​លោក ពុំ សុថា ​ប្រធានរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ​ ប្រាប់កម្ពុជាថ្មី នៅថ្ងៃទី ២៣ ខែធ្នូ ឆ្នាំ ២០២៥ ថា ត្រីទើបចាប់ផ្ដើមចុះតិចៗ ខណៈទិន្នផលត្រីនារដូវឆ្នាំថ្មីនេះ អាច​នឹង​ទទួលបានច្រើនជាងឆ្នាំមុន ដោយ​សារ​ការបង្ក្រាបបទល្មើស និងមានការចូលរួមពីមហាជន ក៏ដូច​ជាការចូលរួមពីកងកម្លាំងប្រដាប់អាវុធ។​

​លោក ពុំ សុថា បញ្ជាក់ថា៖ «មហាជនចូលរួមច្រើនមែនទែន ទាំងការលែងត្រីកម្រ ផ្ដល់ព័ត៌មាន​បទ​ល្មើស​កន្លែងនេះ កន្លែងនោះ»។

សម្រាប់ព្រឹកថ្ងៃទី ២៣ ខែធ្នូនេះ ត្រីចាប់ផ្ដើមត្រូវដោយលើកដាយម្ដងរយៈពេលមួយម៉ោងបានប្រមាណ ៧០០ គីឡូក្រាម ទៅ មួយតោន ដែលភាគច្រើនជាប្រភេទត្រីស្លឹកឫស្សី។

​យោងតាមរដ្ឋបាលជលផលនៅក្នុងឆ្នាំ ២០២៤ ផលនេសាទ និងវារីវប្បកម្មកម្ពុជា សម្រេច បាន សរុបចំនួន ៩២៦ ៩៣៤តោន កើនឡើង ៦០ ៦៨៤តោន ស្មើនឹង៧ ភាគរយ បើ​ធៀប​​ទៅនឹង ឆ្នាំ២០២៣។ 

​ក្នុងនោះ ផលនេសាទទឹកសាបទទួលបាន ៤៦៧ ៣៤៤តោន ផល​នេសាទ​សមុទ្រទទួល​បាន ១៣៩ ៣១០តោន និងផលវារីវប្បកម្ម ៣២០ ២៨០តោន៕​

The post ​រដូវ​ត្រី​ប្រហុក​ចាប់ផ្ដើម​មាន​បណ្ដើរៗ​ appeared first on Kampuchea Thmey Daily.

លោករដ្ឋមន្ត្រីលើកឡើង​ក្នុងពេលចុះពិនិត្យមើលការប្រមូលផលត្រីប្រហុកនៅដាយត្រី ស្ថិតក្នុង​ភូមិ​តាពៅ ឃុំកោះចិន ស្រុកពញាឮ ខេត្តកណ្ដាល នៅព្រឹកថ្ងៃទី ០៩ ខែមករា ឆ្នាំ ២០២៥។

លោករដ្ឋមន្ត្រីលើកឡើងថា៖ «ឆ្នាំនេះ ការនេសាទរបស់យើងទទួលបានផលច្រើន ដោយសារការខិតខំប្រឹងប្រែង ការពារធនធានធម្មជាតិរបស់យើងនេះឯង ហើយ​​ក៏ជា​ការចូលរួមរបស់យើងទាំងអស់គ្នា ក៏ដូចជា​ប្រ​​ជា​នេសាទមួយចំនួន យើងឃើញថា ពេលចាប់​បានត្រីកម្រមួយចំនួនក៏តែងពន្លែងទៅវិញ​ កន្លែងដែលយើងកំណត់ថាផលត្រីបានច្រើន មិនច្រើន​ហ្នឹងគឺនៅដាយរបស់យើង ដោយសារតែរាល់ឆ្នាំយើងពិនិត្យមើលចរាចររស់វា យើង​ពិនិត្យ​ឃើញថា ការចាប់ត្រីបានច្រើន ឃើញថាបានច្រើនមានន័យថា ត្រីបានកើតច្រើន ហើយបម្លាស់​ទី​ពីបឹងទន្លេសាបទៅទន្លេមេគង្គ»។

