ថើប Archives - Kampuchea Thmey Daily

អ្នកវិទ្យាសាស្ត្ររកឃើញព័ស្តុតាងបញ្ជាក់ថា មនុស្សលើលោកចេះថើបគ្នាតាំងពី ៤,៥០០ ឆ្នាំមុនមកម្ល៉េះ

Boa Sokunveary — Fri, 19 May 2023 07:52:48 +0000

អ្នកវិទ្យាសាស្ត្រនិយាយថា ពួកគេបានរកឃើញព័ស្តុតាងមនុស្សចាប់ផ្ដើមចេះថើបគ្នាកាលពី ៤៥០០ ឆ្នាំមុនមកម្ល៉េះ ពោលលឿនជាងការប៉ាន់ស្មានរបស់អ្នកវិទ្យាសាស្ត្ររហូតដល់ ១០០០ ឆ្នាំផងដែរ ។

ផ្ទាំងធ្វើពីដីឥដ្ឋដែលត្រូវបានគេរកឃើញក្នុងប្រទេសអ៊ីរ៉ាក់ និងស៊ីរីសម័យទំនើបបានបង្ហាញថា ការថើបគ្នាដំបូងបំផុតត្រូវបានមនុស្សអនុវត្តក្នុងសង្គមមីសូប៉ូតាមាន (Mesopotamian) ហើយវាក៏ប្រហែលជាហេតុនាំមានការឆ្លងជំងឺមួយចំនួនពីគ្នាផងដែរ ។

ចំណែកឯអ្នកស្រាវជ្រាវមកពីសាកលវិទ្យាល័យ Copenhagen របស់ប្រទេសដាណឺម៉ាកវិញជឿជាក់ថា ការថើបគ្នាជារឿងពេញនិយមសម្រាប់វប្បធម៌សឹងតែគ្រប់ទីកន្លែង មិនមែនចាប់ផ្ដើមពីទីតាំងជាក់លាក់ណាមួយឡើយ ។ ផ្ទុយគ្នាពីការប៉ាន់ស្មានចុងក្រោយដែលបានមកពីអក្សរបុរាណលើផ្ទាំងដីឥដ្ឋ ក៏បង្ហាញដែរថា ការថើបគ្នាមានដើមកំណើតពីអាស៊ីខាងត្បូងតាំងពី ៣៥០០ ឆ្នាំមុនមកម្ល៉េះ ។

ទន្ទឹមនេះ វេជ្ជបណ្ឌិត Troels Pank Arboll អ្នកជំនាញប្រវត្តិសាស្ត្រនៅសាកលវិទ្យាល័យ Copenhagen បានឲ្យដឹងថា “ផ្ទាំងដីឥដ្ឋរាប់ពាន់ផ្ទាំងដែលបានបន្សល់មកដល់បច្ចុប្បន្ននេះ មានផ្ទុកនូវឧទាហរណ៍ដ៏ច្បាស់លាស់ពីការថើបគ្នាដែលមនុស្សចាត់ទុកថាជាផ្នែកនៃភាពស្រើបស្រាលកាលពីសម័យបុរាណ” ។

ជាចុងក្រោយអ្នកស្រាវជ្រាវបញ្ជាក់ទៀតថា ការថើបគ្នា ក៏ជារបៀបនៃការចម្លងមេរោគទ្រង់ទ្រាយធំផងដែរដូចជា ជំងឺពងបែក HSV-1 និងជំងឺ Bushanu ដែលបង្កដំបៅជុំវិញមាត់ និងបំពង់ក នាសម័យបុរាណ ៕

ប្រភព ៖ Sky News

ចុចអាន ៖ មកស្គាល់អ្នកចម្បាំងស្រីសាហាវៗ ៥ នាក់ ប្រចាំប្រវត្តិសាស្ត្រទូទាំងពិភពលោក

The post អ្នកវិទ្យាសាស្ត្ររកឃើញព័ស្តុតាងបញ្ជាក់ថា មនុស្សលើលោកចេះថើបគ្នាតាំងពី ៤,៥០០ ឆ្នាំមុនមកម្ល៉េះ appeared first on Kampuchea Thmey Daily.

