ជាអាជីវករលក់បន្លែនៅច្បារអំពៅបាននិយាយថា នៅឆ្នាំនេះ​បន្លែពពាយបានឡើងថ្លៃដល់ ៥ ម៉ឺនរៀលក្នុងមួយគីឡូក្រាម​តែពុំមានពពាយលក់ទៀតទេ ហើយបញ្ជាក់ថា បន្លែ២មុខ ដែលឡើងថ្លៃកប់ពពកគឺបន្លែ ពពាយ និងសណ្តែកកួរ។

លោក ណារ៉ាន់ ដែលប្រកបរបរដាំបន្លែបាននិយាយថា ​ឆ្នាំនេះបន្លែសណ្តែកកួរគឺដើមវាលូតលាស់​ល្អប៉ុន្តែអត់ផ្លែសោះ​។ មិនខុសពីបន្លែពពាយក៏អញ្ចឹងដែរហើយបើផ្លែសម្បូវិញត្រូវ​បានក្រុមឈ្មួញ​ទម្លាក់ថ្លៃធ្វើឲ្យកសិករខាតឡុងចុង។

ចំពោះបន្លែស្ពៃវិញឆ្នាំនេះសម្បូណាស់ហើយតម្លៃលក់នៅទីផ្សារបានត្រឹម៣០០០រៀល ប៉ុណ្ណោះហើយ​បើឈ្មួញចុះទិញដល់ចំការបានត្រឹម១២០០រៀល។

លោក សាន់ ប៊ុនណា ប្រធានផ្សារបន្លែច្បារអំពៅបានទទួលស្គាល់ថា ឆ្នាំនេះបន្លែ ពពាយ​និងសណ្តែកកួរមិនសូវមានលក់នោះទេ។ ហើយឈ្មួញក៏ដូច្នោះដែរបើបន្លែណាមិនសូវ​សម្បូគឺគេតម្លើងថ្លៃណាស់ អញ្ចឹងទេបងប្អូនកសិករយើងតែង​រកការបង់ខាត​ដោយឈ្មួញ​ចេះតែទំលាក់ថ្លៃ។ លោកប្រធានផ្សារបានអំពាវឲ្យបងប្អូនអាជីវករក្នុងផ្សារសូមលក់ដូរ​កុំតម្លើងថ្លៃពេក​ព្រោះខ្លាចបាត់ម៉ូយអស់៕

អត្ថបទ៖ នរា

The post ពពាយឡើងថ្លៃកប់ពពក នៅចំពេលដែលក្រក្សត់ appeared first on Kampuchea Thmey Daily.