ការលើកឡើងនេះ ស្របពេលដែលកម្ពុជា ទើបតែទទួលរងនូវខ្យល់ពុលក្នុងស្រទាប់បរិយាកាស ដែលជាក្តីបារម្ភចំពោះសុខភាព ហើយក្រសួងពាក់ព័ន្ធនានាក៏បានចេញនូវវិធានការផ្សេងៗដើម្បីការពារចំពោះខ្យល់ពុលនេះដែរ។ ទន្ទឹមនេះ បើនិយាយពីការកើនឡើងនូវអ្នកដែលកើតជំងឺសួត និងផ្លូវដង្ហើមអំឡុងពេលនេះ លោកវេជ្ជបណ្ឌិត លី សូវ៉ាន់ បាននិយាយថា៖ “រហូតដល់ថ្ងៃទី២៨ ខែមករា ឆ្នាំ២០២៥នេះ យើងមិនទាន់មានរបាយការណ៍ពីមន្ទីរពេទ្យ ឬគ្រឹះស្ថានសុខាភិបាលទាំងរដ្ឋ និងឯកជន ថាមានការកើនឡើងនៃជំងឺផ្លូវដង្ហើម ឬជំងឺសួត កើនឡើងគួរឱ្យកត់សម្គាល់នោះទេ គឺនៅធម្មតាដដែល ទិន្នន័យនេះគឺថាមិនបានផុតពីការរំពឹងទុកនោះទេ”។

លោកវេជ្ជបណ្ឌិត បន្តថា បច្ចុប្បន្នអ្វីដែលមានវិជ្ជមានច្រើននោះ គឺការកើនឡើងនៃការឆ្លងជំងឺផ្តាសាយច្រើន ប៉ុន្តែ ក៏មិនបានធ្វើឱ្យប៉ះពាល់ដល់សុខភាពសាធារណៈធ្ងន់ធ្ងរឡើយ។ អ្វីដែលជាចំណុចសំខាន់នោះ លោកវេជ្ជបណ្ឌិត លី សូវ៉ាន់ សំណូមពរឱ្យមានការលាងដៃឱ្យបានល្អ រៀបអាហារឱ្យមានអនាម័យខ្ពស់អំឡុងពេលមានការជួបជុំនានា ចៀសវាងមានផ្ទុកវីរុស ឬ ការពុលអាហារជាដើម។ លោកបន្ថែមថា ចំពោះអ្នកដែលចេញរោគសញ្ញាផ្តាសាយ សូមឱ្យពាក់ម៉ាស់ និងឧស្សាហ៍លាងដៃជាមួយសាប៊ូឱ្យបានស្អាត ហើយនៅឆ្ងាយពីសមាជិកគ្រួសារ ជាពិសេសកុមារតូចៗ និងមនុស្សចាស់ ចៀសវាងផលពាល់ដល់សុខភាព។

សូមជម្រាបថា នៅព្រឹកថ្ងៃទី២៨ ខែមករានេះ ក្រសួងបរិស្ថាន បានចេញសេចក្តីប្រកាស ពីស្ថានភាពគុណភាពខ្យល់នៅកម្ពុជា ថាសម្រាប់ថ្ងៃទី២៧ ខែមករា ឆ្នាំ២០២៥ ចាប់ពីម៉ោង ៦ ល្ងាច ដល់ម៉ោង ៦ ព្រឹក ថ្ងៃទី២៨​ ខែមករា ឆ្នាំ២០២៥ សន្ទស្សន៍គុណភាពខ្យល់គឺ “ល្អណាស់”។ ក្រសួងបញ្ជាក់ថា ពណ៌ខៀវគុណភាពខ្យល់ ល្អណាស់ មាននៅខេត្តបាត់ដំបង ខេត្តកំពង់ចាម ខេត្តកំពង់ឆ្នាំង ខេត្តកំពង់ស្ពឺ ខេត្តកំពត ខេត្តកណ្តាល ខេត្តក្រចេះ ខេត្តមណ្ឌលគីរី រាជធានីភ្នំពេញ ខេត្តរតនគិរី ខេត្តស្វាយរៀង ខេត្តតាកែវ ខេត្តឧត្តរមានជ័យ ខេត្តព្រៃវែង ខេត្តត្បូងឃ្មុំ និងខេត្តប៉ៃលិន។ ចំណែក ពណ៌បៃតង គុណភាព ខ្យល់ល្អ មានខេត្តបន្ទាយមានជ័យ ខេត្តកំពង់ធំ ខេត្តកោះកុង ខេត្តព្រះវិហារ ខេត្តសៀមរាប ខេត្តព្រះសីហនុ ខេត្តស្ទឹងត្រែង និងខេត្តកែប។ រីឯ ពណ៌ទឹកក្រូច គុណភាពខ្យល់ បង្គួរ មាននៅខេត្តពោធិ័សាត់៕

The post អ្នកនាំពាក្យ៖ មកដល់ពេលនេះមិនទាន់មានរបាយការណ៍កើនឡើងពីជំងឺសួត និងផ្លូវដង្ហើម អំឡុងពេលមានខ្យល់ពុលឡើយ appeared first on Kampuchea Thmey Daily.