យោងតាមរដ្ឋបាលជលផលនៅក្នុងឆ្នាំ ២០២៤ ផលនេសាទ និងវារីវប្បកម្មកម្ពុជា សម្រេច បាន សរុបចំនួន ៩២៦ ៩៣៤តោន កើនឡើង ៦០ ៦៨៤តោន ស្មើនឹង៧ ភាគរយ បើ​ធៀប​​ទៅនឹង ឆ្នាំ២០២៣។ 

ក្នុងនោះ ផលនេសាទទឹកសាបទទួលបាន ៤៦៧ ៣៤៤តោន ផល​នេសាទ​សមុទ្រទទួល​បាន ១៣៩ ៣១០តោន និងផលវារីវប្បកម្ម ៣២០ ២៨០តោន៕

The post ទិន្នផលត្រីប្រហុកឆ្នាំនេះ កើនឡើងប្រមាណ​១០% appeared first on Kampuchea Thmey Daily.

រដ្ឋបាលជលផល បានប្រកាសថា៖ «ក្នុងរដូវនេសាទឆ្នាំ ២០២៤-២០២៥ តាមការសង្កេត បន្ទាប់ពីខ្នើតខែមិគសិរកន្លងមកនេះ ត្រីក៏បន្តបន្លាស់ទីចេញពីបឹង ទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់ ដែលអំណោយផលដល់ការធ្វើនេសាទបានត្រីច្រើន ជាពិសេសគន្លងដាយត្រីតាមដងទន្លេសាបនៅក្នុងភូមិសាស្ត្រខេត្តកណ្តាល និងរាជធានីភ្នំពេញ ចាប់ពីថ្ងៃព្រហស្បតិ៍ ៤ កើត ដល់ថ្ងៃទស្រុក ១២ កើត ខែបុស្ស ត្រូវនឹងថ្ងៃទី ២ ដល់ថ្ងៃទិ ១០ ខែមករា ឆ្នាំ ២០២៥ ក្នុងករណីមេឃស្រឡះ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀង»។

រដ្ឋបាលជលផលក៏បានអំពាវនាដល់ប្រជាពលរដ្ឋ ដែលមានបំណងធ្វើប្រហុក ផ្អក ត្រីឆ្អើរ ឬទឹកត្រី រួសរាន់មកទិញត្រីតាមពេលវេលា និងទីន្លែងដែលបានជំរាបជួន។

យោងតាមរដ្ឋបាលជលផល នៅក្នុងឆ្នាំ ២០២៤ ផលនេសាទ និងវារីវប្បកម្មកម្ពុជាសម្រេចបានសរុបចំនួន ៩២៦ ៩៣៤តោន កើនឡើង ៦០ ៦៨៤តោន ស្មើនឹង៧ ភាគរយ បើ​ធៀប​​ទៅនឹង ឆ្នាំ២០២៣។ 

ក្នុងនោះ ផលនេសាទទឹកសាបទទួលបាន ៤៦៧ ៣៤៤តោន ផល​នេសាទ​សមុទ្រទទួល​បាន ១៣៩ ៣១០តោន និងផលវារីវប្បកម្ម ៣២០ ២៨០តោន៕

The post ត្រីប្រហុកចាប់ផ្ដើមត្រូវម្ដងទៀត ចាប់ពីថ្ងៃនេះ appeared first on Kampuchea Thmey Daily.

