បទពិសោធន៍របស់គាត់ ឆ្លុះបញ្ចាំងពីវប្បធម៌នៃការងារស្ម័គ្រចិត្តយ៉ាងទូលំទូលាយនៅក្រុមហ៊ុនណាហ្គាវើលដ៍។ តាមរយៈផ្នែកនិរន្តរភាព និងការងារទំនួលខុសត្រូវសង្គមរបស់ក្រុមហ៊ុនដែលមានឈ្មោះថា ណាហ្គាវើលដ៍បេះដូងសប្បុរស បុគ្គលិកបានរួមចំណែកផ្តល់ពេលវេលាស្ម័គ្រចិត្តសរុបជាង ៦០.០០០ ម៉ោងគិតចាប់តាំងពីឆ្នាំ២០១៤ ដែលគាំទ្រដល់គំនិតផ្ដួចផ្ដើមនានាលើវិស័យអប់រំ ការអភិវឌ្ឍសហគមន៍ វិស័យកីឡា និងការការពារបរិស្ថាននៅទូទាំងប្រទេសកម្ពុជា។
កិច្ចខិតខំប្រឹងប្រែងទាំងនេះ កាលពីពេលថ្មីៗនេះ ត្រូវបានទទួលស្គាល់នៅក្នុងកិច្ចប្រជុំកំពូល និងកម្មវិធីប្រគល់ពានរង្វាន់ការងារទំនួលខុសត្រូវសង្គម និងបរិស្ថាន សង្គម និងអភិបាលកិច្ចលើកទី១៨ ឆ្នាំ២០២៦ នៅទីក្រុងបាងកកប្រទេសថៃដែលក្នុងនោះក្រុមហ៊ុនណាហ្គាវើលដ៍ទទួលបានពានរង្វាន់ចំនួន ៤ រួមមាន ពានរង្វាន់ក្រុមហ៊ុនល្អបំផុតក្នុងប្រទេសកម្ពុជា (កម្រិតប្លាទីនីម) ៦ ឆ្នាំជាប់ៗគ្នា ពានរង្វាន់ឧត្តមភាពក្នុងការផ្តល់ចំណេះដឹង និងការអប់រំ (កម្រិតមាស) ពានរង្វាន់កម្មវិធីសហគមន៍ល្អបំផុត (កម្រិតប្រាក់) និងពានរង្វាន់ឧត្តមភាពផ្នែកបរិស្ថានល្អបំផុត (កម្រិតប្រាក់)។ ប៉ុន្តែលើសពីពានរង្វាន់ទាំងនេះ ឥទ្ធិពលវិជ្ជមានដែលកើតចេញពីសកម្មភាពទាំងនេះ ត្រូវបានស្តែងឱ្យឃើញតាមរយៈរឿងរ៉ាវដែលកើតមានឡើងជារៀងរាល់ថ្ងៃ។

នៅអនុវិទ្យាល័យអូរបែកក្អមក្នុងខណ្ឌទួលគោករាជធានីភ្នំពេញ លោកគ្រូ ឃុន ពិសិដ្ឋ ដែលជាគ្រូបង្រៀនផ្នែកវិទ្យាសាស្ត្របរិស្ថាន បានសង្កេតឃើញពីការផ្លាស់ប្តូរឥរិយាបថរបស់សិស្សានុសិស្សចាប់តាំងពីសាលាបានចូលរួមក្នុង “កម្មវិធីសាលារៀនស្អាត និងបរិស្ថានបៃតង” របស់ក្រុមហ៊ុនណាហ្គាវើលដ៍។ កម្មវិធីប្រកួតប្រជែងនៅតាមសាលារៀននេះ ត្រូវបានដំណើរការក្នុងឆ្នាំ២០២៤ ដោយសហការជាមួយក្រសួងអប់រំ យុវជន និងកីឡា ហើយបច្ចុប្បន្នបានពង្រីកវិសាលភាពដល់សាលារៀនចំនួន ៧៩ នៅទូទាំងរាជធានីភ្នំពេញ និងខេត្តកំពង់ចាមដែលបង្រៀនសិស្សានុសិស្សអំពីការគ្រប់គ្រងសំណល់ ការកែច្នៃឡើងវិញ និងការទទួលខុសត្រូវចំពោះបរិស្ថាន។

លោកគ្រូបានឱ្យដឹងថា “កម្មវិធីនេះបានជួយកែលម្អបរិស្ថានសិក្សានៅក្នុងសាលារបស់យើង និងផ្តល់ឱកាសឱ្យសិស្សានុសិស្សយល់ដឹងកាន់តែច្បាស់ព្រមទាំងចេះថែរក្សាបរិស្ថានជុំវិញខ្លួន”។ “បច្ចុប្បន្ន ពួកគេចូលរួមក្នុងសកម្មភាពសម្អាតអនាម័យប្រចាំថ្ងៃ ហើយថែមទាំងចាប់ផ្តើមបង្កើតសួនបន្លែនៅឆ្នាំនេះទៀតផង។ ខ្ញុំពិតជាមានមោទនភាពដែលពួកគេបានជំរុញទឹកចិត្តគ្នាទៅវិញទៅមក និងអភិវឌ្ឍស្មារតីនៃការទទួលខុសត្រូវកាន់តែខ្ពស់ចំពោះបរិស្ថាន។
កិច្ចខិតខំប្រឹងប្រែងទាំងនេះហើយដែលធ្វើឱ្យសាលារៀនមួយនេះគ្រងតំណែងជាជើងឯកនៃពានរង្វាន់សាលារៀនស្អាតប្រចាំឆ្នាំ២០២៥ ។ សម្រាប់អ្នកដទៃទៀត ការផ្លាស់ប្តូរនេះបានផ្តល់ឥទ្ធិពលវិជ្ជមានលក្ខណៈបុគ្គល។ ផុន ឧត្តម ដែលកាលពីមុនមិនមានលទ្ធភាពបន្តការសិក្សានៅថ្នាក់ឧត្តមសិក្សាដោយសារបញ្ហាខ្វះខាតថវិកា បានចាត់ទុកកម្មវិធីជួយសង្គ្រោះយុវជនដែលងាយរងគ្រោះរបស់ក្រុមហ៊ុនណាហ្គាវើលដ៍ថាជាអ្នកផ្តល់ឱកាសទីពីរសម្រាប់រូបគាត់។ គាត់បាននិយាយថា “ការដែលមិនអាចបន្តការសិក្សានៅសាកលវិទ្យាល័យបាន វាប្រៀបដូចជាទ្វារដែលត្រូវបានបិទអ៊ីចឹង ប៉ុន្តែកម្មវិធីនេះបានជួយឱ្យខ្ញុំអាចកសាងអនាគតជាថ្មីឡើងវិញ”។

កម្មវិធីស្នាក់នៅរយៈពេល ២០ ខែនេះ បានផ្តល់នូវជំនាញអនុវត្តជាក់ស្តែងដល់យុវជនដែលជួបការលំបាកចាប់ពីជំនាញទំនាក់ទំនងភាសាអង់គ្លេសរហូតដល់ចំណេះដឹងផ្នែកឌីជីថលព្រមទាំងជួយកសាងទំនុកចិត្ត និងការត្រៀមលក្ខណៈសម្រាប់ទីផ្សារការងារ។ បច្ចុប្បន្ន ឧត្តម កំពុងបម្រើការងារជាគ្រូបង្រៀននៅសាលាឯកជនមួយក្នុងខណ្ឌស្ទឹងមានជ័យ រាជធានីភ្នំពេញ។ គាត់បន្ថែមថា “ការរៀនទំនាក់ទំនងជាភាសាអង់គ្លេសដោយភាពជឿជាក់ បានបើកផ្លូវឱ្យខ្ញុំទទួលបានឱកាសការងារនេះ ហើយឥឡូវនេះ ខ្ញុំមានលទ្ធភាពចូលរួមចំណែកយ៉ាងសំខាន់ក្នុងការកសាងអនាគតគ្រួសាររបស់ខ្ញុំ”។

