តាមខណ្ឌរដ្ឋបាលកំពង់ចាម ត្រីរាជដែលត្រូវលែងចូលទន្លេវិញនេះ ជាប្រភេទត្រីញី ប្រវែង ១៨៧ សង់ទីម៉ែត្រ មានទម្ងន់សរុប ៧៨ គីឡូក្រាម ពាក់ស្លាករដ្ឋបាលជលផល លេខកូដ ៣១៦ ត្រូវបានប្រជានេសាទ នេសាទបាននៅតាមដងទន្លេមេគង្គ ចំណុចភូមិថ្មី(ក) ឃុំរកាគយ ស្រុកកងមាស ខេត្តកំពង់ចាម ដោយប្រើប្រាស់ឧបករណ៍ម៉ាញ់។

ក្រោយពីទទួលបានព័ត៌មានពីប្រជានេសាទ ខណ្ឌរដ្ឋបាលជលផលកំពង់ចាម បានចុះត្រួតពិនិត្យ និងទំនាក់ទំនងផ្តល់ព័ត៌មានជូនវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប នៃរដ្ឋបាលជលផល និងគម្រោងអច្ឆរិយភាពនៃទន្លេមេគង្គ ដើម្បីកំណត់ទិន្នន័យត្រីរាជ និងបានលែងត្រីរាជនេះ ចូលក្នុងទន្លេមេគង្គវិញ។

ខណ្ឌរដ្ឋបាលជលផលកំពង់ចាម នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម ក៏បានអំពាវនាវដល់ប្រជានេសាទទាំងអស់ សូមផ្តល់ដំណឹងមកមន្រ្តីជំនាញនៃខណ្ឌរដ្ឋបាលជលផល នៅពេលនេសាទបានដោយចៃដន្យ ប្រភេទត្រីកម្រ ដូចជា ត្រីគល់រាំង ត្រីរាជ ត្រីត្រសក់ ជាដើម ដើម្បីលែងចូលទន្លេវិញ ក្នុងគោលបំណងអភិរក្សប្រភេទកម្រទាំងនេះឱ្យបានគង់វង្សតទៅ៕

The post ត្រីរាជញីមួយក្បាលទៀត ទម្ងន់៧៨គីឡូក្រាម ត្រូវបានលែងចូលទន្លេមេគង្គវិញ appeared first on Kampuchea Thmey Daily.

បើតាមខណ្ឌរដ្ឋបាលជលផលកំពង់ចាម ត្រីរាជនេះ ជាប្រភេទត្រីញី មានប្រវែង ១៦៨សង់ទីម៉ែត្រ ទម្ងន់សរុប ៥២គីឡូក្រាម ពាក់ស្លាករដ្ឋបាលជលផល លេខកូដ២៧០ ត្រូវបានប្រជានេសាទ នេសាទបាននៅតាមដងទន្លេមេគង្គ ភូមិថ្មី “ក” ឃុំរកាគយ ស្រុកកងមាស ខេត្តកំពង់ចាម ដោយប្រើប្រាស់ឧបករណ៍ម៉ាញ់។

ក្រោយពីកំណត់អត្តសញ្ញាណដូចរួច ក្រុមការងារ និងមន្ត្រីជំនាញជលផល បានលែងត្រីរាជនេះ ចូលក្នុងទន្លេមេគង្គវិញ៕

The post ត្រីរាជញីមួយក្បាលទៀតត្រូវបានលែងចូលទន្លេមេគង្គវិញ ក្រោយប្រជានេសាទបាន appeared first on Kampuchea Thmey Daily.

