កម្មវិធីនេះធ្វើឡើងនៅថ្ងៃទី ៧, ៨, ១១, ១២, ១៣ ខែឧសភា ឆ្នាំ២០២៦ ចាប់ពីម៉ោង ០៨៖០០នាទីព្រឹក ដល់ម៉ោង ១៧៖០០ រសៀល នៅមន្ទីរពេទ្យបង្អែករាជធនីភ្នំពេញ។

គួរឱ្យដឹងដែរថា ការស្រាវជ្រាវរកកោសិកាមហារីកមាត់ស្បូន គឺជាវិធីមួយដែលអាចឱ្យស្រ្តីដឹងពីស្ថានភាពនៃសុខភាពរបស់ខ្លួន ដោយហេតុតែ ជំងឺមហារីកមាត់ស្បូន គឺជាជំងឺមួយដ៏ស្ងៀមស្ងាត់បំផុត វាមិនចេញរោគសញ្ញាឱ្យយើងដឹងនៅដំណាក់កាលដំបូងនោះទេ៕

The post មន្ទីរពេទ្យបង្អែករាជធានីភ្នំពេញ នឹងពិនិត្យ ស្វែងរកជំងឺមហារីកមាត់ស្បូនជូនស្ត្រី ឥតគិតថ្លៃចំនួន៥ថ្ងៃ appeared first on Kampuchea Thmey Daily.

មន្ទីរពេទ្យហ្លួងម៉ែ បានសហការជាមួយ អង្គការនគរទេព ផ្តល់ជូនការពិនិត្យស្វែងរកជំងឺមហារីកមាត់ស្បូនជូនដល់ស្រ្តី ដែលមានអាយុចាប់បី ២១ឆ្នាំ ដល់ ៦៥ឆ្នាំ ដោយឥតគិតថ្លៃ។ សម្រាប់លក្ខខណ្ឌដែលអាចធ្វើតេស្តស្វែងរកជំងឺមហារីកមាត់ស្បូនបាន គឺមិនត្រូវមានឈាមរដូវ, មិនត្រូវរួមភេទយ៉ាងតិច ៤៨ម៉ោង, មិនត្រូវសុលថ្នាំ ឬលាងសម្ពាតខាងក្នុងទ្វាមាសយ៉ាងតិច ៤៨ម៉ោង និងមិនមានធ្លាក់សធ្ងន់ធ្ងរ(បើមានគួរប្រឹក្សាជាមួយវេជ្ជបណ្ឌិតជំនាញ ដើម្បីទទួលបានការព្យាបាលជាមុនសិន)។

បើតាមមន្ទីរពេទ្យហ្លួងម៉ែ ការធ្វើតេស្តស្វែងរកជំងឺមហារីកមាត់ស្បូន អាចជួយកាត់បន្ថយអត្រាកើតជំងឺនេះ និងអាចរកឃើញនៅដំណាក់កាលដំបូងបាន៕

The post មន្ទីរពេទ្យហ្លួងម៉ែ ផ្តល់ជូនការពិនិត្យ​ស្វែងរកជំងឺមហារីក​មាត់ស្បូន​ដល់ស្ត្រី រៀងរាល់ថ្ងៃ ដោយឥតគិតថ្លៃ appeared first on Kampuchea Thmey Daily.

ការផ្តល់ជូនការពិនិត្យ និងព្យាបាលមេរោគបង្កជំងឺមហារីកមាត់ស្បូនដោយឥតគិតថ្លៃនេះ ធ្វើឡើងដោយផ្នែកសម្ភព និងរោគស្ត្រីនៃមន្ទីពេទ្យបង្អែកខេត្តតាកែវ និងមន្ទីរពេទ្យបង្អែកគិរីវង់សហការ ជាមួយជាមួយក្រុមគ្រូពេទ្យ WORKWDE HEALING HAND មកពីសហរដ្ឋអាមេរិក។

បើតាមសេចក្តីជូនដំណឹងរបស់មន្ទីរសុខាភិបាលខេត្តតាកែវ ការផ្តល់ជូននេះ គឺចំពោះស្ត្រីដែលមានចាប់ពីអាយុចន្លោះ១៨ឆ្នាំ ដល់អាយុ ៥៥ឆ្នាំ។

