លោក ងិន សុវិមាន អភិបាល​រង​ខេត្ត​មណ្ឌលគិរី​បាន​ឲ្យ​ដឹង​ថា ខេត្ត​មណ្ឌលគិរី​មាន​សក្តានុពលលើ​ធនធាន​រ៉ែ​មាស ដោយ​ឡែក​ធនធាន​រ៉ែ​ត្បូង​វិញ​គឺ​មាន​តិចតួច និង​មិន​សូវ​ល្បី​ដូច​នៅ​ខេត្ត​រតនគិរី​នោះ​ទេ។

រូបតំណាង

ជាមួយ​ធនធានរ៉ែ​ត្បូង​មានតិចតួច លោក ងិន សុវិមាន​ បាន​អះអាង​ថា ត្បូង​ខេត្ត​មណ្ឌលគិរី​​គុណភាព​ និង​ទឹក​​ចាញ់​ត្បូង​ខេត្ត​រតនគិរី​។

បើ​តាម​លោក​អភិបាល​រង​ខេត្ត ត្បូង​ខេត្ត​មណ្ឌលគិរី​ភាគ​ច្រើន​ជា​ត្បូង​ពណ៌​ខៀវ ហើយ​​បច្ចុប្បន្ន​​មិន​ទាន់​មាន​ក្រុមហ៊ុន​ទាញ​ធ្វើ​អាជីវកម្ម​ធំដុំ​នោះ​ដែរ។

​សក្ដានុពល​ធនធាន​រ៉ែ​ចម្បង​ៗ​របស់​ខេត្ត​មណ្ឌលគិរី គឺ​​រ៉ែ​មាស រ៉ែ​បុកស៊ីត (វត្ថុធាតុដើម​សម្រាប់​ផលិត​អាលុយមីញ៉ូម) និង​ខ្សាច់ ក្រួស ថ្ម ជាដើម។

​ខេត្ត​មណ្ឌលគិរីមាន​ក្រុមហ៊ុន​ចំនួនពីរ​ កំពុងធ្វើអាជីវកម្មរ៉ែមាស ដែល​ក្នុង ១ ខែ អាច​ចម្រាញ់រ៉ែមាស​បានប្រមាណ ៣០០ ទៅ ៤០០ គីឡូក្រាម ហើយ​​ក្នុង​មួយ​ឆ្នាំ​បាន​ប្រមាណ ៣ តោន។

លោក គង់ ស៊ីថា អគ្គនាយករងទទួលបន្ទុកនាយកដ្ឋានភូគោកសាស្ត្ររ៉ែ និងឧស្សាហកម្មអាជីវកម្មរ៉ែ នៃអគ្គនាយកដ្ឋានធនធានរ៉ែបានបញ្ជាក់ថា ក្នុង​ចំណោម​ក្រុមហ៊ុនកំពុងវិនិយោគរ៉ែមាសនៅក្នុងខេត្តមណ្ឌលគិរី មាន​ក្រុមហ៊ុន​រ៉ឺនេសង់ មីនើរ៉េល ដែល​ជាក្រុមហ៊ុនកំពុងវិនិយោគចម្រាញ់រ៉ែមាស​ធំជាង​គេ​នៅកម្ពុជា​។

ក្រុមហ៊ុនមានមូលដ្ឋានមកពីប្រទេស​អូស្រ្ដាលី​នេះ កំពុង​ធ្វើ​អាជីវកម្មទាញយក​រ៉ែមាស​នៅក្នុងភូមិសាស្រ្តតំបន់អូរខ្វាវ ខេត្តមណ្ឌលគិរី ដោយមានរណ្ដៅរ៉ែមាសសរុបចំនួន ៧ រណ្ដៅ កំពុងតែដំណើការ៕

The post ត្បូង​ខេត្ត​មណ្ឌលគិរី​មិន​សូវ​មាន​តម្លៃ ​គុណភាពចាញ់​ត្បូង​​ខេត្ត​រតនគិរី appeared first on Kampuchea Thmey Daily.