កាលពី​ថ្ងៃទី៣ ខែមករា ឆ្នាំ២០២៦ លោក ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បាន​ដឹក​នាំកម្លាំងរដ្ឋបាលជលផលកំពង់ចាម កំណត់​អត្តសញ្ញាណត្រីរាជមួយក្បាលដែលប្រជាពលរដ្ឋនេសាទបាននៅ​ត្រង់ចំណុចភូមិពង្រ ឃុំរកាគយ ស្រុកកងមាស ខេត្តកំពង់ចាម។

ត្រីរាជមួយក្បាលនេះភេទញី មានប្រវែង ១៨៦ សង់ទីម៉ែត្រ ទម្ងន់ ៦៣ គីឡូក្រាម និងមានពាក់ស្លាករដ្ឋបាលជលផល លេខ​កូដ ០៣៩។

លោក ទឹម បូរក្ស អំពាវនាវដល់ប្រជានេសាទទាំងអស់បើនេសាទបានត្រីប្រភេទកម្រដូចជា ត្រីរាជ ត្រីគល់រាំង ត្រីត្រសក់ មេត្តាជូនដំណឹងមកខណ្ឌរដ្ឋបាលជលផលខេត្ត ឬអាជ្ញាធរមូលដ្ឋាន ដើម្បីឱ្យក្រុមការងារមកលែងតាមបច្ចេកទេស៕

The post ត្រីរាជមួយក្បាលប្រវែង ១៨៦ សង់ទីម៉ែត្រ ពលរដ្ឋ​នេសាទបាន ​លែងចូលទន្លេមេគង្គវិញ appeared first on Kampuchea Thmey Daily.

តាមការស្រាវជ្រាវក្រុមការងារបច្ចេកទេសវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប នៃរដ្ឋបាលជលផល ត្រីរាជ ដែលត្រូវលែងចូលទន្លេមេគង្គវិញនេះ ជាប្រភេទត្រីញី មានប្រវែង ២១៥សង់ទីម៉ែត្រ មានទម្ងន់សរុប ៩៧គីឡូក្រាម។ ត្រីរាជនេះ ត្រូវបានប្រជានេសាទ នេសាទបាននៅចំណុចតាមដងទន្លេមេគង្គ ភូមិថ្មីក ឃុំរកាគយ ស្រុកកងមាស ខេត្តកំពង់ចាម ដោយប្រើប្រាស់ឧបករណ៍ម៉ាញ់ និងពាក់ស្លាករដ្ឋបាលជលផល លេខកូដ500។

ក្រោយពីកំណត់អត្តសញ្ញាណរួច ក្រុមការងារ និងមន្ត្រីជំនាញជលផល បានលែងត្រីរាជនេះ ចូលក្នុងទន្លេមេគង្គវិញ។

ត្រីរាជ ជាប្រភេទត្រីទឹកសាប ដែលចូលចិត្តរស់នៅតាមបឹងទន្លេសាប និងតំបន់មេគង្គលើ ជាពិសេសតាមអន្លង់នៅក្នុងទន្លេមេគង្គ ក្នុងខេត្តក្រចេះ និងស្ទឹងត្រែង។ បច្ចុប្បន្នត្រីនេះ ត្រូវបានចាត់ថ្នាក់ក្នុងបញ្ជីក្រហម ជាត្រីកំពុងរងការគំរាមកំហែងយ៉ាងខ្លាំង ឈានទៅរកការផុតពូជ របស់អង្គការសហភាពអន្តរជាតិ ដើម្បីអភិរក្សធម្មជាតិ IUCN។ ត្រីរាជ ក៏ត្រូវបានហាមឃាត់ការនេសាទ ទិញលក់ និងដឹកជញ្ជូន ចាប់តាំងពីសម័យសង្គមរាស្ត្រនិយមមកម្ល៉េះតាមរយៈក្រមនេសាទលេខ ៨០ ន.ស ចុះថ្ងៃទី២៣ ខែមេសា ឆ្នាំ១៩៥៦៕

The post ខណ្ឌរដ្ឋបាលជលផលកំពង់ចាម លែងត្រីរាជមួយក្បាលទម្ងន់ជិត១០០គីឡូចូលទន្លេវិញ ក្រោយទទួលបានពីអ្នកនេសាទ appeared first on Kampuchea Thmey Daily.

