បាតុភូតនេះត្រូវបានថតជាប់ដោយកាមេរ៉ារបស់មជ្ឈមណ្ឌល Heller and Jung Space Observatory កាលពីថ្ងៃចន្ទនៅពេលវាចូលក្នុងបរិយាកាសផែនដី។

ប្រព័ន្ធឃ្លាំមើលរបស់មជ្ឈមណ្ឌលនេះដែលមានទីតាំងក្នុងទីក្រុង Taquara បានកត់ត្រាថា អាចម៍ផ្កាយនេះបានផ្ទុះនៅចម្ងាយប្រមាណ៧៤៣គីឡូម៉ែត្រក្បែរព្រំដែនរវាងរដ្ឋ Rio Grande do Sul និងប្រទេសអ៊ុយរូហ្គាយប្រហែលម៉ោង២និង៣១នាទីទៀបភ្លឺ។

លោក Carlos Fernando Jung ប្រធានតំបន់ភាគខាងត្បូងនៃបណ្តាញឃ្លាំមើលអាចម៍ផ្កាយប្រេស៊ីលបាននិយាយថា អាចម៍ផ្កាយនេះបានចូលទៅក្នុងបរិយាកាសនៅរយៈកម្ពស់១០៣គីឡូម៉ែត្រនិងមានរយៈពេល១.០៥វិនាទីមុនពេលវាផ្ទុះនៅកម្ពស់៩៤គីឡូម៉ែត្រលើមេឃ។

គួររម្លឹកថា ប្រជាជនក្នុងរដ្ឋ Rio Grande do Sul និង Santa Catarina មានការភ្ញាក់ផ្អើលយ៉ាងខ្លាំងកាលពីថ្ងៃទី១ខែតុលានៅពេលអាចម៍ផ្កាយមួយបានផ្ទុះនិងបញ្ចេញពន្លឺភ្លឺចិញ្ចាចនៅលើមេឃ។

អាចម៍ផ្កាយនោះធ្វើដំណើរក្នុងល្បឿន៦០,៨៩៩គីឡូម៉ែត្រក្នុងមួយម៉ោងនិងផ្ទុះនៅរយៈកម្ពស់២២គីឡូម៉ែត្រលើទីក្រុង Vacaria នៃរដ្ឋ Rio Grande do Sul៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ បុរសដែលល្បីថាជាមហាសេដ្ឋីពីការលក់ដុំអាច៍ផ្កាយ កំពុងរស់នៅលាក់ខ្លួន

ចុចអាន៖ នាគដី កើតឆ្នាំ១៩៨៨ ផ្អែកលើនិងរាសីចក្រចិនទាយជតាក្នុងឆ្នាំ២០២០និង២០២១

The post ថតជាប់អាចម៍ផ្កាយផ្ទុះភ្លឺចិញ្ចាចលើមេឃក្នុងប្រទេស ប្រេស៊ីល (មានវីដេអូ) appeared first on Kampuchea Thmey Daily.

លោក Josua Hutagalung បានទទួលប្រាក់ចំនួន ២១៤ លានរូពី (ប្រហែល ១៥,០៩០ ដុល្លារអាមេរិក) សម្រាប់ដុំអាចម៍ផ្កាយដែលបានធ្លាក់ចូលក្នុងផ្ទះរបស់គាត់កាលពីថ្ងៃទី ១ ខែសីហា បន្ទាប់ពីលោកបានថតហេតុការណ៍នេះនៅក្នុងវីដេអូដែលត្រូវបានបង្ហោះចូលក្នុងគណនីហ្វេសប៊ុករបស់លោក ។

បន្ទាប់ពីការបង្ហោះវីដេអូនោះ លោក Jared Collins ជាពលរដ្ឋអាមេរិកាំងរស់នៅកោះបាលី បានធ្វើដំណើរទៅផ្ទះរបស់លោក Hutagalung នៅភូមិ Sutahan Barat ក្នុងទីក្រុង Central Tapanuli នៃខេត្ត North Sumatra នៅថ្ងៃទី ៧ ខែសីហា និងពិនិត្យមើលភាពត្រឹមត្រូវរបស់ដុំថ្មនេះ ។

លោក Hutagalung បានប្រាប់ប្រព័ន្ធផ្សព្វផ្សាយ បន្ទាប់ពីនោះថា លោកបានចាត់ទុកទឹកប្រាក់ដែលលោកទទួលបានពីលោក Collins ថាជាភ័ព្វសំណាងដ៏ធំមួយ ហើយលោកបានចែកថវិកាមួយចំនួនដល់ក្រុមគ្រួសាររបស់លោកក៏ដូចជាចំណាយសម្រាប់ព្រះវិហារថ្មីមួយដែលត្រូវបានសាងសង់នៅក្នុងភូមិរបស់លោក ។

ទោះយ៉ាងណាក៏មានការចុះផ្សាយមួយចំនួនបានរាយការណ៍ថា តម្លៃពិតនៃដុំអាចម៍ផ្កាយនេះគឺជិតដល់ ២.៦ ពាន់លានរូពី (១.៧ លានដុល្លារអាមេរិក) ។ ប៉ុន្តែលោកស្រី Chairani អ្នកនាំពាក្យទីភ្នាក់ងារទំនាក់ទំនងសាធារណៈដែលលោក Hutagalung បានជួលឲ្យនិយាយជំនួសគាត់បាននិយាយថា តម្លៃនេះគ្រាន់តែជាការប៉ាន់ស្មានប៉ុណ្ណោះ បន្ទាប់ពីការគណនាតម្លៃនៃដុំអាចម៍ផ្កាយក្នុងមួយក្រាម ។

លោកស្រី “បច្ចុប្បន្នមិនមានតម្លៃអាចម៍ផ្កាយបែបនេះនោះទេ ហើយជាការពិតគ្មានអ្នកប្រមូលទិញនឹងចំណាយថ្លៃនេះនោះទេ ។ តម្លៃដែល Hutagalung បានទទួលគឺជាផ្នែកមួយនៃកិច្ចព្រមព្រៀងរវាងអ្នកទិញនៅសហរដ្ឋអាមេរិក ខណៈលោក Collins មិនមែនជាអ្នកទិញនោះទេ គាត់គ្រាន់តែជាអន្តរការីម្នាក់ដែលវាយតម្លៃភាពត្រឹមត្រូវនៃអាចម៍ផ្កាយ ហើយបានបញ្ជូនវាទៅឲ្យបុរសម្នាក់ទៀតឈ្មោះ Jay Piatek ដែលជាអ្នកចូលចិត្តប្រមូលទិញរបស់របរមកពីសហរដ្ឋអាមេរិក” ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

The post បុរសដែលល្បីថាជាមហាសេដ្ឋីពីការលក់ដុំអាច៍ផ្កាយ កំពុងរស់នៅលាក់ខ្លួន appeared first on Kampuchea Thmey Daily.