លោក ស៊ិន រិន អ្នកទទួលទិញ និងលក់ត្បូងធម្មជាតិ នៅភូមិព្រៃពពេល ឃុំរមទម ស្រុករវៀង បានឱ្យដឹងនៅព្រឹកថ្ងៃទី២៣ ខែឧសភា ឆ្នាំ២០២៤ ថា ក្រៅពីប្រកបរបរកសិកម្ម ប្រជាពលរដ្ឋបានឆ្លៀតរុករករ៉ែត្បូងថ្ម ត្បូងគ្រីស្តាល់ មាសស្រួយ ពីក្នុងព្រៃភ្នំ យកមកលក់ឱ្យគាត់ ដើម្បីបានរំលែកជីវភាពខ្លះក្រៅពីធ្វើស្រែចំការ។

លោកបន្តថា សព្វថ្ងៃនេះ របរលក់ត្បូងធម្មជាតិយកទៅកែច្នៃជាវត្ថុអនុស្សាវរីយ៍ យកទៅលក់ឱ្យភ្ញៀវក្នុងតម្លៃសមរម្យ ដើម្បីយកទៅតាំងនៅជំនាងផ្ទះ ដោយពួកគាត់មានជំនឿថា ទិញដាក់ផ្ទះអាចនាំលាភសំណាង លើករាសី និងសុខសប្បាយក្នុងគ្រួសារ ជាដើម។ លោកបញ្ជាក់ថា បន្ទាប់ពីគាត់ទិញពីពលរដ្ឋរួចមក គាត់ក៏បានច្នៃទៅជាវត្ថុអនុស្សាវរីយ៍ផ្សេងៗ ដាក់លក់ ហើយការលក់ត្បូងនេះភាគច្រើនពលរដ្ឋក្នុងស្រុកមិនសូវទិញវត្ថុទាំងនេះទេ គឺមានតែភ្ញៀវមកកុម្ម៉ង់តែប៉ុណ្ណោះ។

ចំណែកអ្នកទេសចរក្នុងស្រុក ដែលមកកម្សាន្តនៅខេត្តព្រះវិហារ បានឱ្យដឹងថា ពេលឃើញរបស់ស្អាតៗយ៉ាងដូច្នេះក៏នាំគ្នាទិញ ដើម្បីយកទៅដាក់តាំងក្នុងផ្ទះដោយពួកគាត់មានជំនឿថា ទិញដាក់ផ្ទះអាចនាំលាភសំណាង លើករាសី និងសុខសប្បាយក្នុងគ្រួសារ៕

ដោយ៖ជុន កុសល

The post អ្នកលក់ត្បូងនៅស្រុករវៀង ច្នៃត្បូងធម្មជាតិជាវត្ថុអនុស្សាវរីយ៍ ខណៈអ្នកទិញមានជំនឿថា នាំលាភសំណាងចូលផ្ទះ  appeared first on Kampuchea Thmey Daily.

ប្រវត្តិសាស្ត្រ​នៃ​ត្បូង jade

Jade ជា​ថ្ម​ដែល​អាច​រក​បាន​នៅ​ជុំវិញ​ពិភពលោក។ ប៉ុន្តែប្រភពដ៏ល្បីល្បាញ​បំផុត​គឺប្រទេសចិន។ ត្បូងចិន​មានប្រជាប្រិយភាពជាយូរណាស់មកហើយ តាំងពីរាជវង្ស Qin រហូតមកដល់​បច្ចុប្បន្ន។ ត្បូង​ចិន​ចែក​ចេញ​ជា​ច្រើន​ប្រភេទ​តាម​ពណ៌​និង​លក្ខណៈ​ដូច​ជា ត្បូង​ពណ៌​ស ត្បូង​ពណ៌​បៃតង ត្បូង​លឿង ត្បូង​ខ្មៅ ត្បូង​ក្រហម។ល។

ជំនឿ​អំពីត្បូង

Jade ជា​ថ្ម​ដែល​អាចជួយ​បង្កើន​សំណាង បង្កើន​ថាមពល និងការពារអ្នកពាក់ពីគ្រោះថ្នាក់។ ឧទាហរណ៍ ជនជាតិចិន​ជឿថា ត្បូងពណ៌សអាច​បង្កើនបញ្ញា, ត្បូងបៃតងអាចជួយពង្រឹងសុខភាព, ត្បូងលឿង​អាចជួយ​បង្កើនសំណាង, ត្បូង​ខ្មៅ​អាច​ជួយ​ពង្រឹង, ហើយ​ត្បូង​ក្រហម​អាច​ជួយ​បង្កើន​ស្នេហា។