វីរុសមហារីកមាត់ស្បូន បង្កឱ្យកើតជំងឺមហារីកមាត់ស្បូន ហើយជំងឺនេះ ជាមូលហេតុចម្បងទី៤ នៃការស្លាប់របស់ស្ត្រីដោយជំងឺមហារីកនៅទូទាំងពិភពលោក ហើយភាគច្រើនកើតនៅក្នុងប្រទេសដែលមានប្រាក់ចំណូលទាប និងមធ្យម៕

The post មន្ទីរពេទ្យបង្អែកខេត្តតាកែវ ពិនិត្យ និងព្យាបាលមេរោគបង្កជំងឺមហារីកមាត់ស្បូន ឥតគិតថ្លៃ ចំនួន៥០០នាក់ appeared first on Kampuchea Thmey Daily.

ដោយមានកិច្ចសហការជាមួយ អង្គការនគរទេព មន្ទីរពេទ្យ ហ្លួង ម៉ែ នឹងផ្តល់ជូនការពិនិត្យស្វែងរកជំងឺមហារីកមាត់ស្បូន (Cervical Cancer Screening) ដោយឥតគិតថ្លៃ ដល់ប្រជាពលរដ្ឋងាយរកគ្រោះ ចាប់ពីអាយុ២១-៦៥ឆ្នាំ (សម្រាប់អ្នកធ្លាប់មានដៃគូ)។ ការផ្តល់ជូននេះ មានចំនួនកំណត់ លោកអ្នកអាចអញ្ជើញទៅចុះឈ្មោះមុន ចាប់ពីថ្ងៃទី១ ខែមីនា តទៅ ចាប់ពីម៉ោង ៨៖៣០-១១៖៣០។

បើតាមក្រសួងសុខាភិបាល ជំងឺមហារីកមាត់ស្បូន ត្រូវបានគេប្រសិទ្ធនាមថាជា “ឃាតកលាក់មុខ” ហើយក៏ជាជំងឺមួយដែលអាចការពារបានទាំងស្រុងផងដែរដោយសារថ្នាំបង្ការ។ វីរុសមហារីកមាត់ស្បូន បង្កឱ្យកើតជំងឺមហារីកមាត់ស្បូន ហើយជំងឺនេះ ជាមូលហេតុចម្បងទី៤ នៃការស្លាប់របស់ស្ត្រីដោយជំងឺមហារីកនៅទូទាំងពិភពលោក ហើយភាគច្រើនកើតនៅក្នុងប្រទេសដែលមានប្រាក់ចំណូលទាប និងមធ្យម។

នៅកម្ពុជា ជំងឺមហារីកមាត់ស្បូន គឺជាមូលហេតុចម្បងទី២ ក្នុងចំណោមមហារីកគ្រប់ប្រភេទដែលកើតទៅលើស្ត្រីគ្រប់វ័យ ដោយយោងទៅតាមរបាយការណ៍របស់អង្គការសុខភាពពិភពលោកឆ្នាំ២០២០ បានបង្ហាញថា ជំងឺមហារីកមាត់ស្បូនសរុបចំនួនប្រមាណ ១ ១៣៥ករណី ត្រូវបានធ្វើរោគវិនិច្ឆ័យ ហើយចំនួន ៦៤៣ករណី បានស្លាប់៕

The post មន្ទីរពេទ្យ ហ្លួង ម៉ែ ផ្តល់ជូនការពិនិត្យជំងឺមហារីកមាត់ស្បូន ដល់ពលរដ្ឋងាយរងគ្រោះ ដោយឥតគិតថ្លៃ appeared first on Kampuchea Thmey Daily.

