ការប្រកួតផលិតវិឌីអូ ក្រោមប្រធានបទ ១ម៉ឺនរៀល ដែលរៀបចំឡើងដោយធនាគារជាតិនៃកម្ពុជា នៅក្នុងកម្មវិធីផ្សព្វផ្សាយស្តីពី ប្រាក់រៀល ប្រព័ន្ធបាគង និងខេអេចឃ្យូអរ (KHQR) ក្នុងឱកាសអបអរខួបលើកទី៤៥ ទិវាប្រាក់រៀល នៅថ្ងៃទី១៦ ខែឧសភា ឆ្នាំ២០២៥ នៅទីរួមខេត្តក្រចេះ។

យុវជនរូបនោះមានឈ្មោះ យ៉ែម ស៊ីម៉ា រស់នៅទីរួមស្រុកសំបូរ ខេត្តក្រចេះ បានសម្ដែងភាព សប្បាយរីករាយយ៉ាងខ្លាំង ដែលបានមកចូលរួមកម្មវិធីមួយនេះ និងបានរៀបរាប់ប្រាប់ថា ការថតវិឌីអូ គឺ​ជា​ចំណង​ចំណូល​ចិត្ត ជា​ការ​ស្រឡាញ់​ចូលចិត្ត​របស់​ខ្លួន​ផ្ទាល់ ហើយឆ្លៀតឱកាសដែរ ធនាគារជាតិនៃកម្ពុជា ចុះមកខេត្តក្រចេះ អារម្មណ៍មួយបានប្រាប់ប្អូនថា ធ្វើ​យ៉ាងម៉េច​កុំ​ឱ្យ​ឱកាស​នេះ​រំលង​ឱ្យ​សោះ ទោះ​បី​ជា​លទ្ធផលចេញមកបែបណាក៏ទទួលយក ដែរ។

យុវជនរូបនេះ បានរៀបរាប់បន្តថា តាមរយៈការ​បង្កើតមាតិកា តើប្រាក់១ម៉ឺនរៀលអាចទិញអ្វី បានខ្លះនៅខេត្តក្រចេះ? គឺ​ជា​ផ្នែក​មួយ​ជំរុញ​ឱ្យ​ប្រជាជនខ្មែរយើងគាត់ចាប់ផ្ដើមចាយប្រាក់ រៀលឡើងវិញ កាលណាយើងរួមគ្នាចាយប្រាក់រៀលឡើងវិញ គឺអាចជួយគាំទ្រសេដ្ឋកិច្ចជាតិ បានច្រើនជាងនេះតាមដែលអាចធ្វើទៅបាន។

លោក យ៉ែម ស៊ីម៉ា ក៏បានលើកទឹកចិត្ត​ឱ្យពុកម៉ែបងប្អូនទាំងអស់គ្នាងាក់មកគាំទ្រប្រាក់រៀល ខ្មែរយើងឡើងវិញ ដើម្បីគាំទ្រសេដ្ឋកិច្ចជាតិ និងដើម្បីភាពងាយស្រួលក្នុងប្រទេសយើង ផងដែរ ហើយមួយទៀត ការចាយប្រាក់រៀល គឺពិតជាសំខាន់នៅក្នុងការជួយលើកស្ទួយ សេដ្ឋកិច្ចជាតិ ក៏ដូចជាការលើកស្ទួយអត្តសញ្ញាណជាតិរបស់យើងផងដែរ។

កម្មវិធីផ្សព្វផ្សាយស្តីពី ប្រាក់រៀល ប្រព័ន្ធបាគង និងខេអេចឃ្យូអរ (KHQR) នេះដែរ គឺរៀបចំឡើងក្រោមអធិបតីភាព លោក យឹម លាត ទេសាភិបាលរងធនាគាជាតិនៃកម្ពុជា និងវត្តមានការចូលរួមពី លោក ទុយ ប៊ុនសេរីរ័ត្នមុនី អភិបាលរងនៃគណៈអភិបាលខេត្តក្រចេះ ឯកឧត្តម លោកជំទាវ លោក លោកស្រីតំណាងមន្ទីរគ្រឹះស្ថានធនាគារ និងហិរញ្ញវត្ថុ លោកគ្រូ អ្នកគ្រូ និងសិស្សានុសិស្សជាច្រើននាក់៕

អត្ថបទ ៖ ប្រុញ វិធិន

The post យុវជនម្នាក់មក​ពី​ទី​រួម​ស្រុក​សំបូរ​ទទួល​បាន​ជ័យលាភីលេខ១ ក្នុង​ទិវា​ប្រាក់​រៀលឆ្នាំ២០២៥ appeared first on Kampuchea Thmey Daily.

