្បីផ្តល់សារក្រើនរម្លឹកដល់ប្រជាពលរដ្ឋឱ្យមានការប្រុងប្រយ័ត្នខ្ពស់ចំពោះរោគសញ្ញានៃករណីសង្ស័យឆ្លងជំងឺផ្តាសាយបក្សី ដែលមានដូចជា ក្ដៅខ្លួន ក្អក ឬពិបាកដកដង្ហើម ក្រោយមានប្រវត្តិប៉ះពាល់ជាមួយបក្សីឈឺ ឬងាប់ ក្នុងរយៈពេល ១៤ថ្ងៃ។ ជាមួយគ្នានេះ ក្រុមឆ្លើយតបបន្ទាន់ ក៏បានណែនាំពីវិធីការពារការឆ្លងពីជំងឺជំងឺផ្តាសាយបក្សី ដោយត្រូវជៀសវាងការប៉ះពាល់ ឬបរិភោគសត្វបក្សីដែលឈឺ ឬងាប់, ចម្អិនសាច់សត្វបក្សី និងស៊ុតឱ្យបានឆ្អិនល្អ មុននឹងបរិភោគ, លាងដៃឱ្យបានញឹកញាប់ ជាមួយសាប៊ូ និងរក្សាអនាម័យក្នុងការរៀបចំអាហារ និងត្រូវប្រញាប់ទៅមន្ទីរពេទ្យ ដែលនៅជិតបំផុត ប្រសិនបើមានអាការៈសង្ស័យ ដើម្បីទទួលការព្យាបាលទាន់ពេលវេលា។

ជំងឺផ្តាសាយបក្សី H5N1 គឺជា​ជំងឺ​ផ្តាសាយ​មួយ​ដែលជា​ធម្មតា​ចម្លង​រវាង​សត្វ​បក្សី​ឈឺ ទៅ​បក្សី​ផ្សេងទៀត ប៉ុន្តែ​ជួនកាល​វា​អាច​ចម្លង​ពី​បក្សី​ទៅ​មនុស្ស តាម​ការ​ប៉ះពាល់​ជិតស្និទ្ធ​ជាមួយ​បក្សី​ដែល​ឈឺ​ ឬ​ងាប់​។ ជំងឺផ្តាសាយបក្សី​លើ​មនុស្ស​ជា​ជំងឺ​ធ្ងន់ធ្ងរ ដែល​តម្រូវ​ឱ្យ​មានការ​ធ្វើការ​ព្យាបាល​នៅ​មន្ទីរពេទ្យ​ទាន់ពេលវេលា​។ ទោះបីជា​វា​មិន​ងាយ​ឆ្លង​ពី​មនុស្ស​ទៅ​មនុស្ស ប៉ុន្តែ​បើ​វា​អាច​បំប្លែង​ខ្លួន​អាច​ឆ្លង ដូចនឹង​ជំងឺ​ផ្តាសាយ​តាម​រដូវ​កាល ផងដែរ​។

កន្លងមកក្រសួងសុខាភិបាន តែងក្រើនរម្លឹកដល់​ប្រជាពលរដ្ឋ​ទាំងអស់ ឱ្យ​យកចិត្តទុក​ដាក់​ប្រុងប្រយ័ត្ន​លើ​ជំងឺផ្តាសាយបក្សី​ជានិច្ច ពីព្រោះ​ជំងឺផ្តាសាយបក្សី H5N1 នៅតែ​បន្ត​គំរាមកំហែង​ដល់ សុខភាព​ប្រជាពលរដ្ឋ។ លើសពីនេះក្រសួងក៏បាន​អំពាវនាវ​ដល់​ពលរដ្ឋ​ទាំងអស់ ​ប្រសិនបើ​មាន​អាការ​ក្តៅខ្លួន ក្អក ហូរ​សំបោរ ឬ ពិបាក​ដកដង្ហើម និង​មាន​ប្រវត្តិ​ធ្លាប់បាន​ប៉ះពាល់​ជាមួយ​មាន់​ទា​ឈឺ ឬ​ងាប់​ក្នុង​អំឡុង​១៤ ​ថ្ងៃមុន​ ថ្ងៃ​ចាប់ផ្ដើម​មាន​រោគសញ្ញា សូម​កុំទៅ​ជួបជុំ ឬ​ទីប្រជុំជន​ដែល​មាន​មនុស្ស​ច្រើន និង​ត្រូវ​ស្វែងរក​ការពិគ្រោះ​យោបល់ និង​ការ​ពិនិត្យ​ព្យាបាល​នៅ​មណ្ឌល​សុខភាព ឬ​មន្ទីរពេទ្យ ដែល​នៅ​ជិត​ជាបន្ទាន់ ចៀសវាង​ការ​ពន្យារពេល ធ្វើ​ឱ្យ​ប្រឈម​នឹង​ហានិភ័យ​ខ្ពស់​ នៃ​ការស្លាប់​ជាយថាហេតុ៕

The post មន្ទីរសុខាភិបាលរាជធានីភ្នំពេញ ក្រើនរម្លឹកដល់ពលរដ្ឋ និងសិស្ស នៅសង្កាត់ចាក់អង្រែ ប្រុងប្រយ័ត្នចំពោះជំងឺផ្តាសាយបក្សី appeared first on Kampuchea Thmey Daily.

