តាមការប្រកាសរបស់ក្រសួងពាណិជ្ជកិម្ម តម្លៃប្រេងឥន្ធនៈ​លក់រាយ​នៅ​តាមស្ថានីយ​ចាប់ពីថ្ងៃពុធ ​ទី១៥ ខែមេសា ឆ្នាំ​២០២៦ ក្នុង​នោះ​ប្រេងសាំងធម្មតា​លក់ចេញក្នុងតម្លៃ ​៥១០០ រៀល ​ក្នុង​មួយលីត្រ ធ្លាក់ចុះ១០០រៀល ចំណែក​​ប្រេង​ម៉ាស៊ូតលក់ចេញក្នុងតម្លៃ ៦៤០០ រៀល ក្នុងមួយលីត្រ ធ្លាក់ចុះ៥០០រៀល ក្នុង១លីត្រ នេះបើធៀបនឹងការប្រកាសពេលមុន។​ រាជរដ្ឋា​ភិបាល​បានដាក់​ចេញនូវវិធាន​ការឧបត្ថម្ភធន​ ​និងបញ្ចុះពន្ធអាករផ្សេងៗ ​ដើម្បី​ឆ្លើយតបទៅ​នឹង​និន្នាការ​កើនឡើងថ្លៃប្រេង​នៅ​លើទីផ្សារអន្តរជាតិ​ ​ព្រមទាំងជួយសម្រួល​ដល់ជីវភាព​របស់​ប្រ​ជាពលរដ្ឋ៕

The post តម្លៃលក់រាយប្រេងសាំងធ្លាក់ចុះបន្តិចនៅសប្ដាហ៍នេះ appeared first on Kampuchea Thmey Daily.

​ក្រសួងពាណិជ្ជកម្ម​បាន​ប្រកាស​ថា​ តម្លៃ​សាំង​ធម្មតា​បាន​ធ្លាក់​ចុះ​ ៣០០ រៀល ​ក្នុង​មួយ​លីត្រ​ ដោយ​លក់​ចេញ​ក្នុង​តម្លៃ​ ​៥២០០ ​រៀល ក្នុងមួយលីត្រ ធៀប​នឹង​ការ​ប្រកាស​លើក​មុន​ ​ខណៈ​ប្រេង​ម៉ាស៊ូត​បាន​ធ្លាក់​ ១៣០០ រៀល ​ដោយ​លក់​ក្នុង​តម្លៃ ​៦៩០០ រៀល ​ក្នុង​មួយ​លីត្រ។​ តម្លៃ​នេះ​អនុវត្ត​ចាប់​ពី​ថ្ងៃទី ១០ ខែមេសា រហូត​ដល់ការជូនដំណឹងជាថ្មី។

រាជរដ្ឋាភិបាលបាន​បន្តដាក់ចេញវិធានការបញ្ចុះតម្លៃប្រេង​ឥន្ធនៈ ​ដើម្បី​សម្រាលការលំបាក​របស់​ប្រជា​ពលរដ្ឋ ​ក្នុង​ពេលដែលតម្លៃប្រេងកើនឡើងនៅលើទីផ្សារអន្តរជាតិ។​

​វិធានការទាំងនោះរួមមាន៖​

១. ​រាជរដ្ឋាភិបាល​បន្ត​បញ្ចុះតម្លៃប្រេងចំនួន​ ៦,៥ សេនដុល្លារ ​ក្នុងមួយលីត្រ​ ដែលជាការជួយ​ឧបត្ថម្ភផ្ទាល់​របស់រាជរដ្ឋាភិបាលដើម្បីជួយបន្ធូរបន្ទុកប្រជាពលរដ្ឋក្នុងគ្រាលំបាក។​

២. រាជរដ្ឋាភិបាលបន្តបញ្ចុះតម្លៃ១សេនដុល្លារ បន្ថែមទៀត​ក្នុងមួយ​លីត្រនៅពេលដែលប្រេង​សាំង​អន្តរជាតិកើន​លើស​ពី​៩០​ដុល្លារ ​ក្នុង១បារ៉ែល ​និង​ប្រេងម៉ាស៊ូតអន្តរជាតិកើនលើសពី១០០​ ដុល្លារក្នុង១​បារ៉ែល។ ៣. ​រាជរដ្ឋាភិបាលបញ្ចុះពន្ធ​គយដល់សូន្យ ​ពោលគឺរដ្ឋ​មិនយកពន្ធ​នាំចូល​ប្រេងតែម្តង។

