ម្ទេសមានផ្ទុកសារធាតុ capsaicin – គ្រឿងផ្សំដែលបង្កើតរសជាតិហឹរ – ដែលប៉ះពាល់ដោយផ្ទាល់ដល់សរសៃឈាម និងចរន្តឈាម។

ការសិក្សាមួយចំនួនបង្ហាញថា capsaicin អាចជួយពង្រីកសរសៃឈាមថ្នមៗ ធ្វើឲ្យប្រសើរឡើងនូវលំហូរឈាម និងជួយបន្ថយសម្ពាធឈាមជាបណ្ដោះអាសន្ន។ ម្ទេសក៏មានផ្ទុកសារធាតុប្រឆាំងអុកស៊ីតកម្មជាច្រើនដូចជាវីតាមីន C ការ៉ូទីណូអ៊ីត និង flavonoids ដែលជួយកាត់បន្ថយការរលាក និងការពារជញ្ជាំងសរសៃឈាមពីការខូចខាតដែលបណ្តាលមកពីភាពតានតឹងអុកស៊ីតកម្ម ដែលជាកត្តាមួយដែលរួមចំណែកដល់ជំងឺលើសឈាមរយៈពេលវែង។

មិនត្រឹមតែប៉ុណ្ណោះ ម្ទេសក៏ជួយទ្រទ្រង់ការរំលាយអាហារ បង្កើនការបង្កើតកំដៅ និងជំរុញការចំណាយថាមពល ដោយហេតុនេះជួយគាំទ្រដល់ការគ្រប់គ្រងទម្ងន់ – កត្តាសំខាន់មួយក្នុងការធ្វើឱ្យសម្ពាធឈាមមានស្ថេរភាព។

ការបន្ថែមម្ទេសក្នុងបរិមាណត្រឹមត្រូវអាចបន្ថែមរសជាតិដល់អាហារ ជួយកាត់បន្ថយតម្រូវការអំបិល និងរួមចំណែកដល់ការកែលម្អរបបអាហារដែលមានសុខភាពល្អសម្រាប់អ្នកដែលមានជំងឺលើសឈាម។

មិនមែនគ្រប់គ្នាដែលមានជំងឺលើសឈាមអាចញ៉ាំម្ទេសជាប្រចាំទេ

ទោះជាយ៉ាងណាក៏ដោយ មិនមែនគ្រប់គ្នាដែលមានជំងឺលើសឈាមអាចញ៉ាំម្ទេសបានស្រួលនោះទេ។

អ្នកដែលមានក្រពះងាយប្រតិកម្ម ដំបៅក្រពះ ដំបៅពោះវៀនតូច ច្រាលអាស៊ីត ឬរលាកពោះវៀនធំ ងាយនឹងរលាកដោយសារសារធាតុ capsaicin ដែលនាំឱ្ឲ្យមានការឈឺចាប់ក្រហាយ រំលាយអាហារមិនបានល្អ ឬកាន់តែអាក្រក់ទៅៗ ដែលធ្វើឲ្យរោគសញ្ញាដែលមានស្រាប់កាន់តែអាក្រក់ទៅៗ។

នៅពេលដែលរាងកាយមានប្រតិកម្មខ្លាំងចំពោះរសជាតិហឹរ ចង្វាក់បេះដូងអាចកើនឡើងជាបណ្តោះអាសន្ន ដែលបណ្តាលឱ្យមានអារម្មណ៍ក្រហាយ និងមិនស្រួល។ នេះមិនមានគ្រោះថ្នាក់ដោយផ្ទាល់ទេ ប៉ុន្តែអាចធ្វើឲ្យមនុស្សដែលមានជំងឺលើសឈាមមានការព្រួយបារម្ភ និងបណ្តាលឱ្យសម្ពាធឈាមប្រែប្រួល។

អ្នកដែលមានជំងឺលើសឈាមនៅតែអាចញ៉ាំម្ទេសក្នុងកម្រិតមធ្យមបាន អាស្រ័យលើសមត្ថភាពរបស់រាងកាយក្នុងការទប់ទល់នឹងអាហារហឹរ និងស្ថានភាពរំលាយអាហារ។ ការប្រើប្រាស់បរិមាណតិចតួចដើម្បីបង្កើតរសជាតិច្រើនតែគ្មានគ្រោះថ្នាក់ និងថែមទាំងមានប្រយោជន៍ទៀតផង។

ទោះជាយ៉ាងណាក៏ដោយ អ្នកគួរតែជៀចៀសវាងការញ៉ាំហឹរពេក ជៀសវាងម្ហូបហឹរខ្លាំងៗ និងកំណត់វាប្រសិនបើអ្នកមានជំងឺរំលាយអាហារ។

ការគ្រប់គ្រង និងស្តាប់ប្រតិកម្មរបស់រាងកាយគឺជាគន្លឹះក្នុងការជួយមនុស្សដែលមានជំងឺលើសឈាមប្រើប្រាស់ម្ទេសដោយសុវត្ថិភាព និងមានប្រយោជន៍៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ស្លឹកគ្រៃ ជួយដល់ការបន្សាបជាតិពុលក្នុងថ្លើម ខណៈមនុស្សជាច្រើនមិនសូវអើពើ

The post អ្នកមានជំងឺលើសឈាម គួរតែញ៉ាំម្ទេសដែរឬទេ? appeared first on Kampuchea Thmey Daily.

១ ខ្ទឹមស​ជា​គ្រឿងទេស​ដែល​ជួយ​បញ្ចុះ​សម្ពាធ​ឈាម

ខ្ទឹមស ជារុក្ខជាតិដែលមានក្លិនឈ្ងុយ និងហឹរ ពេញនិយមក្នុងការព្យាបាលជំងឺជាច្រើន បន្ថែមពីលើការយកធ្វើជាគ្រឿងផ្សំធ្វើម្ហូប។ ខ្ទឹមសមានសារធាតុប្រឆាំងអុកស៊ីតកម្ម និងលក្ខណៈសម្បត្តិប្រឆាំងនឹងបាក់តេរីជាច្រើន ដែលអាចជួយបន្ធូរសាច់ដុំ និងពង្រីកសរសៃឈាមដោយបង្កើនការសំយោគនីត្រាតអុកស៊ីត។ ជាលទ្ធផល ឈាមរត់បានស្រួលជាងមុន ជួយរក្សាលំនឹង និងបន្ថយសម្ពាធឈាម។