ថើបគ្នា ធ្វើឱ្យទំនាក់ទំនងកាន់តែស្អិតរមួត ថែមទាំងជួយសុខភាពយើងច្រើនណាស់

Sonya — Thu, 09 Dec 2021 02:56:43 +0000

ការថើបគ្នាចំពោះយុវវ័យ ហាក់ប្រាសចាកពីប្រពៃណីវប្បធម៌ខ្មែរ ប៉ុន្ដែបើសិនដៃគូ ដែលរៀបការរួចរាល់ហើយ មិនអីនោះទេ។ បើតាមគេហទំព័រវេជ្ជសាស្ត្រ Healthline ការថើបគ្នា ជួយឲ្យយើងមានសុខភាពល្អ។

១. បង្កើនអ័រម៉ូនរីករាយ

ការថើបគ្នា ជំរុញឲ្យខួរក្បាល បញ្ចេញសមាសធាតុមួយចំនួន ដែលជួយឲ្យយើងមានអារម្មណ៍ល្អ។ សមាសធាតុទាំងនោះ មានដូចជា Oxytocin, Dopamine និង Serotonin។ ជាមួយគ្នានេះ វាក៏បន្ថយសមាសធាតុ Cortisol ដែលជាអ័រម៉ូនស្ត្រេស។

២. សម្រួលបញ្ហាស្ត្រេស

ដូចបញ្ជាក់ខាងលើ ថើបជួយបន្ថយអ័រម៉ូន Cortisol និងស្ត្រេស ហើយវាជាទំនាក់ទំនងប៉ះផ្ទាល់ជាមួយដៃគូ ដូច្នេះ វាមានឥទ្ធិពលលើដំណើការចិត្តសាស្ត្រ ពាក់ព័ន្ធនឹងការគ្រប់គ្រងស្ត្រេស។ ជាមួយគ្នានេះ វាក៏ជួយកាត់បន្ថយបញ្ហាថប់បារម្ភបានផងដែរ។

៣. ជួយដល់សម្ពាធឈាម

ការថើបគ្នា បង្កើនចង្វាក់បេះដូង ពង្រីកសរសៃឈាម ហើយជួយឲ្យលំហូរឈាមក្នុងខ្លួន កើនឡើង និងបណ្ដាលឲ្យសម្ពាធឈាមធ្លាក់ចុះ។ នេះមានន័យថា ការថើបគ្នា ល្អសម្រាប់បេះដូង ទាំងន័យចំ និងប្រៀបធៀប។

៤. ជួយបំបាត់បញ្ហាឈឺក្បាល

ដូចរៀបរាប់ខាងលើ ថើបជួយបន្ថយស្ត្រេស និងសម្រួលសម្ពាធឈាម ហើយកត្ដាទាំងនេះ ក៏ជួយបង្ការ និងបំបាត់បញ្ហាឈឺក្បាលផងដែរ។

៥. បង្កើនប្រព័ន្ធការពារ

ការថើបគ្នា អាចជួយបង្កើនប្រព័ន្ធការពារ តាមរយៈការប៉ះពាល់ជាមួយពពួក Germ ដែលជួយពង្រឹងប្រព័ន្ធការពារ។ ការសិក្សាមួយ នៅឆ្នាំ២០១៤ រកឃើញថា គូស្នេហ៍ ដែលថើបគ្នាញឹកញាប់ បានឆ្លងពពួក Microbiota គ្នាទៅវិញទៅមក ដែលមាននៅក្នុងទឹកមាត់ និងអណ្ដាតរបស់ពួកគេ។

៦. ជួយដុតកាឡូរី

ការថើប ប្រើសាច់ដុំមុខ ដោយវាអាចជួយដុតកាឡូរី ពី ២-២៦កាឡូរី/នាទី អាស្រ័យតាមការថើបនោះមានចំណង់ប៉ុនណា។

៧. រឹតចំណងទំនាក់ទំនងរវាងដៃគូ

ការថើបគ្នា ជួយបញ្ចេញអ័រម៉ូន Oxytocin ហើយវាជាសមាសធាតុពាក់ព័ន្ធនឹងចំណងទំនាក់ទំនងរវាងដៃគូ។ ការថើបគ្នាជាមួយដៃគូ ជួយបង្កើនទំនាក់ទំនងរីករាយ ហើយវាមានសារៈសំខាន់សម្រាប់ទំនាក់ទំនងរយៈពេលវែង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កុំកំណាញ់! ឧស្សាហ៍ញញឹមផ្ដល់គុណប្រយោជន៍ច្រើនយ៉ាងណាស់ដល់អ្នក

ចុចអាន៖ ជឿទេ? ឱបជួយឲ្យអារម្មណ៍ស្ងប់និងរីករាយ

The post ថើបគ្នា ធ្វើឱ្យទំនាក់ទំនងកាន់តែស្អិតរមួត ថែមទាំងជួយសុខភាពយើងច្រើនណាស់ appeared first on Kampuchea Thmey Daily.