លោកស្រី Tanujaa វេជ្ជបណ្ឌិតឯកទេស ផ្នែកជំងឺមហារីកទូទៅ នៃមជ្ឈមណ្ឌលជំងឺមហារីក Parkway Cancer បានបញ្ជាក់ថា ជំងឺមហារីក មានច្រើនប្រភេទ ហើយវាអាចកើតមាននៅលើសិរីរាង្គផ្សេងៗ របស់មនុស្ស ដូចជា មហារីកសួត, មហារីកទាក់ទងនឹងសរីរាង្គក្បាល និង ក, មហារីកប្រព័ន្ធផ្លូវភេទ, តម្រង់នោម,  ក្រពេញប្រ៉ូស្តាត និងមហារីកសុដន់ជាដើម។ ក្នុងចំណោមនោះ មហារីកសួត គឺជា ប្រភេទជំងឺមហារីក ដែលកើតមានច្រើនជាងគេ បន្ទាប់មក គឺជំងឺមហារីកសុដន់ និងមហារីក ពោះវៀនធំ។

បើតាម លោកស្រីវេជ្ជបណ្ឌិត Tanujaa អ្នកដែលប្រឈមនឹងការកើតមានជំងឺមហារីកសួតខ្លាំងជាងគេ គឺជាអ្នកដែលជក់បារីច្រើន, អ្នកប្រឈមនឹង ការស្រូបផ្សែងបារី និង អ្នកដែលទទួលការចាក់គីមី ឬបាញ់កាំរស្មីសម្រាប់ ការព្យាបាល ជំងឺផ្សេងៗ ជាដើម។

លោកស្រីវេជ្ជបណ្ឌិត បានបន្ថែមទៀតថា មានមនុស្សជាច្រើនបានគិតខុស ចំពោះជំងឺមហារីកសួត ដោយពីពួកគេយល់ថា វាជាប្រភេទ ជំងឺ ដែលមិនអាចព្យាបាលបាន ឬនៅពេលកើតហើយ អ្នកជំងឺអាចរស់បានក្នុងរយៈពេលខ្លីជាដើម។ ប៉ុន្ដែផ្ទុយទៅវិញ ជំងឺមហារីកសួត នាពេលបច្ចុប្បន្ននេះ គេអាចព្យាបាលវាបានយ៉ាងមានប្រសិទ្ធភាពខ្ពស់ ជាមួយនឹងការប្រើប្រាស់បច្ចេកវិទ្យាទំនើប ចុងក្រោយ ហើយអ្នកជំងឺនៅតែអាចបន្ដរស់បានយូរឆ្នាំ និងមិនប្រឈមការលាប់ជំងឺមកវិញនោះឡើយ។  

លោកស្រីវេជ្ជបណ្ឌិត Tanujaa បានអះអាងថា ការព្យាបាល ជំងឺមហារីកសួត ត្រូវបានធ្វើឡើងទៅ តាមដំណាក់កាល នៃប្រភេទ និងលក្ខណៈជាក់ស្ដែងនៃជំងឺ។ តួយ៉ាង នៅដំណាក់កាលទី១ ឬទី២ គេអាចប្រើប្រាស់វិធីសាស្ត្រវះកាត់យកកោសិកា ដែលខុសប្រក្រតីនោះចេញ បន្ទាប់មកអាចធ្វើ ការបាញ់កាំរស្មី, ការចាក់គីមី និងការប្រើប្រាស់ប្រព័ន្ធភាពស៊ាំ ដើម្បីប្រឆាំងនឹងជំងឺមហារីក (Immunotherapy) ជាដើម។ រីឯ ដំណាក់កាលទី៣វិញ គេអាចព្យាបាលដោយការបាញ់កាំរស្មី, ការចាក់គីមី, Immunotherapy និងវិធីសាស្ត្រផ្សេងទៀត ស្របទៅតាម ដំណើរការវិវត្តជាក់ស្ដែងនៃ ជំងឺមហារីកនោះ។