បើតាមក្រសួងអប់រំ បានឱ្យដឹងថា បេក្ខជនជ័យលាភីពីលេខ១ ដល់លេខ៣ ក្នុងនោះ បេក្ខជនទទួលបានជ័យលាភីលេខ១ គឺ បេក្ខជន ស្រេង ចក់ មកពីសាលាបឋមសិក្សាពាក់ស្នែង និងបេក្ខនារី ហេង ឆាយអ៉ី មកពីសាលាបឋមសិក្សាអនុវត្តន៍គរុកោសល្យ ខេត្តសៀមរាប។ ជ័យលាភីលេខ ២ បានទៅលើបេក្ខនារី សារី លីដា មកពីវិទ្យាល័យព្រះរាជបូជនីយកិច្ច ខេត្តស្ទឹងត្រែង និងម្ចាស់ជ័យលាភីលេខ ៣ គឺ បេក្ខនារី រិទ្ធិ លីដា មកពីសាលាបឋមសិក្សាវត្តរាជបូណ៌ ខេត្តសៀមរាប។ ចំពោះម្ចាស់ជ័យលាភីទាំង៣ ទទួលបានប្រាក់ឧត្ថម្ភ ៤លានរៀល ៣លានរៀល និង២លានរៀល រួមជាមួយអាហារូបករណ៍១០០% រយៈពេលមួយឆ្នាំ និងសម្ភារៈមួយចំនួនទៀត។

ក្នុងឱកាសនេះ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រូក្រសួងអប់រំ បានលើកទឹកចិត្តដល់លោកគ្រូ អ្នកគ្រូ ម្ចាស់ជ័យលាភីទាំងអស់ឱ្យសរសេរចងក្រងជាសៀវភៅពាក់ព័ន្ធនឹងការប្រើប្រាស់បច្ចេកវិទ្យាក្នុងការបង្រៀនមុខវិជ្ជាស្ទែម ក៏ដូចជាក្នុងបរិបទជនបទ ដើម្បីចែករំលែកបទពិសោធទៅកាន់លោកគ្រូ អ្នកគ្រូផ្សេងទៀតឱ្យបានទូលំទូលាយ ដោយគូសបញ្ជាក់ថា ក្រសួងអប់រំនឹងបន្តយកចិត្តទុកដាក់ផ្តល់ការគាំទ្រ និងទទួលស្គាល់នូវការខិតខំប្រឹងប្រែងរបស់លោកគ្រូ អ្នកគ្រូទាំងអស់ដែលបានប្រើប្រាស់បច្ចេកវិទ្យា ដើម្បីលើកកម្ពស់ការបង្រៀន និងរៀនឱ្យកាន់មានប្រសិទ្ធភាព និងប្រសិទ្ធផល បានលើកឡើងពីគំនិតផ្តួចផ្ដើមនៃការជ្រើសរើសគ្រូបង្រៀនផ្នែកបច្ចេកវិទ្យានាពេលអនាគត។ រដ្ឋមន្ត្រីអប់រំ  ក៏លើកទឹកចិត្តឱ្យលោកគ្រូ អ្នកគ្រូទាំងអស់ ខិតខំប្រឹងប្រែងចាប់យកចំណេះវិជ្ជាតាមរយៈការប្រើប្រាស់បច្ចេកវិទ្យាថ្មីៗ ជាពិសេស ប្រើប្រាស់បញ្ញាសិប្បនិម្មិត(AI) ដើម្បីចែករំលែកចំណេះដឹងបន្តទៅកាន់សិស្សានុសិស្ស ដើម្បីចូលរួមចំណែកក្នុងការអភិវឌ្ឍសេដ្ឋកិច្ចសង្គមជាតិប្រកបដោយចីរភាព។