ចំពោះបុគ្គលជាច្រើនទៀត ដូចជាកញ្ញា វណ្ណាលីន ជាដើម បទពិសោធន៍ដែលទទួលបាន គឺលើសពីការចូលរួមការងារសង្គម។ លោក ជុំ យ៉េត ដែលបានចូលរួមស្ទើរគ្រប់សកម្មភាពការងារសង្គម បានជាប់ឈ្មោះជា “បុគ្គលិកស្ម័គ្រចិត្តឆ្នើមប្រចាំឆ្នាំនៅក្នុងកម្មវិធីថ្លែងអំណរគុណបុគ្គលិកស្ម័គ្រចិត្តលើកដំបូងរបស់ក្រុមហ៊ុន។ លោកបានឱ្យដឹងថា “អ្វីដែលជំរុញទឹកចិត្តខ្ញុំខ្លាំងបំផុត គឺការបានឃើញស្នាមញញឹមរបស់កុមារ។ វាមានអត្ថន័យបំផុតសម្រាប់ខ្ញុំ”។ លោកបានបន្ថែមទៀតថា ការលះបង់ពេលវេលារបស់លោក ក៏ជាវិធីមួយក្នុងការចូលរួមចំណែកដល់ប្រទេសផងដែរ។ “យើងធ្វើការងារស្ម័គ្រចិត្តដើម្បីសហគមន៍របស់យើង ហើយយើងស្ម័គ្រចិត្តដើម្បីជួយអភិវឌ្ឍប្រទេសរបស់យើង”។

លោក Pern Chen នាយកគ្រប់គ្រងខុទ្ទកាល័យនាយកប្រតិបត្តិក្រុមហ៊ុនណាហ្គាវើលដ៍ បានឱ្យដឹងថា លោកមានក្តីរំភើបយ៉ាងខ្លាំងចំពោះការទទួលស្គាល់នេះ។ លោកបានបញ្ជាក់ដោយឆ្លុះបញ្ចាំងពីតួនាទីដ៏សំខាន់របស់ក្រុមហ៊ុនណាហ្គាវើលដ៍ក្នុងការចូលរួមចំណែកកសាងជាតិ និងការអភិវឌ្ឍប្រកបដោយចីរភាពថា “សម្រាប់ពួកយើង ពានរង្វាន់ទាំងនេះមិនត្រឹមតែបង្ហាញពីការប្តេជ្ញាចិត្តរបស់ក្រុមហ៊ុនក្នុងការគាំទ្រដល់វឌ្ឍនភាព និងការអភិវឌ្ឍរបស់ប្រទេសកម្ពុជាប៉ុណ្ណោះទេ ប៉ុន្តែវាក៏ជាសក្ខីភាពមួយដែលបង្ហាញពីការលះបង់ និងការខិតខំប្រឹងប្រែងរបស់បុគ្គលិកយើងសម្រាប់សហគមន៍នៅទូទាំងប្រទេស”។

ក្នុងខណៈពេលដែលក្រុមហ៊ុនណាហ្គាវើលដ៍ប្រារព្ធខួបលើកទី៣១ របស់ខ្លួន ក្រុមហ៊ុននៅតែបន្តផ្តោតទៅលើគំនិតផ្ដួចផ្ដើមដែលគាំទ្រដល់គោលដៅនិរន្តរភាពរបស់កម្ពុជាដែលភាពជោគជ័យត្រូវបានវាស់វែងមិនមែនដោយសារតែការឈ្នះពានរង្វាន់ប៉ុណ្ណោះទេ ប៉ុន្តែគឺវាស់វែងតាមរយៈសកម្មភាពជាក់ស្តែងដែលកើតមានឡើងជារៀងរាល់ថ្ងៃមិនថាជាការដើរកាត់ភក់ ការផ្តល់ឱកាសទីពីរ ឬការផ្លាស់ប្តូរតូចៗដែលរួមចំណែកបង្កើតបានជាសមិទ្ធផលដ៏ធំធេងសម្រាប់សង្គមជាតិ។
គួរបញ្ជាក់ថា កិច្ចប្រជុំកំពូល និងកម្មវិធីប្រគល់ពានរង្វាន់ការងារទំនួលខុសត្រូវសង្គម និងបរិស្ថាន សង្គម និងអភិបាលកិច្ច ឆ្នាំ២០២៦ គឺជាព្រឹត្តិការណ៍ផ្នែកនិរន្តរភាពដែលបានដំណើរការយូរជាងគេបំផុតក្នុងតំបន់អាស៊ីដែលផ្តល់ការទទួលស្គាល់ដល់បណ្តាអង្គភាព និងអ្នកដឹកនាំទាំងឡាយណាដែលបាន និងកំពុងជំរុញវឌ្ឍនភាពផ្នែកនិរន្តរភាពនៅទូទាំងតំបន់។

ណាហ្គាវើលដ៍បេះដូងសប្បុរសដែលត្រូវបានបង្កើតឡើងក្នុងខែមីនា ឆ្នាំ២០១៤ ដោយបុគ្គលិក គឺជាក្រុមការងារទំនួលខុសត្រូវសង្គមរបស់ក្រុមហ៊ុនណាហ្គាវើលដ៍។ ជាមួយការគាំទ្រពេញទំហឹងពីក្រុមហ៊ុន បុគ្គលិកទាំងអស់ត្រូវបានលើកទឹកចិត្តឱ្យស្ម័គ្រចិត្តចំណាយពេលវេលា និងបង្ហាញជំនាញរបស់ពួកគេសម្រាប់គម្រោងផ្សេងៗនៅតាមសហគមន៍។ គម្រោងទាំងនេះផ្តោតលើចំណុចសំខាន់ចំនួន ៤ គឺការលើកកម្ពស់ការអប់រំ ការគាំទ្រដល់សហគមន៍ ការអភិវឌ្ឍកីឡា និងការគាំពារបរិស្ថាន។ ចាប់តាំងត្រូវបានបង្កើតឡើង ណាហ្គាវើលដ៍បេះដូងសប្បុរសបានផ្តល់ឥទ្ធិពលវិជ្ជមានដល់ប្រជាជនកម្ពុជាជិត ១ លាននាក់តាមរយៈសកម្មភាពជាច្រើនដែលឆ្លុះបញ្ចាំងពីការប្តេជ្ញាចិត្តកសាងអនាគតកាន់តែភ្លឺស្វាងសម្រាប់ទាំងអស់គ្នា៕

The post ណាហ្គាវើលដ៍ ឈ្នះពានរង្វាន់ចំនួន៤ នៅឯកិច្ចប្រជុំកំពូល និងកម្មវិធីប្រគល់ពានរង្វាន់ការងារទំនួលខុសត្រូវសង្គមសកល និងបរិស្ថាន សង្គម និងអភិបាលកិច្ចលើកទី១៨ appeared first on Kampuchea Thmey Daily.

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជាមន្ត្រីក្រសួងអប់រំ យុវជន និងកីឡា បានធ្វើជាគណៈអធិបតីក្នុងសិក្ខាសាលាលើកដំបូងដែលបានរៀបចំឡើងនៅវិទ្យាល័យ ហ៊ុន សែន ខ្ចៅ ក្នុងខេត្តកំពង់ចាម។ ពិធីនេះមានការចូលរួមពីសំណាក់លោកគ្រូអ្នកគ្រូ និងសិស្សានុសិស្សជិត ១០០០ នាក់មកពីអនុវិទ្យាល័យ និងវិទ្យាល័យ ១២ ដែលចូលរួមការប្រកួតប្រជែងដែលជាថ្ងៃចាប់ផ្តើមផ្លូវការនៃការប្រកួតប្រជែងសាលារៀនស្អាត និងបរិស្ថានបៃតងសម្រាប់ឆ្នាំថ្មី២០២៦ ។

ឯកឧត្តមបណ្ឌិតសភាចារ្យ ហង់ជួន ណារ៉ុន មានប្រសាសន៍ថា “ខ្ញុំសូមថ្លែងអំណរគុណយ៉ាងជ្រាលជ្រៅដល់ណាហ្គាវើលដ៍ និងណាហ្គាវើលដ៍បេះដូងសប្បុរសសម្រាប់ការប្តេជ្ញាចិត្តបន្តបន្ទាប់ជួយលើកកម្ពស់វិស័យអប់រំ សុខភាព និងសុខុមាលភាពរបស់សហគមន៍។ ការឧបត្ថម្ភគាំទ្ររបស់ពួកគេរាប់ចាប់ពីការឧបត្ថម្ភសម្ភារសិក្សា ការលើកកម្ពស់ការអាន និងអក្ខរកម្មឌីជីថល ការធ្វើឱ្យប្រសើរឡើងនូវហេដ្ឋារចនាសម្ព័ន្ធសាលារៀន និងការផ្តល់អាហារូបករណ៍ជាដើម បានបង្កើតឥទ្ធិពលយ៉ាងវិជ្ជមានក្នុងសង្គម។ ខ្ញុំជឿជាក់ថា កម្មវិធីសាលារៀនស្អាត និងបរិស្ថានបៃតងនេះ នឹងជួយពង្រឹងការអភិវឌ្ឍធនធានមនុស្សបន្ថែមទៀតដែលនឹងជួយបង្កើនចំណេះដឹង ជំនាញ ក្រមសីលធម៌ និងការទទួលខុសត្រូវក្នុងចំណោមសិស្សានុសិស្សរបស់យើង”។