លោក Sumed Prasongpongchai នាយកវិទ្យាស្ថានត្បូង និងគ្រឿងអលង្ការថៃបាននិយាយថា លោកពេញចិត្តចំពោះកំណើននៃការនាំចេញរបស់មានតម្លៃទាំងនេះក្នុងរយៈពេល ២ ខែជាប់ៗគ្នានេះ ។ ​

សម្រាប់ទីផ្សារនាំចេញរបស់ថៃ គឺមានការកើនឡើងគួរឲ្យកត់សម្គាល់នៅក្នុងទីក្រុងហុងកុង ដែលកើនឡើង ១៨៤.៤៧ ភាគរយ. ប្រទេសជប៉ុន កើន ៦.០៥ ភាគរយ, អ៊ីតាលី កើន ៤៧.២៧ ភាគរយ, អារ៉ាប់រួម កើន ២២.៥០ ភាគរយ និងសិង្ហបុរី កើនឡើង ៧៣.៩៤ ភាគរយ ។

ដោយឡែក ការនាំចេញទៅសហរដ្ឋអាមេរិក បានធ្លាក់ចុះជិត ១០ ភាគរយ, អាល្លឺម៉ង់ ១៧.៥២ ភាគរយ, ចក្រភពអង់គ្លេស ១៦.១៧ ភាគរយ និងស្វីស ២.៧៨ ភាគរយ ខណៈ​ឥណ្ឌា ធ្លាក់ចុះច្រើនជាងគេរហូតដល់ ៦៤.៨៦ ភាគរយ ។

បច្ចុប្បន្ន ការងើបឡើងវិញនៃសេដ្ឋកិច្ចពិភពលោក ក្នុងអំឡុងឆមាសទី ២ នៃឆ្នាំនេះនៅតែមានភាពយឺតយ៉ាវ ដោយសារអតិផរណាបន្តកើនឡើង និងអស្ថិរភាពសេដ្ឋកិច្ចជាដើម ។

សេដ្ឋកិច្ចសំខាន់ៗនៅក្នុងក្រុមប្រទេស G7 រួមទាំងសហរដ្ឋអាមេរិក ចក្រភពអង់គ្លេស និងអាល្លឺម៉ង់ កំពុងប្រឈមមុខនឹងបញ្ហាយ៉ាងខ្លាំង បើប្រៀបធៀបទៅនឹងប្រទេសដទៃទៀត ។ នេះគឺដោយសារតែបញ្ហាស្ថាប័នហិរញ្ញវត្ថុ សម្ពាធអតិផរណានិងការកើនឡើងនៃការចំណាយហិរញ្ញវត្ថុពីអត្រាការប្រាក់ ក៏ដូចជាគោលនយោបាយគ្រប់គ្រងតឹងរ៉ឹង ដែលប៉ះពាល់ដល់ផលិតកម្ម ការវិនិយោគ និងការប្រើប្រាស់ជាដើម ៕

ប្រែសម្រួល៖ នាង រតនៈ

ប្រភព៖ The Nation Thailand

The post ថៃ នាំចេញត្បូងមានតម្លៃ និងគ្រឿងអលង្ការ ក្នុងទំហំទឹកប្រាក់ ៤.២០ ពាន់លានដុល្លារ appeared first on Kampuchea Thmey Daily.

នាយករង GIT លោក Sumed Prasongpongchai បាននិយាយថា វិបត្តិ​ហិរញ្ញវត្ថុនៅ​សហរដ្ឋអាមេរិក និង​អឺរ៉ុប​បាន​ជះឥទ្ធិពល​យ៉ាងធ្ងន់ធ្ងរដល់តម្រូវការត្បូង និងគ្រឿងអលង្ការ។

លោក​បាន​ពន្យល់​ថា ការ​នាំ​ចេញ​ត្បូង និង​គ្រឿងអលង្ការ​របស់ប្រទេស​ថៃ​ក្នុង​ខែ​មេសា​មាន​តម្លៃ ៤៥០.៨១ លានដុល្លារអាមេរិក ធ្លាក់​ចុះ ២៨.៨៥% ពីមួយឆ្នាំទៅមួយឆ្នាំ ប៉ុន្តែលោក​បាននិយាយ​ថា ការ​នាំចេញ​សរុប​រួមទាំងមាសមានតម្លៃ ១.២៦ ពាន់លានដុល្លារ កើនឡើង១៦.២៩% ពី​មួយ​ឆ្នាំ​ទៅ​មួយ​ឆ្នាំ។