គួររម្លឹកថា កម្មវិធីប្រកួតនេះ បានផ្ដល់ឱកាសដល់គ្រូបង្រៀនដែលកំពុងបង្រៀននៅតាមគ្រឹះស្ថានសិក្សាចំណេះទូទៅសាធារណៈ ឬឯកជន ដែលមានគំនិតច្នៃប្រឌិតខ្ពស់ក្នុងការប្រើប្រាស់បច្ចេកវិទ្យាព័ត៌មានជំនួយដល់ការបង្រៀន និងរៀន បានបញ្ចេញសមត្ថភាពរបស់ខ្លួន។ បន្ទាប់ពីឆ្លងកាត់ការវាយតម្លៃដោយក្រុមការងារបច្ចេកទេស បេក្ខជនជ័យលាភីចំនួន៣ (លេខ១-លេខ៣) ក៏បានឡើងធ្វើបទបង្ហាញដោយផ្ទាល់នៅក្នុងសន្និសីទ និងពិព័រណ៍បច្ចេកវិទ្យាអប់រំកម្ពុជាលើកទី១ ផងដែរ៕

The post បេក្ខជន៤រូ​ប ទទួលបានជ័យលាភីគ្រូបង្រៀនដែលមានគំនិតច្នៃប្រឌិតខ្ពស់ផ្នែកបច្ចេកវិទ្យាអប់រំ appeared first on Kampuchea Thmey Daily.

ការ​ថ្លែង​នេះ ខណៈ លោក​រដ្ឋមន្ត្រី បាន​អញ្ជើញ​បិទ​ការ​ប្រកួត​ពានរង្វាន់​សហគ្រិន​ថ្នាក់​ជាតិ ឆ្នាំ ២០២៣ ដែល​ជា​កិច្ចសហការ​រៀបចំ​ឡើង​ដោយ​វិទ្យាស្ថាន​ជាតិ​សហគ្រិនភាព និង​នវានុវត្តន៍ និង​សហគ្រិន​ខ្មែរ ធ្វើឡើង​នៅ​សណ្ឋាគារ​កាំបូឌីយ៉ាណា កាលពី​ល្ងាច​ថ្ងៃ​ទី ១៥ ខែ​វិច្ឆិកា ឆ្នាំ ២០២៣។

លោក ហេង សួរ បាន​គូស​បញ្ជាក់​ថា «ខ្ញុំ​ចង់​ឲ្យ​កម្មវិធី​សហគ្រិន​នេះ​ធំ​ជាង​មុន និង​មាន​ការ​ប្រកួត​ប្រជែង​ដល់​កម្រិត​ថ្នាក់​តំបន់ ហើយ​ព្រឹត្តិការណ៍ នៃ​ការ​ប្រកួតប្រជែង​នេះ ត្រូវ​បាន​សង្គម និង​រាជរដ្ឋាភិបាល​ទទួល​ស្គាល់»។

សម្រាប់ លោក​រដ្ឋមន្ត្រី ការ​ឈាន​ឡើង​ដល់​កម្រិត​អន្តរជាតិ គឺជា​ការ​បង្ហាញ​ពី​សក្ដានុពល នៃ​សហគ្រិន​កម្ពុជា​ក្នុង​កម្រិត​តំបន់​ដែល​ជា​ការ​ពង្រីក​សមត្ថភាព និង​ដកស្រង់​បទពិសោធន៍​បន្ថែម ព្រោះ​សហគ្រិន​កម្ពុជា ក៏​មាន​សមត្ថភាព​គួរ​ឲ្យ​កត់សម្គាល់​ផង​ដែរ។ បន្ថែម​ពី​នេះ ការ​បង្កើន​ទំហំ នៃ​ការ​ផ្តល់​ពានរង្វាន់​ដល់​ជ័យលាភី ក៏​ជា​ចំណុច​ដែល​នឹង​បង្កើន​ការ​ទាក់ទាញ​បេក្ខភាព​ចូលរួម​ការ​ប្រកួតប្រជែង។

សូម​បញ្ជាក់​ថា ការ​ប្រកួតប្រជែង​ពានរង្វាន់​សហគ្រិន​ថ្នាក់​ជាតិ​ឆ្នាំ ២០២៣ នេះ មាន​ជ័យលាភី​ចំនួន ៤ រូប ដែល​មាន​គោលបំណង​ពង្រឹង និង​ពង្រីក​ភាព​ជា​ដៃគូ​រវាង​វិស័យ​សាធារណៈ និង​វិស័យ​ឯកជន និង​ទំនួល​ខុសត្រូវ​សង្គម​តាមរយៈ​ការ​កសាង​អនាគត​សហគ្រិន​នៅ​កម្ពុជា៕

The post លោក ហេង សួរ ចង់ឃើញជ័យលាភីសហគ្រិនថ្នាក់ជាតិរបស់កម្ពុជា ឈានជើងប្រកួតដល់កម្រិតតំបន់ appeared first on Kampuchea Thmey Daily.

