តារាចម្រៀងរ៉េបរូបនេះបានធ្វើសេចក្តីថ្លែងការណ៍ នៅក្នុងពិធីបើកគម្រោង Trump Account ដែលជាកម្មវិធីផ្តល់មូលនិធិឥតគិតថ្លៃដល់ទារកទើបនឹងកើត ដើម្បីវិនិយោគលើភាគហ៊ុនក្នុងស្រុក នៅទីក្រុងវ៉ាស៊ីនតោនឌីស៊ី។ នាងបានបញ្ជាក់គោលជំហរផ្ទាល់ខ្លួនថារូបនាងគឺជាអ្នកគាំទ្រលេខមួយរបស់លោកត្រាំ ហើយមិនភ័យខ្លាចចំពោះការរិះគន់ ឬការស្អប់ខ្ពើមណាមួយពីគូប្រជែងរបស់នាងឡើយ។

Nicki បាននិយាយថា «ខ្ញុំកំពុងប្រាប់អ្នកថា ខ្ញុំគឺជាអ្នកគាំទ្រលេខមួយរបស់ប្រធានាធិបតី ហើយនោះនឹងមិនផ្លាស់ប្តូរឡើយ។ ការស្អប់ខ្ពើម ឬពាក្យសម្ដីរបស់អ្នកដទៃមិនប៉ះពាល់ដល់ខ្ញុំទាល់តែសោះ។ តាមពិតទៅ វាជំរុញឲ្យខ្ញុំគាំទ្រគាត់កាន់តែខ្លាំង។ យើងមិនអនុញ្ញាតឲ្យពួកគេធ្វើបាបគាត់ ឬលាបពណ៌គាត់ ហើយរួចផុតពីវាឡើយ។ វានឹងមិនដំណើរការទេ យល់ព្រម? គាត់មានការគាំទ្រយ៉ាងខ្លាំង ហើយព្រះកំពុងមើលថែគាត់»។

ទោះបីជា Nicki Minaj បានប្រកាសនៅឆ្នាំ ២០២០ ថា នាងនឹងមិនចូលរួមក្នុងនយោបាយរបស់លោកត្រាំក៏ដោយ ក៏នាងទើបតែបានក្លាយជាសំឡេងសំខាន់មួយ។ កាលពីខែមុន តារាស្រីបានធ្វើឲ្យមនុស្សគ្រប់គ្នាភ្ញាក់ផ្អើលដោយបានបង្ហាញខ្លួននៅក្នុងព្រឹត្តិការណ៍ Turning Point USA ដោយសរសើរមេដឹកនាំអាមេរិកថា ជាមនុស្សម្នាក់ដែលផ្តល់ក្តីសង្ឃឹមដល់មនុស្សក្នុងការយកឈ្នះលើអំពើអាក្រក់ ហើយកត់សម្គាល់ថាទាំងនាង និងលោកត្រាំ មកពី Queens រដ្ឋញូវយ៉ក។

ប្រធានាធិបតីក៏បានឡើងឆាក និងតបស្នងសេចក្តីស្រឡាញ់របស់តារាចម្រៀងរ៉េបរូបនេះ ដោយសរសើរនាងវិញថា ជា អ្នករ៉េបស្រីដ៏អស្ចារ្យ និងជោគជ័យបំផុតក្នុងប្រវត្តិសាស្ត្រ និងអរគុណនាងចំពោះការបរិច្ចាគរាប់រយរាប់ពាន់ដុល្លាររបស់នាងដល់គម្រោងនេះ។ គាត់ក៏បានប្រាប់នាងដោយលេងសើចថា «ខ្ញុំនឹងទុកក្រចករបស់ខ្ញុំឲ្យវែងព្រោះខ្ញុំស្រឡាញ់វា»៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ការស្ទង់មតិ៖ ក្មេងជំទង់កូរ៉េខាងត្បូង វក់នឹងល្បែងអនឡាញលើសលប់

The post Nicki Minaj ប្រកាសគំាទ្រត្រាំ មិនខ្វល់អ្នកស្អប់ អ្នកស្រលាញ់ appeared first on Kampuchea Thmey Daily.