ត្រីរាជទី១ មានទម្ងន់១២០ គីឡូក្រាម និងប្រវែងដងខ្លួន ២២២ ស.ម ត្រីរាជ​ទី២ មានទម្ងន់៩៥ គីឡូក្រាម និងប្រវែងដងខ្លួន ២០៣ ស.ម ត្រូវបាន​ចាប់​នៅភូមិកោះតូច ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំត្រូវបានលែង​ចូលក្នុង​បឹងធម្មជាតិ។

ត្រីរាជទី៣ មានទម្ងន់ ១៣១ គីឡូក្រាម និងប្រវែងដង​ខ្លួន២២២ ស.ម ត្រូវបានចាប់នៅក្នុងឃុំរកាគយ ស្រុកកងមាស ខេត្តកំពង់ចាម និងត្រីរាជទី៤ មានទម្ងន់២៧ គីឡូក្រាម និងប្រវែងដងខ្លួន ១៣០ ស.ម ត្រូវបានចាប់នៅគន្លងដាយលេខ ៣C រាជធានីភ្នំពេញ និងបាន​លែងចូលក្នុងបឹងធម្មជាតិផងដែរ។

សូមបញ្ជាក់ថា ក្រុមការងារនៃវិទ្យាស្ថានស្រាវជ្រាវ និងអភិវឌ្ឍន៍ជលផល​ទឹកសាប នៃរដ្ឋបាលជលផល និងគម្រោងអច្ឆរិយភាពទន្លេមេគង្គ បាន​បំពាក់​​ស្លាកសញ្ញាម្តងទៀត និងលែងត្រីរាជនោះចូលបឹងធម្មជាតិវិញ​ដោយ​​សុវត្ថិភាព ក្នុងគោលបំណងសិក្សាតាមដានការបន្លាស់ទី និងជម្រក​ក្នុងរដូវប្រាំង៕

The post ត្រីរាជ ៤ ក្បាល ត្រូវបានលែងចូលបឹងវិញ appeared first on Kampuchea Thmey Daily.

ការចូលរួមលែងត្រីរាជញីឈ្មោលទម្ងន់ជាង២០០គីឡូក្រាមនេះ គឺធ្វើឡើងបន្ទាប់ពីប្រជាពលរដ្ឋនៅភូមិព្រែតូចនេសាទបាន រួចប្រគល់ជូនសមត្ថកិច្ចជលផល។​ តាមការបញ្ជាក់ពីមន្ត្រីជលផល ត្រីរាជទាំងពីរក្បាលនោះ ត្រីឈ្មោល ទម្ងន់ ៩៥គីឡូក្រាម ត្រីញី ទម្ងន់ ១២០គីឡូក្រាម។

សមត្ថកិច្ចខណ្ឌរដ្ឋបាលជលផលត្បូងឃ្មុំ បន្ថែមថា បទល្មើសនេសាទនៅចំណុចព្រែកសណ្តាន់ និងជុំវិញបឹងយាយស (បឹងជីធាង) ឃុំសេដា ស្រុកតំបែរ ពុំមានបទល្មើសណាមួយគួរឲ្យកត់សម្គាល់ទេ។ តែទោះយ៉ាងណាសមត្ថកិច្ចខណ្ឌរដ្ឋបាលជលផលត្បូងឃ្មុំ នៅតែបន្តសហការជាមួយកម្លាំងសហគមន៍នេសាទ ដើម្បីទប់ស្កាត់ការនេសាទខុសច្បាប់បន្ថែមទៀត។

ត្រីរាជ គឺជាប្រភេទត្រីទឹកសាប ដែលចូលចិត្តរស់នៅតាមបឹងទន្លេសាប និងតំបន់មេគង្គលើ ជាពិសេសតាមអន្លង់នៅក្នុងទន្លេមេគង្គ ក្នុងខេត្តក្រចេះ និងស្ទឹងត្រែង។ បច្ចុប្បន្នត្រីនេះ ត្រូវបានចាត់ថ្នាក់ក្នុងបញ្ជីក្រហម ជាត្រីកំពុងរងការគំរាមកំហែងយ៉ាងខ្លាំង ឈានទៅរកការផុតពូជ របស់អង្គការសហភាពអន្តរជាតិ ដើម្បីអភិរក្សធម្មជាតិ IUCN។ ត្រីរាជ ក៏ត្រូវបានហាមឃាត់ការនេសាទ ទិញលក់ និងដឹកជញ្ជូន ចាប់តាំងពីសម័យសង្គមរាស្ត្រនិយមមកម្ល៉េះ តាមរយៈក្រមនេសាទលេខ ៨០ ន.ស ចុះថ្ងៃទី២៣ ខែមេសា ឆ្នាំ១៩៥៦៕