២ ខ្ញីជួយឲ្យឈាមរត់បានស្រួល

ខ្ញីមានប្រសិទ្ធភាពពង្រីកសរសៃឈាម ជួយឲ្យឈាមរត់បានស្រួល និងកាត់បន្ថយសម្ពាធលើជញ្ជាំងសរសៃឈាម។ ការសិក្សាមួយចំនួនបង្ហាញថា សមាសធាតុនៅក្នុងខ្ញី អាចធ្វើសកម្មភាពស្រដៀងគ្នាទៅនឹងសារធាតុទប់ស្កាត់កាល់ស្យូម ជួយបន្ធូរសាច់ដុំរលោងជុំវិញសរសៃឈាម ដោយកាត់បន្ថយសម្ពាធឈាម។

ខ្ញីក៏ត្រូវបានគេបង្ហាញថាកាត់បន្ថយកូឡេស្តេរ៉ុលសរុប និងកម្រិតទ្រីគ្លីសេរីដក្នុងឈាម។ កូលេស្តេរ៉ុលខ្ពស់អាចបណ្តាលឱ្យមានជំងឺ atherosclerosis ដែលធ្វើឲ្យសរសៃឈាមរឹង និងរួមតូច បង្កើនសម្ពាធឈាម។ ការកាត់បន្ថយកូលេស្តេរ៉ុលដោយប្រយោលធ្វើឲ្យប្រសើរឡើងនូវសុខភាពសរសៃឈាម។

៣ ស្លឹកគ្រៃ

ស្លឹកគ្រៃសម្បូរទៅដោយសារធាតុប្រឆាំងអុកស៊ីតកម្ម ដែលមានលក្ខណៈសម្បត្តិប្រឆាំងនឹងបាក់តេរី ប្រឆាំងនឹងការរលាក និងប្រឆាំងនឹងផ្សិត។ សមាសធាតុធម្មជាតិទាំងនេះដែលមាននៅក្នុងស្លឹកគ្រៃអាចបន្ថយសម្ពាធឈាមដោយបង្កើន nitric oxide នៅក្នុងខ្លួន និងពង្រីកសរសៃឈាម។

នៅពេលដែលសរសៃឈាមត្រូវបានសម្រាក និងពង្រីក ឈាមនឹងហូរបានយ៉ាងងាយស្រួល ដោយកាត់បន្ថយសម្ពាធលើជញ្ជាំងសរសៃឈាម។ នេះមិនត្រឹមតែជួយកាត់បន្ថយសម្ពាធឈាមប៉ុណ្ណោះទេ ថែមទាំងជួយកាត់បន្ថយបន្ទុកលើបេះដូង ជួយឲ្យវាធ្វើការកាន់តែមានប្រសិទ្ធភាព។

៤ ខ្ទឹមបារាំង

ខ្ទឹមបារាំងសម្បូរទៅដោយសារធាតុ organosulfur ដែលជាសមាសធាតុមួយដែលត្រូវបានបង្ហាញថាជួយកាត់បន្ថយសម្ពាធឈាម។ សមាសធាតុនេះជួយកាត់បន្ថយកូលេស្តេរ៉ុលអាក្រក់ (LDL) និង triglycerides ក្នុងឈាម ដោយហេតុនេះការពារការបង្កើតបន្ទះនៅលើជញ្ជាំងសរសៃឈាម។ នៅពេលដែលសរសៃឈាមមានភាពច្បាស់លាស់ សម្ពាធឈាមត្រូវបានរក្សានៅកម្រិតថេរ។

Quercetin នៅក្នុងខ្ទឹមបារាំងជួយឲ្យសាច់ដុំរលោងនៅក្នុងជញ្ជាំងសរសៃឈាមសម្រាក ធ្វើឲ្យសរសៃឈាមរីកធំ និងលំហូរឈាមកាន់តែងាយស្រួល ដោយកាត់បន្ថយសម្ពាធលើជញ្ជាំងសរសៃឈាម។ ការសាកល្បងព្យាបាលមួយចំនួនបានបង្ហាញថាចំពោះអ្នកដែលមានសម្ពាធឈាមខ្ពស់ ការបន្ថែមខ្ទឹមបារាំងដែលសម្បូរទៅដោយសារធាតុ quercetin បានកាត់បន្ថយសម្ពាធឈាមស៊ីស្តូលិក (ចំនួនកំពូល)។

៥ រមៀត

Curcumin នៅក្នុងរមៀតមានសារធាតុប្រឆាំងអុកស៊ីតកម្មខ្លាំង និងប្រឆាំងនឹងការរលាក ជួយការពារ និងធ្វើឲ្យមុខងាររបស់ endothelium ប្រសើរឡើង ដោយហេតុនេះជួយឲ្យសរសៃឈាមរីកធំ និងរក្សាសម្ពាធឈាមឲ្យនៅថេរ។

Curcumin ក៏ជាសារធាតុប្រឆាំងអុកស៊ីតកម្មដ៏រឹងមាំ ជួយបន្សាបរ៉ាឌីកាល់សេរី កាត់បន្ថយការខូចខាតកោសិកា និងសរសៃឈាម។ ការកាត់បន្ថយភាពតានតឹងអុកស៊ីតកម្មជួយការពារប្រព័ន្ធសរសៃឈាមបេះដូងដោយហេតុនេះរួមចំណែកដល់ការការពារជំងឺលើសឈាម។

៦ ក្លិន cinnamon

cinnamon មានសមាសធាតុជីវសាស្រ្ត ជាពិសេស Cinnamaldehyde ។ សារធាតុនេះមានសមត្ថភាពធ្វើសកម្មភាពលើសាច់ដុំរលោងក្នុងជញ្ជាំងសរសៃឈាម ជួយឲ្យពួកគេសម្រាក និងពង្រីក។ នៅពេលដែលសរសៃឈាមរីកធំ ភាពធន់ក្នុងសរសៃឈាមថយចុះ ដោយហេតុនេះកាត់បន្ថយសម្ពាធលើជញ្ជាំងសរសៃឈាម ជួយបន្ថយសម្ពាធឈាម។

លើសពីនេះទៀត cinnamon គឺសម្បូរទៅដោយសារធាតុប្រឆាំងអុកស៊ីតកម្មដ៏មានឥទ្ធិពលដូចជា polyphenols, flavonoids និងអាស៊ីត phenolic ។ សារធាតុទាំងនេះជួយបន្សាបរ៉ាឌីកាល់សេរី កាត់បន្ថយការខូចខាតកោសិកា និងកាត់បន្ថយការរលាក ដោយហេតុនេះធ្វើឲ្យប្រសើរឡើងនូវមុខងារសរសៃឈាម និងគាំទ្រដល់ការកាត់បន្ថយសម្ពាធឈាម៕

អត្ថបទ៖ សាង ស្រីល័ក្ខ

ចុចអាន៖សញ្ញា​ព្រមានទាំង ៦ បញ្ជាក់​ថា ថ្លើម​ផ្ទុក​ខ្លាញ់​ច្រើន​ពេក

The post មនុស្សតិចណាស់ដឹងថា ឱសថធម្មជាតិ ៦យ៉ាង ជួយការពារពីជំងឺលើសឈាម និងខ្សោយ​តម្រងនោម appeared first on Kampuchea Thmey Daily.