យោង​តាម​ការ​ចុះផ្សាយ​ថ្ងៃ​ទី​២៩​ខែ​មិថុនារបស់ The Daily Wire ដែល​ដក​ស្រង់​ប្រភព​ពី​មន្ត្រីជាន់ខ្ពស់​នៃ​ក្រសួង​ការបរទេស​អាមេរិក​ម្នាក់ ចំណាត់ការ​នេះកំពុង​រៀបចំ​ធ្វើហើយ ខណៈដែល​តារា​ចម្រៀង​រ៉េប​ទាំង​២​រូប​កំពុង​ត្រៀម​សម្រាប់​ការ​ប្រគុំតន្ត្រី​ក្នុង​ទីក្រុង​ចំនួន​២០​លើ​ទឹក​ដី​​សហរដ្ឋអាមេរិក​នា​​រដូវស្លឹកឈើជ្រុះ​ឆ្នាំ​នេះ។

ប្រភព​ដដែល បាន​និយាយ​ទៀត​​ថា «ជាសារ​រំលឹកមួយ នៅក្រោមរដ្ឋបាល (លោក ដូណាល់) ត្រាំ រដ្ឋាភិបាលសហរដ្ឋអាមេរិកនឹងមិនផ្តល់ទិដ្ឋាការដល់ជនបរទេសណាដែលគាំទ្រពួកភេរវករ​នោះ​ទេ»​។

ក្រុម​ Bob Vylan មាន​សមាជិក​ក្រុម​២​រូប ដូចជា Bobby Vylan និង Bobbie Vylan។ ខណៈ​កំពុង​សម្ដែង​​​នៅ​កម្មវិធី Glastonbury Music Festival ដែល​ចាក់​ផ្សាយ​ផ្ទាល់​លើ​​ទូរទស្សន៍ BBC ក្រុម​ចម្រៀង​នេះ បាន​​នាំ​អ្នក​​គាំទ្រ​​​ប្រមាណ​២០​​ម៉ឺន​នាក់​របស់​ខ្លួន​ឲ្យ​​ស្រែក​ច្រៀង​​ថា «ស្លាប់​ទៅ ស្លាប់​ទៅ IDF» និង​​ច្រៀង​ថា «ដោះលែង​ ដោះលែង​ប៉ាឡេស្ទីន (Free, Free Palestine)»។​

ការសម្តែង​កាល​ពី​ចុង​សប្ដាហ៍​មុន​នេះ​របស់​ក្រុម Bob Vylan ក៏បានទាក់ទាញការរិះគន់ពីអាជ្ញាធរអង់គ្លេសផងដែរ ដោយ​​លោក​នាយករដ្ឋមន្ត្រី Keir Starmer បានថ្កោលទោសវាថាជា«ភាសា​ដែល​បង្កប់​នូវ​ការ​ស្អប់ខ្ពើម»។ ចំណែក​ឯ​​អ្នករៀបចំ​កម្មវិធី​ប្រគំ​តន្ត្រី និង​ប៉ុស្ដិ៍​ទូរទស្សន៍ BBC ក៏​បានចេញការសុំទោស និងការព្រមានទាក់ទងនឹង​ការ​យក​វីដេអូ​នេះ​ទៅ​ចាក់ផ្សាយ​បន្ត​ផង​ដែរ។

អាជ្ញាធរ​អង់គ្លេស កំពុងវាយតម្លៃថាតើការ​ច្រៀង​របស់​ Bob Vylan បានបំពានច្បាប់ក្នុងតំបន់ ដែលនឹងតម្រូវ​ឲ្យ​មានការស៊ើបអង្កេតឧក្រិដ្ឋកម្ម​ដែរ​ឬ​ក៏​យ៉ាង​ណា៕

ដោយ៖ ឈាង

The post អាមេរិក​ពិចារណាដក​ហូត​ទិដ្ឋាការ​តារា​រ៉េបអង់គ្លេស ដែល​ច្រៀង​ថា «ស្លាប់ទៅ IDF» appeared first on Kampuchea Thmey Daily.

Kanye West បានចែករំលែកថា​​ ភរិយារបស់គាត់ Bianca Censori បានលើកទឹកចិត្តគាត់ឲ្យស្វែងរកការវាយតម្លៃឡើងវិញ។ នាង​ថា មាន​អ្វី​មួយ​អំពី​បុគ្គលិក​លក្ខណៈ​របស់​ខ្ញុំ​ដែល​មើល​ទៅ​ហាក់​ដូច​ជា​មិន​មែនជា bipolar ។ នាងបានឃើញមនុស្សដែលមានជំងឺបាយប៉ូឡាពីមុនមក ខ្ញុំបានយកដំបូន្មានរបស់នាង ពិនិត្យឡើងវិញ ហើយត្រូវបានគេធ្វើរោគវិនិច្ឆ័យថាមានជំងឺអូទីសឹមវិញ។

