យោងតាមសារព័ត៌មាន ​​The Star នៅក្នុងការបង្ហោះ TikTok លើកដំបូងរបស់គាត់ដែលបានបង្ហោះកាលពីថ្ងៃពុធ តារាសម្តែងរូបនេះបានថតខ្លួនឯងនៅខាងក្រៅតូបលក់អាហារចំហុយនៅក្នុងហាងកាហ្វេ ក្នុងតំបន់ឧស្សាហកម្ម Tampines ដោយផ្តល់ឲ្យអ្នកទស្សនានូវទិដ្ឋភាពខ្លីៗអំពីស្លាកសញ្ញា និងម៉ឺនុយរបស់តូប។

លោក Zhang បាន​សរសេរ​តាមរយៈសំណេរមួយថា «ការ​ចាប់​ផ្តើ​ម​ថ្មី​មួយ! សូម​អរគុណ​សម្រាប់​ការ​ក្លាយ​ជា​ផ្នែក​មួយ​នៃ​វា។ ថ្ងៃនោះនៅតូបលក់អាហារគឺជាការដាស់តឿន។ សេចក្តីសប្បុរសរបស់អ្នកគ្រប់គ្នា បានផ្តល់ឲ្យខ្ញុំនូវកម្លាំងដើម្បីឆ្លុះបញ្ចាំងនិងស្វែងរកជំហានបន្ទាប់របស់ខ្ញុំ»។

តារាសម្ដែងសញ្ជា​ម៉ាឡេស៊ីរូបនេះថែមទាំងបញ្ចាក់នៅក្នុងវីដេអូទៀតថា «ខ្ញុំដឹងថាមានមិត្តភក្តិជាច្រើន សូម្បីតែអតិថិជនស្មោះត្រង់ ដែលបានថតរូបខ្ញុំជួយនៅទីនេះកាលពីសប្តាហ៍មុន។ ខ្ញុំ​ពិតជាមាន​អំណរគុណ​យ៉ាង​ខ្លាំង​ចំពោះ​រាល់​ការ​លើក​ទឹក​ចិត្ត​ដែល​ខ្ញុំ​បាន​ទទួល​នៅ​លើ​ប្រព័ន្ធ​ផ្សព្វផ្សាយ​សង្គមនាពេលកន្លងមក។ ខ្ញុំ​សូម​ឆ្លៀត​ឱកាស​ថ្លែង​អំណរ​គុណ​ដល់​មហាជនដែលនៅ​ខាង​ខ្ញុំ​ ​ទោះជា​នៅ​ស្ងៀម​ស្ងាត់តែពួកគេបាន​គាំទ្រ​រូប​ខ្ញុំ​ ក៏​ដូច​ជា​មិត្ត​ភក្តិ​ដែល​បាន​មក​ដល់​បន្ទាប់​ពី​បាន​ឃើញរូបភាព»។

ការបង្ហោះ TikTok បានកើតឡើងប្រហែលមួយសប្តាហ៍ បន្ទាប់ពីអ្នកប្រើប្រាស់ប្រព័ន្ធផ្សព្វផ្សាយសង្គមចែករំលែកវីដេអូរបស់លោកគ្រប់គ្រងតូប និងទទួលការបញ្ជាទិញតែម្នាក់ឯង។ អ្នកប្រើប្រាស់បានកត់សម្គាល់ថា តារាប្រុសតាមពិតចូលទៅជួយ បន្ទាប់ពីបុគ្គលិកម្នាក់បានលាលែងពីការងារ ហើយថាគាត់នៅតែមានសុភាពរាបសារនិងដាក់ខ្លួនជានិច្ច។