ដោយឡែក សម្រាប់ ការព្យាលបាលនៅដំណាក់កាលទី៤វិញ គឺគេប្រើប្រាស់ បច្ចេកទេស ទំនើប ចុងក្រោយ ដោយការចាប់យកម៉ូលេគីល ស្វែងរក កោសិកាដែលមិនប្រក្រតី ដែលជាកោសិកាមហារីក ហើយប្រើប្រាស់ថ្នាំដើម្បី សម្លាប់កោសិកោមហារីកនោះ កុំឲ្យបន្ដ រីករាលដាល។ ការព្យាបាលទាំងនេះ ត្រូវបានប្រើប្រាស់យ៉ាងទូលំទូលាយ នៅទូទាំងសកលលោក ពិសេសនៅមជ្ឈមណ្ឌល Parkway Cancer ជាមួយនឹងអត្រាជោគជ័យខ្ពស់ ដែលជួយឲ្យអ្នកជំងឺ មានអត្រារស់ខ្ពស់។

លោកស្រីវេជ្ជបណ្ឌិត Tanujaa បានលើកយកនូវបទពិសោធន៍ផ្ទាល់ ដែលធ្លាប់ព្យាបាល អ្នកជំងឺជាស្ត្រី ម្នាក់ ដែលមានជំងឺមហារីកដំណាក់កាលទី៤ ទាំងដែលគាត់កំពុងមានផ្ទៃពោះ។ នៅពេលនោះ អ្នកជំងឺ គាត់មានអាការៈក្អកខ្លាំង និងក្អកធ្លាក់ឈាមទៀតផង។ ប៉ុន្ដែក្រោយពីទទួលបានការព្យាបាលត្រឹមត្រូវតាមរយៈការប្រើប្រាស់ថ្នាំ (ញ៉ាំតាមមាត់) អ្នកជំងឺអាចសម្រាលកូនបានដោយជោគជ័យហើយកោសិកាមហារីករបស់គាត់ក៏លែងមានតទៅទៀត។ គិតមកទល់ពេលនេះ មានរយៈពេល ៧ឆ្នាំ ដែលគាត់នៅបន្ដមានជីវិតរស់នៅធម្មតាជាមួយក្រុមគ្រួសាររបស់គាត់ដោយសុភមង្គល។

មជ្ឈមណ្ឌលមហារីក Parkway ត្រូវបានបង្កើតឡើងក្នុងឆ្នាំ 2006 ដោយផ្តោតសំខាន់លើការផ្តល់ជូននូ វការថែទាំមហារីកយ៉ាងទូលំទូលាយជាមួយនឹងការសង្កត់ធ្ងន់យ៉ាងខ្លាំងលើសុខុមាលភាពអ្នកជំងឺ។ មជ្ឈមណ្ឌលមហារីក Parkway មានបន្ទប់ព្យាបាលជំងឺមហារីកយ៉ាងទូលំទូលាយ ដែលផ្តល់ទំនុកចិត្ត ដោយក្រុមគ្រូពេទ្យពហុជំនាញ ដែលមានបទពិសោធន៍យូរឆ្នាំ គិលានុបដ្ឋាក គិលានុបដ្ឋាយិកា ទីប្រឹក្សា និងគ្រូពេទ្យជំនាញផ្សេងទៀត។
សម្រាប់ព័ត៍មានបន្ថែម លោកអ្នកអាចចូលទៅកាន់គេហទំព័ររបស់យើង៖ www.parkwaycancercentre.com
 

The post វេជ្ជបណ្ឌិតជំនាញផ្នែកជំងឺមហារីកមកពីសិង្ហបុរី អះអាងថា ជំងឺមហារីកសួត ពិតជា អាចព្យាបាល បាន យ៉ាងមានប្រសិទ្ធភាពខ្ពស់ appeared first on Kampuchea Thmey Daily.

ទំនាក់​ទំនង​រវាង​វដ្ដ​នៃ​ពេលវេលា​ និង​ជំងឺ​សួត​ឡើង​រឹង​

ជាក់ស្ដែង ជំងឺ​សួត​ឡើង​រឹង​ពិបាក​នឹង​ធ្វើការ​​ព្យាបាល​ឲ្យ​ជា​សះ​ស្បើយ​​ណាស់​ក្នុង​ពេល​បច្ចុប្បន្ន​។ ដូច្នេះ​ហើយ ការ​រក​ឃើញ​ពី​​វដ្ដ​នៃ​ពេលវេលា​មាន​សារសំខាន់​ណាស់​ក្នុង​​ការ​ការពារ​ខ្លួន​យើង​ពី​ជំងឺ​ដ៏​សាហាវ​នេះ​។

វដ្ដ​​នៃ​ពេលវេលា​​ក្នុង​រាងកាយ​យើង​ជួយ​គ្រប់គ្រង​ស្ទើរ​តែ​គ្រប់​កោសិកា​នៅ​ក្នុង​រាងកាយ​​របស់​មនុស្ស​ ដែល​ដឹកនាំ​វដ្ដ​ពេលវេលា​២៤​ម៉ោង​នៅ​ក្នុង​ដំណើរការ​ជា​ច្រើន​ដូចជា​ការ​គេង​ ការ​បញ្ចេញ​អ័រម៉ូន​ និង​ការ​ធ្វើ​មេតាប៉ូលីស​ជា​ដើម​។