អត្ថប្រយោជន៍​នៃ​ត្បូង​ បន្ថែមលើជំនឿអំពីត្បូង Jade ក៏មានប្រយោជន៍ក្នុងវិធីជាច្រើនទៀតដូចជា៖

Jade គឺជាថ្មដ៏​ស្រស់ស្អាត និង​កម្រ។ វា​អាច​ប្រើ​សម្រាប់​បង្កើត​គ្រឿង​បន្ថែម​ផ្សេងៗ​ដូចជា​ចិញ្ចៀន ខ្សែក ក្រវិល​ជាដើម។

Jade គឺជាថ្មដ៏រឹងមាំ និងប្រើប្រាស់បានយូរ។ ធ្វើឲ្យវាអាចប្រើវាជាគ្រឿងអលង្ការ ឬរបស់ប្រើប្រាស់ផ្សេងៗ។

Jade ជា​ថ្ម​ដែល​អាច​យក​មក​ធ្វើ​ជា​ថ្នាំ។ វាត្រូវបានគេជឿថា ត្បូងអាចជួយព្យាបាលជំងឺផ្សេងៗដូចជា ជំងឺលើសឈាម ជំងឺបេះដូង ជំងឺថ្លើមជាដើម។

វិធីថែរក្សាត្បូង Jade គឺជាថ្មដែលមានអាយុកាលយូរ។ ដូច្នេះ​គួរ​តែ​ត្រូវ​បាន​គេ​យក​ចិត្ត​ទុក​ដាក់​ដូច​ខាង​ក្រោម៖

Jade គួរ​ត្រូវ​បាន​សម្អាត​ជា​ប្រចាំ​ជាមួយ​នឹង​សាប៊ូ​លាង​ចាន​ស្រាលៗ ជូត​ថ្នមៗ ហើយ​បន្ទាប់​មក​លាង​សម្អាត​ដោយ​ទឹក​ស្អាត។ គួរតែត្រូវបានរក្សាទុកក្នុងកន្លែងត្រជាក់ និងស្ងួត ដើម្បី​កុំ​ឲ្យ​ខូច​ឬ​ខូច​ត្បូង។ ការប៉ះពាល់នឹងសារធាតុគីមី ឬកម្ដៅខ្លាំង គួរតែត្រូវបានចៀសវាង។ នេះអាចប្រែពណ៌ ឬធ្វើឲ្យខូចត្បូង៕

ប្រែសម្រួល៖ សាង ស្រីល័ក្ខ

ចុចអាន៖លេខ ៨ ជាលេខនាំសំណាង មានន័យថា ទ្រព្យសម្បត្តិហូរចូលមក និងភាពរុងរឿងក្នុងជីវិត

The post Jade ជាថ្មដែលមានប្រជាប្រិយភាពក្នុងជំនឿហុងស៊ុយ appeared first on Kampuchea Thmey Daily.

បន្ថែមពីលើសមត្ថភាព និងការតស៊ូរបស់យើង ជីវិតយើងនៅត្រូវការកម្លាំងក្រៅខ្លួន ដែលភ្នែកមិនអាចមើលឃើញ ត្រចៀកមិនអាចស្ដាប់ឮ ដើម្បីបង្កើនភាពជោគលាភដល់ខ្លួនឯង។ តួយ៉ាងមនុស្សកើតឆ្នាំ ច ឆ្លូវ មមែ គួរជ្រើសរើសត្បូងខាងក្រោម មកប្រើកុំបីខាន ព្រោះវាសក្តិសមនឹងរាសីឆ្នាំកំណើត អាចជួយបន្ថែមសំណាង ភាពជោគជ័យ និងភាពរីកចម្រើន។