យុទ្ធនាការនេះ ធ្វើឡើងតាមរយៈការប្រើប្រាស់ប្រព័ន្ធបណ្តាញសង្គម និងសកម្មភាពចុះសហគមន៍ ធ្វើជាមូលដ្ឋានលើកកម្ពស់ឥរិយាបថ ទាក់ទងនឹងរបបអាហារ និងសកម្មភាពរាងកាយប្រកបដោយសុខុមាលភាព។

យោងតាមសេចក្តីប្រកាសព័ត៌មានរបស់ USAID ចុះថ្ងៃទី ២១ ខែកញ្ញា ឆ្នាំ ២០២២នេះ បានឲ្យដឹងថា យុទ្ធនាការក្រោមពាក្យស្លោក «រស់ដោយបញ្ញា សុខភាពភ្លឺថ្លា» ធ្វើឡើងមានគោលបំណងលើកទឹកចិត្តដល់ប្រជាជនកម្ពុជា ឲ្យបង្កើតទម្លាប់ថ្មីនៃការបរិភោគអាហារ និងសកម្មភាពរាងកាយ។

យុទ្ធនាការនេះ ក៏លើកកម្ពស់អត្ថប្រយោជន៍ នៃការធ្វើរោគវិនិច្ឆ័យឲ្យបានឆាប់រហ័ស ព្រមទាំងលើកទឹកចិត្តឲ្យប្រជាជន ទៅជួបអ្នកផ្តល់សេវាសុខភាពដែលមានជំនាញ ដើម្បីធ្វើការពិនិត្យរកជំងឺលើសសម្ពាធឈាម ជំងឺទឹកនោមផ្អែម និងជំងឺមិនឆ្លងផ្សេងទៀត។

លោក John Eyres ប្រធានការិយាល័យសុខភាពសារធារណៈ និងអប់រំនៃទីភ្នាក់ងារ USAID មានប្រសាសន៍ថា «ប្រទេសកម្ពុជា ក៏ដូចជាប្រទេសជាច្រើនក្នុងពិភពលោក កំពុងមានការកើនឡើងនៃបន្ទុកនៃជំងឺមិនឆ្លង ដែលត្រូវបានផ្សារភ្ជាប់ទៅនឹងនគរូបនីយកម្ម និងការផ្លាស់ប្តូររបៀបរស់នៅ ដែលជំរុញដោយការអភិវឌ្ឍសេដ្ឋកិច្ច។ ដូច្នេះ យើងសង្ឃឹមថា យុទ្ធនាការនេះ នឹងជំរុញឲ្យប្រជាជនកម្ពុជារើសយករបៀបរស់នៅ ប្រកបដោយសុខុមាលភាព របបអាហារដែលផ្តល់នូវសុខភាពល្អ និងការបង្កើនសកម្មភាពរាងកាយ»។

លោកវេជ្ជបណ្ឌិត កុល ហេរ៉ូ ប្រធាននាយកដ្ឋានការពារសុខភាព នៃក្រសួងសុខាភិបាលកម្ពុជា បានឲ្យដឹងថា ការកាត់បន្ថយជំងឺមិនឆ្លង ជាអាទិភាពរបស់រាជរដ្ឋាភិបាលកម្ពុជា ហើយយុទ្ធនាការនេះ រួមចំណែក ក្នុងការចូលរួមប្រយុទ្ធប្រឆាំងនឹងជំងឺលើសសម្ពាធឈាម និងជំងឺទឹកនោមផ្អែម ដែលមិនត្រឹមតែជាភាពប្រឈមផ្នែកសុខាភិបាលប៉ុណ្ណោះទេ តែក៏ជាភាពប្រឈមនៃការអភិវឌ្ឍប្រទេសផងដែរ»។

សូមបញ្ជាក់ថា យុទ្ធនាការនេះ គឺជាផ្នែកមួយនៃគម្រោងលើកកម្ពស់ឥរិយាបថប្រកបដោយសុខុ​មាលភាព ដែលជាគម្រោងផ្លាស់ប្តូរឥរិយាបថបុគ្គល និងសង្គម មានគោលដៅធ្វើឲ្យប្រសើរឡើងនូវឥរិយាបថសុខភាព ក្នុងចំណោមប្រជាជនកម្ពុជា និងធានាឲ្យបានថា ប្រជាជនកម្ពុជាស្វែងរក និងទទួលបានសេវាសុខភាព ប្រកបដោយគុណភាព ដោយកាត់បន្ថយឧបសគ្គផ្នែកហិរញ្ញវត្ថុ៕

អត្ថបទ៖ សំអឿន

The post USAID និងក្រសួងសុខាភិបាល បើកយុទ្ធនាការជួយកាត់បន្ថយជំងឺលើសសម្ពាធឈាម និងជំងឺទឹកនោមផ្អែមនៅកម្ពុជា appeared first on Kampuchea Thmey Daily.

គ្នាយើង និងចាស់ៗនៅផ្ទះ មានកើតទឹកនោមផ្អែមផង លើសឈាមផង គួរប្រុងប្រយ័ត្ន។ អត្ថបទនេះនឹងណែនាំអាហារគួរញ៉ាំ និងមិនគួរញ៉ាំ ដើម្បីរក្សាសុខភាពឲ្យប្រសើរ។

៣ ភាគ ៤ គ្នាយើងកើតទឹកនោមផ្អែម សុទ្ធតែមានបញ្ហាលើសឈាម។ កត្តារបបអាហារ សំខាន់បំផុតគ្រប់គ្រងសុខភាពរបស់យើងប្រចាំថ្ងៃ៖

១- ជាតិសូដ្យូម (អំបិល)