បើតាមសេចក្តីប្រកាស មន្ទីរពេទ្យមិត្តភាពខ្មែរ-សូវៀត សហការជាមួយក្រុមគ្រូពេទ្យ WORLDWIDE HEALING HAND មកពីសហរដ្ឋអាមេរិក។ ចំពោះ ស្ត្រីដែលមកទទួលការពិនិត្យ ត្រូវមានអាយុចន្លោះពី ២៥ឆ្នាំ ទៅ៦០ឆ្នាំ មិនធ្លាប់ទទួលការវះកាត់ពីមុនមក និងមិនធ្លាប់បានធ្វើតេស្តរកមេរោគបង្កជំងឺមហារីកមាត់ស្បូនក្នុងរយៈពេល៥ឆ្នាំ ចុងក្រោយ។

សម្រាប់ព័ត៌មានលម្អិត ប្រជាពលរដ្ឋអាចទំនាក់ទំនងសាកសួរព័ត៌មានបន្ថែម តាមរយៈលេខទូរសព្ទ៖ ០៧៧ ៦៥៨ ៤១៣៕

The post មន្ទីរពេទ្យមិត្តភាពខ្មែរ-សូវៀត នឹងផ្តល់ការពិនិត្យជំងឺមហារីកមាត់ស្បូនឥតគិតថ្លៃដល់ស្ត្រី ២៥០នាក់ រយៈពេល៣ថ្ងៃ appeared first on Kampuchea Thmey Daily.

លោកវេជ្ជបណ្ឌិត បានបញ្ជាក់ថា ការព្យាបាលជំងឺមហារីកមាត់ស្បូន មានភាពស្មុគស្មាញខ្លាំង និងអាចពិបាក សម្រាប់អ្នកជំងឺ។ ជាទូទៅ សម្រាប់ការព្យាបាលដោយការវះកាត់ ការប្រើវិទ្យុសកម្ម និងការព្យាបាលដោយប្រើគីមី ធ្វើឱ្យមានការឈឺចាប់ខ្លាំងដល់រាងកាយ និងខូចខាតដល់សុខមាលភាពផ្លូវចិត្ត និងផ្លូវកាយរបស់អ្នកជំងឺ និងក្រុមគ្រួសារ។ ប៉ុន្តែ យើងអាចបង្ការជំងឺនេះដោយការចាក់វ៉ាក់សាំង។ លោកវេជ្ជបណ្ឌិតថា វ៉ាក់សាំង HPV គឺជាឧបករណ៍ ដ៏មានប្រសិទ្ធភាពអស្ចាចារ្យ នៅក្នុងការប្រយុទ្ធប្រឆាំងនឹងជំងឺមហារីកមាត់ស្បូន។

បើតាមក្រសួងសុខាភិបាល ជំងឺមហារីកមាត់ស្បូន ត្រូវបានគេប្រសិទ្ធនាមថាជា “ឃាតកលាក់មុខ” ហើយក៏ជាជំងឺមួយដែលអាចការពារបានទាំងស្រុងផងដែរដោយសារថ្នាំបង្ការ។ វីរុសមហារីកមាត់ស្បូន បង្កឱ្យកើតជំងឺមហារីកមាត់ស្បូន ហើយជំងឺនេះជាមូលហេតុចម្បងទី៤ នៃការស្លាប់របស់ស្ត្រីដោយជំងឺមហារីកនៅទូទាំងពិភពលោក ហើយភាគច្រើនកើតនៅក្នុងប្រទេសដែលមានប្រាក់ចំណូលទាប និងមធ្យម។ នៅកម្ពុជា ជំងឺមហារីកមាត់ស្បូន គឺជាមូលហេតុចម្បងទី២ ក្នុងចំណោមមហារីកគ្រប់ប្រភេទដែលកើតទៅលើស្ត្រីគ្រប់វ័យ ដោយយោងទៅតាមរបាយការណ៍របស់អង្គការសុខភាពពិភពលោកឆ្នាំ២០២០ បានបង្ហាញថា ជំងឺមហារីកមាត់ស្បូនសរុបចំនួនប្រមាណ ១ ១៣៥ករណី ត្រូវបានធ្វើរោគវិនិច្ឆ័យ ហើយចំនួន ៦៤៣ករណី បានស្លាប់។