បន្ទាប់ពីការរៀបចំប្រកបដោយជោគជ័យកាលពីឆ្នាំមុន កម្មវិធីសាលារៀនស្អាត និងបរិស្ថានបៃតងលើកទីពីរនេះ នឹងពង្រីកពី ៦៧ ទៅ ៧៩ សាលារៀនដោយមានបន្ថែមសាលារៀនថ្មីៗក្នុងខេត្តកំពង់ចាម។ វិសាលភាពកាន់តែធំនេះ មានគោលបំណងផ្តល់ដល់សាលារៀន និងសិស្សានុសិស្សច្រើនជាងមុនដើម្បីឱ្យពួកគេទទួលបានចំណេះដឹងជាក់ស្តែងក្នុងការអនុវត្តប្រកបដោយនិរន្តរភាព និងការយល់ដឹងអំពីបរិស្ថាន។

លោក Pern Chen នាយកគ្រប់គ្រងខុទ្ទកាល័យនាយកប្រតិបត្តិក្រុមហ៊ុនណាហ្គាវើលដ៍ បានបញ្ជាក់ផងដែរថា “កម្មវិធីសាលារៀនស្អាត និងបរិស្ថានបៃតង មានអត្ថន័យលើសពីការប្រកួតប្រជែង។ ការអប់រំ គឺជាឧបករណ៍ដ៏មានឥទ្ធិពលបំផុតមួយដើម្បីបង្កើតឱ្យមានការផ្លាស់ប្តូរ។ តាមរយៈការលើកទឹកចិត្តយុវជនរបស់យើងឱ្យធ្វើសកម្មភាពក្នុងពេលបច្ចុប្បន្ន មានន័យថា យើងបានចាក់គ្រឹះដើម្បីបង្កើតអនាគតកាន់តែភ្លឺស្វាង និងមាននិរន្តរភាពសម្រាប់គ្រប់គ្នា”។

គួរកត់ចំណាំថា នៅក្នុងខែវិច្ឆិកា និងខែធ្នូក្នុងឆ្នាំនេះ ណាហ្គាវើលដ៍បេះដូងសប្បុរសនឹងរៀបចំសិក្ខាសាលានៅតាមសាលារៀនដែលបានចូលរួមការប្រកួតប្រជែងដើម្បីបំពាក់ដល់សិស្សានុសិស្ស និងលោកគ្រូអ្នកគ្រូនូវចំណេះដឹងស្តីពីការគ្រប់គ្រងសំណល់ និងការកែច្នៃឡើងវិញ និងណែនាំពួកគេអំពីដំណើរការនៃការវាយតម្លៃ និងដាក់ពិន្ទុប្រចាំខែ។ ចាប់ពីខែមករារហូតដល់ខែមិថុនា ឆ្នាំ២០២៦ ក្រុមការងារណាហ្គាវើលដ៍បេះដូងសប្បុរស នឹងទៅត្រួតពិនិត្យសាលារៀនទាំង ៧៩ រៀងរាល់ខែដើម្បីវាយតម្លៃអំពីវឌ្ឍនភាពរបស់ពួកគេ និងផ្តល់មតិត្រឡប់ដើម្បីឱ្យសាលារៀនទាំងនោះកាន់តែស្អាត និងបៃតង។ ដៃគូសហការនៃកម្មវិធីនេះ គឺក្រុមហ៊ុន ហ្គោមិ រីសាយខល នឹងគ្រប់គ្រងការប្រមូលសំណល់ និងកែច្នៃសំណល់ប្លាស្ទិកធ្វើជារបស់ប្រើប្រាស់ឡើងវិញ។

គួរបញ្ជាក់ថា កម្មវិធីសាលារៀនស្អាត និងបរិស្ថានបៃតង បានកើតឡើងពីគំនិតដ៏សាមញ្ញមួយ គឺនៅពេលក្មេងៗត្រូវបានលើកស្ទួយ នោះសហគមន៍នឹងមានការផ្លាស់ប្តូរ។ នេះឆ្លុះបញ្ចាំងអំពីការប្តេជ្ញាចិត្តបន្តបន្ទាប់របស់ណាហ្គាវើលដ៍ក្នុងការការពារបរិស្ថាន និងគាំទ្រដល់គោលដៅអភិវឌ្ឍប្រកបដោយចីរភាពរបស់រាជរដ្ឋាភិបាល។

អំពីណាហ្គាវើលដ៍បេះដូងសប្បុរស
ណាហ្គាវើលដ៍បេះដូងសប្បុរសដែលត្រូវបានបង្កើតឡើងក្នុងខែមីនា ឆ្នាំ២០១៤ ដោយបុគ្គលិក គឺជាក្រុមការងារទំនួលខុសត្រូវសង្គមរបស់ក្រុមហ៊ុនណាហ្គាវើលដ៍។ ជាមួយការគាំទ្រពេញទំហឹងពីក្រុមហ៊ុន បុគ្គលិកទាំងអស់ត្រូវបានលើកទឹកចិត្តឱ្យស្ម័គ្រចិត្តចំណាយពេលវេលា និងបង្ហាញជំនាញរបស់ពួកគេសម្រាប់គម្រោងផ្សេងៗនៅតាមសហគមន៍។ គម្រោងទាំងនេះផ្តោតលើចំណុចសំខាន់ចំនួន ៤ គឺការលើកកម្ពស់ការអប់រំ ការគាំទ្រដល់សហគមន៍ ការអភិវឌ្ឍកីឡា និងការគាំពារបរិស្ថាន។ ចាប់តាំងត្រូវបានបង្កើតឡើង ណាហ្គាវើលដ៍បេះដូងសប្បុរសបានផ្តល់ឥទ្ធិពលវិជ្ជមានដល់ប្រជាជនកម្ពុជាជិត ១ លាននាក់តាមរយៈសកម្មភាពជាច្រើនដែលឆ្លុះបញ្ចាំងពីការប្តេជ្ញាចិត្តកសាងអនាគតកាន់តែភ្លឺស្វាងសម្រាប់ទាំងអស់គ្នា៕

The post ណាហ្គាវើលដ៍ សហការជាមួយក្រសួងអប់រំ យុវជន និងកីឡាដំណើរការកម្មវិធីសាលារៀន និងបរិស្ថានបៃតងលើកទីពីរ appeared first on Kampuchea Thmey Daily.

សម្រាប់​បរាជ័យ​នៅ​ក្រៅ​ដី​នេះ លោក​ ឃីម បូរី គ្រូ​បង្វឹក​ណាហ្គាវើលដ៍ បាន​មើល​ឃើញ​ពី​ចំណុច​ខ្វះ​ខាត​ច្រើន​របស់​កក្រុម​លោក​ដែល​ត្រូវ​កែ​ប្រែ​សម្រាប់​ការ​ប្រកួត។

ក្នុង​សន្និសីទ​សារព័ត៌មាន​ក្រោយ​ការ​ប្រកួត លោក​មាន​ប្រសាសន៍​ថា ៖«​សម្រាប់​ការប្រកួត​ថ្ងៃនេះ ក្រុម​របស់​យើង​មាន​បញ្ហា​វគ្គ​ទី១​ច្រើន ហើយ​យើង​ធ្វើ​អត់​បាន​ល្អ​ទៅ​តាម​ផែន​ការ​ដែល​បាន​រៀបចំ។ យើង​លេង​បាន​ល្អ​នៅ​តំបន់​ម្ខាង ហើយ​​ខ្វះ​ចន្លោះ​នៅ​តំបន់​ម្ខាង​ដែល​ធ្វើ​ឲ្យ​គេ​មាន​ឱកាស​ទាត់​ចូល​ទី​យើង។ ខ្ញុំ​គិត​ថា យើង​ត្រូវ​ការ​កែ​ក្រែ​​ចំណុច​ខ្វះ​ខាត​ឲ្យ​បាន​​ច្រើន​​សម្រាប់​ការ​ប្រកួត​បន្ទាប់​។ មួយ​ទៀត​នោះ​គឺ​កីឡាករ​ត្រូវ​ការ​ប្រមូល​ស្មារតី​ឲ្យ​បាន​ល្អ​នៅ​ពេល​ជួប​ក្រុម​ខ្លាំង​ដូច​ជា ព្រះ​ខ័ន​រាជ​ស្វាយរៀង»។