លោករដ្ឋមន្ត្រីបានលើកឡើងនៅក្នុងពិធីបិទកិច្ចប្រជុំបូកសរុបការងារអនុវិស័យជលផលឆ្នាំ២០២៤​ នៅថ្ងៃទី ២៥ ខែធ្នូ នេះថា៖ «រាល់ឆ្នាំ នៅពេលរដូវដាយត្រី យើងតែងតែដាក់មើលថាបើសិនជាផលយើងចាប់បានពីការចល័តនេះច្រើន មានន័យថាផលត្រីកើនច្រើន អញ្ចឹងឆ្នាំនេះ មើលឃើញជាក់លាក់ ផលត្រីកើនច្រើន ទាំងអស់នេះ គឺជា ភោគផលនៃការខំប្រឹងប្រែង​របស់យើង មួយឆ្នាំកន្លងទៅ ប៉ុន្តែមិនមែនតែមួយឆ្នាំទេ គឺច្រើនឆ្នាំហើយតាមពិត ហើយ​ការងារវិស័យកសិកម្ម ដូច្នេះឯង វិនិយោគយូរអង្វែង ចង់បានផ្លែឈើមួយដាំពីគ្រាប់ទៅ ចាំបួនប្រាំឆ្នាំ ជលផលក៏ដូចគ្នា យើងចាប់ផ្ដើមថែរក្សា ការពារ ផលផ្ដល់ឱ្យយើងមើលឃើញជាក់ស្ដែង»។

លោក ឌិត ទីណា រដ្ឋមន្រ្តីក្រសួងកសិកម្ម បានកោតសរសើរ និងវាយតម្លៃខ្ពស់​នូវកិច្ចខិតខំប្រឹងប្រែង និងការយកចិត្តទុកដាក់អនុវត្តការងារជាក់ស្តែងរបស់ថ្នាក់ដឹកនាំ និងមន្រ្តីរាជការគ្រប់ជាន់ថ្នាក់នៃរដ្ឋបាលជលផល ជាពិសេសការងារអភិរក្សធនធានជលផល និងធនធានកម្រទឹកសាប និងសមុទ្រ រហូតទទួទលបានលទ្ធផលជាវិជ្ជមាន​ តាមរយៈការវិល​ត្រលប់​​មកវិញនូវអណ្តើកហ្លួង ផ្សោតទន្លេមេគង្គ ផ្សោតឃ្លៀច ផ្សោតផ្កាឈូក ជ្រូកទឹកជាដើម ដែលសុទ្ធសឹងតែជាធនធានជលផលកម្រ និងខ្លះកំពុងរងគ្រោះជិតផុតពូជ។

លោករដ្ឋមន្ត្រី​បានលើកឡើងពីគោលនយោបាយ​អាទិភាពក្នុងវិស័យកសិកម្មក្នុង​ធានាឱ្យបាននូវសន្តិសុខស្បៀង​ និងនិរន្តរភាពសេដ្ឋកិច្ច​ និងបរិស្ថាន ធ្វើយ៉ាងណាឱ្យប្រជាពលរដ្ឋ​ មានហូប​ មានប្រើ​ មានបាន​ និងមានរហូត​។

បើតាមលោករដ្ឋមន្ដ្រី រដ្ឋបាលជលផលត្រូវស្វែងយល់ និងកំណត់ទិសដៅ ពីដំណាក់កាលនីមួយៗ​ឱ្យបាន​ច្បាស់លាស់​ និងត្រូវចេះច្នៃប្រឌិត ក្នុងគោលដៅជួយលើកកម្ពស់ប្រជានេសាទ ឱ្យមានហូប​គ្រប់គ្រាន់តាមរយៈការធ្វើនេសាទ និងមានបានតាមរយៈការជំរុញការងារវារីវប្បកម្ម ព្រមទាំងអាចកែច្នៃ​ផលិតផល ប្រកបដោយគុណភាពល្អ មានអនាម័យ សុវត្ថិភាព និងមានតម្លៃបន្ថែមខ្ពស់។

ពាក់ព័ន្ធនឹងការងារចុះបង្ក្រាប លោករដ្ឋមន្រ្តី បានលើកទឹកចិត្តដល់ថ្នាក់ដឹកនាំថ្នាក់ជាតិ ថ្នាក់ក្រោមជាតិ និងដៃគូភាគីពាក់ព័ន្ធទាំងអស់ ត្រូវចូលរួមសហការគ្នាក្នុងការបង្រ្កាប​បទល្មើសខុសច្បាប់នានាទាំងសកម្មភាពជាក់ស្តែង និងនៅតាមទីផ្សារ ដោយត្រូវធ្វើការ​ណែនាំដល់ប្រជានេសាទ ផ្លាស់ប្តូរទម្លាប់មកជាការនេសាទស្របច្បាប់ មានការកំណត់ឧបករណ៍ត្រឹមត្រូវ​ យល់ដឹងពីការព្រលែងនូវប្រភេទសត្វកម្រ និងការនេសាទឆ្ងាយពីតំបន់ត្រីមេពូជ ដើម្បីនិរន្តរភាពធនធានជលផល និងជាគុណប្រយោជន៍របស់ប្រជាពលរដ្ឋទូទាំងប្រទេស។