ដោយឆ្លុះបញ្ចាំងពីអាកប្បកិរិយាកន្លងមក គាត់បានភ្ជាប់ការធ្វើរោគវិនិច្ឆ័យទៅនឹងពេលវេលាដូចជាការគាំទ្រឆ្នាំ ២០១៨ ចំពោះ ដូណាល់ ត្រាំ រួមទាំងការពាក់មួក Make America Great Again និងធ្វើសេចក្តីថ្លែងការណ៍ដ៏ចម្រូងចម្រាស។ គាត់បាននិយាយថា ជំងឺអូទីសឹម ធ្វើឲ្យអ្នកធ្វើរឿងដូច Rain Man។ អ្នកពាក់មួកត្រាំ នេះដោយសារតែអ្នកចូលចិត្តត្រាំ ហើយនៅពេលដែលមនុស្សប្រាប់អ្នកថាកុំ អ្នកគ្រាន់តែធ្វើវា។ នោះជាបញ្ហារបស់ខ្ញុំ ខ្ញុំមានទំនោរប្រឆាំងនឹងការរំពឹងទុក មិនថាវាជាតន្ត្រីរបស់ខ្ញុំ ឬជម្រើសរបស់ខ្ញុំ» ។

អតីតភរិយារបស់លោក West គឺ Kim Kardashian ពីមុនបានទទួលស្គាល់ការតស៊ូរបស់គាត់ ជាមួយនឹងសុខភាពផ្លូវចិត្ត។ ក្នុងឆ្នាំ ២០២០ នាងបាននិយាយថា មនុស្សដែលយល់ពីជំងឺផ្លូវចិត្តដឹងថាគ្រួសារគ្មានទីពឹង លុះត្រាតែសមាជិកនោះជាអនីតិជន។ អ្នកដែលមិនស្គាល់វាអាចវិនិច្ឆ័យបាន ហើយមិនអាចយល់បានថាបុគ្គលនោះត្រូវតែស្វែងរកជំនួយដោយខ្លួនឯង។

យ៉ាងណាក៏ដោយ តារារ៉េបប្រុសរូពនេះធ្លាប់បានលើកឡើងជាញឹកញាប់អំពីជំងឺបាយប៉ូឡានៅក្នុងតន្ត្រីរបស់គាត់ ថែមទាំងដាក់ស្លាកគម្របអាល់ប៊ុមឆ្នាំ ២០១៨ របស់គាត់យ៉ាងកំប្លែងជាមួយនឹងឃ្លាថា ខ្ញុំស្អប់ការក្លាយជា Bi-Polar វាអស្ចារ្យណាស់ ។ ប៉ុន្តែ ឥឡូវនេះ គាត់ជឿថាការធ្វើរោគវិនិច្ឆ័យមិនត្រឹមត្រូវ បានរួមចំណែកដល់បញ្ហាប្រឈមក្នុងជីវិតរបស់គាត់ រួមទាំងការដួលរលំនៃភាពជាដៃគូ Adidas ផងដែរ។

លោក West ក៏​បាន​បង្ហាញ​ដែរ​ថា គាត់​បាន​ឈប់​លេប​ថ្នាំ​ហើយ។ ចាប់តាំងពីខ្ញុំ បានរកឃើញថាជំងឺបាយប៉ូឡាមិនមែនជារោគវិនិច្ឆ័យ។ ខ្ញុំកំពុងស្វែងរកវិធីដើម្បីរក្សាភាពច្នៃប្រឌិតរបស់ខ្ញុំ ដែលជាអ្វីដែលខ្ញុំនាំមកពិភពលោកយ៉ាងច្បាស់។ ប៉ុន្តែ នៅតែប្រុងប្រយ័ត្នចំពោះសុខុមាលភាពផ្លូវចិត្តផ្ទាល់ខ្លួនដដែល។

យោងតាមវិទ្យាស្ថានជាតិសុខភាពផ្លូវចិត្តបានឲ្យដឹងថា ជំងឺ Autism spectrum គឺជាជំងឺប្រព័ន្ធប្រសាទ និងការអភិវឌ្ឍន៍ដែលប៉ះពាល់ដល់របៀបដែលមនុស្សប្រាស្រ័យទាក់ទងជាមួយអ្នកដទៃ ការប្រាស្រ័យទាក់ទង រៀន និងអាកប្បកិរិយា ។ អូទីសឹមមិន​ត្រូវ​បាន​គេ​ចាត់​ទុក​ថា​ជា​ជំងឺ​ផ្លូវ​ចិត្ត​ទេ ហើយ​អាច​ត្រូវ​បាន​គេ​ធ្វើ​រោគ​វិនិច្ឆ័យ​នៅ​គ្រប់​វ័យ៕