នៅ​ពេល​សួរ​ថា តើ​លោក​គ្រូ​យល់​ឃើញ​យ៉ាង​ណា​អំពី​ព្រះ​ខ័ន​រាជ​ស្វាយរៀង? គ្រូ​បង្វឹក​កម្ពុជា​រូប​នេះ​បាន​ឆ្លើយ​ថា ៖«ឆ្នាំ​នេះ​ក៏​មិន​​ខុស​ពី​ឆ្នាំ​មុន​ដែរ។ ពួក​គេ​នៅ​តែ​ខ្លាំង​ គឺ​កាន់​តែ​​ខ្លាំង ជា​ពិសេស​ខ្សែ​ប្រយុទ្ធ​របស់​ពួក​គេ​ថ្មី​សុទ្ធ​តែ​ល្អ។ ពួក​គេ​មាន​គុណភាព យើង​ពិបាក​ក្នុង​ការ​ប្រជែង​ដណ្តើម​​យល់​បាល់​ជា​មួយ​ពួក​គាត់​ណាស់។ ខ្ញុំ​គិត​ថា ព្រះ​ខ័ន​រាជ​ស្វាយរៀង​ឆ្នាំ​នេះ​ល្អ»។

កីឡាករ​សញ្ជាតិ​ប្រេស៊ីល Patrick Souza ​ដែល​ស៊ុត​ចូល ២ គ្រាប់​នៅ​វគ្គ​ទី១ និង​នៅ​វគ្គ​ទី២ ​បាន​បញ្ជូន​បាល់​ឲ្យ មិន រតនៈ ទាត់​ចូល​គ្រាប់​ទី​៣ បាន​ក្លាយ​ជា​កីឡាករ​ល្អ​ប្រចាំ​ការ​ប្រកួត។ នៅ​សប្តាហ៍​បន្ទាប់​ពី ព្រះ​ខ័ន​រាជ​ស្វាយរៀង ត្រូវ​ជួប​ក្រុម​​អង្គរថាយហ្គឺរ ដែល​បាន​យក​ឈ្នះ អឹមអូអាយ កំពង់ដេវ៉ា ដោយ​លទ្ធផល ៦-៣៕

អត្ថបទ៖ វីរបុត្រ

The post លោក ឃឹម បូរី សរសើរ​ខ្សែ​ប្រយុទ្ធ​ ព្រះ​ខ័ន​រាជ​ស្វាយរៀង ឆ្នាំ​នេះកាន់​តែ​ល្អ appeared first on Kampuchea Thmey Daily.

Chroma គឺជាក្រុមហ៊ុនឯកទេសផ្នែកពណ៌ និងរបៀបនៃការស្លៀកពាក់ដើម្បីជួយអ្នកស្លៀកពាក់មានភាពទាក់ទាញ ស្រស់ស្អាត និងទំនុកចិត្ត។ Chroma មានជំនឿថា ពណ៌ឆ្លុះបញ្ចាំងលើសពីរូបរាងខាងក្រៅរបស់អ្នកស្លៀកពាក់ហើយវាក៏បញ្ជាក់អំពីអត្តចរិតរបស់អ្នកស្លៀកពាក់ផងដែរ។ ពណ៌មានអត្ថន័យលើសពីម៉ូដសម្លៀកបំពាក់ និងផ្តល់នូវអ្វីដែលផ្ទាល់ខ្លួន។

អំឡុងពេលព្រឹត្តិការណ៍ “លាតត្រដាងបទពិសោធន៍ថ្មីៗនៃរបៀបរស់នៅប្រកបដោយគុណភាព” សូមសាធារណជនចូលរួមក្នុងសិក្ខាសាលាដើម្បីឈ្វេងយល់ពីឥទ្ធិពលនៃពណ៌មកលើអ្នកប្រើប្រាស់។ តាមរយៈការពន្យល់ណែនាំដោយអ្នកជំនាញផ្នែកពណ៌ អ្នកចូលរួមនឹងបានយល់ដឹងអំពីអត្ថន័យនៃពណ៌ រៀនធ្វើការសម្រេចចិត្ត និងនិន្នាការនៃពណ៌ដែលគេពេញនិយមក្នុងពេលបច្ចុប្បន្ន។

ស្ថាបនិក Lyn Chan និង Kenneth Chia បានឱ្យដឹងថា “Chroma ផ្តល់សេរីភាពដល់អ្នកប្រើប្រាស់ក្នុងការជ្រើសរើសអ្វីដែលពួកគេចង់ស្លៀកពាក់ដោយពួកគេអាចស្វែងរកពណ៌ដែលស័ក្តិសមនឹងសម្បុរ និងអត្តចរិតរបស់ពួកគេ ឬជួយធ្វើឱ្យពួកគេទទួលបានការចាប់អារម្មណ៍ខ្លាំងពីអ្នកដទៃ”។

រីឯអ្នកដែលចង់ឈ្វេងយល់ពីគ្រឿងអលង្ការគ្រីស្តាល់ ក្រុមហ៊ុន Sparkle Please នឹងផ្តល់ជូនជាសិក្ខាសាលាស្តីពីខ្សែដៃគ្រីស្តាល់លើកដំបូងក្នុងប្រទេសកម្ពុជា។ ក្រុមហ៊ុនគ្រឿងអលង្ការឈានមុខរបស់ប្រទេសសិង្ហបុរី Sparkle Please មានជំនឿថា ត្បូងគ្រីស្តាល់គឺជាគ្រឿងលម្អដ៏ពិសេសមួយដែលលើកទឹកចិត្ត និងបង្កើនភាពទាក់ទាញដល់អ្នកប្រើប្រាស់។ ក្រុមហ៊ុននេះមានត្បូងគ្រីស្តាល់គុណភាពខ្ពស់ និងការរចនាប្លែកគេដែលអ្នកពាក់អាចទាញចំណាប់អារម្មណ៍ពីគ្រប់គ្នាដែលនៅជុំវិញ។

សាធារណជនអាចចូលរួមក្នុងសិក្ខាសាលាស្តីពីការច្នៃខ្សែដៃគ្រីស្តាល់ និងជ្រើសរើសត្បូងគ្រីស្តាល់ដើម្បីរចនាខ្សែដៃឱ្យត្រូវនឹងរឿងរ៉ាវផ្ទាល់ខ្លួនរបស់ពួកគេ។ សាធារណជននឹងបានឈ្វេងយល់ពីបច្ចេកទេសដាំអង្កាំ បន្តោង រចនាខ្សែដៃតាមម៉ូដដែលខ្លួនស្រឡាញ់ និងអាចយកខ្សែដៃដែលរចនាថ្មីៗនោះទៅគេហដ្ឋានជាមួយប្រអប់ដ៏ស្រស់ស្អាត។ សម្រាប់អ្នកដែលចង់បានបទពិសោធន៍កាន់តែអស្ចារ្យ សូមអញ្ជើញចូលរួមក្នុងសិក្ខាសាលាមួយទល់មួយដែលពួកគេអាចច្នៃខ្សែដៃដោយផ្ទាល់ជាមួយអ្នករចនាម៉ូដ។ សាធារណជនក៏អាចទិញគ្រឿងអលង្ការគ្រីស្តាល់ដែលបានរចនាស្រាប់ផងដែរ។

Tiffany Ting ស្ថាបនិកក្រុមហ៊ុនគ្រឿងអលង្ការគ្រីស្តាល់ Sparkle Please បានឱ្យដឹងថា “យើងច្នៃថ្មធម្មជាតិធ្វើជាគ្រឿងអលង្ការដ៏ភ្លឺចែងចាំង។ យើងច្នៃគ្រីស្តាល់ធ្វើជារបស់ទាន់សម័យ ទាក់ទាញ និងប្រណីត។ សូមអញ្ជើញមក និងបង្កើតគ្រឿងលម្អដ៏ស្រស់ស្អាតរបស់លោកអ្នកជាមួយពួកយើង”។