គ្នាយើងលើសឈាម ត្រូវតមប្រៃដាច់ខាត អនុញ្ញាតឲ្យញ៉ាំត្រឹមតែ ១៥០០ មិល្លីក្រាម (១ស្លាបព្រាកាហ្វេ) ប៉ុណ្ណោះ ក្នុងមួយថ្ងៃ។ អាហារនៅតាមហាង មានជាតិអំបិល និងសារធាតុប្រៃខ្លាំង អ៊ីចឹងគួរចំណាយពេលចម្អិននៅផ្ទះប្រសើរជាង ចំណេញទាំងលុយកាក់ បានទាំងសុខភាព។

២- គ្រាប់ធញ្ញជាតិ និងជាតិម្សៅ

គ្រាប់ធញ្ញជាតិ និងអាហារជាតិម្សៅ សម្បូរជាតិសរសៃ និងសារធាតុចិញ្ចឹមចាំបាច់ អាចធ្វើឲ្យជាតិស្ករក្នុងឈាមប្រសើរឡើង និងឆ្អែតបានយូរ។

៣- ចេក

ចេកសម្បូរប៉ូតាស្យូម អាចបន្ថយអំពើរបស់សូដ្យូម (អំបិល) ទៅលើសរសៃឈាម ដូចនេះគួរញ៉ាំចេកឲ្យបានច្រើន។

៤- ស្រា

អាល់កុល មានជាតិស្ករខ្ពស់ ចឹងហើយគួរតែចៀសវាង។

៥- បន្លែ និងផ្លែឈើ

ដោយសារបន្លែ និងផ្លែឈើពោរពេញដោយរ៉ែខនិជ វីតាមីន និងសារធាតុប្រឆាំងអុកស៊ីតកម្ម។ អ្នកវិទ្យាសាស្ត្របញ្ជាក់ថា វាមានឥទ្ធិពលគ្រប់គ្រងសម្ពាធឈាម និងរក្សាលំនឹងជាតិស្ករ។

៦- កាហ្វេ

បន្ថយឲ្យមកនៅត្រឹម ២០០ មិល្លីក្រាម/ថ្ងៃ ព្រោះថាជាតិកាហ្វេអ៊ីន មានទំនាក់ទំនងជាមួយការកើនសម្ពាធឈាម និងជាតិស្ករក្នុងឈាមដូចគ្នា។

៧- អាហារខ្លាញ់

មានជំងឺទាំង ២ ប្រភេទនេះ មិនគួរញ៉ាំអាហារណាសម្បូរជាតិខ្លាញ់ទេ ព្រោះអាចបង្កឲ្យមានបញ្ហាបេះដូងទៅថ្ងៃក្រោយ។ ត្រូវញ៉ាំខ្លាញ់មានប្រភពពីរុក្ខជាតិ ដូចជា ផ្លែប៊ើរ ប្រេងអូលីវ និងគ្រាប់ធញ្ញជាតិ ជំនួសវិញ។

៨- សាច់សុទ្ធ

សាច់សុទ្ធ ជាប្រភពប្រូតេអ៊ីនជួយគ្រប់គ្រងជាតិស្ករបានល្អ និងធ្វើឲ្យយើងឆ្អែតបានយូរ ប៉ុន្តែមិនត្រូវញ៉ាំច្រើនពេកទេ។

៩- កំណត់ត្រាទុក

គ្នាយើងគួរកត់ត្រាទុកអ្វីជាទម្លាប់ និងរបបអាហារចាំបាច់សម្រាប់តាមដានអាការៈ និងភាពប្រសើរឡើងនៃជំងឺ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពេលពោះទទេ ដាច់ខាតមិនគួរញ៉ាំអាហារទាំងនេះទេ

ចុចអាន៖ របបអាហារសំខាន់បី សម្រាប់សុខភាពស្ត្រីវ័យចំណាស់

The post បើមានជំងឺពីរមុខនេះ ត្រូវដឹងអ្វីគួរហូប និងមិនគួរ appeared first on Kampuchea Thmey Daily.

​ក​) រោគសញ្ញា​៖

​ជាទូទៅ មនុស្ស​ភាគច្រើន​ដែល​កើត ជំងឺលើសឈាម​មិនមាន​ស្តែងចេញ​ជា​រោគសញ្ញា​ផ្សេងៗ​ទេ បើទោះបីជា​សម្ពាធ​ឈាម​ឡើង​ខ្ពស់​ដល់ កម្រិត​ធ្ងន់ធ្ងរ ដែល​អាច​ប៉ះពាល់​ដល់​អាយុជីវិត​ក៏ដោយ​។ ការដែល​មិនមែន​រោគសញ្ញា​នេះ ទើប​ធ្វើ​ឲ្យគេ ហៅ​ជំងឺលើសឈាម​ថា ឃាតក​សំងាត់​។ ក៏ប៉ុន្តែ មាន​អ្នកជំងឺ​លើសឈាម​មួយចំនួន​តូច​អាចមាន​រោគសញ្ញា​ដូចជា​:

– ឈឺក្បាល​

– រោយ​កញ្ចឹងក​

– វិលមុខ​

– ស្រវាំងភ្នែក​

– ឈាម​ច្រមុះ ជាដើម​។

​ចំណាត់ថ្នាក់​កម្រិត​សំពាធ​ឈាម​៖

– សំពាធ​ឈាម​ធម្មតា សំពាធ​អតិបរមា​តិចជាង 120 mmHg និង​សំពាធ​អប្បបរមា​តិចជាង 80 mmHg

– សំពាធ​ឈាម​មុន​លើសឈាម សំពាធ​អតិបរមា​120-139 mmHg និង​សំពាធ​អប្បបរមា 80-89mmHg

– លើស​សំពាធ​ឈាម​ដំណាក់កាល​ទី​1 សំពាធ​អតិបរមា​140-159 mmHg និង​សំពាធ​អប្បបរមា​90-99mmHg

– លើស​សំពាធ​ឈាម​ដំណាក់កាល​ទី​2 សំពាធ​អតិបរមា​ធំ​ជាង​ឬ​លើស​160 mmHg និង​សំពាធ​អប្បបរមា​ធំ​ជាង​ឬ​លើស​100 mmHg

​ខ​) មូលហេតុ​អ្វីខ្លះ​ដែល​បណ្ដាលឲ្យ​កើត​ជំងឺលើសឈាម​៖

​តាម​ការសិក្សា​បាន​បញ្ជក់ ៩០-៩៥% នៃ​ជំងឺលើសឈាម គឺ​មិនមាន មូលហេតុ​ពិតប្រាកដ​ឡើយ​។ ចំណែក ១០-១៥% នៃ​ជំងឺលើសឈាម​អាចមាន មូលហេតុ​ច្បាស់លាស់​ដែលមាន​ដូចខាងក្រោម​៖

