ជាមួយគ្នានេះ ត្រីរាប់ពានក្បាលផ្សេងទៀតក៏ងាប់ដែរដោយសារខ្វះអុកស៊ីសែន ។ ក្នុងចំណោមត្រីដូហ្វីនទាំងនោះ ខ្លះមានពណ៌ផ្កាឈូកទៀតផង ដែលជាពពួកត្រីដូហ្វីនកម្រ ។

នៅថ្ងៃទី២ ខែតុលា អ្នកជំនាញបានចុះទៅធ្វើកោសល្យវិច័យដោយស្លៀកសំលៀកបំពាក់ជិតៗ និងពាក់របាំងមុខផងដែរ ព្រោះតែក្លិនស្អុយសាកសពត្រីច្រើនពេក ។

មិនតែប៉ុណ្ណោះ ពួកគេបានឲ្យដឹងថា បើមិនមែនមកពីកម្ដៅនៃទឹកទេ វាអាចមកពីការឆ្លងមេរោគបាក់តេរី ដែលហូរពីទន្លេ Tefé ទៅក្នុងទន្លេ Amazon ហើយ ។ ប៉ុន្តែកម្ដៅទឹកគិតត្រឹមថ្ងៃអាទិត្យ ទី ១ ខែតុលា ឡើងដល់ទៅ ៣៧ អង្សាសេឯណោះ ។

ចំណែកឯសត្វដែលនៅសល់ ត្រូវបានវិទ្យាស្ថាន Chico Mendes របស់ប្រទេសប្រេស៊ីលជួយសង្គ្រោះ ។ យ៉ាងណាមិញពួកវាមិនទាន់អាចប្ដូរឲ្យទៅនៅកន្លែងត្រជាក់នៅឡើយទេ លុះត្រាអ្នកស្រាវជ្រាវច្រានចោលការស្លាប់ដោយសារបាក់តេរីសិន ៕

ប្រែសម្រួល៖ វារី

ប្រភព៖ CNA

ចុចអាន៖ ប្រទះឃើញសាកសពអណ្ដើកកម្រនៅឆ្នេរសមុទ្រ វៀតណាម ខាងត្បូង

The post ត្រីដូហ្វីនជាង ១០០ ក្បាល ងាប់នៅអាម៉ាហ្សូន សង្ស័យមកពីការឡើងកម្ដៅទឹក appeared first on Kampuchea Thmey Daily.

ពេលបញ្ចេញសំឡេងទៅកាន់កូនៗ ត្រីដូហ្វីនជាមេហួចបង្កើតសំឡេងខ្ពស់ជាងធម្មតា បើយោងតាមការសិក្សាដែលបានចេញផ្សាយនៅក្នុងទស្សនាវដ្ដី Proceedings of the National Academy of Sciences ។

ចំពោះការរកឃើញនេះ អ្នកវិទ្យាសាស្ត្រជឿជាក់ថា ជាវិធីដែលត្រីដូហ្វីនបង្រៀនកូនឲ្យឆាប់ចេះទាក់ទងគ្នា ។ ត្រឡប់ទៅកាន់ការស្រាវជ្រាវនៅអំឡុងឆ្នាំ ១៩៨០ វិញ គេរកឃើញថា កូនក្មេងចាប់អារម្មណ៍សំឡេងខ្ពស់ជាងធម្មតាស្រដៀងកូនត្រីដូហ្វីនដែរ ។

ជីវវិទូសមុទ្រគិតថាវាជារឿងសំខាន់ណាស់សម្រាប់កូនត្រីដូហ្វីន ក្នុងការបែងចែកពេលមេកំពុងនិយាយជាមួយវា ឬនិយាយជាមួយត្រីពេញវ័យផ្សេងៗ ៕

ប្រែសម្រួល៖ វារី

ប្រភព៖ NBC

ចុចអាន៖ ការពិតសាហាវៗពីត្រីដូហ្វីន ៧ ចំណុចមនុស្សគួរស្វែងយល់

The post ការស្រាវជ្រាវថ្មី៖ ត្រីដូហ្វីននិយាយជាមួយកូនដោយប្រើសំឡេងញ៉ិកញ៉ក់ appeared first on Kampuchea Thmey Daily.