លើសពីសិក្ខាសាលាពិសេសទាំងពីរ សាធារណជនក៏អាចចូលរួមក្នុងថ្នាក់បង្រៀន និងសិក្ខាសាលា (masterclass និង workshop) ដែលមានពន្យល់ណែនាំអំពីការច្នៃផលិតផលផលិតពីស្បែក ស្រាប្រណីត ស្រាស្ពីរីត និងស៊ីហ្គា ជាដើម។ ក្នុងនាមជាគោលដៅឈានមុខគេក្នុងប្រទេសកម្ពុជា ណាហ្គាវើលដ៍ផ្តល់ជាវេទិកាដ៏កម្រដែលជំរុញការលក់រាយនៃទំនិញបែបប្រពៃណី ផ្តោះប្តូរវប្បធម៌ បង្កើនទំនាក់ទំនងរវាងអតិថិជនជាមួយម្ចាស់យីហោល្បីៗ និងសិល្បៈនៃការច្នៃសម្លៀកបំពាក់។

សូមបញ្ជាក់ថា ព្រឹត្តិការណ៍ “លាតត្រដាងបទពិសោធន៍ថ្មីៗនៃរបៀបរស់នៅប្រកបដោយគុណភាព” នឹងប្រព្រឹត្តទៅនៅថ្ងៃទី២ និងថ្ងៃទី៣ ខែសីហា ឆ្នាំ២០២៥ នៅណាហ្គាវើលដ៍ទី២ ជាន់ទី២២ ។ សាធារណជនអាចចូលរួមដោយឥតគិតថ្លៃពីម៉ោង ១១ ព្រឹកដល់ ៩ យប់។ សម្រាប់អ្នកដែលចង់ចូលរួមថ្នាក់បង្រៀន (masterclass) និងសិក្ខាសាលា (workshop) គឺតម្រូវឱ្យបង់ប្រាក់។ សម្រាប់បច្ចុប្បន្នភាព និងការចុះឈ្មោះ សូមចូលទៅកាន់ www.nagaworld.com/eu-register ឬតាមដានបណ្តាញសង្គមផ្លូវការរបស់ណាហ្គាវើលដ៍។

ជាមួយការពង្រីកបន្ថែមថ្មីចុងក្រោយ ណាហ្គាវើលដ៍ មានបន្ទប់ប្រភេទ Suite និង Deluxe ១.៦៥៨ បន្ទប់ ភោជនីយដ្ឋាន បានីយដ្ឋាន និងក្លឹបកម្សាន្តជាង ២០ កន្លែង មណ្ឌលស្ប៉ាប្រណីត ២ សាលមហោស្រព NABA ដែលមាន ២.០០០ កៅអីនៅណាហ្គាវើលដ៍ទី២ ផ្សារទំនិញរួចពន្ធប្រតិបត្តិការដោយក្រុមហ៊ុន China Duty Free Group ដែលជាផ្សារទំនើបក្រោមដីទីមួយក្នុងប្រទេសកម្ពុជាដែលមានលក់ទំនិញម៉ាកអន្តរជាតិល្បីៗ សេវាកម្សាន្តដ៏សម្បូរបែបព្រមទាំងសាលសម្រាប់រៀបចំការប្រជុំ និងកម្មវិធីឈានមុខគេ៕

The post សិក្ខាសាលាឈ្វេងយល់អំពីពណ៌ និងគ្រឿងអលង្ការគ្រីស្តាល់នៅណាហ្គាវើលដ៍ appeared first on Kampuchea Thmey Daily.

ចាប់ផ្តើមក្នុងឆ្នាំ២០២៣ យុទ្ធនាការ “ពន្លកបៃតង” របស់ក្រសួង គឺជាគំនិតផ្តួចផ្តើមដែលផ្តោតទៅលើការបង្កើនគម្របព្រៃឈើ និងជំរុញការដាំស្តារឡើងវិញ និងរួមបញ្ចូលការចែកចាយកូនឈើ បង្កើតថ្នាលបណ្តុះកូនឈើនៅតាមតំបន់ និងការលើកកម្ពស់ការយល់ដឹងអំពីសារសំខាន់នៃការដាំកូនឈើដល់សាធារណជន។ យុទ្ធនាការនេះមានគោលបំណងដាំស្តារកូនឈើឡើងវិញ ការពារជីវៈចម្រុះ និងលើកស្ទួយវប្បធម៌នៃការគាំពារបរិស្ថានទូទាំងប្រទេស។ នៅក្នុងពិធីចុះហត្ថលេខាលើអនុស្សរណៈនៃការយោគយល់គ្នា ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានថ្លែងអំណរគុណដល់ណាហ្គាវើលដ៍ចំពោះការសហការជាមួយក្រសួងដើម្បីពង្រីកគម្របព្រៃឈើតាមរយៈយុទ្ធនាការ “ពន្លកបៃតង”។

ឯកឧត្តមរដ្ឋមន្ត្រី បានបញ្ជាក់ថា ចក្ខុវិស័យនៃភាពជាអ្នកដឹកនាំ គឺផ្តោតទៅលើភាពស្អាត ភាពបៃតង និងចីរភាព។ ឯកឧត្តមរដ្ឋមន្ត្រី បានដកស្រង់ប្រសាសន៍របស់ប្រធានព្រឹទ្ធសភាសម្តេចអគ្គមហាសេនាបតីតេជោ ហ៊ុន សែន ដែលអំពាវនាវអំពី “ឆ្នេរសមុទ្រគ្មានប្លាស្ទិក” និង “ទេសចរម្នាក់ ដើមឈើមួយដើម”។ ឯកឧត្តមរដ្ឋមន្ត្រី ក៏បានលើកឡើងអំពីប្រសាសន៍របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាឱ្យបន្តកេរដំណែលនេះ និងធ្វើឱ្យប្រទេសកម្ពុជាកាន់ស្រស់បំព្រង និងបៃតងព្រមទាំងលើកទឹកចិត្តផ្តល់គុណតម្លៃនៃព្រៃឈើផងដែរ។ ឯកឧត្តមរដ្ឋមន្ត្រី បានឱ្យដឹងផងដែរថា “ដោយធ្វើការរួមគ្នាជាមួយដៃគូដូចជាក្រុមហ៊ុនណាហ្គាវើលដ៍ យើងអាចពង្រីកកិច្ចខិតខំប្រឹងប្រែងដាំស្តារកូនឈើឡើងវិញ ពង្រឹងការចូលទៅជិតសហគមន៍ និងសម្រេចគោលដៅបៃតង ស្អាត និងអព្យាក្រឹតកាបូនក្នុងប្រទេសកម្ពុជាកាន់តែឆាប់រហ័ស”។

មានមតិទៅលើការសហការនេះ លោក Pern Chen នាយកគ្រប់គ្រងខុទ្ទកាល័យនាយកប្រតិបត្តិក្រុមហ៊ុនណាហ្គាវើលដ៍ បានឱ្យដឹងថា “ពួកយើងមានកិត្តិយសដែលបានសហការជាមួយក្រសួង និងគាំទ្រដល់យុទ្ធនាការពន្លកបៃតង ជាយុទ្ធនាការបណ្តុះ និងចែកចាយកូនឈើសម្រាប់ដាំស្តារឡើងវិញទូទាំងប្រទេសកម្ពុជា”។ គាត់បានបន្ថែមថា “ក្នុងនាមជាក្រុមហ៊ុន យើងទទួលស្គាល់តួនាទីរបស់យើងក្នុងការជួយប្រទេសកម្ពុជាបង្កើនគម្របព្រៃឈើដល់ ៦០% និងសម្រេចអព្យាក្រឹតកាបូនត្រឹមឆ្នាំ២០៥០ ដែលនេះជាផ្នែកមួយនៃកិច្ចខិតខំប្រឹងប្រែងដ៏ធំជាច្រើនទៀតរបស់យើង។ រាល់កូនឈើដែលត្រូវបានដាំ នឹងជួយសម្រេចគោលបំណងដែលបានកំណត់ខាងលើ។ ដូចពាក្យស្លោកនៃប្រទេសក្រិចបុរាណបានបញ្ជាក់ថា “សង្គមរីកលូតលាស់ល្អនៅពេលមនុស្សចាស់ដាំដើមឈើដែលគាត់ប្រហែលមិនបានជ្រកម្លប់ដើមឈើនោះឡើយ មានន័យថា ប្រសិនបើគាត់មិនអាចជ្រកម្លប់ដើមឈើដែលគាត់បានដាំ ម្លប់ឈើនោះនឹងផ្តល់ម្លប់ដល់កូនចៅជំនាន់ក្រោយ”។ គាត់បានបញ្ជាក់ម្តងទៀតអំពីការប្តេជ្ញាចិត្តរបស់ក្រុមហ៊ុនក្នុងការសហការជាមួយក្រសួងបរិស្ថានដើម្បីជំរុញចក្ខុវិស័យរបស់ប្រទេសកម្ពុជាដើម្បីភាពកាន់តែស្រស់បំព្រងសម្រាប់ទាំងអស់គ្នា”។

