ជំនឿចិន Archives - Kampuchea Thmey Daily

នំ ៧ប្រភេទ ពេញនិយមក្នុងពិធីសែននំព្រះខែ សឹងតែរាល់ៗឆ្នាំ

សាង ស្រីល័ក្ខ — Thu, 28 Sep 2023 09:30:00 +0000

ពិធីបុណ្យសែនព្រះខែនឹងមកដល់នៅវេលាស្អែកនេះ សម្រាប់បងប្អូនដែលមានជាប់សែស្រឡាយចិន ប្រាកដជារូតរះទិញនំ ឲ្យបានមុនថ្ងៃមិនខានឡើយ។ ថ្ងៃនេះផងដែរ កម្ពុជាថ្មី សូមណែនាំប្រភេទនំសែនព្រះខែ ៧ប្រភេទ ដែលពេញនិយមសឹងតែរាល់ៗឆ្នាំ និងមានរសជាតិឈ្ងុយឆ្ងាញ់ ហើយជាពិសេសនោះគឺជនជាតិចិនចោលមិនបាននោះទេ។

១. ស្នូលង៉ូវយ៉េង

នំសែនព្រះខែដែលខ្មែរយើងនិយមហៅថា ង៉ូវយ៉េង គឺជាប្រភេទនំដែលមានរសជាតិបែបបុរាណរបស់ចិន និងថ្លៃជាងគេក្នុងចំណោមនំទាំងអស់។ នៅក្នុងស្នូលនំមានលាយចម្រុះជាមួយគ្រាប់អាល់ម៉ុន គ្រាប់ Walnut គ្រាប់ឪឡឹក ល្ង គ្រាប់ល្ពៅនិងពងទា រួមជាមួយនឹងសាច់ជ្រូកចិញ្ច្រាំបញ្ចូលគ្នាក្នុងគ្រឿងផ្សំ។ ជនជាតិចិនភាគច្រើន ជាពិសេសដែលមានមនុស្សវ័យចំណាស់ ចូលចិត្តរសជាតិមួយប្រភេទនេះជាខ្លាំង។

២. ស្នូលសណ្ដែកក្រហម

នំសែនព្រះខែដែលមានស្នូលសណ្ដែកក្រហម បានបញ្ចូលគ្រឿងផ្សំលាយជាមួយសណ្ដែកក្រហមនិងពងទា ហើយនំមួយនេះមានរសជាតិផ្អែម រលោងទាំងក្រៅនិងក្នុង។ សម្រាប់អ្នកដែលមិនចូលចិត្តរសជាតិផ្អែម អាចហូបជាមួយតែមួយពែង ដើម្បីបន្ថែមរសជាតិកាន់តែមុតជាងមុន។

៣. ស្នូលឈូក

នំប្រភេទនេះគឺជាបង្អែមដែលជនជាតិដើមឈិនពេញនិយមទូទាំងប្រទេសចិន និងសូម្បីតែនៅបរទេស។ ស្នូលផ្អែមនៃគ្រាប់ឈូកដែលបានកិនច្របល់គ្នាក្នុងសាច់នំនិងចំណិតពងទា ត្រូវបានគេចាត់ទុកថាជាការបំពេញរូបរាងរបស់ព្រះចន្ទ ដែលនៅលើមេឃ។

៤. ប្រភេទនំព្រះខែចម្រុះពណ៌

នំសែនព្រះខែដែលមានសាច់ពណ៌ស គឺមានដើមកំណើតនៅហុងកុង ហើយបានពេញនិយមនៅប្រទេសចិន។ សំបកនំគឺធ្វើពីម្សៅអង្ករពណ៌ស ដោយបច្ចុប្បន្ននេះគេអាចច្នៃឲ្យមានគ្រប់ពណ៌ ដោយចាក់ទឹកផ្លែឈើលើសំបកនំ ដើម្បីមើលទៅមានពណ៌ស្រស់ឆើតឆាយទាក់ទាញជាងមុន។

៥. ស្នូលបន្លែនិងផ្លែឈើ

នំប្រភេទនេះជានំសុខភាព អាចនិយាយបានថា វាជាអាហារសម្រាប់អ្នកបួសដែរ។ ចំណែកគ្រឿងផ្សំរួមមានបន្លែនិងផ្លែឈើស្រស់ ទឹកឃ្មុំលីងជីបន្ថែមសាច់ខាងក្នុង ហើយរសជាតិរបស់នំគឺទន់និងរលោងពីខាងក្រៅដូចស្នូលឈូកដែរ។

៦. សូកូឡា

នំប្រភេទនេះភាគច្រើនគឺតម្រូវក្មេងៗ ដោយសារគ្រឿងផ្សំគឺធ្វើចេញពីសូកូឡា និងជួយបន្ថែមភាពរ៉ូមែនទិកនិងសុភមង្គលក្នុងគ្រួសារ។

៧. តែបៃតង

គ្រឿងផ្សំជាចម្បងរបស់នំសែនព្រះខែពណ៌បៃតងនេះ ត្រូវបានធ្វើចេញពីស្លឹកតែនិងគ្រឿងផ្សំផ្សេងៗទៀតដូចជាឈូកជាដើម។ ក្នុងពេលដែលនំប្រភេទនេះ ពេញនិយមសម្រាប់ជនជាតិចិននិងសែស្រឡាយចិនណាស់៕

គ្រូ ណុប

ចុចអាន៖មានមូលហេតុអ្វី ដែល ង៉ូវយ៉េង ថ្លៃជាងនំសែនព្រះខែផ្សេងទៀត

The post នំ ៧ប្រភេទ ពេញនិយមក្នុងពិធីសែននំព្រះខែ សឹងតែរាល់ៗឆ្នាំ appeared first on Kampuchea Thmey Daily.