១. ជាអ្នកប្រមាញ់ទ្រង់ទ្រាយធំ

ពួកវារៀបចំក្រុមប្រមាញ់ដើម្បីចេញរកអាហាររួមមានត្រី បង្គារ និងមឹកជាដើម ជាមធ្យមត្រីដូហ្វីនមានទម្ងន់ប្រហែល ១១០ គីឡូក្រាម ហើយស៉ីអាហារមួយថ្ងៃ ១៥ គីឡូក្រាម ។

២. ចេះបែងចែកទឹកដី

ដូហ្វីនបែងចែកទឹកដីដើម្បីដណ្ដើមញីទុករួមភេទ និងប្រមាញ់ចំណីអាហារ បើសិនសត្វណាហ៊ានបំពានទឹកដីម្ខាងទៀតនឹងមានបញ្ហាដល់ជីវិតជាមិនខាន ។

៣. សត្វគ្រោះថ្នាក់បំផុត

ត្រីដូហ្វីនមានសាច់ដុំរឹងមាំ បូករួមជាមួយខួរក្បាលឆ្លាតវៃដែលធ្វើឲ្យមនុស្សចង់សិក្សានិងគ្រប់គ្រងវា ។

៤. មានអារម្មណ៍ផ្លូវភេទផ្ដេសផ្ដាស

សម្រាប់សត្វការរួមភេទគឺដើម្បីបន្តពូជ រីឯដូហ្វីនវិញរួមភេទដើម្បីអារម្មណ៍សុខស្រួល ដូច្នេះវាតែងតែត្រដុសប្រដាប់ភេទទៅនឹងវត្ថុ ឬ សត្វត្រីងាប់ លើសពីនេះវាធ្វើបាបអន្ទង់ខ្សោយៗដោយយកមករុំជុំវិញប្រដាប់ភេទទៀតផង ។

៥. មិនដេកបាន ៥ ថ្ងៃ

ទោះបីមិនបានដេក ៥ ថ្ងៃត្រីដូហ្វីននៅតែខ្លាំងមិនបាត់បង់ស្មារតីសូម្បីបន្តិចហើយក៏មិនដេកសងដែរ ។

៦. រំលោភបំពានផ្លូវភេទ

ជួនកាលពួកវាព្រួតគ្នាចាប់ត្រីញីរំលោភនិងប្រើអំពើហិង្សាជាក្រុមរាប់សប្ដាហ៍ឯណោះ រហូតដល់ឆ្អែតឆ្អន់ទើបដោះលែង ។

៧. ជាឃាតក

ត្រីនេះចូលចិត្តសម្លាប់សត្វទុកជាការកម្សាន្ត ពេលខ្លះវាសម្លាប់កូនត្រីដូហ្វីនដើម្បីបន្តពូជជាមួយម្ដាយដែលកូនងាប់ ។

សរុបមកត្រីដូហ្វីនដែលធ្លាប់តែជាមិត្តល្អរបស់មនុស្សក៏មានចំណុចអាក្រក់ច្រើនមិនតិចដែរ ដូច្នេះអត្ថបទខាងលើនេះអាចធ្វើឲ្យមនុស្សមួយចំនួនមិនពេញចិត្តត្រីដូហ្វីនបន្តទៀតក៏ថាបាន ៕

ប្រែសម្រួល ៖​ វារី

ចុចអាន ៖ មកដឹងពីរឿងគួរឲ្យចាប់អារម្មណ៍ ១១ ចំណុចពីខ្ញែរសមុទ្រ

ចុចអាន ៖ មកស្គាល់សត្វ Capybara រួសរាយជាងគេបំផុតនៅលើពិភពលោក

The post ការពិតសាហាវៗពីត្រីដូហ្វីន ៧ ចំណុចមនុស្សគួរស្វែងយល់ appeared first on Kampuchea Thmey Daily.