គួរបញ្ជាក់ផងដែរថា ក្នុងឱកាសអបអរខួប ៣០ ឆ្នាំរបស់ក្រុមហ៊ុន ណាហ្គាវើលដ៍បេះដូងសប្បុរសបានកំណត់គោលដៅដាំកូនឈើឱ្យបាន ៣០.០០០ (៣ ម៉ឺន) ដើមដោយសហការជាមួយក្រសួងបរិស្ថាន សហគមន៍មូលដ្ឋាន សាលារៀន និងអង្គភាពបរិស្ថានពាក់ព័ន្ធជាច្រើនទៀត។ លើសពីនេះ ណាហ្គាវើលដ៍ក៏បានសន្យាឧបត្ថម្ភ ១ ដុល្លារអាម៉េរិកដល់កម្មវិធីដាំកូនឈើសម្រាប់រាល់ការកក់បន្ទប់ស្នាក់នៅសណ្ឋាគាររបស់ភ្ញៀវក្នុងឆ្នាំ២០២៥ ផងដែរដែលអនុញ្ញាតឱ្យភ្ញៀវចូលរួមដល់កិច្ចខិតខំប្រឹងប្រែងអភិរក្សបរិស្ថានក្នុងអំឡុងពេលស្នាក់នៅរបស់ពួកគេ។ ចាប់តាំងពីឆ្នាំ២០១៤ ណាហ្គាវើលដ៍បេះដូងសប្បុរសបានរៀបចំសកម្មភាពជាច្រើនដែលផ្តល់ប្រយោជន៍ដល់កិច្ចការពារបរិស្ថាន អប់រំ កីឡា និងការអភិវឌ្ឍសហគមន៍។ ការប្តេជ្ញាចិត្តរបស់ក្រុមហ៊ុនក្នុងការគាំពារបរិស្ថានត្រូវបានឆ្លុះបញ្ចាំងតាមរយៈគំនិតផ្តួចផ្តើមជាច្រើនដូចជា កម្មវិធីសាលារៀន និងបរិស្ថានបៃតង កម្មវិធីសាប៊ូនៃក្តីសង្ឃឹម កម្មវិធីនិរន្តរភាពកម្ពុជា និងការគ្រប់គ្រងកាកសំណល់ ៥R ជាដើម។ គំនិតផ្តួចផ្តើមទាំងនេះបានផ្តល់ប្រយោជន៍ដល់ប្រជាជនជាង ១៧០.០០០ នាក់តាមរយៈសកម្មភាព ៤៥៧ គិតមកដល់បច្ចុប្បន្ន។

សូមរំឭកថា កាលពីពេលថ្មីៗនេះ ណាហ្គាវើលដ៍បេះដូងសប្បុរសបានដាំកូនឈើ ៨.០០០ (៨ ពាន់) ដើមនៅស្រុកវាលវែងខេត្តពោធិ៍សាត់ និងសហគមន៍តំបន់ការពារធម្មជាតិពាមក្រសោបក្នុងខេត្តកោះកុង។ មកដល់បច្ចុប្បន្ន ណាហ្គាវើលដ៍បេះដូងសប្បុរសបានរៀបចំសកម្មភាពដាំកូនឈើនៅរាជធានីភ្នំពេញ និងបណ្តាខេត្តចំនួន ៩ ផ្សេងទៀតរួមមានខេត្តកំពង់ស្ពឺ កំពត ពោធិ៍សាត់ កោះកុង ព្រៃវែង កំពង់ចាម កណ្តាល កំពង់ឆ្នាំង និងតាកែវ។ណាហ្គាវើលដ៍បេះដូងសប្បុរសដែលត្រូវបានបង្កើតឡើងក្នុងខែមីនា ឆ្នាំ២០១៤ ដោយបុគ្គលិក គឺជាក្រុមការងារទំនួលខុសត្រូវសង្គមរបស់ក្រុមហ៊ុនណាហ្គាវើលដ៍។ ជាមួយការគាំទ្រពេញទំហឹងពីក្រុមហ៊ុន បុគ្គលិកទាំងអស់ត្រូវបានលើកទឹកចិត្តឱ្យស្ម័គ្រចិត្តចំណាយពេលវេលា និងបង្ហាញជំនាញរបស់ពួកគេសម្រាប់គម្រោងផ្សេងៗនៅតាមសហគមន៍។ គម្រោងទាំងនេះផ្តោតលើចំណុចសំខាន់ចំនួន ៤ គឺការលើកកម្ពស់ការអប់រំ ការគាំទ្រដល់សហគមន៍ ការអភិវឌ្ឍកីឡា និងការគាំពារបរិស្ថាន។ ចាប់តាំងត្រូវបានបង្កើតឡើង ណាហ្គាវើលដ៍បេះដូងសប្បុរសបានផ្តល់ឥទ្ធិពលវិជ្ជមានដល់ប្រជាជនកម្ពុជាជិត ១ លាននាក់តាមរយៈសកម្មភាពជាច្រើនដែលឆ្លុះបញ្ចាំងពីការប្តេជ្ញាចិត្តកសាងអនាគតកាន់តែភ្លឺស្វាងសម្រាប់ទាំងអស់គ្នា៕

The post ណាហ្គាវើលដ៍ ចុះហត្ថលេខាលើអនុស្សរណៈនៃការយោគយល់គ្នាជាមួយក្រសួងបរិស្ថាន គាំទ្រដល់យុទ្ធនាការ “ពន្លកបៃតង” appeared first on Kampuchea Thmey Daily.

ណាហ្គាវើលដ៍ មានបម្រើជូនមុខម្ហូបប្រពៃណីចិនដ៏សម្បូរបែបក្នុងឱកាសបុណ្យចូលឆ្នាំចិននេះ។ នៅភោជនីយដ្ឋានចិន Fortune Palace មានខឈ្លើងសមុទ្រជាមួយសាច់ក្តាម និងគ្រំសមុទ្រក្នុងទឹកស៊ុប ខសាច់ជ្រូកបីជាន់ និងត្រីតុកកែចម្អិនពីររសជាតិដែលមានជាមុខម្ហូបដាច់ដោយឡែក ឬជាឈុត តម្លៃចាប់ពី ២៣៥.០០០៛ ក្នុងម្នាក់សម្រាប់គ្នាយ៉ាងតិច ៥ នាក់។ រីឯម្ហូបបែបប្រណីតដូចជា កូនជ្រូកខ្វៃ អយស្ទ័រខជាមួយអណ្តាតជ្រូក និងសារាយសមុទ្រ ថ្លើមក្ងានជាមួយប្រហិតបង្គា និងសាច់មាន់បំពងស្រួយជាមួយបង្គាស្រស់ មានបម្រើជូននៅភោជនីយដ្ឋានចិន Hall of Golden Chimes ។ ណាហ្គាវើលដ៍ ក៏មានម្ហូបឈុតពិសេសផងដែរ តម្លៃចាប់ពី ១.៤៧២.០០០៛ សម្រាប់ ៦ នាក់ រហូតដល់ ៣.៥៥២.០០០៛ សម្រាប់ ១០ នាក់ដែលស័ក្តិសមបំផុតសម្រាប់ការទទួលទានជុំគ្រួសារ មិត្តភក្តិ ឬមិត្តរួមការងារ។ សម្រាប់ម្ហូបបែបប្រពៃណី អតិថិជនអាចជ្រើសរើសម្ហូបមហាសម្បត្តិដែលមានគ្រឿងសមុទ្របែបព្រីមៀម និងសាច់ខ្វៃ តម្លៃចាប់ពី ៥៥២.០០០៛ សម្រាប់ ៦ នាក់។ ចំណែកម្ហូបអ៊ីសាងដែលជាម្ហូបនាំលាភសំណាង មានផ្តល់ជូនជាមួយជម្រើសត្រីសាលម៉ុន បង្កងអូស្ត្រាលី សាច់មាន់ ឬផ្លែឈើ តម្លៃចាប់ពី ១០០.០០០៛ នៅភោជនីយដ្ឋានទាំងពីរ។

