ការលើកឡើងនេះ ធ្វើឡើងនៅព្រឹកថ្ងៃទី២២ ខែវិច្ឆិកា ឆ្នាំ២០២៤ ក្នុងពិធីបើក «ពិព័រណ៍ជំនាញ និងសាកលវិទ្យាល័យ» ឆ្នាំ២០២៤ ក្រោមអធិបតីភាព លោក ជន់ សារ៉ន អនុប្រធាននាយកដ្ឋានតម្រង់ទិសវិជ្ជាជីវៈ នៃក្រសួងអប់រំ យុវជន និងកីឡា។ ពិព័រណ៍ធ្វើឡើងរយៈពេល២ថ្ងៃ ចាប់ពីថ្ងៃទី២២ ដល់ទី២៣ ខែវិច្ឆិកា រៀបចំដោយ Sala និងមានការគាំទ្រដោយក្រសួងអប់រំ យុវជន និងកីឡា ធ្វើនៅសាកលវិទ្យាល័យភូមិន្ទភ្នំពេញ (RUPP) នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ដែលនឹងមានការចូលរួមពីសាកលវិទ្យាល័យ វិទ្យាស្ថានបណ្តុះបណ្តាលវិជ្ជាជីវៈ និងស្ថាប័នអប់រំជាង៣០។ ចំពោះសិស្សនិស្សិតអាចចូលរួមដោយសេរី ព្រមទាំងមានអ្នកប្រឹក្សាសម្រាប់ការរើសជំនាញ និងសាកលវិទ្យាល័យផងដែរ។

លោក សុខ លាភ បញ្ជាក់ថា ពិព័រណ៍នេះ នឹងជួយឱ្យសិស្សបានស្គាល់ពីខ្លួនឯងថា តើខ្លួនចូលចិត្តអ្វី? ពូកែផ្នែកណាខ្លះ? ដើម្បីអាចឱ្យពួកគេរើសជំនាញណាមួយសមស្របតាមទេពកោសល្យរបស់ខ្លួន។ បន្ថែមពីនេះ ពិព័រណ៍នេះ ក៏ជាឱកាសមួយក្នុងការធ្វើដំណើរ ពីវិទ្យាល័យទៅកាន់ថ្នាក់ឧត្តមសិក្សារបស់សិស្សានុសិស្សដូចគ្នា។

ចំពោះនិស្សិត៣រូប កញ្ញា ប៉ែន ស៊ីណា កញ្ញា សុខ មិនា និងកញ្ញា ជា សុធារី ទើបតែប្រឡងចប់បាក់ឌុប នៅវិទ្យាល័យកំពង់សំរោង ខេត្តស្វាយរៀង បានឱ្យ កម្ពុជាថ្មី ដឹងថា ពួកគេចង់សិក្សាជំនាញពេទ្យ។ ព្រោះតែចង់ដឹងពីព័ត៌មានផ្សេងៗនៅថ្នាក់ឧត្តមសិក្សា ពួកគេក៏ចូលរួមកម្មវិធីនេះ ដោយទទួលដំណឹងតាមរយៈហ្វេសប៊ុក។ បន្ទាប់ពីចូលរួម ពួកគេយល់ដូចគ្នាថា កម្មវិធីនេះពិតជាល្អសម្រាប់សិស្សទើបបញ្ចប់ការសិក្សាថ្នាក់វិទ្យាល័យ ដើម្បីងាយស្រួលក្នុងការសម្រេចចិត្តរើសជំនាញបន្តទៅឧត្តមសិក្សា។

ចំណែកយុវតី សយ សុខរស្មី ទើបតែចូលថ្នាក់ទី១២ នៅវិទ្យាល័យប៊ុនរ៉ានីហ៊ុនសែនកោះដាច់ បានឱ្យដឹងថា ខ្លួនដឹងកម្មវិធីនេះតាមរយៈការណែនាំរបស់គ្រូនៅសាលា ក៏មកចូលរួម។ កញ្ញាមើលឃើញថា កម្មវិធីនេះ ល្អសម្រាប់ខ្លួន និងសិស្សដទៃទៀតក្នុងការត្រៀមខ្លួនចូលថ្នាក់ឧត្តមសិក្សា។ ជាមួយគ្នានេះ ក៏មានអ្នកណែនាំ និងប្រឹក្សាសម្រាប់ការចូលរៀនឧត្តមសិក្សាដូចគ្នា ដូចនេះ យុវតីខាងលើថា ពិព័រណ៍នេះជួយផ្តល់ឱកាសច្រើនសម្រាប់ខ្លួន និងមិត្តឯទៀត។

សូមជម្រាបថា នេះជាលើកទី៤ហើយ ដែល Sala បានរៀបចំពីព័រណ៍នេះឡើងមក។ ក្នុងពិព័រណ៍នេះ អ្នកចូលរួមអាចទស្សនាស្តង់របស់សាកលវិទ្យាល័យនីមួយៗ កម្មវិធីជជែកដេញដោល ទាក់ទងនឹងយុវជន ការអប់រំ។ ជាមួយគ្នានេះ ក៏មានតុពិភាក្សាទាក់ទងនឹងសាកលវិទ្យាល័យ និងបទពិសោធការងារពីវាគ្មិនជំនាញផងដែរ។ លើសពីនេះ ក៏មានការចែករំលែកបទពិសោធ និងចំណេះដឹងរបស់វាគ្មិនជំនាញ ធ្វើឡើងជុំវិញមូលបទ ៣ធំៗដូចជា “ការត្រៀមលក្ខណៈឆ្ពោះទៅកាន់ជីវិតជានិស្សិត” “ការឈោងចាប់ក្តីស្រមៃ” និង “ការត្រៀមលក្ខណៈឆ្ពោះទៅកាន់វិស័យការងារ”ផងដែរ៕

ដោយ៖ អុន ស្រីមាន

The post «ពិព័រណ៍ជំនាញ និងសាកលវិទ្យាល័យ» ជាឱកាសឱ្យសិស្សបានស្គាល់ពីខ្លួនឯង និងរើសជំនាញបានត្រឹមត្រូវ appeared first on Kampuchea Thmey Daily.

ក្នុង​នាម​ជា​អតីត​សិស្ស​ប្រឡង​មិន​ជាប់​បាក់ឌុប​ដែរ​នោះ យុវជន ម៉ៅ វ៉ាន់​ថេន បាន​អំពាវនាវ​ដល់​យុវជន​ដទៃ​ទៀត កុំ​យក​ពេលវេលា​ប្រព្រឹត្ត​អំពើ​មិនល្អ​ក្នុង​សង្គម ហើយ​ត្រូវ​យក​ពេល​មក​សិក្សា​ជំនាញ​មួយ​ច្បាស់លាស់​ដែល​អាច​ជួយ​ខ្លួនឯង​បាន​នា​ពេល​អនាគត​វិញ។

យុវជន​ដែល​ស្រឡាញ់​ជំនាញ​មេកា​និក​ទូទៅ​រូប​នេះ ក៏បាន​ចែករំលែក​បទពិសោធន៍​ថា “​ទោះបីជា​ខ្ញុំ​ប្រឡង​មិន​ជាប់​បាក់​ឌុប​ក៏ដោយ តែ​ខ្ញុំ​តាំងចិត្ត​ថា ចូលរៀន​ថ្នាក់​បរិញ្ញាបត្ររង​ជំនាញ​បច្ចេកទេស​ជា​មុន​សិន ហើយ​ក៏​មាន​គម្រោង​បើក​អាជីវកម្ម​ផ្ទាល់ខ្លួន​ផ្នែក​មេកា​និក​ទូទៅ​នៅ​ស្រុកកំណើត​ពេល​រៀន​ចប់ បន្ទាប់មក​បើ​មានលទ្ធភាព និង​ពេលវេលា​គ្រប់គ្រាន់​នោះ ខ្ញុំ​នឹង​បន្ត​សិក្សា​ថ្នាក់​បរិញ្ញាបត្រ​ថែម​ទៀត​”។

