ជាក់ស្ដែងនៅព្រឹកថ្ងៃទី ២២ ខែឧសភា ឆ្នាំ២០២៦នេះ រដ្ឋបាលខណ្ឌ៧មករា ក្រោមការដឹកនាំដោយ លោក ថេង សុថុល អភិបាលខណ្ឌ៧មករា បានចាត់ឲ្យលោក ឌី រ័ត្នខេមរុណ អភិបាលរងខណ្ឌ ដឹកនាំគណៈកម្មការចម្រុះ រួម មន្រ្តីជំនាញភូមិបាល លោកចៅសង្កាត់ នគរបាល មន្រី្តជំនាញពាក់ព័ន្ធ ចុះត្រួតពិនិត្យទីតាំងសាងសង់របងជាក់ស្ដែង ដោយពិនិត្យឃើញថា ការងារសង់លើព្រំដីត្រឹមត្រូវ។

សូមបញ្ជាក់ថានៅរសៀល ថ្ងៃទី២២នេះផងដែរ លោក វរសេនីយ៍ឯក ជុន ប៊ុនណាន អធិការនគរបាលខណ្ឌ៧មករា បានអញ្ជើញភាគីទាំងសងខាងយោង តាមពាក្យបណ្ដឹងរបស់ជនរងគ្រោះ មកអធិការដ្ឋាននគរបាល ធ្វើការសម្របសម្រួលគ្នា។

ក្រោយភាគីទាំងសងខាង មកដល់អធិការដ្ឋាននគរបាលខណ្ឌ៧មករា ស្រ្តីរូបនោះ រួមទាំងអង្គរក្ស បានទទួលស្គាល់កំហុសរបស់ខ្លួន ដោយធ្វើការសុំទោស ភាគីខាងរងគ្រោះទ្រព្យសម្បត្តិ ចំពោះមុខសមត្ថកិច្ច ធ្វើកិច្ចសន្យា មិនឲ្យមានលើកក្រោយទៀតឡើយ និងយល់ព្រមសងសំណងនូវការខូចខាត ដល់ភាគីម្ខាងទៀត ដើម្បីបញ្ជប់រឿង។

គួរំលឹកផងដែរ កាលពីថ្ងៃទី២១ ខែឧសភា ឆ្នាំ២០២៦ ម្សិលញ ស្រ្តីម្នាក់ ដែលមានឈ្មោះ អេង ណារី រួមទាំងបក្សពួកដែលជាអង្គរក្ស បានធ្វើសកម្មភាព វាយបំផ្លាញរបងដែកបាំងសង្ហ័សី ដែលជាទ្រព្យសម្បត្តិរបស់អ្នកដទៃសង់លើដីកម្មសិទ្ធិស្របច្បាប់ត្រឹមត្រូវ ត្រូវបានភាគីខាងរងគ្រោះថតពីសកម្មភាព និងបានបង្ហោះក្នុងបណ្ដាញសង្គមជាសាធារណៈ ពីទង្វើ បំផ្លិចបំផ្លាញទ្រព្យសម្បិត្តឯកជនអ្នកដទៃ៕ អត្ថបទ ៖ រដ្ឋា

The post ស្រ្តីម្នាក់រួមជាមួយអង្គរក្ស ធ្វើសកម្មភាពវាយបំផ្លាញទ្រព្យអ្នកដទៃ បានទទួលកំហុសនិងសងសំណងដល់ភាគីរង រាល់ការខូចខាត appeared first on Kampuchea Thmey Daily.

លោក នាក់ សំបូរ ជានិស្សិតសិក្សាស្រាវជ្រាវលើកិច្ចការងារទំនាក់ទំនងអន្តរជាតិ បានបង្ហាញការគាំទ្រលើគតិបណ្ឌិតរបស់ សម្តេចប្រមុខថ្នាក់ដឹកនាំ ដែលបានលើកយកបញ្ហាព្រំដែនបង្ហាញប្រាប់ពិភពលោកឲ្យបានដឹងច្បាស់អំពីភាពពិតរបស់ប្រទេសថៃឈ្លានពានមកលើកម្ពុជា ទាំងដែលកម្ពុជាបានប្រកាន់យ៉ាងខ្ជាប់ខ្ជួននូវបទឈប់បាញ់ និងកិច្ចព្រមព្រៀងទាំងឡាយនានាធ្លាប់បានព្រមព្រៀងគ្នា ទាំងទ្វេភាគី និងអន្តរជាតិ។