ជម្រើសមួយទៀត អតិថិជនអាចអញ្ជើញទៅភោជនីយដ្ឋាន Chopstick និង Golden Bowl ដែលមានមុខម្ហូបរសជាតិដើមពិសេសៗដូចជា ខជើងជ្រូកជាមួយសារាយសមុទ្រ បង្គាឆាជាមួយពងទាប្រៃ ភ្លៅមាន់ចំហុយជាមួយថ្នាំចិន ខមីអាយុវែងជាមួយប៉ាវហ៊ឺក្នុងទឹកជ្រលក់ និងនំនៀនកៅចំហុយជាមួយសាច់ដូងកោស តម្លៃចាប់ពី ១៥.២០០៛ ។ ពីថ្ងៃទី២៨ ដល់ថ្ងៃទី៣០ ខែមករា ឆ្នាំ២០២៥ ភោជនីយដ្ឋាន 2Pangea នឹងមានអាហារប៊ុហ្វេពេលល្ងាចពិសេសដើម្បីអបអរបុណ្យចូលឆ្នាំចិនផងដែរ តម្លៃ ១៨០.០០០៛ សម្រាប់ម្នាក់។ ទំនាក់ទំនងកក់តុទុកជាមុនតាមរយៈលេខទូរសព្ទ ០២៣ ២៦ ៣០ ៣១ ឬអ៊ីម៉ែល dining@nagaworld.com ។

នៅកន្លែងទទួលភ្ញៀវ (Lobby Lounge) អតិថិជនអាចរីករាយជាមួយអាហារសម្រន់ពេលរសៀលដែលមាននំស្នូលផ្អែម នំស្នូលប្រៃ និងសាំងវិចរួមជាមួយភេសជ្ជៈ។ អតិថិជនអាចទទួលទានផ្ទាល់ ជាវដើម្បីធ្វើជាកាដូ ឬខ្ចប់ដើម្បីទទួលទានជុំគ្នានៅគេហដ្ឋានជាមួយតម្លៃចាប់ពី ៧២.០០០៛ ប៉ុណ្ណោះ។
សម្រាប់សេវាកម្មស្ប៉ារបស់ណាហ្គាវើលដ៍ក្នុងឱកាសបុណ្យចូលឆ្នាំចិននេះ មានកញ្ចប់រចនាម៉ូដសក់ និងក្រចកសម្រាប់ពីរនាក់តម្លៃ ៣៩២.០០០៛ និងមានបន្ថែមជូនតុក្កតាមួយដ៏ស្រស់ស្អាតឥតគិតថ្លៃ ឬរីករាយជាមួយសេវាកម្មស្ប៉ាបែបបាលី និងម៉ាស្សាបាតជើងរយៈពេល ២ ម៉ោង តម្លៃ ៣៥២.០០០៛ ប៉ុណ្ណោះ។

សម្រាប់អ្នកដែលចង់ទស្សនាការសម្តែងសិល្បៈ និងពិណបុរាណចិន ណាហ្គាវើលដ៍មានផ្តល់ជូននៅម៉ោង ៧:៣០ យប់នៅឆាកជាន់ផ្ទាល់ដីណាហ្គាវើលដ៍ទី១ ដែលមានការតុបតែងលម្អយ៉ាងប្រណីត ឬអតិថិជនអាចអញ្ជើញទៅទស្សនា និងផ្តិតយករូបភាពនៃការតុបតែងលម្អយ៉ាងស្រស់ស្អាតនៅសួនច្បារសម្តេចតេជោ ហ៊ុន សែន ។

សម្រាប់បទពិសោធន៍ថ្មីៗ និងព័ត៌មានបន្ថែម សូមចូលទៅកាន់គេហទំព័រ www.nagaworld.com ឬតាមដានទំព័រហ្វេសប៊ុក និងអ៊ីនស្តាក្រាមរបស់ណាហ្គាវើលដ៍។

ជាមួយការពង្រីកបន្ថែមថ្មីចុងក្រោយ ណាហ្គាវើលដ៍ មានបន្ទប់ប្រភេទ Suite និង Deluxe ១.៦៥៨ បន្ទប់ ភោជនីយដ្ឋាន បានីយដ្ឋាន និងក្លឹបកម្សាន្តជាង ២០ កន្លែង មណ្ឌលស្ប៉ាប្រណីត ២ សាលមហោស្រព NABA ដែលមាន ២.០០០ កៅអីនៅណាហ្គាវើលដ៍ទី២ ផ្សារទំនិញរួចពន្ធប្រតិបត្តិការដោយក្រុមហ៊ុន China Duty Free Group ដែលជាផ្សារទំនើបក្រោមដីទីមួយក្នុងប្រទេសកម្ពុជាដែលមានលក់ទំនិញម៉ាកអន្តរជាតិល្បីៗ សេវាកម្សាន្តដ៏សម្បូរបែបព្រមទាំងសាលសម្រាប់រៀបចំការប្រជុំ និងកម្មវិធីឈានមុខគេ៕

អត្ថបទពាណិជ្ជកម្ម

The post អបអរបុណ្យចូលឆ្នាំចិនជាមួយការផ្តល់ជូនដ៏អស្ចារ្យនៅណាហ្គាវើលដ៍ appeared first on Kampuchea Thmey Daily.

ចំណែកនៅក្នុងអគារណាហ្គាវើលដ៍ ភោជនីយដ្ឋានជាច្រើនរបស់ណាហ្គាវើលដ៍រួមទាំងភោជនីយដ្ឋាន 2Pangea មានបម្រើជូនអាហារប៊ុហ្វេសុភមង្គល ខណៈភោជនីយដ្ឋានជប៉ុន (The Teppanyaki) ភោជនីយដ្ឋានអ៊ីតាលី (Bistro Romano) និងភោជនីយដ្ឋានបារាំង (Le Gourmet) មានបម្រើជូនអាហារឈុតបែបប្រណីតដែលបានទាក់ទាញអតិថិជនយ៉ាងច្រើន។ ចំណែកឯក្លឹបកម្សាន្តដាលីន ដាលីន ក៏មានភ្ញៀវជាច្រើនចូលរួមរាប់ថយក្រោយស្វាគមន៍ឆ្នាំថ្មីផងដែរ។

នៅពេលពាក់កណ្តាលអធ្រាត្រមកដល់ កំពូលតារាចម្រៀង និងទស្សនិកទាំងអស់បានហ៊ោអបអរឆ្នាំថ្មីអមជាមួយការបាញ់កាំជ្រួចស្វាគមន៍ឆ្នាំថ្មី២០២៥ រយៈពេល ១០ នាទីដ៏ស្រស់ស្អាតទៅក្នុងអាកាសនៅមុខណាហ្គាវើលដ៍ទាំងពីរ។
គួរបញ្ជាក់ផងដែរថា ណាហ្គាវើលដ៍ នឹងផ្តល់ជូននូវបទពិសោធន៍ថ្មីៗជាច្រើនទៀតខណៈមណ្ឌលកម្សាន្តប្រណីតនេះនឹងរៀបចំខួបលើកទី៣០ របស់ខ្លួននៅក្នុងឆ្នាំ២០២៥ ។ សម្រាប់ព័ត៌មានបន្ថែម សូមចូលទៅកាន់គេហទំព័រ www.nagaworld.com ទំព័រហ្វេសប៊ុក ឬអ៊ីនស្តាក្រាមរបស់ណាហ្គាវើលដ៍៕

The post ណាហ្គាវើលដ៍ បើកទំព័រឆ្នាំថ្មី២០២៥ ជាមួយការការផ្តល់ជូនដ៏អស្ចារ្យ appeared first on Kampuchea Thmey Daily.