– ជំងឺ​តម្រងនោម (Kidney problems)

– ជំងឺ​ក្រពេញ​ក (Thyroid problems)

– ជំងឺ​ក្រពេញ​លើ​ក្រពេញ​តម្រងនោម (Adrenal gland problems)

– ជំងឺ​ពិបាកចិត្ត (stress)

– ពិសា​គ្រឿង​ស្រវឹង​(Alcohol abuse or chronic alcohol use)

– ប្រើប្រាស់​គ្រឿងញៀន (cocaine និង amphetamines)

​គ​) កត្តា​ប្រឈមមុខ ដែល​ជំរុញ​ឲ្យ​កើត​ជំងឺលើសឈាម​៖

– អាយុ​ច្រើន​(​បុរស​លើសពី​៥៥​ឆ្នាំ ស្ត្រី​លើសពី​៦៥​ឆ្នាំ​)

– មិនសូវ ឬ​មិនបាន​ហាត់ប្រាណ​

– ជក់បារី​

– ជំងឺ​ទឹកនោមផ្អែម​

– លើស​ទម្ងន់ ធាត់​

– លើស​ជាតិ​ខ្លាញ់​

– មាន​ប្រវត្តិ ឬ​កំពុង​ប្រើប្រាស់​ថ្នាំ​ដែលនាំឲ្យ​លើសឈាម​

– ប្រវត្តិ​ក្រុមគ្រួសារ​មាន​ជំងឺ​សរសៃឈាម​បេះដូង ជំងឺ​ទឹកនោមផ្អែម និង ជំងឺលើសឈាម​។​

​ឃ​) ជំងឺលើសឈាម​ផ្តល់​ផលវិបាក ដល់​សុខភាព​៖

​ការកើនឡើង​នៃ​សំពាធ​ឈាម​លើសពី​កម្រិត​ធម្មតា អាចធ្វើឲ្យ​ប៉ះពាល់​ដល់​ជញ្ជាំង​សរសៃឈាម និង​សរីរាង្គ​ផ្សេងៗ​។ កាលបើសំពាធ​ឈាម​កាន់តែ​ខ្ពស់ និង​មិនបាន​ព្យាបាល​ត្រឹមត្រូវ​កាន់តែ​យូរ ផលវិបាក និង​ហានិភ័យ​ដល់​សុខភាព​កាន់ តែមាន​ច្រើនឡើងៗ​។

​អ្នកជំងឺ​លើសឈាម​ដែល​មិន​បានទទួល​ការព្យាបាល​ត្រឹមត្រូវ អាច​ប្រឈម​នឹង​ផលវិបាក​ដល់​សុខភាព ដូចជា​៖

– ជំងឺ​ស្ទះ​សរសៃឈាម​បេះដូង ឬ​ជំងឺ​ស្ទះ​ដាច់​សរសៃឈាម​ខួរក្បាល​

– ជំងឺ​គាំងបេះដូង​

– ជំងឺខ្សោយបេះដូង​

– ជំងឺ​ខ្សោយ​តម្រងនោម​

– ជំងឺ​ងងឹតភ្នែក​

– ជំងឺ​ក្រឡាភ្លើង​ចំពោះ​ស្ត្រី​មាន​ផ្ទៃពោះ​។​

​ង​) វិធានការ​អ្វីខ្លះ​ដើម្បី​បង្ការ​ជំងឺលើសឈាម​៖

– បញ្ចុះទម្ងន់ និង​រក្សា​ទម្ងន់​អោយ​ត្រឹមត្រូវ​តាម​ស្តង់ដារ​

– ហូប​អាហារ​ណា​ដែល​ផ្តល់​ផល​ល្អ​ដល់​សុខភាព​មានដូចជា បន្លែ ផ្លែឈើ បាយ​អង្ករ​សំរូប អាហារ​ដែល​សំបូរ ជាតិ​ប៉ូ​តា​ស្យូ​ម ជាពិសេស​ផ្លែ​ចេកណាំវ៉ា ផ្កា​ខាត់ណា ផ្លែ​ប៊័រ និង​គ្រាប់​ធុញ​ជាតិ​ជាដើម​។​

– តម​ការហូប​ប្រៃ​

– បន្ថយ​ការហូប​ជាតិ​ខ្លាញ់ និង​ប្រេង​

– ឈប់​ពិសា​បារី និង​គ្រឿង​ស្រវឹង​

– បន្ថយ​បញ្ហា​ពិបាកចិត្ត គិត​ច្រើន​

– ធ្វើ​លំ​ហាត់ប្រាណ​យ៉ាងហោចណាស់​ឲ្យបាន​៣០​នាទី​រៀងរាល់ថ្ងៃ​។

​ច​) ការព្យាបាល​ជំងឺលើសឈាម​៖

​មកដល់​សព្វថ្ងៃនេះ ជំងឺលើសឈាម មិនទាន់​អាច​ព្យាបាល​ឲ្យ​ជាសះស្បើយ បាន​នៅឡើយ​ទេ​។ ប៉ុន្តែ ការព្យាបាល​ដោយ​ថ្នាំ អាចធ្វើឲ្យ​សំពាធ​ឈាម ធ្លាក់​មក​ស្ថិតនៅក្នុង​កម្រិត​ធម្មតា​វិញ ជៀស​ផុតពី ផលវិបាក និង​ហានិភ័យ​ផ្សេងៗ​ដែល បណ្តាលមកពី​ជំងឺលើសឈាម​។ អ្នកជំងឺ ត្រូវ​លេបថ្នាំ​ឲ្យ​បាន​ទៀងទាត់ និង​ត្រឹមត្រូវ តាម​វេជ្ជបញ្ជា ហើយ​មិនត្រូវ​ឈប់​ពាក់កណ្តាល​ទី​ទេ ព្រោះ​ការកើនឡើង​នៃ សម្ពាធ​ឈាម អាច​នឹង​រើ​ឡើងវិញ​។ អ្នកជំងឺ​ត្រូវ ក៏ត្រូវ​អនុវត្តតាម វិធានការ​ដើម្បី បង្ការ​ជំងឺលើសឈាម​ផងដែរ​។ ក្នុងករណី​ដែល​សំពាធ​ឈាម​ឡើង​ខ្ពស់​ខ្លាំង ឬ​មាន រោគសញ្ញា​មិនធម្មតា ត្រូវ​ទៅ​មន្ទីរពេទ្យ​ជាបន្ទាន់ ព្រោះ​អាច​បណ្តាល​ឲ្យ​ប៉ះពាល់​ដល់ អាយុជីវិត​។