លោករដ្ឋមន្រ្តី បានផ្តល់អនុសាសន៍ត្រូវយកចិត្តទុកដាក់ជំរុញការងារវារីវប្បកម្ម កៀរគរគម្រោង និងវិស័យឯកជន ចូលរួមវិនិយោគ ដោយសហការផ្តល់ជំនួយបច្ចេកទេស សំដៅដល់ការអភិវឌ្ឍវារីវប្បកម្មគ្រប់ប្រភេទ ការ​ងារធាតុចូលជលផល និងតម្រូវការហេដ្ឋារចនាសម្ព័ន្ធនានា។

ការថ្លឹងថ្លែងពីតម្រូវការ និងការផ្គត់ផ្គង់ឱ្យបានច្បាស់លាស់​ត្រឹមត្រូវ ពង្រឹងនូវខ្សែចង្វាក់តម្លៃដោយផ្សាភ្ជាប់ជាមួយវិស័យឧស្សាហកម្ម​ ពាណិជ្ជកម្ម​ និងទីតាំងម្ហូបអាហារនានា ក៏ជាការងារសំខាន់ដែលរដ្ឋបាលជលផល​ត្រូវយកចិត្តទុកដាក់៕

The post រដ្ឋមន្ត្រីអះអាង ផលត្រីកើនឡើង ជាសមិទ្ធផលនៃការខិតខំប្រឹងប្រែងរបស់មន្ត្រី appeared first on Kampuchea Thmey Daily.

ជា​មួយ​គ្នា​នេះ ប្រជា​នេសាទ បាន​បន្ត​ថា «ឆ្នាំ​នេះ​មិន​មាន​បញ្ហា​អ្វី​នោះ​ទេ គឺ​អាច​ទប់ទល់​សេដ្ឋកិច្ច​គ្រួសារ​បាន​ល្អ​ តែ​ហត់​នឿយ​បន្តិច​ជីវិត​អ្នក​ធ្វើ​ប្រហុក ផ្អក និង​ត្រី ឆ្អើ។ ទីផ្សារ​ក៏ល្អ​ដែរ ពួកខ្ញុំធ្វើប្រហុក ផ្អក គឺ​ឆ្ងុយឆ្ងាញ់​ណាស់ គឺ​ធ្វើ​តាម​របៀប​ពី​ដូនតា មិន​យក​​សារធាតុ​គី​មី​ដាក់​​សម្រាប់​រក្សារទុកនោះទេ គឺតាមបែប​ទម្លាប់​​ដូនតា​ដែល​ធ្វើឡើង​​តាម​ធម្មជាតិ​ប៉ុណ្ណោះ»។

ប្រជានេសាទ រស់នៅក្នុងឃុំ​កោះ​ជីវាំង អ្នកស្រី ផ្លាង វណ្ណះ បាន​ឲ្យដឹង​ដែរ​ថា ឆ្នាំណា​ក៏​ក្រុមគ្រួសារអ្នកស្រីធ្វើ ប្រហុក ផ្អក ដែរ តែឆ្នាំនេះ ធ្វើបាន​ច្រើនគ្រាន់បើ ហើយ​ទីផ្សារ​ក៏ល្អ ព្រោះ​ប្រហុក ផ្អក អ្នក​ស្រី​ឆ្ងុយឆ្ងាញ់ ហើយ​មិនខ្មៅ ធ្វើសាច់ត្រីបាន​ស​ល្អមើលទៅគួរឲ្យចង់បរិភោគ។