នៅ​ក្នុង​សួត​ វដ្ដ​ពេលវេលា​នេះ​​ស្ថិត​នៅ​ក្នុង​​ផ្លូវ​ដង្ហើម​ធំ ប៉ុន្តែ​ វដ្ដ​​នៃ​ពេលវេលា​​របស់​អ្នក​ដែល​មាន​ជំងឺ​​សួត​ឡើង​រឹង​នឹង​លាតសន្ធឹង​ដល់​ថង់សួត ដែល​ហៅ​ថា​ Alveoli។

ការសិក្សា​លើ​សត្វ​កណ្ដុរ​

យោង​តាម​ការ​សិក្សា​ទៅ​លើ​សត្វ​កណ្ដុរ​បាន​បង្ហាញ​ថា​ ការ​ផ្លាស់ប្ដូរ​វដ្ដ​វេលា​ អាច​រំខាន​ដល់​ដំណើរការ​នៃ​ការ​វិវត្ត​នៃ​ជាលិកា​ដែល​អាច​ធ្វើ​ឲ្យ​សត្វ​កណ្ដុរ​​កើត​​ជំងឺ​សួត​ឡើង​រឹង​។ ​​​​ជំងឺ​សួត​ឡើង​រឹង​មាន​​ពាក់ព័ន្ធ​​​នឹង​ការ​គេង​រយៈពេល​តិច និង​ច្រើន​ពេក​ នេះ​បើ​តាម​​ទិន្នន័យ​ពី​UK Biobank។

នៅ​ក្នុង​ករណី​​តិចតួចខ្លះ​ ហានិភ័យ​នៃ​ជំងឺ​នេះ​ក៏​កើត​ឡើង​ចំពោះ​អ្នក​ដែល​គេង​យប់​ជ្រៅ ឬ​អ្នក​ដែល​ធ្វើការ​វេន​យប់​ដូច​គ្នា៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទម្លាប់ចូលគេងមិនទៀងទាត់ ងាយកើតជំងឺ ៣មុខ

ចុចអាន៖ គេងថ្ងៃ មានទាំងប្រយោជន៍ និងគ្រោះថ្នាក់ ដែលយើងមិនដឹង

The post គេង​តិច ឬ​ច្រើន​ពេក​ អាច​ប្រឈម​ការ​កើត​ជំងឺ​សួត​​ឡើង​រឹង​​​​​​​​​​​​​​​​ appeared first on Kampuchea Thmey Daily.

របាយ​ការណ៍សិក្សាចេញផ្សាយ​នៅ​លើគេហទំព័រព័ត៌មាន​សុខភាព ScienceDaily ក្រុមអ្នកស្រាវជ្រាវ បាន​ពិនិត្យ​លើ ៨០០​ ទីតាំងនៃហ្សែន​របស់​មនុស្ស ពាក់ព័ន្ធ​ជាមួយ​កម្ពស់​មនុស្សពេញវ័យ បង្ហាញ​ថា កម្ពស់​កាន់តែទាប បង្កើន​ភាពប្រឈម​​បង្ក​ជំងឺ​ ទឹកនោមផ្អែម និង​ជំងឺ ​សរសៃ​ឈាម​បេះដូង។

ក្រុមអ្នកស្រាវជ្រាវ រកឃើញថា គ្មាន​ភស្ដុតាងបង្ហាញ​ពី​ទំនាក់​ទំនង​រវាង​កម្ពស់ និង​ការ​ប្រឈម​ជំងឺជំងឺ​ទឹកនោមផ្អែម នៅលើ​សន្ទស្សន៍​ទម្ងន់​រាងកាយមនុស្សទេ ប៉ុន្ដែ​មាន​ទំនាក់ទំនង​រវាង​កម្ពស់ និង​ភាព​ប្រឈម​ជំងឺ​បេះដូង ត្រូវ​បាន​រកឃើញ។

កត្ដាប្រឈមជាច្រើនចំពោះ​ជំងឺ​បេះដូង ត្រូវបាន​ពិនិត្យ​លើកូលេស្តេរ៉ូល សម្ពាធឈាម ខ្លាំទ្រីឃ្លីសេរីត ភាគ​រយ​នៃ​ការឡើង​ទម្ងន់ និង​កត្ដា​សង្គម សេដ្ឋកិច្ច​ការអប់រំ និង​កត្តាចំណូល ជាដើម។ លទ្ធផលបង្ហាញ​ថា កត្ដា​ទាំង​នេះបាន​ចូលរួម​តិចតួច ជះ​ឥទ្ធិពល​ប្រឈម​ជំងឺ​បេះដូង ប៉ុន្តែ​បញ្ហា​សួត បែរ​ជាជះឥទ្ធិពល​កើតជំងឺ​បេះ​ដូង​កាន់​តែ​ខ្ពស់។

