តាមការចុះផ្សាយរបស់ Khaosod នៅថ្ងៃអង្គារទី១៩ខែសីហាឆ្នាំ២០២៥, មន្ត្រីប៉ូលិសរូបនេះគឺជាវរសេនីយ៍ទោ Phitak Fansuk នៅផ្នែកស៊ើបអង្កេត ប្រចាំប៉ុស្តិ៍ Ban Klang នៃខេត្ត Phetchabun។

គាត់ត្រូវបានគេឃើញស្លាប់ក្នុងរថយន្ត Ford ពណ៌ស នៅឯហាងមួយក្នុងឃុំ Ban Klang ស្រុក Lom Sak នៃខេត្តនេះ។ សមត្ថកិច្ចក៏ប្រទះឃើញកាំភ្លើងខ្លីមួយដើម នៅក្បែរសពរបស់គាត់ផងដែរ។

ហេតុការណ៍នេះកើតឡើងត្រឹមប៉ុន្មានថ្ងៃប៉ុណ្ណោះ បន្ទាប់ពីទាហានថៃ បើកការបាញ់ប្រហារលើពលរដ្ឋក្នុងខេត្តសុរិន្ទ រួចធ្វើអត្ថឃាតខ្លូនឯងនៅក្នុងព្រៃ ដោយសារតែទាហានរូបនោះ ក៏មានជំងឺផ្លូវចិត្តនិងធុញថប់អារម្មណ៍ដូចគ្នានេះដែរ។

ទាហានថៃឈ្មោះ Ratthaphum Thepsiri មកពីកងពលថ្មើរជើងលេខ១៦២៣ បានបើកការបាញ់រះនៅក្នុងស្រុក កាប់ឆឹង នៃខេត្តសុរិន្ទ ដោយបណ្តាលឲ្យអ្នកភូមិ ២នាក់រងរបួស។

រូបគេបានចាប់ទាញកាំភ្លើង M16 មួយដើមនិងគ្រាប់មួយចំនួន ចេញពីប៉ុស្តិយាមទាំងកណ្តាលអធ្រាត្រដោយគ្មានការអនុញ្ញាត រួចក៏បាញ់រះជាង១០គ្រាប់ក្បែរវត្ត បានឃឿនកែវ។ តាមសេចក្តីរាយការណ៍ ​ទាហានរូបនេះ បានបាញ់១០គ្រាប់នៅម៉ោង ១២:៤៥នាទី និង២គ្រាប់ទៀតនៅម៉ោង ១២:៥៤នាទី។

ក្រោយមក​ សមត្ថកិច្ច​បាន​ប្រទះ​ឃើញ​សាកសព​ក្នុង​ព្រៃ​ចម្ងាយ​ប្រហែល ២០០ ម៉ែត្រ​ពី​កន្លែង​កើតហេតុ ។ ការត្រួតពិនិត្យបឋម បានរកឃើញ នោះគឺជាសាកសពរបស់ Ratthaphum ដែលស្លាប់ដោយធ្វើអត្តឃាត៕

អត្ថបទ៖ សុខ សុវណ្ណ

ចុចអាន៖ មូលហេតុទាហានថៃ បាញ់ប្រហារពលរដ្ឋខ្លួនរួចធ្វើអត្តឃាត គឺដោយសារធុញថប់ក្នុងចិត្តព្រោះជម្លោះព្រំដែន

The post ប៉ូលិសថៃម្នាក់ទៀត បាញ់សម្លាប់ខ្លួន ដោយសារបញ្ហាផ្លូវចិត្ត ធុញថប់នឹងការងារ appeared first on Kampuchea Thmey Daily.

តួលេខនេះត្រូវបានគេមើលឃើញថា មានការកើនឡើងខ្លាំងគួរឲ្យកត់សម្គាល់ ខណៈ១៣.៤លាននាក់ គឺស្មើនឹងប្រជាជនថៃ ១ភាគ៥ទៅហើយ។

ក្នុងរបាយការណ៍ដែលត្រូវយកមកចុះផ្សាយដោយ Bangkok Post នៅថ្ងៃព្រហស្បតិ៍ទី៧ខែសីហាឆ្នាំ២០២៥ បានបង្ហាញថា ក្រុមមនុស្សដែលជួបបញ្ហាផ្លូវចិត្តខ្លាំងជាងគេគឺមានអាយុចន្លោះ ៤៥-៥៩ឆ្នាំ។ ចំណែក ក្រុមមនុស្សអាយុ ១៥-២៩ ឆ្នាំ គឺមានហានិភ័យខ្ពស់ ដោយសារតែភាពតានតឹង ថប់បារម្ភ និងជំងឺបាក់ទឹកចិត្ត ព្រោះតែសម្ពាធការសិក្សានិងបញ្ហាសង្គម។