អត្ថបទ៖​ សាង​ ស្រីល័ក្ខ

ចុចអាន៖Kanye អួតក្ដែងៗថា ខ្លួនមានមោទកភាពដែលប្រពន្ធស្រាតក្នុងកម្មវិធី​ Grammy

The post មិនត្រឹមតែបាយប៉ូឡាទេ Kanye នៅផ្ទុកជំងឺអូទីសឹម មួយតង់ទៀត appeared first on Kampuchea Thmey Daily.

បើទោះបីជាមានការបែកចែកបក្សពួកខាង G-Devith និង ខាង វណ្ណដា ក្ដី នៅក្នុងចង្កោមសិល្បៈគឺគេមានការទទួលស្គាល់សមត្ថភាព និងប្រជាប្រិយភាពរបស់អ្នកទាំងពីរ។ ជាមួយគ្នានេះដែរ តារាចម្រៀងស្រី អ្នកនាង វីរៈនិច្ច បានបង្ហោះរូបភាពជាមួយតារារ៉េបទាំង២ដួងនេះ ព្រមជាមួយនឹងការសរសេរសារគាំទ្រ ដោយមិនរើសយកខាងណាមួយនោះទេ។

នៅក្នុងនោះ វីរៈនិច្ច បានសរសេរថា “តន្ត្រីធ្វើឲ្យយើងមានទំនាក់ទំនង ប៉ុន្ដែក្ដីស្រឡាញ់ និងក្ដីគោរពធ្វើឲ្យយើងកាន់តែខ្លាំងឡើង។ ចែករំលែកឆាកតន្ត្រីជាមួយសិល្បករដ៏អស្ចារ្យទាំង២នាក់ វណ្ណដា និង G-Devith រំលឹកខ្ញុំឲ្យដឹងថា​ ពួកយើងមិនមែនត្រឹមតែជាអ្នកសម្ដែងលើឆាកនោះទេ ពួកយើងជាគ្រួសារតែមួយ”។

ជាពិសេស ក្នុងអត្ថន័យនេះ តារាស្រី វីរៈនិច្ច ចង់បង្ហាញឲ្យឃើញអំពីការគាំទ្ររបស់ខ្លួនទៅកាន់តារាចម្រៀងរ៉េបទាំង២នាក់ ហើយក៏ចង់ក្រើនរំលឹកដែរថា ពួកយើងសុទ្ធសឹងតែជាសិល្បករដូចគ្នា រួមឆាកជាមួយគ្នា មិនមានបែងចែកបក្សពួកនោះទេ សូមអ្នកគាំទ្រពិចារណាតាមការគួរ៕

ប្រភព៖ Virak Nich

The post វីរៈនិច្ច បង្ហោះរូបជាមួយតារារ៉េប G-Devith និង វណ្ណដា សរសេរសារបង្កប់អត្ថន័យជ្រៅ appeared first on Kampuchea Thmey Daily.

ប្រាកដ​ណាស់​បន្ទាប់ពី​ទម្លាក់​ស្នាដៃ​បទ​ថ្មី​របស់​ខ្លួន​ដែល​មាន​ចំណងជើង​ថា “​ថី​អ្ហែង​ថី​” នៅ​លើ​បណ្ដាញ​សង្គម និង​ផេក​ផ្លូវការ​របស់​ខ្លួន​នោះ គេ​ឃើញ​មាន​សន្ទុះ​គាំទ្រ​ដែល​កត់សម្គាល់​ឃើញ​ថា​ទទួល​បាន​អ្នក​ចូល​ទស្សនា​យ៉ាង​ច្រើន និង​មាន​ការ​ចែករំលែក​នៅ​លើ​បណ្ដាញ​សង្គម​ហ្វេស​ប៊ុក​ព្រោងព្រាត ខណៈ​ចំនួន​នេះ​អាច​ធ្វើ​ឲ្យ​សាមីខ្លួន​លោក G-Devith យល់ថា​ស្ទើរតែ​មិន​នឹកស្មាន ព្រោះ​វា​ជា​ចំនួន​ច្រើន​អាច​លើស​ការ​រំពឹង​ទុក។

