បើសិនកូនលោកអ្នកមានជំងឺ Hutchinson-Gilford គាត់នឹងបង្ហាញរោគសញ្ញានៅអាយុប្រហែល ១ ខួប ទោះបីកើតមកប្រក្រតីក៏ដោយ ហើយរោគសញ្ញាទាំងនោះមានដូចជា ៖

• ការលូតលាស់ផ្នែកកម្ពស់ និងទម្ងន់ចុះខ្សោយ
• បាត់បង់ខ្លាញ់ក្នុងខ្លួន
• ជ្រុះសក់
• មានសរសៃក្បាលច្បាស់
• ស្បែកជ្រីវជ្រួញ
• ភ្នែកលៀន
• មាត់ស្ដើង
• ដៃជើងស្វិត ។

ជំងឺ Hutchinson-Gilford បណ្ដាលមកពីការផ្លាស់ប្ដូរហ្សែន LMNA ដែលមានតួនាទីផលិតប្រូតេអ៊ីនជួយរក្សាភាពរឹងមាំរចនាសម្ព័ន្ធនៃស្នូលក្នុងកោសិកា ដូច្នេះភាពចាស់ជាងវ័យគឺជាលទ្ធផលនៃហ្សែន LMNA ខ្សោយ ។

អ្នកជំនាញមិនគិតថាវាជាជំងឺតំណពូជទេ ទោះបីជំងឺ Progeria ប៉ះពាល់ដល់ហ្សែនក៏ដោយ មានន័យថាកូនទីពីររបស់អ្នកអាចមិនមានជំងឺ Hutchinson-Gilford ដូចគ្នាឡើយ ។ ទន្ទឹមនេះជំងឺ Progeria មានពីរប្រភេទធំៗរួមមាន Hutchinson-Gilford, និង Werner syndrome ដែលកើតចំពោះមនុស្សពេញវ័យ ។

ក្នុងករណីគ្រូពេទ្យសង្ស័យថាកូនលោកអ្នកមានផ្ទុកជំងឺខាងលើគាត់នឹងពិនិត្យរាងកាយ ឬធ្វើតេស្តឈាមដើម្បីបញ្ជាក់ យ៉ាងណាជំងឺ Progeria មិនអាចព្យាបាលបានទេ ៕

ប្រែសម្រួល ៖ វារី

ចុចអាន ៖ ជំងឺផ្លូវចិត្តម្យ៉ាងគិតថាស្អាតដាច់គេ ហើយមនុស្សគ្រប់គ្នាសុទ្ធតែលង់ស្នេហ៍នឹងខ្លួន

The post ជំងឺហ្សែនកម្រម្យ៉ាង ធ្វើឲ្យកុមារមានរូបរាងស្រដៀងមនុស្សភពផ្កាយ appeared first on Kampuchea Thmey Daily.