ជំនាញវិជ្ជាជីវៈ Archives - Kampuchea Thmey Daily

មន្ត្រីជំនាញខេត្តកំពត អំពាវនាវដល់យុវជនមានជីវភាពខ្វះខាត ឲ្យចូលរៀនវគ្គជំនាញវិជ្ជាជីវៈដើម្បីមានការងារធ្វើ

Sokhom Khon — Tue, 15 Jul 2025 00:42:11 +0000

មន្ត្រីជំនាញនៃវិទ្យាស្ថានពហុបច្ចេកទេសភូមិភាគតេជោសែនកំពត បានបន្តអំពាវនាវដល់យុវជន និងពលរដ្ឋមានជីវភាពខ្វះខាតសូមមកចុះឈ្មោះចូលរៀនវគ្គសិក្សាជំនាញវិជ្ជាជីវៈ និងបច្ចេកទេស កម្មវិធី ១លាន ៥សែន របស់រាជរដ្ឋាភិបាល ដើម្បីទទួលបានជំនាញ និងឱកាសការងារ។

លោក នាក់ ណាន នាយករងវិទ្យាស្ថានពហុបច្ចេកទេសភូមិភាគតេជោសែនកំពត បានបញ្ជាក់ថា សម្រាប់វគ្គសិក្សាជំនាញវិជ្ជាជីវៈ និងបច្ចេកទេស កម្មវិធី ១លាន ៥សែន របស់រាជរដ្ឋាភិបាល គិតមកដល់ពេលនេះ វិទ្យាស្ថានបានបណ្តុះបណ្តាលសិស្សសរុបជាង៨០០នាក់ ហើយក្នុងចំណោមសិស្សបានរៀនចប់៣៤៤នាក់ មានអត្រាសិស្សទទួលបានការងារធ្វើប្រមាណ៨៥%។

លោក ជ្រុន គឹមឡេង នាយកវិទ្យាស្ថានពហុបច្ចេកទេសភូមិភាគតេជោសែនកំពត ក៏បានបញ្ជាក់ដែរថា ការបណ្តុះបណ្តាលជំនាញវិជ្ជាជីវៈ និងបច្ចេកទេស នៃកម្មវិធីបណ្តុះបណ្តាលយុវជន១លាន៥សែននាក់របស់រាជរដ្ឋាភិបាល មានគោលបំណងផ្ដល់នូវជំនាញមួយប្រចាំជីវិត ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្នុងសញ្ញាបត្របច្ចេកទេសបណ្តុះបណ្តាលវិជ្ជាជីវៈ ដើម្បីទទួលបានឱកាសការងារ និងបង្កើតមុខរបរដោយខ្លួនឯង ប្រកបដោយភាពម្ចាស់ការ មានគុណភាព លទ្ធភាពខ្ពស់ សម្រាប់ផ្គត់ផ្គង់ និងឆ្លើយតបតាមតម្រូវការទីផ្សារ ប្រកដដោយចីវភាព ភាពធន់ បត្យាប័ន។

ក្នុងស្មារតីនេះ វិទ្យាស្ថានពហុបច្ចេកទេសភូមិភាគតេជោសែនកំពត ដោយមានការជំរុញលើកទឹកចិត្តពីរដ្ឋន្ត្រីការងារ ពិសេសលោកអភិបាលខេត្ត វិទ្យាស្ថានបានបណ្តុះបណ្តាលសិស្សសម្រាប់ឆ្នាំ២០២៤ បានសិស្ស៥៤៥នាក់ ឆ្នាំ២០២៥បាន២៦៥នាក់ ហើយសិស្សរៀនចប់ ទទួលបានការងារធ្វើក្នុងអត្រាប្រមាណ៨៥ភាគរយ។

សិស្សសិក្សាវគ្គជំនាញបញ្ចេកទេស ១.៥សែន បានបង្ហាញចំណាប់អារម្មណ៍សប្បាយរីករាយ និងថ្លែងអំណរគុណយ៉ាងខ្លាំង ចំពោះរាជរដ្ឋាភិបាលដែលបានផ្តល់ឱកាសដល់ពួកគាត់ បានសិក្សាដោយឥតគិតថ្លៃ ដើម្បីមានជំនាញមួយច្បាស់លាស់ ងាយរកការងារល្អធ្វើក្រោយពេលរៀនចប់។

បើតាមមន្ត្រីជំនាញថា វិទ្យាស្ថានបាននិងកំពុងយកចិត្តទុកដាក់យ៉ាងខ្លាំងលើការងារផ្សព្វផ្សាយជំរុញដល់យុវជនដែលមានជីវភាពខ្វះខាត និងងាយរងរងគ្រោះ នៅតាមមូលដ្ឋានក្នុងខេត្តកំពត ឲ្យមកចុះឈ្មោះចូលរៀនវគ្គ១លាន៥សែន ពិសេសវិទ្យាស្ថានបានខិតខំបង្កើនទំនាក់ទំនងល្អជាមួយក្រុមហ៊ុន សហគ្រាស រោងចក្រនានា ដើម្បីស្វែងរកឱកាសការងារជូនដល់សិស្សដែលបានមករៀននៅវិទ្យាស្ថាន៕

អត្ថបទ៖ សឹង រ៉ាត់

The post មន្ត្រីជំនាញខេត្តកំពត អំពាវនាវដល់យុវជនមានជីវភាពខ្វះខាត ឲ្យចូលរៀនវគ្គជំនាញវិជ្ជាជីវៈដើម្បីមានការងារធ្វើ appeared first on Kampuchea Thmey Daily.

មន្ត្រីជាន់ខ្ពស់ ក្រើនរំលឹកយុវជនមកពីគ្រួសារក្រីក្រ និងងាយរងហានិភ័យ បង្កើនការចុះឈ្មោះចូលរៀនជំនាញដោយឥតគិតថ្លៃ

អ៊ិន ពិសី — Sat, 08 Feb 2025 04:39:23 +0000

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានក្រើនរំលឹក និងលើកទឹកចិត្តដល់យុវជនមកពីគ្រួសារក្រីក្រ និងយុវជនមកពីគ្រួសារងាយរងហានិភ័យ និងយុវជនទូទៅ ចុះឈ្មោះចូលរៀនជំនាញដោយឥតគិតថ្លៃឱ្យបានច្រើនបន្ថែមទៀត ដើម្បីឆ្លើយតបទៅនឹងតម្រូវការទីផ្សារការងារ នាពេលបច្ចុប្បន្ន និងទៅថ្ងៃអនាគត។

លោក កត្តា អ៊ន បានមានប្រសាសន៍ថា «នៅពេលបងប្អូនមានជំនាញមួយច្បាស់លាស់ បងប្អូនទទួលបានការងារធ្វើ និងមានប្រាក់ចំណូលសមរម្យសម្រាប់ចិញ្ចឹមខ្លួនឯងផង និងក្រុមគ្រួសារ បានធ្វើឱ្យជីវភាពរស់នៅបានកាន់តែប្រសើរជាងមុន»។