របាយការណ៍ខាងលើ បានគូសបញ្ជាក់ចំៗថា ជំងឺផ្លូវចិត្តដែលវាយលុកប្រទេសថៃ គឺកើនឡើងខ្លាំងជាពិសេសចាប់តាំងពីវិបត្តិជំងឺរាតត្បាតកូវីដ-១៩ មកម្ល៉េះ បូករួមទាំងសម្ពាធសេដ្ឋកិច្ចនិងរបត់សង្គម។

ម្យ៉ាងវិញទៀត ដោយសារតែថៃ ជាប្រទេសពោរពេញដោយការរើសអើង ទើបធ្វើឲ្យអ្នកជំងឺផ្លូវចិត្ត មិនហ៊ានស្វែងរកជំនួយ ខ្លាចរអានឹងការទៅមន្ទីរពេទ្យ បណ្តាលឲ្យអ្នកជំងឺផ្លូវចិត្តកើនឡើងជាលំដាប់។

លើសពីនេះ សេវាសុខភាពផ្លូវចិត្តក្នុងប្រទេសថៃនៅតែខ្វះធនធាន ដូច្នេះអ្នកជំនាញសុខភាពផ្លូវចិត្តក៏មានកង្វះខាតទៅតាមហ្នឹងដែរ៕

អត្ថបទ៖ សុខ សុវណ្ណ

ចុចអាន៖ ខែវស្សាសោះ ថៃ​ បែរជាត្រូវវាយប្រហារដោយរលកកម្តៅ ខុសធម្មតា

The post ប្រជាជនថៃ ជាង ១៣លាននាក់ មានជំងឺផ្លូវចិត្ត appeared first on Kampuchea Thmey Daily.

អ្នកនាង សួស វីហ្សា បាន​លើក​ឡើង​ថា «ជំងឺ​ដែល​ពិបាក​ព្យាបាល​ជាងគេ​គឺជា​ជំងឺ​ផ្លូវ​ចិត្ត ជំងឺ​នេះ​ជា​ជំងឺ​ដែល​សាហាវ​បំផុត​ហើយ សម្រាប់​មនុស្ស​ម្នាក់ៗ ផ្លូវចិត្ត​វា​ពិត​ជា​សំខាន់​ជាង​អ្វីៗ ទាំងអស់ ខ្ញុំ​ក៏​មាន​ជំងឺ​នេះ​ដែរ រយៈពេល​ច្រើន​ឆ្នាំ​មក​ហើយ សូម​ថែ​ផ្លូវចិត្ត​ឲ្យ​រឹងមាំ សូម​ឲ្យ​កម្លាំង​បុណ្យ​ទាំងអស់​ដែល​ខ្ញុំ​បាន​សាង ព្រមទាំង​សំពាយ​បុណ្យ​ទាំងអស់​ដែល​ខ្ញុំ​បាន​ស្ពាយ​មក​តាម​ខ្លួន​ទាំង​ប៉ុន្មាន សូម​ជួយ​បំភ្លឺ​ផ្លូវ និង​ជួយ​នាំ​តែ​រឿង​ល្អៗ ចូល​មក​ក្នុង​ជីវិត​កូន​ផង»។

អ្នកនាង សួស វីហ្សា និយាយ​បន្ត​ទៀត​ថា «សូម​ឲ្យ​រឿង​អាក្រក់​បរ​វាស​ជៀស​ឆ្ងាយ សូម​ឲ្យ​ពពួក​អមនុស្ស​ទាំងអស់​បាក់​ខ្លាច​បង្វែរ​ប្តូរ​ទិស​កុំ​ឲ្យ​មក​ក្បែរ​គ្រួសារ​កូន​សូម​ឲ្យ​អ្នកមានគុណ​របស់ខ្ញុំ​ទាំងអស់​មាន​កម្លាំង​មាំមួន​សុខភាព​ល្អ និង​អាណិត​មេត្តា​ស្រលាញ់​កូនស្រី​ម្នាក់​នេះ​រហូត​ទៅ បើ​ទោះ​ជា​កូន​ខុស​ខ្លះ​ត្រូវ​ខ្លះ សូម​លោក​កុំ​យក​ទោស​ភ័យ​កូន កូន​សន្យា​ថា​នឹង​គោរព​ដឹងគុណ និង​សង​គុណ​លោក​អស់​មួយ​ជីវិត»។

បន្ថែម​ពី​នេះ អ្នកនាង សួស វីហ្សា លើកឡើង​ដែរ​ថា «នាង​ខ្ញុំ ក៏​សូម​គោរព​ជូនពរ​បងប្អូន​ពូ​មីង​ទាំង​អស់ សូម​ជួប​តែ​សេចក្តី​សុខ សំណាងល្អ និង​ធ្វើ​ដំណើរ​ទី​ជិត​ឆ្ងាយ សូម​ឲ្យ​មាន​សុវត្ថិភាព​ទាំងអស់​គ្នា ហើយ​កុំ​ភ្លេច​ថែរក្សា​ផ្លូវចិត្ត​ឲ្យ​រឹងមាំ​ល្អ​ផង»។