លោកបណ្ឌិត Eirini Marouli ដឹកនាំ​ការសិក្សា​នេះ និង​ជាសាស្រ្ដាចារ្យនៃ​សាលកវិទ្យាល័យ Queen Mary University of London បាន​បញ្ជាក់​ថា៖ “ការ​ស្វែងយល់​ទំនាក់ទំនងនៅពីក្រោយ​​ការ​អង្កេត​មួយ ដូចជា ទំនាក់ទំនងរវាង​កម្ពស់​មនុស្ស​ពេញវ័យ និង​កត្តាប្រឈម​ជំងឺ​បេះដូង គឺសំខាន់​សម្រាប់​ការ​សិក្សា​លើ​ជំងឺ​នេះ ក៏ដូចជា ដើម្បី​អាច​បង្ការ​ការពារ​ជំងឺ​បាន​ទាន់ពេល“។

លោកសាស្រ្ដាចារ្យ Panos Deloukas នៃ​សាលកវិទ្យាល័យ Queen Mary University of London បាន​ណែនាំ​ថា អ្នកមាន​កម្ពស់ទាប អាច​ពិចារណា​ហាត់ប្រាណ​ជាទៀងទាត់ និង​ចៀសវាង​របៀបរស់នៅ​ពុំសូវ​បញ្ចេញ​សកម្មភាព ​ការជក់​បារី ដើម្បី​កាត់បន្ថយកត្តាប្រឈម​ជំងឺបេះដូង ដូច​បាន​បង្ហាញ​ក្នុង​ការ​សិក្សា។ ផលប៉ះពាល់នៃមាន​កម្ពស់ទាប និងកត្តាប្រឈម​ជំងឺ​បេះដូង គឺ​អាស្រ័យ​ដោយ​មុខងារ​សួត”៕

អត្ថបទផ្ដល់ដោយ៖Hello krupet

ចុចអាន៖មិនថាក្មេងឬចាស់ ចៀសអាហារ ៥ ប្រភេទនេះ ដូចនៅឆ្ងាយពីជំងឺបេះដូង

ចុចអាន៖មានអាការ ៨នេះ អាចថាមានជំងឺស្ទះសួតរុំារ៉ៃ

The post អ្នកកម្ពស់ទាប ហើយមានបញ្ហាសួត ប្រឈមខ្ពស់កើតជំងឺបេះដូង appeared first on Kampuchea Thmey Daily.

រោគសញ្ញា និងអាការៈរបស់ជំងឺស្ទះសួតរ៉ាំរ៉ៃអាចមានដូចជា៖

• ហត់ជាពិសេសអំឡុងពេលហាត់ប្រាណ
• ឮសូរសម្លេងពេលដកដង្ហើម
• តឹងទ្រូង
• ក្អករុំារ៉ៃដែលមានស្លេស្មថ្លា ពណ៌ស លឿង ឬបៃតង
• ឆ្លងមេរោគផ្លូវដង្ហើមញឹកញាប់
• គ្មានកម្លាំង
• ស្រកទម្ងន់ដោយគ្មានមូលហេតុ
• ហើមកជើង ប្រអប់ជើង ឬជើង

ការប៉ះពាល់នឹងសារធាតុដែលបំផ្លាញសួត និងផ្លូវដង្ហើមយូរអាច​បណ្តាលឱ្យយើង​​កើតជំងឺ​ស្ទះសួត​រ៉ាំរ៉ៃ។ យើងអាចការពារ ឬកាត់បន្ថយការកើតជំងឺស្ទះ​សួតរុំារ៉ៃដោយ៖

• បញ្ឈប់ការជក់បារី
• កុំជក់បារី
• ចៀសវាង​ការស្រូបផ្សែងបារី
• ចៀសវាង​ការប៉ះពាល់ ឬស្រូបផ្សែង ឬចំហាយគីមី ឬធូលីដីជាដើម

ជំងឺស្ទះសួតរុំារ៉ៃព្យាបាលមិនជាទេ តែបើយើងសង្កេតថាមានរោគសញ្ញា ឬអាការដូចខាង​លើត្រូវ​ទៅ​ពិនិត្យជាបន្ទាន់ ព្រោះការព្យាបាលជំងឺនៅដំណាក់​​ស្រាល ឬដំបូងអាចទប់ស្កាត់​ជំងឺពី​ការវិវឌ្ឍ​ទៅ​ជាធ្ងន់ធ្ងរ។ងឺពីការវិវឌ្ឍទៅជាធ្ងន់ធ្ងរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អាហារ ១០ មុខនេះ ហូបសឹងរាល់ថ្ងៃមិនធុញ ថែមទាំងជួយបំប៉នសួតឲ្យរឹងមាំ នាសម័យកូវីដ

ចុចអាន៖ ពិត​អត់​ គេង​មិន​គ្រប់គ្រាន់​ប៉ះពាល់​ដល់​សុខភាព​សួត?