មានមូលហេតុអ្វី ដែល ង៉ូវយ៉េង ថ្លៃជាងនំសែនព្រះខែផ្សេងទៀត

សាង ស្រីល័ក្ខ — Thu, 28 Sep 2023 01:00:00 +0000

ឲ្យតែដល់រដូវកាលសែននំព្រះខែ បងប្អូនដែលជាប់សែស្រឡាយចិនគ្រប់គ្នាប្រាកដជាត្រៀមខ្លួនដើម្បីត្រៀមអបអរបុណ្យប្រពៃណីខាងមុខដោយការសែននំព្រះខែ។ ក្នុងនោះមាននំមួយប្រភេទ ល្បីថាមានតម្លៃថ្លៃនិងឆ្ងាញ់ជាងគេថែមទៀត។

បើតាមការកត់សម្គាល់សឹងតែរាល់ឆ្នាំ មិនថាម្ចាស់ហាងធ្វើនំឬអ្នកលក់ដូរតាមផ្សារតែងនិយាយថា នំង៉ូវយ៉េងជាប្រភេទនំថ្លៃនិងពេញនិយម ល្បីថាឆ្ងាញ់ ហើយតែងតែងតែនាំមុខគេដោយលក់ដាច់អស់ៗឲ្យតែមានបុណ្យសែនព្រះខែ។

តើមានមូលហេតុអ្វីដែលធ្វើឲ្យនំង៉ូវយ៉េង តែងតែឈានទៅមុខមុនគេពីរឿងតម្លៃ? តើរសជាតិនិងគុណភាពអ្វី ដែលអាចទាក់ចិត្តអតិថិជនមិនឲ្យងាករេទៅណាចោលបាន?

ង៉ូវយ៉េង គឺជានំសែនព្រះខែដែលមានរសជាតិឈ្ងុយឆ្ងាញ់ បែបបុរាណរបស់ជនជាតិចិន។ មិនថារសជាតិនិងតម្លៃគឺសក្ដិសមឥតខ្ចោះ ដែលប្រជាជនចិននិយមទទួលទាន។ មានហេតុផលជាច្រើនដែលង៉ូវយ៉េងមានតម្លៃថ្លៃជាងនំផ្សេងទៀត ៖

ដោយសារគ្រឿងផ្សំមានមានតម្លៃថ្លៃ និងច្រើនជាង ដូច្នេះហើយទើបនំមួយប្រភេទនេះ មានតម្លៃថ្លៃជាងនំសែនព្រះខែផ្សេងទៀត។ ចំណែកគ្រឿងផ្សំនៅក្នុងស្នូលនំវិញ មានដូចជា៖ គ្រាប់អាល់ម៉ុន គ្រាប់ឪឡឹក គ្រាប់ស្វាយចន្ទី ល្ង គ្រាប់ល្ពៅនិងពងទា រួមជាមួយនឹងសាច់ជ្រូកចិញ្ច្រាំ បញ្ចូលគ្នាក្នុងគ្រឿងផ្សំ បញ្ចេញបានជារសជាតិមួយខុសពីនំសែនព្រះខែដ៏ទៃ។

រីឯការចម្អិនវិញ គឺយូរខ្លាំងជាងនំផ្សេងៗទៀត ហើយក៏ទាមទារឲ្យអ្នកធ្វើប្រុងប្រយ័ត្ន និងឧស្សាហ៍មើលភ្លើងដែលចម្អិននំឲ្យបានគ្រប់ជ្រុងជ្រោយដែរ។ ប្រសិនបើអ្នកធ្វើប្រហែសតែបន្តិច នោះនំនឹងចេញមកអន់ថយរសជាតិ ឬគ្មានគុណភាពតែម្ដង។

នេះជាផលវិបាកមួយដែលចុងភៅផ្នែកចម្អិននំង៉ូវយ៉េង ត្រូវតែឈ្លាសវៃនិងរហ័សរហួន ទើបការចម្អិននំកាន់តែមានរសជាតិឈ្ងុយឆ្ងាញ់ និងអាចទាក់ទាញអតិថិជនបានយូរអង្វែង។

មានហេតុផលមួយទៀតដែលធ្វើឲ្យនំង៉ូវយ៉េងមានតម្លៃថ្លៃនោះគឺ ចំនួនពងទាដែលមាននៅក្នុងស្នូលនំ។ បើពងទាកាន់តែច្រើន នំក៏រឹតតែថ្លៃ និងឆ្ងាញ់ជាងមុនថែមទៀត ហើយពងទានោះទៀតសោត ក៏ត្រូវបានគេផ្សំគ្រឿងមួយបែបទៀត ដើម្បីឲ្យស៊ីជាមួយសាច់នំនៅខាងក្រៅ។ ជាពិសេស រាល់ពេលដែលមនុស្សហូបនំ ង៉ូវយ៉េង បានរសជាតិច្របល់ចូលគ្នាចេញជារសជាតិតែមួយ និងដូចបានហូបនំទិព្វពីស្ថានសួគ៌គ្មានពីរដូច្នោះដែរ។

លើសពីនេះទៀតសោត នំសែនព្រះខែជាប្រភេទផលិតផលតាមរដូវកាល ឲ្យតែដល់រដូវកាលសែននំលោកខែ តម្រូវការមិនងាយថមថយទេ។ ដូច្នេះគ្រឿងផ្សំមួយចំនួនអាចឡើងថ្លៃទៅតាមតម្រូវការ និងពេលរដូវកាលវាជិតមកដល់។ បូកផ្សំនឹងការវេចខ្ចប់ទាក់ចិត្តអតិថិជន ដើម្បីបង្ហាញសោភ័ណភាពនៃការវេចខ្ចប់របស់នំ ហើយនេះក៏ជាកត្តាដែលធ្វើឲ្យនំមានតម្លៃថ្លៃដែរ។

ដូចបានជម្រាបជូនពីខាងលើ ក្រៅពីទិញសម្រាប់ការសែនជូនដូនតាហើយ អ្នកខ្លះអាចជាវជាកាដូជូនដល់
ញាតិមិត្តថែមទៀត ដូច្នេះទើបតម្រូវការនំសែនលោកខែនៅតែមាន មិនងាយប្រែប្រួលឡើយបើទោះបីជាតម្លៃថ្លៃគួរសមក្ដី៕

គ្រូ ណុប

ចុចអាន៖នំ ៧ ប្រភេទ ខ្វះមិនបាន ហើយជនជាតិ ចិន តែងយកជាដង្វាយសែនព្រះខែរាល់ឆ្នាំ

The post មានមូលហេតុអ្វី ដែល ង៉ូវយ៉េង ថ្លៃជាងនំសែនព្រះខែផ្សេងទៀត appeared first on Kampuchea Thmey Daily.