ទន្ទឹម​នេះ យុវជន ម៉ៅ វ៉ាន់​ថេន បាន​ទទួល​ដំណឹង​ថា រាជរដ្ឋាភិបាល បាន​ដាក់​ចេញ​នូវ​កម្មវិធី​បណ្តុះ​បណ្តាល​ជំនាញ​វិជ្ជាជីវៈ និង​បច្ចេកទេស ដោយ​ឥតគិតថ្លៃ និង​ផ្តល់ជូន​ប្រាក់ឧបត្ថម្ភ​ប្រចាំខែ​ចំនួន ២៨ ម៉ឺន​រៀល​ទៀត សម្រាប់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ​ទូទាំង​ប្រទេស​ចំនួន ១,៥ លាន​នាក់ ដែល​នេះ​ជា​ដំណឹង​ល្អ​ណាស់​សម្រាប់​យុវជន​មិន​ទាន់​មាន​ជំនាញ​ច្បាស់លាស់ និង​មិន​មាន​លទ្ធភាព​ចូលរៀន​ជំនាញ​វិជ្ជាជីវៈ ឬ ជំនាញ​បច្ចេកទេស។

ដូច​គ្នា​នេះ យុវជន ច្រឹ​ក ឡេង​ប៊ុនលី ជា​និស្សិត​ផ្នែក​មេកា​និក​រថយន្ត នៃ​វិទ្យាស្ថាន NPIC ក៏​យល់​ឃើញ​ថា ​ក្នុងនាម​យុវជន​ជា​ទំពាំង​ស្នង​ឫស្សី ត្រូវ​តែ​មាន​ជំនាញ​មួយ​ច្បាស់លាស់​ដើម្បី​ខ្លួនឯង និង​គ្រួសារ ប្រសើរ​ជាង​យក​ពេលវេលា​ដើរលេង​ច្រើនពេក។ យុវជន​រូប​នេះ ក៏​ជំរុញ​ដល់​យុវជន គួរ​ចំណាយ​ពេល​ខ្លី​ចូល​រៀន​ជំនាញ​វិជ្ជាជីវៈ ឬ ជំនាញ​បច្ចេកទេស​ណាមួយ​ដែល​ខ្លួន​ស្រឡាញ់​ដោយ​ឥត​គិតថ្លៃ​នៅ​វិទ្យាស្ថាន NPIC តាមរយៈ​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស សម្រាប់​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ ដែល​រាជរដ្ឋាភិបាល​បាន​ប្រកាស​អនុវត្ត​ជា​ផ្លូវការ​ហើយ។

សូម​បញ្ជាក់​ថា វិទ្យាស្ថាន​ជាតិ​ពហុបច្ចេកទេស​កម្ពុជា (NPIC) ដែល​មាន​ទីតាំង​តាម​បណ្ដោយ​មហា​វិថី​ឈ្នះ​ឈ្នះ ឬ​ផ្លូវ​កប់​ស្រូវ ស្ថិត​ក្នុង​សង្កាត់​សំរោងក្រោម ខណ្ឌ​ពោធិ៍​សែន​ជ័យ រាជធានី​ភ្នំពេញ គឺជា​គ្រឹះស្ថាន​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ​ដ៏​ធំ​មួយ កំពុង​រង់ចាំ​ស្វាគមន៍​យុវជន​មកពី​គ្រួសារ​ក្រីក្រ គ្រួសារ​ងាយ​រង​ហានិភ័យ ក៏ដូចជា​បុគ្គល នៃ​សេដ្ឋកិច្ច​ក្រៅ​ប្រព័ន្ធ និង​ក្នុង​ប្រព័ន្ធ មាន​អាយុ​ចាប់ពី ១៥ ឆ្នាំ​ឡើង អាច​ចុះឈ្មោះ​ចូល​សិក្សា​ជំនាញ​វិជ្ជាជីវៈ និង​បច្ចេកទេស​កម្រិត ១ រយៈពេល​ខ្លី​ដោយ​ឥតគិតថ្លៃ លើ​វិស័យ​ដូចជា វិស័យ​សំណង់ វិស័យ​អគ្គិសនី និង​ថាមពល វិស័យ​មេកា​និក​រថយន្ត វិស័យ​កម្មន្តសាល វិស័យ​សេវាកម្ម​ធុរកិច្ច និង​ព័ត៌មានវិទ្យា វិស័យ​អេឡិចត្រូនិក វិស័យ​បរិក្ខារ​ត្រជាក់ និង​កម្តៅ វិស័យ​សេវាកម្ម វិស័យ​ទេសចរណ៍ វិស័យ​កសិកម្ម និង​កសិ​-​ឧស្សាហ​កម្ម។

សម្រាប់​ការ​ស្វែងរក​ព័ត៌មាន នៃ​ការ​ចុះ​ឈ្មោះ និង​ស្វែងរក​ព័ត៌មាន​ផ្សេងៗ នៃ​វិទ្យាស្ថាន​ជាតិ​ពហុ​បច្ចេកទេស​កម្ពុជា (NPIC) សូម​ចូល​ទៅ​កាន់​គេហទំព័រ npic.edu.kh (https://npic.edu.kh/) ឬ តាមរយៈ​ហ្វេស​ប៊ុក​ឈ្មោះថា NPIC- National Polytechnic Institute of Cambodia (https://www.facebook.com/npic.edu.kh)៕

សូមទស្សនាវីដេអូខាងក្រោម ៖

The post អ្នកប្រឡងបាក់ឌុបមិនជាប់ កុំអស់សង្ឃឹម អតីតសិស្សម្នាក់ ប្រាប់ពីជំនាញ បើកអាជីវកម្មផ្ទាល់ខ្លួន appeared first on Kampuchea Thmey Daily.

លោក ស៊ុន ចាន់ថុល ក៏បានបង្ហាញជំហររបស់រាជរដ្ឋាភិបាលកម្ពុជា ក្រោមការដឹកនាំរបស់សម្ដេច ហ៊ុន ម៉ាណែត ក្នុងការទទួលស្វាគមន៍រាល់កិច្ចការងារវិនិយោគ និងកិច្ចសហប្រតិបត្តិការលើគ្រប់វិស័យ និងពិសេសចំពោះ​កិច្ចការងាររៀបចំឱ្យមានតំបន់ឧស្សាហកម្មនៅកម្ពុជា ក្រុមប្រឹក្សាអភិវឌ្ឍន៍កម្ពុជាបានត្រៀម​ខ្លួនរួចរាល់ក្នុងការ​សម្របសម្រួល ឱ្យកិច្ចការងាររៀបចំនេះអាចអនុវត្តទៅបានដោយរលូន ដើម្បីជាប្រយោជន៍​សម្រាប់ប្រជា​ពលរដ្ឋកម្ពុជាទាំងមូល។

ជាមួយគ្នានេះ លោកឧបនាយករដ្ឋមន្ត្រី បានផ្ដល់ការស្វាគមន៍យ៉ាងកក់ក្ដៅជូនចំពោះក្រុមហ៊ុន Evercore និងបានថ្លែងអរគុណលើការផ្ដល់ទំនុកចិត្តខ្ពស់មកកាន់រាជរដ្ឋាភិបាលកម្ពុជាក្នុងនីតិកាលថ្មីនេះ។