៣. ​ដោយផ្អែកតាមសភាពការណ៍ដែលតម្លៃប្រេងឥន្ទនៈបន្តកើនឡើងនៅលើទីផ្សារអន្តរជាតិ​ សម្តេច​នាយករដ្ឋមន្ត្រីបានសម្រេចវិធានការបន្ថែមទៀតដោយបញ្ចុះអាករបន្ថែមលើប្រេងសាំង និងប្រេង​ម៉ាស៊ូតដល់ ០ (សូន្យ) ដុល្លារ។​

​៤. បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃ​បន្ថែមប្រេងសាំង ​និងម៉ាស៊ូតពី ១០% មកត្រឹម ៤% ដោយរាជរដ្ឋាភិបាលជា​អ្នក​ទទួលបន្ទុកជំនួសចំពោះ​អាករលើ​តម្លៃបន្ថែមចំនួន ៦% ដែលត្រូវបានកាត់ចេញ៕

The post ​តម្លៃ​ប្រេង​លក់រាយ​ដាំក្បាលចុះ ​ក្រោយ​បទ​ឈប់​បាញ់​អាមេរិក-អ៊ីរ៉ង់​ appeared first on Kampuchea Thmey Daily.

តម្លៃប្រេងសាំង​លក់រាយ​តាមស្ថានីយប្រេងឥន្ធនៈក្នុងស្រុក ​លក់​ចាប់ពីថ្ងៃទី ​២០ ​ខែមីនា រហូតដល់ថ្ងៃ​ជូន​ដំណឹង​បន្ទាប់ មានតម្លៃ ​៥៤០០ រៀល ក្នុងមួយលីត្រ​ និងប្រេងម៉ាស៊ូតលក់ចេញក្នុងតម្លៃ ​៦៧០០ រៀល​ ក្នុងមួយលីត្រ។

​គួរបញ្ជាក់ផងដែរថា ថ្លៃប្រេងឥន្ធនៈមុនការបញ្ចុះអាករបន្ថែម, អាករពិសេស និងអាករលើតម្លៃបន្ថែម ប្រេងសាំង ៥៦០០ រៀល ក្នុងមួយលីត្រ និងប្រេងម៉ាស៊ូត ៧០០០ រៀល ក្នុងមួយលីត្រ៕​​

The post ​រដ្ឋសម្រេចកាត់​បន្ថយពន្ធ​អាករលើការ​ផ្គត់ផ្គង់​ប្រេង​ឥន្ធនៈ ដើម្បីជួយសម្រួលជីវភាពពលរដ្ឋ appeared first on Kampuchea Thmey Daily.

លោក យឹម អធិស័ក្តិ ជាប្រជាពលរដ្ឋមើលឃើញយ៉ាងច្បាស់ថា បញ្ហាឡើងថ្លៃតម្លៃប្រេងឥន្ធនៈបច្ចុប្បន្នគឺជាបញ្ហាសកលលោក ដែលកើតចេញមកពីសង្គ្រាមនៅមជ្ឈិមបូព៌ា ធ្វើឲ្យបណ្តាប្រទេសជាច្រើនកំពុងជួបវិបត្តិនេះ ពុំមែនជាបញ្ហាដែលជួបតែកម្ពុជាតែឯកឯងនោះឡើយ។

ស្របពេលដែលបញ្ហាតម្លៃប្រេងឥន្ធនៈនៅកម្ពុជា កំពុងនៅបន្តជួបវិបត្តិឡើងថ្លៃនៅឡើយក៏ដោយ ក៏ប៉ុន្តែសម្តេចប្រមុខថ្នាក់ដឹកនាំ នៃកម្ពុជា បានបន្តជួយសម្រាលបន្ទុកចំណាយជាមួយបងប្អូនប្រជាពលរដ្ឋ តាមរយៈការបញ្ចុះតម្លៃលក់រាយប្រេងឥន្ទនៈនៅកម្ពុដា ៦,៥សេនដុល្លារ/លីត ស្មើជាង២០០រៀល និងបន្ថែម ១សេនដុល្លារ/លីត បន្ថែមថ្មីទៀត អមជាមួយការមិនយកពន្ធគយ និងបញ្ចុះពន្ធអាករលើប្រេងសាំង និងម៉ាស៊ូតមកសូន្យដុល្លារ ,បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃប្រេងសាំង និងម៉ាស៊ូត ពី១០% មកត្រឹម ៤% ដោយរដ្ឋាភិបាលទទួលបន្ទុកជំនួស ៦%។