តាមរយៈ​នេះ​អ្នកគាំទ្រ​លោក G-Devith បាន​ចាត់​ទុក​ថា​ជា​ជោគជ័យ​ដ៏​ធំ​មួយ​ទៀត​សម្រាប់​តារា​ចម្រៀង​រ៉េប​លោក G-Devith ហើយ​វា​ក៏​ជា​ស្នាដៃ​ចម្រៀង​រសជាតិ​ថ្មី​ប្លែក​អារម្មណ៍​នា​ដើម​ឆ្នាំ ២០២៥ ស្រប​ពេល​បទ​“​ថី​អ្ហែង​ថី​” ទើប​តែ​បញ្ចេញ​ផ្សព្វផ្សាយ​បាន​ត្រឹមតែ​រយៈពេល ២៥ ម៉ោង អាច​ទទួល​បាន​អ្នក​ចូល​ទស្សនា​រហូត 10.M Views គិត​ត្រឹម ២៥ ម៉ោង នៅ​វេលា​ម៉ោង ៨ ថ្ងៃ​ទី ២៨ ខែ​មករា ក្នុង​បណ្ដាញ​សង្គម​ហ្វេស​ប៊ុក។

ទោះបីជា​យ៉ាងណា​ទន្ទឹម​ដែល​ចំនួន​គាំទ្រ និង​ទស្សនា​មាន​ការ​កើន​ឡើង​លើស​ពី​ការ​រំពឹង​ទុក​នេះ​ដែរ គេ​ក៏​ឃើញ​មាន​ការ​បញ្ចេញមតិ​វែកញែក និង​លើកឡើង​ដែរ​ថា បទ​ចម្រៀង​”​ថី​អ្ហែង​ថី​”​របស់​លោក G-Devith បាន​ចម្លង (Copy) ភ្លេង​របស់​គេ ខណៈ​មាន​អ្នក​គាំទ្រ​តារា​រ៉េ​ប​រូប​នេះ​ក៏បាន​ប្រតិកម្ម​តបត​ដាក់​គ្នា​ផង​ដែរ។

ដោយឡែក​តារា​ចម្រៀង​លោក ម៉ៃ សុគន្ធ ដែល​អ្នក​គាំទ្រ​ដឹង​ថា លោក​តែងតែ​លេច​មុខ​រិះគន់​តារា​មិន​សំចៃ​មាត់​នោះ​បាន​លើក​ឡើង​ថា «ថីអ្ហែង​ថី​! “Bruh, Seri ously?” ម៉េច​ចេះ​តែ​ Copy ភ្លេង​គេ​មក​អ៊ីចឹង ​ច្រើន​ឆ្នាំ​ហើយ​នៅ​អត់​ចោល​ក្បួន​អូយ !​ច្រឡំ​ Travis Scott យក​ភ្លេង​ GD​ ទេ ណ​.​»។

ជាមួយ​គ្នា​នេះ ក៏​មាន​ការ​រិះគន់ និង​បង្ហាញ​ការ​មិន​ពេញ​ចិត្ត​ទៅ​លើ​ការ​ប្រើប្រាស់​ពាក្យពេចន៍​មិន​សមរម្យ និង​អសុរោះ​មួយ​ចំនួន​ក្នុង​អត្ថន័យ​បទ​នេះ​ដូច​ជា​ពាក្យ​, មួយ​ជីវិត​ហ្នឹង​ម៉េច​ដៃ​ខ្លី ជើង​ខ្លី រួម​នឹង​ពាក្យ​មួយ​ចំនួន​ទៀត​ជាដើម៕

អត្ថបទ ៖ ចាន់រ៉ា

The post ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥ appeared first on Kampuchea Thmey Daily.

តួយ៉ាង កម្មវិធីនេះ ត្រូវបានគេថតទុក កាលពីតារាប្រុសរូបនេះ នៅមានជីវិតនៅឡើយ ហើយវាក៏ជាវគ្គចុងក្រោយដែរ ដែលអ្នកគ្រប់គ្នាបានឃើញវត្តមានរបស់ Ruthko នៅលើលោកនេះទៀត។ ទន្ទឹមនឹងនោះ អ្នកគាំទ្របង្ហាញភាពសោកសៅ និង ការឈឺចាប់ក្រៃលែង ចំពោះការឃើញវត្តមានរបស់លោកនៅរស់រវើកបែបនេះ ទាំងដែលនៅក្នុងជីវិតពិត មិនមានវត្តមាន Ruthko ទៀតទេ។