នៅក្នុងជំនួបនេះ លោក Keith Magnus ប្រធានក្រុមហ៊ុន Evercore បានជម្រាបជូន ឧបនាយករដ្ឋមន្ត្រី អំពីសេវាកម្មនានា និងសកម្មភាពការងាររបស់ក្រុមហ៊ុន ដែលធ្លាប់បានអនុវត្តជោគជ័យនាពេលកន្លងមក ពិសេស​នៅក្នុងប្រទេសសិង្ហបុរី។ ដោយមានការគាំទ្រពីរាជរដ្ឋាភិបាលកម្ពុជា ក្រុមហ៊ុននឹងពិនិត្យលទ្ធភាព​លើការរៀបចំ​ឱ្យមានកិច្ចសហប្រតិបត្តិការរួមគ្នាដើម្បីពង្រីកវិស័យឧស្សាហកម្ម ទេសចរណ៍ និងវិស័យពាក់ព័ន្ធផ្សេងៗ ឱ្យកាន់តែរីកចម្រើនឡើងបន្ថែមទៀត៕

The post លោក ស៊ុន ចាន់ថុល បង្ហាញចក្ខុវិស័យ​របស់រដ្ឋាភិបាល​ប្រែក្លាយកម្ពុជាពីឧស្សាហកម្ម​ប្រើកម្លាំងទៅជាឧស្សាហកម្មជំនាញ appeared first on Kampuchea Thmey Daily.

 ១. អាជីព​ជាអ្នកចិត្តសាស្រ្តនិងអ្នកព្យាបាលរោគចិត្ត​

សុខភាពផ្លូវចិត្តកំពុងតែក្លាយជាប្រធានបទសំខាន់មួយហើយ​វានឹងក្លាយជា​កំពូល​តារាង​នៅឆ្នាំខាងមុខ។ ល្បឿនដ៏លឿននៃអ្វីៗគ្រប់យ៉ាងដែលនៅជុំវិញយើង កំពុងធ្វើឱ្យមនុស្ស​លោក​រង​សម្ពាធ​តានតឹងជាងពេលណាៗ​ទាំងអស់។ ឥទ្ធិពលអវិជ្ជមាន​តាម​តាមបណ្តាញសង្គមកាន់តែអាក្រក់ទៅ ៗ ដែលទាមទារ​ឲ្យ​មាន​អ្នកជំនាញ​កែសម្រួលវិធីសាស្រ្តមួយ​ដោះស្រាយ​សម្រាប់​បុគ្គលទន់ខ្សោយផ្លូវចិត្ត​នានា​ឱ្យកម្រិតអារម្មណ៍ធូរស្រាល​ឡើង។

បើមិនជឿ​កម្ពុជាថ្មី​ យើងអាច​ក្រឡេកមើលប្រទេស​ខាងលិចដែលដើរមុន​យើង​១០ឆ្នាំ​ដើម្បីឱ្យ​ដឹងថា​តើមាន​រឿងអ្វីខ្លះកំពុង​​កើតឡើងទាក់ទងនិងសុខភាពផ្លូវចិត្ត​?

៤២% នៃមនុស្សពេញវ័យនៅសហរដ្ឋអាមេរិកបានទទួលស្គាល់ថា​ខ្លួន​ចាំបាច់ត្រូវ​តែ​ជួបអ្នកប្រឹក្សា​យោបល់​ជាមួយ​អ្នក​ជំនាញផ្លូវចិត្ត​ ហើយទិន្នន័យនេះ ​នឹង​កើត​ឡើងនៅអាស៊ី​នាប្រាំ​ឆ្នាំ​ខាងមុខ​យ៉ាងយូរ។ ​គិតមើលពីចំណូល​ប្រសិនយើងមាន​អាជីព​ច្បាស់ដែលអាចជួយពួកគេបាន។

២. អ្នកជំនាញ CyberSecurity & Private Data Brokerage

នៅពេលដែលយើងរស់នៅកាន់តែផ្ទាល់​នៅក្នុងពិភពឌីជីថល ប្រពន្ធ័សន្តិសុខ Cyber ​​នឹង​កាន់តែមានអទិភាព។ បច្ចុប្បន្នពិភពលោកកំពុង​ដេញដោល​អំពីអសន្តិសុខ​ទិន្នន័យ​ដែល​យើង​ត្រូវបាន​ចាញ់ប្រៀបហ្វេសប៊ុក​ហើយ​ព័ត៌មានឯកជន​របស់យើងកំពុងត្រូវបានគ្រប់គ្រងដោយសាជីវកម្មធំ ៗ ។

ដោយ​យើង​មិនគិតដល់​អាចថាយើង​នៅល្ងង់ យើង​ទំាងអស់គ្នា​បានព្រម​បានលះបង់ទិន្នន័យ (ព័ត៌មាន​ ជីវិតឯកជន រូបផាព និង​ផ្លូវចិត្ត​)ដោយឥតគិតថ្លៃពីព្រោះយើង​គិតមិនដល់ថា​តើព័ត៌មានប្រភេទនេះ​មានតម្លៃប៉ុណ្ណា​នោះ​ទេ។ ពីអតីតកាល​ប្រព័ន្ធផ្សព្វផ្សាយសង្គម​បាន​ចំណាយប្រាក់រាប់លានដុល្លារ​ដើម្បីចាប់យកព័ត៌មានប្រភេទអស់ទាំង​នេះ​មកសិក្សា​បង្កើតទីផ្សារ​លក់របស់នានា​តម្រូវចិត្ត​មនុស្ស នេះប៉ុន្តែឥឡូវ​មនុស្សកំពុង​លះបង់វាដោយឥតគិតថ្លៃ ជាថ្នូរនឹងអនុស្សាវរីយ៍ឬការ​សើចកម្សាន្ត​។

ជាមធ្យមទិន្នន័យរបស់អតិថិជននៅអាមេរិកមានតម្លៃយ៉ាងហោចណាស់ក៏ ២៤០ ដុល្លារក្នុង​មួយឆ្នាំដែល​​ក្រុមហ៊ុនប្រភេទ​ដូចជា facebook ឬ google ចង់បាន ។ ​ឥឡូវ​ឈ្មួញកណ្តាលផ្នែក​ទិន្នន័យ​គឺជា​ឧស្សាហកម្មដែលមាន​ទុន​រាប់ពាន់លានដុល្លាររួចទៅហើយ គឺគេប្រើទិន្និន័យរបស់យើង​ដើម្បីមានបានខ្លួនគេ​ហើយ​យើង​ផុសឲ្យគេ ដោយ​ស្មគ្រ័ចិត្ត​។​

ប្រសិនបើ​១០ឆ្នាំទៅមុខ​គ្រប់គ្នា​ចង់បាន​ភាពផ្ទាល់ខ្លួនមកវិញឬការពារ​ព័ត៌មាន​ផ្ទាល់ខ្លូន​គេត្រូវការ​ជួលអ្នកជំនាញ ​CyberSecurity & Private Data Brokerage។ តម្លៃនៃអាជីពនេះ​យើង​គួរដឹងហើយ​។​

៣. អ្នកជំនាញ​អចលនទ្រព្យ

ជាមួយ​វិ​សាលភាពមនុស្ស​ដែលឡើង​ដល់​ចំនួន ៨ កោដិនាក់ មនុស្សជាច្រើនកំពុង​ខ្វះជម្រក​ពី​ពេល​ឥឡូវទៅហើយ។ សូមក្រឡេកមើលប្រទេស​ដែលមានប្រជាជនច្រើនបំផុត​នៅលើ​ពិភពលោក​លំដាប់លេខ​២​គឺ​ចិន។ ចិន​កំពុងតែមានការរីកចម្រើននៃទំហំប្រាក់ចំណូល​ដែលទាក់ទងនឹង​សមត្ថភាព​នៃការ​ធ្វើពាណិជ្ជកម្ម​របស់ជនជាតិនេះ ដូច្នេះប្រជាជនចិន​ជាច្រើន​បាននិង​កំពុងផ្លាស់ប្តូរពីជនបទឆ្ពោះទៅរកទីក្រុង។