ពិធី​ប្រគល់​ពានរង្វាន់​នេះ ត្រូវ​បាន​អនុវត្ត​ដោយ​សហគ្រិន​ខ្មែរ ដោយមាន ឯកឧត្ដម​បណ្ឌិត ឈៀង វណ្ណ​មុនិ​ណ្ឌ ជា​នាយក​ប្រតិបត្តិ ដើម្បី​អបអរសាទរ​ដល់​កិច្ច​ខំ​ប្រឹងប្រែង​របស់​បេក្ខជន​ចូលរួម​ប្រកួត​ប្រជែង​ពានរង្វាន់​សហគ្រិន​ខ្មែរ កម្រិត​វិទ្យាល័យ ពានរង្វាន់​សហគ្រិន​ខ្មែរ​ធុរកិច្ច​បង្កើត​ថ្មី និង​ពានរង្វាន់​សហគ្រិន​ខ្មែរ សហគ្រាស​ធុន​តូច និង​មធ្យម ដែល​កម្មវិធី​ប្រកួត​នេះ​បាន​ចាប់ផ្ដើម​ឡើង​តាំងពី​ដើម​ឆ្នាំ ២០២២។

ជា​សមិទ្ធផល​ម្ចាស់​ជ័យលាភី នៃ​កម្មវិធី​ប្រកួត​ទាំង​បី​ប្រភេទ​រួមមាន ៖ ជ័យលាភី នៃ​កម្មវិធី​ប្រកួត​ពានរង្វាន់​សហគ្រិន​ខ្មែរ​សហគ្រាស​ធុន​តូច និង​មធ្យម​ទាំង ៤ ក្រុមហ៊ុន​រួមមាន ៖

១. ជ័យលាភី​លេខ ១ ៖ ភ្លើង​គប់ ទទួល​បាន​ពានរង្វាន់ និង​ទឹកប្រាក់ ២៨,០០០,០០០ រៀល (៧,០០០ ដុល្លារ)។

២. ជ័យលាភី​លេខ ២ ៖ កសិដ្ឋាន ៤០០ ទទួល​បាន​ពានរង្វាន់ និង​ទឹកប្រាក់ ២៤,០០០,០០០ រៀល (៦,០០០ ដុល្លារ)។

៣. ជ័យលាភី​លេខ ៣ ៖ អេ​ស៊ា អិ​ល & អ៊ី ឯ​.​ក ទទួល​បាន​ពានរង្វាន់ និង​ទឹកប្រាក់ ២០,០០០,០០០ រៀល (៥,០០០ ដុល្លារ)។

៤. ជ័យលាភី​លេខ ៤ ៖ ផ្តៅ ម៉ា​ឃី​ត ទទួល​បាន​ពានរង្វាន់ និង​ទឹកប្រាក់ ១៦,០០០,០០០ រៀល (៤,០០០ ដុល្លារ)។

ជ័យលាភី នៃ​កម្មវិធី​ប្រកួត​ពានរង្វាន់​សហគ្រិន​ខ្មែរ ធុរកិច្ច​បង្កើត​ថ្មី ៤ ក្រុមហ៊ុន​រួមមាន ៖

១. ជ័យលាភី​លេខ ១ ៖ ហ្វី​ប កូ​កូ ទទួល​បាន​ពានរង្វាន់ និង​ទឹកប្រាក់ ២០,០០០,០០០ រៀល (៥,០០០ ដុល្លារ)។

២. ជ័យលាភី​លេខ ២ ៖ អា​ហ្គ្រោ​ណេ​ត​ឈ័​រ ទទួល​បាន​ពានរង្វាន់ និង​ទឹកប្រាក់ ១៦,០០០,០០០ រៀល (៤,០០០ ដុល្លារ)។

៣. ជ័យលាភី​លេខ ៣ ៖ អាន់​ស៊ីន​ត្រា ទទួល​បាន​ពានរង្វាន់ និង​ទឹកប្រាក់ ១២,០០០,០០០ រៀល (៣,០០០ ដុល្លារ)។

៤. ជ័យលាភី​លេខ ៤ ៖ ស៊ូ​ឌ្រេ​ន ទទួល​បាន​ពានរង្វាន់ និង​ទឹកប្រាក់ ៨,០០០,០០០ រៀល (២,០០០ ដុល្លារ)។