ថ្នាំបង្ការជំងឺមហារីកមាត់ស្បូន គឺមានប្រសិទ្ធភាពខ្ពស់ក្នុងការការពារស្ត្រីពីជំងឺមហារីកមាត់ស្បូនតាមរយៈការកាត់ផ្តាច់នូវការចម្លងមេរោគមហារីកមាត់ស្បូន។ យោងទៅលើការសិក្សាស្រាវជ្រាវតាមបែបវិទ្យាសាស្ត្ររបស់អង្គការសុខភាពពិភពលោក បានបង្ហាញថា ថ្នាំបង្ការជំងឺមហារីកមាត់ស្បូនចំនួន ១ដូស គឺមានប្រសិទ្ធភាពខ្ពស់ប្រមាណពី ៨០ទៅ ៩០% ក្នុងការកាត់បន្ថយការឆ្លង និងការការពារពីជំងឺមហារីកមាត់ស្បូន។ នេះបើតាមប្រភពពីក្រសួងសុខាភិបាល។

គួររម្លឹកដែរថា កាលពីថ្ងៃទី៥ ខែតុលា ឆ្នាំ២០២៣ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានប្រកាសដាក់បញ្ចូលថ្នាំបង្ការជំងឺមហារីកមាត់ស្បូនដល់កុមារី អាយុ៩ឆ្នាំ នៅទូទាំងព្រះរាជាណាចក្រកម្ពុជា។ ក្រោមកិច្ចសហការជាមួយក្រសួងអប់រំ យុវជន និងកីឡា និងរដ្ឋបាលមូលដ្ឋាន ព្រមទាំងមានការគាំទ្រពីអង្គការសម្ព័ន្ធសកលសម្រាប់វ៉ាក់សាំង និងការផ្ដល់ថ្នាំបង្ការរួមមាន Gavi ,WHO, UNICEF,CHAI ក្រសួងសុខាភិបាលបានដាក់បញ្ចូលថ្នាំបង្ការជំងឺមហារីកមាត់ស្បូនដែលត្រូវផ្តល់តែចំនួនមួយដូសប៉ុណ្ណោះ ដល់កុមារីម្នាក់ៗ ដែលមានអាយុ ៩ឆ្នាំ នៅទូទាំងព្រះរាជាណាចក្រកម្ពុជា តាមរយៈការផ្តល់ថ្នាំបង្ការនៅតាមសាលាបឋមសិក្សា នៅតាមភូមិ ឬសហគមន៍ និងការផ្តល់ថ្នាំបង្ការពេញមួយឆ្នាំនៅតាមមណ្ឌលសុខភាព ចាប់ពីថ្ងៃទី៥ ខែតុលា ឆ្នាំ២០២៣។

ក្នុងឱកាសនោះដែរ លោករដ្ឋមន្រ្តី បានបង្ហើបឱ្យដឹងទៀតថា កម្ពុជាក៏មានគម្រោងនឹងផ្តល់ថ្នាំបង្ការជំងឺមហារីមាត់ស្បូន ដល់កុមារី ដែលមានអាយុលើសពី ៩ឆ្នាំ តាមរយៈការធ្វើយុទ្ធនាការក្នុងឆ្នាំ២០២៥ ផងដែរ៕

The post ឈ្វេងយល់ពីជំងឺមហារីកមាត់ស្បូន និងវ៉ាក់សាំងការពារ appeared first on Kampuchea Thmey Daily.

លោក អន សុធា​រិ​ទ្ធ អភិបាលរង​ខេត្ត​កោះកុង បាន​ឲ្យ​ដឹង​នៅ​ថ្ងៃ​ទី ៥ ខែ​តុលា ឆ្នាំ ២០២៣ ថា ជំងឺ​មហារីក​មាត់ស្បូន​ដែល​ត្រូវ​ផ្ដល់​ថ្នាំ​បង្ការ​ការពារ​តែ​ចំនួន​មួយ​ដូ​ស​ដល់​កុមារី​ម្នាក់ៗ ដែល​មាន​អាយុ ៩ ឆ្នាំ នៅ​ទូទាំង​ប្រទេស​កម្ពុជា។