តាមរយៈសេចក្តីប្រកាសនេះ ក្រសួងបានឱ្យដឹងថា មានករណីជំងឺផ្តាសាយបក្សី ចំនួន ១ករណី កើតលើស្ត្រីអាយុ ៦៦ឆ្នាំ ដែលត្រូវបានបញ្ជាក់ថា មានវិជ្ជមានវីរុសផ្តាសាយបក្សី ប្រភេទហាស់៥ អ៊ិន១ (H5N1) នៅថ្ងៃទី២១ ខែមេសា ឆ្នាំ២០២៦ ដោយវិទ្យាស្ថានជាតិសុខភាពសាធារណៈ។ បច្ចុប្បន្នអ្នកជំងឺត្រូវបានដាក់ឱ្យសម្រាក ដាច់ដោយឡែកនៅមន្ទីរពេទ្យ និងទទួលការព្យាបាលថែទាំយ៉ាងយកចិត្តទុកដាក់ពីក្រុមគ្រូពេទ្យ។ តាមការសាកសួរ បានបង្ហាញថា ចាប់ពីថ្ងៃទី២ ដល់ថ្ងៃទី១៣ ខែមេសា នៅក្នុងភូមិកើតហេតុ និងផ្ទះអ្នកជំងឺមានមាន់ឈឺ និងងាប់ ហើយក៏បានយកមកធ្វើម្ហូប។

បើតាមក្រសួងសុខាភិបាល ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការជាមួយ ក្រុមការងារនៃមន្ទីរកសិកម្មខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្មលើការ កើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស ស្វែងរក ប្រភពចម្លង ទាំងលើសត្វ និងមនុស្ស និងស្វែងរកករណីសង្ស័យនិងអ្នកប៉ះពាល់ ដើម្បីទប់ស្កាត់ការឆ្លងបន្តក្នុងសហគមន៍ ព្រមទាំងចែកជូនឱសថតាម៊ីក្លូ(Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាពប្រជាពលរដ្ឋ នៅក្នុងភូមិដែលកើតហេតុខាងលើ។

ជាមួយគ្នានេះ ក្រសួងសុខាភិបាល បានក្រើនរម្លឹកសារជាថ្មីម្ដងទៀត ដល់ប្រជាពលរដ្ឋទាំងអស់ ឱ្យយកចិត្ត ទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់ សុខភាពប្រជាពលរដ្ឋ។ លើសពីនេះ ប្រសិនបើមានអាការៈក្តៅខ្លួន ក្អក ហូរសំបោរ ឬ ពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង១៤ថ្ងៃមុនថ្ងៃចាប់ផ្តើមមាន រោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការពិនិត្យ ព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹង ហានិភ័យខ្ពស់នៃការស្លាប់ជាយថាហេតុ៕

The post ក្រសួងសុខាភិបាល រកឃើញជំងឺផ្តាសាយបក្សីលើស្ត្រីម្នាក់អាយុ ៦៦ឆ្នាំ នៅខេត្តស្វាយរៀង appeared first on Kampuchea Thmey Daily.

ថ្លែងបើកសិក្ខាសាលា ស្តីពីការស្រាវជ្រាវ លើជំងឺផ្តាសាយបក្សី នៅកម្ពុជាដោយប្រើវិធីសាស្រ្តសុខភាពតែមួយ៖ ផ្តើមពីកត្តាគំរាមកំហែង ប្រែក្លាយទៅជាការត្រៀមលក្ខណៈនៅសាកលវិទ្យាល័យវិទ្យាសាស្រ្តសុខាភិបាលនៅព្រឹកថ្ងៃទី៥មីនានេះ លោក ស្រី វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានគណៈកម្មការអន្តរក្រសួងសម្រាប់សម្របសម្រួលសុខភាពតែមួយក៏បានជំរុញឱ្យលើកកម្ពស់ការស្រាវជ្រាវ និងផ្តល់ឱកាសស្រាវជ្រាវ ទាក់ទងនឹងជំងឺឆ្លង ជាពិសេសជំងឺផ្តាសាយបក្សី A/H5N1 ដល់អ្នកស្រាវជ្រាវវ័យក្មេង និងនិស្សិត ដែលទាំងនេះ នឹងចូលរួមចំណែកពង្រឹងមូលដ្ឋានចំណេះដឹងដល់ពួកគាត់។