ជ័យលាភី​ពានរង្វាន់​កិត្តិយស ៖ ក្រុមហ៊ុន Sela Pepper Cambodia ក្នុង​ការ​ទទួល​ស្គាល់​ជា​រោងចក្រ​កែច្នៃ​ម្រេច ដ៏​ទំនើប​មួយ​របស់​កម្ពុជា​ជាមួយ​នឹង​ឧបករណ៍​ច្នៃប្រឌិត​ក្នុង​ផ្ទះ និង​ការ​នាំ​ចេញទៅ​ក្រៅ​ប្រទេស។

ជ័យលាភី នៃ​កម្មវិធី​ប្រកួត​ពានរង្វាន់​សហគ្រិន​ខ្មែរ​កម្រិត​វិទ្យាល័យ ៣ ក្រុម​រួមមាន ៖

១. ជ័យលាភី​លេខ ១ ៖ CO2 Converter ទទួល​បាន​ពានរង្វាន់ និង​ទឹកប្រាក់ ៨,០០០,០០០ រៀល (២,០០០ ដុល្លារ)។

២. ជ័យលាភី​លេខ ២ ៖ B Positive ទទួល​បាន​ពានរង្វាន់ និង​ទឹកប្រាក់ ៦,០០០,០០០ រៀល (១,៥០០ ដុល្លារ)។

៣. ជ័យលាភី​លេខ ៣ ៖ Synergy ទទួល​បាន​ពានរង្វាន់ និង​ទឹកប្រាក់ ៤,០០០,០០០ រៀល (១,០០០ ដុល្លារ)។

ថ្លែង​នៅ​ក្នុង​ការ​បើក​កម្មវិធី​ប្រគល់​ពានរង្វាន់​សហគ្រិន​ខ្មែរ​ឆ្នាំ ២០២២ ឯកឧត្ដម វ​ង្សី វិស្សុត បាន​មាន​ប្រសាសន៍​ថា ការ​រៀបចំ​កម្មវិធី​ប្រគល់​ពានរង្វាន់​សហគ្រិន​ខ្មែរ​ឆ្នាំ ២០២២ ជា​លើក​ទី ២ នេះ ក្នុង​គោលដៅ​កសាង​ប្រព័ន្ធ​អេកូឡូស៊ី ដ៏​រស់​រវើក និង​អំណោយផល​សម្រាប់​ការ​លើក​កម្ពស់​សហគ្រិន​ភាព​នៅ​កម្ពុជា។ កម្មវិធី​បាន​ប្រព្រឹត្តទៅ​ស្រប​ពេល​ដែល ព្រះរាជាណាចក្រ​កម្ពុជា ទើប​ទទួល​បាន​នូវ​ជោគជ័យ​ដ៏​ត្រចះ​ត្រង់​ក្នុង​ការ​ធ្វើជា​ម្ចាស់ផ្ទះ រៀបចំ​កិច្ចប្រជុំ​កំពូល​អាស៊ាន លើក​ទី ៤០ និង​លើក​ទី ៤១ និង​កិច្ចប្រជុំ​កំពូល​ពាក់ព័ន្ធ​នា​ពេល​ថ្មីៗ​នេះ។ ព្រឹត្តិការណ៍​ជា​ប្រវត្តិសាស្ត្រ​នេះ គឺជា​កិត្យានុភាព និង​ជា​មោទនភាព​ជាតិ​ដ៏​ខ្ពស់ត្រដែត ដែល​ឆ្លុះបញ្ចាំង​ឲ្យ​ឃើញ​ពី​ដំណើរ​ឈាន​ឡើងជា​បន្តបន្ទាប់ របស់​កម្ពុជា​ទាំង​ក្នុង​កម្រិត នៃ​ការ​អភិវឌ្ឍ និង​ទាំង​សមត្ថភាព​ក្នុង​ការ​ដឹកនាំ​កិច្ចការ​អន្តរជាតិ ពិសេស​ក្នុង​រយៈពេល​ជាង​ពីរ​ទសវត្ស​ចុងក្រោយ​នេះ ឆ្ពោះ​ទៅ​រក​អនាគត​មួយ​ដ៏​រុងរឿង និង​ភ្លឺស្វាង ក្រោម​ការ​ដឹកនាំ​ដ៏​ឈ្លាសវៃ និង​ប្រកប​ដោយ​គតិបណ្ឌិត​របស់ សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា។