ជា​ការ​ពិត​ចំពោះ​បញ្ហា​ជំងឺ​បាក់​ទឹកចិត្ត​មិនមែន​ជា​រឿង​លេងសើច ហើយ​រឹត​តែ​មិន​អាច​ធ្វេសប្រហែស​ដែរ ខណៈ​បច្ចុប្បន្ន​គេ​សង្កេតឃើញ​មាន​មនុស្ស​ច្រើន​នាក់​មក​ហើយ ពិសេស​យុវវ័យ​តែម្ដង បាន​សម្រេច​ជ្រើសរើស​វិធី​ដើម្បី​បញ្ចប់​ជីវិត​ខ្លួនឯង ព្រោះតែ​មិន​អាច​ដោះស្រាយ​បញ្ហា ឬ ស្វែងរក​អ្នក​ណា​មក​ជួយ​ពួកគេ​បាន។

តាមរយៈ​នេះ​ដែរ គេ​ក៏​កត់សម្គាល់​ឃើញ​មួយ​រយៈ​ចុងក្រោយ​នេះ បញ្ហា នៃ​ការ​បញ្ចប់​ជីវិត​ព្រោះ​ជំងឺ​បាក់​ទឹកចិត្ត​បាន​កើត​ឡើង​ជា​បន្តបន្ទាប់៕

អត្ថបទ ៖ ចាន់រ៉ា

The post សួស វីហ្សា ចាត់ទុកជំងឺផ្លូវចិត្តជាជំងឺសាហាវបំផុត ពិបាកព្យាបាលជាងគេ appeared first on Kampuchea Thmey Daily.

នៅក្នុងកិច្ចប្រជុំផ្សព្វផ្សាយគម្រោងស្តីពី “ការលើកកម្ពស់សុខភាពផ្លូវចិត្តក្នុងចំណោមប្រជាជនទទួលរងការប៉ះទង្គិចផ្លូវចិត្ត” នៅរាជធានីភ្នំពេញ ខេត្តកំពង់ស្ពឺ ខេត្តកំពង់ឆ្នាំង ខេត្តបាត់ដំបង និងខេត្តសៀមរាប នៅថ្ងៃទី១៤ មីនា នៅសណ្ឋាគារសាន់វ៉េ លោកវេជ្ជបណ្ឌិត ហុក គឹមចេង មានប្រសាសន៍ថា កន្លែងផ្តល់សេវាព្យាបាលផ្លូវចិត្ត និងគ្រឿងញៀន ចំនួន ៤៥៤កន្លែង មាននៅ មន្ទីរពេទ្យថ្នាក់ជាតិចំនួន ២កន្លែង គឺមន្ទីរពេទ្យមិត្តភាពខ្មែរ-សូវៀត និងមន្ទីរពេទ្យមិត្តភាពកម្ពុជា-ចិន ព្រះកុសុមៈ, មន្ទីរពេទ្យបង្អែករាជធានី-ខេត្ត ២៥កន្លែង, មន្ទីរពេទ្យបង្អែកស្រុកប្រតិបត្តិ ៧២កន្លែង និងមណ្ឌលសុខភាព ៣៥៥កន្លែង។

លោកវេជ្ជបណ្ឌិត ហុក គឹមចេង មានប្រសាសន៍បន្តទៀតថា សុខភាពផ្លូវចិត្ត គឺជាអាទិភាពមួយ ក្នុងចំណោមអាទិភាពដទៃទៀតរបស់ក្រសួងសុខាភិបាល ហើយសុខភាពផ្លូវចិត្តនេះកើតឡើងមិនមែនដោយសារតែការប៉ះទង្គិចក្នុងគ្រោះមហន្តរាយ ដូចជាសង្គ្រាមនោះទេ វាអាចកើតមានឡើងក្នុងជីវិតរស់នៅប្រចាំថ្ងៃរបស់យើងផងដែរដូចជា អំពើហិង្សាក្នុងគ្រួសារ គ្រោះថ្នាក់ចរាចរ ភាពស្លុតរន្ធត់ដែលបានជួបប្រទះដោយផ្ទាល់ ឬដោយមិនផ្ទាល់ មានជាអាទិ៍ អំពើចោរកម្ម ការទស្សនារូបភាព ឬខ្សែភាពយន្ត ឬទំព័រសារព័ត៌មានជាដើម។