លោកបានបន្តថា ការចុះឈ្មោះចូលរៀនជំនាញនេះគឺមិនគិតថ្លៃឡើយ។ ចំពោះយុវជនមកពីគ្រួសារក្រីក្រ និងគ្រួសារងាយរងហានិភ័យ ចូលរៀនមិនត្រឹមតែអត់គិតថ្លៃប៉ុណ្ណោះទេ ថែមទាំងទទួលបានប្រាក់ឧបត្ថម្ភប្រមាណ ២៨ ម៉ឺនរៀល សម្រាប់ដោះស្រាយជីវភាពប្រចាំថ្ងៃពេលកំពុងសិក្សា ៤ ខែ ទៀតផង។ រីឯយុវជនមកពីគ្រួសារធម្មតា ក៏អាចចូលសិក្សាដោយឥតគិតថ្លៃដែរ តែមិនទទួលបានប្រាក់ឧបត្ថម្ភដូចយុវជនគ្រួសារក្រីក្រ និងគ្រួសារងាយរងហានិភ័យនោះទេ។

លោក កត្តា អ៊ន បានបន្តទៀតថា កម្មវិធីបណ្ដុះបណ្ដាលយុវជនមកពីគ្រួសារក្រីក្រ និងងាយរងហានិភ័យប្រមាណ ១ លាន ៥ សែននាក់ នេះ ត្រូវបានរាជរដ្ឋាភិបាលប្រកាសបើកជាផ្លូវការ កាលពីថ្ងៃទី ១៤ ខែវិច្ឆិកា ឆ្នាំ ២០២៣ និងបានបើកវគ្គបណ្ដុះបណ្ដាលវគ្គទី ១ កាលពីថ្ងៃទី ១៥ ខែមករា ឆ្នាំ ២០២៤ ហើយគិតត្រឹមគិតត្រឹមថ្ងៃទី ៣១ ខែមករា ឆ្នាំ ២០២៥ មានសិស្សស្នើចុះឈ្មោះចូលរៀនសរុបចំនួន ៩២ ៦៧៣នាក់ (ស្រី ៣៧ ៥១៥នាក់) ក្នុងនោះក្រុម គោលដៅ ចំនួន ៣៥ ១៥១ នាក់ (ស្រី ១៨ ៣៩៤ នាក់)។ សិស្សកំពុងរៀនចំនួន ៣០ ៩២២ នាក់ (ស្រី ១៤ ១៣១ នាក់) ក្នុងនោះក្រុមគោលដៅចំនួន ១២ ៩៨០ នាក់ (ស្រី ៧ ៩៣៩នាក់)។ សិស្សបានបញ្ចប់ការសិក្សាសរុបចំនួន ២១ ៨៥៦ នាក់ (ស្រី ៨ ០៤១ នាក់) ក្នុងនោះ ក្រុមគោលដៅចំនួន ៩ ៥៩៨ នាក់ (ស្រី ៤ ៨៣២ នាក់) និងសិស្សទទួលបានការងារធ្វើសរុបចំនួន ១១ ០៨៤ នាក់ (ស្រី ៤ ១២៤ នាក់) ក្នុងនោះក្រុមគោលដៅចំនួន ៥ ១៩២ នាក់ (ស្រី ២ ៣០៨ នាក់)។

លោកបានបន្ថែមថា ដើម្បីឆ្លើយតបនឹងតម្រូវការទីផ្សារការងារនាពេលបច្ចុប្បន្ន និងអនាគត ក្រសួងបានរៀបចំវិស័យចំនួន ១០ និងជំនាញអាទិភាពចំនួន ៤៥ មុខជំនាញ ដើម្បីឱ្យប្រជាពលរដ្ឋម្នាក់មានជំនាញមួយយ៉ាងតិចប្រចាំជីវិត និងអាចប្រកបមុខរបរការងារសម្រាប់ចិញ្ចឹមជីវិត ដែលជំនាញទាំងនោះរួមមាន ការដំឡើងដំបូល ,ការថែទាំ និងជួសជុលទោចក្រយានយន្ត,ការថែទាំ និងជួសជុលម៉ាស៊ីនធុនតូច,ការដំឡើង និងថែទាំបណ្ដាញកុំព្យូទ័រ,ការដំឡើង និងអនុវត្តបច្ចេកវិទ្យាឌីជីថល,ការងារការិយាល័យជួរមុខ និងសេវាកម្មម្ហូបអាហារ និងភេសជ្ជៈ ,សំណង់ អគ្គិសនី និងថាមពល ,អេឡិចត្រូនិក , កម្មន្តសាល, មេកានិចទូទៅ/មេកានិចរថយន្ត , ធុរកិច្ចនិងព័ត៌មានវិទ្យា, សេវាកម្ម , បរិក្ខារត្រជាក់ និងកម្តៅ ,ទេសចរណ៍ និងកសិកម្ម និង កសិ-ឧស្សាហកម្ម៕

អត្ថបទ ៖ សំអឿន

The post មន្ត្រីជាន់ខ្ពស់ ក្រើនរំលឹកយុវជនមកពីគ្រួសារក្រីក្រ និងងាយរងហានិភ័យ បង្កើនការចុះឈ្មោះចូលរៀនជំនាញដោយឥតគិតថ្លៃ appeared first on Kampuchea Thmey Daily.

ត្រឹមដើមឆ្នាំនេះ យុវជនក្រីក្រ និងងាយរងហានិភ័យជាង ៩ ម៉ឺននាក់ បានចុះឈ្មោះចូលរៀនជំនាញដោយឥតគិតថ្លៃ

អ៊ិន ពិសី — Thu, 06 Feb 2025 01:28:34 +0000

គិតត្រឹមដើមឆ្នាំ ២០២៥ នេះ មានយុវជនមកពីគ្រួសារក្រីក្រ និងគ្រួសារងាយរងហានិភ័យជាង ៩ ម៉ឺននាក់ បានចុះឈ្មោះចូលរៀនកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ដោយឥតគិតថ្លៃ បន្ទាប់ពីរាជរដ្ឋាភិបាលបានដាក់ដំណើរការកម្មវិធីនេះកាលពីពាក់កណ្តាលខែវិច្ឆិកា ឆ្នាំ ២០២៣ រួចមក។