និន្នាការនេះក៏​ចាប់ផ្តើមឡើងគំហុក​នៅក្នុងប្រទេសឥណ្ឌ្ឌា​ ហើយយើងរំពឹងថា​នឹងមាន​ស្រដៀងគ្នា​បន្តបន្ទាប់​នៅ​ប្រទេស​តូចៗ​ដូចកម្ពុជាយើង​។ អ្វីគ្រប់យ៉ាងកំពុងរីកចម្រើន​ ហើយអចលនទ្រព្យគឺសាក្សី​សំខាន់ដែល​សម្គាល់ថា តើប្រទេសទាំងនេះកំពុងដំណើរការសេដ្ឋកិច្ចវិជ្ជមាន​ដែរអត់?

ប្រាកដថានឹងមានបច្ចេកវិទ្យាថ្មី ដែលមានប្រសិទ្ធិភាពជាងបច្ចុប្បន្ន ក្នុងការកសាងគេហដ្ឋាន​ឆ្លាតវៃ ប៉ុន្តែ ទំហំ​នៃ​តម្រូវការ​គឺធំធេងណាស់ ដែលគ្មាន​អ្នកណាហ៊ាន​ព្យាករណ៍​ថា​ ការ​អភិវឌ្ឍន៍អាចរក្សាលំនឹង ​តម្លៃ​អចលនាទ្រព្យ​បាននោះទេ។ អ្នកជំនាញ​អចលនទ្រព្យ​ពិតប្រាកដ នឹង​ក្លាយ​ជា​អ្នកមានម៉ោង​ថ្លៃ​ជាងអ្វីដែលយើងគិត។

អ្នករាល់គ្នាមានស្មាតហ្វូន មានកុំព្យូទ័រយួរដៃ និងឈានទៅដល់មាន​ឡានប្រើ​អគ្គិសនីក្នុងអនាគត​ឆាប់ៗនេះ​ ឆាប់មែនទែន ​ប៉ុន្តែកុំភ្លេច​ថា​​ យើងកំពុងរស់នៅក្នុងពិភពនៃកាកសំណល់​ផ្លាស្ទិក ដែលកន្លងមក​យើងបានបង្កើត​វាឡើងមក ​ហើយឥឡូវនេះយើងមិនដឹងថា ត្រូវដោះស្រាយ​បែបណា​ជាមួយវា។ យើងត្រូវការសំភារៈថ្មីៗជានិច្ច​ហើយនៅពេលទំនិញទាំងនេះឡើង​ដល់ទីផ្សារ ឧស្សាហកម្មទាំងមូលនឹងត្រូវផ្លាស់ប្តូរទីតាំង ។ ​ភាពលំបាកហិនហោចនៃ​ប្រពន្ធ័​អេកូឡូហ្សី នឹងក្លាយជា​ចំណោទ​អទិភាព​សម្រាប់​ការងារ​ទៅអនាគត​។​

៤. ឧស្សាហកម្មសិល្បៈការកម្សាន្តបច្ចេកវិទ្យា

ការកម្សាន្តគឺនៅតែមាន​ទីផ្សារ​ខ្ពស់គ្រប់ពេល។ ហេតុអ្វី? ព្រោះវាជាការកម្សាន្តដែល​គ្រប់គ្នា​រស់នៅក្នុងជីវិតដ៏​មមាញឹក​ត្រូវការ​វាឡើងៗពីមួយ​ថ្ងៃទៅមួយ​ថ្ងៃ។ ត្រូវចាំថា ការកម្សាន្តកំពុងវិវត្តរួមជាមួយ​នឹងបច្ចេកវិទ្យាដូច្នេះ​កាសែតចម្រៀង ថាស សៀវភៅ ឬ​ការបោះពុម្ពផ្សាយ​ផ្សេងៗ ជារឿង​ហួសសម័យ​។

Disney បានគិតពីអនាគត​លឿនជាងគេ។ ឧស្សាហកម្មយក្ខដ៏ទំនើបនេះបានលួច​ទិញ Pixar​Film ដែល​ជាកំពូលស្ទូឌីយោ​ធំជាងគេ​ផ្នែកគំនូរចលនា​លើលោកយើងនេះ។ យើងមើល​Incredibles 2, Frozen, Finding Dory, ដែលកុនទំាង​នេះ​រកចំណូលបានជាង ១ កោដិដុល្លារដោយ​គ្មាន​ប្រើ​តារាសម្តែង​ណាម្នាក់​ឡើយ។ Avengers ក៏ពឹងផ្អែកលើ CGI ច្រើនជាងការសម្តែង​ផ្សេងទៀត។

អាចនិយាយ​ថា​នាពេលអនាគតដ៏ខ្លីខាងមុខនេះតារាសម្តែងដែលមានប្រជាប្រិយភាពដូចជារ៉ូបឺត Downey Jr នឹង​លះបង់សិទ្ធិ ព្រម​ប្រើសំឡេង​មកលក់ដូរ ជំនួសឲ្យការសម្តែង​បច្ចុប្បន្ន ព្រោះ​ស្ទូឌីយោ​នឹងដាក់អ្នកសម្ដែង​នៅក្នុងខ្សែភាពយន្តបាន ​ដោយមិនចាំបាច់ឲ្យមនុស្ស​មកចូលរួម ដោយសារពួកគេ​ថ្លៃណាស់ហើយ​មិនអាច​ធ្វើគ្រប់យ៉ាង​ដូច​ការគូរ​ឡើយ។ បើរូបមានអ្នកជំនួស​  តើម៉ាស៊ីនក្លូនសំឡេង​បានដែរទេ? អ្នកចម្រៀង​គួរតែដឹងខ្លួន។

មានតែអ្នកដឹកនាំរឿង និងអ្នកនិពន្ធប៉ុណ្ណោះដែលនឹង​រស់នៅ​ជាចីរកាលក្នុងឧស្សាហកម្មនេះ៕

ប្រែសម្រួល៖ ឡាហ្សូលី

ចុចអាន៖ មាន​ចំណេះ​ជំនាញ​គួរសម តែ​ស្វែង​រក​ការងារ​ធ្វើ​មិន​បាន មូលហេតុ​ដោយសារ ៥ យ៉ាង​នេះ

ចុចអាន៖​ អាជីព​អ្វី​ក៏ដោយ បើ​គ្មាន ៥​យ៉ាង​នេះ​ពិបាក​ជោគជ័យណាស់

The post ១០ឆ្នាំខាងមុខ មានជំនាញ ៤ នេះនឹងរកបានលុយធំ​ appeared first on Kampuchea Thmey Daily.