លោកវេជ្ជបណ្ឌិត ហុក គឹមចេង បានបន្ថែមថា ក្នុងបរិការណ៍នេះ ក្រសួងសុខាភិបាល បានពង្រីកការគ្របដណ្ដប់សេវា និងពង្រឹង ប្រសិទ្ធភាពនៃការផ្តល់សេវាសុខភាពផ្លូវចិត្ត និងការបំពានគ្រឿងញៀនដល់ក្រុមគោលដៅងាយរងគ្រោះក្នុងព្រះរាជាណាចក្រកម្ពុជា តាមរយៈការធ្វើសមាហរណកម្មសេវាទៅក្នុងសំណុំសកម្មភាពអប្បរមាសម្រាប់មណ្ឌលសុខភាព និងសំណុំសកម្មភាពបង្រ្គប់សម្រាប់មន្ទីរពេទ្យបង្អែកដែលបច្ចុប្បន្នគ្របដណ្តប់ ៤៥៤កន្លែង នៅទូទាំង ២៥រាជធានីខេត្ត។

លោកវេជ្ជបណ្ឌិត ហុក គឹមចេង បានស្នើដល់ស្ថាប័នពាក់ព័ន្ធទាំងអស់ រួមសហការគ្នាឱ្យកាន់តែស៊ីជម្រៅ​ថែមទៀត ដើម្បីឱ្យការអនុវត្តផែនការគម្រោង ការងារបង្ការ ថែទាំ និងព្យាបាលអ្នកជំងឺផ្លូវចិត្ត ឱ្យមានភាពស៊ីចង្វាក់គ្នា និងមានប្រសិទ្ធិភាព៕

អត្ថបទ៖ សំអឿន

The post មកដឹង កន្លែងផ្តល់សេវាព្យាបាលជំងឺផ្លូវចិត្ត និងគ្រឿងញៀនជាង ៤៥០កន្លែង នៅកម្ពុជា appeared first on Kampuchea Thmey Daily.

ខាងក្រោមនេះ ជាវិធីសាស្រ្តខ្លះៗធ្វើឲ្យអ្នកដឹកថាមានជំងឺ DID ឫជំងឺចរិកបុគ្គលិកលក្ខណៈច្រើន ៖

១ វិភាគអារម្មណ៍ខ្លួនឯង

អ្នកមានជំងឺ DID មានស្ថានភាពជាក់លាក់មួយចំនួននៃស្មារតី ដែលត្រូវបានគេស្គាល់ថា​ ជាការផ្លាស់ប្តូរចរិកនិងបុគ្គលិកលក្ខណៈជាច្រើន ពេលខ្លះអ្នកអាចមានអារម្មណ៍ថា អ្នកដូចជាមនុស្សច្រើនជាងម្នាក់ កំពុងកាន់កាប់រាងកាយរបស់ខ្លួនឯង។ ដូច្នោះអ្នកត្រូវចេះវិភាគអារម្មណ៍ខ្លួនឯង នៅវត្តមានចរិកលក្ខណៈបុគ្គលបង្ហាញក្នុងខ្លូនអ្នក។

២ រកមើល “កុងតាក់” នៅក្នុងចរិកបុគ្គលិកលក្ខណៈផ្សេងៗ

“កុងតាក់” គឺជាពាក្យដែលប្រើសម្រាប់ការផ្លាស់ប្តូររវាងចរិកបុគ្គលិកលក្ខណៈពីមួយទៅមួយ អ្នកដែលលមានជំងឺ DID នឹងឆ្លងកាត់ការប្តូរជាប្រចាំ ឬជាប់លាប់ការផ្លាស់ប្តូររវាងស្ថានភាពបុគ្គលិកលក្ខណៈ នឹងចំណាយពេលពីពីរបីវិនាទីទៅច្រើនម៉ោង។ ពេលខ្លះអ្នកអាចកំណត់នៅពេលដែលការប្តូរបាន កើតឡើងដោយផ្អែកលើការផ្លាស់ប្តូរនៃសំឡេង ការផ្លាស់ប្តូរទូទៅនៃអាកប្បកិរិយា ឬស្ថានភាពរាងកាយ ការផ្លាស់ការបញ្ចេញមតិ ផ្លាស់ប្តូរការគិត ឬការសន្ទនាជាដើម។

៣ កត់សម្គាល់ការផ្លាស់ប្តូរនៅក្នុងចរិកបុគ្គលិកលក្ខណៈណាមួយ

បុគ្គលដែលទទួលរងពីជំងឺ DID ជារឿយៗជួបប្រទះការផ្លាស់ប្តូរយ៉ាងខ្លាំងនៅក្នុងផលប៉ះពាល់ (អារម្មណ៍ដែលអាចសង្កេតបាន) អាកប្បកិរិយា ស្មារតី ការចងចាំ ការយល់ឃើញ ការយល់ដឹង (ការគិត) និងមុខងារនៃសតិអារម្មណ៍។ អ្នកខ្លះអាចបង្ហាញការផ្លាស់ប្តូរយ៉ាងខ្លាំង នៅក្នុងសកម្មភាពការសន្ទនា ឬការគិត ។