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ០៦ កុម្ភៈ នេះថា កម្មវិធីបណ្ដុះបណ្ដាលយុវជនមកពីគ្រួសារក្រីក្រ និងងាយរងហានិភ័យប្រមាណ ១ លាន ៥ សែននាក់ នេះ ត្រូវបានរាជរដ្ឋាភិបាលប្រកាសបើកជាផ្លូវការ កាលពីថ្ងៃទី ១៤ ខែវិច្ឆិកា ឆ្នាំ ២០២៣ និងបានបើកវគ្គបណ្ដុះបណ្ដាលវគ្គទី ១ កាលពីថ្ងៃទី ១៥ ខែមករា ឆ្នាំ ២០២៤ ហើយគិតត្រឹមគិតត្រឹមថ្ងៃទី ៣១ ខែមករា ឆ្នាំ ២០២៥ មានសិស្សស្នើចុះឈ្មោះចូលរៀនសរុបចំនួន ៩២ ៦៧៣ នាក់ (ស្រី ៣៧ ៥១៥ នាក់) ក្នុងនោះ ក្រុមគោលដៅ ចំនួន ៣៥ ១៥១ នាក់ (ស្រី ១៨ ៣៩៤ នាក់)។ សិស្សកំពុងរៀនចំនួន ៣០ ៩២២ នាក់ (ស្រី ១៤ ១៣១ នាក់) ក្នុងនោះ ក្រុមគោលដៅចំនួន ១២ ៩៨០ នាក់ (ស្រី ៧ ៩៣៩ នាក់)។ សិស្សបានបញ្ចប់ការសិក្សាសរុបចំនួន ២១ ៨៥៦ នាក់ (ស្រី ៨ ០៤១ នាក់) ក្នុងនោះ ក្រុមគោលដៅចំនួន ៩ ៥៩៨ នាក់ (ស្រី ៤ ៨៣២ នាក់) និងសិស្សទទួលបានការងារធ្វើសរុបចំនួន ១១ ០៨៤ នាក់ (ស្រី ៤ ១២៤ នាក់) ក្នុងនោះក្រុមគោលដៅចំនួន ៥ ១៩២ នាក់ (ស្រី ២ ៣០៨ នាក់)។

លោក កត្តា អ៊ន បានអំពាវនាវដល់យុវជនមកពីគ្រួសារក្រីក្រ និងយុវជនមកពីគ្រួសារងាយរងហានិភ័យ និងយុវជនទូទៅ ចុះឈ្មោះចូលរៀនជំនាញឱ្យបានច្រើនបន្ថែមទៀត ដើម្បីឆ្លើយតបទៅនឹងតម្រូវការទីផ្សារការងារ នាពេលបច្ចុប្បន្ន និងទៅថ្ងៃអនាគត។ ចំពោះយុវជនមកពីគ្រួសារក្រីក្រ និងគ្រួសារងាយរងហានិភ័យ ចូលរៀនមិនត្រឹមតែអត់គិតថ្លៃប៉ុណ្ណោះទេ ថែមទាំងទទួលបានប្រាក់ឧបត្ថម្ភប្រមាណ ២៨ ម៉ឺនរៀល សម្រាប់ដោះស្រាយជីវភាពប្រចាំថ្ងៃពេលកំពុងសិក្សា ៤ ខែ ទៀតផង។ រីឯយុវជនមកពីគ្រួសារធម្មតា ក៏អាចចូលសិក្សាដោយឥតគិតថ្លៃដែរ តែមិនទទួលបានប្រាក់ឧបត្ថម្ភដូចយុវជនគ្រួសារក្រីក្រ និងគ្រួសារងាយរងហានិភ័យនោះទេ។

លោកបានបន្ថែមថា ដើម្បីឆ្លើយតបនឹងតម្រូវការទីផ្សារការងារនាពេលបច្ចុប្បន្ន និងអនាគត ក្រសួងបានរៀបចំវិស័យចំនួន ១០ និងជំនាញអាទិភាពចំនួន ៤៥ មុខជំនាញ ដើម្បីឱ្យប្រជាពលរដ្ឋម្នាក់មានជំនាញមួយយ៉ាងតិចប្រចាំជីវិត និងអាចប្រកបមុខរបរការងារសម្រាប់ចិញ្ចឹមជីវិត ដែលជំនាញទាំងនោះរួមមាន ការដំឡើងដំបូល ,ការថែទាំ និងជួសជុលទោចក្រយានយន្ត,ការថែទាំ និងជួសជុលម៉ាស៊ីនធុនតូច,ការដំឡើង និងថែទាំបណ្ដាញកុំព្យូទ័រ,ការដំឡើង និងអនុវត្តបច្ចេកវិទ្យាឌីជីថល,ការងារការិយាល័យជួរមុខ និងសេវាកម្មម្ហូបអាហារ និងភេសជ្ជៈ ,សំណង់ អគ្គិសនី និងថាមពល ,អេឡិចត្រូនិក , កម្មន្តសាល, មេកានិចទូទៅ/មេកានិចរថយន្ត , ធុរកិច្ចនិងព័ត៌មានវិទ្យា, សេវាកម្ម , បរិក្ខារត្រជាក់ និងកម្តៅ ,ទេសចរណ៍ និងកសិកម្មនិង កសិ-ឧស្សាហកម្ម៕

អត្ថបទ ៖ សំអឿន

The post ត្រឹមដើមឆ្នាំនេះ យុវជនក្រីក្រ និងងាយរងហានិភ័យជាង ៩ ម៉ឺននាក់ បានចុះឈ្មោះចូលរៀនជំនាញដោយឥតគិតថ្លៃ appeared first on Kampuchea Thmey Daily.

មន្ត្រីជាន់ខ្ពស់ ជំរុញ អ្នកសេដ្ឋកិច្ចក្រៅប្រព័ន្ធ សិក្សាជំនាញវិជ្ជាជីវៈ និងបច្ចេកទេស បង្កើនប្រាក់ចំណូលលើកស្ទួយសេដ្ឋកិច្ចគ្រួសារ

អ៊ិន ពិសី — Fri, 17 Jan 2025 07:59:38 +0000

មន្ត្រីជាន់ខ្ពស់ក្រសួងការងារ និងបណ្ដុះបណ្ដាលវិជ្ជាជីវៈ បានលើកទឹកចិត្ត និងជំរុញដល់អ្នកសេដ្ឋកិច្ចក្រៅប្រព័ន្ធ ត្រូវសិក្សាជំនាញវិជ្ជាជីវៈ និងបច្ចេកទេស ដើម្បីមានមុខរបរ និងការងារ មានប្រាក់ចំណូលសម្រាប់ទ្រទ្រង់ជីវភាពគ្រួសារកាន់តែប្រសើរ។