ថ្លែង​ក្នុង​ពិធី​ប្រកាស​បើក​ទិវា​ផ្តល់​ថ្នាំ​បង្ការ​ជំងឺ​មហារីក​មាត់ស្បូន លោក​អភិបាលរង​ខេត្ត លើកឡើង​បន្ត​ថា តាមរយៈ​ការ​ផ្តល់​ថ្នាំ​បង្ការ​នេះ​ដែរ ធ្វើឡើង​នៅ​តាម​សាលា​រៀន​បឋមសិក្សា តាម​ភូមិ ឬ​សហគមន៍ និង​ការ​ផ្ដល់​ថ្នាំ​បង្ការ​ពេញ​មួយ​ឆ្នាំ​តាម​មណ្ឌល​សុខភាព ចាប់ពី​ថ្ងៃ​ទី ៥ ខែ​តុលា ឆ្នាំ ២០២៣ នេះ​តទៅ។

ជំងឺ​មហារីក​មាត់ស្បូន​ជានិច្ចកាល​ត្រូវបាន​គេ​ប្រសិទ្ធិនាម​ថា​ជា​”ឃាតក​លាក់​មុខ” ហើយក៏​ជា​ជំងឺ​មួយ ដែល​អាច​ការពារ​បាន​ទាំងស្រុង​ផង​ដែរ​ដោយសារ​ថ្នាំ​បង្ការ។ វីរុស​មហារីក​ស្បូន វា​បង្ក​ឲ្យ​កើត​ជំងឺ​មហារីក​មាត់ស្បូន ហើយ​ជំងឺ​នេះ​ជា​មូលហេតុ​ចម្បង​ទី​បួន នៃ​ការ​ស្លាប់​របស់​ស្ត្រី​ដោយ​ជំងឺ​មហារីក​នៅ​ទូទាំង​ពិភពលោក ដោយ​ភាគច្រើន​កើត​ក្នុង​ប្រទេស​មាន​ប្រាក់ចំណូល​ទាប និង​មធ្យម។

នៅ​ប្រទេស​កម្ពុជា ជំងឺមហារីក​មាត់ស្បូន​គឺជា​មូលហេតុ​ចម្បង​ទី ២ ក្នុងចំណោម​មហារីក​គ្រប់​ប្រភេទ​ដែល​កើត​ទៅលើ​ស្ត្រី​គ្រប់​វ័យ ដោយយោង​ទៅតាម​របាយ​ការណ៍​របស់​អង្គការ​សុខភាព​ពិភពលោក​ឆ្នាំ ២០២០ បាន​បង្ហាញថា ជំងឺមហារីក​មាត់ស្បូន​សរុប​ចំនួន​ប្រមាណ ១១៣៥(១១.៤%) ករណី ត្រូវ​បាន​ធ្វើ​រោគវិនិច្ឆ័យ ហើយ​ចំនួន ៦៤៣ ករណី បាន​ស្លាប់។ ដូច្នេះ​ការផ្តល់​ថ្នាំ​បង្ការ​ជំងឺមហារីក​មាត់ស្បូន គឺមាន​ប្រសិទ្ធភាព​ខ្ពស់​ក្នុងការ​ការពារ​ស្ដីពី​ជំងឺមហារីក​មាត់ស្បូន​តាមរយៈ​ការ​កាត់ផ្តាច់​នូវ​ការ​ចម្លង​មេរោគ​មហារីក​មាត់ស្បូន។

គួរ​ជម្រាប​ថា ក្រសួងសុខាភិបាល បាន​សហការ​ជាមួយ​ក្រសួង​អប់រំ យុវជន និង​កីឡា និង​រដ្ឋបាល​មូលដ្ឋាន និង​ដោយមាន​ការគាំទ្រ​ពី​អង្គការ​សម្ព័ន្ធ​សកល​សម្រាប់​វ៉ាក់សាំង និង​ការផ្តល់​ថ្នាំ​បង្ការ (Gavi) អង្គការ​សុខភាព​ពិភពលោក (WHO) អង្គការ មូលនិធិ​សម្រាប់​កុមារ នៃ​អង្គការសហប្រជាជាតិ​(UNICEF) និង​អង្គការ​គ្លី​ន​តុ​ន​ហែល អែក​សស អី​នី​ត​ស៊ី​អេ​ធី​វ (CHAI)​នឹង ដាក់បញ្ចូល​ថ្នាំ​បង្ការ​ជំងឺ​មហារីក​មាត់ស្បូន​ដែល​ត្រូវ​ផ្ដល់​តែ​ចំនួន​មួយ​ដូ​ស​ដល់​កុមារី​ម្នាក់ៗ មាន​អាយុ ៩ ឆ្នាំ។