លោកស្រីវេជ្ជបណ្ឌិតបានណែនាំទៀតថា ការងារចាំបាច់ និងបន្ទាន់សម្រាប់យើង គឺការបង្កើតនូវយន្តការរួមមួយដើម្បី រៀបចំផែនទីតម្រង់ទិស ការងារស្រាវជ្រាវ ដែលមានលក្ខណៈសហការគ្នាពាក់ព័ន្ធនឹងជំងឺផ្តាសាយបក្សី ដោយប្រើវិធីសាស្ត្រ «សុខភាពតែមួយ» និងកំណត់ចំណុចខ្វះខាតក្នុងការស្រាវជ្រាវជាអាទិភាពរបស់យើងសម្រាប់ការត្រៀមខ្លួនទុកជាមុន និងការឆ្លើយតបចំពោះជំងឺផ្តាសាយបក្សី និងត្រូវលើកជាសកម្មភាពអាទិភាពបំពេញចំណុចខ្វះខាតទាំងនេះ ដោយប្រើប្រាស់ឱ្យអស់លទ្ធភាពនៃកិច្ចសហប្រតិបត្តិការ អន្តរអង្គភាព និងក្នុងតំបន់ ព្រមទាំងបច្ចេកវិទ្យាព័ត៌មានវិទ្យា បញ្ញាសប្បនិមិត្ត។

លោកស្រីវេជ្ជបណ្ឌិតបានរំលឹកថា ជំងឺផ្តាសាយបក្សី A(H5N1) ត្រូវបានរកឃើញជាលើកដំបូងនៅក្នុងប្រទេសកម្ពុជាក្នុងខែធ្នូ ឆ្នាំ២០០៣។ ជំងឺនេះ បានបង្កជាមហន្តរាយសម្រាប់សុខភាពសាធារណៈ ដោយសារ អត្រានៃការស្លាប់របស់អ្នកជំងឺមានកម្រិតខ្ពស់ ទាំងនៅក្នុងប្រទេសកម្ពុជា និងនៅក្នុងតំបន់។ ចាប់ពីឆ្នាំ២០១៥ ដល់ឆ្នាំ២០២២ យើងមិនបានរកឃើញជំងឺផ្តាសាយបក្សីលើមនុស្សទេ ក្នុងប្រទេសយើង។ ប៉ុន្តែចាប់ពីឆ្នាំ២០២៣ មកដល់ឆ្នាំ២០២៥ ការរកឃើញនូវករណីផ្តាសាយបក្សីថ្មីៗ ជាបន្តបន្ទាប់នៅកម្ពុជា នេះ បានរំឭកយើងអំពីតម្រូវការសម្រាប់ការប្រុងប្រយ័ត្ន និងត្រៀមខ្លួនជាប្រចាំដើម្បីឆ្លើយតប និងគ្របគ្រងការរីករាលដាលនៃជំងឺនេះអោយមានប្រសិទ្ធិភាពខ្ពស់។

លោកស្រីវេជ្ជបណ្ឌិតបានបន្តទៀតថា បរិបទអេកូឡូស៊ីរបស់ប្រទេសកម្ពុជា ដែលការចិញ្ចឹមសត្វមាន់-ទានៅតាមផ្ទះសំបែង និងតាមកសិដ្ឋាន ដង់ស៊ីតេខ្ពស់នៅតាមទីផ្សារលក់សត្វបក្សីរស់ ការប្រាស្រ័យទាក់ទងជិតស្និទ្ធរវាងមនុស្ស និងសត្វ ព្រមទាំងសម្ពាធបរិស្ថាន និងអាកាសធាតុ បានបង្កើតឱ្យមានតម្រូវការចាំបាច់សម្រាប់យុទ្ធសាស្ត្រត្រៀមខ្លួនក្នុងការការពារ និងប្រយុទ្ធប្រឆាំងការផ្ទុះឡើងនៃជំងឺផ្តាសសាយបក្សីនេះ។ ប្រទេសកម្ពុជាបានប្រកាន់យកនូវវិធីសាស្រ្តសុខភាពតែមួយ ដោយទទួលស្គាល់ថា សុខភាពមនុស្ស សត្វ និងបរិស្ថានមានទំនាក់ទំនងគ្នាយ៉ាងស៊ីជម្រៅ។

លោកស្រីវេជ្ជបណ្ឌិតបានបន្ថែមថា តាមរយៈកិច្ចសហការយ៉ាងជិតស្និទ្ធរវាងក្រសួងសុខាភិបាល ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន យើងបានពង្រឹងការរកឃើញជំងឺនេះ និងគ្រប់គ្រងសភាពការណ៍បានទាន់ពេលវេលា បង្កើនការយល់ដឹង និងបង្កើតយុទ្ធសាស្ត្រឆ្លើយតបប្រកបដោយប្រសិទ្ធភាពខ្ពស់។ លោកស្រីវេជ្ជបណ្ឌិត ជឿជាក់ថា សិក្ខាសាលាដែលរៀបចំឡើងដោយសាកលវិទ្យាល័យវិទ្យាសាស្រ្តសុខាភិបាលនាពេលនេះ នឹងក្លាយជាការចាប់ផ្តើមនៃការចងក្រងជាក្រុមការងារសម្របសម្រួល និងកិច្ចសហប្រតិបត្តិការ សម្រាប់ការងារស្រាវជ្រាវពាក់ព័ន្ធនឹងជំងឺផ្តាសាយបក្សីនៅកម្ពុជា ដោយប្រើវិធីសាស្ត្រ «សុខភាពតែមួយ» ហើយក្រុមការងារនេះដើរតួរនាទីស្នូលមួយក្នុងការផ្តល់និងផ្សព្វផ្សាយនូវភស្តុតាងវិទ្យាសាស្រ្ត ដល់គ្រប់ភាគីពាក់ពន្ធ័ទាំងក្នុងប្រទេស ក្នុងតំបន់ និងអ្នកវិទ្យាសាស្រ្តលើពិភពលោកដើម្បីជំរុញភាពធន់នឹងការឆ្លើយតបឱ្យបានរហ័សទាន់ពេលវេលា សម្រាប់ការផ្ទុះឡើងនៃជំងឺផ្តាសាយបក្សីដែលអាចកើតមានឡើងគ្រប់ពេលវេលានាពេលអនាគត។