៤ កំណត់បញ្ហានៃការចងចាំ

អ្នកជំងឺ DID ជួបប្រទះបញ្ហាការចងចាំសំខាន់ៗ រួមទាំងការលំបាកក្នុងការរំលឹកឡើងវិញនូវព្រឹត្តិការ ណ៍ប្រចាំថ្ងៃ ព័ត៌មានផ្ទាល់ខ្លួនសំខាន់ៗ ឬព្រឹត្តិការណ៍ដ៏តក់ស្លុត។ ប្រភេទនៃបញ្ហាការចងចាំដែលទាក់ទងនឹង DID មិនស៊ីគ្នានឹងការភ្លេចភ្លាំងប្រចាំថ្ងៃធម្មតា ដោយអ្នកដែលមាន DID នឹងមានគម្លាត គួរឱ្យកត់សម្គាល់នៅក្នុងការចងចាំរបស់ពួកគេ ដូចជាការមិនចាំស្ថានភាពទាំងមូលដែលបានកើតឡើងថ្មីៗនេះ។

៥ តាមដានកម្រិតទុក្ខព្រួយ

ជំងឺ DID ត្រូវបានធ្វើរោគវិនិច្ឆ័យតែនៅពេលដែលរោគសញ្ញាបណ្តាលឱ្យមានការចុះខ្សោយយ៉ាងខ្លាំងនៅក្នុងសង្គម ការងារ ឬផ្នែកផ្សេងទៀតនៃមុខងារប្រចាំថ្ងៃ។ ក្នុងនោះក៏មានរោគសញ្ញា ដែលអ្នកត្រូវតាមដានកម្រិតទុក្ខព្រួយ និងស្ថានភាពផ្សេងៗគ្នា បញ្ហាការចងចាំ ធ្វើឱ្យអ្នកឈឺចាប់ និងរងទុក្ខច្រើនធ្វើឱ្យអ្នកមានការលំបាកក្នុងមិត្តភាព និងទំនាក់ទំនងជាមួយអ្នកដទៃ ។

យ៉ាងណាមិញ ប្រសិនបើអ្នកព្រួយបារម្ភថាអ្នកអាចមាន DID អ្នកអាចរកឃើញជំងឺនេះ អ្នកគួរតែទៅជួបអ្នកជំនាញវាយតម្លៃកំណត់រោគសញ្ញា ដើម្បីការយល់ដឹងពីមូលដ្ឋានគ្រឹះនៃជំងឺនិងព្យាបាលឲ្យបានទាន់ពេល៕

ប្រែសម្រួល៖នាងតូច

ចុចអាន៖បើអ្នកជំងឺផ្លូវចិត្តមានអាកប្បកិរិយាកោងកាច ឬប្រើហិង្សា យើងគួរធ្វើបែបណា?

ចុចអាន៖ជំងឺផ្លូវចិត្តមាន ៧ ប្រភេទធំៗ គួរស្វែងយល់

The post ធ្វើយ៉ាងម៉េចទើបដឹងថា អ្នកមានជំងឺចរិតបុគ្គលិកលក្ខណៈច្រើន appeared first on Kampuchea Thmey Daily.

ខាងនេះជារោគសញ្ញានិងប្រភេទនៃជំងឺផ្លូវចិត្តដែលយើងគួរតែដឹង៖

១ ជំងឺផ្លូវចិត្ត (ដូចជាជំងឺបាក់ទឹកចិត្ត ឬជំងឺបាយប៉ូឡា)

ប្រសិនបើអ្នកមានស្ថានភាពអារម្មណ៍ដូចជាច្របូកច្របល់មិនស្របនឹងកាលៈទេសៈរបស់អ្នក ហើយរំខានដល់សមត្ថភាពរបស់អ្នកក្នុងគិត ដែលធ្វើឲ្យអ្នកមានអារម្មណ៍ថា សោកសៅខ្លាំង ឬឆាប់ខឹង (បាក់ទឹកចិត្ត) ឬអ្នកអាចមានអំឡុងពេលនៃការបាក់ទឹកចិត្ត ជំនួសដោយការសប្បាយចិត្តខ្លាំងពេកដែលទាំងនេះជារោគសញ្ញា ជំងឺបាក់ទឹកចិត្ត ឬជំងឺបាយប៉ូឡា។