ផ្អែកតាមសេចក្តីជូនដំណឹងរបស់ក្រសួងពាណិជ្ជកម្ម ស្តីពីការលក់រាយប្រេងឥន្ទនៈនៅតាមស្ថានីយ៍បច្ចុប្បន្ន គឺតម្លៃ ៥,៤០០រៀល/លីត សម្រាប់ប្រេងសាំងធម្មតា និង៦,៧០០រៀល/លីត សម្រាប់ប្រេងម៉ាស៊ូត។ តម្លៃនេះ ត្រូវបានកំណត់សម្រាប់ការអនុវត្តគិតចាប់ពីថ្ងៃទី២០ ខែមីនា ឆ្នាំ២០២៦ រហូតដល់ថ្ងៃជូនដំណឹងជាថ្មីម្តងទៀត៕

អត្ថបទ៖ សុភា

The post ពលរដ្ឋថ្លែងអំណរអរគុណរាជរដ្ឋាភិបាល ក្នុងការបន្តជួយសម្រាលបន្ទុកចំណាយ ខណៈតម្លៃប្រេង​សកលកំពុងជួបវិបត្តិ appeared first on Kampuchea Thmey Daily.

​យោង​តាម​ក្រសួងពាណិជ្ជកម្ម ​រាជរដ្ឋាភិបាល​ ​បន្ត​បញ្ចុះ​តម្លៃ​ប្រេង​ឥន្ធនៈ​ចំនួន​ ៦,៥​សេន​ដុល្លារ​ ​ក្នុង​មួយ​លីត្រ​ និង​១សេនដុល្លារ/លីត្រ​បន្ថែម​ទៀត​ ដោយសារ​តម្លៃ​ប្រេង​សាំង​អន្តរជាតិកើនឡើង​លើស​ពី​ ៩០ ដុល្លារ ​ក្នុង​មួយបារ៉ែល​ និង​ប្រេងម៉ាស៊ូតកើនលើសពី ១០០ ដុល្លាក្នុងមួយបារ៉ែល។​

​សម្ដេចធិបតី ​ហ៊ុន ​ម៉ាណែត ​នាយករដ្ឋមន្ត្រីកម្ពុជា ​បាន​សម្រេច​បញ្ចុះអាករបន្ថែម​លើប្រេងសាំង និង​ម៉ាស៊ូតមកសូន្យ ​និង​អាករពិសេសលើប្រេងម៉ាសូតពី​៤% ​មកសូន្យ ​និង​បញ្ចុះអាករលើតម្លៃ​បន្ថែម​លើ​ប្រេង​សាំង និង​ប្រេងម៉ាស៊ូតពី ​១០% មក ៤% ​ដោយរាជរដ្ឋាភិបាលទទួលបន្ទុកជំនួស ៦%។​

​តម្លៃប្រេងសាំង​លក់រាយ​តាមស្ថានីយប្រេងឥន្ធនៈ ​លក់​ចាប់ពីថ្ងៃទី ​២០ ​ខែមីនា រហូតដល់ថ្ងៃ​ជូន​ដំណឹង​បន្ទាប់ ​លក់ចេញក្នុងតម្លៃ ​៥៤០០ រៀល ក្នុងមួយលីត្រ​ និងប្រេងម៉ាស៊ូតលក់ចេញក្នុងតម្លៃ ​៦៧០០ រៀល​ ក្នុងមួយលីត្រ។​

​ថ្លៃប្រេងឥន្ធនៈមុនការបញ្ចុះអាករបន្ថែម, អាករពិសេស និងអាករលើតម្លៃបន្ថែម ប្រេងសាំង ៥៦០០ រៀល ក្នុងមួយលីត្រ និងប្រេងម៉ាស៊ូត ៧០០០ រៀល ក្នុងមួយលីត្រ៕​​

The post រាជរដ្ឋាភិបាល បន្ត​ដាក់ចេញវិធានការ​ឧបត្ថម្ភធន​​ និងបញ្ចុះពន្ធអាករផ្សេងៗ ដើម្បីទម្លាក់តម្លៃប្រេង appeared first on Kampuchea Thmey Daily.