លោក នាក់ សំបូរ ជានិស្សិតសិក្សាស្រាវជ្រាវលើកិច្ចការងារទំនាក់ទំនងអន្តរជាតិ

ក្រុមនិស្សិត បានសង្កត់ធ្ងន់ថា ពួកគាត់ជឿជាក់ជាទីបំផុតលើរាជរដ្ឋាភិបាលរបស់ប្រទេសកម្ពុជាក្នុងការដឹកនាំប្រទេសឈានទៅរកសន្តិភាព ការរីកចម្រើន អភិវឌ្ឍន៍ប្រទេសគ្រប់វិស័យ។

លោក ញាណ ចិត្ត្រា ជានិស្សិតសិក្សាស្រាវជ្រាវ

សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ផ្តល់បទសម្ភាសជាមួយ សារព័ត៌មានអន្តរជាតិ រ៉យទ័រ កាលពីថ្ងៃទី១៨ ខែកុម្ភៈ ឆ្នាំ២០២៦ នៅរដ្ឋធានី វ៉ាស៊ីនតោន សហរដ្ឋអាមេរិក បានថ្លែងចំៗថា ៖ ថៃ បានរំលោភបទឈប់បាញ់ និងកិច្ចព្រមព្រៀងសន្តិភាព ដោយបានបន្តរំលោភបំពានចូលជ្រៅមកក្នុងដែនអធិបតេយ្យភាពទឹកដីរបស់កម្ពុជា តាមរយៈការដាក់កុងតឺន័រ និងរាយលួសបន្លានៅក្នុងទីតាំងដែលថៃបានទទួលស្គាល់ជាយូរមកហើយថាជាទឹកដីកម្ពុជា ហើយប្រជាជនកម្ពុជាមិនអាចវិលត្រឡប់ទៅផ្ទះវិញបានទេ។

សម្តេចធិបតី ហ៊ុន ម៉ាណែត បានថ្លែងថា៖ «មធ្យោបាយតែមួយគត់ដើម្បីផ្ទៀងផ្ទាត់នោះគឺការប្រើប្រាស់យន្តការបច្ចេកទេសដែលយើងមាន ដោយផ្អែកលើសន្ធិសញ្ញា ដោយផ្អែកលើកិច្ចព្រមព្រៀងទាំងអស់ដែលយើងមាន។ ដូច្នេះហើយ យើងសង្ឃឹមថា ថៃនឹងយល់ព្រម និងចាប់ផ្តើមអនុញ្ញាតឲ្យ JBC ធ្វើការឲ្យបានឆាប់តាមដែលអាចធ្វើទៅបាន»៕  អត្ថបទ ៖ សុភា

The post ក្រុមនិស្សិតផ្នែកទំនាក់ទំនងអន្តរជាតិ គាំទ្រយ៉ាងចំពោះ សម្តេចធិបតី ដែលបង្ហាញឆន្ទៈដោះស្រាយបញ្ហាព្រំដែនទៅកាន់ពិភពលោក appeared first on Kampuchea Thmey Daily.

ក្នុងការជួបជុំគ្នានោះដែរ ប្រជាពុទ្ធបរិស័ទមួយចំនួន បានលើកឡើងថា សុំឱ្យធ្វើការផ្លាស់ប្ដូរ  ភិក្ខុសង្ឃមានព្រះនាម វ៉ន រា ចេញពីទីវត្តនេះ ដោយព្រះគ្រូ វ៉ន រា មានជំងឺ សសៃប្រសាទ ស្រោចទឹក ជូនប្រជាពុទ្ធបរិស័ទក្នុងវត្ត និងយកអ្នកជំងឺ មកមើលក្នុងវត្ត។ ប៉ុន្តែចំពោះប្រជាពុទ្ធបរិស័ទមួយចំនួនទៀត បានលើកឡើងថា ចង់ឱ្យព្រះអង្គព្រះនាម វង្ស ប្រុស ដែលជាចៅអធិការវត្តស្តីទី ចុះចេញពីចៅអធិការវត្តស្តីទី ហើយសូមឱ្យព្រះអង្គ វ៉ន រា ឡើងជាចៅអធិការវត្តវិញ  ព្រោះព្រះគ្រូ វ៉ន រា គង់នៅទីវត្តនេះ អស់រយៈពេល ១៥វស្សាមកហើយ។