អ្វីដែលធ្វើឲ្យអ្នកគាំទ្រកាន់តែឈឺចាប់ ក្ដុកក្ដួលក្នុងចិត្តទៀតនោះគឺ ថ្ងៃដែលឡាយកម្មវិធីនេះ ក៏ត្រូវនឹងថ្ងៃបុណ្យគម្រប់៧ថ្ងៃនៃការចាកចេញរបស់តារារ៉េបវ័យ២៤ឆ្នាំរូបនេះផងដែរ។ ជាពិសេស អ្នកគាំទ្រខ្លះក៏បានគិតថា វាជារឿងមិនសមគួរចំពោះវិញ្ញាណក្ខន្ធរបស់តារាប្រុសរូបនេះនោះទេ ដែលនៅតែយកផេករបស់មនុស្សដែលស្លាប់ទៅហើយ យកមកធ្វើការឡាយបែបនេះ។

ជាមួយគ្នានោះ គេសង្កេតឃើញថា នៅពេលដែល Ruthko បានបាត់បង់ជីវិតទៅហើយ បែរជាធ្វើឲ្យប្រជាប្រិយភាពកាន់តែល្បីទៅវិញ ផេកក៏មានចំនួនអ្នកចុច Like កើនឡើងជាលំដាប់។ គួរបញ្ជាក់ផងដែរថា លោក Ruthko មានឈ្មោះពិតថា ដាវិឌ ឬទ្ធិរុទ្រ បានទទួលមរណភាពនៅអាយុ២៤ឆ្នាំ កាលពីថ្ងៃទី០៦ ខែមករា ២០២៥ កន្លងទៅនេះ ដោយហេតុការណ៍គ្រោះថ្នាក់ចរាចរណ៍៕

សូមវិញ្ញាណក្ខន្ធរបស់លោក បានទៅកាន់សុគតិភពចុះ

យើងនៅតែចងចាំអ្នកជានិច្ច

The post ត្រូវនឹងបុណ្យ៧ថ្ងៃ Ruthko ផង ផេកនៅតែចាក់ឡាយកម្មវិធីឃើញវត្តមាននៅរស់រវើក ធ្វើឲ្យអ្នកគាំទ្រមើលទាំងទឹកភ្នែក appeared first on Kampuchea Thmey Daily.

ថ្មីៗ នេះ ផ្ទុះ​ការ​រិះគន់​ពាក់ព័ន្ធ​ការ​យក​រូបថត​តារា​រ៉េប RuthKo ទៅ​ដាក់​ក្នុង​ស៊ុម​ផ្កា ដើម្បី​ធ្វើជា​ទីផ្សារ​ប្រម៉ូត​ការ​លក់​របស់​ខ្លួន ដោយ​ធ្វើ​ឲ្យ​មហាជន​អ្នក​គាំទ្រ​ជា​ច្រើន មាន​ការ​ហួសចិត្ត​ជា​ខ្លាំង និង​រិះគន់​ដល់​ម្ចាស់​ហាង​លក់​ផ្កា​មួយ​កន្លែង ដែល​មាន​ទីតាំង​ស្ថិត​នៅ​ម្ដុំ​ផ្សារ​ច្បារអំពៅ។

បន្ទាប់ពី​ទទួល​រង​ការ​រិះគន់​យ៉ាង​ចាស់​ដៃ​ចំពោះ​ទង្វើ​របស់​ខ្លួន ម្ចាស់​ហាង​ផ្កា​ខាង​លើ​នោះ ក៏បាន​ចេញ​មុខ​មក​បញ្ជាក់​ជា​សាធារណៈ និង​ទទួល​យក​នូវ​រាល់​មតិ​ទាំងអស់ ហើយ​ព្យាយាម​កែតម្រូវ​ផងដែរ។

យ៉ាងណាមិញ នៅ​ព្រឹក​ថ្ងៃ​ទី ០៩ ខែ​មករា ឆ្នាំ ២០២៥ នេះ តាមរយៈ​ទំព័រ​ហ្វេស​ប៊ុក​ឈ្មោះ Coromac Cam ដែល​ត្រូវ​ជា​ម្តាយ​តារា​ចម្រៀង​រ៉េប លោក RuthKo បាន​បង្ហោះ​ខ្លឹមសារ​ដោយ​បង្ហាញ​អារម្មណ៍​ឈឺចាប់​ថា «ខ្ញុំ​ជា​ម្ដាយ និង​គ្រួសារ​របស់​សព នឹង​មិន​ទទួល​ការ​សុំទោស​ជា​ដាច់ខាត ហាង​ផ្កា នឹង​ត្រូវ​ទទួល​ខុស​ត្រូវ​ជាមួយ​គ្រួសារ​ខ្ញុំ​ផ្លូវ​ច្បាប់ កូន​ខ្ញុំ​ស្លាប់​ហើយ អត់​បាន​ចុះ​កិច្ច​សន្យា​ធ្វើ BA លក់​ផ្កា​ទេ ហេតុអ្វី​ហ៊ាន​ប្រមាថ​ជីវិត​កូន​ខ្ញុំ និង​គ្រួសារ​ខ្ញុំ ក្នុង​ពេល​ពួក​យើង​កំពុង​ឈឺចាប់​បែបនេះ»។