The post រដ្ឋបាលជលផលត្បូងឃ្មុំ លែងត្រីរាជ ញី ឈ្មោលពីរក្បាលទម្ងន់ជាង២០០គីឡូក្រាមចូលទន្លេវិញ appeared first on Kampuchea Thmey Daily.

ត្រីរាជដែលមានទម្ងន់ ១៣២គីឡូក្រាម និងប្រវែងដងខ្លួនជាង ២ម៉ែត្រ មានសុខភាពល្អ ត្រូវអ្នកនេសាទចាប់បានដោយចៃដន់ នៅដាយត្រីគន្លងលេខ៣A (ដាយរាជធានីភ្នំពេញ)។ ក្រុមការងារនៃវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប នៃរដ្ឋបាលជលផល និងគម្រោងអច្ឆរិយភាពទន្លេមេគង្គ បានបំពាក់ស្លាកសញ្ញាម្តងទៀត និងលែងត្រីរាជនោះចូលបឹងធម្មជាតិវិញដោយសុវត្ថិភាព ក្នុងគោលបំណងសិក្សាតាមដានការបន្លាស់ទី និងជម្រកក្នុងរដូវប្រាំង។

សូមបញ្ជាក់ថា ត្រីរាជ១ក្បាលនេះ ធ្លាប់ត្រូវបានក្រុមការងារលែងចូលទៅក្នុងដែនទឹកធម្មជាតិវិញ កាលពីពេលកន្លងទៅរួចហើយ ដោយសារត្រីនេះមានស្លាកស្មាមបំពាក់ស្លាកសញ្ញាសំគាល់ ប៉ុន្តែស្លាកសញ្ញាសំគាល់នោះបានរបូតចេញពីខ្លួនត្រីបាត់៕

The post ត្រីរាជ ១ក្បាល មានទម្ងន់ ១៣២គីឡូក្រាម ត្រូវបានលែងចូលបឹងធម្មជាតិវិញ appeared first on Kampuchea Thmey Daily.

រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានកោតសរសើរ ចំពោះលោក ម៉ុត សាវឿន ដែលបានលែងត្រីរាជ១ក្បាល ទម្ងន់១១៥គីឡូក្រាម ប្រវែង២,២ម៉ែត្រ ចូលក្នុងទន្លេសាប​វិញ ក្នុងឃុំកំពង់ហ្លួងស្រុកពញាឮ ខេត្តកណ្តាល បន្ទាប់ពីនេសាទបាននាថ្ងៃទី១៤ ខែធ្នូ ឆ្នាំ២០២៣។

សកម្មភាពនេះ គឺជាគំរូដ៏ល្អ និងមានតម្លៃមិនអាចកាត់ថ្លៃបានក្នុងការរួមចំណែកថែរក្សា ការពារ និង​អភិរក្សប្រភេទត្រីដែលជិតផុតពូជ។ ​

​រដ្ឋបាលជលផលក៏បានអំពាវនាវដល់បងប្អូនអ្នកនេសាទ ឱ្យចូលរួមថែរក្សា ​និងការពារប្រភេទត្រីដែលជិតផុតពូជ ដោយលែងចូលក្នុងដែនទឹកធម្មជាតិវិញនៅពេលនេសាទបាន ដើម្បីថែរក្សាវត្តមានរបស់ប្រភេទត្រីទាំងនេះឱ្យសំបូរ សម្រាប់កូន​ចៅជំនាន់ក្រោយ៕

The post ​កោតសរសើរទឹកចិត្តអ្នកនេសាទមួយរូបលែងត្រីរាជ១ក្បាល​ទម្ងន់ជាង ១០០ គីឡូក្រាម​ចូលទន្លេវិញ appeared first on Kampuchea Thmey Daily.