អាជីវកម្ម​អាហារ​របស់ Zhang Yaodong កើត​ឡើងនេះផងដែរ​ បន្ទាប់​ពី​មាន​ការ​ត្រួត​ពិនិត្យ​ជា​សាធារណៈ​មួយ​រយៈ។ នៅខែកក្កដាឆ្នាំ ២០២៤ មានពាក្យចចាមអារ៉ាមថា គាត់បានបង្កើតកូនចេញពីអាពាហ៍ពិពាហ៍ជាមួយស្ត្រីដែលមានសញ្ជាតិផ្សេងៗគ្នា។ ទោះបីជាលោកបានដាក់របាយការណ៍ប៉ូលិស ហើយបានបដិសេធមិនធ្វើអត្ថាធិប្បាយបន្ថែមនៅពេលនោះក៏ដោយ ប៉ុន្តែក្រោយមកគាត់បានបញ្ជាក់ពីភាពជាឪពុករបស់គាត់នៅក្នុងខែវិច្ឆិកា តាមរយៈការបង្ហោះ Instagram ដែលបង្ហាញពីថ្ងៃឈប់សម្រាកនៅប្រទេសកូរ៉េខាងត្បូង ជាមួយកូនស្រីពីរនាក់របស់គាត់។

នៅក្នុងខែកុម្ភៈឆ្នាំនេះ អង្គភាពគ្រប់គ្រងទេពកោសល្យរបស់ Mediacorp ដែលជាភ្នាក់ងារតារាល្បីបានប្រកាសថា ខ្លួនបានបញ្ចប់តំណាងរបស់ខ្លួនរបស់តារាប្រុសវ័យ៤៧ឆ្នាំ ដែលមិនបានចូលរួមក្នុងផលិតកម្មថ្មីណាមួយឡើយ។

លោក Zhang បានចាប់ផ្តើមអាជីពសម្តែងរបស់គាត់នៅឆ្នាំ ២០០២ បន្ទាប់ពីបានបញ្ចប់ក្នុងចំណាត់ថ្នាក់លេខ១ ក្នុងកម្មវិធីប្រកួតប្រជែងទេពកោសល្យ Star Search នៅប្រទេសម៉ាឡេស៊ី។ មុន​ពេល​សម្ដែង លោក​ធ្លាប់​ធ្វើ​ជា​តារា​បង្ហាញ​ម៉ូដ និង​បង្ហាញ​ខ្លួន​ក្នុង​ការ​ផ្សាយ​ពាណិជ្ជកម្ម​ក្នុង​ប្រទេស​ម៉ាឡេស៊ី៕

អត្ថបទ៖ សាង ស្រីល័ក្ខ

ចុចអាន៖

The post ធ្លាក់ខ្លួនលក់អាហារតាមផ្លូវមែនពិត តែ​តារាប្រុស Yaodong នៅដឹងគុណដល់អ្នកគាំទ្រជានិច្ច appeared first on Kampuchea Thmey Daily.

តារាស្រីវ័យ ៦៩ ឆ្នាំរូបនេះបានឲ្យដឹងថា កាលពីថ្ងៃទី១២ ខែវិច្ឆិកា ពេល Lianhe Zaobao ទាក់ទងទៅ គាត់កំពុងសម្រាកនៅសាឡុង ព្រោះវិលមុខដោយសារជំងឺ Meniere ។ ដូច្នេះហើយ Mimi Choo គាត់ចង់កាត់បន្ថយការងារខ្លះ ជាជាងចូលនិវត្តន៍តែម្ដង ប៉ុន្តែបន្តការច្រៀងធម្មតា ។

ជាការពិតណាស់ Choo មានជំងឺ Meniere កាលពីប៉ុន្មានឆ្នាំមុន ហើយទើបតែធូរស្បើយថ្មីៗនេះទេ ។ ជួនកាលអ្នកស្រីត្រូវពន្យារពេលធ្វើការ ឬហាត់ច្រៀងទៀតផង ដើម្បីសម្រាកយូរបន្តិច ។