២ ជំងឺផ្លូវចិត្តថប់បារម្ភ

ការថប់បារម្ភគឺជាផ្នែកធម្មតាមួយនៃជីវិត តែទោះជាយ៉ាងណាក៏ដោយ អ្នកដែលមានជំងឺថប់បារម្ភ ច្រើនតែមានការព្រួយបារម្ភខ្លាំង ហួសហេតុ និងជាប់លាប់ និងភ័យខ្លាចចំពោះស្ថានភាពប្រចាំថ្ងៃ។ ជាទូទៅអ្នកអារម្មណ៍ ការថប់បារម្ភខ្លាំង និងការភ័យខ្លាច ដូចជាការការភ័យខ្លាចសង្គម ដែលនេះជា រោគសញ្ញានៃជំងឺផ្លូវចិត្តថប់បារម្ភ។

៣ ជំងឺផ្លូវចិត្តបែកបុគ្គលិកលក្ខណៈ

គឺជាជំងឺផ្លូវចិត្តមួយប្រភេទ ដែលអ្នកមានលំនាំនៃការគិត និងអាកប្បកិរិយារឹងត្អឹង មិនអាចបត់បែនបាន។ វាបណ្តាលមកពីទុក្ខព្រួយ និងធ្វើឱ្យពិបាកក្នុងការដំណើរការក្នុងជីវិតប្រចាំថ្ងៃ ហើយមនុស្សដែលមានបញ្ហាបុគ្គលិកលក្ខណៈពិបាកផ្លាស់ប្តូរអាកប្បកិរិយា ឬសម្របខ្លួនទៅនឹងស្ថានភាពផ្សេងៗ។

៤ ជំងឺផ្លូវចិត្ត (ដូចជាជំងឺវិកលចរិក)

ជំងឺផ្លូវចិត្តប្រភេទនេះ បណ្តាលមកអ្នកជំងឺមានបទពិសោធន៍អ្វីមួយបានផ្លាស់ប្តូរការពិតនៃជីវិត វាបណ្តាលឱ្យមានជំងឺវិកលចរិក នៅពេលដែលមនុស្សជួបប្រទះនឹងការយល់ច្រឡំ។ ជំងឺវិកលចរិក ប៉ះពាល់ដល់ការគិត ការយល់ឃើញ និងអាកប្បកិរិយារបស់មនុស្ស ហើយរំខានដល់សមត្ថភាព របស់ពួកគេក្នុងការបំពេញមុខងារនៅកន្លែងធ្វើការ សាលារៀន ឬទំនាក់ទំនងជាមួយ​មនុស្សផ្សេងទៀត។

៥ ជំងឺផ្លូវចិត្តមានបញ្ហាក្នុងការញ៉ាំ

ជំងឺនៃការញ៉ាំគឺជាលក្ខខណ្ឌធ្ងន់ធ្ងរដែលទាក់ទង នៃការញ៉ាំជាប់លាប់ដែលជះឥទ្ធិពលអវិជ្ជមានដល់ សុខភាព អារម្មណ៍ និងសមត្ថភាពរបស់អ្នក ។ភាពមិនប្រក្រតីនៃការញ៉ាំភាគច្រើនពាក់ព័ន្ធ នឹងការ ផ្តោតអារម្មណ៍ច្រើនពេកទៅលើទម្ងន់ រូបរាងរាងកាយ ហើយជារឿយៗបញ្ហានេះកើតឡើងក្នុងវ័យជំទង់។

៦ ជំងឺផ្លូវចិត្តដែលទាក់ទងនឹងការប៉ះទង្គិច

ជំងឺស្ត្រេសក្រោយការប៉ះទង្គិចផ្លូវចិត្ត វាកើតឡើងនៅពេលដែលការភ័យខ្លាច ការថប់បារម្ភ និងការចងចាំនៃព្រឹត្តិការណ៍ដ៏តក់ស្លុតមួយមិនបាត់ទៅណាឡើយ ដូចជាអំពើហិង្សាផ្លូវភេទ និងហិង្សាផ្លូវចិត្ត។

៧ ជំងឺផ្លូវចិត្តនៃការប្រើប្រាស់សារធាតុញៀន

ការញៀនថ្នាំ ហៅម្យ៉ាងទៀតថា ជំងឺនៃការប្រើប្រាស់សារធាតុញៀន គឺជាជំងឺដែលប៉ះពាល់ ដល់ខួរ ក្បាល និងអាកប្បកិរិយារបស់មនុស្ស ហើយនាំឱ្យអសមត្ថភាពក្នុងការគ្រប់គ្រងការប្រើប្រាស់ថ្នាំ ។ សារធាតុញៀនមានដូចជា អាល់កុល កញ្ឆា និងជាតិនីកូទីន ក៏ត្រូវបានគេចាត់ទុកថាជាថ្នាំផងដែរ៕

ប្រែសម្រួល៖នាងតូច

ចុចអាន៖រឿងពិត ១១ យ៉ាងគួរឱ្យចាប់អារម្មណ៍ អំពីម៉ាកយីហោ Louis Vuitton

The post ជំងឺផ្លូវចិត្តមាន ៧ ប្រភេទធំៗ គួរស្វែងយល់ appeared first on Kampuchea Thmey Daily.