The post មានអាការ ៨នេះ អាចថាមានជំងឺស្ទះសួតរុំារ៉ៃ appeared first on Kampuchea Thmey Daily.

វេជ្ជបណ្ឌិត Penachani Chatmans មកពីមន្ទីពេទ្យ Thoracic Surgeon Rajavithi មាន​ប្រសាសន៍​ថា​ ចំពេលដែលមានកិច្ចខិតខំប្រឹងប្រែងក្នុងការប្រយុទ្ធប្រឆាំងនឹងជំងឺកូវីដ អង្គការ​សុខភាព​ពិភពលោក (WHO) និងអង្គការសុខភាព​សាធារណៈ​នៅ​ជុំវិញ​ពិភពលោក ​បាន​ឯកភាព​ថា វិធី​ល្អបំផុតដើម្បី​ដោះស្រាយ​ការរីករាលដាលនៃជំងឺកូវីដ គឺ​ពន្លឿន​ប្រជាជនឲ្យទៅទទួល​បាន​វ៉ាក់សាំង​យ៉ាងហោចណាស់ ៧០ភាគរយ ​ដើម្បី​បង្កើត​ភាព​ស៊ាំ​ក្នុង​ក្រុម ​ឬ​នៅ​ក្នុង​តំបន់​នីមួយៗ។

អង្គការសុខភាព​សាធារណៈថៃ ក៏​បានពន្លឿន​ការចាក់​ថ្នាំបង្ការ​ឲ្យ​បាន​ឆាប់តាម​ដែល​អាច​ធ្វើ​ទៅ​បាន ជាពិសេសជាមួយក្រុមដែល​មានហានិភ័យខ្ពស់ ដូចជា ​បុគ្គលិកពេទ្យជួរមុខ ក្រុម​មនុស្ស​ចាស់​អាយុ ៦០ ឆ្នាំឡើងទៅ រួមទាំង​អ្នកជំងឺដែល​មានក្រុមហានិភ័យចំនួន ៧ ដើម្បី​បង្កើត​អង់ទីគ័រ​ និង​កាត់បន្ថយភាពធ្ងន់ធ្ងរ​​ឲ្យ​តិចបំផុត។

ជាទូទៅក្រុមមនុស្សក្រុមដែលមានហានិភ័យខ្ពស់ដូចជា អ្នកជំងឺបេះដូង ជំងឺសរសៃឈាមបេះដូង និងជំងឺ​សួត ជំងឺផ្លូវ​ដង្ហើម​រ៉ាំរ៉ៃ ក្នុងចំណោមជំងឺដែល​មានហានិភ័យខ្ពស់​ទាំង ៧ តែងព្រួយបារម្ភអំពីហានិភ័យ នៃផល​ប៉ះពាល់ពី​វ៉ាក់សាំង​ដែល​អាច​ប៉ះពាល់​ដល់​ជំងឺ​មូលដ្ឋាន​ដែល​​មាន។ ប៉ុន្តែ​ការពិតទៅ អ្នកជំងឺដែលមានជំងឺទ្រូង (បេះដូង​និង​សួត) គឺ​ជា​អ្នក​ជំងឺ​ដែល​មាន​ហានិភ័យ​ខ្ពស់​បំផុត ហើយត្រូវតែ​ចាក់វ៉ាក់សាំង​ប្រឆាំងកូវីដ ឲ្យ​បាន​ឆាប់​តាម​ដែល​អាច​ធ្វើ​ទៅ​បាន។ ព្រោះប្រសិនបើអ្នក​ជំងឺ​បេះដូងនិងសួត​បានឆ្លងកូវីដ ​នោះការ​បង្ករោគនឹងរាលដាលដល់សួតជាខ្លាំង។ លើសពីនេះ ក៏​​ពិបាក​ព្យាបាល​ដល់ទៅ ១០ដង ច្រើន​ជាង​មនុស្ស​ធម្មតា​ទៅទៀត ហើយវាក៏មានហានិភ័យខ្ពស់នៃការបាត់បង់ជីវិតផងដែរ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖អ្នកមានជំងឺ៧មុខនេះត្រូវចាក់វ៉ាក់សាំងកូវីដដាច់ខាត ព្រោះបើឆ្លងហើយ គ្រោះថ្នាក់ដល់ជីវិត

ចុចអាន៖ចំណុចសំខាន់ៗ ឪពុកម្ដាយត្រូវដឹង មុននាំកូនអាយុ ៦-១២ ឆ្នាំ ទៅចាក់វ៉ាក់សាំង Sinovac 

The post វ៉ាក់សាំងកូវីដគ្រប់ដូស បានការពារអ្នកជំងឺបេះដូងនិងសួត ពីការស្លាប់ដល់ទៅ ៩០ ភាគរយ appeared first on Kampuchea Thmey Daily.