ដោយឡែក​កាលពី​ម្សិលមិញ ម្តាយ​តារា​ចម្រៀង​រ៉េប RuthKo បាន​សម្តែង​ក្តី​ឈឺចាប់​ខ្លោចផ្សា​ជា​ពន់ពេក​ដែល​បាត់បង់​កូន​ប្រុស​ជា​ទី​ស្រលាញ់ និង​បញ្ចេញ​ខ្លឹមសារ​អម​ដោយ​រូបភាព​ភ្លើង​កំពុង​ឆាបឆេះ​សព​កូនប្រុស ដោយ​លើក​ឡើង​ដែរ​ថា «សង​ជីវិត​កូន​ខ្ញុំ​វិញ ឯង​មាន​សមត្ថភាព​ទេ?»។

គួរ​ជម្រាប​ថា កាលពី​ព្រឹក​ថ្ងៃ​ទី ០៨ មករា ម្សិលមិញ​នេះ សព​របស់​តារា​ចម្រៀង​រ៉េប​ល្បី​ឈ្មោះ លោក RuthKo ត្រូវ​បាន​រៀបចំ​ពិធី​បូជា​តាម​ប្រពៃណី​ហើយ ដោយ​បន្សល់ទុក​នូវ​ក្តី​សោកសង្រេង និង​ភាព​សោកសៅ​ក្រៀមក្រំ​បំផុត​សម្រាប់​ក្រុម​គ្រួសារ មិត្តភ័ក្ដិ សិល្បករ-សិល្ប​ការិនី ព្រមទាំង​អ្នកគាំទ្រ​របស់​លោក​ជាច្រើន​ទៀត។

ចំពោះ​ដំណឹង នៃ​ការ​ស្លាប់​របស់​តារា​រ៉េប​លោក ដា​វិ​ឌ​ឫទ្ធិរុទ្រ ហៅ RuthKo រហូត​មក​ទល់​ពេលនេះ​នៅតែ​ធ្វើ​ឲ្យ​អ្នក​សិល្បៈ​រួម​អាជីព និង​អ្នក​គាំទ្រ​ជាច្រើន សម្តែង​ក្តី​ស្លុតចិត្ត និង​សោកស្ដាយ​ជា​ខ្លាំង ចំពោះ​ការ​បាត់បង់​ធនធាន​អ្នក​សិល្បៈ​ផ្នែក​វិស័យ​ចម្រៀង​រ៉េប​រូប​នេះ។

ចំពោះ​កម្មវិធី​បុណ្យ​គម្រប់ ០៧ ថ្ងៃ របស់​តារា​ចម្រៀង​រ៉េប​ល្បី​ឈ្មោះ RuthKo នឹង​ត្រូវ​ប្រារព្ធ​ធ្វើ​នៅ​ថ្ងៃ​ទី ១២ ខែ​មករា ឆ្នាំ ២០២៥ ខាងមុខនេះ នា​គេហដ្ឋាន​សព នៅ​ផ្ទះ​លេខ ៥១ ផ្លូវ ១៦៨ ភូមិ​ទួល​រកា ១ សង្កាត់​ចាក់​អង្រែ​ក្រោម ខណ្ឌ​មានជ័យ រាជធានី​ភ្នំពេញ៕

អត្ថបទ ៖ ពិសី

The post ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន appeared first on Kampuchea Thmey Daily.