លោក វណ្ណ ប៊ុណ្ណា ប្រធានមន្ទីរធម្មការ និងសាសនាខេត្តសៀមរាប បានមានប្រសាសន៍ថា ការជួបជុំគ្នានេះ ជាលើកទី៣ហើយ ដោយមានការចូលរួមពីសំណាក់ ព្រះមេគណខេត្ត មេគណស្រុក មន្ត្រីសង្ឃ និងក្រុមការងារមន្ទីរ ព្រមទាំងអាជ្ញាធរមូលដ្ឋាន គណៈកម្មាការវត្ត និង ឧបាសក ឧបាសិកា ផងដែរ ដើម្បីចូលរួមពិភាក្សាគ្នារកដំណោះស្រាយឱ្យបានសមរម្យ នៅក្នុងបរិវេណវត្តធម្មិស្សរាម ហៅវត្តថ្មីនេះ ឱ្យមានភាពល្អប្រសើរឡើងវិញ។ លោកថា វត្តធម្មិស្សរាម ហៅវត្តថ្មី នេះ លោកបានចុះធ្វើការសម្របសម្រួល ជាលើកទី៣ ហើយនៅមិនបានសម្រេច ។

លោកបានបញ្ជាក់ថា ពេលនេះគឺមិនមែនជាអ្នកសម្រេចអ្វីនោះទេ គ្រាន់តែស្រាវជ្រាវឱ្យដឹងរឿងរ៉ាវតែប៉ុណ្ណោះ ដើម្បីយកទៅធ្វើការ ពិភាក្សាជាមួយមេគណខេត្ត និងគណៈអភិបាលខេត្ត។ រីឯការសម្រេចអ្វីនោះ គឺជាភារកិច្ចរបស់ព្រះសង្ឃ និង គណៈកម្មាការវត្ត ឧបាសក ឧបាសិកា ចំណុះជើងវត្ត ជាអ្នកបោះឆ្នោតជ្រើសរើសចៅអធិការវត្តថ្មីដែលគេយល់ឃើញថា មានចរឹកលក្ខណៈត្រឹមត្រូវប៉ុណ្ណោះ។

សូមបញ្ជាក់ថា វត្តធម្មិស្សរាម ហៅវត្តថ្មី ស្ថិតនៅភូមិដូនទាវ ឃុំរលួស ស្រុកប្រាសាទបាគង ខេត្តសៀមរាបនេះ  មានការផ្ទុះអធិកររាំរ៉ៃ ជាច្រើនឆ្នាំមកហើយ ដោយប្រជាពុទ្ធបរិស័ទចំណុះជើងវត្តនេះ បានចែកបក្សពួកជាពីរក្រុម ដោយមួយក្រុមមិនពេញចិត្តនឹងចៅអធិការវត្តស្តីទី និងមួយក្រុមទៀតមិនពេញចិត្ត ភិក្ខុសង្ឃ វ៉ន រា ដែលបង្កឱ្យកើតមានអធិករក្នុងវត្តនេះ ហើយគណៈកម្មការវត្ត ក៏មិនសូវស៊ីសង្វាក់គ្នា ចែកបក្សពួកក្នុងវត្តផងដែរ។

ជុំវិញករណីខាងលើនេះដែរ ប្រជាពុទ្ធបរិស័ទក៏បានស្នើឱ្យអាជ្ញាធរមូលដ្ឋាននិងមន្ទីរពាក់ព័ន្ធ ព្រមទាំងព្រះមេគណខេត្ត អនុគណស្រុក ជួយរកដំណោះស្រាយក្នុងវត្តធម្មិស្សរាម ហៅ វត្តថ្មី នេះផង ដើម្បីមានសប្បុរសជនដែលចង់មកកសាងវត្តនេះ មានការរីកចម្រើនឡើងវិញផងដែរ៕

ដោយ៖ គឿន វេត

The post ព្រះមេគណខេត្តសៀមរាប និមន្តដោះស្រាយអធិករនៅវត្តធម្មិស្សរារាម ហៅវត្តថ្មី appeared first on Kampuchea Thmey Daily.