សូមបញ្ជាក់ថា ជំងឺ Meniere ជាជំងឺដែលបណ្តាលមកពីការបង្កើតសារធាតុរាវនៅក្នុងត្រចៀក ហើយធ្វើឲ្យមានរោគសញ្ញាដូចជា ចង្អោរ, ក្អួត, ស្តាប់មិនសូវឮ, រោទ៍ក្នុងត្រចៀក, ឈឺក្បាល, បាត់បង់តុល្យភាព, និងបែកញើស ៕

ប្រែសម្រួល៖ វារី

ប្រភព៖ Asianone

ចុចអាន៖ មកដឹងពីជំងឺប្រចាំកាយរបស់តារាអន្តរជាតិ ១០ នាក់

The post Mimi Choo ចង់កាត់បន្ថយការងារខ្លះ ព្រោះជំងឺប្រចាំកាយ appeared first on Kampuchea Thmey Daily.

ប្រភពពីមិត្តជិតស្និទ្ធបានទម្លាយ​ថា ប្រវត្តិស្នេហ៍រវាង Michelle Yeoh និងស្វាមី គឺពួកគេបានជួបគ្នាជាលើកដំបូងកាលពីថ្ងៃទី៤ ខែមិថុនា ឆ្នាំ២០០៤ នៅទីក្រុងសៀងហៃ ប្រទេសចិន។ លុះមកដល់ថ្ងៃទី២៦ ខែកក្កដា ឆ្នាំដដែល Jean Todt បានសុំ Michelle Yeoh រៀបការ ​ហើយពួកគេក៏បានប្ដូរឈ្មោះមកជាគូដណ្ដឹង និងរួមរស់ជាមួយគ្នាតាំងពីពេលនោះមក។

គួរបញ្ជាក់ថា Michelle Yeoh ជាតារាសម្ដែងដើមកំណើតម៉ាឡេស៊ី ដែលនាងធ្លាប់លេចមុខក្នុងភាពយន្តចិន អាមេរិក និងហូលីវូដជាច្រើនរឿង។ នាងជាតារាស្រីជើងចាស់ដ៏ល្បីល្បាញ និងធ្លាប់ឈ្នះពានរង្វាន់តារាសម្ដែងឆ្នើមលំដាប់ពិភពលោកទៀតផង។  ដោយឡែកចំពោះ Jean Todt វិញ លោកធ្លាប់ជា CEO របស់ក្រុមហ៊ុនរថយន្ត Scuderia Ferrari និងជាអ្នកជំនួញមួយរូបផងដែរ៕

ប្រែសម្រួល៖ សន្យា

ចុចអាន៖ ចុះសំបុត្រអាពាហ៍ពិពាហ៍ ២០ឆ្នាំ កុំកុំ ទើបដឹកដៃភរិយារៀបការយ៉ាងអភិជន

ចុចអាន៖ បុរសម្នាក់ហ៊ានភ្នាល់ជិត ៨លានដុល្លារ ព្រោះច្បាស់ថា តារាសម្ដែង Jo Byeong Kyu ធ្លាប់ Bullying មិត្តភក្តិ

The post រួមរស់ជាមួយគ្នា ១៩ឆ្នាំ Michelle Yeoh និងគូស្នេហ៍វ័យ ៧៧ឆ្នាំ​ ទើបសម្រេចចិត្តរៀបការ appeared first on Kampuchea Thmey Daily.

ពេលនោះ ស្រាប់តែបែកធ្លាយចំនួនទឹកប្រាក់ដ៏ច្រើនសន្ធឹករបស់ Cathryn ធ្វើឲ្យអ្នកគាំទ្រភ្ញាក់ផ្អើលជាខ្លាំង គឺមានចំនួនដល់ទៅ ៨.៧២ លានដុល្លារឯណោះ ។

ការពិតត្រូវបានលាតត្រដាងដោយសារមនុស្សមួយចំនួនសង្កេតឃើញថា ប្រភេទ​ពុម្ព​អក្សរ​សម្រាប់​លេខ “៥” និង “៦” មិន​ស៊ីសង្វាក់​គ្នា ថែមទាំង​រិះគន់​ជំនាញ Photoshop របស់​នាងផងដែរ ។