ជំងឺ​ផ្លូវ​ចិត្ត​ និង​អំពើ​ហិង្សា

​​​​​​ពិត​ណាស់ អំពើ​ហិង្សា​មិន​មែន​ជា​រោគសញ្ញា​នៃ​ជំងឺ​ផ្លូវ​ចិត្ត​ឡើយ ហើយ​ទំនាក់ទំនង​រវាង​ជំងឺ​ផ្លូវចិត្ត និង​អំពើ​ហិង្សា​ក៏​មាន​ភាព​ស្មុគស្មាញ​ផង​ដែរ។ ការ​ស្រាវជ្រាវ​បាន​បង្ហាញ​ថា ក្នុង​ករណី​ដែល​​អ្នក​ជំងឺ​មិន​ប្រើប្រាស់​សារធាតុ​ញៀន​ផ្សេងៗ ជំងឺ​ផ្លូវ​ចិត្ត​​​ អាច​ជះ​​ឥទ្ធិពល​តិចតួច​ប៉ុណ្ណោះ ក្នុង​ការ​ប្រព្រឹត្ត​អំពើ​ហិង្សា។

​ទន្ទឹម​នឹង​នេះ​ដែរ ជំងឺ​ផ្លូវ​ចិត្ត​ ដែល​រួម​មាន​ជំងឺ​វិកលចរិត​ អាច​មាន​ការ​ពាក់ព័ន្ធ​នឹង​អាកប្បកិរិយា​កោង​កាង ឬ​ប្រើ​ប្រាស់​ហិង្សា ប្រសិនបើ​អ្នក​ជំងឺ​​៖

• មិន​បាន​ទទួល​ការ​ព្យាបាល​ត្រឹមត្រូវ
• ប្រើប្រាស់​គ្រឿង​ញៀន​ ឬ​គ្រឿង​ស្រវឹង
• មាន​ប្រវត្តិ​ប្រើ​ប្រាស់​អំពើ​ហិង្សា​ពី​មុន​
• ប្រឈម​នឹង​រោគសញ្ញា​វិកលចរិត
• ស្ថិត​ក្នុង​ភាព​ភ័យ​ខ្លាច (ឧទាហរណ៍៖ គិត​ថា​ខ្លួន​ឯង​កំពុង​តែ​ស្ថិត​នៅ​ក្នុង​គ្រោះថ្នាក់)
• កើត​មាន​រោគសញ្ញា​វិកលចរិត​ជា​លើក​ដំបូង។

ការ​ព្យាបាល​ជំងឺ​ផ្លូវ​ចិត្ត និង​បញ្ចៀស​អំពើ​ហិង្សា

ដើម្បី​បញ្ចៀស​អំពើ​ហិង្សា ដែល​អាច​ពាក់ព័ន្ធ​នឹង​រោគសញ្ញា​នៃ​ជំងឺ​ផ្លូវ​ចិត្ត យើង​ចាំបាច់​ត្រូវ​ណែនាំ​ដល់​អ្នក​ដែល​មាន​បញ្ហា​ផ្លូវ​ចិត្ត ​ឲ្យ​ប្រញាប់​ទទួល​យក​ការ​ព្យាបាល​ឲ្យ​បាន​កាន់​តែ​ឆាប់​ កាន់​តែ​ប្រសើរ។

ម្យ៉ាង​វិញ​ទៀត​ យើង​ក៏​គួរ​យល់​ថា ជំងឺ​ផ្លូវ​ចិត្ត​មិន​មែន​ជា​ជម្រើស​សម្រាប់​អ្នក​ណា​ម្នាក់​ឡើយ​ ប៉ុន្តែ​ជំងឺ​មួយ​នេះ​អាច​កើត​លើ​​មនុស្ស​គ្រប់​គ្នា​ ដោយ​មិន​ប្រកាន់​អាយុ ឬ​ភេទ​នោះ​ទេ។

គន្លឹះ​ដោះស្រាយ​អាកប្បកិរិយា​ព្រហើន​កោងកាច ឬ​ប្រើ​អំពើ​ហិង្សា

​ប្រសិនបើ​អ្នក​ដែល​មាន​ជំងឺ​ផ្លូវ​ចិត្ត បង្ក​ជា​អំពើ​ហិង្សា ឬ​កោងកាច យើង​គួរ​តែ​៖