​ប្រសិនបើ​លោកអ្នក​មាន​រោគសញ្ញា និង​កត្តា​គ្រោះថ្នាក់​ដូច​បាន​រៀងរាប់​ខាងលើនេះ សូម​មក​ពិគ្រោះ​ជាមួយ​ក្រុមគ្រូពេទ្យ​ឯកទេស​នៅ​មន្ទីរពេទ្យ​កាល់ម៉ែត ដើម្បី​ស្វែងរក​ការការពារ និង​ការព្យាបាល​ឲ្យ​ទាន់ពេលវេលា និង​មាន​ប្រសិទ្ធិភាព ជៀសវាង​បង្ក​ឲ្យ​គ្រោះថ្នាក់​ដល់​អាយុជីវិត​៕​

អត្ថបទ៖ រស្មី​

The post ជំងឺលើសឈាម ឬជំងឺលើសសម្ពាធឈាម ជាឃាតកលាក់មុខ ដែលអ្នកគួរប្រុងប្រយ័ត្ន appeared first on Kampuchea Thmey Daily.

ការសិក្សារបស់​អាមេរិក រកឃើញថា អ្នក​ទម្លាប់ចូល​គេងមិន​ទៀងទាត់ ប្រឈម​ការវិវត្ត​កើត​ជំងឺ​ធាត់ ជំងឺ​លើសឈាម និង​ជំងឺទឹកនោមផ្អែម។ ការសិក្សានេះ អ្នកស្រាវជ្រាវ ផ្ដោត​លើ​បម្រែបម្រួល​ការគេង ពីមួយ​ថ្ងៃទៅ​មួយ​ថ្ងៃ ខុសពី​ការសិក្សា​មុនៗ ដែល​ផ្ដោត​លើ​ការគេងមិន​គ្រប់គ្រាន់។ ការសិក្សានេះ ធ្វើឡើង​ដោយ​អ្នកស្រាវជ្រាវមកពី​មន្ទីរពេទ្យស្ត្រី Brigham និង​សាលាវេជ្ជសាស្ត្រ Harvard នៅ​ក្រុង Boston របស់​អាមេរិក។

អ្នកស្រាវជ្រាវ មាន​អ្នកជំងឺ ២.០០៣ ​នាក់ នៅ​មជ្ឈមណ្ឌលជំងឺ​ទឹកនោមផ្អែម ហើយ​បានសិក្សា និង​វាយតម្លៃ​លើ​ការគេង​របស់​ពួកគេ រយៈពេល ១​សប្ដាហ៍។ ជាមធ្យម អ្នកជំងឺ គេង ៧​ម៉ោង១៥​នាទី/យប់ និង​ចូលគេង​នៅម៉ោង ១១:៤០​នាទី។ ប៉ុន្ដែ ២/៣ នៃ​អ្នកជំងឺ មាន​បម្រែបម្រួល​រយៈពេល​គេង ជាង ១​ម៉ោង ហើយ ៤៥% នៃ​អ្នកជំងឺនេះ មាន​បម្រែបម្រួល​ពេលចូលគេង ជាង ១​ម៉ោង​ផងដែរ។

លទ្ធផល រកឃើញថា អ្នកជំងឺ ៧០៧​ នាក់ ឬ ៣៥% មានរោគសញ្ញា​មេតាប៉ូលិស ឬមេតាប៉ូលិស​ខុសប្រក្រតី​ច្រើនប្រភេទ ដែល​បង្កើន​ហានិភ័យ​នៃ​ជំងឺបេះដូង រួមទាំង​បង្កើន​សម្ពាធឈាម ជាតិស្ករខ្ពស់​ក្នុងឈាម និង​ជំរុញឲ្យ​មាន​ខ្លាញ់​ជុំវិញ​ចង្កេះ។

អ្នកជំនាញថា មូលហេតុដែល​បម្រែម្រួល​ការគេង ប៉ះពាល់​សុខភាព​មេតាប៉ូលិស ប្រហែល​ពាក់ព័ន្ធ​នឹង​ម៉ោង​ជីវសាស្ត្រ ដែល​ជាយន្ដការ​ខាង​ក្នុង​សារពាង្គកាយ គ្រប់គ្រង​លើ​បម្រែបម្រួល​មេតាប៉ូលិស៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទម្លាប់ល្អពេលព្រឹក ៦យ៉ាងគួរប្រកាន់ខ្ជាប់ ជួយផ្ដល់ប្រយោជន៍ចំពោះសុខភាព

ចុចអាន៖ ទម្លាប់ធ្វើរឿងទាំងនេះមុនចូលគេង ដឹងតែឡើងគីឡូមិនខាន

The post ទម្លាប់ចូលគេងមិនទៀងទាត់ ងាយកើតជំងឺ ៣មុខ appeared first on Kampuchea Thmey Daily.

បើ​តាម​ការ​បញ្ជាក់​របស់​លោក​វេជ្ជបណ្ឌិត អ៊ាវ សុខា ប្រធាន​ផ្នែក​ជំងឺ​មហារីក និង​ជំងឺ​ឈាម នៃ​មន្ទីរពេទ្យ​កាល់​ម៉ែត ការ​និយម​ចូល​ចិត្ត​ញ៉ាំ​អាហារ​ប្រៃ​ក្នុង​របប​អាហារ​ប្រចាំថ្ងៃ ពិសេស​ពពួក​សាច់​ប្រឡាក់ ត្រី​ប្រឡាក់ អាហារ​ផ្អាប់ និង​ពពួក​ជ្រក់ ងាយ​នឹង​កើត​ជំងឺ​លើស​ឈាម​ផង ជំងឺ​មហារីក​ក្រពះ-ពោះវៀន​ផង ដោយសារ​តែ​វា​បណ្តាល​ឲ្យ​មាន​ការរលាក ដំបៅ​ក្រពះ​ដែល​វិវត្ត​ទៅ​ជា​មហារីក​​ក្រពះ។​ ម្យ៉ាង​វិញ​​ទៀត ការ​ញ៉ាំប្រៃនឹង​បង្កើន​សកម្មភាព​របស់​មេរោគ​ក្រពះ (H.pylori)។