The post តម្លៃសាំងលក់រាយធ្លាក់ចុះ ខណៈប្រេងម៉ាស៊ូតបន្តកើនឡើង appeared first on Kampuchea Thmey Daily.

​ចំណែកឯតម្លៃប្រេងម៉ាស៊ូតបានកើនឡើង ​៩០០ ​រៀល ​ដោយ​ត្រូវ​លក់រាយក្នុងតម្លៃ ៦០៥០ រៀល ក្នុង​មួយ​លីត្រ។​ តម្លៃខាង​លើនឹង​អនុវត្តចាប់ពីថ្ងៃទី ​១១ ដល់​ថ្ងៃទី ​១៣ ​ខែមីនា ​ឆ្នាំ ២០២៦។​

​ប្រជាពលរដ្ឋ​មួយចំនួន​បាន​បានបង្ហាញក្ដីបារម្ភពីការ​បង្កើនការចំណាយ​ប្រចាំថ្ងៃ ​ប៉ុន្តែពួកគាត់​អះ​អាង​ថា ​តម្លៃប្រេងខាងលើ​អាចទទួលយកបានដោយសារស្ថានភាព​នៃការកើនឡើង​ប្រេងជា​សកល​។​

​ក្រសួងពាណិជ្ជកម្មកម្ពុជា ​បាន​បន្តណែនាំ​ឱ្យ​ស្ថានីយ ​និង​ដេប៉ូ​ចែកចាយ​ប្រេង​ឥន្ធនៈ​នៅ​តាម​បណ្ដា​រាជធានី-ខេត្ត ​ត្រូវ​លក់ប្រេង​ទៅ​តាម​តម្លៃ​ដែល​បាន​ដាក់​បង្ហាញ​ជា​សា​ធារណៈ​ ​ដើម្បី​ធានា​នូវ​តម្លាភាព​។ ​

​តម្លៃប្រេងឥន្ធនៈលក់រាយនៅតាមស្ថានីយ ​ត្រូវបាន​កំណត់​ស្របតាមរូប​មន្តកំណត់​តម្លៃ​ដែលបាន​ព្រម​ព្រៀង​ជា​មួយ​ក្រុមហ៊ុនប្រេងឥន្ធនៈ​ ​និង​ផ្អែក​លើ​ការ​ប្រែប្រួលតម្លៃប្រេងលើទីផ្សារក្នុងតំបន់ និងអន្តរ​ជាតិ។

​បណ្តាស្ថានីយលក់រាយប្រេងឥន្ធនៈនៅកម្ពុជា ​អាចលក់ប្រេងក្នុង​តម្លៃ​ណាមួយដែល​ទាបជាង​តម្លៃ​ដែល​បានកំណត់ខាងលើ​ ដោយអាស្រ័យលើស្ថានភាព​ប្រកួត​ប្រជែង​ជាក់ស្តែងនៅលើទីផ្សារ៕

អត្ថបទ៖ ឡេង ដេត

The post ​តម្លៃ​ប្រេងសាំងហក់ឡើង​ ៥២០០ រៀល ​មួយ​លីត្រ appeared first on Kampuchea Thmey Daily.

លោក ឆឹង ដួងច័ន្ទរស្មី និងអ្នកស្រី សុខឃៀ ជាម្ចាស់ដេប៉ូ និងស្ថានីយ៍ប្រេងសាំងនៅស្រុកកោះកុង បានឱ្យដឹងនៅរសៀលថ្ងៃទី៩ ខែមីនា ឆ្នាំ២០២៦ថា បច្ចុប្បន្នពួកគេលក់ប្រេងសាំងទៅតាមអ្វីដែលក្រសួងពាណិជ្ជកម្មបានកំណត់ប៉ុណ្ណោះ មិនមានលួចដំឡើងថ្លៃលក់អ្វីឡើយ ករណីប្រសិនបើរកឃើញថា មានការលក់ថ្លៃ ពួកគេនឹងទទួលខុសត្រូវចំពោះមុខមន្រ្តីជំនាញសមត្ថកិច្ចពាក់ព័ន្ធ។ សាំងធម្មតាក្នុង ១លីត្រតម្លៃ៤៤០០រៀល ចំណែកប្រេងម៉ាស៊ូត តម្លៃ ៥១៥០រៀល។