ជាមួយ​គ្នា​នេះ​ដែរ ឯកឧត្ដម​បណ្ឌិត ឈៀង វណ្ណ​មុនិ​ណ្ឌ ក៏បាន​មាន​ប្រសាសន៍​ថា “កម្មវិធី​គាំទ្រ​នាៗ​ដែល​សហគ្រិន​ខ្មែរ បាន​រៀបចំ​ឡើង​ដើម្បី​ឆ្លើយតប​ទៅ​នឹង ចក្ខុវិស័យ​ក្លាយ​ជា​ថ្នាល​ជាតិ ក្នុង​ការ​លើក​កម្ពស់​រាល់​សកម្មភាព​ក្នុង​ប្រព័ន្ធ​អេកូឡូស៊ី​សហគ្រិនភាព​នៅ​ប្រទេស​កម្ពុជា។ ជា​សមិទ្ធផល សិស្សានុសិស្ស ធុរកិច្ច​ថ្មី និង​សហគ្រាស​ធុន​តូច និង​មធ្យម ជាច្រើន បាន​ក្លាយ​ជា​អ្នក​ទទួល​ផល​ក្រោយពី​បាន​បង្កើត សហគ្រិន​ខ្មែរ ដែល​បាន​ដើរតួ​ជា​កាតាលីករ បាន​បង្កើត និង​បំពេញ​កម្មវិធី​ជាច្រើន​ក្នុង​រយៈពេល ៣ ឆ្នាំ​កន្លង​មក​ដូចជា ៖ ការ​ស្វែងរក​គន្លឹះ​ដែល​បំពេញ​ចន្លោះ​ក្នុង​ប្រព័ន្ធ​អេកូឡូស៊ី ការ​កសាង​ភាព​ជឿជាក់​ក្នុង​ប្រព័ន្ធ​, ការ​បង្កើត​កម្មវិធី​ថ្មីៗ​ជាមួយ​ដៃគូ​, ការ​បង្កើន​កិច្ច​សហការ​កៀរគរ​ថវិកា ដើម្បី​បំពេញ​បន្ថែម ប៉ុន្តែ​មិន​ប្រកួតប្រជែង​ជាមួយ​ដៃគូ​ក្នុង​ប្រព័ន្ធ៕

The post រកឃើញហើយម្ចាស់ជ័យលាភីពានរង្វាន់សហគ្រិនខ្មែរទាំង ៣ ប្រភេទ ប្រចាំឆ្នាំ ២០២២ appeared first on Kampuchea Thmey Daily.

ទំព័រហ្វេសប៊ុករបស់សម្ដេចតេជោ ហ៊ុន សែន បានឲ្យដឹងនៅលើទំព័រហ្វេសប៊ុក នៅរសៀលថ្ងៃទី ៥ ខែធ្នូ ឆ្នាំ ២០​២២​នេះថា កម្ពុជាជាប្រទេស​មួយ​ក្នុងគម្រោងចំនួន ១០ ដែលមកពីប្រទេសចំនួន ៨ ទៀត ដែលស្ថិតក្នុងបញ្ជីសម្រាំង (Shortli​s​te​d) ក្នុងផ្នែកជ័យលាភី Open Source Adaptation ដែលរួម​មាន​ កាណាដា, ចក្រភពអង់គ្លេស, អាហ្វ្រិកខាងត្បូង, ប៉ាគីស្ថាន,​ ហ្គីណេប៊ីសូ (Guinea-Bissau), អាហ្សង់ទីន, ហ្វីលីពីន និងបេណាំង ហើយដែលចុងក្រោយត្រូវបានសម្រេចពីគណៈ-កម្មការវាយតម្លៃអន្តរជាតិ ចំនួន ១៧  រូប ឱ្យឈ្នះ​ជ័យ​លា​ភីលេខ១ ប្រចាំឆ្នាំ ២០២២ នេះ ។ 

បើតាម សម្ដេចតេជោ ហ៊ុន សែន ពានរង្វាន់នេះជាមោទនភាពថ្មីមួយទៀតរបស់កម្ពុជាលើឆាកអន្តរជាតិ និងជាការទទួលស្គាល់ថា កម្ពុជា​បានចាប់យកឱកាស និងបាន​ប្រើប្រាស់ដោយជោគជ័យនូវបច្ចេកវិទ្យាឌីជីថល ជាពិសេសថ្នាល CamDX ក្នុងការជួយដល់ការងារ​កែ​ទម្រង់ និងការធ្វើទំនើបកម្មរដ្ឋបាលរបស់ខ្លួន។