លោក​វេជ្ជបណ្ឌិត Pascal RIngwald តំណាង​អង្គការ​សុខភាព​ពិភពលោក​ប្រចាំ​ប្រទេស​កម្ពុជា បាន​មាន​ប្រសាសន៍​ថា «សូម​អបអរសាទរ​ដ៏​ក្រៃ​លេង​ចំពោះ​ក្រសួងសុខាភិបាល ដែល​បាន​សម្រេចចិត្ត​ដ៏​ត្រឹមត្រូវ មាន​សារសំខាន់ និង​ជា​ប្រវត្តិសាស្ត្រ​នៅ​ពេលនេះ។ ការផ្តល់​ថ្នាំ​បង្ការ​ជំងឺ​មហារីក​មាត់ស្បូន​គឺជា​យុទ្ធសាស្ត្រ​ការពារ​ដ៏​ចម្បង​មួយ​របស់​រាជរដ្ឋាភិបាល​ប្រទេស​កម្ពុជា ដើម្បី​ឆ្ពោះ​ទៅរក​ការ​លុប​បំបាត់​ជំងឺ​មហារីក​មាត់ស្បូន​ទាំងស្រុង​នៅ​ពេល​អនាគត។

លោក​វេជ្ជបណ្ឌិត Pascal RIngwald តំណាង​អង្គការ​សុខភាព​ពិភពលោក​ប្រចាំ​ប្រទេស​កម្ពុជា ពន្យល់​ដែរ​ថា ថ្នាំ​បង្ការ​ជំងឺមហារីក​មាត់ស្បូន​នេះ​គឺមាន​សុវត្ថិភាព និង​ជា​វិធានការ​បង្ការ​មួយ​ដ៏​មាន​ប្រសិទ្ធភាព​បំផុត​ដែល​អាច​ការពារ​ជំងឺ មហារីក​មាត់ស្បូន​។ ការសម្រេចបាន​នូវ​ការ​គ្របដណ្តប់​ថ្នាំ​បង្ការ​ជំងឺមហារីក​មាត់ស្បូន​មួយ​ដូ​ស​ខ្ពស់​លើសពី ៨០% នឹង​ផ្តល់​អត្ថប្រយោជន៍​កាន់តែច្រើន​ដល់​ប្រជាជន គ្រួសារ និង​សហគមន៍​នៅក្នុង​ទសវត្សរ៍​ខាងមុខ”។

ដោយឡែក​លោក Lan Mao នាយក​ស្ដីទី នៃ​អង្គការ CHAI ប្រចាំ​ប្រទេស​កម្ពុជា ក៏បាន​កោតសរសើរ​ចំពោះ​ការ​ប្ដេជ្ញា​ចិត្ត​របស់​ក្រសួងសុខាភិបាល នៃ​ព្រះរាជាណាចក្រ​កម្ពុជា ក្នុងការ​ធ្វើ​ឲ្យ​ប្រសើរ​ឡើង​នូវ​សុខភាព ក៏ដូចជា​អនាគត​របស់​កុមារី​ទាំងអស់​នៅក្នុង​ព្រះរាជាណាចក្រ​កម្ពុជា ៖ “​ការ​ផ្ដល់​ជា​អាទិភាព​ដល់​ការបញ្ចូល​ថ្នាំ​បង្ការ​ថ្មីៗ ដែលមាន​ប្រសិទ្ធភាព​ដូចជា ថ្នាំ​បង្ការ​ជំងឺមហារីក​មាត់ស្បូន​នេះ គឺជា​សក្ខីភាព​មួយ​ដែល​បញ្ជាក់​ពី​ការប្តេជ្ញាចិត្ត​របស់​ក្រសួងសុខាភិបាល​ចំពោះ​ការធ្វើ​ឲ្យ​សុខ ភាព​របស់​ប្រជាជន​កម្ពុជា​មាន​ភាពប្រសើ​ឡើង។

