ដុតព្រៃក្នុងចំការរបស់ខ្លួនដើម្បីដាំដំណាំ ត្រូវស្លាប់ខ្លួនឯងដោយសារថប់ដង្ហើម

Kang Tola — Wed, 08 May 2024 11:03:29 +0000

បាត់ដំបង ៖ បុរសវ័យចំណាស់ម្នាក់បានថតដង្ហើមជាមួយនឹងផ្សែងបណ្ដាលឲ្យដួលស្លាប់នៅក្នុងភ្លើងយ៉ាងអាណោចអាធ័ម បន្ទាប់ពីបុរសរូបនេះបានចូលទៅដុតព្រៃនៅក្នុងចម្ការរបស់ខ្លួន ហើយទំនងជាឈ្លក់ផ្សែងមិនអាចរត់ទៅណារួច។ នេះបើតាមការសន្និដ្ឋានរបស់សមត្ថកិច្ចជំនាញ។

ហេតុការណ៍ដ៏រន្ធត់នេះបានកើតឡើងនៅថ្ងៃទី៨ ខែឧសភា ឆ្នាំ២០២៤ វេលាម៉ោង១ និង ៣០នាទី រសៀល ត្រង់ចំណុចភូមិចំការចេក ឃុំស៊ុង ស្រុកសំឡូត ខេត្តបាត់ដំបង។

បើតាមការរៀបរាប់ពីស្ត្រីដែលជាប្រពន្ធរបស់ជនរងគ្រោះបានបញ្ជាក់ប្រាប់សមត្ថកិច្ចថា នៅមុនពេលកើតហេតុគឺប្ដីរបស់គាត់ឈ្មោះ ស៊ូរ អ៊ុរ អាយុ ៧៧ ឆ្នាំរស់នៅភូមិស៊ុង១ ឃុំស៊ុង ស្រុកសំឡូត បានធ្វើដំណើរជាមួយគាត់ទៅកាន់ចំការស្វាយចន្ទីដែលពោរពេញដោយព្រៃស៊ុបទ្រុប។

ស្ត្រីជាប្រពន្ធបានបន្តថា នៅពេលនោះដែរប្ដីរបស់គាត់បានចូលទៅដុតព្រៃរបស់ដែលនៅក្បែរខាងនៃចំការស្វាយចន្ទី នៅពេលនោះក៏បាត់ប្ដីរបស់គាត់រហូតដល់ភ្លើងឆេះព្រៃអស់ទើបឃើញសពប្ដីរបស់គាត់ដេកស្លាប់ក្នុងភ្នក់ភ្លើងដែលឆេះរោលរាលពេញខ្លួន ទើបមានការភ្ញាក់ផ្អើលនិងរាយការណ៍ទៅសមត្ថកិច្ចដើម្បីចុះពិនិត្យ។

ភ្លាមៗនោះដែរ កម្លាំងជំនាញផ្នែកពិនិត្យវិភាគ ទីកន្លែងកើតហេតុ បានសហការ ជាមួយកម្លាំងជំនាញផ្នែក យុត្តិធម៌និងប៉ុស្តិ៍ ស៊ុង បានធ្វើការពិនិត្យទីកន្លែងកើតហេតុ និង សាកសពករណី ដុតភ្លើងក្នុងចំការ បណ្តាលឱ្យឆេះស្លាប់ខ្លួនឯង នៅចំណុចចំការចន្ទី ក្រុមទី០៤ ភូមិចំការចេក ឃុំស៊ុង ស្រុកសំឡូត ខេត្តបាត់ដំបង។

សមត្ថកិច្ចបានធ្វើការសន្និដ្ឋាន តាមការ ពិនិត្យទីកន្លែងកើតហេតុ ពិនិត្យសាកសព និងបំភ្លឺ ពីប្រពន្ធ សាកសព ស្លាប់ដោយសារ (ថប់ផ្លូវដង្ហើម)។ មូលហេតុ ដុតព្រៃក្នុងចំការចន្ទី បណ្តាលឱ្យរាលឆេះស្លាប់ខ្លួនឯង៕

អត្ថបទ ៖ សោ និយមរ័ត្ន

The post ដុតព្រៃក្នុងចំការរបស់ខ្លួនដើម្បីដាំដំណាំ ត្រូវស្លាប់ខ្លួនឯងដោយសារថប់ដង្ហើម appeared first on Kampuchea Thmey Daily.