តំណាងម្ចាស់ដេប៉ូ និងស្ថានីយ៍ប្រេងឥន្ទនៈនៅស្រុកកោះកុងដដែល បន្ថែមទៀតថា ប្រេងសាំងទើបតែនាំចូលស្តុកមិនទាន់ដាច់ស្តុកនោះទេ គ្រាន់តែតម្លៃលក់ចេញនឹងអនុវត្តទៅតាមការធ្វើបច្ចុប្បន្នតារាងរបស់ក្រសួងពាណិជ្ជកម្ម។ លើសពីនេះ ពួកគេមិនលក់ប្រេងសាំងសម្រាប់អ្នកយកធុងធំជាច្រើននោះទេ ពោល គឺចាក់ប្រេងសាំងសម្រាប់តែឡានតូចធំ ក្នុង១គ្រឿងបាន ២០ ទៅ៣០លីត្រប៉ុណ្ណោះ។

លោក ជា នី អនុប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំខេត្តកោះកុង បានដឹកនាំមន្រ្តីជំនាញចុះត្រួតពិនិត្យ និងណែនាំដល់ម្ចាស់ស្ថានីយប្រេងឥន្ធនៈចំនួន៨ ក្នុងស្រុកស្រែំអបិល ស្រុកបូទុមសាគរ និងស្រុកកោះកុង កុំលួចដំឡើងថ្លៃប្រេងសាំងលើសពីគោលការណ៍របស់ក្រសួងពាណិជ្ជកម្មកំណត់។

លោក ជា នី គូសបញ្ជាក់ដែរថា ក្រុមហ៊ុនចែកចាយប្រេងឥន្ធនៈ និងម្ចាស់ស្ថានីយប្រេងឥន្ធនៈទាំងអស់នៅក្នុងខេត្ត ត្រូវធានាបាននូវការគ្រប់គ្រង ហានិភ័យនៃការទិញ-លក់ និងសន្តិសុខ-សុវត្ថិភាពរបស់អ្នកប្រើប្រាស់ ដែលមានក្នុងស្តុកប្រេងឥន្ធនៈ។ មន្រ្តីសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំខេត្តកោះកុង ក៏អំពាវនាវដល់អ្នកប្រើប្រាស់ និងម្ចាស់ស្ថានីយលក់ប្រេងឥន្ធនៈទាំងអស់ ត្រូវអនុវត្តតាមលក្ខណៈស្តង់ដាបច្ចេកទេសនៃការលក់ ការស្តុកទុក និងការអនុវត្តល្អ ស្របតាមស្តង់ដា និងក្រុមប្រតិបត្តិ ដែលស្ថានីយលក់ប្រេងឥន្ធនៈ ជាទូទៅបានអនុវត្ត និងគ្រប់គ្រងហានិភ័យល្អកន្លងមក។

ថ្មីៗនេះ ក្រសួងពាណិជ្ជកម្ម លើកទឹកចិត្ត ប្រជាពលរដ្ឋទាំងអស់ មេត្តាចូលរួមអនុវត្ត និងយោគយល់ចំពោះស្ថានីយលក់ ប្រេងឥន្ធនៈ ដែលបានខិតខំប្រឹងប្រែងគ្រប់គ្រងហានិភ័យ និងចូលរួមសន្សំសំចៃ ក្នុងការប្រើប្រាស់ប្រេងឥន្ធនៈ ព្រមទាំងចៀសវាងការសម្រុកទិញប្រេងឥន្ធនៈស្តុកទុកលើសពីតម្រូវការចាំបាច់ ដែលអាចបង្កឱ្យមានហានិភ័យឆាបឆេះ និងប៉ះពាល់ដល់ទ្រព្យសម្បត្តិ និងការរស់នៅរបស់ប្រជាពលរដ្ឋនៅក្នុងមូលដ្ឋាន៕

អត្ថបទ៖សិរីវឌ្ឍនៈ

The post ម្ចាស់ដេប៉ូ និងស្ថានីយ៍ប្រេងនៅខេត្តកោះកុង អះអាងថា មិនលួចលក់ដំឡើងថ្លៃប្រេងខុសគោលការណ៍នោះទេ appeared first on Kampuchea Thmey Daily.