នៅក្រោមម្លប់សុខសន្តិភាព, កម្ពុជាមិនត្រឹមតែមាន​ឱកាស​កសាង​​ហេដ្ឋារចនាសម្ព័នរូបវន្តជាច្រើននោះទេ, ប៉ុន្តែកំពុងតែបោះជំហានឆ្ពោះទៅការកសាងសេដ្ឋកិច្ច និងសង្គម​ឌីថល​មួយរស់រវើក និងប្រកប​ដោយបរិយាប័ន្ន ។ ក្នុងន័យនេះ, សម្ដេចតេជោ ហ៊ុន សែន បានស្នើឲ្យក្រសួង-ស្ថាប័នរបស់​រាជរដ្ឋាភិ​បាលទាំង​អស់ និងសូមលើកទឹកចិត្តវិស័យឯកជនចូលរួម និងប្រើប្រាស់ សំដៅទាញ​យកប្រយោជន៍​ជាអតិបរមាពីថ្នាល និងបច្ចេកវិទ្យាពាក់ព័ន្ធនៃប្រព័ន្ធអេកូឡូស៊ីរបស់ CamDX។

​ថ្នាល CamDX ដែលអភិវឌ្ឍ និងដាក់ឲ្យប្រើប្រាស់ដោយ មជ្ឈ​មណ្ឌល​បណ្តុះ​ធុរកិច្ចថ្មី “តេជោ” នៃក្រសួង​​សេដ្ឋកិច្ច និង​ហិរញ្ញ​វត្ថុ ជាថ្នាលបច្ចេក​វិទ្យា​ឌីជីថលមួយឈរនៅ​កណ្តាល និងជា​​ឆ្អឹងខ្នង ដែលអនុញ្ញា​ត​ឱ្យ​​ប្រព័ន្ធ​​បច្ចេកវិទ្យា​ព័ត៌មាន​របស់​ក្រសួង-​ស្ថាប័នអាច​ចែករំលែកទិន្នន័យរវាងគ្នា និងគ្នា ដើម្បី​​បង្កើត​ជាសេ​វាសាធា​រណៈអនឡាញ​ផ្សេងៗ។ គិតត្រឹមថ្ងៃទី ២៩ ខែវិច្ឆិកា ឆ្នាំ ២០២២, ថ្នាល CamDX បានជួយឱ្យការ​​​ចុះ​បញ្ជីអាជីវកម្ម តាមប្រព័ន្ធអនឡាញសម្រេចបាន​ចំនួន ១៩ ៨២៣ ក្រុមហ៊ុន ដែលមានដើមទុនចុះបញ្ជីសរុបចំនួន ៥,៦ ប៊ីលានដុល្លា​រ​​អាមេរិក ដោយប្រើ​ប្រាស់​​រយៈ​ពេល​ជា​មធ្យមត្រឹមតែ ៨ ថ្ងៃនៃថ្ងៃធ្វើការប៉ុណ្ណោះ។

សមាជិករបស់ CamDX បច្ចុប្បន្នក្នុងក្របខណ្ឌចុះបញ្ជីអាជីវកម្ម រួមមាន ក្រសួងមហាផ្ទៃ, ក្រសួងពាណិជ្ជកម្ម, អគ្គនាយកដ្ឋានពន្ធដារ, ក្រសួងការងារ និងបណ្តុះបណ្តាលវិជ្ជាជីវៈ, ក្រុមប្រឹក្សាអភិវឌ្ឍន៍កម្ពុជា, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ក្រសួងទេសចរណ៍, ក្រសួងប្រៃសណីយ៍ និងទូរគមនាគមន៍ និងនិយ័តករអាជីវកម្មអចលនវត្ថុ និងបញ្ចាំនៃអាជ្ញាធរសេវាហិរញ្ញវត្ថុមិនមែនធនាគារ។ ប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស (Global Travel Assessment System- GTAS) នៃអគ្គ-នាយកដ្ឋានគយ និងរដ្ឋាករកម្ពុជា ក៏បាននិងកំពុងផ្លាស់ប្តូរទិន្នន័យនៅលើថ្នាលនេះជាមួយនឹងក្រុមហ៊ុនអាកាសចរណ៍ផងដែរ។​