ឪពុកម្ដាយកុំថើបមាត់កូនឲ្យសោះ មានមេរោគជាច្រើនឆ្លងតាមផ្លូវដង្ហើម

Sonya — Sun, 20 Jun 2021 00:33:35 +0000

ម៉ាក់ប៉ាថ្មីថ្មោងជាច្រើនបានធ្វើរឿងខុសឆ្គងមួយ គឺបណ្ដោយឲ្យអ្នកដទៃ ឬខ្លួនឯងផ្ទាល់ថើបមាត់កូន។ ទង្វើបែបនេះកូនអាចឆ្លងមេរោគពីយើងតាមរយៈមាត់ និងផ្លូវដង្ហើមដែលករណីខ្លះធ្ងន់ធ្ងរខ្លាំង។

លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថា មានមេរោគជាច្រើនអាចឆ្លងពីមាត់ និងខ្យល់ដកដង្ហើមមានដូចជាពពួកជំងឺផ្តាសាយ ដែលអាចធ្វើឲ្យទារកឈឺ និងស្លាប់បាន។ ដូចនេះបើកូននៅតូច ទាំងយើងជាម៉ាក់ប៉ាត្រូវមានការប្រុងប្រយ័ត្ន ជាពិសេសអ្នកដែលមិនមែនជាសមាជិកក្រុមគ្រួសារ មិនដឹងពីសាវតារច្បាស់លាស់ សឹងតែកុំឲ្យកាន់កូន ព្រោះយើងមិនដឹងថាគេមានជំងឺអ្វីខ្លះ ដោយសារតែស្បែកកូននៅខ្ចីដូចនេះហើយទើបងាយប្រតិកម្ម រោល ឬឆ្លងជំងឺផ្សេងៗ។

លោកបានបន្ថែមទៀតដែរថា មាត់ជាកន្លែងប្រមូលផ្ដុំទៅដោយបាក់តេរីរាប់រយប្រភេទ ហើយបើយើងយកមាត់ទៅថើបមាត់ក្មេងវាអាចឆ្លងតាមទឹកមាត់ ឬទឹករងៃពីកន្លែងរបួសរបស់អ្នកជំងឺ ជាពិសេសជំងឺគួរឲ្យខ្លាច Herpes Simplex Virus ដែលជាពពួកជំងឺរើម។

ចំពោះករណីមួយទៀត អ្នកដែលមានបញ្ហាផ្លូវដង្ហើមអាចឆ្លងទៅទារក នាំឲ្យរលាកទងសួត សួត និងឆ្លងផ្ដាសាយជាដើម។ ក្រៅពីនោះនៅមានជំងឺឡើងកន្ទួល រមាស់ ដែលអាចរីករាលដាលពីមាត់រហូតដល់ផ្នែកផ្សេងៗក៏មាន។ លោកបន្តទៀតកូននៅតូចកំណាញ់កូនបន្តិច ក៏មិនអ្វីដែរ ព្រោះបើឈឺមានតែម៉ាក់ប៉ាប៉ុណ្ណោះដែលពិបាក ហើយបើកូនឈឺធ្ងន់ធ្ងរត្រូវចំណាយអស់ថវិកា និងពេលវេលាច្រើនណាស់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ជំងឺមហារីក ៥ប្រភេទ ច្រើនកើតលើកុមារតូចៗ

ចុចអាន៖ ៨ចំណុចសំខាន់ៗ ឪពុកម្តាយត្រូវដឹង ពេលឲ្យកូនចាក់វ៉ាក់សាំងកូវីដ-១៩

The post ឪពុកម្ដាយកុំថើបមាត់កូនឲ្យសោះ មានមេរោគជាច្រើនឆ្លងតាមផ្លូវដង្ហើម appeared first on Kampuchea Thmey Daily.