អាហារ៤ប្រភេទជនជាតិចិនជឿថា ហូបក្នុងថ្ងៃកំណើត ជួយឲ្យសុខភាពល្អ និងសំបូរលុយកាក់

សាង ស្រីល័ក្ខ — Mon, 25 Sep 2023 06:15:00 +0000

ថ្ងៃកំណើតគឺជាថ្ងៃដ៏សំខាន់សម្រាប់មនុស្សគ្រប់ជាតិសាសន៍ជុំវិញពិភពលោក។ ប្រជាជនចិនក៏ផ្តល់សារៈសំខាន់ខ្លាំងដល់ថ្ងៃកំណើតដែរ។ វានឹងមានពិធីខួបកំណើតសម្រាប់មនុស្សក្នុងថ្ងៃដ៏ពិសេសនោះ ស្របពេលជាមួយគ្នានេះ អាហារល្អៗក៏ជាជម្រើសមួយដែលប្រជាជនចិនចូលចិត្តញ៉ាំក្នុងថ្ងៃខួបកំណើតមានដូចខាងក្រោម។

១ មីសសៃធំ

មីសសៃធំគឺជាអាហារដ៏ល្អមួយដែលប្រជាជនចិនចូលចិត្តញ៉ាំក្នុងថ្ងៃខួបកំណើត។ ដោយសារមីមានប្រវែងវែងគឺជានិមិត្តសញ្ញានៃភាពជាប់បានយូរ ឬតំណាងឲ្យអាយុវែង ប្រជាជនចិនចូលចិត្តញ៉ាំគុយទាវនៅថ្ងៃខួបកំណើតរបស់ពួកគេ ដើម្បីលើកកម្ពស់អាយុវែងទៅថ្ងៃមុខផងដែរ។

២ នំប៉ាវ

នំប៉ាវជាអាហារដ៏ល្អមួយដែលប្រជាជនចិនចូលចិត្តញ៉ាំក្នុងថ្ងៃខួបកំណើត។ ព្រោះនំប៉ាវមានរាងដូចលុយ។ ដូច្នេះហើយវាជានិមិត្តរូបនៃទ្រព្យសម្បត្តិ ហើយប្រជាជនចិនចូលចិត្តញ៉ាំនំប៉ាវក្នុងថ្ងៃខួបកំណើតដើម្បីក្លាយជាអ្នកមាន។

៣ ស៊ុត

ស៊ុតជាអាហារដែលប្រជាជនចិនចូលចិត្តញ៉ាំក្នុងថ្ងៃខួបកំណើត។ ដោយសារតែស៊ុតគឺជានិមិត្តសញ្ញានៃសំណាងល្អ ប្រជាជនចិនចូលចិត្តញ៉ាំស៊ុតនៅថ្ងៃខួបកំណើតរបស់ពួកគេ ដើម្បីនាំមកនូវសំណាងល្អ។

៤ ផ្លែឈើ

ផ្លែឈើគឺជាអាហារដ៏ល្អមួយដែលប្រជាជនចិនចូលចិត្តញ៉ាំក្នុងថ្ងៃខួបកំណើត។ នេះក៏ព្រោះតែផ្លែឈើមួយចំនួនមានអត្ថន័យល្អ ឧទាហរណ៍ ផ្លែទទឹមជានិមិត្តរូបនៃភាពសម្បូរបែប និងជានិមិត្តរូបនៃសុខភាព។

លើសពីនេះ ប្រជាជនចិនក៏ចូលចិត្តទទួលទានអាហារល្អៗផ្សេងទៀតក្នុងថ្ងៃខួបកំណើតរបស់ពួកគេ ដូចជា មាន់ស្ងោរ ទាអាំង នំព្រះខែជាដើម។

គន្លឹះជ្រើសរើសអាហារល្អសម្រាប់ខួបកំណើតជនជាតិចិន

អ្នកគួរតែជ្រើសរើសអាហារល្អៗដែលមានអត្ថន័យល្អ ដូចជាគុយទាវ នំប៉ាវ ស៊ុត ផ្លែឈើជាដើម អ្នកគួរតែជ្រើសរើសអាហារល្អៗដែលសមស្របនឹងអាយុរបស់មនុស្សនៅពេលកើតជាឧទាហរណ៍ កុមារគួរញ៉ាំអាហារដែលមានជីវជាតិ។ មនុស្សពេញវ័យគួរទទួលទានអាហារដែលបំប៉នសុខភាព៕

គ្រូ ណុប

ចុចអាន៖មុខរបរ៣ប្រភេទនៅប្រទេសថៃ ទទួលបានប្រាក់ឈ្នួលទាបជាងគេ

The post អាហារ៤ប្រភេទជនជាតិចិនជឿថា ហូបក្នុងថ្ងៃកំណើត ជួយឲ្យសុខភាពល្អ និងសំបូរលុយកាក់ appeared first on Kampuchea Thmey Daily.

អត្ថន័យគ្រឿងដង្វាយក្នុងថ្ងៃសែនក្បាលទឹក កូនចៅ ចិន តែងមានជំនឿខ្លាំង

សាង ស្រីល័ក្ខ — Tue, 29 Aug 2023 01:00:00 +0000

ជាទូទៅបងប្អូនជនជាតិចិន ឬបងប្អូនជនជាតិខ្មែរស្រឡាយចិនទាជីវ នឹងរៀបចំពិធីសែនក្បាលទឹកដែលនឹងប្រព្រឹត្តទៅនៅថ្ងៃទី៣០ ខែសីហាឆ្នាំ២០២៣។ វាក៏ជាថ្ងៃដ៏សំខាន់មួយទៀត សម្រាប់ជនជាតិចិន ដើម្បីមានឱកាសសម្តែងការដឹងគុណចំពោះបុព្វការីជនរបស់ពួកគេ។

បន្ថែមពីលើប្រវត្តិនៃថ្ងៃសែនក្បាលទឹករបស់ចិន ក៏មានជំនឿផ្សេងៗ ហើយសំខាន់មួយទៀត ដែលមិនអាចខ្វះបានសម្រាប់ថ្ងៃដ៏សំខាន់នេះ គឺការថ្វាយគ្រឿងដង្វាយដែលជួយបន្ថែមលាភសំណាង ភាពសប្បាយរីករាយ និងសេចក្ដីសុខផងដែរ។