នៅ​ពេល​ពិចារណា​ជំនាញ​ដែល​អ្នក​គួរ​រៀន​ សម្រាប់​ថ្ងៃអនាគត ​វា​ជា​ការ​សំខាន់​ណាស់ ​ដែល​ត្រូវ​គិត​អំពី​អ្វី​ដែល​​ពាក់ព័ន្ធ​នឹង​អាជីព​​របស់​អ្នក ​និង​អ្វី​ដែល​ក្រុមហ៊ុន​ចង់​បាន​បំផុត។

ខាងក្រោម​នេះ​ ជា​ជំនាញ​​ពេញ​និយម​បំផុត ​ដែល​អ្នក​គួរ​តែ​រៀន​សម្រាប់​ពេល​អនាគត​ ដើម្បី​រក្សា​អាជីព​របស់​អ្នក​ឱ្យ​មាន​ស្ថិរភាព៖

១. សរសេរ​កូដ

ការ​សរសេរ​កូដ ​បាន​ក្លាយ​ជា​ជំនាញ​មួយ ​ដែល​មនុស្ស​ជា​ច្រើន​អាច​រៀន​បាន​យ៉ាង​ឆាប់រហ័ស។ ភាសា​កុំព្យូទ័រ​បម្រើ​គោលបំណង​ជា​ច្រើន ​ហើយ​អាច​អនុវត្ត​បាន​ស្ទើរ​តែ​គ្រប់​ការងារ​ទាំងអស់។

ត្រង់​ចំណុច​នេះ ​ការ​សរសេរ​កូដ​បាន​លេចធ្លោ​នៅ​ទូទាំង​ឧស្សាហកម្ម​ ដែល​អ្នក​ជំនាញ​អះអាង​ថា​ការ​សរសេរ​កូដ​ អាច​ក្លាយ​ជា​ជំនាញ​មូលដ្ឋាន​សម្រាប់​ជីវិត។

២. វាយ​តម្លៃ​ភាព​វៃ​ឆ្លាត​ខាង​អារម្មណ៍​មនុស្ស

ភាព​ឆ្លាតវៃ​ខាង​អារម្មណ៍​  ត្រូវ​បាន​ពិពណ៌នា​តាម​វិធី​ជាច្រើន ​ប៉ុន្តែ​ភាគ​ច្រើន​វា​ពន្យល់​ពី​សមត្ថភាព​របស់​មនុស្ស​ម្នាក់​ ដើម្បី​ស្គាល់​អារម្មណ៍​ផ្ទាល់​ខ្លួន ​និង​អារម្មណ៍​របស់​អ្នកដទៃ។

មនុស្ស​ដែល​មាន​បញ្ញា​ខាង​ផ្លូវ​ចិត្ត​រឹងមាំ យល់​ពី​របៀប​ដំណើរការ ​និង​គ្រប់គ្រង​អារម្មណ៍​របស់​មិត្ត​រួម​ការងារ។

ដូច្នេះ​ភាព​វៃ​ឆ្លាត​ខាង​អារម្មណ៍ ​ជា​ជំនាញ​ទន់​មួយ ​ដែល​ត្រូវ​ការ​ពេល​វេលា ​និង​ការ​យក​ចិត្ត​ទុក​ដាក់​ច្រើន ​ចំពោះ​មជ្ឈដ្ឋាន​ជុំវិញ​អ្នក។

៣. ការ​ទំនាក់ទំនង

ជំនាញ​ទំនាក់ទំនង​មាន​សារៈសំខាន់​ណាស់ ​សម្រាប់​បុគ្គលិក​នៅ​គ្រប់​កម្រិត​ទាំងអស់​ក្នុង​ក្រុមហ៊ុន​ដែល​ត្រូវ​មាន។
ការ​ប្រាស្រ័យ​ទាក់ទង​ប្រកបដោយ​ប្រសិទ្ធភាព​ គឺ​ចាំបាច់​សម្រាប់​ជោគជ័យ ​ទូទាំង​ក្រុមហ៊ុន។

ក្រុមហ៊ុន​ដែល​មាន​អ្នក​ដឹកនាំ​ មាន​ជំនាញ​ទំនាក់ទំនង​រឹងមាំ​ ត្រូវ​បាន​គេ​រាយការណ៍​ថា​ ទទួល​បាន​ប្រាក់​ចំណូល​ខ្ពស់​ជាង​ ៤៧% បើ​ប្រៀបធៀប​ទៅ​នឹង​ដៃគូ​ប្រកួតប្រជែង ​ជាមួយ​នឹង​ការ​ប្រាស្រ័យ​ទាក់ទង​មិនល្អ។

៤. ភាព​ជា​អ្នកដឹកនាំ

ជំនាញ​ភាព​ជា​អ្នក​ដឹកនាំ ​មាន​ន័យ​ថា ​អ្នក​ដឹង​ពី​វិធី​លើក​ទឹកចិត្ត​និង​ដឹកនាំ​អ្នក​ដទៃ​ដោយ​ប្រសិទ្ធភាព​ និង​អាច​បង្កើត​ក្រុម​ទាំង​មូល​របស់​អ្នក ​ឱ្យ​ទទួល​បាន​ជោគជ័យ។

ប្រសិន​បើ​អ្នក​ចង់​ទទួល​បាន​អាជីព​នៅ​ក្នុង​ក្រុមហ៊ុន​របស់​អ្នក ​វា​ជា​ការ​សំខាន់​ណាស់​ ដែល​ត្រូវ​អភិវឌ្ឍ​ជំនាញ​ភាព​ជា​អ្នក​ដឹកនាំ​ និង​អភិវឌ្ឍន៍​ក្រុម​ជានិច្ច​ ដើម្បី​អាច​ឱ្យ​អ្នក ​ឈាន​ជើង​ឡើង​ជណ្ដើរ​មួយ​នោះ៕

ប្រែសម្រួល៖ សាង ស្រីល័ក្ខ

ចុចអាន៖ចង់​ធ្វើការ​តាម​របៀប​ឯករាជ្យ អាច​ត្រៀម​ចាត់ចែង​ជំនាញ​ពី​ពេល​នេះ​ទៅ​

ចុចអាន៖ហេតុផល​ដែល​បង្ហាញ​ថា សហគ្រិន​នានា​មិន​គួរ​មើល​រំលង​ជំនាញ អាយធី (IT)

The post ជំនាញ ៤ ប្រភេទ ពេញនិយម​សម្រាប់​ថ្ងៃ​អនាគត appeared first on Kampuchea Thmey Daily.

​មាន​មេរៀន​ធំៗ មួយ​ចំនួន​ដែល​គួរ​ស្វែង​យល់ ​មុន​នឹង​អាច​ក្លាយជា​អ្នកធ្វើ​ការងារ​ឯករាជ្យ​បាន។

១. មាន​វិន័យកំណត់​ម៉ោង​ធ្វើការ​ដោយ​ខ្លួនឯង

នៅ​ពេល​ចាប់ផ្ដើម​ធ្វើការ​ដោយ​ខ្លួនឯង ​ដំបូង​អ្នក​អាច​រំភើប​នឹង​អាជីវកម្ម​ថ្មី​ ហើយ​អាច​នឹង​នៅ​ស្អិត​ជាប់​ជាមួយ​កុំព្យូទ័រ​ទាំង​យប់​ទាំង​ថ្ងៃ។

ប៉ុន្តែ​អ្នក​មិន​គួរ​ធ្វើការ​ច្រើន ​រហូត​មិន​មាន​ពេល​វេលា​សម្រាប់​អាហារ​ថ្ងៃត្រង់​ជាមួយ​មិត្តភ័ក្ដិ​ឡើយ។  ត្រូវ​ទម្លាប់​ដាក់​កាលវិភាគ ជួប​ជាមួយ​មិត្តភ័ក្ដិ​ជជែក​លេង ជ្រើសរើស​ការ​គេង​ក្រោយ​អាហារ​ថ្ងៃត្រង់​ជា​ដើម។ ទម្លាប់​ខ្លួន​ភ្ញាក់​ពី​ព្រលឹម​ ព្រោះ​ខួរក្បាល​នឹង​ដំណើរការ​ល្អ​នៅ​ពេល​ព្រឹក​ ហើយ​ត្រូវ​ញ៉ាំ​អាហារ​ជំនួយ​ដល់​សុខភាព​ ជា​ប្រចាំ​ផង​ដែរ។