ក្នុងពិធីសន្និបាតសាមញ្ញស្ដីពីការបូកសរុបលទ្ធផលការងារឆ្នាំ ២០២៤ និងលើកទិសដៅការងារឆ្នាំ ២០២៥ របស់សមាគមទ្រទ្រង់សេវាកម្សាន្ត និងសេដ្ឋកិច្ចក្រៅប្រព័ន្ធនៅកម្ពុជា (ស.ស.ក) កាលពីពេលថ្មីៗ នេះ លោក ងុយ រិទ្ធ រដ្ឋលេខាធិការ និងតំណាងដ៏ខ្ពង់ខ្ពស់ លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានណែនាំដល់សមាគម ត្រូវខិតខំបង្កើនជំនឿទុកចិត្តពីសមាជិក ដោយបម្រើផលប្រយោជន៍ជូនសមាជិកតាមទិសដៅផែនការដាក់ចេញប្រកបដោយផ្លែផ្កា ទាំងបរិមាណ គុណភាព និងប្រសិទ្ធិផល។

ពង្រីកសមាជិកថ្មីឱ្យបានកាន់តែច្រើន ដើម្បីមានសំឡេងកាន់តែខ្លាំងក្នុងការចូលរួមធ្វើជាភាពតំណាងក្នុងវិស័យសេដ្ឋកិច្ចក្រៅប្រព័ន្ធ។

ត្រូវបន្តចូលរួមជំរុញការអនុវត្តកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស និងកម្មវិធីរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់បុគ្គលស្វ័យនិយោជន៏ និងអ្នកនៅក្នុងបន្ទុកសមាជិក ប.ស.ស។

បន្តចូលរួមផ្សព្វផ្សាយគោលនយោបាយរបស់រដ្ឋាភិបាលអំពីយុទ្ធសាស្ត្រជាតិស្ដីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ ២០២៣-២០២៨។

បន្តបង្កើនទំនាក់ទំនងសហប្រតិបត្តិការជាមួយដៃគូអភិវឌ្ឍន៍ ស្ថាប័នរដ្ឋ អង្គការក្រៅរដ្ឋាភិបាល ប្រកបដោយប្រសិទ្ធភាព ដើម្បីគាំទ្របេសកកម្មសមាគមបម្រើសមាជិក និងបន្តកិច្ចសហការជាមួយក្រុមការងារទទួលបន្ទុកសេដ្ឋកិច្ចក្រៅប្រព័ន្ធខណ្ឌ ដើម្បីបង្កើនសកម្មភាព និងផ្តល់សេវាកម្មទាក់ទងនឹងការបណ្ដុះបណ្ដាលជំនាញវិជ្ជាជីវៈ បណ្ណមូលនិធិសុខាភិបាល កិច្ចការពារសិទ្ធិការងារក្នុងសេដ្ឋកិច្ចក្រៅប្រព័ន្ធ និងការបង្កើតការងារប្រកបដោយប្រសិទ្ធភាពខ្ពស់។

លោក ងុយ រិទ្ធ បានថ្លែងការកោតសរសើរចំពោះការរីកចម្រើនយ៉ាងឆាប់រហ័សរបស់សមាគមក្នុងការពង្រីកសមាជិកបានកើនឡើងដល់ ៤,៣៣៦ នាក់ (ស្រី ២,៤៩៨ នាក់) ទីតាំងសេវាកម្សាន្តកើនដល់ ២៥៣ ទីតាំង ក្នុងនោះ ភោជនីយដ្ឋាន និង KTV មានចំនួន ២១៥, បៀរហ្គាឌិន ចំនួន ២៤, ក្លិបកម្សាន្ត ចំនួន ១២ និងឌិស្កូតែក ចំនួន ២។ ជាមួយគ្នានេះ សមាគម បាននិងកំពុងចូលរួមយ៉ាងសកម្មក្នុងសកម្មភាពស្របតាមគោលនយោបាយរបស់រាជរដ្ឋាភិបាលកម្ពុជា ចំពោះការគិតគូរយកចិត្តទុកដាក់ខ្ពស់ដល់ប្រជាពលរដ្ឋសេដ្ឋកិច្ចក្រៅប្រព័ន្ធ ជាពិសេសអ្នកបម្រើការក្នុងផ្នែកសេវាកម្សាន្ត៕

អត្ថបទ ៖ សំអឿន

The post មន្ត្រីជាន់ខ្ពស់ ជំរុញ អ្នកសេដ្ឋកិច្ចក្រៅប្រព័ន្ធ សិក្សាជំនាញវិជ្ជាជីវៈ និងបច្ចេកទេស បង្កើនប្រាក់ចំណូលលើកស្ទួយសេដ្ឋកិច្ចគ្រួសារ appeared first on Kampuchea Thmey Daily.

ប្រធានសមាគម IDEA ថា កម្មវិធីបណ្តុះបណ្តាលជំនាញវិជ្ជាជីវៈដើរតួនាទីយ៉ាងសំខាន់ក្នុងការជំរុញអ្នកក្រៅប្រព័ន្ធឲ្យចូលទៅក្នុងប្រព័ន្ធកាន់តែច្រើន ស្របតាមគោលនយោបាយរបស់រដ្ឋាភិបាល

Sokhom Khon — Tue, 26 Nov 2024 05:04:18 +0000

សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ហៅកាត់ថា IDEA បានលើកឡើងថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧ បានដើរតួនាទីយ៉ាងសំខាន់ក្នុងការជំរុញអ្នកប្រកបរបរសេដ្ឋកិច្ចក្រៅប្រព័ន្ធឱ្យចូលទៅក្នុងប្រព័ន្ធកាន់តែច្រើនឡើង ស្របតាមយុទ្ធសាស្ត្រជាតិ ស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ របស់រាជរដ្ឋាភិបាលកម្ពុជា។

លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ហៅកាត់ IDEA បានគូសបញ្ជាក់ថា ការដាក់ចេញនូវកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ គឺជាឱកាសថ្មីស្រឡាងមួយសម្រាប់បងប្អូនប្រជាពលរដ្ឋដែលមានជីវភាពខ្វះខាតជាពិសេសអ្នកប្រកបរបរសេដ្ឋកិច្ចក្រៅប្រព័ន្ធអាចសិក្សាជំនាញវិជ្ជាជីវៈដោយឥតគិតថ្លៃនិងទទួលបានប្រាក់ឧបត្ថម្ភសម្រាប់បង្កើតជំនាញថ្មីមួយទៀត ក្រៅតែពីការលក់ដូរបន្តិចបន្តួចដែលមានប្រាក់ចំណូលទាប។ លោកវាយតម្លៃខ្ពស់ពីកម្មវិធីបណ្តុះបណ្តាលថ្នាក់ជាតិមួយនេះថា ជាការលើកកម្ពស់ជីវភាពរបស់អ្នកសេដ្ឋកិច្ចក្រៅប្រព័ន្ធ។