លោកសាស្ត្រាចារ្យ សាផុន វឌ្ឍនៈ សាកលវិទ្យាធិការ នៃសាកលវិទ្យាល័យវិទ្យាសាស្រ្តសុខាភិបាលបានថ្លែងថាប្រទេសកម្ពុជាបានឈានមុខគេក្នុងការរៀបចំប្រពន្ធ័តាមដានជំងឺដែលឆ្លងពីសត្វមកមនុស្សតាមរយៈកិច្ចសហការល្អរវាង សុខាភិបាល ជាមួយក្រសួង កសិកម្ម រុក្ខាប្រមាញ់ និងនេសាទ និងក្រសួងបរិស្ថាន។ ប៉ុន្តែយើងនៅខ្វះ ក្រសួង យន្តការសម្របសម្រួលការធ្វើការងារសិក្សាស្រាវជ្រាវអំពីជំងឺផ្តាសាយបក្សីនេះដោយប្រើប្រាស់វិធីសាស្ត្រ សុខភាពតែមួយ និងខ្វះខាតនូវសមត្ថភាពធនធានមនុស្សក្នុងការងារស្រាវជ្រាវជំងឺឆ្លងដែលកើតឡើងថ្មីៗ។ ដូចនេះសិក្ខាសាលានេះ រៀបចំឡើងក្នុងគោលបំណងជួយពង្រឹងការត្រៀមខ្លួនទុកជាមុនក្នុងការឆ្លើយតបចំពោះជំងឺផ្តាសាយបក្សី នៅប្រទេសកម្ពុជា និងការគំរាមកំហែងពីជំងឺឆ្លងចេញពីសត្វផ្សេងៗទៀត ដែលអាចនឹងកើតចេញមកជាយថាហេតុនៅពេលអនាគត តាមរយៈការរៀបចំបង្កើតនូវ ក្រុមការងារសម្របសម្រួលការងារស្រាវជ្រាវ មួយដែលមានចរិតលក្ខណៈបែប «សុខភាពតែមួយ» ដោយមានការចូលរួមពីអ្នកស្រាវជ្រាវ សហការគ្នា ពីក្រសួងសុខាភិបាល ជាមួយក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន៕

អត្ថបទ៖ សំអឿន

The post មន្ត្រីជាន់ខ្ពស់ជំរុញគ្រប់ភាគីស្រាវជ្រាវជំងឺផ្តាសាយបក្សីនៅកម្ពុជា ផ្តល់ជាធាតុចូលធ្វើគោលនយោបាយកាន់តែមានប្រសិទ្ធិភាពខ្ពស់ appeared first on Kampuchea Thmey Daily.

គោលបំណងចម្បងនៃសិក្ខាសាលានេះ គឺដើម្បីពង្រឹងសមត្ថភាពត្រៀមលក្ខណៈ និងការឆ្លើយតបទៅនឹងជំងឺផ្តាសាយបក្សី A/H5N1 និងជំងឺឆ្លងថ្មីៗផ្សេងទៀតពីសត្វមកមនុស្សនៅក្នុងប្រទេសកម្ពុជា តាមរយៈការជំរុញកិច្ចសហការលើការស្រាវជ្រាវតាមបែប «សុខភាពតែមួយ (One Health)»។ សិក្ខាសាលានាថ្ងៃនេះ ជាកម្មវិធីមួយក្នុងចំណោមកម្មវិធីវិទ្យាសាស្ត្រផ្សេងៗទៀតជាច្រើនដែលសាកលវិទ្យាល័យគ្រោងប្រារព្ធរៀបចំឡើងដើម្បីអបអរសាទរខួបទី ៨០ឆ្នាំ នៃការបង្កើតសាកលវិទ្យាល័យវិទ្យាសាស្ត្រសុខាភិបាល ឆ្នាំ១៩៤៦ ដល់ ឆ្នាំ២០២៦។

ក្នុងឱកាសនោះ លោកស្រី យក់ សម្បត្តិ បានសម្តែងនូវការអបអរសាទរខួប ៨០ ឆ្នាំ នៃការបង្កើតសាកលវិទ្យាល័យវិទ្យាសាស្ត្រសុខាភិបាល និងបានគូសបញ្ជាក់ថា សិក្ខាសាលានេះពិតជាមានសារៈសំខាន់ និងប្រព្រឹត្តទៅចំពេលដែលប្រទេសកម្ពុជាកំពុងរៀបចំត្រៀមលក្ខណៈក្នុងការទប់ស្កាត់ និងគ្រប់គ្រងជំងឺឆ្លងឱ្យបានកាន់តែមានប្រសិទ្ធភាពខ្ពស់បន្ថែមទៀត។