២. រចនា​សម្ព័ន្ធ​មាន​របៀបរៀបរយ

វា​ពិត​ជា​មាន​សារៈសំខាន់​បំផុត ​ទោះបី​ជា​អ្នក​ធ្វើការ​ដោយខ្លួនឯង​ក៏ដោយ។ កុំ​រៀប​ចំ​ជីវិត​ការងារ​ពី​ផ្ទះ​រញ៉េរញ៉ៃ ​ហើយ​ក៏​កុំ​ភ្លេច​ស្ដាប់​រាងកាយ​ខ្លួន​ឯង​ខ្លះ​ដែរ ថា​ចង់​បាន​អ្វី​ខ្លះ។

រចនា​សម្ព័ន្ធ​មាន​របៀបរៀបរយ​ ជីវិត​ក្នុង​ក្របខ័ណ្ឌ​ការងារ​ឯករាជ្យ​ក៏​រលូន​ ទោះបី​គ្មាន​សំពាធតែ​ក៏​ត្រូវ​ឧស្សាហ៍​មើល​អ្នក​ជុំវិញ​ខ្លួន។ គួរ​លៃ​ពេល ​ជួបជុំ​មិត្ត​ គ្រួសារ​​កុំ​បំភ្លេច​ពួកគេ​ ហើយ​កុំចង់​ឯករាជ្យ​ទាំង​ការងារនិង​មនុស្ស​ជា​ទី​ស្រលាញ់​ផ្សេង​ទៀត ឲ្យ​សោះ។ ចាប់ផ្ដើម​សាងសង់​រចនា​សម្ព័ន្ធ​របស់​អ្នក ​ប៉ុន្តែ​ត្រូវ​ចងចាំ​ថា  ​ត្រូវ​ពិនិត្យ​ពិចារណា​ដោយ​ខ្លួនឯង​និង​កែសម្រួល​វា​ តាម​តម្រូវការ​ដែល​ចាំបាច់។

៣. តាមដាន​ហិរញ្ញវត្ថុ

ទោះបី​ជា​ការ​ងារឯ​ករាជ្យ​គ្មាន​អ្នក​បង្ខិតបង្ខំ​ក៏​ដោយ​ តែ​អ្នក​ក៏​ត្រូវ​តែ​ច្បាស់លាស់​ជាមួយ​ហិរញ្ញ​វត្ថុ​ផ្ទាល់ខ្លួន​ដែរ។ គួរ​បង្កើត​បញ្ជី​ធំ​មួយ​នៅ​ដើម​ឆ្នាំ​ ដើម្បី​តាមដាន​គោលដៅ​របស់​អ្នក ក្នុង​ចំណោម​គោលដៅ​ធំៗ​ដែល​បាន​ត្រៀម ។ វា​នឹង​នាំ​មក​នូវ​ប្រាក់​សន្សំ​និង​គោលដៅ​គណនី​ ពេល​អ្នក​ចូល​និវត្តន៍។ តាមដាន​រាល់​ការ​ចំណាយ​ប្រចាំថ្ងៃ ​ដើម្បី​កំណត់​កន្លែង​ដែល​បាន​ចំណាយ​ច្រើន​បំផុត។

៤. ចាប់ផ្ដើម​ចំណូលចិត្ត​ថ្មីៗ

ការ​កំណត់​គោលដៅ​ ទំនួល​ខុសត្រូវ​ រចនា​សម្ព័ន្ធ​ភាព ការ​ថែរក្សា​ខ្លួនឯង ​ផលិតផល​ឬ​ផលិតភាព បញ្ជី​ហិរញ្ញវត្ថុ​ក្ដី​ យើង​នៅ​តែ​បន្ត​ធ្វើ​វា​ដដែល។​ ប៉ុន្តែ​អ្នក​ក៏​ត្រូវ​តែ​មាន​ចំណូលចិត្ត​ថ្មីៗ ​ដូចជា​អាន​ប្រលោមលោក​មនោសញ្ចេតនា​មួយ​ចំនួន ​ហាត់​កីឡា ​ឬ​ចាប់ផ្ដើម​ធ្វើអ្វី​ផ្សេង​ក្រៅ​ពី​ការងារ​ឯករាជ្យ​របស់​អ្នក។

ចងចាំ​ថា ​ចំណង់ចំណូលចិត្ត​ទាំង​នេះ​ធ្វើ​ឲ្យ​យើង​ក្លាយ​ជា​មនុស្ស​ម្នាក់ ​ដែល​មាន​គំនិត​ច្នៃប្រឌិត​លើ​ការងារ​របស់​យើង។ វា​អាច​ឲ្យយើងលាត​សន្ធឹង​នៃ​ភាព​ច្នៃ​ប្រឌិត ​និងការ​ប្រកួតប្រជែង​មួយ​ចំនួន ​ខណៈ​ពេល​ដែល​អ្នក​នៅ​តែ​​រក្សា​បង្គោល​ឲ្យ​នៅ​សូន្យ​ ដោយ​គ្មាន​សម្ពាធ​អ្វី​មក​គាបសង្កត់​ផ្លូវ​ចិត្ត​ ការងារ​របស់​អ្នកដដែល៕

ប្រែសម្រួល៖ សាង ស្រីល័ក្ខ

ចុចអាន៖ការងារ​ថ្មីៗ​ទំាង​នេះ​ត្រូវ​ប៉ាន់​ក្នុង​អំឡុង​វិបត្តិ​កូវីដ​ថែម​ទាំង​មាន​ប្រាក់​ចំណូល​ខ្ពស់

ចុចអាន៖ដាច់ខាតកុំនិយាយពីកន្លែងចាស់​ពេលចូលធ្វើការ​កន្លែងថ្មី​! ហេតុអ្វី?

The post ចង់​ធ្វើការ​តាម​របៀប​ឯករាជ្យ អាច​ត្រៀម​ចាត់ចែង​ជំនាញ​ពី​ពេល​នេះ​ទៅ​ appeared first on Kampuchea Thmey Daily.

​ចំណែក​បណ្ដា​ជំនាញ​ដែល​យើង​អាច​ផ្ទេរ ឬ​រៀន​ពីគ្នា​បាន តោង​តែ​ជា​អ្វីដែល​ត្រូវបាន​ប្រើ​នៅក្នុង​មុខ​អាជីព​ផ្សេងៗ​ជាច្រើន​ផ្នែក ឧទាហរណ៍ ការគ្រប់គ្រង​ពេលវេលា ការទំនាក់ទំនង ការរៀបចំ​ផែនការ ។​ល​។​

​របៀប​ដែល​ជំនាញ​ទាំងនោះ​អាច​ផ្ទេរ​ដល់​គ្នា​បាន​

​ពិចារណា​សារ​ដើម អំពី​ប្រវត្តិ​នៃ​សកម្មភាព​យើង​ម្នាក់ៗ​កាលពី​នៅ​សាលារៀន និង​បទពិសោធន៍​ជា​អ្នកស្ម័គ្រចិត្ត​ពេលចេញ​ស្វែងរក​បទពិសោធន៍​ដំបូង តើ​ជំនាញ​អ្វីមួយ​ដែល​កាលណោះ​យើង​បាន​ប្រើ​ជាប្រចាំ​? ឧទាហរណ៍​ជំនាញ​ទំនាក់ទំនង​? ឧបមា​ថា​និយោជក​កំពុង​ស្វែងរក​នរណាម្នាក់​ដែល​អាចបំពេញ​ភារកិច្ច​ជាច្រើន​ក្នុងពេល​តែមួយ (​ពហុ​ជំនាញ​)​ជាទូទៅ​ពហុ​ជំនាញ​មិនអាច​ជាក់លាក់​ដូច​ចេញពី​មហាវិទ្យាល័យ​ទេវា​គួរតែ​ប្រភេទ​ដែល​អាច​រៀន​ត​គ្នា​បាន ដូចជា អាន និយាយ សរសេរ​របាយការណ៍ រៀបចំ​ព្រឹត្តិការណ៍​នានា ជួប​ភ្ញៀវ​សរសេរ​ពាក្យស្នើសុំ​កិច្ចសហការ​ណ៍​បែបបទ​រដ្ឋបាល​។​ល​។​