ឆ្នាំច

មនុស្សឆ្នាំច សក្តិសមណាស់ជាមួយត្បូងថ្មពណ៌ខៀវ (Turquoise)។ វា​នឹង​ជំរុញឱ្យអ្នកដែលបានប្រើទទួលនូវជ័យ​ជម្នះលើការងារ និងអាចដោះស្រាយឧបសគ្គបានយ៉ាងរលូន។ មិនត្រឹមតែប៉ុណ្ណោះ វាជួយទាក់ទាញហិរញ្ញវត្ថុ ទ្រព្យសម្បត្តិ និងអំណាច ចូល​មក​យ៉ាង​ល្អ​។

ឆ្នាំ​ឆ្លូវ

មនុស្សឆ្នាំនេះ ក្បួនតម្រាណែនាំឱ្យមានក្រវិល ឬគ្រឿងអលង្ការដទៃទៀត ដែលច្នៃពីត្បូងថ្មពណ៌ខ្មៅ (Onyx) ព្រោះវាជាថ្មអាចផ្តល់ការការពារដ៏អស្ចារ្យពីអំពើអាក្រក់នានា។ ចំពោះមនុស្សពេញវ័យ ឬអ្នកក្រោមបង្គាប់គេ វាជួយបង្កើនសេចក្តីស្រឡាញ់ និងសេចក្តីមេត្តាពីចៅហ្វាយនាយ ព្រមទាំងទាក់ទាញឱកាសល្អគ្រប់ច្រកល្ហក។

ឆ្នាំ​មមែ

ត្បូងថ្មពណ៌ទឹកក្រូច (Carnelian) ត្រូវធាតុបំផុតជាមួយមនុស្សឆ្នាំមមែ។ ពេលណាបានប្រើ វានឹងជួយពង្រឹងសុខភាព ជាពិសេសបញ្ហាឈាមរត់។ ត្បូងថ្មនេះ ក៏នឹងបង្កើនទំនាក់ស្នេហាឱ្យមានភាពផ្អែមល្ហែមនឹងគ្នា និងជួយឱ្យហិរញ្ញវត្ថុមានស្ថិរភាពផងដែរ។

ត្រណម

ចៀសវាងប្រើ ពេលចូលរួមក្នុងពិធីបុណ្យសព។ ប៉ុន្តែបើពិបាកចៀសណាស់ គួរតែយកខ្សែដៃដែលច្នៃពី គជ់ភ្នែកខ្លា មកពាក់កុំខាន ។ ធ្វើដូច្នេះ អ្នកនឹងទទួលបានថាមពលវិជ្ជមាន ឬអាចបណ្ដេញថាមពលអាក្រក់ឱ្យចេញឆ្ងាយ៕

អត្ថបទ៖ សន្យា

ចុចអាន៖ ត្បូងនាំសំណាង លើករាសី ដែលតារានិករទាំងនេះ ត្រូវមានដាច់ខាតក្នុងជីវិត

ចុចអាន៖ ឆ្នាំ វក ម្សាញ់ កុរ ខាល នឹងទទួលសំណាងធំ បើធ្វើរឿងទាំងនេះ

The post ឆ្នាំច ឆ្លូវ មមែ ត្បូងថ្មប៉ុន្មានប្រភេទនេះ សក្តិសមណាស់សម្រាប់ប្រើចៀសសំណាងអាក្រក់ appeared first on Kampuchea Thmey Daily.

អង្កាំ​មាសឬត្បូង ​គេ​តែង​ជឿ​ថា ​ជា​ថ្ម​មង្គល​ដែល​ជួយ​បន្ថែម​ក្នុង​រឿង​លុយកាក់​ ជួយ​ឲ្យ​ការ​លក់ដូរ​រីកចម្រើន​ទៅ​មុខ​ជាលំដាប់។ ជា​ពិសេស ​អ្នកណា​ក៏​ដោយ​ ឲ្យ​តែ​ប្រើ​ត្បូងនេះ​ នឹង​មក​នូវ​លាភ​សំណាង​សុខភាព​ល្អ​ មាន​ភាព​សម្បូរសប្បាយ​ដល់​ជីវិត​ពួកគេ។ នេះ​ក៏​ដោយសារ​ថ្ម​កែវ​នេះមាន​ពណ៌​មាស​នៅ​ខាង​ក្នុង ​អាច​ជួយ​ដល់​ថាមពល​ទាំង​ផ្នែក​ខាង​ក្នុង ឬក្រៅរាងកាយ រួម​ទាំង​ផ្នែក​ចក្ខុវិស័យ​របស់​ខ្លួន​យើង​ផង​ដែរ។