អ្នកស្រីបន្តថា «ជីវិភាពគ្រួសារខ្ញុំ មិនមានការ​ខ្វះខាត​ដូច​គ្រាមុន​នោះទេ ក្រោយ​ពី​រាជរដ្ឋាភិបាល​កាត់ឆ្វៀល​ដីឲ្យបាន ១រ៉ៃ ក្រៅ​ពីរដូវ​ធ្វើប្រហុក ផ្អក នៅរដូវសម្រក​ខ្ញុំ​ដាំម្ទេសអាចម៌​សត្វលក់បន្ទាប់បន្សំថែមទៀត»។

មិនខុសប៉ុន្មានពីក្រុមគ្រួសារអ្នកស្រី សារ៉ាន់ នោះ​ប៉ុន្មាន​ទេ អ្នកស្រី សារ៉ាត់ ប្រាប់ថា «ត្រី​ឆ្អើ​ខ្ញុំ ឆ្នាំ​នេះ​ធ្វើបាន​ច្រើន​គ្រាន់បើដែរ ឆ្នាំនេះខ្ញុំក៏​បាន​ធ្វើផ្អកខ្លះ​ ប្រហុកខ្លះដែរ តែ​មិនច្រើន ព្រោះខ្ញុំរវល់ធ្វើត្រីឆ្អើច្រើនជាងឆ្នាំមុន ហើយទីផ្សារក៏​មិនសូវប្រឈម។

អ្នកស្រី​បន្តថា ចំណូលគ្រាន់បើដែរ ហើយ​ផុតរដូវធ្វើត្រីឆ្អើ និងប្រហុក ផ្អក ចូលដល់រដូវសម្រក អ្នក​ស្រី​ក៏​បន្ត​ដាំម្ទេសអាចសត្វ​ទៀត ព្រោះ​ក្រុមគ្រួសារ​របស់​អ្នក​ស្រី ក៏​ត្រូវ​បានរដ្ឋាភិបាលកាត់ដីឲ្យបាន ២ រ៉ៃ ដែរ ទើប​បានមាន​ចំណូល​បន្តពីមុខរបរនេសាទនេះ។

ជុំវិញ​មុខរបរធ្វើប្រហុក ផ្អក របស់ប្រជាពលរដ្ឋនេះ លោក ជួង សុភា នាយ​ខ័ណ្ឌរដ្ឋបាល​ជលផលខេត្ត បានឲ្យដឹងថា នៅ​ឆ្នាំនេះ លោកមិន​​ទាន់​បានសរុបរបាយការណ៍នៅឡើយ រហូត​ដល់ថ្ងៃទី១៥ ខែធ្នូ ទើបធ្វើ​របាយការណ៍​បញ្ចប់។ ប៉ុន្តែលោកថា បើតាម​ពិនិត្យ​និងធ្វើ​ការ​សន្និដ្ឋាន​ត្រួសៗ កំណើន​ត្រីសាច់​ឆ្នាំនេះ ត្រីធម្មជាតិ​បានកើន​ប្រមាណ ៥ ភាគរយ និង​ត្រី​តាមស្រែ មាន​ចំនួន​ប្រហាក់ប្រហែលឆ្នាំមុន ចំណែកខាង វារីវប្បកម្ម មានការថយចុះ ដោយសារតែកំណើនត្រីធម្មជាតិបានកើនឡើង៕

អត្ថបទ៖ សៅ សារិទ្ធ

The post ពលរដ្ឋថា ឆ្នាំនេះប្រហុក ផ្អក និង ត្រីឆ្អើ ហាក់មិនប្រឈមការខ្វះខាត ខណៈទីផ្សារក៏ល្អជាងឆ្នាំមុន appeared first on Kampuchea Thmey Daily.