​ជំនាញ​ទាំងនេះ​ត្រូវបាន​ផ្ទេរ​ឬ​បង្រៀន​ត​គ្នា​ដោយ​ការ​អនុវត្តិ​ផ្ទាល់​ហើយ​និង​មានតម្លៃ​ឡើងជា​និច្ច​ពីមួយថ្ងៃ​ទៅមួយថ្ងៃ​ដូច​ពាក្យ​ថា​មើលសៀវភៅ​១០​ក្បាល​មិន​ស្មើ​ជួប​ផ្ទាល់​ម្តង​។​

​តើ​ជំនាញ​ដែល​អាច​ផ្ទេរ​បាន​ទាំងនោះ​សំខាន់​ទេ​?

​និយោជក​ចង់បាន​និ​យោ​ជិ​ក​ដែល​អាច​ផ្តួចផ្តើម​គំនិត​។ ការបង្ហាញ​ជំនាញ​ស្រាវជ្រាវ​និង​ផែនការ​របស់​យើង ដែល​អាច​បង្ហាញថា​យើង​ជា​មនុស្ស​មាន​ស្មារតី​មាំ មានការ​លើកទឹកចិត្ត​រួមមាន សមត្ថភាព​ក្នុងការ​គិតទុក​ជាមុន និង​ការការពារ​បញ្ហា​មិនឱ្យ​កើតឡើង ឬ​កើតឡើង​ហើយ​ស្រួល​ទៅវិញ​….​ជា​អ្វី​ដែលមាន​អ្នក​ចង់​ស្វែងរក​ច្រើន​។​

​ការប្រើ​ជំនាញ​គិត​ត្រិះរិះ ដើម្បី​ធ្វើការ​សម្រេចចិត្ត​ឬ​វាយតម្លៃ ការរក​ដំណោះស្រាយ​ដែល​អាច​កើតមាន​ចំពោះ​បញ្ហា ការចេះ​ផ្តល់​អាទិភាព​ដល់​ភារកិច្ច សមត្ថភាព​វិភាគ​ព័ត៌មាន​និង​ការព្យាករណ៍​លទ្ធផល សមត្ថភាព​បង្កើត​និង​អនុវត្ត​គោលនយោបាយ​និង​នីតិវិធី​ថ្មី​ដែល​អាច​សំរបសំរួល​និង​អភិវឌ្ឍ​កម្មវិធី រៀបចំ​ឯកសារ​នីតិវិធី​និង​លទ្ធផល ធ្វើការ​ស្រាវជ្រាវ​ដោយ​ប្រើប្រាស់​ធនធាន​អ៊ីនធឺណិត​និង​បណ្ណាល័យ ជំនាញ​កុំព្យូទ័រ​និង​បច្ចេកទេស ទាំងនេះ សុទ្ធ​តែមាន​សារៈសំខាន់​ហើយ​អាច​ផ្ទេរ​ដល់​គ្នា​បាន​តាមរយៈ​វគ្គ​ខ្លីៗ ការបណ្តុះបណ្តាល​ជាប្រចាំ និង​ការ​ផ្តល់ឱកាស​ឱ្យ​អនុវត្តិ​ជា​ជំហានៗ​៕

​ប្រែ​សម្រួល ៖ សុភា​

​ប្រភព ៖ thebalancecareers

ចុចអាន៖ចង់​ធ្វើ​ថៅកែ​គេ​នឹង​ពិបាក បើ​មិន​ចេះ​ជំនាញ​បឋម​ទាំង​បួន​នេះសិន

ចុចអាន៖ជំនាញ​ទំនាក់ទំនង​៖ ដំណោះស្រាយ​ជា​មនុស្ស​យឺត​ស្ទក់

The post តើ​ជំនាញ​អ្វីខ្លះ ដែល​អាច​ផ្ទេរ​ដល់​គ្នា​បាន​ដោយ​មិនបាច់​ទៅ​សាលារៀន​? appeared first on Kampuchea Thmey Daily.

ទី១ ជំនាញ​ផ្នែក eSports

eSports នឹងមានទំហំវិសាលភាពពាណិជ្ជកម្មកាន់តែ​ធំដែល​ចុងក្រោយ​វានឹង​ឈរជើងមាំ​ជា​កីឡាផ្នែក​ប្រពៃណី​ដ៏ធំនិងរឹងមាំមួយ​។ ការប្រកួតជើងឯកពិភពលោក eSport ទូទាំង​ច្រកល្ហកនៃពិភពលោកនេះ​នឹងប្រព្រឹត្តទៅ​នៅ​លើសង្វៀន​តែមួយដូចដែល​ដែល FIFA World Cup បាន​ធ្វើហើយ​។ បច្ចុប្បន្ននេះ​សាកលវិទ្យាល័យជាច្រើន​លើលោក​បានសម្រេចផ្តល់អាហារូបករណ៍ផ្នែក​ eSports យ៉ាង​ទូលំទូលាយហើយ។ នៅកម្ពុជា​យើងនៅយល់ខ្សោយពីកីឡាអនឡាញនេះ​ហើយភាគច្រើនឪពុកម្តាយ​គិតថា​ វាជាហ្គេម​ដែលបំផ្លាញ​អនាគតក្មេង​ ប៉ុន្តែ​ហ្គេមនិង eSport ខុសគ្នា។

វានឹងក្លាយជា​ឧស្សាហកម្មកីឡា​ដែលមាន​អ្នកវិនិយោគ និងអ្នកលេងច្រើនជាងអ្វី​ដែល​យើង​ធ្លាប់គិត​ដោយសារ​ភាពងាយស្រួល​នៃ​កំណត់​លទ្ធផល​ប្រកួត​និងការ​ទួទាត់។

eSports ដែលជាឧស្សាហកម្មមួយបាននិងកំពុងកើនឡើងជាង ៥០% ពីមួយឆ្នាំទៅមួយឆ្នាំគិតត្រឹមឆ្នាំ ២០១៨ លើទំហំ​ទឹកប្រាក់រាប់ពាន់លានដុល្លារ។

ទី២ អ្នករចនាពិភពនិម្មិត Virtual World Designer

ASA និង A&A ​នឹងចូលខ្លួន​មក​រចនាសឹងថា​គ្រប់អ្វីៗ​នៅក្នុងជីវិតរស់នៅនិងអាជីវកម្ម​ទៅអនាគត​។ ចាប់ពី​អាគារ​រហូតដល់កៅអីនិងអ្វីជាច្រើន​ទៀត​លើបណ្តាញ​អនឡាញ។ បច្ចុប្បន្ននេះ​មាន​ប្រជាជន ៤.២ ប៊ីលាននាក់​បានភ្ជាប់អ៊ិនធរណិតប្រើ​ មានន័យថា ពួកគេមានជីវិត​ប្រចាំ​ថ្ងៃ​ផ្សារភ្ជាប់ទៅនឹង​ពិភពឌីជីថល។