ប្រធានសមាគមរូបនេះ បានបន្ថែមថាកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសក៏ជាកម្មវិធីបណ្តុះបណ្តាលថ្នាក់ជាតិមួយដែលអាចកែប្រែជីវភាពរបស់ពលរដ្ឋដែលជាអ្នកសេដ្ឋកិច្ចក្រៅប្រព័ន្ធនៅពេលអនាគតដ៏ខ្លីខាងមុខ ពីព្រោះជំនាញវិជ្ជាជីវៈដែលពួកគេទទួលបានជាឱកាសក្នុងការបង្កើតរបរថ្មីដែលមានប្រាក់ចំណូលសមរម្យជាងមុន។ លើសពីនេះអ្នកសេដ្ឋកិច្ចក្រៅប្រព័ន្ធអាចផ្លាស់ប្តូមុខរបរថ្មី បានបន្ទាប់ពីបានសិក្សាជំនាញដោយឥតគិតថ្លៃ និងមានប្រាក់ឧបត្ថម្ភពីសំណាក់រាជរដ្ឋាភិបាលកម្ពុជា។

លោក វន់ ពៅ សង្ឃឹមយ៉ាងមុតមាំថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសនឹងចូលរួមចំណែកយ៉ាងសំខាន់ក្នុងការផ្លាស់ប្តូអនាគតបងប្អូនប្រជាពលរដ្ឋដែលជាអ្នកសេដ្ឋកិច្ចក្រៅប្រព័ន្ធស្របតាមគោលនយោបាយរបស់រាជរដ្ឋាភិបាលកម្ពុជា។ កម្មវិធីបណ្តុះបណ្តាលជំនាញវិជ្ជាជីវៈនេះគឺជាការយកចិត្តទុកដាក់ថ្មីមួយទៀតរបស់រាជរដ្ឋាភិបាលមកលើអ្នកសេដ្ឋកិច្ចក្រៅប្រព័ន្ធ។ លោកបានអំពាវនាវឱ្យអ្នកសេដ្ឋកិច្ចក្រៅប្រព័ន្ធឱ្យមកទទួលយកឱកាសក្នុងការសិក្សាជំនាញដ៏សំខាន់មួយនេះដើម្បីផ្លាស់ប្តូជីវភាពអនាគតរបស់ពួកគេ។

ចំណែកឯកឧត្តម យ៉ោក សុទ្ធី នាយកវិទ្យាស្ថានជាតិបណ្តុះបណ្តាលបច្ចេកទេស NTTI នៃក្រសួងការងារ និងបណ្តុះបណ្តាលវិជ្ជាជីវៈលើកឡើងដែរថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស(TVET) របស់រាជរដ្ឋាភិបាលអាណត្តិទី៧ គឺបាននិងកំពុងដំណើរការរយៈពេល១ឆ្នាំហើយ ដោយកម្មវិធីបណ្តុះបណ្តាលថ្នាក់ជាតិមួយនេះដើរតួនាទីយ៉ាងសំខាន់ក្នុងការបណ្តុះបណ្តាលកម្លាំងជំនាញនៅកម្ពុជា និងកែប្រែអភិវឌ្ឍន៍សមត្ថភាពរបស់យុវជន និងពលរដ្ឋកម្ពុជា។

នាយកវិទ្យាស្ថានជាតិបណ្តុះបណ្តាលបច្ចេកទេសរូបនេះបញ្ជាក់ថា ការបណ្តុះបណ្តាលជំនាញវិជ្ជាជីវៈបានដំណើរការយ៉ាងរលូន និងទទួលបានពលរដ្ឋចុះឈ្មោះរៀនជំនាញរាប់ម៉ឺននាក់ក្នុងរយៈពេល១ឆ្នាំមកនេះ។ ដោយឡែកយុវជនសិក្សាជំនាញរបស់រាជរដ្ឋាភិបាលទាំងនោះបានទទួលការងារធ្វើសមរម្យ, កំពុងចុះកម្មសិក្សានៅតាមក្រុមហ៊ុនឯកជននានាក្រោមកិច្ចសម្របសម្រួលរបស់ក្រសួងការងារ និងបណ្តុះបណ្តាលវិជ្ជាជីវៈ។

បើតាមក្រសួងការងារ និងបណ្តុះបណ្តាលវិជ្ជាជីវៈ ចាប់តាំងពីរាជរដ្ឋាភិបាលកម្ពុជាបានដាក់ឱ្យអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស កាលពីខែវិច្ឆិកា ឆ្នាំ២០២៣ រហូតមកដល់ខែវិច្ឆិកា ឆ្នាំ២០២៤នេះ កម្មវិធីបណ្តុះបណ្តាលថ្នាក់ជាតិមួយនេះបានទទួលសិស្សចុះឈ្មោះចូលរៀនសរុបចំនួនជាង៧មុឺននាក់នៅទូទាំងប្រទេស។ យោងតាមលទ្ធផលក្នុងរយៈពេលមួយឆ្នាំ កម្មវិធីបណ្តុះបណ្តាលថ្នាក់ជាតិមួយនេះបាននិងកំពុងបន្តបេសកកម្មរបស់ខ្លួនក្នុងការបណ្តុះបណ្តាលជំនាញដល់យុវជនយ៉ាងសកម្មនៅទូទាំងប្រទេស ហើយទទួលបានលទ្ធផលប្រកបដោយផ្លែផ្កា។ ក្នុងនោះនៅតាមគ្រឹះស្ថានបណ្តុះបណ្តាលបច្ចេកទេសនៅទូទាំងប្រទេសក៏បានប្រកាសជ្រើសរើសយុវជនចូលសិក្សាជំនាញជាបន្តបន្ទាប់ផងដែរ។

ទន្ទឹមនះ ក្រសួងការងារ និងបណ្តុះបណ្តាលវិជ្ជាជីវៈ បាននិងកំពុងធ្វើយុទ្ធនាការផ្សព្វផ្សាយអំពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧ ទ្រង់ទ្រាយធំ ក្នុងនោះអគ្គនាយកដ្ឋានជំនាញ មន្ទីរការងារ និងបណ្តុះបណ្តាលវិជ្ជាជីវៈ គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ គ្រប់រាជធានី-ខេត្តបានចេញយុទ្ធនាការផ្សព្វផ្សាយអំពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស មិនត្រឹមតែនៅតាមខ្នងផ្ទះប្រជាពលរដ្ឋតាមគោលដៅនោះទេ ក៏ប៉ុន្តែក្រសួងក៏មានយុទ្ធនាការផ្សព្វផ្សាយនៅតាមទីតាំងសាធារណៈ តាមរយៈការចែកខិតប័ណ្ណ អំពីកម្មវិធីបណ្តុះបណ្តាលថ្នាក់ជាតិនេះផងដែរ៕

The post ប្រធានសមាគម IDEA ថា កម្មវិធីបណ្តុះបណ្តាលជំនាញវិជ្ជាជីវៈដើរតួនាទីយ៉ាងសំខាន់ក្នុងការជំរុញអ្នកក្រៅប្រព័ន្ធឲ្យចូលទៅក្នុងប្រព័ន្ធកាន់តែច្រើន ស្របតាមគោលនយោបាយរបស់រដ្ឋាភិបាល appeared first on Kampuchea Thmey Daily.