គ្រឿងដង្វាយជាសាច់

ទា តំណាងឲ្យភាពបរិសុទ្ធ

មាន់ តំណាងឲ្យវឌ្ឍនភាពការងារ។

ត្រី តំណាងឲ្យក្នុងផ្ទះមានរបស់ហូបចុកគ្រប់គ្រាន់

ពោះជ្រូក តំណាងឲ្យភាពសម្បូរសប្បាយ ហូរហារពេញផ្ទះ

នំប៉ាវស្នូលបង្គា នាំមកនូវសំណាងល្អនិងភាពសំបូរសប្បាយ។

គ្រឿងដង្វាយជាបង្អែម

ប្រភេទនំគមនំបត់នំកាវសុង តំណាងឲ្យភាពផ្អែមល្ហែមក្នុងគ្រួសារ

នំអាកោរ តំណាងឲ្យភាពសុខសាន្ត និងសុខសប្បាយ

នំពារ តំណាងឲ្យការរួបរួមគ្រួសារឬគ្រួសារមានភាពសុខដុមរមនា

នំឡើងឬនំពងទា តំណាងឲ្យលុយកាន់តែច្រើន

នំសណ្តែកដី តំណាងឲ្យភាពសម្បូរសប្បាយ។

គ្រឿងដង្វាយជាផ្លែឈើ

ផ្លែក្រូច តំណាងឲ្យសំណាងល្អមានដល់អ្នក

ផ្លែចេក តំណាងឲ្យមានកូនចៅច្រើនៗ

ផ្លែប៉ោម តំណាងឲ្យសន្តិភាពក្នុងគ្រួសារ

ផ្លែទំពាំងបាយជូ តំណាងឲ្យអាយុវែង, ភាពលូតលាស់

ផ្លែសារី តំណាងឲ្យជោគជ័យនិងការងារល្អ

ទន្ទឹមនោះ នៅពេលជ្រើសរើសគ្រឿងដង្វាយ លោកអ្នកអាចជ្រើសរើសមុខម្ហូប៣ មុខ លាយជាមួយបង្អែម ៥ មុខ ក៏ដូចជាពេលជ្រើសរើសអាហារសម្រន់បន្ថែមផ្សេងទៀត។ ម៉្យាងទៀត អ្នកអាចជ្រើសរើសបង្អែម ៣មុខ លាយជាមួយផ្លែឈើ ដើម្បីសុំសេចក្ដីសុខបានដូចគ្នា៕

គ្រូ ណុប

ចុចអាន៖ប្រជាជនថៃ សម្រុកសុំលេខឆ្នោត ក្រោយរូបសំណាកអាយុកាលជាង ១០០ ឆ្នាំ ផុសចេញពីដើមពោធិ៍

The post អត្ថន័យគ្រឿងដង្វាយក្នុងថ្ងៃសែនក្បាលទឹក កូនចៅ ចិន តែងមានជំនឿខ្លាំង appeared first on Kampuchea Thmey Daily.

របៀបសែនទេវតា ៣ កន្លែង នាំសុខសប្បាយ និងលាភចូលពេញបរិបូរណ៍ក្នុងថ្ងៃចូលឆ្នាំ

សាង ស្រីល័ក្ខ — Thu, 19 Jan 2023 06:05:00 +0000

សែនចូលឆ្នាំចិនមិនមែនធ្វើឲ្យតែបាន តែបើមានតិចតួចក៏អាចសែនបាន ប៉ុន្តែក៏ត្រូវដឹងពីរបៀបរបប និងចំពោះទេវតាស្ថិតនៅទីតាំងណាខ្លះដែរ។ បើយោងតាមប្រភពហុងស៊ុយបានបញ្ចាក់ថា នៅថ្ងៃសែនចូលឆ្នាំចិន គឺជាថ្ងៃដែលតារាមេឃាទាំង ៩ ធ្វើដំណើរផ្លាស់ប្ដូរទីតាំង ស្របពេលកំពុងចរដំណើរនេះ រាសីរបស់មនុស្សម្នាក់ៗ គឺមិនស្ថិតស្ថេរនោះទេ ងាយស៊យ ងាយមានមនុស្សអរូបនានាលួចចូលផ្ទះបាន។

ដូចនេះហើយ បានជាគេត្រូវសែនទេវតាមុខផ្ទះ សែនទេវតាជំនាងផ្ទះ និងសែនទេវតាចង្ក្រាន ដើម្បីឲ្យលោកជួយគ្រប់គ្រងផ្ទះរបស់យើងឲ្យបានល្អ។ ម្យ៉ាងវិញទៀតធូប ទៀនដែលយើងដុតពេលសែននោះ គឺបានផ្ដល់កម្ដៅដល់ក្នុងផ្ទះ ក៏ជាវិធីរក្សាលំនឹងរាសីផ្ទះរបស់យើងដូចគ្នា។

១ ទេវតាមុខផ្ទះ

-តែក្ដៅ ៣ កែវ

-ស្រាស ៣ កែវ ( បើដាក់សាស៊ែ ត្រូវដាក់ស្រាសដាច់ខាត )

-សាស៊ែ ១ឈុត ( មាន់ស្ងោរ សាច់ជ្រូកស្ងោរ ពងទាស្ងោរ) តាមលទ្ធភាព

-ផ្លែឈើ ៣ មុខ ប៉ោម សារី ក្រូចខ្វិច អាចដាក់ចូលគ្នាមួយចានក៏បាន ឬបើមានលទ្ធភាព អាចទិញមួយមុខ ៤ ផ្លែ ដាក់ចានផ្សេងៗគ្នាទៀតគឺរឹតតែល្អ

-នំពងទា ឬ នំឡើង ១ គូ ឬមានលទ្ធភាព ១ គូ

-ទៀនក្រហម ១ គូ

-អុចធូបម្នាក់ ៣ សរសៃរ

-ក្រដាសសែនទេវតាមុខផ្ទះពិសេស ១ ឈុត

-អាចដាក់ទឹកសុទ្ធ ទឹកក្រូច ភេសជ្ជៈផ្សេងៗបាន ។

២ ទេវតាជំនាងផ្ទះ

-តែក្ដៅ ៥ កែវ

-ស្រាស ៥កែវ

-សាស៊ែ ១ ឈុត (មាន់ស្ងោរ សាច់ជ្រូកស្ងោរ ពងទាស្ងោរ) តាមលទ្ធភាព

-ជ្រូកខ្វៃ ១ក្បាល ( បើមានលទ្ធភាព ហាមជ្រូកកណ្ដុរ ឬជ្រូកប្រលាក់គ្រឿងហិលៗ)

-ផ្លែឈើ ៥មុខ ( ប៉ោម សារី ក្រូចខ្វិច ស្រកានាគ និងចេក ) អាចដាក់ចូលគ្នាមួយចាន ឬអាចទិញមួយមុខ ៤ផ្លែដាក់ចានផ្សេងៗគ្នាក៏បាន បើមានលទ្ធភាព។

-នំពងទា ឬ នំឡើង ១នំ ឬ១ គូ

-ទៀនក្រហម ១ គូ (ប្រើទៀនថ្មី)