នៅក្នុងការបញ្ចេញមតិ មានបុគ្គលម្នាក់សរសេរថា “ខ្ញុំជាគណនេយ្យករ មិន​ថា​តួលេខ​នោះ​មាន​ប្រវែង​ប៉ុនណា​​ទេ ប្រភេទ​ពុម្ព​អក្សរ និង​ទំហំ​គួរ​តែ​ដូច​គ្នា” ចំណែកម្នាក់ទៀតនិយាយចំៗថា “ខ្ញុំធ្វើការនៅធនាគារ ហើយអ្វីដែលខ្ញុំអាចនិយាយបានគឺ ក្លែងក្លាយ” ។

បញ្ហាខាងលើធ្វើឲ្យ Cathryn បាក់មុខមិនស្ទើរនោះទេ សូម្បីអ្នកគាំទ្រយូរឆ្នាំរបស់នាងក៏ខកបំណងចំពោះអាកប្បកិរិយាបែបនេះដែរ ៕

ប្រែសម្រួល ៖ វារី

ប្រភព ៖ 8days

ចុចអាន ៖ បែកធ្លាយ ចំនួនទឹកប្រាក់ក្នុងធនាគារ Influencer ម៉ាឡេស៊ីម្នាក់ ធ្វើឲ្យអ្នកគាំទ្រស្រឡាំងកាំង

The post Cathryn Lee ត្រូវគេចោទប្រកាន់ពីបទក្លែងបន្លំសមតុល្យធនាគារ ឲ្យគិតថាខ្លួនជាអ្នកមាន appeared first on Kampuchea Thmey Daily.

ដោយសារមួយរយៈក្រោយ ករណីកាត់លុយពីធនាគារដោយគ្មានមូលហេតុមានញឹកញាប់ពេក ទើបនាងសម្រេចចិត្តពិនិត្យមើលគណនីរបស់ខ្លួន ហើយដឹងថាបាត់អស់ ៦.១១ ដុល្លារដែរ ។

ពេលនោះ ស្រាប់តែបែកធ្លាយចំនួនទឹកប្រាក់ដ៏ច្រើនសន្ធឹករបស់ Cathryn ធ្វើឲ្យអ្នកគាំទ្រភ្ញាក់ផ្អើលជាខ្លាំង គឺមានចំនួនដល់ទៅ ៨.៧២ លានដុល្លារឯណោះ ។

បន្ទាប់ពីឃើញដូច្នោះ អ្នកគាំទ្រ Cathryn បានបញ្ចេញមតិក្រោមការផុសថា “ទេពធីតាព្យាណូជាអ្នកមាន ជួយចិញ្ចឹមខ្ញុំផង” ចំណែកអ្នកខ្លះទៀតថា នាងមានបំណងបង្អួតទឹកប្រាក់ទៅវិញ ។ យ៉ាងណារូបដែលនាងបង្ហោះត្រូវបានលុបហើយ ព្រោះវាជាអចេតនាប៉ុណ្ណោះ ។

គួរបញ្ជាក់ថា Cathryn មានរហស្សនាមជា “ទេពធីតាព្យាណូ” នៅក្នុង Instagram នាងតែងតែថតរូបសិចស៊ីស្លៀកឈុតក្នុងដើម្បីបង្ហោះឲ្យអ្នកគាំទ្រមើលផងដែរ ។ មនុស្សជាច្រើនសរសើរនាងពីរូបសម្រស់ដ៏ទាក់ទាញ និងជាស្ត្រីមានទេពកោសល្យទាំងព្រម ៕

ប្រែសម្រួល ៖​ វារី

ប្រភព ៖ 8days

ចុចអាន ៖ Influencer ម៉ាឡេស៊ី MsPuiyi បង្ហោះរូបឈុតប្រពៃណីវៀតណាម អត់ស្លៀកខោ កំពុងបង្កកំហឹងពីប្រជាជន

The post បែកធ្លាយ ចំនួនទឹកប្រាក់ក្នុងធនាគារ Influencer ម៉ាឡេស៊ីម្នាក់ ធ្វើឲ្យអ្នកគាំទ្រស្រឡាំងកាំង appeared first on Kampuchea Thmey Daily.