នៅ​ព្រឹក​ថ្ងៃ​ទី ០៦ ខែ​មករា ឆ្នាំ ២០២៥ នេះ តាមរយៈ​ហ្វេស​ប៊ុក​ផ្លូវការ​របស់ តារា​ចម្រៀង​រ៉េប លោក​អាចារ្យ​ធំ បាន​សរសេរ​រៀបរាប់​ទាំង​សោកស្ដាយ និង​អួល​ដើមក​យ៉ាង​ដូច្នេះ​ថា «ម៉ែ​អើយ​ម៉ែ កូន​ដឹង​ថា​ម៉ែ​កំពុង​មាន​សម្ពាធ​ផ្លូវ​ចិត្ត​ខ្លាំង​ណាស់ នៅ​ពេលនេះ ប្អូន​ទៅ​ចោល​យើង​ហើយ​ម៉ែ! ហេតុ​អី​វា​ដាច់​ចិត្ត​ម្ល៉េះ? វា​ទុក​ពួក​យើង​ចោល​អ៊ីចឹង​ម៉ែ? កូន​ទទួល​យក​អត់​បាន​ទេ!»។

លោក​អាចារ្យ​ធំ បន្ត​ថា «គ្រប់​រឿង​ទាំងអស់ ម៉ែ និង បង តែង​នៅ​ពី​ក្រោយ​ប្អូន ចាំ​ជ្រោមជ្រែង ចាំ​ផ្ដល់​កម្លាំង​ចិត្ត​ដល់​ប្អូន​ជានិច្ច ប្អូន​ដឹង​តើ ថា ម៉ែ និង បង តែងតែ​មាន​មោទនភាព​ណាស់​ពេល​ឃើញ​ប្អូន​ជោគជ័យ តើ​ហេតុអ្វី? ពិត​ថា​យើង​មិនមែន​បងប្អូន​បង្កើត តែ​ជា​ច្រើន​ឆ្នាំ​នេះ ម៉ែ​ប្រៀប​ដូច​អ្នក​មាន​គុណ​ទី ២ របស់​បង ម៉ែ​ទុក​បង​ដូច​កូន​បង្កើត ហើយ​បង​ក៏​គោរព និង​ចាត់​ទុក​ម៉ែ និង​ប្អូន ដូច​សាច់​ឈាម​តែមួយ! តែ​ប្អូន​ដាច់​ចិត្ត​ណាស់​ប្អូន​អើយ សូម​វិញ្ញាណក្ខន្ធ​ប្អូន​ប្រុស​បង​បាន​ទៅ​កាន់​សុគតិភព​ណា​ប្អូន​ណា»។

តាមរយៈ​សំណេរ អាចារ្យ​ធំ នេះ ក៏​មាន​សិល្បករ-សិល្ប​ការិនី និង​អ្នកគាំទ្រ​ជាច្រើន បាន​បង្ហាញ​ការ​តក់ស្លុត សោកស្ដាយ រន្ធត់ចិត្ត និង​ចូលរួម​រំលែក​ទុក្ខ​ដ៏​ក្រៀមក្រំ​ចំពោះ​ក្រុម​គ្រួសារ​របស់ លោក ដាវិឌ ឬទ្ធីរុទ្រ ឬ RuthKo តារា Rapper ផង​ដែរ។

គួរ​រំលឹក​ថា លោក RuthKo ដែល​គេ​ស្គាល់​ថា​ជា​តារា Rap ដ៏​ល្បី​ម្នាក់ បាន​ជួប​គ្រោះថ្នាក់​ចរាចរណ៍​ស្លាប់​ភ្លាមៗ នៅ​កន្លែង​កើតហេតុ ខណៈ​ជិះ​ម៉ូតូ​បុក​ជាមួយ​រថយន្ត​ម៉ាក LEXUS RX330 ១ គ្រឿង ពាក់​ស្លាក​លេខ ខេមរភូមិន្ទ 2–4771 បើក​បញ្ច្រាស​ឆ្លង​ផ្លូវ។

ហេតុការណ៍​គ្រោះថ្នាក់​ចរាចរណ៍​ដ៏​រន្ធត់​នេះ បាន​កើត​ឡើង​កាលពី​វេលា​ម៉ោង ០១ និង ៤០ នាទី​យប់​រំលង​អធ្រាត្រ ឈាន​ចូល​ថ្ងៃ​ទី ០៦ ខែ​មករា ឆ្នាំ ២០២៥ ស្ថិត​លើ​ផ្លូវ ៦០ ម៉ែត្រ មុខ បុរី ប៉េង ហួត សង្កាត់​ចាក់​អង្រែ​ក្រោម ខណ្ឌ​មាន​ជ័យ រាជធានី​ភ្នំពេញ៕

អត្ថបទ ៖ ពិសី

The post អាចារ្យធំ រៀបរាប់ទាំងអួលដើមក ក្រោយមរណភាពតារា Rapper RuthKo appeared first on Kampuchea Thmey Daily.