ប្រសិនបើ​អ្នក​ទិញ​អង្កាំ​មាស​នេះ​ឲ្យ​មិត្ត​ ឬ​មនុស្ស​ជា​ទី​ស្រលាញ់​ វា​ប្រៀប​ដូច​អំណោយ​មួយ​ដ៏​អស្ចារ្យ​មិន​អាច​កាត់​ថ្លៃ​បាន​ដូច្នេះ​ដែរ។ ការ​ជូន​អង្កាំ​មាស​ឲ្យ​គ្នា​ ដូច​វេច​សំណាង​ឲ្យ​គ្នា​ទៅ​មក​ ជា​ពិសេស​គឺ​ការ​ស្រលាញ់​រាប់អាន​ពី​មនុស្ស​ជុំវិញ​ខ្លួន៕

គ្រូ ណុប

ចុចអាន៖ត្បូង៧ប្រភេទនេះ គួរមាន​ជាប់ខ្លួន​ក្នុងឆាកជីវិត

ចុចអាន៖ដង្វាយផ្លែឈើ ១០ មុខនេះ បញ្ជាក់អត្ថន័យឲ្យម្ចាស់ផ្ទះសម្បូរសប្បាយ មានសុភមង្គលពេញលេញ

The post អង្កាំមាសសរសៃសូត្រ ជាថ្មមង្គល ជួយបន្ថែមលាភសំណាង​និងលុយកាក់ដល់អ្នកពាក់ appeared first on Kampuchea Thmey Daily.

ប្រសិនបើអ្នកសុបិនពីឈុតមាស ប្លាទីនដ៏ស្រស់ស្អាតទាំងក្រវិល ចិញ្ចៀននិងខ្សែកដែលតុបតែងដាំបន្ថែមដោយត្បូងកណ្តៀងតូចនិងធំ ជាដំណឹង​ព្យាករណ៍ឬ សន្យាថាម្ចាស់ដំណេកនឹងទទួលបាននូវសេចក្តីស្រឡាញ់និងលះបង់។

ប្រសិនបើអ្នកសុបិនថាគ្រឿងសង្ហារឹមត្រូវបានតុបតែងដោយត្បូងថ្មកណ្តៀងដ៏ស្រស់ស្អាតពណ៌ខៀវចែងចាំង នេះគឺជាសញ្ញានៃការទទួលបានលាភធំណាស់។

ចិញ្ចៀនត្បូងកណ្តៀងនៅក្នុងក្តីសុបិនតំណាងថា អ្នកនឹងជួបមនុស្សម្នាក់ឆាប់ៗ ដែលនឹងផ្លាស់ប្តូរជីវិតរបស់អ្នក។ ប្រសិនបើម្ចាស់ដំណេកជា​ស្ត្រីហើយ​សុបិនថាប្តីរបស់នាងបានឱ្យចិញ្ចៀនមាសដាំត្បូងកណ្តៀងយើងអាចនិយាយបានថារាល់បំណងប្រាថ្នានឹងក្លាយជាការពិត។

សម្រាប់បុរស បើគេងសុបិន​ឃើញ​ទទួលបានត្បូងកណ្តៀងជាអំណោយពីសំណព្វចិត្ត​របស់គាត់ មានន័យថាទទួលបានជោគជ័យក្នុងសេចក្ដីស្រឡាញ់ អាជីវកម្មរលូន ឬបញ្ហាដែលទាក់ទងនឹងការងារបានដំណឹង​ជោគជ័យធំ៕

គ្រូ ឯម

ចុចអាន បើសុបិនអំពីត្បូងថ្មមានតម្លៃចាំងស្មីព្រាកៗមានន័យថា

The post អត្ថន័យ​ដ៏​អស្ចារ្យ នៃ​សុបិន ​អំពី​ត្បូងកណ្ដៀង appeared first on Kampuchea Thmey Daily.