ចាប់តាំងពីឆ្នាំ ២០១៦ មក Woo និងក្រុមការងាររបស់នាងកំពុងធ្វើការត្រួតពិនិត្យសូរស័ព្ទនៅទីតាំងជាច្រើនក្នុងតំបន់ ហើយរកឃើញថាការរំខានដោយសម្លេងរួមមាន សំឡេងរោទិ៍នៃម៉ាស៊ីនបូមទឹក ការខួងនាវាមុជទឹក ទូកនេសាទឧស្សាហកម្ម បានបង្រួញប្រព័ន្ធទាក់ទងរបស់សត្វដល់ទៅ ៤៥ភាគរយ។ អ្នកដឹងទេថា ត្រីដូហ្វីនពឹងផ្អែកលើសំលេងដើម្បីរកស៊ី ទំនាក់ទំនង និងស្វែងរក ជាពិសេសវាងាយរងឥទ្ធិពលពីសម្លេងខ្លាំងៗណាស់ដែលអាចធ្វើឲ្យវាថ្លង់និងស្លាប់យ៉ាងងាយ។ ជាលទ្ធផល ត្រីផ្សោតក្នុងហុងកុងពីរប្រភេទ Sousa chinensis និង Indo-Pacific finless porpoise (Neophocaena phocaenoides) ត្រូវបានគេវាយតម្លៃថា “ងាយរងគ្រោះ” ក្នុងបញ្ជីក្រហមរបស់ IUCN តាំងពីឆ្នាំ ២០១៧។

ជាក់ស្ដែង ស្ពានហុងកុង-ជូហៃ-ម៉ាកាវ ប្រវែង ៣៤ម៉ាយ ដែលជាស្ពានឆ្លងកាត់សមុទ្រវែងជាងគេលើពិភពលោក គឺជាសំណង់​ប្រើរយៈពេល​មួយ​ទសវត្សរ៍​ដើម្បីសាងសង់​បាន​បង្កើត​ឲ្យ​មាន​ការ​បំពុល​ដោយ​សំឡេង​ជា​ច្រើន​ទៅ​ក្នុង​សមុទ្រ។ Doris Woo បានបន្តថា “សំណង់​នេះ​បាន​បង្ក​ការ​ខូច​ខាត និង​រអាក់រអួល​យ៉ាង​ខ្លាំង ប៉ុន្តែ​យើង​មិន​ទាន់​យល់​ច្បាស់​ពី​ទំហំ​របស់​វា​នៅ​ឡើយ​ទេ ហើយអ្វីៗនឹងកាន់តែយ៉ាប់ទៅៗ”។

យ៉ាងណាមិញ អង្គការ WWF បានស្នើសុំការគ្រប់គ្រងសំលេងរំខានជាច្រើនដូចជា ការហាមឃាត់ការសាងសង់នៅក្នុងតំបន់ជម្រកសត្វផ្សោត ការស្ដារឡើងវិញនូវឆ្នេរសមុទ្រផ្អែកលើធម្មជាតិ បង្ក្រាបការនេសាទខុសច្បាប់ ការដាក់កម្រិតល្បឿនលើសាឡាង និងកាត់បន្ថយភាពញឹកញាប់នៃការធ្វើដំណើរ៕

ប្រែសម្រួលដោយ៖ វារី

ចុចអាន៖ ខេត្ត​ស្ទឹងត្រែង​ជាប់​ដង​ទន្លេ​ចំនួន ៤ មាន​សត្វ​ផ្សោត​កម្រ​បំផុត​លើ​ពិភពលោក

ចុចអាន៖ មកដឹងពីប្រភេទសត្វល្មោភដេក និងមិនចូលចិត្តដេកទាល់តែសោះ

The post ត្រីដូហ្វីននៅ ហុងកុង កំពុងប្រឈមមុខនឹងការដាច់ពូជ appeared first on Kampuchea Thmey Daily.