• ធ្វើ​ចិត្ត​ឲ្យ​ស្ងប់​ល្អ និង​និយាយ​តាម​សម្រួល​ដោយ​សំឡេង​ច្បាស់​ៗ និង​យឺត​ៗ
• រក្សា​គម្លាត​ពី​អ្នកជំងឺ
• ជៀសវាង​ប្រឈម​មុខ​ដាក់​គ្នា ឬ​ឈ្លោះ​ប្រកែក​គ្នា
• ប្រសិនបើ​អាកប្បកិរិយា​អវិជ្ជមាន​ទាំង​នោះ​នៅ​តែ​បន្ត ឬ​អ្នក​ជំងឺ​អាច​នឹង​បង្ក​គ្រោះថ្នាក់​ដល់​ខ្លួន​ឯង និង​អ្នក​ដទៃ​ យើង​ចាំបាច់​ត្រូវ​ប្រញាប់​ទាក់ទង​នឹង​អាជ្ញាធរ​ ឬ​ក្រុម​សង្គ្រោះ​អ្នក​មាន​បញ្ហា​ផ្លូវ​ចិត្ត​ឲ្យ​បាន​ឆាប់​រហ័ស។

អត្ថបទផ្ដល់ដោយ៖Hello Krupet

ចុចអាន៖លេចសញ្ញា ៧ នេះលើរាងកាយ ត្រូវប្រញាប់ជួបពេទ្យចិត្តសាស្ត្រភ្លាមៗ

The post បើអ្នកជំងឺផ្លូវចិត្តមានអាកប្បកិរិយាកោងកាច ឬប្រើហិង្សា យើងគួរធ្វើបែបណា? appeared first on Kampuchea Thmey Daily.

ជាក់ស្ដែងមនុស្សមិនតិចទេដែលកំពុងធ្វើពុតជាមាន “Depression” ដើម្បីផលប្រយោជន៍ផ្ទាល់ខ្លួននិងគេចខ្លួនពីស្ថានភាពតានតឹងណាមួយ ប៉ុន្តែអ្នកខ្លះទៀតគាត់ធ្វើពុតបែបនេះដោយសារតែគាត់មានជំងឺផ្លូវចិត្តដូចគ្នាគឺជំងឺ Factitious Disorder ជាដើម ជំងឺនេះធ្វើឲ្យអ្នកជំងឺតែងតែកុហកថាឈឺនេះឈឺនោះទាំងដែលខ្លួនឯងមិនបានអ្វីឈឺអ្វីសោះ។ មុននឹងសម្គាល់ថាគេពិតជាធ្វើពុតមែនអ្នកគប្បីដឹងពីរោគសញ្ញាមែនទែនជាមុនសិនរួមមាន៖ ពិបាកចិត្តរហូត មិនចង់ធ្វើអ្វីទាំងអស់ បាត់បង់ចំណាប់អារម្មណ៍ មិនចង់បរិភោគ ពិបាកផ្ដោតអារម្មណ៍ ឈឺក្បាល ឈឺពោះ ការចងចាំខ្សោយ និងគេងមិនលក់។ យ៉ាងណាមិញ អ្នកមិនគួរសន្មត់ថាគេធ្វើពុតទាំងដែលគេមើលទៅមានសុខភាពល្អធម្មតានោះទេពីព្រោះអ្នកជំងឺពិតប្រាកដភាគច្រើនចូលចិត្តលាក់បាំងអាការៈខ្លួនឯងមិនអោយគេដឹងសោះឡើយ។ ដូច្នេះការចំណាំអ្នកធ្វើពុតមិនមែនជារឿងងាយស្រួលឡើយ ប៉ុន្តែបើបុគ្គលនោះចូលចិត្តបង្ករឿងទាក់ទាញចំណាប់អារម្មណ៍ ឬទាញផលប្រយោជន៍ពីជំងឺមានន័យថាគាត់កំពុងក្លែងបន្លំ១០០ភាគរយ។

ទោះបីជាយ៉ាងណាក៏ដោយអ្នកមិនគួរបកអាក្រាតគាត់ទេ ជំងឺ “Depression” គឺជាជំងឺធ្ងន់ធ្ងរទម្រាំតែគាត់ធ្វើពុតបានសម្រេចមិនដឹងថាគាត់ពូកែកុហកនិងរឹងក្បាលប៉ុណ្ណា ដូច្នេះមានន័យថាអ្នកមិនគួរពាក់ព័ន្ធនឹងមនុស្សបែបនេះជាដាច់ខាត៕

ប្រែសម្រួលដោយ៖ វារី

ចុចអាន៖ វិធីសាស្ត្រសាមញ្ញ តែមានប្រសិទ្ធភាព ដើម្បីជួយអ្នកជំងឺបាក់ទឹកចិត្ត

The post អ្នកធ្វើពុតជាមានជំងឺបាក់ទឹកចិត្ត សុទ្ធតែមានជំងឺផ្លូវចិត្តដូចគ្នា appeared first on Kampuchea Thmey Daily.