រូបភាព៖ ហ្វេសប៊ុក លោក ផែង វណ្ណៈ

ថ្វីត្បិតថា បានលុបចោលទាំងអស់មែន ប៉ុន្តែ លោក ឡាយ ភាល័យ ម្ចាស់ Camcar collection មិនបាននិយាយឱ្យដឹងពីការបញ្ចប់ជម្លោះរវាងរូបលោក និងអ្នកឧកញ៉ា លី សុភ័ក្ត នោះទេ។ ចំណែក ខាងអ្នកឧកញ៉ា លី សុភ័ក្ត ក៏មិនបាននិយាយអ្វីនោះដែរ។ យ៉ាងណាក៏ដោយ ជម្លោះរវាងភាគីទាំង២ ត្រូវបានអ្នកកាសែត ផែង វណ្ណៈ បង្ហាញឱ្យដឹងថា បានដោះស្រាយបញ្ចប់រួចហើយ។

នៅលើហ្វេសប៊ុករបស់ខ្លួនកាលពីយប់ថ្ងៃព្រហស្បតិ៍ លោក ផែង វណ្ណៈ បានសរសេរឱ្យដឹងដូច្នេះថា៖ «ក្រោយភ្លៀង មេឃស្រឡះ! ថ្ងៃនេះវិវាទរវាងក្មួយ Camcar Collection និងអ្នកឧកញ៉ា លី សុភ័ក្ដ ត្រូវបានដោះស្រាយបញ្ចប់ ដោយក្មួយប្រុសទទួលស្គាល់ចំណុចខ្វះខាតរបស់ខ្លួន ហើយអ្នកឧកញ៉ា ក៏បានដកពាក្យបណ្ដឹង ឈប់ប្ដឹងផ្ដល់ក្មួយចាប់ពីថ្ងៃនេះតទៅ»។

សូមជម្រាបថា កាលពីថ្ងៃទី៩ ខែកក្កដា ម្ចាស់ហ្វេសប៊ុក Camcar Collection លោក ឡាយ ភាល័យ បានផ្សព្វផ្សាយថា អ្នកឧកញ៉ា លី សុភ័ក្ត បានទិញរថយន្តឱ្យខ្លួនកែច្នៃចំនួន៣គ្រឿង បន្ទាប់ពីកែច្នៃរួច ម្ចាស់Camcar Collection ថា អ្នកឧកញ៉ាមិនព្រមទទួលយករថយន្តនោះឡើយ បែរជាបញ្ជូនមេធាវីឱ្យមកឱ្យរូបលោកផ្ដិតមេដៃទទួលស្គាល់ថាជាបំណុលជាង១៤ ម៉ឺនដុល្លារទៅវិញ។ ការផ្សព្វផ្សាយដដែល ក៏ថា អ្នកឧកញ៉ាលេងផ្លូវកាត់ដោយប្ដឹងកម្លាំងកងរាជអវុធហត្ថព័ទ្ធចាប់បង្ខំលោក ឡាយ ភាល័យ ទៅកងរាជអាវុធហត្ថស្ទឹងមានជ័យតែម្ដង។