លោក​វេជ្ជបណ្ឌិត​ពន្យល់​ថា ថ្វីត្បិត​តែ​ជំងឺ​មហារីក​ក្រពះ​បណ្តាល​មក​ពី​កត្តា​ច្រើន​យ៉ាង តែ​ក្នុង​នោះ​ការ​មាន​ទាក់ទង​នឹង​ការ​ញ៉ាំ​ប្រៃ​លើស​កម្រិត។ “​សិក្សា​វិទ្យាសាស្ត្រ​រក​ឃើញ​ថា អាហារ​ប្រៃ​ខ្លាំង ពពួក​ជ្រក់ ត្រីងៀត យក​ត្រី​ប្រឡាក់​អំបិល ហាល​ថ្ងៃ យក​ទៅ​​ដុត ឬ​អាំង នៅ​ក្នុង​សាច់​ត្រីងៀត ត្រី​ប្រឡាក់​មាន​សារធាតុ​នីត្រូសាមីន កាល​ណា​ញ៉ាំ​ច្រើន អាច​ជួយ​ជំរុញ​ឲ្យ​ក្រពះ​កើត​ជំងឺ​មហារីក”។

ផ្នែកតាមទិន្នន័យ​នៅ​មន្ទីរពេទ្យ​កាល់ម៉ែត្រ និង​មន្ទីរពេទ្យ​ព្រះកុសមៈ មហារីក​ក្រពះ-ពោះវៀន ជា​ជំងឺ​ដែល​ជួប​ប្រទះ​ញឹក​ញាប់​ជាងគេ​បន្ទាប់​ពី​ជំងឺ​មហារីក​​មាត់​ស្បូន សុដន់ និង​សួត។

យោង​តាម​អង្គការ​សុខភាព​ពិភពលោក បាន​ណែនាំ​យើងឲ្យ​​ញ៉ាំ​អំបិល​ ៥ក្រាម/ថ្ងៃ ដែល​ស្មើនឹង ១ ស្លាប​ព្រា​កាហ្វេ​ប៉ុណ្ណោះ ដែល​បរិមាណ​នេះ​រាប់​បញ្ចូល​ជាតិ​អំបិល​ក្នុង​អាហារ​ប្រចាំថ្ងៃ​ទាំង​អស់ នោះ​​ទើប​​មិន​​មាន​បញ្ហា​សុខភាព៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មើល​ឲ្យ​ហើយ​អ្នក​ចូលចិត្ត​ញ៉ាំ​ប្រៃ អាច​មាន​​គ្រោះ​ថ្នាក់​ធំពីរយ៉ាង

ចុចអាន៖ អាហារ​មិន​ល្អ ស្ថិតក្នុង​ចំណោម​ករណី​​ធ្វើ​ឲ្យ​​មនុស្ស​ស្លាប់ច្រើន​បំផុតលើ​ពិភពលោក

The post ញ៉ាំ​ប្រៃ គ្រោះថ្នាក់​ខ្លាំង កើត​លើស​ឈាម​ផង មហារីក​ផង appeared first on Kampuchea Thmey Daily.

​ក​) រោគសញ្ញា​៖

​ជាទូទៅ មនុស្ស​ភាគច្រើន​ដែល​កើត ជំងឺលើសឈាម​មិនមាន​ស្តែងចេញ​ជា​រោគសញ្ញា​ផ្សេងៗ​ទេ​បើទោះបីជា​សម្ពាធ​ឈាម​ឡើង​ខ្ពស់​ដល់ កម្រិត​ធ្ងន់ធ្ងរ​ដែល​អាច​ប៉ះពាល់​ដល់​អាយុជីវិត​ក៏​ដោយ​។​ ការដែល​មិនមែន​រោគសញ្ញា​នេះ ទើប​ធ្វើ​ឲ្យ​គេ ហៅ​ជំងឺលើសឈាម​ថា ឃាតក​សំងាត់​។​ ក៏ប៉ុន្តែ មាន​អ្នកជំងឺ​លើសឈាម​មួយចំនួន​តូច​អាចមាន​រោគសញ្ញា​ដូចជា​:

– ឈឺក្បាល

– រោយ​កញ្ចឹងក​

– វិលមុខ

– ស្រវាំងភ្នែក

– ឈាម​ច្រមុះ ជាដើម​។

​ចំណាត់ថ្នាក់​កម្រិត​សំពាធ​ឈាម​៖

– សំពាធ​ឈាម​ធម្មតា សំពាធ​អតិបរមា​តិចជាង 120 mmHg និង​សំពាធ​អប្បបរមា​តិចជាង 80 mmHg

– សំពាធ​ឈាម​មុន​លើសឈាម សំពាធ​អតិបរមា​120-139 mmHg និង​សំពាធ​អប្បបរមា 80-89mmHg

– លើស​សំពាធ​ឈាម​ដំណាក់​កាល​ទី​1 សំពាធ​អតិបរមា​140-159 mmHg និង​សំពាធ​អប្បបរមា​90-99mmHg

– លើស​សំពាធ​ឈាម​ដំណាក់​កាល​ទី​2 សំពាធ​អតិបរមា​ធំ​ជាង​ឬ​លើស​160 mmHg និង​សំពាធ​អប្បបរមា​ធំ​ជាង​ឬ​លើស​100 mmHg

​ខ​) មូលហេតុ​អ្វីខ្លះ​ដែល​បណ្ដាលឲ្យ​កើត​ជំងឺលើសឈាម​៖

​តាម​ការសិក្សា​បាន​បញ្ជក់ ៩០-៩៥% នៃ​ជំងឺលើសឈាម គឺ​មិនមាន មូលហេតុ​ពិតប្រាកដ​ឡើយ​។​ចំណែក ១០-១៥% នៃ​ជំងឺលើសឈាម​អាចមាន មូលហេតុ​ច្បាស់លាស់​ដែលមាន​ដូចខាងក្រោម​៖

– ជំងឺ​តម្រង​នោម (Kidney problems)

– ជំងឺ​ក្រពេញ​ក (Thyroid problems)

– ជំងឺ​ក្រពេញ​លើ​ក្រពេញ​តម្រង​នោម (Adrenal gland problems)

– ជំងឺ​ពិបាកចិត្ត (stress)

– ពិសា​គ្រឿង​ស្រវឹង​(Alcohol abuse or chronic alcohol use)

– ប្រើប្រាស់​គ្រឿងញៀន (cocaine និង amphetamines)

​គ​) កត្តា​ប្រឈមមុខ ដែល​ជំរុញ​ឲ្យ​កើត​ជំងឺលើសឈាម​៖

– អាយុ​ច្រើន​(​បុរស​លើសពី​៥៥​ឆ្នាំ ស្ត្រី​លើសពី​៦៥​ឆ្នាំ​)