ក្នុងអំឡុងពេលនៃការរីករាលដាលនៃជំងឺកូវីដ-១៩, ថ្នាល CamDX ក៏បានជួយឱ្យរាជរដ្ឋាភិបាលបានដាក់ឱ្យប្រើប្រាស់ប្រព័ន្ធស្នើសុំលិខិតបញ្ជាក់លើការធានា​ និងលិខិតបញ្ជាក់លើការអញ្ជើញ (Validation Application on Guarantee/​Invitation- VAGI) សម្រាប់ការសម្រួលដល់ការធ្វើដំណើររបស់ធុរជន និងវិនិយោគិន។ ថ្នាល CamDX កំពុងពង្រីកវិសាលភាពរបស់ខ្លួនក្នុងវិស័យហិរញ្ញវត្ថុ ទាំងធនាគារ និងមិនមែនធនាគារ តាមរយៈកិច្ចសហប្រតិបត្តិការជាមួយធនាគារជាតិនៃកម្ពុជា, គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី (AMK),​ គ្រឹះស្ថានមីក្រូហិរញ្ញវត្ថុ រ៉ូយ៉ាល់ ម៉ាយក្រូ ហ្វាយនែន ភីអិលស៊ី  (Royal Micro Finance Plc), ក្រុមហ៊ុនធានារ៉ាប់រង FWD, ធនាគារហត្ថា ម.ក, ធនាគារអេស៊ីលីដា ភីអិលស៊ី, ធនាគារពាណិជ្ជកម្មក្រៅប្រទេសនៃកម្ពុជា (FTB), ធនាគារវីង (ខេមបូឌា) ម.ក, គ្រឹះស្ថានមីក្រូហិរញ្ញវត្ថុប្រាសាក់ ម.ក, ធនាគារស្ថាបនា, ក្រុមហ៊ុនអិមជីអេ អេស៊ា អ៊ិនសួរិន ប្រូឃើរ ខូអិលធីឌី ផងដែរ។

គិតមកដល់ថ្ងៃទី ២៩ ខែវិច្ឆិកា ឆ្នាំ ២០២២, ចំនួនប្រតិបត្តិការផ្លាស់ប្តូរទិន្នន័យនៅលើថ្នាល CamDX មានសរុបប្រមាណ ១៣ លានប្រតិបត្តិការ៕

The post ​“ថ្នាល​ផ្លាស់ប្តូរទិន្នន័យកម្ពុជា” ទទួលជ័យលាភី Open Source Adaptation of the Year ពីកម្មវិធីពានរង្វាន់​អនាគត​រដ្ឋាភិបាល appeared first on Kampuchea Thmey Daily.

លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអបអរ និងលើកឡើងថា នេះគឺជា​លើកទី៥ហើយ​ ដែលអង្ករកម្ពុជា បានទទួលជ័យលាភី​ និងនាំមកនូវមោទនភាពសម្រាប់កម្ពុជា។

ប្រធានសហព័ន្ធស្រូវអង្ករ លោក ឧកញ៉ា សុង សារ៉ន បានសូមអគុណដល់ក្រុមការងារសហព័ន្ធស្រូវអង្ករ សមាជិករោងម៉ាស៊ីនកិនស្រូវ សហគមន៍កសិកម្ម ក្រសួងកសិកម្ម ក្រសួងពាណិជ្ជកម្ម ដែលផ្តល់គាំ​ទ្រផលិត​អង្ករល្អដាច់គេ ដើម្បីចួលរួមប្រកួត និងនាំពានរង្វាន់មកកម្ពុជា។

លោក សុង សារ៉ន បានបន្តថា កម្ពុជា បានទទួលជ័យលាភីនេះ ចំនួន៤លើកមកហើយ ដែលឆ្នាំ ២០២២នេះ គឺជាលើកទី៥។ ដោយក្នុងនោះ គឺនៅឆ្នាំ២០១២ ឆ្នាំ២០១៣ ឆ្នាំ២០១៤ ឆ្នាំ២០១៨ និងចុងក្រោយនៅឆ្នាំ២០២២នេះ៕

The post អង្ករកម្ពុជាពូជ “ផ្ការំដួល” ទទួលបានជ័យ​លាភីលេខ​១ អង្ករល្អដាច់គេ​លំដាប់ថ្នាក់​ពិភពលោក​ឆ្នាំ ២០២២ appeared first on Kampuchea Thmey Daily.