លោកស្រីសង្ឃឹមថា ភាគីពាក់ព័ន្ធនៅក្នុងក្រុមការងារនឹងដើរតួនាទីស្នូលមួយក្នុងការផ្តល់ និងផ្សព្វផ្សាយនូវភស្តុតាងវិទ្យាសាស្ត្រដល់គ្រប់ភាគីពាក់ព័ន្ធទាំងក្នុងប្រទេស ក្នុងតំបន់ និងអ្នកវិទ្យាសាស្ត្រលើពិភពលោក ដើម្បីជំរុញភាពធន់នឹងការឆ្លើយតបឱ្យបានរហ័សទាន់ពេលវេលា។

លោកស្រីរដ្ឋលេខាធិការ ក៏បានផ្តល់នូវអនុសាសន៍ជាធាតុចូលសំខាន់ៗ សំដៅបង្កើតនូវយន្តការរួមមួយដើម្បីរៀបចំផែនទីតម្រង់ទិសការងារស្រាវជ្រាវ, កំណត់ចំណុចខ្វះខាតក្នុងការស្រាវជ្រាវ, បន្តពង្រឹងកិច្ចសហការឱ្យកាន់តែស្អិតរមួតរវាងគ្រប់ភាគីពាក់ព័ន្ធ និងលើកកម្ពស់ការស្រាវជ្រាវ ព្រមទាំងផ្តល់ឱកាសស្រាវជ្រាវទាក់ទងនឹងជំងឺឆ្លង ជាពិសេសជំងឺផ្តាសាយបក្សី A/H5N1 ដល់អ្នកស្រាវជ្រាវវ័យក្មេង និងនិស្សិត៕

The post លោកស្រី យក់ សម្បត្តិ អញ្ជើញបើកសិក្ខាសាលា ដើម្បីពង្រឹងការឆ្លើយតបទៅនឹងជំងឺផ្តាសាយបក្សី និងជំងឺឆ្លងថ្មីៗ appeared first on Kampuchea Thmey Daily.

ក្នុងរបាយការណ៍បានរំលេចថា ក្នុងចំណោមអ្នកឆ្លងជំងឺផ្តាសាយបក្សី២០នាក់ក្នុងនោះ មានមនុស្ស១៩នាក់ឆ្លងក្នុងឆ្នាំ២០២៥ និងស្លាប់ចំនួន៩នាក់។ ចំណែក១ករណីចុងក្រោយបានកើតឡើងទៅលើបុរសអាយុ ៣០ឆ្នាំ ដែលបានបញ្ជាក់ថា វិជ្ជមានវីរុសផ្តាសាយបក្សី ប្រភេទ (H5N1) ដោយវិទ្យាស្ថានជាតិសុខភាពសាធារណៈ លើអ្នកជំងឺដែលមានទីលំនៅ ក្នុងស្រុកទឹកឈូ ខេត្តកំពត មានរោគសញ្ញា គ្រុនក្តៅ ក្អក និងឈឺពោះ។ យ៉ាងណាមិញ ក្រោយមានការយកចិត្ត ទុកដាក់ថែទាំពីសំណាក់ក្រុមគ្រូពេទ្យ បុរសខាងលើជាសះស្បើយត្រឡប់ទៅផ្ទះ នៅថ្ងៃទី១៤ ខែកុម្ភៈ ឆ្នាំ២០២៦។ តាមការសាកសួរ បង្ហាញថា មូលហេតុដែលបុរសនោះឆ្លងជំងឺផ្តាសាយបក្សី ដោយសារយកមាន់ងាប់ដោយមិនដឹងមូលហេតុមកធ្វើជាម្ហូបអាហារ។

ក្រសួងសុខាភិបាល សូមក្រើនរំលឹកសារជាថ្មីម្តងទៀត ដល់បងប្អូនប្រជាពលរដ្ឋទាំងអស់ សូមយកចិត្ត ទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់ សុខភាពប្រជាពលរដ្ឋ។ ប្រសិនបើមានអាការៈក្តៅខ្លួន ក្អក ហូរសំបោរ ឬ ពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង១៤ថ្ងៃមុនថ្ងៃចាប់ផ្តើមមាន រោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការពិនិត្យ ព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹង ហានិភ័យខ្ពស់នៃការស្លាប់ជាយថាហេតុ។