-ធូបម្នាក់ ៥ សរសៃ មេគ្រួសារអុចធូប៥ធាតុ

-អាចដាក់ទឹកសុទ្ធ ទឹកក្រូច ភេសជ្ជៈផ្សេងៗបាន

-ដាក់ផ្កាប្រភេទពណ៌លឿង ១ ថូ ឬ ២ថូតាមលទ្ធភាព

-ដាក់សណ្ដែកដី ស្ងោឆ្អិន១ ចានបាយក្រពុំ ឬ ២ចាន តាមលទ្ធភាព។

៣ ទេវតាចង្ក្រាន

-តែក្ដៅ ៣ កែវ

-ស្រាស ៣ កែវ ( បើដាក់សាស៊ែ បានដាក់ស្រាស )

-សាស៊ែ ១ឈុត ( មាន់ស្ងោរ សាច់ជ្រូកស្ងោរ ពងទាស្ងោរ) តាមលទ្ធភាព

-ផ្លែឈើ ៣ មុខ ( ប៉ោម សារី ចេក ) ដាក់រួមគ្នាមួយចានបានហើយ

-នំពងទា ១ នំ បានហើយ

-ទៀនក្រហម ១ គូ

-អុចធូបម្នាក់ ៣ សរសៃរ

-ក្រដាសសែនទេវតាទ្រព្យ ១ ឈុត

ពេលអស់ធូប ចាំយកក្រដាសសែនទៅដុត ដុតឲ្យអស់យកទឹកតែ ស្រាស គ្រប់កន្លែងទៅចាក់ពីលើផេះ នៃក្រដាសសែនដែលឆេះអស់នោះ ជាការស្រេច៕

គ្រូ ណុប

ចុចអាន៖ដង្វាយសែនចូលឆ្នាំ ចិន ៣ ប្រភេទ បង្កប់អត្ថន័យលាភសំណាង ឲ្យម្ចាស់ផ្ទះរកស៊ីមានបាន

ចុចអាន៖ត្រណមធំ ៥ យ៉ាង អ្នកជាប់សែស្រឡាយ ចិន មិនអាចប្រព្រឹត្តិ នៅថ្ងៃសែនចូលឆ្នាំថ្មីបានឡើយ

The post របៀបសែនទេវតា ៣ កន្លែង នាំសុខសប្បាយ និងលាភចូលពេញបរិបូរណ៍ក្នុងថ្ងៃចូលឆ្នាំ appeared first on Kampuchea Thmey Daily.

ជំនឿមិនធ្លាប់ដឹងអំពីអាំងប៉ាវ ឬស្រោមសំបុត្រក្រហម ក្នុងប្រពៃណី ចិន

សាង ស្រីល័ក្ខ — Tue, 17 Jan 2023 01:05:00 +0000

អាំងប៉ាវឬស្រោមសំបុត្រក្រហម គឺជានិមិត្តរូបនៃសំណាងល្អ ភាពរុងរឿង សម្រាប់អ្នកផ្ដល់និងអ្នកទទួល ក្នុងពិធីបុណ្យចូលឆ្នាំចិន។ យ៉ាងណាមិញ នៅក្នុងប្រទេសចិនក្នុងសម័យរាជវង្ស Qin មនុស្សចាស់នឹងចងកាក់ជាមួយនឹងខ្សែពណ៌ក្រហម។ បន្ទាប់ពីការបង្កើតសាធារណរដ្ឋចិន ត្រូវបានវិវឌ្ឍន៍ទៅរុំដោយក្រដាសពណ៌ក្រហម ចាប់តាំងពីពណ៌ក្រហមតំណាងឲ្យសំណាងល្អនៅក្នុងប្រពៃណីចិន។

អាំងប៉ាវឬស្រោមសំបុត្រក្រហម (Hongbao) ត្រូវបានគេហៅថា yā suì qián ដែលដំបូងឡើយបង្ហាញពីអត្ថន័យនៃ “លុយបង្ក្រាបវិញ្ញាណអាក្រក់”។ វាជាប្រពៃណីក្នុងឱកាសចូលឆ្នាំចិន ដែលជាធម្មតាត្រូវបានផ្តល់ឲ្យដោយអ្នករៀបការឲ្យទៅអ្នកមិនទាន់រៀបការ ហើយភាគច្រើនជាកូន។ ដោយសារតែមានជំនឿជាប្រពៃណីថា ក្មេងៗងាយរងគ្រោះដោយសារអំពើអាក្រក់ ដូច្នេះមនុស្សនឹងផ្តល់អាំងប៉ាវដល់ពួកគេដើម្បីការពារ និងអនុញ្ញាតឲ្យក្មេងជំនាន់ក្រោយបានចំណាយពេលពេញមួយឆ្នាំដោយសន្តិភាព និងសុវត្ថិភាព។

តាមពិតមនុស្សចាប់ផ្តើមផ្តល់ស្រោមសំបុត្រក្រហមនៅថ្ងៃបុណ្យចូលឆ្នាំថ្មី ជាពិសេសចាប់ពីពិធីបុណ្យនិទាឃរដូវដល់ពិធីបុណ្យបង្ហោះគោម។ ចាប់ពីថ្ងៃដំបូងនៃឆ្នាំថ្មី សាច់ញាតិ ឬមិត្តភក្តិនឹងចាប់ផ្ដើមទៅលេងចូលឆ្នាំថ្មីក្នុងរយៈពេល ១៥ថ្ងៃ។ក្រៅពីការផ្ដល់អាំងប៉ាវក្នុងឱកាសបុណ្យចូលឆ្នាំ វាក៏ជារឿងធម្មតាដែរក្នុងការផ្ញើស្រោមសំបុត្រក្រហមក្នុងឱកាសផ្សេងៗជាច្រើនដូចជាពិធីមង្គលការ ខួបកំណើត ឬក្នុងពិធីមួយ។ ជាទូទៅអាំងប៉ាវឬស្រោមសំបុត្រក្រហម ត្រូវបានចាត់ទុកថាជាវិធីនិមិត្តរូបមួយដើម្បីចែករំលែកក្តីស្រឡាញ់ និងពរជ័យរបស់អ្នក។ ទោះជាយ៉ាងណាក៏ដោយ ប្រសិនបើអ្នកមិនទាន់រៀបការ អ្នកមិនចាំបាច់ធ្វើបែបនោះទេ។