លោកបាននិយាយថា ការនាំចេញត្បូង និង​គ្រឿងអលង្ការ​នៅចន្លោះខែមករា និងខែមេសាឆ្នាំ​នេះ​មានតម្លៃ ២.៦៦ ពាន់លានដុល្លារ កើនឡើង ៥.៣៥% ពីមួយឆ្នាំទៅមួយ​ឆ្នាំ។ លោកបានបន្ថែមថា តម្លៃនៃការនាំចេញរួមទាំងមាសក្នុងរយៈពេល ៤ខែដំបូងមានតម្លៃ ៥.៣៩ ពាន់លានដុល្លារ ធ្លាក់ចុះ ១៨.០១% ពីមួយឆ្នាំទៅមួយឆ្នាំ។

លោក Sumed បានពន្យល់ថែមទៀតថា ទីផ្សារនាំចេញត្បូង និងគ្រឿងអលង្ការ​សំខាន់ៗជាច្រើន​របស់ប្រទេសថៃ​បានធ្លាក់ចុះនៃតម្រូវការ រួមទាំងសហរដ្ឋអាមេរិក (១០.៥៨%) អាល្លឺម៉ង់ (២០.៥៣%) ចក្រភពអង់គ្លេស (២០.៤៥%) បែលហ្សិក (១៦.០០%) ឥណ្ឌា (៦៩.៩៤% ) និង​ជប៉ុន (៣.៩៣%)។

ទោះបីជាយ៉ាងណាក៏ដោយ លោកបាននិយាយថា ការនាំចេញទៅកាន់ប្រទេសចំនួនបី គឺអ៊ីតាលី (៦១.៤៧%) ហុងកុង (១៦៩.១៩%) និងអារ៉ាប់រួម (៤៣.៦២%) បានកើនឡើង។

លោករំពឹងថា ការនាំចេញត្បូង និងគ្រឿងអលង្ការនឹងរងផលប៉ះពាល់ដោយកត្តាផ្សេងៗ ដូចជាវិបត្តិហិរញ្ញវត្ថុនៅសហរដ្ឋអាមេរិក និងអឺរ៉ុប និងការធ្លាក់ចុះនៃការស្ទុះងើបសេដ្ឋកិច្ចរបស់ប្រទេសចិន។ លោក​ក៏​រំពឹង​ថា​ សេដ្ឋកិច្ច​ពិភពលោក​នឹង​ងើប​ឡើង​វិញ​យឺត​ក្នុង​ឆមាស​ទីពីរ​នៃ​ឆ្នាំ​នេះ៕

ប្រែសម្រួល៖ សាង ស្រីល័ក្ខ

ប្រភព៖Nationthailand

ចុចអាន៖សារព័ត៌មានបរទេស ឃ្លាំមើលករណីស៊ើបអង្កេតលើលោក ភីថា ទាក់ទិន​ការកាន់កាប់ភាគហ៊ុនប្រព័ន្ធផ្សព្វផ្សាយ

The post ការនាំចេញត្បូង និងគ្រឿងអលង្ការរបស់ ថៃ ធ្លាក់ចុះយ៉ាងខ្លាំង ចំពេលពិភពលោកជួបវិបត្តិសេដ្ឋកិច្ច appeared first on Kampuchea Thmey Daily.

១. ត្បូង​ថ្មធម្មជាតិ turquoise ថាមពលនៃ​ភាពអត់ធន់ សុភាពរមទម្យ​អ្នកផងតាមយិតយោងស្រលាញ់ មានប្រភពមកពីTurkey។

២. ត្បូងថ្មធម្មជាតិ Rose Quartz ស្នេហា​ផ្អែមល្ហែមគាប់ចិត្ត ពេញលេញក្នុងឆាកជីវិត​។

៣. ត្បូង​ថ្ម ធម្មជាតិ​ Lapis Lazuli ពង្រឹងអំណាចនិងព្រហ្មវិហាធម៌ ប្រើសម្រាប់អ្នកធំមានបុណ្យសក្តិនិងបរិវា​រ។

៤. គជ់ ធម្មជាតិ Bamboo Pearl  ការពារអំពើ​មន្តអាគម ជួរសម្បួរ និងកែ​សុខភាពឱ្យប្រសើរឡើងវិញពេលមានជំម្ងឺតម្កាត់គួរយកមកក្បែរខ្លួន។

៥. គជ់ចិន Jade ត្រជាក់ត្រជុំគ្មានជម្លោះ​សុខដុមរមនា ថាមពល ទឹកដីភ្លើងខ្យល់ផ្តល់នូវតុល្យភាព​នៃជីវិត​និងការគិតពិចារណា។