លោក ឈុន ហាំងតុង ប្រធានអង្គភាពនេសាទរដ្ឋកណ្តាលស្ទឹង នៃក្រសួងកសិកម្ម រុក្ខាប្រមាញ់ និងនេ​សាទ​ ប្រាប់កម្ពុជាថ្មីថា ត្រីចាប់ផ្ដើមត្រូវច្រើនរយៈពេល ៣ ថ្ងៃហើយ ពោលគឺចាប់តាំងពីថ្ងៃទី ០៧ ខែធ្នូ ឆ្នាំ ២០២៤។

លោក ឈុន ហាំងតុងបានអះអាងថា ស្ថានភាពត្រីតាមដាយ មានកំណើន ដោយសារតែការបង្ក្រាបបទល្មើស និងទឹកធំជាងឆ្នាំមុន។ ជាមធ្យម រយៈពេល ១ ម៉ោង ត្រីចូលដាយប្រមាណ ៧០០ ទៅ ៨០០ គីឡូក្រាម អាស្រ័យលើអាកាសធាតុ អាចដល់១ តោន។

តម្លៃធូរថ្លៃជាងឆ្នាំមុនពី ៧០០ រៀល ដល់ ៨០០ រៀល ក្នុងមួយគីឡូក្រាម ដែលតម្លៃលើកពីដាយ ខណៈឈ្មួញយកទៅលក់បន្តតាមប្រភេទត្រី តូច ធំ។

រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ត្រីប្រហុកចាប់ផ្ដើមត្រូវចាប់ពីថ្ងៃទី ០៨ រហូតដល់ថ្ងៃទី ១៣ ខែធ្នូ ឆ្នាំ ២០២៤ ខណៈត្រី​ចាប់​ផ្ដើមបន្លាស់ទីចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ នៅក្នុងភូមិសាស្ត្រខេត្តកណ្ដាល រាជធានីភ្នំពេញ។

រដ្ឋបាលជលផលក៏ប្រកាសដល់ពលរដ្ឋដែលមានបំណងធ្វើប្រហុក ផ្អក ត្រីឆ្អើ ឬទឹកត្រីរួសរាន់ទៅទិញត្រីតាមពេលវេលាដែលបានបញ្ជាក់ជូន។

ការប្រមូលផលត្រីទឹកសាបសម្រេចបានជាង ៤២ ម៉ឺនតោន (៤២៦ ៧៥០) នៅក្នុងឆ្នាំ ២០២៣ មានការកើនឡើង ៥%៕

អត្ថបទ៖ ឡេង ដេត

The post ទិន្នផលត្រីកើនឡើងជាងឆ្នាំមុន ខណៈតម្លៃក៏ទាប appeared first on Kampuchea Thmey Daily.

រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា៖ «ក្នុងរដូវនេសាទ ឆ្នាំ ២០២៤-២០២៥ ត្រីចាប់ផ្ដើមបន្លាស់ទីចេញពីបឹងទន្លេសាប ទន្លេមេគង្គ និងទន្លេបាសាក់ ដែលអំណោយផលដល់ការធ្វើនេសាទបានត្រីច្រើន ជាពិសេសគន្លងដាយត្រី​តាមដង​ទន្លេសាបនៅក្នុងភូមិសាស្ត្រខេត្តកណ្ដាល រាជធានីភ្នំពេញ ចាប់ពីថ្ងៃអាទិត្យទី ០៨ ដល់ថ្ងៃទី ១៣ ខែធ្នូ ឆ្នាំ ២០២៤ក្នុងករណីមេឃស្រឡះល្អ គ្មានភ្លៀងកក់ខែ ឬមិនទទួល​រងនូវ​ឥទ្ធិពល​ភ្លៀង»។

រដ្ឋបាលជលផលក៏ប្រកាសដល់ពលរដ្ឋដែលមានបំណងធ្វើប្រហុក ផ្អក ត្រីឆ្អើ ឬទឹកត្រីរួសរាន់ទៅទិញត្រីតាមពេលវេលាដែលបានបញ្ចាក់ជូនខាងលើ៕

The post រដូវត្រីប្រហុកចាប់ផ្ដើមត្រូវចាប់ពីថ្ងៃស្អែក appeared first on Kampuchea Thmey Daily.