អ្វីដែលត្រូវចៀសវាងពេលផ្ដល់ស្រោមសំបុត្រក្រហមឬអាំងប៉ាវ

១ ចំនួនទឹកប្រាក់គួរតែជាលេខសេសឬគូជាពិសេសលេខ ៦ និង ៨

តាមជំនឿរបស់ចិនចំនួនលុយក្នុងស្រោមសំបុត្រជាធម្មតាជាលេខសេសឬគូ។ លេខល្អឥតខ្ចោះគឺទាក់ទងទៅនឹងលេខ ៦ និង ៨ ដោយហេតុថាលេខ ៦ នៅក្នុងភាសាចិនកុកងឺមានការបញ្ចេញសំឡេងស្រដៀងគ្នាទៅនឹង (liu) ស្តាប់ទៅដូចជាជីវិតរលូន។ ឧទាហរណ៍៖ ឃ្លាភាសាចិន “Liù Liù Dà Shùn មានន័យថាអ្វីៗដំណើរការទៅដោយរលូន។ ចំណែកលេខ ៨ គឺជាពាក្យដូចគ្នានៃពាក្យ (fa) វាសង្កត់ធ្ងន់ទៅលើភាពរុងរឿងឬសំណាង។ ឧទាហរណ៍ Gōnɡ Xǐ Fā Cái សូមឲ្យបានចម្រើនឡើង; សូមជូនពរឲ្យមានសេចក្តីសុខ។

២ លុយថ្មី និងក្រដាសប្រាក់ភ្លឺចាំង

ព្យាយាមចៀសវាងក្រដាសប្រាក់ដែលបត់ កខ្វក់ និងជ្រីវជ្រួញ។ នោះនឹងត្រូវចាត់ទុកជាថានាំសំណាងមិនល្អ។

៣ គ្មានលេខ “បួន” លេចឡើងក្នុងចំនួនទឹកប្រាក់

លេខ ៤មានន័យថាសំណាងអាក្រក់នៅក្នុងវប្បធម៌ចិន ពីព្រោះការបញ្ចេញសំឡេងនៃពិភពលោក “បួន” ( sì) គឺស្ទើរតែដូចគ្នាទៅនឹងពាក្យ “ស្លាប់” (sǐ) នៅក្នុងភាសាចិនកុកងឺ៕

គ្រូ ណុប

ចុចអាន៖ប្រយ័ត្ននាំស៊យ ថ្ងៃចូលឆ្នាំ ចិន ហាមឲ្យអំណោយទាំង ១៥ នេះឲ្យសោះ

The post ជំនឿមិនធ្លាប់ដឹងអំពីអាំងប៉ាវ ឬស្រោមសំបុត្រក្រហម ក្នុងប្រពៃណី ចិន appeared first on Kampuchea Thmey Daily.

ប្រវត្តិយូរលង់នៃការសែនដកជើងធូប តាមជំនឿហុងស៊ុយ ចិន

សាង ស្រីល័ក្ខ — Sun, 15 Jan 2023 01:00:00 +0000

វិធីសែនដកជើងធូប ឬបុណ្យសែនអរគុណទេវតា ជូនដំណើរទេវតាឡើងទៅឋានសួគ៍នេះ ត្រូវបានប្រជាជនចិន ឬកូនខ្មែរកាត់ចិន តែងតែប្រាព្ធឡើងជារៀងរាល់ចុងឆ្នាំចាស់ ពោលគឺមុនសែនចូលឆ្នាំចិនរយៈពេល ៥ ថ្ងៃទៅ ៦ ថ្ងៃ។

រូបតំណាង

ការសែននេះ គឺដើម្បីអរគុណដល់ទេវតាទាំងអស់នៅក្នុងផ្ទះ ឬហៅម្យ៉ាងថាសូកប៉ាន់ទេវតា ដែលពួកគាត់បានជួយការពារ និងផ្ដល់ភាពចម្រុងចម្រើនដល់សមាជិកក្នុងផ្ទះពេញមួយឆ្នាំ ដូចនេះយើងត្រូវចេះដឹងគុណដល់អ្នកដែលតាមថែរក្សាយើង ទាំងដែលយើងមិនដែលធ្លាប់ឃើញ ទាល់តែសោះ។ គេជឿថា នៅពេលដែលសែនដឹងគុណដល់ទេវតានឹងរំភើប អរសប្បាយពីអ្វីដែលយើងសែនជូន ពេលដែលសោយអាហារដែលជាគ្រឿងសែនហើយអស់ ពពួកទេវតានឹងឡើងទៅឋានសួគ៌ទូលថ្វាយស្ដេចទេវតាពីទឹកចិត្តដឹងគុណរបស់យើង និងរឿងល្អៗដែលយើងបានធ្វើពេញមួយឆ្នាំ២០២២នេះ ។ ពេលនោះស្ដេចទេវតានិងប្រទានលាភជ័យ ដំឡើងអំណាចបារមីតាមទេវតា ដើម្បីឲ្យទេវតាជំនាងផ្ទះ ទេវតាចង្ក្រាន ទេវតាព្រះភូមិ ទេវតាយាមទ្វា នាំយកលាភជ័យនោះមកឲ្យយើង នៅពេលយើងសែនចូលឆ្នាំចិននាពេលខាងមុខនេះ។

យ៉ាងណាមិញ ប្រពៃណីទំនៀមទម្លាប់របស់ជនជាតិចិន នៃការដកជើងធូប ត្រូវធ្វើឡើងតែម្ដងប៉ុណ្ណោះក្នុងមួយឆ្នាំ លើកលែងតែមានករណីពិសេស ឬករណីចាំបាច់ណាមួយ ហើយការដកជើងធូបនេះទៀតសោត ក៏ត្រូវធ្វើឡើងដោយមានការសែនព្រេនត្រឹមត្រូវ ។ ជនជាតិចិនជាទូទៅ មិនហ៊ានបំពានទម្លាប់នេះទេ។ ប្រសិនបើមានការបំពាន ឬធ្វើអ្វីមួយឲ្យឆ្គាំឆ្គង នឹងនាំឲ្យចង្រៃពេញមួយឆ្នាំ ហើយប្រជាជនចិនមិនហ៊ានដកជើងធូបចេញពីកំប៉ុងឡើយ ដោយជនជាតិចិនខ្លះបកស្រាយថា ធ្វើតាមចាស់ៗ ខណៈអ្នកខ្លះឆ្លើយថា ខ្លាចរាសីដាក់ ជួបគ្រោះកាចចង្រៃស៊យពេញមួយឆ្នាំ ។