កម្មវិធីនេះ នឹងជួយគាំទ្រដល់កិច្ចខិតខំប្រឹងប្រែងជាបន្តបន្ទាប់របស់ក្រសួងដើម្បីធ្វើឱ្យប្រទេសកម្ពុជាកាន់តែបៃតងដោយអប់រំសិស្សានុសិស្សអំពីការគ្រប់គ្រង និងកែច្នៃសំរាមឡើងវិញ។ កម្មវិធីនេះដែលនឹងចាប់ដំណើរការពីខែធ្នូ ឆ្នាំ២០២៤ រហូតដល់ខែមិថុនា ឆ្នាំ២០២៥ នឹងត្រូវបានដឹកនាំដោយណាហ្គាវើលដ៍បេះដូងសប្បុរសដែលជាផ្នែកការងារសង្គមរបស់ក្រុមហ៊ុនណាហ្គាវើលដ៍។

តាងនាមឱ្យឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសូងអប់រំ យុវជន និងកីឡា លោកជំទាវ គឹម សេដ្ឋានី រដ្ឋលេខាធិការប្រចាំការក្រសួងអប់រំ យុវជន និងកីឡា បានមានប្រសាសន៍ថា “យើងស្វាគមន៍កម្មវិធីសាលារៀនស្អាត និងបរិស្ថានបៃតងដែលផ្តួចផ្តើមឡើងដោយ ក្រុមហ៊ុនណាហ្គាវើលដ៍ដែលមានគោលបំណងលើកកម្ពស់ការយល់ដឹងក្នុងចំណោមសិស្សានុសិស្សដើម្បីនិរន្តរភាព។ ដោយបញ្ចូលការអនុវត្តកាត់បន្ថយ និងការកែច្នៃសំរាមឡើងវិញទៅក្នុងជីវិតរស់នៅប្រចាំថ្ងៃរបស់ពួកគេ និងការផ្សព្វផ្សាយយ៉ាងសកម្ម យើងនឹងអាចធ្វើឱ្យក្មេងៗជំនាន់ក្រោយផ្តល់តម្លៃ និងជួយការពារបរិស្ថាន។ ទាំងអស់គ្នា យើងអាចធ្វើឱ្យប្រទេសកម្ពុជារបស់យើងកាន់តែបៃតង និងអនាគតប្រកបដោយនិរន្តរភាព”។

កម្មវិធីសាលារៀនស្អាត និងបរិស្ថានបៃតង មានធាតុផ្សំចំនួនពីរ គឺការសម្អាតនៅតាមសាលារៀន និងការប្រមូលកាកសំណល់ប្លាស្ទិក។ ណាហ្គាវើលដ៍បេះដូងសប្បុរស នឹងរៀបចំសិក្ខាសាលា និងការវាយតម្លៃរៀងរាល់ខែខណៈដៃគូកែច្នៃកាកសំណល់ គឺក្រុមហ៊ុន Gomi Recycle នឹងគ្រប់គ្រងទៅលើការប្រមូលកាកសំណល់ប្លាស្ទិក។ នៅចុងបញ្ចប់នៃកម្មវិធីនេះ សាលារៀន ៣ ដែលស្អាតជាងគេ និងសាលារៀនចំនួន ១ ដែលប្រមូលកាកសំណល់ប្លាស្ទិកបានច្រើនជាងគេ នឹងទទួលបានរង្វាន់ពិសេសសម្រាប់កិច្ចខិតខំប្រឹងប្រែងរបស់ពួកគេ។

មានមតិទៅលើកម្មវិធីនេះ លោក Pern Chen នាយកគ្រប់គ្រងខុទ្ទកាល័យនាយកប្រតិបត្តិក្រុមហ៊ុនណាហ្គាវើលដ៍ បានឱ្យដឹងថា “កម្មវិធីសាលារៀនស្អាត និងបរិស្ថានបៃតងនេះ មិនត្រឹមតែជួយគាំទ្រដល់ទស្សនវិស័យសម្រាប់អនាគតកាន់តែស្រស់បំព្រង និងបៃតងប៉ុណ្ណោះទេប៉ុន្តែវាបង្កើតបរិស្ថានល្អសម្រាប់សិស្សានុសិស្សអាចរៀនសូត្រ និងធំលូតលាស់បានល្អថែមទៀតផង។ តាមរយៈការបង្ហាត់ និងពន្យល់ណែនាំពួកគេឱ្យចេះពីរបៀបការពារបរិស្ថាន កម្មវិធីនេះនឹងជួយធ្វើឱ្យពួកគេមានទម្លាប់ល្អពេញមួយជីវិត និងកាត់បន្ថយមេរោគ និងជំងឺដែលធ្វើឱ្យសិស្សានុសិស្ស និងលោកគ្រូអ្នកគ្រូមានសុខភាពកាន់តែល្អ”។

ក្រុមហ៊ុន Gomi Recycle នឹងឧបត្ថម្ភគ្រឿងសង្ហារិម ឬផលិតផលផលិតចេញកាកសំណល់ប្លាស្ទិកដែល ប្រមូលបានពីសាលារៀននៅពេលសាលារៀននោះអាចប្រមូលកាកសំណល់ប្លាស្ទិកតាមចំនួនកំណត់ ឬលើសពីចំនួនដែលបានកំណត់។ នេះអនុញ្ញាតឱ្យសិស្សានុសិស្សឃើញលទ្ធផលជាក់ស្តែងដែលកើតចេញពីការខិតខំកែច្នៃកាកសំណល់របស់ពួកគេ និងដឹងថាកាកសំណល់ក៏អាចត្រូវបានកែច្នៃទៅជាធនធានមានតម្លៃផងដែរ។

លោក Yusuke Okumara ស្ថាបនិកក្រុមហ៊ុន Gomi Recycle បានឱ្យដឹងផងដែរថា “ក្រុមហ៊ុន Gomi Recycle ប្តេជ្ញាកាត់បន្ថយកាកសំណល់ និងលើកកម្ពស់និរន្តរភាពក្នុងប្រទេសកម្ពុជាតាមរយៈកិច្ចខិតខំកែច្នៃឡើងវិញប្រកបដោយភាពនវានុវត្តន៍។ កាកសំណល់ គឺជាលទ្ធផលនៃជម្រើសរបស់យើង។ ជម្រើសដែលយើងធ្វើនៅថ្ងៃនេះ នឹងកំណត់អំពីអនាគតរបស់ភពផែនដីរបស់យើង។ តាមរយៈការសហការជាមួយណាហ្គាវើលដ៍ យើងសង្ឃឹមថានឹងអាចលើកទឹកចិត្តឱ្យក្មេងៗជំនាន់ក្រោយធ្វើការជ្រើសរើសប្រកបដោយមនសិការ និងអនុវត្តត្រឹមត្រូវដើម្បីភាពស្រស់បំព្រងនៅថ្ងៃស្អែក”។

គួរបញ្ជាក់ផងដែរថា សិក្ខាសាលាណែនាំអំពីកម្មវិធីសាលារៀនស្អាត និងបរិស្ថានបៃតងនេះ នឹងត្រូវរៀបចំឡើងនៅក្នុងខែធ្នូនេះនៅណាហ្គាវើលដ៍ដែលមានការចូលរួមពីតំណាងអនុវិទ្យាល័យ វិទ្យាល័យ និងអ្នកតំណាងមកពីក្រសួងអប់រំ។ សិក្ខាសាលានេះ នឹងរៀបរាប់អំពីចំណុចសំខាន់ៗនៃការប្រកួតប្រជែងរួមទាំងគោលបំណង ការណែនាំ និងលក្ខខណ្ឌវាយតម្លៃដើម្បីអាចដំណើរការកម្មវិធីនេះប្រកបដោយភាពរលូន និងជោគជ័យ។

គួរបញ្ជាក់ថា ណាហ្គាវើលដ៍បេះដូងសប្បុរស ដែលផ្នែកការងារសង្គមរបស់ក្រុមហ៊ុនណាហ្គាវើលដ៍ ត្រូវបានបង្កើតឡើងក្នុងឆ្នាំ២០១៤ ។ ជាមួយពាក្យស្លោក “យើងបម្រើកម្ពុជា” ណាហ្គាវើលដ៍បេះដូងសប្បុរស តែងតែផ្តួចផ្តើមសកម្មភាពជាច្រើនដោយផ្តោតទៅលើចំណុចសំខាន់ ៤ គឺការអប់រំ សហគមន៍ កីឡា និងបរិស្ថាន។ ចាប់តាំងពីត្រូវបានបង្កើតឡើង ណាហ្គាវើលដ៍បេះដូងសប្បុស បានរៀបចំសកម្មភាពជាង ៧០០ ដែលផ្តល់ប្រយោជន៍ដល់ប្រជាជនកម្ពុជាជាង ៥០០.០០០ នាក់។ កិច្ចខិតខំប្រឹងប្រែងទាំងនេះ ស្របជាមួយការប្តេជ្ញាចិត្តរបស់ក្រុមហ៊ុនណាហ្គាវើលដ៍ដើម្បីជួយលើកស្ទួយដល់ប្រជាជនកម្ពុជា និងលើកកម្ពស់ការអភិវឌ្ឍសម្រាប់ប្រទេសកម្ពុជា៕

The post ណាហ្គាវើលដ៍ សហការជាមួយក្រសួងអប់រំលើកកម្ពស់ការយល់ដឹងអំពីបរិស្ថានក្នុងចំណោមយុវជនកម្ពុជា appeared first on Kampuchea Thmey Daily.