ត្រាស់បង្គាប់ Archives - Kampuchea Thmey Daily

ឯកឧត្តម ឃួង ស្រេង ផ្ញើសារអបអរសាទរជូន សម្តេចវិបុលសេនាភក្តី សាយ ឈុំ ដែលត្រូវបានព្រះមហាក្សត្រ តែងតាំងជា ឧត្តមប្រឹក្សាផ្ទាល់ព្រះមហាក្សត្រ

Sorn Phanith — Tue, 02 Apr 2024 08:45:19 +0000

ឯកឧត្តម ឃួង ស្រេង អភិបាលរាជធានីភ្នំពេញ និងលោកជំទាវ បានផ្ញើសារអបអរសាទរ និងជូនពរ សម្តេចវិបុលសេនាភក្តី សាយ ឈុំ ដែលត្រូវបានព្រះមហាក្សត្រ ចេញព្រះរាជក្រឹត្យ ត្រាស់បង្គាប់តែងតាំងជាង ឧត្តមប្រឹក្សាផ្ទាល់ព្រះមហាក្សត្រ មានឋានៈស្មើ នាយករដ្ឋមន្ត្រី។

ឆ្លៀតក្នុងឱកាសដ៏ល្អប្រពៃថ្លៃថ្លានេះផងដែរ យើងខ្ញុំសូមសូមថ្លែងការសរសើរដោយសុទ្ធចិត្តបំផុតចំពោះ សម្តេចវិបុលសេនាភក្តី ជាថ្នាក់ដឹកនាំកំពូលដ៏ល្អប្រសើរ ជាទីគោរពស្រឡាញ់ដ៏ខ្ពង់ខ្ពស់របស់ប្រជាពលរដ្ឋ មានស្វាមីភក្តិចំពោះរាជបល្ល័ង្ក ការពារនិរន្តរភាពរាជានិយម នៃព្រះរាជាណាចក្រកម្ពុជា។

ជាថ្មីម្តងទៀត យើងសូមប្រសិទ្ធពរជ័យមហាប្រសើរជូនចំពោះ សម្តេចវិបុលសេនាភក្តី ព្រមទាំងក្រុមគ្រួសារ សូមបានសមប្រកបដោយព្រះពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឯកឧត្តម ឃួង ស្រេង ផ្ញើសារអបអរសាទរជូន សម្តេចវិបុលសេនាភក្តី សាយ ឈុំ ដែលត្រូវបានព្រះមហាក្សត្រ តែងតាំងជា ឧត្តមប្រឹក្សាផ្ទាល់ព្រះមហាក្សត្រ appeared first on Kampuchea Thmey Daily.

សម្តេចព្រះមហិស្សរា នរោត្តម ច័ក្រពង្ស់ ត្រូវបានដំឡើងព្រះឋានៈជាសម្តេចក្រុមព្រះ

Ken Malis — Tue, 23 Jan 2024 08:07:53 +0000

សម្តេចព្រះមហិស្សរា នរោត្តម ច័ក្រពង្ស់ ត្រូវបានព្រះមហាក្សត្រនៃកម្ពុជា ត្រាស់បង្គាប់ដំឡើងព្រះឋានៈជាសម្តេចក្រុមព្រះ នរោត្តម ច័ក្រពង្ស់។ នេះបើយោងតាមព្រះរាជក្រឹត្យរបស់ព្រះមហាក្សត្រ ចុះថ្ងៃទី២២ ខែមករា ឆ្នាំ២០២៤។

គួរជម្រាបថា សម្តេចព្រះមហិស្សរា នរោត្តម ច័ក្រពង្ស់ ជាបុត្រានៃព្រះបរមរតនកោដិ សម្តេចព្រះបាទ នរោត្តម សីហនុ អតីតព្រះមហាវីរក្សត្រនៃកម្ពុជា៕

The post សម្តេចព្រះមហិស្សរា នរោត្តម ច័ក្រពង្ស់ ត្រូវបានដំឡើងព្រះឋានៈជាសម្តេចក្រុមព្រះ appeared first on Kampuchea Thmey Daily.

ស្ថាបនិកក្រុមហ៊ុនអចលនទ្រព្យឃុន សឿគ្រុប ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ា

Kang Tola — Sat, 27 Feb 2021 12:37:17 +0000

លោកសឿ សុវណ្ណ ស្ថាបនិកនិងប្រធានក្រុមប្រឹក្សាភិបាលក្រុមហ៊ុនអចលនទ្រព្យ ឃុនសឿរៀលធី និងឃុនសឿគ្រុប ខូអិលធីឌី ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ាហើយ កាលពីថ្ងៃទី២៣ ខែកុម្ភៈ ឆ្នាំ២០២១។