មួយវិញទៀត ចំពោះជើងធូបដែលបានដក ឬផេះក្នុងកំប៉ុងដែលបានចាកចេញប្ដូរថ្មីនោះ គឺកុំចោលធុងសំរាម ព្រោះជាទ្រព្យឆ្នាំចាស់ អាចយកទៅចោលក្នុងថូផ្កាមុខផ្ទះ ឲ្យក្លាយជាជី នោះទ្រព្យនឹងកើនឡើងទ្វេដងថែមទៀត៕

គ្រូ ណុប

ប្រភព៖ហុងស៊ុយ

ចុចអាន៖តាមជំនឿ ពេលណាត្រូវអុចធូប ១៦ ដើម ដើម្បីនាំសំណាងល្អ នៃផ្នែកហិរញ្ញវត្ថុចូលមក

The post ប្រវត្តិយូរលង់នៃការសែនដកជើងធូប តាមជំនឿហុងស៊ុយ ចិន appeared first on Kampuchea Thmey Daily.

ប្រយ័ត្ននាំស៊យ ថ្ងៃចូលឆ្នាំ ចិន ហាមឲ្យអំណោយទាំង ១៥ នេះឲ្យសោះ

សាង ស្រីល័ក្ខ — Sat, 14 Jan 2023 03:11:00 +0000

ការប្រារព្ធពិធីបុណ្យចូលឆ្នាំចិនជាមួយមិត្តភក្តិមិនថាជាជនជាតិខ្មែរឬចិន អាចជារឿងដ៏អស្ចារ្យ ប៉ុន្តែនៅពេលដែលគម្លាតវប្បធម៌មានច្រើន នោះក៏ក្លាយជារឿងងាយស្រួលក្នុងការផ្ដល់អំណោយខុស សម្រាប់បុណ្យចូលឆ្នាំចិន។

នៅទីនេះ គ្រូ ណុបបានសង្ខេបនៅអំណោយ ១៥ យ៉ាង ដែលអ្នកមិនគួរផ្ដល់ជាអំណោយចូលឆ្នាំចិន និងអត្ថន័យអវិជ្ជមាននៅក្នុងវប្បធម៌ចិន។

១ ខ្សែក ក្រវាត់ក និងខ្សែក្រវាត់ (បង្ហាញភាពស្និទ្ធស្នាលពេក)

កុំផ្ដល់ខ្សែកជាអំណោយដល់មិត្តភ័ក្ដិ ជនជាតិចិនគិតថារបស់របរដូចជាខ្សែក ចំណង និងខ្សែក្រវាត់គឺមានទំនាក់ទំនងស្និទ្ធស្នាល។ រឿងទាំងនេះត្រូវបានផ្ដល់ឲ្យដោយមិត្តប្រុស / មិត្តស្រីឬគូស្នេហ៍តែប៉ុណ្ណោះ។

២ កាបូប (ការបាត់បង់ទ្រព្យសម្បត្តិ)

នៅក្នុងវប្បធម៌ប្រពៃណីចិន អំណោយកាបូបតំណាងឲ្យការលះបង់លុយរបស់អ្នកទាំងអស់ ហើយអ្នកអាចនឹងបាត់បង់ហិរញ្ញវត្ថុ និងសំណាងទាំងអស់។ ទោះជាយ៉ាងណាក៏ដោយ វាមិនមានបញ្ហាក្នុងការផ្ដល់កាបូបដល់ប្តីឬប្រពន្ធ ឬសមាជិកគ្រួសារផ្សេងទៀត ដែលចែករំលែកគណនីហិរញ្ញវត្ថុ និងលុយរបស់អ្នកនោះទេ។

៣ កន្សែងដៃ (និយាយលាជារៀងរហូត)

មនុស្សជាទូទៅផ្ដល់កន្សែងដៃនៅចុងបញ្ចប់នៃពិធីបុណ្យសព ហើយជានិមិត្តសញ្ញានៃការនិយាយលាជារៀងរហូត។ ការផ្ដល់អំណោយដល់អ្នកណាម្នាក់បែបនេះ ធ្វើឲ្យអ្នកនិយាយលាជារៀងរហូត និងកាត់ផ្ដាច់ទំនាក់ទំនងទាំងអស់។

៤ តុក្កតា ( សំណាងអាក្រក់)

មនុស្សមួយចំនួនចាត់ទុកតុក្កតាក្រណាត់ថាជា ‘តួអង្គអាក្រក់ដែលទាក់ទាញវិញ្ញាណអាក្រក់ជាដើម។

៥ ឆត្រ (បែកបាក់)

ឆត្រជាគំនិតអាក្រក់ក្នុងការជូនជាអំណោយ ព្រោះពាក្យចិនថាសានសានស្ដាប់ទៅដូចជាពាក្យថាបែកគ្នា។ ការផ្ដល់ឲ្យនរណាម្នាក់នូវឆត្រអាចបញ្ឆិតបញ្ឆៀងថាអ្នកមានអារម្មណ៍ថា ទំនាក់ទំនងរបស់អ្នកជាមួយពួកគេបានធ្លាក់ចុះដាច់ពីគ្នា។

៦ មួក (សំណាងអាក្រក់)

នៅក្នុងប្រទេសចិន ពេលមនុស្សចាស់ស្លាប់ កូនៗរបស់គាត់ពាក់មួកកាន់ទុក្ខ ដែលគេហៅថា xiào mào។ ដូច្នេះ មួកគឺជាការហាមប្រាមដើម្បីជូនជាកាដូសម្រាប់ចូលឆ្នាំចិន។ នៅទីក្រុង Handan (ទីក្រុងមួយក្នុងខេត្ត Hebei) នៅថ្ងៃចូលឆ្នាំចិន មនុស្សម្នានាំគ្នាបោះមួកចាស់ៗនៅតាមដងផ្លូវក្នុងក្តីសង្ឃឹមនៃការចោលទុក្ខសោក និងបញ្ហាផ្សេងៗ។
ជាពិសេស មួកពណ៌បៃតង គឺជាមួកដ៏អស្ចារ្យ។ នៅក្នុងប្រទេសចិន ពាក្យថា “ពាក់មួកពណ៌បៃតង”dài lǜ màozi គឺមានបង្កប់ន័យភាពមិនស្មោះត្រង់របស់ប្រពន្ធ ឬមិត្តស្រី។ វាជាការប្រមាថដ៏ធំបំផុតចំពោះបុរស ប្រសិនបើបានផ្តល់មួកបៃតងជាអំណោយ។