ផ្អែក​តាម​​លទ្ធផល​ស្រាវជ្រាវ​​ថ្មី​ៗ ដែល​​សហការ​ធ្វើ​ឡើង​ដោយ សាកលវិទ្យាល័យ​បារាំង De Versailles និង​សាកលវិទ្យាល័យ​អាមេរិក Harvard បាន​រក​ឃើញ​ថា អ្នក​​​ឧស្សាហ៍​នៅ​ក្បែរ​ផ្ទាល់​ស្រូប​ក្លិន​ផលិត​ផល​​​​​អនាម័យ​ទាំង​នោះ ដូច​ជា ថ្នាំ​លាប​ផ្ទះ ទឹក​ថ្នាំ​កម្ចាត់​មេរោគ Peroxide អាល់កុល ទឹក​​​អនាម័យ​ដែល​មាន​ជាតិ​អាស៊ីត Ammoniumពិសេស​គឺ​ទឹក​ថ្នាំ​លាង​សម្អាត​អនាម័យ​ ដែល​ភាគ​ច្រើន​ជា​បរិក្ខារ​ពេទ្យ នឹង​ជួប​ហានិភ័យ​​ជំងឺ​​​រលាក​សួត​​រ៉ាំ​រ៉ៃ​រហូត​ដល់​៣៨​% និង​បង្ក​ជា​ជំងឺ​ហឺត​ផង​ដែរ។

ជា​ដើម​ហេតុ​គឺ​ដោយ​សារ ពពួក​ថ្នាំ​សម្អាត​ខាង​លើ​នេះ ធ្វើ​ឲ្យ​កាត់​ (បំផ្លាញ​ជាលិកា) ពេល​ដក​ដង្ហើម​ស្រូប​ចូល ដោយ​បង្ក​ឲ្យ​​មាន​អាការៈ​ឈឺ​ក្បាល និង​ពិ​​បាក​ដក​ដង្ហើម ហើយ​ក៏​ធ្វើ​ឲ្យ​មាន​បញ្ហា រលាក​ភ្នែក និង​បំពង់​ក​ផង​ដែរ។

សម្រាប់​បញ្ហា​នេះ គឺ​​ច្រើន​ជា​ហានិភ័យ​ទៅ​លើ​​គ្រូ​ពេទ្យ ដែល​ជា​ញឹក​ញាប់​​គឺ​នៅ​ក្បែរ​របស់​ទាំង​នោះ ដោយ​តម្រូវ​ឲ្យ​មាន​​វិធី​​ការពារ​ខ្លួន ជាប់​​ជា​និច្ច ហើយ​​ក៏​កើត​​ឡើង​ដូច​គ្នា ចំពោះ​អ្នក​ជា​និច្ច​ជា​កាល​ឧស្សហ៍​​ប្រើ​ប្រាស់​ផលិត​ទាំង​នោះ។

ផ្អែក​តាម​ទិន្នន័យ​ពី​សាកលវិទ្យាល័យ Harvard ​ នៅ​សហរដ្ឋអាមេរិក មាន​មនុស្ស​ប្រមាណ​ ១៦​លាន​នាក់ បាន​រង​ផល​ប៉ះ​ពាល់​ដោយ​សារ​​តែ​បញ្ហា​ខាង​លើ ហើយ​ពិសេស​ធ្វើ​ឲ្យ​ពួក​គេ​មាន​បញ្ហា​សួត និង​ពិបាក​ដក​ដង្ហើម​ជាប់​រយៈ​ពេល​យូរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចំណាំមើលផង! បើមានសញ្ញាប៉ុន្មាននេះ សួតមានបញ្ហាហើយ

ចុចអាន៖ កត់ចំណាំរោគសញ្ញាដូចគ្នាមួយចំនួននៃជំងឺកូវីដ-១៩និងប្រតិកម្មអាឡ័កស៊ី

The post ផលិតផលកម្ចាត់មេរោគ ​អាចបង្កបញ្ហារ៉ាំរ៉ៃដល់សួតដែរ គួរប្រយ័ត្ន! appeared first on Kampuchea Thmey Daily.