– មិនសូវ ឬ​មិនបាន​ហាត់ប្រាណ​

– ជក់បារី​

– ជំងឺ​ទឹកនោមផ្អែម​

– លើស​ទម្ងន់ ធាត់​

– លើស​ជាតិ​ខ្លាញ់​

– មាន​ប្រវត្តិ ឬ​កំពុង​ប្រើប្រាស់​ថ្នាំ​ដែលនាំឲ្យ​លើសឈាម​

– ប្រវត្តិ​ក្រុមគ្រួសារ​មាន​ជំងឺ​សរសៃឈាម​បេះដូង ជំងឺ​ទឹកនោមផ្អែម និង ជំងឺលើសឈាម​។

​ឃ​) ជំងឺលើសឈាម​ផ្តល់​ផលវិបាក ដល់​សុខភាព​៖

​ការកើនឡើង​នៃ​សំពាធ​ឈាម​លើសពី​កម្រិត​ធម្មតា អាចធ្វើឲ្យ​ប៉ះពាល់​ដល់​ជញ្ជាំង​សរសៃឈាម និង​សរីរាង្គ​ផ្សេងៗ​។ កាលបើ សំពាធ​ឈាម​កាន់តែ​ខ្ពស់ និង​មិនបាន​ព្យាបាល​ត្រឹមត្រូវ​កាន់តែ​យូរ ផលវិបាក និង​ហានិភ័យ​ដល់​សុខភាព​កាន់ តែមាន​ច្រើនឡើងៗ​។

​អ្នកជំងឺ​លើសឈាម​ដែល​មិន​បានទទួល​ការព្យាបាល​ត្រឹមត្រូវ អាច​ប្រឈម​នឹង​ផលវិបាក​ដល់​សុខភាព ដូចជា​៖

– ជំងឺ​ស្ទះ​សរសៃឈាម​បេះដូង ឬ​ជំងឺ​ស្ទះ​ដាច់​សរសៃឈាម​ខួរក្បាល​

– ជំងឺ​គាំងបេះដូង​

– ជំងឺខ្សោយបេះដូង​

– ជំងឺ​ខ្សោយ​តម្រង​នោម​

– ជំងឺ​ងងឹតភ្នែក​

– ជំងឺ​ក្រឡាភ្លើង​ចំពោះ​ស្ត្រី​មាន​ផ្ទៃពោះ​។​

​ង​) វិធានការ​អ្វីខ្លះ​ដើម្បី​បង្ការ​ជំងឺលើសឈាម​៖

– បញ្ចុះទម្ងន់ និង​រក្សា​ទម្ងន់​ឲ្យ​ត្រឹមត្រូវ​តាម​ស្តង់ដារ​

– ហូប​អាហារ​ណា​ដែល​ផ្តល់​ផល​ល្អ​ដល់​សុខភាព​មានដូចជា បន្លែ ផ្លែឈើ បាយ​អង្ករ​សំរូប​អាហារ​ដែល​សំបូរ ជាតិ​ប៉ូ​តា​ស្យូ​ម ជាពិសេស​ផ្លែ​ចេកណាំវ៉ា ផ្កា​ខាត់ណា ផ្លែ​ប៊័រ និង​គ្រាប់​ធុញ​ជាតិ​ជាដើម​។​

– តម​ការហូប​ប្រៃ​

– បន្ថយ​ការហូប​ជាតិ​ខ្លាញ់ និង​ប្រេង​

– ឈប់​ពិសា​បារី និង​គ្រឿង​ស្រវឹង​

– បន្ថយ​បញ្ហា​ពិបាកចិត្ត គិត​ច្រើន​

– ធ្វើ​លំ​ហាត់ប្រាណ​យ៉ាងហោចណាស់​ឲ្យ​បាន​៣០​នាទី​រៀងរាល់ថ្ងៃ​។

​ច​) ការព្យាបាល​ជំងឺលើសឈាម​៖

​មកដល់​សព្វថ្ងៃនេះ ជំងឺលើសឈាម មិនទាន់​អាច​ព្យាបាល​ឲ្យ​ជាសះស្បើយ បាន​នៅឡើយ​ទេ​។​ប៉ុន្តែ ការព្យាបាល​ដោយ​ថ្នាំ អាចធ្វើឲ្យ​សំពាធ​ឈាម ធ្លាក់​មក​ស្ថិតនៅក្នុង​កម្រិត​ធម្មតា​វិញ​ជៀស​ផុតពី ផលវិបាក និង​ហានិភ័យ​ផ្សេងៗ​ដែល បណ្តាលមកពី​ជំងឺលើសឈាម​។ អ្នកជំងឺ ត្រូវ​លេបថ្នាំ​ឲ្យ​បាន​ទៀងទាត់ និង​ត្រឹមត្រូវ តាម​វេជ្ជបញ្ជា ហើយ​មិនត្រូវ​ឈប់​ពាក់កណ្តាល​ទី​ទេ​ព្រោះ​ការកើនឡើង​នៃ​សម្ពាធ​ឈាម អាច​នឹង​រើ​ឡើងវិញ​។ អ្នកជំងឺ​ត្រូវ ក៏​ត្រូវ​អនុវត្តតាម វិធានការ​ដើម្បី បង្ការ​ជំងឺលើសឈាម​ផងដែរ​។ ក្នុងករណី​ដែល​សំពាធ​ឈាម​ឡើង​ខ្ពស់​ខ្លាំង ឬ​មាន​រោគសញ្ញា​មិនធម្មតា ត្រូវ​ទៅ​មន្ទីរពេទ្យ​ជាបន្ទាន់ ព្រោះ​អាច​បណ្តាល​ឲ្យ​ប៉ះពាល់​ដល់ អាយុជីវិត​។​

​ប្រសិនបើ​លោកអ្នក​មាន​រោគសញ្ញា និង​កត្តា​គ្រោះថ្នាក់​ដូច​បាន​រៀងរាប់​ខាងលើនេះ សូម​មក​ពិគ្រោះ​ជាមួយ​ក្រុមគ្រូពេទ្យ​ឯកទេស​នៅ​មន្ទីរពេទ្យ​កាល់ម៉ែត ដើម្បី​ស្វែងរក​ការការពារ និង​ការព្យាបាល​ឲ្យ​ទាន់ពេលវេលា និង​មាន​ប្រសិទ្ធិភាព ជៀសវាង​បង្ក​ឲ្យ​គ្រោះថ្នាក់​ដល់​អាយុជីវិត​៕​

អត្ថបទ៖ រស្មី​

The post សូមប្រយ័ត្នឃាតកលាក់មុខ គឺជំងឺលើសឈាម និងជំងឺលើសសម្ពាធឈាម appeared first on Kampuchea Thmey Daily.