លោក តុន ណៃ អ្នក​គ្រប់គ្រង​ផ្នែក​អេកូទេសចរណ៍​ដែន​បឹង​ទន្លេសាប ក្នុង​តំបន់​ភូមិ​ព្រែក​ទល់ប្រាប់កម្ពុជាថ្មីថា ឆ្នាំនេះ​ក៏មិន​ខុសឆ្នាំមុនដែរ ប្រជាពលរដ្ឋ​នៅ​ក្នុង​តំបន់​ភូមិ​ព្រែកទល់ ក៏​ដូច​ជា​ភូមិ​ផ្សេងៗ​ទៀត​ ស្ថិតក្នុងឃុំ​កោះ​ជីវាំង ស្រុក​ឯកភ្នំ ខេត្តបាត់ដំបង បាន​ពឹងផ្អែក​សេដ្ឋកិច្ច​គ្រួសារ​ទៅលើមុខ​របរ​នេសាទ​ត​ជំនាន់​ជា​លក្ខណៈ​គ្រួសារ​ជា​រៀងរាល់​ឆ្នាំ ដោយ​ចាប់ពី​ខែធ្នូ មកដល់ខែ​មេសា គ្រួសារ​នីមួយៗ ​មមាញឹក​ក្នុង​ការ​នេសាទប្រភេទ​ត្រី​ធ្វើ​ប្រហុក ផ្អក ត្រីឆ្អើ ដើម្បី​បម្រុង​ទុក​សម្រាប់​គ្រួសារ​បរិភោគ​ប្រចាំ​ឆ្នាំ​ផង និង​បាន​លក់​លើ​ទីផ្សារ​រក​ថវិកា​ខ្លះ​ៗ ​ទ្រទ្រង់​សេដ្ឋកិច្ច​គ្រួសារ​ផង។

លោកបន្តថា ដល់​រដូវ​ទឹក​សម្រក​ពួកគាត់​ក៏​ឆ្លៀត​ដាំ​បន្លែ​​លក់​បន្ថែម​នៅ​លើទំហំ​ដីតូច ឬធំ​តាមដែល​រាជរដ្ឋាភិបាល​បាន​អនុញ្ញាត​ឲ្យ​មន្ត្រី​រដ្ឋបាល​ខេត្ត​ពិនិត្យ និង​កាត់​ឆ្វៀល​​ឲ្យពួក​គាត់​តាមគ្រួសារ​នីមួយៗ​ មានសិទ្ធកាន់កាប់​ និងអាស្រ័យផល ដោយ​ស្របច្បាប់។

លោកថា ការរស់នៅប្រចាំថ្ងៃរបស់​អ្នកភូមិព្រែកទល់ ក៏​ដូចជា​មនុស្សទូទៅ​អ្វីដែលសំខាន់ គឺប្រហុក ឬផ្អក ដែលជា​ប្រភព​ម្ហូប​រួម​​ផ្សំ​ដ៏ចាំបាច់​បំផុត​សម្រាប់​កែច្នៃ​ធ្វើ​ជា​ម្ហូបអាហារ​បាន​ច្រើន​យ៉ាង​សម្រាប់​បរិភោគ​ប្រចាំ​ថ្ងៃ​របស់​មនុស្ស​ទូទៅ។

លោកបន្តថា៖ «ពួកយើង​សប្បាយ​ចិត្ត​ពេលឃើញ​មាន​ប្រភេទ​ត្រី​ប្រហុក​​សម្បូរ​បែប​សម្រាប់​ផ្គត់ផ្គង់​ជីវភាព​គ្រួសារ​ដល់​អ្នកភូមិ​ស្រុក ដែល​មានដូចជា ត្រី​កំភ្លាញ និង​ត្រីរ៉ស់ ជាដើម នេះ​មកពីខាងមន្ត្រីជំនាញបានទប់ស្កាត់​បានល្អពីក្រុម​អ្នកប្រព្រឹត្ត​បទល្មើស ដែល​បាន​ចាប់​ប្រមូល​លក់​ឲ្យក្រុមឈ្មួញដែលចិញ្ចឹមត្រីរ៉ស់ និង​ត្រី​ឆ្តោ ដើម្បី​ធ្វើជា​ចំណី ទើប​២ឆ្នាំចុងក្រោយនេះ​ប្រជាពលរដ្ឋ​​យើង​មិន​ខ្វះ​ប្រហុក ឬ​ផ្អក​សម្រាប់​ផ្គត់ផ្គង់​គ្រួសារ និង​លើទីផ្សារ​ក្នុងស្រុក»។