លោកវេជ្ជបណ្ឌិតបានបន្តថា ជំងឺ Melioidosis បង្កឡើងដោយសារបាក់តេរី Burkholderia pseudomallei រស់នៅនឹងដីសើម ហើយកុមារនៅតាមជនបទ ដែលភាគច្រើនប្រឈមនឹងការកើតជំងឺនេះរួមមាន ព្រៃវែង ស្វាយរៀង តាកែវ កំពង់ស្ពឺ និងសៀមរាបជាដើម។

“យើងដឹងហើយថា កុមារនៅតាមជនបទយើងនៅតែនឹងដី ដូច្នេះមេរោគហ្នឹងឆ្លងមកក្នុងខ្លួនតាមរយៈការលេងដី ការផឹកទឹកមិនស្អាត។ ជំងឺនេះធ្ងន់ធ្ងរបំផុតឲ្យកុមារហើមសួតខ្លាំង រលាកសួតធ្ងន់ធ្ងរ ក្រៅនោះអាចចេញជាបូសកូនកណ្តុរ ជាជំងឺមួយធ្ងន់ អាចប៉ះពាល់ដល់ជីវិតកុមារ ហើយពិបាកព្យាបាលទៀត”។ លោកវេជ្ជបណ្ឌិត ហេង សុទ្ធី រៀបរាប់។

លោកវេជ្ជបណ្ឌិតថា រោគសញ្ញាជំងឺ Melioidosis ទម្រង់ធ្ងន់ ពិសេសហើមសួត (Pneumonia) និងមេរោគបាក់តេរីចូលក្នុងឈាម (Septic Shock) គឺមានអាការៈនាំឱ្យយើងច្រឡំនឹងគ្រុនឈាមធ្ងន់ធ្ងរ ហើយវាមានអត្រានាំឱ្យអ្នកជំងឺស្លាប់ខ្ពស់ណាស់។ ក្រៅពីនេះ វាមានទម្រង់ជាច្រើន ដូចជា ដំបៅនៅនឹងក ឬគុម្ពត្រចៀក (បូសកូនកណ្តុរ ឬបូសក្រពេញទឹកមាត់) ដំបៅមានខ្ទុះនៅនឹងស្បែក រលាកសន្លាក់ រលាកឆ្អឹង និងដំបៅនៅនឹងសរីរាង្គសំខាន់ៗ ដូចជា សួត ថ្លើម សាច់ដុំ ខួរក្បាល។ល។

– ដំបៅទាំងនេះ អាចជាទម្រង់ស្រាល និងនៅរ៉ាំរ៉ៃ ជាពិសេសដំបៅខ្ទុះនៅក ឬគុម្ពត្រចៀក (ច្រឡំនឹងម្រេញកូនកណ្តុរដោយរបេង) ឬដំបៅស្បែក។
– បើដំបៅនៅសរីរាង្គខាងក្នុង ច្រើនមានការប៉ះពាល់ដល់ជីវិត។

បានន័យថា មេរោគវាយប្រហារសរីរាង្គជាច្រើន ដូចនេះ រោគសញ្ញាមានការប្រែប្រួលទៅតាមសរីរាង្គ ដែលប៉ះពាល់។ ដូចនេះ បើកូនៗមានអាការៈក្តៅខ្លួនយូរថ្ងៃ មានដំបៅខ្ទុះនៅលើផ្នែកផ្សេងៗ នៃសារព៌ាង្គកាយ មានលក្ខណៈក្លាយ ឬក្រជាសះស្បើយ សូមប្រញាប់យកទៅពិគ្រោះជាមួយគ្រូពេទ្យជំនាញកុមារ។

សូមរក្សានូវក្បួនអនាម័យជាប្រចាំ ជាពិសេសត្រូវសម្អាតខ្លួនប្រាណកូនចៅជានិច្ច!

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ជំងឺរលាកសួតលើកុមារ គ្រោះថ្នាក់ណាស់! ចុះធ្វើ​ម៉េច​អាច​ដឹង​កូនកំពុងរលាក?

ចុចអាន៖ ប្រយ័ត្ន! ប្រភេទ​អាហារ​​​មិន​គួរ​ទទួលទាន​ក្នុង​រដូវ​នេះ ​អាច​​មាន​អាក្រក់​​ចំពោះ​ពោះវៀន​ធ្ងន់ធ្ងរ

The post រដូវភ្លៀងធ្លាក់ ទឹកលិច ដីសើម ក្មេងប្រឡាក់ ឬលេងដីភក់ អាចកើតជំងឺម្យ៉ាងនេះធ្ងន់ធ្ងរ ហើយពិបាកព្យាបាល appeared first on Kampuchea Thmey Daily.