៦. ត្បូងថ្មធម្មជាតិ Tiger eyes ការពារ​ការរំលោភលើវិញ្ញាណ ការចងអំពើទាក់ទងនិង​មុខរបរ​ចំណូល ឬបុណ្យសក្តិ។ វាជាថាមពលនៃអំណាច និង​លាភសាក្ការៈ។

៧. ត្បូងក្រហម ពីធម្មជាតិ Tanzania Garnet នាំថាមពលទ្រព្យ លុយកាក់សម្បូរហូរហៀរ តំាងពីចាប់រកគ្មាន​មួយសេនអាចកកើតមាន​ផ្ទះសម្បែង​ឡាននិងអចលនៈទ្រព្យជាច្រើនប្រភេទ​ដាក់ដុះដូចពាក្យចាស់ថា ត្បូងឈាមមាន់ នាំមកនូវកំណើតនៃសង្ហាវិជ្ជានិងសម្បត្តិហូរហៀរ៕

ស្រាវជ្រាវ៖ ឡាហ្សូលី

ចុចអាន៖ ថ្មធម្មជាតិ​ ៦០០០ ឆ្នាំ Lapis Lazuli នាំសំណាង យសស័ក្តិ និងការគោរពស្រលាញ់

ចុចអាន៖ មានអ្នកឈឺក្នុងផ្ទះ ​ សាកក្បួនហុងស៊ុយនេះ ក្រែងជួយបាន

The post ត្បូង៧ប្រភេទនេះ គួរមាន​ជាប់ខ្លួន​ក្នុងឆាកជីវិត appeared first on Kampuchea Thmey Daily.

សុបិន្តនៃការទទួលបានត្បូងទទឹមមកជាកម្មសិទ្ធិ
ប្រសិនបើសុបិនថា មាន​នរណាម្នាក់ផ្តល់អំណោយជាត្បូងទទឹមដល់អ្នក បង្ហាញថាមនុស្សដែលធ្វើដូច្នេះនឹងជួយស្ដារសណ្តាប់ធ្នាប់ដល់ជីវិតរបស់អ្នកក្នុងអនាគតដ៏ខ្លី។

សុបិនអំពីត្បូងទទឺមរងការបែកបាក់
ជាការព្រមានមួយដែលថា ប្រភេទនៃការរំខានមួយចំនួននឹងកើតឡើងនៅក្នុងជីវិតរបស់អ្នក។

ទទឹមក្លែងក្លាយឬបែកបាក់ ខូច បង្ហាញថាអ្នកកំពុងដោះស្រាយទិដ្ឋភាពនៃជីវិតដែលមើលទៅដូចជាកំពុងឃ្លាតឆ្ងាយពីការគ្រប់គ្រង។

រូបភាពជាទូទៅនៃត្បូងទទឹមក្នុងសុបិន

ត្បូងទទឹម ទោះជាទទេតែឯង ឬដាំជាមួយអល្លង្ការណាក្តី ក្នុងយល់សប្តិយើង គឺក្លាយជានិមិត្តរូបនៃសុភមង្គលដំណើរផ្សងព្រេង ការត្រាស់ដឹងនិងសេចក្តីស្រឡាញ់ ទ្រព្យ លាភ។

អ្នកណាបានឃើញ ត្បូងមរកតឬទទឹម ក្នុងក្តីសុបិន្តគឺជាសញ្ញាវិជ្ជមានបង្ហាញពីការកើនឡើងនូវឱកាស​មាន​ស្នេហានិងមនោសញ្ចេតនានៅក្នុងជីវិតរស់នៅផ្អែមល្ហែម ក៏ដូចជាការផ្លាស់ប្តូរជាវិជ្ជមានដែលកំពុងកើតឡើង។ ជារឿយៗត្បូងទទឹមត្រូវបានគេប្រើជាមធ្យោបាយដើម្បីទស្សន៍ទាយការមានកូន ឬអាពាហ៍ពិពាហ៍ក៏ដូចជាការមាន​សញ្ញាល្អនៃរឿងលុយកាក់ ប្រាក់រង្វាន់៕

គ្រូ ឯម

ចុចអាន៖ អត្ថន័យ​ដ៏​អស្ចារ្យ នៃ​សុបិន ​អំពី​ត្បូងកណ្ដៀង

The post ទទឹមគឺជាត្បូងដ៏កម្រលើផែនដីនិងមានឥទ្ធិពលខ្លាំងសូម្បីតែក្នុងសុបិនដែលឃើញ​ត្បូងនេះ appeared first on Kampuchea Thmey Daily.