យ៉ាងណាមិញ​មុន​នឹង​ក្លាយ​ជា​តារា​សម្ដែង​ល្បីល្បាញ​ដូច​សព្វ​​ថ្ងៃ​ តារា​ស្រី​រូប​នេះ​បាន​បន្សល់​ទុក​ការ​សម្ដែង​ជា​ច្រើនតាមរយៈស្នាដៃ​របស់គាត់។ កាល​ពី​មុន​គាត់​ជា​នារី​ដ៏​ស្រស់​ស្អាត​ម្នាក់​ដែល​បាន​គ្រង​មកុដ​បវរកញ្ញា​ពិភពលោក​ម៉ាឡេស៊ី​ឆ្នាំ ១៩៨៣ ហើយ​​ថែម​ទាំង​ជា​តំណាង​ប្រទេស​ម៉ាឡេស៊ី​ក្នុង​ការ​ប្រកួត​បវរកញ្ញា​ពិភពលោក ក្នុង​ទីក្រុង​ឡុងដ៍ ដោយ​ជាប់​ចំណាត់​ថ្នាក់​លេខ ១៨។

ក្រោយ​ឈ្នះ​មកុដ​ក្លាយ​ជា​រាជិនី​សម្រស់ Michelle ចាប់ផ្ដើម​ការងារ​ថត​ផ្សាយ​ពាណិជ្ជកម្ម​ឲ្យ Pierre Cardin ប្រជែង​នឹង Jackie Chan និង Chow Yun Fat ហើយ​ក៏​មានឱកាស​សម្ដែង​ក្នុងភាពយន្តជំរុំ D&B Films Hong Kong។ គាត់បាន​បង្ហាញខ្លួនជាលើកដំបូងនៅក្នុងរឿង The Owl and Dumbo: A Badass Couple ជាមួយ Lin Zhixiang និង Hong Jinbao ។

ត្បិត​ថា​បច្ចុប្បន្ន​តារាជើងចាស់​ Michelle Yeoh ឈាន​ដល់​វ័យ​៦០​ឆ្នាំក្ដី ប៉ុន្តែ​បើ​និយាយ​ពី​សម្រស់​វិញ​​គាត់ឈរ​នៅ​លំដាប់​កំពូលក្នុងប្រទេសម៉ាឡេស៊ី ​និងជារៀមច្បងដ៏មានទេពកោសល្យ​មួយរូបផងដែរ។​ ជាងនេះទៅទៀត គាត់ក៏ជាស្រ្តីអាស៊ីដែលហ៊ានជ្រៀតខ្លួនចូលដល់ទឹកដីហូលីវូដ រហូតសាង​កេរ្តិ៍ឈ្មោះ​ល្បីរន្ទឺ​មក​ទល់​សព្វថ្ងៃ៕

សូមទស្សនារូបភាពខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖Michelle Yeoh ក្លាយជាស្ត្រីអាស៊ីដំបូងគេប្រចាំប្រវត្តិសាស្ត្រដែលឈ្នះពានរង្វាន់ Oscars

ចុចអាន៖Pu Praya និង Fan Bingbing ចូលរួមកម្មវិធីតែមួយ ជះសម្រស់ស្អាតមិនចាញ់គ្នា

The post Michelle ស្ត្រីអាស៊ីដំបូងគេឈ្នះពានរង្វាន់ Oscars តាមពិតជាអតីតបវរកញ្ញាគ្រងមកុដផ្អើលម៉ាឡេស៊ី appeared first on Kampuchea Thmey Daily.