លោកឧកញ៉ាសឿ សុវណ្ណ ត្រូវបានប្រភពមួយទម្លាយឲ្យដឹងថា គឺជាអ្នកជំនួញអចលនទ្រព្យល្បីឈ្មោះម្នាក់ ដោយលោកមានក្រុមហ៊ុនជាច្រើននៅក្នុងដៃ ដូចជាក្រុមហ៊ុនអចលនទ្រព្យឃុនសឿរៀលធី ដែលរកស៊ីលើគម្រោងឡូតិ៍និងផ្ទះល្វែង។ ឃុនសឿគ្រុប ខូអិលធីឌី និងក្រុមហ៊ុនសាងសង់យូនីប៊ីលខនស្ត្រាក់សិន ដែលទទួលម៉ៅការសាងសង់នូវគម្រោងអគារគ្រប់ប្រភេទ។ ក្រៅពីក្រុមហ៊ុនទាំង២នេះ តាមប្រភពដដែលបានទម្លាយថា លោកឧកញ៉ានៅមានមុខជំនួញជាច្រើនទៀតផងដែរ។

ក្រៅពីជំនាញខាងរកស៊ី លោកឧកញ៉ា ដែលមានកំណើតនៅក្នុងរាជធានីភ្នំពេញរូបនេះ ក៏ជាថ្នាក់ដឹកនាំម្នាក់ ដែលមានជំនាញគ្រប់គ្រងមនុស្សធ្វើឲ្យបុគ្គលិកគោរពស្រលាញ់លោកជាខ្លាំង។

ទន្ទឹមនោះដែរ លោកឧកញ៉ាក៏ធ្លាប់បានជួយដល់សង្គមជាច្រើនកន្លងមកដែរ ទើបនាំឲ្យលោកត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ ផ្ដល់គោរមងារជាឧកញ៉ាបែបនេះ៕

The post ស្ថាបនិកក្រុមហ៊ុនអចលនទ្រព្យឃុន សឿគ្រុប ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ា appeared first on Kampuchea Thmey Daily.

ស៊ន សៀវម៉ី ត្រូវបានតែងតាំងជាជំនួយការសម្តេចសាយ ឈុំ

Kang Tola — Tue, 02 Feb 2021 15:09:54 +0000

ភ្នំពេញ ៖ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់តែងតាំង ឯកឧត្តម យូ វីរៈ ជាទីប្រឹក្សាសម្តេចវិបុលសេនាភក្តី សាយ ឈុំ ប្រធានរដ្ឋសភានីតិកាលទី៤ មានឋានៈស្មើអនុរដ្ឋលេខាធិការ បន្ថែមលើមុខងារបច្ចុប្បន្នដោយពុំទទួលបានប្រាប់បំណាច់មុខងារ និងតែងតាំងលោកជំទាវ ស៊ន សៀវម៉ី ជាជំនួយការសម្តេចវិបុលសេនាភក្តី សាយ ឈុំ ប្រធានរដ្ឋសភានីតិកាលទី៤ មានឋានៈស្មើនឹង អគ្គនាយក បន្ថែមលើមុខងារបច្ចុប្បន្នដោយពុំទទួលបានប្រាក់បំណាច់មុខងារ នេះបើតាមព្រះរាជក្រឹត្យឡាយព្រះហត្ថលេខានៅថ្ងៃទី២ ខែកុម្ភៈ ឆ្នាំ២០២១នេះ។ ស៊ន សៀវម៉ី គឺជាកីឡាការិនីតេក្វាន់ដូល្បីឈ្មោះមួយរូប ដែលបានទទួលបានមេដាយច្រើនជូនជាតិមាតុភូមិ៕

ព្រះរាជក្រឹត្យមានដូចខាងក្រោមនេះ ៖

កែសម្រួលដោយ ៖ នាគព័ន្ធ

សូមចុចអាន ៖ ព្រះមហាក្សត្រ ព្រះរាជទានព្រះរាជសារអបអរសាទរ ឯកឧត្តម Joe Biden ក្លាយជាប្រធានាធិបតីទី៤៦ជាផ្លូវការរបស់សហរដ្ឋអាមេរិក

សូមចុចអាន ៖ ព្រះមហាក្សត្រ តែងតាំង ឯកឧត្តមបណ្ឌិត ពេជ សោភ័ន ជារដ្ឋមន្ត្រីប្រតិភូអមនាយករដ្ឋមន្ត្រីបន្ថែមលើមុខងារបច្ចុប្បន្ន

The post ស៊ន សៀវម៉ី ត្រូវបានតែងតាំងជាជំនួយការសម្តេចសាយ ឈុំ appeared first on Kampuchea Thmey Daily.

ត្រាស់បង្គាប់ Archives - Kampuchea Thmey Daily

សម្តេចព្រះមហិស្សរា នរោត្តម ច័ក្រពង្ស់ ត្រូវបានដំឡើងព្រះឋានៈជាសម្តេចក្រុមព្រះ

ស៊ន សៀវម៉ី ត្រូវបានតែងតាំងជា​ជំនួយការសម្តេចសាយ ឈុំ

ស៊ន សៀវម៉ី ត្រូវបានតែងតាំងជាជំនួយការសម្តេចសាយ ឈុំ