ឆ្លើយតបបញ្ហានេះ នៅថ្ងៃទី១០ ខែកក្កដា មេធាវីរបស់អ្នកឧកញ៉ា លី សុភ័ក្ត បានចេញលិខិតឱ្យ Camcar Collection លុបសំណេរ និងវីដេអូ ព្រមទាំងសុំទោសជាសាធារណៈ ព្រោះបានបំផ្លើសការពិត បង្កើតឱ្យមានការញុះញង់លើបណ្តាញសង្គម និងធ្វើឱ្យប៉ះពាល់ដល់កូនក្តីខ្លួន។ ក្នុងលិខិតនោះបញ្ជាក់ថា កន្លងមក លោក ឡាយ ភាល័យ បានណែនាំឱ្យអ្នកឧកញ៉ា លី សុភ័ក្ត ទិញរថយន្ត និងយកឱ្យរូបគេកែច្នៃ។ បន្ទាប់ពីអ្នកឧកញ៉ាព្រមទិញ និងយកឱ្យកែច្នៃ ដោយបានបង់ប្រាក់អស់ជាច្រើន ប៉ុន្តែ ក្រោយពីម្ចាស់ Camcar Collection បានទទួលប្រាក់ និងរៀបចំដំឡើងរថយន្តហើយ បុគ្គលខាងលើមិនបានប្រគល់រថយន្តឱ្យទៅអ្នកឧកញ៉ាវិញទេ ហើយក៏មិនបានធ្វើតាមសន្យាដែរ។ អ្នកឧកញ៉ា ក៏បានឱ្យអ្នកតំណាងទាក់ទងទៅបុគ្គលខាងលើគ្រប់មធ្យោបាយ តែលោក ឡាយ ភាល័យ មិនព្រមសហការរកដំណោះស្រាយ និងព្យាយាមរត់ជាបន្តបន្ទាប់។

រូបភាព៖ ហ្វេសប៊ុក លោក ផែង វណ្ណៈ

មេធាវីតំណាងអ្នកឧកញ៉ា លី សុភ័ក្ត បានស្នើឱ្យ Camcar Collection ត្រូវលុបសំណេរដែលខ្លួនបានបង្ហោះធ្វើឱ្យប៉ះពាល់ដល់កិត្តិយស សេចក្តីថ្លៃថ្នូររបស់អ្នកឧកញ៉ា លី សុភ័ក្ត និងសុំទោសជាសាធារណៈដោយទុករយៈពេល ២៤ ម៉ោង គិតចាប់ពីពេលទទួលបានការជូនដំណឹងនេះតទៅ។ រហូតដល់យប់ថ្ងៃទី១១ ខែកក្កដា ឆ្នាំ២០២៤ លោក ផែង វណ្ណៈ ក៏បានបង្ហោះសារថា ភាគីទាំង២បានដោះស្រាយបញ្ហារួចរាល់ ដោយម្ចាស់Camcar Collection ព្រមទទួលស្គាល់ចំណុចខ្វះខាតរបស់ខ្លួន ហើយអ្នកឧកញ៉ា ក៏ព្រមដកពាក្យបណ្តឹងវិញដែរ៕

ដោយ៖ អុន ស្រីមាន

The post ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត appeared first on Kampuchea Thmey Daily.

១. បង្រៀន​ពី​ការ​ដោះ​ស្រាយ​បញ្ហា

ម៉ាក់​ប៉ា​ត្រូវ​តែ​កំណត់​លក្ខណៈ​ឲ្យ​ម៉ឺងម៉ាត់​ពី​សកម្មភាព​អ្វី​ដែល​អាច និង​មិន​អាច​ធ្វើ ប្រាប់​កូន​ឲ្យ​ច្បាស់ៗ នៅ​ពេល​យើង​ដោះ​ស្រាយ​ជម្លោះ ឬ​បញ្ហា​អ្វី​មួយ។ ឧ. ពេល​កូន​ៗ​ឈ្លោះ​គ្នា យើង​អាច​ប្រាប់​កូន​ថា ការ​យំ​ស្រែក ឬ​វាយ​គ្នា​មិន​មែន​ជា​ដំណោះ​ស្រាយ​ត្រឹម​ត្រូវ ដើម្បី​បញ្ចប់​ជម្លោះ​ទេ។