ជំងឺផ្តាសាយបក្សី H5N1 គឺជាជំងឺផ្តាសាយមួយ ដែលជាធម្មតាចម្លងរវាងសត្វបក្សីឈឺ ទៅបក្សីផ្សេងទៀត ប៉ុន្តែជួនកាលវាអាចចម្លងពីបក្សីទៅមនុស្ស តាមការប៉ះពាល់ជិតស្និទ្ធជាមួយបក្សីដែលឈឺឬងាប់។ ជំងឺផ្តាសាយបក្សីលើមនុស្សជាជំងឺធ្ងន់ធ្ងរ ដែលតម្រូវឱ្យមានការធ្វើការព្យាបាលនៅមន្ទីរពេទ្យទាន់ពេលវេលា។ ទោះបីជាវាមិនងាយឆ្លងពីមនុស្សទៅមនុស្ស ប៉ុន្តែបើវាអាចបំប្លែងខ្លួនអាចឆ្លង ដូចនឹងជំងឺផ្តាសាយតាមរដូវកាល ផងដែរ។

ដើម្បីបង្ការជំងឺនេះ ក្រសួងបានណែនាំដល់ប្រជាពលរដ្ឋកុំប៉ះពាល់ ឬទទួលទាន មាន់ទាឈឺ ឬងាប់ និងពាក់ស្រោមដៃ និងម៉ាស ឬយកក្រមាចងបិតច្រមុះ មុនពេល ចាប់កាន់មាន់ទាធ្វើម្ហូបអាហារ រួចហើយស្រុះវាក្នុងទឹកពុះមុននឹងបោច​សម្អាតរោមត្រូវប្រកាន់ខ្ជាប់នូវការអនុវត្តអនាម័យ លាងសម្អាតដៃឱ្យបានញឹកញាប់ មុនចាប់កាន់ចំណីអាហារ៕

អត្ថបទ៖ សំអឿន

The post គិតត្រឹម ២០២៥-២០២៦ ពលរដ្ឋកម្ពុជា៩នាក់ស្លាប់ក្នុងចំណោម ២០ នាក់ឆ្លងជំងឺផ្តាសាយបក្សី appeared first on Kampuchea Thmey Daily.

យោងតាមសេចក្តីប្រកាសព័ត៌មានរបស់ក្រសួងសុខាភិបាល​ កាលពីយប់ថ្ងៃទី១៦តុលាបានឱ្យដឹងថា ករណីជំងឺផ្តាសាយបក្សី លើកុមារីអាយុ៣ឆ្នាំនៅខេត្តកំពង់ស្ពឺនេះ ត្រូវបានបញ្ជាក់ដោយ វិទ្យាស្ថានជាតិសុខភាពសាធារណៈ និងវិទ្យាស្ថានប៉ាស្ទ័រកម្ពុជា នៅថ្ងៃទី១៥ ខែតុលា ឆ្នាំ២០២៥។ អ្នកជំងឺមានរោគសញ្ញា គ្រុនក្តៅ រាក ក្អក និងឈឺពោះ។ បច្ចុប្បន្នអ្នកជំងឺកំពុងទទួលបានការព្យាបាលដោយយកចិត្តទុកដាក់ពីក្រុមគ្រូពេទ្យ។ តាមការសាកសួរបង្ហាញថា នៅផ្ទះអ្នកជំងឺ និងផ្ទះអ្នកជិតខាង មានមាន់ ទា ឈឺ និងងាប់ជាបន្តបន្ទាប់ ប្រហែលមួយសប្តាហ៍មុនថ្ងៃកុមារឈឺ។

ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការជាមួយក្រុមការងារនៃមន្ទីរកសិកម្មខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្ម លើការកើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស ស្វែងរក ប្រភពចម្លង ទាំងលើសត្វ និងមនុស្ស និងស្វែងរកករណីសង្ស័យ និងអ្នកប៉ះពាល់ដើម្បីទប់ស្កាត់ការឆ្លងបន្តក្នុងសហគមន៍ ព្រមទាំងចែកជូនឱសថតាមីហ្គូ(Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាព ប្រជាពលរដ្ឋនៅក្នុងភូមិដែលកើតហេតុខាងលើ។

ក្រសួងសុខាភិបាល ក៏បានក្រើនរំលឹកសារជាថ្មីម្តងទៀតដល់ប្រជាពលរដ្ឋទាំងអស់ត្រូវយកចិត្តទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់សុខភាពប្រជាពលរដ្ឋ ហើយក៏ ប្រសិនបើមានអាការៈក្តៅខ្លួន ក្អក ហូរសំបោរ ឬពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង១៤ថ្ងៃមុនថ្ងៃចាប់ផ្តើមមានរោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេលធ្វើឱ្យប្រឈមនឹងហានិភ័យខ្ពស់នៃការស្លាប់ជាយថាហេតុ។

បើតាមក្រសួងសុខាភិបាល ជំងឺផ្តាសាយបក្សី H5N1 គឺជាជំងឺផ្តាសាយមួយ ដែលជាធម្មតាចម្លងរវាងសត្វបក្សីឈឺ ទៅបក្សីផ្សេងទៀត ប៉ុន្តែជួនកាលវាអាចចម្លងពីបក្សីទៅមនុស្ស តាមការប៉ះពាល់ជិតស្និទ្ធជាមួយបក្សីដែលឈឺឬងាប់។ ជំងឺផ្តាសាយបក្សីលើមនុស្សជាជំងឺធ្ងន់ធ្ងរ ដែលតម្រូវឱ្យមានការធ្វើការព្យាបាលនៅមន្ទីរពេទ្យទាន់ពេលវេលា។ ទោះបីជាវាមិនងាយឆ្លងពីមនុស្សទៅមនុស្ស ប៉ុន្តែបើវាអាចបំប្លែងខ្លួនអាចឆ្លងដូចនឹងជំងឺផ្តាសាយតាមរដូវកាលផងដែរ។