យោងទៅលើ​ការសិក្សា​ស្រាវជ្រាវ​តាមបែប​វិទ្យាសាស្ត្រ​របស់​អង្គការ​សុខភាព​ពិភពលោក​នាពេល​បច្ចុប្បន្ន​បាន​បង្ហាញថា ៖ ថ្នាំ​បង្ការ​ជំងឺមហារីក​មាត់ស្បូន​ចំនួន​មួយ​ដូ​ស​គឺមាន​ប្រសិទ្ធភាព​ខ្ពស់​ប្រមាណ​ពី ៨០ ទៅ ៩០% ក្នុងការ​កាត់បន្ថយ​ការឆ្លង និង​ការការពារ​ពី​ជំងឺមហារីក​មាត់ស្បូន​។

កន្លង​ទៅ លោក​វេជ្ជបណ្ឌិត​សាស្ត្រាចារ្យ ឈាង រ៉ា រដ្ឋមន្ត្រី​ក្រសួងសុខាភិបាល បាន​មាន​ប្រសាសន៍​នៅ​ក្នុង​ពិធី​ប្រកាស ដាក់បញ្ចូល​ថ្នាំ​បង្ការ​ជំងឺមហារីក​មាត់ស្បូន​ដល់​កុមារី​អាយុ ៩ ឆ្នាំ ទៅក្នុង​កម្មវិធី​ជាតិ​ផ្តល់​ថ្នាំ​បង្ការ​ថា ៖ “​ជំងឺ​មហា រីក​មាត់ស្បូន​គឺជា​បញ្ហា​សុខភាព​សាធារណៈ​អាទិភាព​នៅ​ប្រទេស​កម្ពុជា។ លោក​វេជ្ជបណ្ឌិត សង្កត់​ធ្ងន់​ថា យើង​ទាំងអស់​គ្នា​ត្រូវ​ពន្លឿន​កិច្ចខិតខំ​ប្រឹងប្រែង​រួមគ្នា​ដើម្បី​លុប បំបាត់​ជំងឺ​ដ៏​កាច​សាហាវ​នេះ តាមរយៈ​ការបញ្ចូល​ថ្នាំ​បង្ការ​ជំងឺមហារីក​មាត់ស្បូន​ទៅក្នុង​កម្មវិធី​ជាតិ​ផ្តល់​ថ្នាំ​បង្ការ​នៅ​ប្រទេស​កម្ពុជា​។ យើង​នឹង​ធានាថា​កុមារី​អាយុ ៩ ឆ្នាំ ទាំងអស់ នឹង​ទទួល​បាន​ថ្នាំ​បង្ការ​ជំងឺ​មហារីក​មាត់ស្បូន​មួយ​ដូ​ស​ដោយ​ឥតគិតថ្លៃ​ចាប់ពី​ថ្ងៃ​នេះ​តទៅ ហើយ​កម្ពុជា​ក៏​មាន​គម្រោង​នឹង​ផ្តល់​ថ្នាំ​បង្ការ​ជំងឺមហារីក​មាត់ស្បូន​ដល់​កុមារី ដែលមាន​អាយុ​លើសពី ៩ ឆ្នាំ តាមរយៈ​ការ​ធ្វើ​យុទ្ធនាការ​ក្នុង​ឆ្នាំ ២០២៥ ផង​ដែរ​”៕

អត្ថបទ ៖ សិរីវឌ្ឍនៈ

The post កុមារី អាយុ ៩ ឆ្នាំ នៅខេត្តកោះកុង ទទួលថ្នាំបង្ការជំងឺមហារីកមាត់ស្បូន ចាប់ពីថ្ងៃនេះតទៅ appeared first on Kampuchea Thmey Daily.