យុវជនកម្ពុជា ជាង ៨ ម៉ឺននាក់ កំពុងសិក្សាជំនាញវិជ្ជាជីវៈនៅទូទាំងប្រទេស

អ៊ិន ពិសី — Tue, 17 Sep 2024 03:37:40 +0000

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ១៧ កញ្ញា នេះថា គិតត្រឹមថ្ងៃទី ៦ ខែកញ្ញា ឆ្នាំ ២០២៤ មានយុវជនកម្ពុជាកំពុងសិក្សាជំនាញនៅតាមសាលាបណ្ដុះបណ្ដាលវិជ្ជាជីវៈនានា ចំនួន ៨៤ ៤១០ នាក់ ស្រី ៣៤ ១០៣ នាក់។ ក្នុងនោះ មានសិស្សបញ្ចប់ការសិក្សាចំនួន ២១ ០០០ ស្រី ១១ ១៣១ នាក់។

លោកបានបន្តថា ក្នុងចំណោមសិស្សកំពុងរៀនចំនួន ៨៤ ៤១០ នាក់ ក្នុងនោះមានផ្នែកបរិញ្ញាបត្របច្ចេកទេស ចំនួន ២៨ ៤០២ នាក់ ស្រី ១០ ៩១៨ នាក់ សញ្ញាបត្រជាន់ខ្ពស់បច្ចេកទេស ចំនួន ១៦ ៥៥១ នាក់ ស្រី ៤ ៤៧៧ នាក់ សញ្ញាបត្របច្ចេកទេស និងវិជ្ជាជីវៈ ៣ (C3) ចំនួន ១ ៦៦៤ នាក់ ស្រី ៤៦១ នាក់ សញ្ញាបត្របច្ចេកទេស និងវិជ្ជាជីវៈ ២ (C2) ចំនួន ២ ៦៤៦ នាក់ ស្រី ៧៦៥ នាក់ សញ្ញាបត្របច្ចេកទេស និងវិជ្ជាជីវៈ ១ (C1) ចំនួន ២៤ ០៩២ នាក់ ស្រី ៩ ៩៩៧ នាក់ ហ្វឹកហ្វឺនកូនជាងចំនួន ១១ ០៥៥ នាក់ ស្រី ៧ ៤៨៥ នាក់។

លោកបានបន្តទៀតថា ចំណែកសិស្សបានបញ្ចប់ការសិក្សាសរុបចំនួន ២១ ០០០ ស្រី ១១ ១៣១ នាក់ ក្នុងនោះ មានបរិញ្ញាបត្របច្ចេកទេស ចំនួន ២០៦ នាក់ ស្រី ១០២ នាក់ សញ្ញាបត្រជាន់ខ្ពស់បច្ចេកទេស ចំនួន ៦០៥ នាក់ ស្រី ១០៧ នាក់ សញ្ញាបត្របច្ចេកទេស និងវិជ្ជាជីវៈ ២ (C2) ចំនួន ២៥៥ នាក់ ស្រី ១១៩ នាក់ សញ្ញាបត្របច្ចេកទេស និងវិជ្ជាជីវៈ ១ (C1) ចំនួន ៧ ១៥៤ នាក់ ស្រី ៩ ០៥៥ នាក់ និងហ្វឹកហ្វឺនកូនជាងចំនួន ១២ ២២៦ នាក់ ស្រី ៩ ០៥៥ នាក់។

លោក កត្តា អ៊ន បានបន្ថែមថា ក្រៅពីកម្មវិធីបណ្ដុះបណ្ដាលទូទៅ រាជរដ្ឋាភិបាលបានប្រកាសបើកកម្មវិធីបណ្ដុះបណ្ដាលយុវជនមកពីគ្រួសារក្រីក្រ និងងាយរងហានិភ័យប្រមាណ ១ លាន ៥ សែននាក់ ជាផ្លូវការ កាលពីថ្ងៃទី ១៤ ខែវិច្ឆិកា ឆ្នាំ ២០២៣ និងបានបើកវគ្គបណ្ដុះបណ្ដាលលើកទី ១ កាលពីថ្ងៃទី ១៥ ខែមករា ឆ្នាំ ២០២៤ ដោយមានជំនាញចំនួន ៤៥ បែងចែកតាមវិស័យចំនួន ១០ ដោយឥតគិតថ្លៃ ថែមទាំងទទួលប្រាក់ឧបត្ថម្ភចំនួន ២៨ ម៉ឺនរៀល ចំពោះសិស្សក្រីក្រ និងងាយរងហានិភ័យ។ រីឯយុវជនមកពីគ្រួសារធម្មតា ក៏អាចចូលសិក្សាដោយឥតគិតថ្លៃដែរ តែមិនទទួលបានប្រាក់ឧបត្ថម្ភដូចយុវជនគ្រួសារក្រីក្រ និងគ្រួសារងាយរងហានិភ័យនោះទេ។

លោក កត្តា អ៊ន បានបញ្ជាក់ថា គិតត្រឹមថ្ងៃទី ៦ ខែកញ្ញា ឆ្នាំ ២០២៤ មានសិស្សចុះឈ្មោះចូលរៀនជំនាញសរុបចំនួន ៥៧ ៤៦៨ នាក់ ស្រី ២១ ៤៥៨ នាក់ ក្នុងនោះ ក្រុមគោលដៅ ចំនួន ២០ ៤៩៨ នាក់ ស្រី ៩ ៣៣១ នាក់។ សិស្សកំពុងរៀនចំនួន ២៣ ៦៨២ នាក់ ស្រី ៩ ៧៩៥ នាក់ ក្នុងនោះ ក្រុមគោលដៅចំនួន ៩ ៩៨៧ នាក់ ស្រី ៥ ១៩១ នាក់។ សិស្សបានបញ្ចប់ការសិក្សាសរុបចំនួន ៧ ១១០ នាក់ ស្រី ១ ៧២៦ នាក់ ក្នុងនោះ ក្រុមគោលដៅចំនួន ២ ៨០៦ នាក់ ស្រី ១ ០៥២ នាក់ និងសិស្សទទួលបានការងារធ្វើសរុបចំនួន ២ ១១៨ នាក់ ស្រី ៥២៤ នាក់ ក្នុងនោះ ក្រុមគោលដៅចំនួន ១ ០៣០ នាក់ ស្រី ៣០៧ នាក់៕

អត្ថបទ ៖ សំអឿន

The post យុវជនកម្ពុជា ជាង ៨ ម៉ឺននាក់ កំពុងសិក្សាជំនាញវិជ្ជាជីវៈនៅទូទាំងប្រទេស appeared first on Kampuchea Thmey Daily.