ក្រសួងសុខាភិបាលបានណែនាំដល់ប្រជាពលរដ្ឋកុំប៉ះពាល់ ឬទទួលទាន មាន់ទាឈឺ ឬងាប់ និងពាក់ស្រោមដៃ និងម៉ាស ឬយកក្រមាចងបិតច្រមុះ មុនពេលចាប់កាន់មាន់ទាធ្វើម្ហូបអាហារ រួចហើយស្រុះវាក្នុងទឹកពុះមុននឹងបោច​សម្អាត​រោមត្រូវប្រកាន់ខ្ជាប់នូវការអនុវត្តអនាម័យ លាងសម្អាតដៃឱ្យបានញឹកញាប់ មុនចាប់កាន់ចំណីអាហារ ជា ពិសេសបន្ទាប់ពីការប៉ះពាល់សត្វ បោចសំអាតរោមសត្វបសុបក្សី ឬវត្ថុផ្សេងៗ ដែលអាចជាប្រភពចម្លងរោគត្រូវចម្អិនម្ហូបអាហារឱ្យបានឆ្អិនល្អមុនបរិភោគ ជាពិសេសសាច់ សត្វបក្សី និងស៊ុត។ កុំទទួលទានពងមាន់ ឬពងទាជ័រព្នៅ និងទុកដាក់អាហារឆៅ និងឆ្អិនឱ្យនៅដាច់ដោយឡែកពីគ្នា សម្អាតសម្ភារប្រើប្រាស់ សម្រាប់ចម្អិនម្ហូបអាហារឱ្យបានត្រឹមត្រូវ។
ប្រសិនបើមានមាន់ទាឈឺឬងាប់ច្រើននៅផ្ទះឬក្នុងភូមិ ហើយមានអាការៈក្តៅខ្លួន ក្អក ហូរសំបោរ ឬ ពិបាកដកដង្ហើម សូមប្រញាប់ស្វែងរកការពិគ្រោះយោបល់ និងការពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹងហានិភ័យខ្ពស់នៃការ ស្លាប់ជាយថាហេតុ៕

អត្ថបទ៖ សំអឿន

The post ក្រសួងសុខាភិបាលប្រកាសរកឃើញជំងឺផ្តាសាយបក្សី លើកុមារីអាយុ៣ឆ្នាំនៅខេត្តកំពង់ស្ពឺ appeared first on Kampuchea Thmey Daily.

បើតាមការបញ្ជាក់របស់ក្រសួង អ្នកជំងឺ មានទីលំនៅក្នុងភូមិព្រៃមោក ឃុំស្រែរនោង ស្រុកត្រាំកក់ ខេត្តតាកែវ មានរោគសញ្ញា គ្រុនក្តៅ ក្អក ហត់ និងពិបាកដកដង្ហើម។ បច្ចុប្បន្ន អ្នកជំងឺកំពុងស្ថិតក្រោមការខិតខំព្យាយាមជួយសង្គ្រោះដោយយកចិត្តទុកដាក់ពីក្រុម គ្រូពេទ្យ។ តាមការសាកសួរបង្ហាញថា មួយខែកន្លងមកនេះ នៅក្នុងភូមិកើតហេតុ មានមាន់ឈឺ និងងាប់ ជិត១ពាន់ក្បាល ជាមួយគ្នានោះនៅផ្ទះកុមារ ក្នុងអំឡុងពេល ២០ថ្ងៃនេះ មានមាន់ឈឺ និងងាប់ ចំនួន ៣០ក្បាល ជាបន្តបន្ទាប់ ហើយម្តាយកុមារបានយកមាន់ងាប់មកធ្វើម្ហូប មុនថ្ងៃដែលកុមារចាប់ផ្ដើមឈឺ។

យ៉ាងណាមិញ ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការ ជាមួយក្រុមការងារនៃមន្ទីរកសិកម្មខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្ម លើការកើតឡើងនូវជំងឺផ្ដាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស ស្វែងរក ប្រភពចម្លង ទាំងលើសត្វ និងមនុស្ស និងស្វែងរកករណីសង្ស័យនិងអ្នកប៉ះពាល់ ដើម្បីទប់ស្កាត់ការឆ្លងបន្តក្នុង សហគមន៍ ព្រមទាំងចែកជូនឱសថតាម៊ីស្តូ(Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាព ប្រជាពលរដ្ឋនៅក្នុងភូមិដែលកើតហេតុខាងលើ។