ប្រជាពលរដ្ឋ​ដែល​រស់​នៅ​តំបន់​ផ្ទះ​បណ្តែត​ទឹក​បានលើកឡើង​ប្រហាក់​ប្រហែល​គ្នា​ថា៖ «ពួកគាត់​ហាក់មិន​ព្រួយ​បារម្ភ​រឿង​ការ​ហូប​ចុក​ប្រចាំថ្ងៃប៉ុន្មាទេ រយៈ​ពេល ២ឆ្នាំចុងក្រោយនេះ ដោយ​អាស្រ័យ​លើការនេសាទ​ជា​លក្ខណៈ​គ្រួសារ ធ្វើ​ប្រហុក ផ្អក ត្រី ឆ្អើ បានគ្រប់គ្រាន់​បាន​ទាំង​លក់​លើទីផ្សារ​ បាន​ទាំង​សល់ទុក​សម្រាប់​បម្រើ​ដល់​ការ​ហូប​ចុក​ក្នុង​​គ្រួសារ​ប្រចាំ​ឆ្នាំ​បានគ្រប់គ្រាន់ផង»។

ជា​មួយ​គ្នា​នេះ អ្នកស្រី ម៉េង សារ៉ាន់ បាន​ឲ្យ​ដឹង​ថា ត្រី​ដែល​កំពុង​តែ​ធ្វើ​នេះ គឺ​ជា​ត្រីប្រហុក​ប្រភេទ​ត្រីកំភ្លាញ ដែល​នេសាទ​ក្នុង​រដូវ​​ចុង​ក្រោយ​ក្នុងខែមេសា បាន​នៅ​សេសសល់​សម្រាប់​ប្រស់​ទុក ហើយយក​មកធ្វើនៅថ្ងៃនេះតែ​ម្តង ដើម្បី​តម្រូវការ​លើ​ទីផ្សារ។

អ្នកស្រីថា៖ «ឃើញ​មានត្រីប្រហុក​សម្បូរ​អី​ចឹង ម្នាក់ៗសប្បាយចិត្ត​ធ្វើអត់ដឹងថា​នឿយហត់​នោះទេ​តែ​បើកាល​ពី​ដូវកាល​រក​មិន​បាន​មានអារម្ភថា ដូច​ជា​ធុញថប់​ទៅវិញ​អត់ចង់ធ្វើអី្វ​ទាំងអស់»។

លោក ជួង សុភា នាយ​ខ័ណ្ឌ​រដ្ឋបាល​ជលផល​ខេត្ត បាន​ឲ្យដឹង​ថា បើ​គឹត​ត្រឹម​​ខែ​មិថុនា ឆ្នាំ​២០២៤នេះ មាន​រយៈ​ពេល ០៦ខែ ការ​នេសាទ​ជា​លក្ខណៈ​គ្រួសារ​អនុវត្ត​បាន​ចំនួន ១៥,១០០តោន។

ការ​នេសាទ​តាមវាលស្រែ អនុវត្ត​បាន​ចំនួន ៨,៤៣៥តោន។ ក្នុង​នោះ​ដែរ​ការកែច្នៃផល​ផលិតផល​ជលផល អនុវត្ត​បាន​ចំនួន ៤,២៩៣តោន មានដូច​ជា ប្រហុក ផ្អកមាំ ត្រីឆ្អើរ ត្រីងៀត ត្រីហាល សម្រាប់​ធ្វើ​ចំណី​សត្វ​ និង​ត្រី​ប្រលាក់ ជាដើម៕

អត្ថបទ​៖ សៅ សារិទ្ធ

The post ពលរដ្ឋស្រុកឯកភ្នំ លែងខ្វះត្រីសម្រាប់ធ្វើប្រហុក​នារយៈពេល ២ ឆ្នាំចុងក្រោយមកនេះ appeared first on Kampuchea Thmey Daily.