ជាទូទៅក្តីសុបិនអំពីត្បូងជាសញ្ញាល្អ ទាំងសម្រាប់កិច្ចការផ្ទាល់ខ្លួន ជីវិតស្នេហា និងការធ្វើជំនួញព្រោះថាគ្រឿងអលង្ការនិម្មិតសញ្ញានៃភាពរីករាយនិងទ្រព្យសម្បត្តិ។

ក្តីសុបិនឃើញយើងនេះកំពុងមើលត្បូងដ៏មានតម្លៃអាចមានន័យថា អ្នកត្រូវបានល្បួងដោយទ្រព្យសម្បត្តិបកស្រាយថា អ្នកណាម្នាក់កំពុងចង់យកវាមកចងអ្នក ។

ម៉្យាងទៀតប្រសិនបើឃើញទទួលបានអំណោយជាត្បូង ឬពេជ្រនៅក្នុងក្តីសុបិនជាសញ្ញាបង្ហាញថា ទ្រព្យនឹងកើនឡើង។ យោងតាមការពាក់ត្បូងក្នុងសុបិនវិញ គឺជាសញ្ញានៃឋានៈឬសមិទ្ធិផលទើបនឹងទទួលបានមកដោយឥស្សរៈ។ ប្រសិនបើឃើញមនុស្សផ្សេងទៀតនៅក្នុងក្តីសុបិនពាក់ត្បូងល្អ ភ្លឺថ្លា អាចមានន័យថាខ្លួនយើង ឬប្រហែលជាញាតិមិត្តម្នាក់នឹងឡើងឋានៈជាទីគោរពក្នុងសង្គម។

បើសុបិនឃើញធម្មជាតិចម្រុះពណ៌

ពណ៌នៃត្បូងនៅក្នុងក្តីសុបិនក៏គួរឱ្យកត់សម្គាល់ផងដែរ។ ត្បូងពណ៌ខៀវគឺជានិមិត្តរូបនៃការបំផុសគំនិតថ្មី អាជីវកម្មថ្មី សូម្បីតែការសិក្សា ឬការងារថ្មីមួយ ខណៈពេលដែលថ្មក្រហមអាចទាយអំពីទំនាក់ទំនងស្នេហាថ្មី។ ប្រសិនបើសុបិនឃើញត្បូងពណ៌លឿងគួរតែត្រៀមខ្លួនសម្រាប់ឱកាសថ្មីមួយឯត្បូងពណ៌បៃតងអាចនាំមកនូវប្រាក់និងទ្រព្យសម្បត្តិថ្មីៗធំជាសំណុំមកក្នុងជីវិត។

បើសុបិនឃើញត្បូងពណ៌លឿង
ប្រសិនបើម្ចាស់ដំណេកជាស្ត្រីវ័យក្មេង ក្តីសុបិនអំពីត្បូងពណ៌លឿងអាចត្រូវបានបកស្រាយអំពីការទទួលបានអាពាហ៍ពិពាហ៍ល្អមួយនាពេលអនាគត

សុបិនត្បូងគិតជាទូទៅតាមក្បួនចិនបុរាណ

ការសុបិនអំពីត្បូងស្ទើរតែទាំងអស់ផ្សារភ្ជាប់ជាមួយនឹងភាពលោភលន់ក្នុងគំនិតចិនភាគខាងជើង តែនៅដីកណ្តាល សុបិនអំពីត្បូងភ្លឺថ្លាល្អជាសញ្ញាម្ចាស់ដំណេកនឹងក្លាយជាអភិជន​មានទ្រព្យសម្បត្ដិច្រើននៅក្នុងជីវិត។ ទោះជាយ៉ាងណាជំនឿជាទូទៅមួយកាលពីរាជវង្សជីងគឺ​ បន្ទាប់ពីការខិតខំប្រឹងប្រែងជាច្រើនអ្នកនឹងអាចទទួលបានរង្វាន់ពីការងារប្រសិន​យល់ប្តិឃើញ​ត្បូូងគ្រប់ពណ៌ ។
នៅពេលម្ចាស់ដំណេកយល់សប្តិថា រកឃើញត្បូងជាការព្រមានពីភាពលោភលន់របស់អ្នក។ អ្នកនឹងទទួលបានការល្បួងឱ្យចូលអន្ទាក់សម្ភារៈនិយមដែលនឹងជះឥទ្ធិពលល្អខ្លើះមិនល្អ​ខ្លះដល់អ្នកឱ្យស្មុគស្មាញ។ តែបើត្បូងនោះជះពន្លឺ បង្ហាញថានឹងមាន​ឱកាសអាជីវកម្មឬការងារដើម្បីសាកល្បងនូវអ្វីដែលអ្នកជឿខ្លួនធ្វើបាន។