២. សរសើរ ឬ​ប្រើ​ធម៌​ត្រជាក់​អប់រំ​កូន

ការ​សរសើរ ឬ​អប់រំ​កូន​ដោយ​និយាយ​ស្រួល​បួល មិន​ប្រើ​ហិង្សា ជា​តិចនិក​ល្អ​មួយ​ជួយ​ចិញ្ចឹម​កូន​ឲ្យ​មាន​អាកប្បកិរិយា​ល្អ។ ចំណុច​សំខាន់​នោះ គឺ​បង្ការ​កូន​ៗ​កុំ​ឲ្យ​មាន​ការ​ប្រើ​ដៃ​ជើង​ដាក់​គ្នា បន្ទាប់​មក​យើង​អាច​សរសើរ​កូន​ៗ​ពេល​ឃើញ​ពួក​គេ​ធ្វើ​អំពើ​ល្អ​វិញ។ កូន​ក្មេង​នៅ​ពេល​ដែល​យើង​សរសើរ​ពួក​គេ​ពេល​ធ្វើ​ទង្វើ​ណា​មួយ អា​អូន​ច្បាស់​ឧស្សាហ៍​ធ្វើ​វា​ម្ដង​ហើយ​ម្ដង​ទៀត ដើម្បី​យក​ចិត្ត​ប៉ា​ម៉ាក់។

៣. ក្លាយ​ជា​គំរូ​ល្អ

ម៉ាក់​ប៉ា​ត្រូវ​ចាំ​ថា កូន​ៗ​របស់​យើង​ចាំ​សង្កេត​រាល់​ទង្វើ​ដែល​យើង​ធ្វើ​ទាំង​អស់ ហើយ​រៀន​ត្រាប់​តាម។ បើ​យើង​ចង់​ឲ្យ​កូន​មាន​ចរិត​ល្អ យើង​ខ្លួន​ឯង​ផ្ទាល់​ត្រូវ​ព្យាយាម​បង្ហាញ​ថា​តើ​អ្វី​ទៅ​ជា​ទង្វើ​ល្អ និង​ចរិត​ល្អ ហេតុ​នេះ​ហើយ​ការ​ឈ្លោះ​ប្រកែក​គ្នា​ ឬ​ប្រើ​ពាក្យ​សម្ដី​មិន​សមរម្យ​នៅ​មុខ​កូន​មិន​មែន​ជា​គំរូ​ល្អ ដើម្បី​ឲ្យ​អា​អូន​លូតលាស់​ឡើង​មាន​ចរិត​ល្អ​ឡើយ។

៤. ផ្ដល់​ឲ្យ​កូន​ស្មើ​ភាព​គ្នា

ការ​កាន់​ជើង​កូន​ម្នាក់ ហើយ​ស្ដី​ឲ្យ​កូន​ម្នាក់​ទៀត​ជា​ទម្លាប់​អាក្រក់​របស់​ម៉ាក់ប៉ា​ដែល​កូន​ៗ​ស្អប់​បំផុត ព្រោះ​សម្រាប់​កូន​ៗ ទង្វើ​នេះ​ជា​ការ​លម្អៀង បង្ហាញ​ថា ស្រលាញ់​កូន​មួយ​ជាង​កូន​មួយ​ទៀត។ ការ​លម្អៀង អាច​បណ្ដាល​ឲ្យ​មាន​ការ​បែក​បាក់​ទំនាក់​ទំនង​រវាង​បង​ប្អូន ឬ​នៅ​ក្នុង​គ្រួសារ​ទាំង​មូល។ ហេតុ​នេះ នៅ​ពេល​កូន​ៗ​ឈ្លោះ មុន​នឹង​ស្ដី​ឲ្យ​កូន​ម្នាក់​ជួយ​កូន​ម្នាក់ ម៉ាក់​ប៉ា​គួរ​តែ​និយាយ​មួយ​ៗ​រក​ហេតុ​ផល ធ្វើ​យ៉ាង​ណា​ឲ្យ​កូន​ៗ​ទទួល​បាន​ភាព​ស្មើ​គ្នា (ឧ. បើ​ដាក់​ទណ្ឌកម្ម ដាក់​ទាំង​អស់ បើ​មិន​ដាក់ មិន​ដាក់​ទាំង​អស់ ចៀស​វាង​ការ​គិត​ខុស​របស់​កូន)៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកចូលចិត្តញ៉ឹង ឬផ្ទាត់ស្លឹកត្រចៀកកូន ប្រយ័ត្នស្ដាយក្រោយ!

ចុចអាន៖ ក្មេងលូតលាស់មិនល្អ មិនសូវឆ្លាត អាចមកពីមូលហេតុទាំងនេះ

The post ឪពុកម្ដាយមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន appeared first on Kampuchea Thmey Daily.