ការប្រើពិភពនិម្មិត ជាបរិយាកាសអន្តរប្រតិបត្តិការដ៏សំខាន់ កាត់ចោល​ការចំណាយ​ច្រើនម៉ោងក្នុង​ចរាចរណ៍ដើម្បីទៅប្រជុំដោយ​យើងអាចពាក់វ៉ែនតាជំនួស​និងជួបគ្នានៅការិយាល័យនិម្មិតបាន។

ពិភពនិម្មិត Virtual World Designer ​គឺជាវឌ្ឍនភាពធម្មជាតិនៃបច្ចេកវិទ្យា​ ហើយ​ដែលវានឹង​ចាំបាច់​ក្លាយ​ជាផ្នែកមួយនៃ​ជីវិតរបស់យើងឆាប់ជាងអ្វីដែលយើង​ព្រមជឿ។

ទី៣ អ្នកជំនាញ CyberSecurity & Private Data Brokerage

នៅពេលដែលយើងរស់នៅកាន់តែផ្ទាល់​នៅក្នុងពិភពឌីជីថល ប្រពន្ធ័សន្តិសុខ Cyber ​​នឹង​កាន់តែមានអទិភាព។ បច្ចុប្បន្នពិភពលោកកំពុង​ដេញដោល​អំពីអសន្តិសុខ​ទិន្នន័យ​ដែល​យើង​ត្រូវបាន​ចាញ់ប្រៀបហ្វេសប៊ុក​ ហើយ​ព័ត៌មានឯកជន​របស់យើងកំពុងត្រូវបានគ្រប់គ្រងដោយសាជីវកម្មធំ ៗ ។ ដោយ​យើង​មិនគិតដល់​អាចថាយើង​នៅល្ងង់ យើង​ទំាងអស់គ្នា​បានព្រម​លះបង់ទិន្នន័យ (ព័ត៌មាន​ ជីវិតឯកជន រូបផាព និង​ផ្លូវចិត្ត​) ដោយឥតគិតថ្លៃ ពីព្រោះយើង​គិតមិនដល់ថា ​តើព័ត៌មានប្រភេទនេះ​មានតម្លៃប៉ុណ្ណា​នោះ​ទេ។ ពីអតីតកាល​ប្រព័ន្ធផ្សព្វផ្សាយសង្គម​បាន​ចំណាយប្រាក់រាប់លានដុល្លារ​ដើម្បីចាប់យកព័ត៌មានប្រភេទអស់ទំាង​នេះ​មកសិក្សា​បង្កើតទីផ្សារ​លក់របស់នានា​តម្រូវចិត្ត​មនុស្ស នេះប៉ុន្តែឥឡូវ​មនុស្សកំពុង​លះបង់វាដោយឥតគិតថ្លៃ ជាថ្នូរនឹងអនុស្សាវរីយ៍ឬការ​សើចកម្សាន្ត​។

ជាមធ្យមទិន្នន័យរបស់អតិថិជននៅអាមេរិកមានតម្លៃយ៉ាងហោចណាស់ក៏ ២៤០ ដុល្លារក្នុង​មួយឆ្នាំដែល​​ក្រុមហ៊ុនប្រភេទ​ដូចជា facebook ឬ google ចង់បាន ។​ ឥឡូវ​ឈ្មួញកណ្តាលផ្នែក​ទិន្នន័យ​គឺជា​ឧស្សាហកម្មដែលមាន​ទុន​រាប់ពាន់លានដុល្លាររួចទៅហើយ គឺគេប្រើទិន្និន័យរបស់យើង​ដើម្បីមានបានខ្លួនគេ​ ហើយ​យើង​ផុសឲ្យគេដោយ​ស្មគ្រ័ចិត្ត​។​

ប្រសិនបើ​ ១០ ឆ្នាំទៅមុខ​គ្រប់គ្នា​ចង់បាន​ភាពផ្ទាល់ខ្លួនមកវិញឬការពារ​ព័ត៌មាន​ផ្ទាល់ខ្លូន​គេត្រូវការ​ជួលអ្នកជំនាញ ​CyberSecurity & Private Data Brokerage។ តម្លៃនៃអាជីពនេះ​យើង​គួរដឹងហើយ​។​

ទី៤ ជំនាញ​ទិន្នន័យ Big Data Science និង AI artificial intelligence

នេះជាជំនាញ  ប្រមូលទិន្នន័យនិងលទ្ធភាពទាញយកសេចក្តីសង្ខេបដែលមានអត្ថប្រយោជន៍។ អាជីពនេះក្រុមហ៊ុនទំាង​អស់ត្រូវការចាំបាច់​ដើម្បីស្វែងរកព័ត៌មាន​ត្រឹមត្រូវនិងវាយតម្លៃ​លើទីផ្សារ​ជុំវិញ​ទិន្នន័យដែលផ្តល់ដោយ​ចរាចរណ៍​នានាលើ​អ៊ិនធរណិត។ ជំនាញនេះ​នឹងនាំមកនូវ​ទីផ្សារការងារធំទូលាយមិនថា ក្នុងស្រុកនិងតំបន់​ជាមួយ​បៀរវត្សរ៍​ឬប្រាក់ម៉ោងហោចណាស់​ ៣០០ ដុល្លារអាមេរិកក្នុងមួយ​ថ្ងៃ។

ទី៥ ឧស្សាហកម្មសិល្បៈការកម្សាន្តបច្ចេកវិទ្យា

ការកម្សាន្តគឺនៅតែមាន​ទីផ្សារ​ខ្ពស់គ្រប់ពេល។ ហេតុអ្វី? ព្រោះវាជាការកម្សាន្តដែល​គ្រប់គ្នា​រស់នៅក្នុងជីវិតដ៏​មមាញឹក​ត្រូវការ​វាឡើងៗពីមួយ​ថ្ងៃទៅមួយ​ថ្ងៃ។ ត្រូវចាំថា ការកម្សាន្តកំពុងវិវត្តរួមជាមួយ​នឹងបច្ចេកវិទ្យា ដូច្នេះ​កាសែតចម្រៀង ថាស សៀវភៅ ឬ​ការបោះពុម្ពផ្សាយ​ផ្សេងៗ ជារឿង​ហួសសម័យ​។

Disney បានគិតពីអនាគត​លឿនជាងគេ។ ឧស្សាហកម្មយក្ខដ៏ទំនើបនេះបានលួច​ទិញ Pixar​Film ដែល​ជាកំពូលស្ទូឌីយោ​ធំជាងគេ​ផ្នែកគំនូរចលនា​លើលោកយើងនេះ។ យើងមើល​ Incredibles 2, Frozen, Finding Dory, ដែលកុនទំាង​នេះ​រកចំណូលបានជាង ១ កោដិដុល្លារដោយ​គ្មាន​ប្រើ​តារាសម្តែង​ណាម្នាក់​ឡើយ។ Avengers ក៏ពឹងផ្អែកលើ CGI ច្រើនជាងការសម្តែង​ផ្សេងទៀត៕

អត្ថបទ៖ សាយ ពេជ្រ

ចុចអាន៖ ជំនាញ​សរសេរ​កូដ​ ( learn how to code) ជា​ការ​បោះ​ជំហាន​ចូល​ទៅ​ក្នុង​សកលលោក​ដ៏​ធំ

ចុចអាន៖ យកជំនាញ ៨ នេះបានលុយធំ​នៅរង់ចាំ

The post ជំនាញថ្មី ៥ ប្រភេទដែលបញ្ជាលើទីផ្សារ​ពាណិជ្ជកម្ម នាពេលអនាគតបានមាន​អ្វីខ្លះ? appeared first on Kampuchea Thmey Daily.