សុបិនទទួលបានអំណោយជា​ត្បូងជានិមិត្តរូបនៃឱកាសហិរញ្ញវត្ថុឆាប់ៗនេះក្នុងជីវិតពិត​ជាចំនួនទឹកប្រាក់ដ៏ច្រើន។

បើសុបិនអំពីការលក់ដូរត្បូងអាចជាសញ្ញាល្អបង្ហាញថាការលំបាកផ្នែកហិរញ្ញវត្ថុនឹងត្រូវបានដោះស្រាយឆាប់បំផុតថែមទាំងអាចមានប្រាក់ដែលនៅសល់ជាមួយនឹងការរំពឹងទុកមួយចំនួនដោះបានស្ថានភាពស្មុគស្មាញបច្ចុប្បន្ន។
នៅពេលដែលអ្នកយល់សប្តិឃើញចិញ្ចៀនឬក្រវិលឬរបស់របរផ្សេងទៀតដែលមានដាំត្បូង ក្តីសុបិនជាកំពូលនៃសារប្រាប់មុន ទាក់ទងនឹងសំណាងនិងវិបុលភាព។ ភាគច្រើនអ្នកនឹងទទួលបានប្រាក់ឆាប់ៗ។ មិនមានកំណត់ថាជាសារប្រាប់តែចំពោះសាច់ប្រាក់ទេ រឿងល្អ ៗ ផ្សេងទៀតអាចកើតឡើងផ្តល់នូវភាពរីករាយជាច្រើន។

ជនជាតិអារ៉ាប់បុរាណ កាត់សុបិនយ៉ាងណាអំពីត្បូង?
គេយល់ថា នៅពេលឃើញត្បូងនៅក្នុងក្តីសុបិនច្រើន​តំណាងឱ្យស្ត្រីឬប្រាក់។ ត្បូងជាច្រើន មានន័យថាលុយកាន់តែច្រើន។
នៅពេលឃើញត្បូងពណ៌សក្តីសុបិនតំណាងឱ្យដំណឹង​ថា​នឹងមានកូនប្រុស។
នៅពេលសុបិនអំពីពេជ្រ នេះតំណាងឱ្យអាពាហ៍ពិពាហ៍ឬសុភមង្គល។
ប្រសិនបើឃើញច្នៃត្បូងបង្ហាញពីភាពខ្លាំងនិងប្រាក់ចំណេញ។
ប្រសិនបើឃើញត្បូងមរកតនៅក្នុងក្តីសុបិនតំណាងឱ្យសម្បូរញាតិ កូនៗ បងប្អូនប្រុសស្រីនិងប្រាក់កាស។
នៅពេលអ្នកសុបិនអំពីគជ់ខ្យងក្តីតំណាងឱ្យបានប្រពន្ធឬប្រីល្អ។
នៅពេលអ្នកមានគជ់ឬត្បូងជាច្រើននៅក្នុងសុបិនជានិមិត្តរូបនៃប្រាក់កាស​កើនឡើងនិងការពេញចិត្ត។
នៅពេលអ្នកសុបិនឃើញគុជខ្យងឬត្បូងធំៗនេះតំណាងឱ្យដំណឹងមុនពី​ការនឹងទទួលបានប្រាក់រង្វាន់ច្រើន។
ប្រសិនបើទិញលក់ត្បូងឬ​គុជខ្យងបង្ហាញថាអ្នកនឹងទទួលបានអ្វីដែលល្អក្នុងជីវិតឆាប់ៗ។
ប្រសិនបើបោះគច់ឬត្បូង​ទៅនឹងដី កូនឬប្អូនស្រីរបស់អ្នកនឹង​មានដំណឹងរៀបការ៕

គ្រូ ឯម

ចុចអាន៖ បើសុបិនឃើញកាបូបប្រេនៗ អានហើយ​នឹងភ្ញាក់ផ្អើល…

ចុចអាន៖ ត្បូងទទឹមក្នុងសុបិនអាចជាដំណឹងមាន​បុត្រ ឬទិញបានអចលនទ្រព្យធំដុំ

The post សុបិនអំពីគជ់និងត្បូងមានន័យពិស្តារខុសគ្នារវាងទម្លាប់ឥណ្ឌានិងចិន appeared first on Kampuchea Thmey Daily.