អ្នកនាំពាក្យការងារ ៖ ស្ត្រីចុះឈ្មោះចូលរៀនជំនាញវិជ្ជាជីវៈតាមសាលាបណ្ដុះបណ្ដាលហាក់មានការកើនឡើង

អ៊ិន ពិសី — Tue, 17 Sep 2024 02:40:38 +0000

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ១៧ កញ្ញា នេះថា បច្ចុប្បន្នមានស្ត្រីជាច្រើនបានចាប់អារម្មណ៍ងាកមកចុះឈ្មោះសិក្សាទៅលើមុខជំនាញបច្ចេកទេស និងវិជ្ជាជីវៈ នៅតាមសាលាបណ្ដុះបណ្ដាលនានា ពិសេសជំនាញមេកានិករថយន្ត។

លោកបានបន្តថា ជាក់ស្តែងនៅក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ គិតត្រឹមថ្ងៃទី ៦ ខែកញ្ញា ឆ្នាំ ២០២៤ មានសិស្សចុះឈ្មោះចូលរៀនសរុបចំនួន ៥៧ ៤៦៨ នាក់ (ស្រី ២១ ៤៥៨ នាក់) ក្នុងនោះក្រុមគោលដៅ ចំនួន ២០ ៤៩៨ នាក់ (ស្រី ៩ ៣៣១ នាក់)។ សិស្សកំពុងរៀនចំនួន ២៣ ៦៨២ នាក់ (ស្រី ៩ ៧៩៥ នាក់) ក្នុងនោះក្រុមគោលដៅចំនួន ៩ ៩៨៧ នាក់ (ស្រី ៥១៩១ នាក់)។ សិស្សបានបញ្ចប់ការសិក្សាសរុបចំនួន ៧ ១១០ នាក់ (ស្រី ១ ៧២៦ នាក់) ក្នុងនោះ ក្រុមគោលដៅចំនួន ២ ៨០៦ នាក់ (ស្រី ១ ០៥២ នាក់) និងសិស្សទទួលបានការងារធ្វើសរុបចំនួន ២ ១១៨ នាក់ (ស្រី ៥២៤ នាក់) ក្នុងនោះក្រុមគោលដៅចំនួន ១ ០៣០ នាក់ (ស្រី ៣០៧ នាក់)។

លោកបានពន្យល់ថា ការដែលស្ត្រីចាប់អារម្មណ៍រៀនជំនាញវិជ្ជាជីវៈនេះ ដោយសារតែស្ត្រី និងបុរស មានសិទ្ធិស្មើគ្នា គឺបុរសអាចធ្វើអ្វីបាន ស្ត្រីក៏អាចធ្វើបានដូចគ្នា ហើយបច្ចុប្បន្ននេះទីផ្សារការងារដែលបុរសធ្វើ ស្ត្រីក៏អាចធ្វើបានដូចគ្នា ដូចជាមេកានិករថយន្តជាដើម មានស្ត្រីចុះឈ្មោះចូលរៀនមានការកើនឡើងទ្វេដង។

លោក កត្តា អ៊ន បានអំពាវនាវដល់យុវជនមកពីគ្រួសារក្រីក្រ និងយុវជនមកពីគ្រួសារងាយរងហានិភ័យ និងយុវជនទូទៅ ចុះឈ្មោះចូលរៀនជំនាញឱ្យបានច្រើនបន្ថែមទៀត ដើម្បីឆ្លើយតបទៅនឹងតម្រូវការទីផ្សារការងារនាពេលបច្ចុប្បន្ន និងទៅថ្ងៃអនាគត។ ចំពោះយុវជនមកពីគ្រួសារក្រីក្រ និងគ្រួសារងាយរងហានិភ័យ ចូលរៀនមិនត្រឹមតែអត់គិតថ្លៃប៉ុណ្ណោះទេ ថែមទាំងទទួលបានប្រាក់ឧបត្ថម្ភប្រមាណ ២៨ ម៉ឺនរៀល សម្រាប់ដោះស្រាយជីវភាពប្រចាំថ្ងៃពេលកំពុងសិក្សា ៤ ខែ ទៀតផង។ រីឯយុវជនមកពីគ្រួសារធម្មតា ក៏អាចចូលសិក្សាដោយឥតគិតថ្លៃដែរ តែមិនទទួលបានប្រាក់ឧបត្ថម្ភដូចយុវជនគ្រួសារក្រីក្រ និងគ្រួសារងាយរងហានិភ័យនោះទេ៕

អត្ថបទ ៖ សំអឿន

The post អ្នកនាំពាក្យការងារ ៖ ស្ត្រីចុះឈ្មោះចូលរៀនជំនាញវិជ្ជាជីវៈតាមសាលាបណ្ដុះបណ្ដាលហាក់មានការកើនឡើង appeared first on Kampuchea Thmey Daily.

សិក្ខាកាម ២៥ នាក់ មកពី ៦ ប្រទេស នៃតំបន់អាស៊ាន បានបញ្ចប់វគ្គសិក្សាជំនាញវិជ្ជាជីវៈនៅកម្ពុជាដោយជោគជ័យ

អ៊ិន ពិសី — Tue, 23 Apr 2024 04:06:39 +0000

សិក្ខាកាមចំនួន ២៥ នាក់ មកពី ៦ ប្រទេស នៃបណ្ដាប្រទេសអាស៊ាន រួមមាន ឥណ្ឌូណេស៊ី, ប្រ៊ុយណេ, មីយ៉ាន់ម៉ា, ហ្វីលីពីន វៀតណាម និងកម្ពុជា បានបញ្ចប់វគ្គបណ្ដុះបណ្ដាលស្ដីពី សិខ្វិន កុងត្រូល“Sequence Control”ដោយជោគជ័យ បន្ទាប់ពីបានសិក្សាអស់រយៈពេល ៣ ខែ រួចមក។