ជាមួយគ្នានេះ ក្រសួងសុខាភិបាល បានក្រើនរំលឹកសារជាថ្មីម្តងទៀត ដល់ប្រជាពលរដ្ឋទាំងអស់ សូមយកចិត្ត ទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់ សុខភាពប្រជាពលរដ្ឋ។​ ដូច្នេះប្រសិនបើមានអាការៈក្តៅខ្លួន ក្អក ហូរសំបោរ ឬពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង ១៤ថ្ងៃ មុនថ្ងៃចាប់ផ្តើម មានរោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការ ពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹង ហានិភ័យខ្ពស់នៃការស្លាប់ជាយថាហេតុ។

ជំងឺផ្តាសាយបក្សី H5N1 គឺជាជំងឺផ្តាសាយមួយ ដែលជាធម្មតាចម្លងរវាងសត្វបក្សីឈឺ ទៅបក្សីផ្សេងទៀត ប៉ុន្តែជួនកាលវាអាចចម្លងពីបក្សីទៅមនុស្ស តាមការប៉ះពាល់ជិតស្និទ្ធជាមួយបក្សីដែលឈឺ ឬងាប់។ ជំងឺផ្តាសាយបក្សីលើមនុស្សជាជំងឺធ្ងន់ធ្ងរ ដែលតម្រូវឱ្យមានការធ្វើការព្យាបាលនៅមន្ទីរពេទ្យទាន់ពេលវេលា។ ទោះបីជាវាមិនងាយឆ្លងពីមនុស្សទៅមនុស្ស ប៉ុន្តែបើវាអាចបំប្លែងខ្លួនអាចឆ្លង ដូចនឹងជំងឺផ្តាសាយតាមរដូវកាលផងដែរ៕

The post កុមារីអាយុ ៦ឆ្នាំម្នាក់ ត្រូវបានរកឃើញវិជ្ជមានជំងឺផ្តាសាយបក្សី appeared first on Kampuchea Thmey Daily.

បើតាមលិខិតរបស់ក្រសួង អ្នកជំងឺមានរោគសញ្ញា គ្រុនក្តៅ ក្អក ឈឺ បំពង់ក ឈឺពោះ និងពិបាកដកដង្ហើម ហើយត្រូវបានបញ្ជាក់ថា វិជ្ជមានវីរុសផ្តាសាយបក្សី ប្រភេទហាស់៥ អ៊ិន១ (H5N1) ដោយវិទ្យាស្ថានជាតិសុខភាពសាធារណៈ កាលពីថ្ងៃទី២៦ ខែកក្កដា ឆ្នាំ២០២៥។

ក្រសួងបានបញ្ជាក់ថា បច្ចុប្បន្ន អ្នកជំងឺកំពុងស្ថិតក្រោមការខិតខំព្យាយាមជួយសង្គ្រោះដោយយក ចិត្តទុកដាក់ពីក្រុមគ្រូពេទ្យ។ តាមការសាកសួរបង្ហាញថា នៅបរិវេណជិតផ្ទះអ្នកជំងឺមានមាន់ងាប់ ហើយអ្នកជំងឺបាន សម្លាប់និងបោចមាន់ ៣ថ្ងៃមុនថ្ងៃដែលអ្នកជំងឺចាប់ផ្ដើមឈឺ។

ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការ ជាមួយក្រុមការងារនៃមន្ទីរកសិកម្មខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្ម លើការកើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស ស្វែងរក ប្រភពចម្លង ទាំងលើសត្វ និងមនុស្ស និងស្វែងរកករណីសង្ស័យនិងអ្នកប៉ះពាល់ ដើម្បីទប់ស្កាត់ការឆ្លងបន្តក្នុង សហគមន៍ ព្រមទាំងចែកជូនឱសថតាមឺហ្លូ (Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាព ប្រជាពលរដ្ឋនៅក្នុងភូមិដែលកើតហេតុខាងលើ។

ជាមួយគ្នានេះ ក្រសួងសុខាភិបាល បានក្រើនរំលឹកសារជាថ្មីម្ដងទៀត ដល់ប្រជាពលរដ្ឋទាំងអស់ សូមយកចិត្ត ទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់ សុខភាពប្រជាពលរដ្ឋ។ ដូច្នេះ ប្រសិនបើមានអាការៈក្តៅខ្លួន ក្អក ហូរសំបោរ ឬពិបាកដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬងាប់ក្នុងអំឡុង១៤ថ្ងៃមុនថ្ងៃចាប់ផ្តើម មានរោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការពិគ្រោះយោបល់ និងការ ពិនិត្យព្យាបាលនៅមណ្ឌលសុខភាព ឬមន្ទីរពេទ្យ ដែលនៅជិតជាបន្ទាន់ ចៀសវាងការពន្យារពេល ធ្វើឱ្យប្រឈមនឹង ហានិភ័យខ្ពស់នៃការស្លាប់ជាយថាហេតុ៕

The post ក្រសួងសុខាភិបាល រកឃើញអ្នកកើតជំងឺផ្តាសាយបក្សី ១ករណីទៀត ក្នុងខេត្តសៀមរាប appeared first on Kampuchea Thmey Daily.