គេងសុខៗថប់ ដកដង្ហើមមិនដល់គ្នា បណ្តាលមកពីអីឲ្យប្រាកដ?

Sonya — Mon, 26 Jul 2021 09:48:54 +0000

មនុស្សមួយចំនួនច្បាស់ជាធ្លាប់ជួបប្រទះហើយបញ្ហាដកដង្ហើមអត់ចង់ដល់គ្នា ថប់ៗដូចស្ទះខ្យល់នៅពេលយប់ ជាពិសេសក្នុងពេលដែលចូលគេងយប់ៗជ្រៅ។ បញ្ហាមួយនេះ បណ្តាលមកគេងយប់ជ្រៅពេក ឬយ៉ាងណាឲ្យប្រាកដ?

ឆ្លើយនឹងចម្ងល់មួយនេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានបកស្រាយឲ្យដឹងថា អាការៈបែបនេះកើតឡើងបាន ដោយសាររាងកាយមិនទទួលបានកម្រិតអុកស៊ីសែនគ្រប់គ្រាន់នៅក្នុងឈាម។ លោកវេជ្ជបណ្ឌិត បន្តថា កាលណារាងកាយខ្វះកម្រិតអុកស៊ីសែននៅក្នុងឈាម វាក៏ធ្វើឲ្យសួតរបស់យើងទទួលបានអុកស៊ីសែនមិនគ្រប់គ្រាន់ និងបណ្តាលឲ្យបេះដូងខ្វះអុកស៊ីសែនរាល់ពេលធ្វើចលនាច្របាច់ម្តងៗ ហើយអាការៈបែបនេះអាចជាសញ្ញារបស់ ជំងឺបេះដូង ជំងឺសួត ជាដើម។

មួយវិញទៀត លោកវេជ្ជបណ្ឌិត បានបញ្ជាក់ថា អាការៈបែបនេះក៏អាចមកពីមានជំងឺថប់បារម្ភ ភាពតានតឹងស្រេ្តសច្រើនផងដែរ តែបញ្ហានេះគ្មានអីគួរឲ្យភ័យព្រួយខ្លាំងទេ យើងគ្រាន់តែតាមដានវាជាប្រចាំ ហើយចូលគេងឲ្យបានឆាប់ កុំនៅយប់ជ្រៅពេកជាការល្អហើយ។

ទោះយ៉ាងនេះក្តី ប្រសិនបើចូលគេងលឿនហើយ មិនសូវស្រេ្តស តែនៅមានអាការៈថប់ ពិបាកដង្ហើមនេះកើតឡើងទៀត គួរទៅពិនិត្យជាមួយគ្រូពេទ្យ ដើម្បីរកមូលហេតុឲ្យបានកាន់ច្បាស់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គិតច្រើនពិបាកគេង សាកល្បងសម្រួលខួរក្បាលតាមវិធីងាយៗប៉ុន្មាននេះ

ចុចអាន៖ មូលហេតុ ៤ នេះ អាចជាដើមចមបណ្ដាលឲ្យគេងមិនលក់ញឹកញាប់

The post គេងសុខៗថប់ ដកដង្ហើមមិនដល់គ្នា បណ្តាលមកពីអីឲ្យប្រាកដ? appeared first on Kampuchea Thmey Daily.

ថប់ដង្ហើម Archives - Kampuchea Thmey Daily

ដុត​ព្រៃ​ក្នុង​ចំការ​របស់​ខ្លួន​ដើម្បី​ដាំ​ដំណាំ ត្រូវស្លាប់​ខ្លួនឯង​ដោយសារ​ថប់ដង្ហើម

គេងសុខៗថប់ ដកដង្ហើមមិនដល់គ្នា បណ្តាលមកពីអីឲ្យប្រាកដ?

ដុតព្រៃក្នុងចំការរបស់ខ្លួនដើម្បីដាំដំណាំ ត្រូវស្លាប់ខ្លួនឯងដោយសារថប់ដង្ហើម