៧ វត្ថុខ្មៅ ឬស (ប្រើក្នុងពិធីបុណ្យសព)

ពណ៌ខ្មៅ និងសគឺជាពណ៌ប្រពៃណីសម្រាប់ពិធីបុណ្យសព ដូច្នេះសូមចៀសវាងអំណោយដែលមានពណ៌ខ្មៅ ឬពណ៌សភាគច្រើន ឬក្រដាសរុំ ឬស្រោមសំបុត្រដែលមានពណ៌ទាំងនេះ។ ទោះជាយ៉ាងណាក៏ដោយ ពណ៌ក្រហមត្រូវបានគេជឿថាជាពណ៌ដែលមានបុណ្យ និងសំណាងល្អ ដូច្នេះពណ៌ក្រហមតែងតែជាជម្រើសដ៏ល្អសម្រាប់ស្រោមសំបុត្រ ឬអំណោយ។

៨ វត្ថុមុតស្រួច (កាត់ផ្តាច់ទំនាក់ទំនង)

ការឲ្យអ្វីដែលមុតដូចជាកាំបិត ឬកន្ត្រៃ ជាសំណាងអាក្រក់ដែលគេគិតថានឹងផ្តាច់ទំនាក់ទំនង។ ពាក្យចិនទូទៅមួយឃ្លាចេញជាពីរផ្នែកនៃវត្ថុមុតស្រួច គឺបញ្ចប់ទំនាក់ទំនងរវាងមនុស្ស។

៩ ផ្លែ Pears (បំបែក)

Pears មិនមែនជាអំណោយល្អសម្រាប់ចូលឆ្នាំចិនទេ។ ការផ្តល់ផ្លែឈើជារឿងល្អ ប៉ុន្តែផ្លែឈើប្រភេទនេះគឺគេហាមឃាត់។ ពាក្យចិនសម្រាប់ ‘pears’ (lí / lee) ស្តាប់ទៅដូចគ្នានឹងពាក្យសម្រាប់ការចាកចេញឬ ‘បែកគ្នា’ ( lí) ហើយវាត្រូវបានគេចាត់ទុកថាជាសំណាងអាក្រក់។

១០ ទៀនក្រអូប (សម្រាប់បូជាដល់អ្នកស្លាប់)

ទៀនត្រូវបានគេប្រើជាធម្មតាជាមួយនឹងដង្វាយសម្រាប់អ្នកស្លាប់ក្នុងប្រទេសចិន។ ដូច្នេះ គេមិនអាចផ្តល់ជាអំណោយបានទេ មិនថាជាទៀនគ្មានភ្លើង ទៀនក្រអូប ឬទៀនធម្មតាឡើយ។

១១ កាត់ផ្កា (អំណោយសម្រាប់ពិធីបុណ្យសព)

ផ្កាកាត់ជាអំណោយជាទូទៅសម្រាប់បុណ្យសព ដូច្នេះកុំឲ្យវាក្នុងថ្ងៃចូលឆ្នាំចិន!មិនថាផ្កាពណ៌លឿង និងផ្កាពណ៌សណាមួយក៏ដោយសុទ្ធតែតំណាងឲ្យសេចក្តីស្លាប់។ ពណ៌សគឺជាពណ៌សំណាង (បុណ្យសព) នៅក្នុងវប្បធម៌ចិន ដូច្នេះផ្កាពណ៌សគួរត្រូវបានចៀសវាង។

១២ កញ្ចក់ (ទាក់ទាញខ្មោច)

កញ្ចក់គឺជាគំនិតមិនល្អសម្រាប់អំណោយនៅទូទាំងអាស៊ី ដោយសារពួកវាត្រូវបានគេជឿថាអាចទាក់ទាញខ្មោចព្យាបាទ។ លើសពីនេះទៅទៀត ពួកវាងាយខូច ហើយរបស់ដែលខូចជាប្រផ្នូលអាក្រក់។

១៣ ស្បែកជើង (អាក្រក់)

ស្បែកជើងគឺជាគំនិតមិនល្អ សម្រាប់កាដូសម្រាប់ថ្ងៃចូលឆ្នាំចិន ព្រោះពាក្យថា ‘ស្បែកជើង’ xié /syeah ស្តាប់ទៅដូចជាពាក្យសម្រាប់សំណាងអាក្រក់)។ លើសពីនេះ ស្បែកជើងគឺជារបស់ដែលអ្នកដើរទៅមុខ ហើយដូច្នេះត្រូវបានគេមើលឃើញថាជាអំណោយដែលមិនគួរផ្ដល់ឲ្យឡើយ។

១៤ អ្វីទាំងអស់ដែលមានលេខ៤ (ស្តាប់ទៅដូចជាស្លាប់)

នៅក្នុងភាសាចិន លេខបួន (sì /srr) ស្តាប់ទៅស្រដៀងនឹងពាក្យស្លាប់ (sǐ)។ ដូច្នេះអ្វីដែលបង្ហាញលេខ៤ត្រូវបានចាត់ទុកថាជាសំណាងអាក្រក់។ កុំផ្តល់អំណោយជាឈុត ឬគុណនៃបួន ឬលេខផ្សេងទៀតដែលមានលេខបួនដូចជា ១៤, ២៤, ៣៤, ៤០, ៤៤ ។ល។ នោះហើយជាមូលហេតុដែលមិនមានជាន់ទីបួន ឬលេខបន្ទប់ដែលមានបួននៅក្នុងអគារ និងសណ្ឋាគារមួយចំនួន ជាឧទាហរណ៍។

១៥ នាឡិកា (សំណាងអាក្រក់)

នៅក្នុងភាសាចិន ការនិយាយថា ផ្តល់នាឡិកា (sòng zhōng) ស្ដាប់ទៅដូចជាពាក្យចិនសម្រាប់ ‘ចូលរួមពិធីបុណ្យសព ដូច្នេះវាជាសំណាងអាក្រក់ ដែលអំណោយនាឡិកាឲ្យនរណាម្នាក់៕

គ្រូ ណុប

ចុចអាន៖ផ្លែឈើ ៣ មុខគេមានជំនឿមុតមាំខានមិនបាន ក្នុងថ្ងៃសែនដកជើងធូប

The post ប្រយ័ត្ននាំស៊យ ថ្ងៃចូលឆ្នាំ ចិន ហាមឲ្យអំណោយទាំង ១៥ នេះឲ្យសោះ appeared first on Kampuchea Thmey Daily.