ថ្លែងក្នុងពិធីបិទវគ្គបណ្ដុះបណ្ដាលស្ដីពី “Sequence Control” សម្រាប់ជំនាន់ទី ២ ក្រោមគម្រោង ASEAN-ROK TVET Mobility Programme នៅព្រឹកថ្ងៃទី ២៣ មេសា នេះ នៅវិទ្យាស្ថានពហុបច្ចេកទេសព្រះកុសុមៈ លោកបណ្ឌិត ហ៊ីង ស៊ីដេត អគ្គនាយក នៃអគ្គនាយកដ្ឋានអប់រំបណ្ដុះបណ្ដាលបច្ចេកទេស និងវិជ្ជាជីវៈ បានមានប្រសាសន៍ថា វគ្គបណ្ដុះបណ្ដាលជំនាន់ទី ២ នេះ មានសិក្ខាកាមចូលរួមចំនួន ២៥ នាក់ ក្នុងនោះសិក្ខាកាមជាគ្រូចំនួន ៩ នាក់ និងសិស្សចំនួន ១៦ នាក់ មកពី ៦ ប្រទេសផ្សេងគ្នា រួមមាន ៩ នាក់ មកពីប្រទេសកម្ពុជា ២ នាក់ មកពីប្រទេសប្រ៊ុយណេ ៣ នាក់ មកពីប្រទេសឥណ្ឌូណេស៊ី ៤ នាក់ មកពីប្រទេសភូមា ៥ នាក់ មកពីប្រទេសហ្វីលីពីន និង ២ នាក់ មកពីប្រទេសវៀតណាម។

លោកបណ្ឌិត បានបន្តថា វគ្គបណ្ដុះបណ្ដាលនេះ មានរយៈពេល ៣ ខែ ចាប់ពីថ្ងៃទី ៣១ ខែមករា ឆ្នាំ ២០២៤ ដល់ថ្ងៃទី ២៣ ខែមេសា ឆ្នាំ ២០២៤ ក្នុងនោះរយៈពេល ២ ខែ សិក្សានៅវិទ្យាស្ថានពហុបច្ចេកទេសព្រះកុសុមៈ និងរយៈពេល ១ ខែ ត្រូវអនុវត្តការងារជាក់ស្ដែងនៅតាមរោងចក្រ/ សហគ្រាស។

លោកបណ្ឌិត បានបន្តទៀតថា នេះជាជំនាន់ទី ២ ហើយ ដែលគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ នៃក្រសួងការងារ និងបណ្ដុះបណ្ដាលវិជ្ជាជីវៈ ត្រូវបានជ្រើសរើសជាដៃគូក្នុងក្របខណ្ឌអាស៊ាន-កូរ៉េ ក្នុងការបណ្ដុះបណ្ដាលសិស្ស សិក្ខាកាម មកពីបណ្តាប្រទេសអាស៊ាន ដែលប្រព្រឹត្តទៅដោយរលូន និងបានបញ្ចប់វគ្គបណ្ដុះបណ្ដាលទាំង ២ ជំនាន់ ដោយជោគជ័យ ដើម្បីកាត់បន្ថយនូវគម្លាត នៃជំនាញ ក្នុងចំណោមប្រទេសនៅក្នុងតំបន់អាស៊ាន។

លោកបណ្ឌិត បានបន្ថែមទៀតថា គោលបំណងវគ្គបណ្ដុះបណ្ដាលនេះធ្វើឡើងដើម្បីផ្តល់នូវចំណេះដឹង និងជំនាញ ក្នុងការសរសេរកម្មវិធី PLC program ដើម្បីធ្វើឱ្យប្រតិបត្តិការ នៃប្រព័ន្ធគ្រប់គ្រងស្វ័យប្រវត្តិកម្មនៅក្នុងគម្រោងឧស្សាហកម្ម ឬខ្សែចង្វាក់ផលិតកម្មប្រកបដោយប្រសិទ្ធភាព ចំណេញពេលវេលា និងសន្សំសំចៃ។ ជាពិសេសលើកកម្ពស់ជំនាញបច្ចេកទេសឱ្យដើរទាន់ឧស្សាហកម្ម ៤.០។

គួរបញ្ជាក់ថា គម្រោង ASEAN-ROK TVET Mobility Programme នេះ ត្រូវបានចុះកិច្ចព្រមព្រៀងដោយក្រសួងការងារ និងបណ្ដុះបណ្ដាលវិជ្ជាជីវៈ ជាមួយនឹងសភាពាណិជ្ជកម្ម និងឧស្សាហកម្មកូរ៉េ នៃសាធារណរដ្ឋកូរ៉េ The Korea Chamer of Commerce and Industry (KCCI) និងវិទ្យាស្ថានពហុបច្ចេកទេសព្រះកុសុមៈ នៃក្រសួងការងារ និងបណ្ដុះបណ្ដាលវិជ្ជាជីវៈ ជាអ្នកអនុវត្តគម្រោង។ “ASEAN-ROK TVET Mobility Programmes” ត្រូវបានរៀបចំឡើងដើម្បីពង្រឹងកម្មវិធី TVET ក្នុងបណ្ដាប្រទេសជាសមាជិកអាស៊ាន និងកាត់បន្ថយគម្លាត នៃសមត្ថភាពការងារក្នុងចំណោមប្រទេសនានា នៃតំបន់អាស៊ាន តាមរយៈការអនុវត្តគម្រោង ASEAN-ROK TVET Mobility Programmes៕

អត្ថបទ ៖ សំអឿន

The post សិក្ខាកាម ២៥ នាក់ មកពី ៦ ប្រទេស នៃតំបន់អាស៊ាន បានបញ្ចប់វគ្គសិក្សាជំនាញវិជ្ជាជីវៈនៅកម្ពុជាដោយជោគជ័យ appeared first on Kampuchea Thmey Daily.

ជំនាញវិជ្ជាជីវៈ Archives - Kampuchea Thmey Daily

ត្រឹមដើមឆ្នាំនេះ យុវជនក្រីក្រ និងងាយរងហានិភ័យជាង ៩ ម៉ឺននាក់ បានចុះឈ្មោះចូលរៀនជំនាញដោយឥតគិតថ្លៃ

យុវជនកម្ពុជា ជាង ៨ ម៉ឺននាក់ កំពុងសិក្សាជំនាញវិជ្ជាជីវៈនៅទូទាំងប្រទេស

អ្នកនាំពាក្យការងារ ៖ ស្ត្រីចុះឈ្មោះចូលរៀនជំនាញវិជ្ជាជីវៈតាម​សាលាបណ្ដុះបណ្ដាល​ហាក់មានការកើនឡើង

សិក្ខាកាម ២៥ នាក់ មកពី ៦ ប្រទេស នៃតំបន់អាស៊ាន បានបញ្ចប់​វគ្គសិក្សាជំនាញវិជ្ជាជីវៈនៅកម្ពុជាដោយជោគជ័យ

អ្នកនាំពាក្យការងារ ៖ ស្ត្រីចុះឈ្មោះចូលរៀនជំនាញវិជ្ជាជីវៈតាមសាលាបណ្ដុះបណ្ដាលហាក់មានការកើនឡើង

សិក្ខាកាម ២៥ នាក់ មកពី ៦ ប្រទេស នៃតំបន់អាស៊ាន បានបញ្ចប់វគ្គសិក្សាជំនាញវិជ្ជាជីវៈនៅកម្ពុជាដោយជោគជ័យ