ក្រៅពីដាក់ឱ្យប្រើប្រាស់ក្នុងស្រុកជាមួយស្ថាប័នជាច្រើនមក កម្ពុជាបានពង្រីកថ្នាលបច្ចេកវិទ្យានេះទៅក្រៅប្រទេស ដោយបានជួយអភិវឌ្ឍថ្នាលនេះ នៅប្រទេស ហ្វីលីពីន និង ទីម័រឡេស្តេ។ នៅថ្ងៃទី ១ខែមិថុនា ឆ្នាំ ២០២៦ ប្រទេសទីម័រឡេស្តេ បានប្រកាសដាក់ឱ្យប្រើប្រាស់ជាផ្លូវការនូវថ្នាលបច្ចេកវិទ្យា VERIFY.GOV.TL។ នេះគឺជាថ្នាល់ផ្ទៀងផ្ទាល់ឯកសារដោយផ្អែកទៅលើបច្ចេកវិទ្យា Blockchain ដំបូងបង្អស់របស់ប្រទេសទីម័រឡេស្តេ។

រដ្ឋមន្រ្តីក្រសួងប្រៃសណីយ៍ និងទូរគមនាគមន៍ លោក ជា វ៉ាន់ដេត ដែលបានអញ្ជើញជាអធិបតីក្នុងពិធីសម្ពោធនៅប្រទេសទីម័រឡេស្តេ មានប្រសាសន៍ថា ការដាក់ឱ្យប្រើប្រាស់ថ្នាលផ្ទៀងផ្ទាត់នៅទីម័រឡេស្តេ បន្ទាប់ពីភាគីទាំងពីរបានចុះអនុស្សរណៈយោគយល់ នៅឯខេត្តសៀមរាបកន្លងទៅ។ លោកថ្លែងថា៖«យើងបានជួយហ្វីលីពីន និងទីម័រឡេស្តេ។ ហើយហ្វីលីពីន បានដាក់ជាង ៩០ លានអត្តសញ្ណាណប័ណ្ណជាតិ (ID) នៅលើថ្នាល verify.gov ។ ហើយឥឡូវនេះ ហ្វីលីពីន កំពុងតែរៀបចំដាក់លើបណ្ណបើកបរ ( Driving License)។

បើតាមលោករដ្ឋមន្រ្តី កម្ពុជាបានដាក់ផែនការជួយអភិវឌ្ឍថ្នាលនេះនៅប្រទេសផ្សេងទៀត ប៉ុន្តែដោយសារ​ធនធានមនុស្សយើងនៅមានកម្រិតគឺជួយទីម័រឡេស្តេសិន។ បន្ទាប់មកនឹងចាប់ផ្តើមជួយខាងម៉ាឡេស៊ី ឡាវ នឹងជួយបង់ក្លដេស និងប្រទេសមួយចំនួនទៀត។

លោកបានគូសបញ្ជាក់ថា៖« ឈរលើស្មារតីកិច្ចសហប្រតិបត្តិការ ធម្មតានៅពេលប្រទេសកម្ពុជាជួបបញ្ហា គឺប្រទេសជាមិត្តក៏ធ្លាប់ជួយយើង។ ដូច្នេះ ពេលនេះយើងផ្តល់ការសហការដល់គេ ដើម្បីផ្តល់ភាពងាយស្រួលដល់ប្រជាពលរដ្ឋនៅបណ្តាប្រទេសក្នុងតំបន់ និងក្រៅតំបន់ ប្រើប្រាស់នូវបច្ចេកវិទ្យាដែលកូនខ្មែរបានបង្កើតនេះឱ្យកាន់តែល្អប្រសើរជាប្រយោជន៍ដល់ជីវភាពរស់នៅ និងការអភិវឌ្ឍប្រទេសរបស់គាត់»។ លើសពីនេះ វាជាកិត្តិយសមួយដែលកម្ពុជាធ្លាប់តែគេជួយកន្លងមក ប៉ុន្តែឥឡូវនេះយើងប្រែក្លាយទៅជាចូលរួមសហការជួយគេវិញ ដែលនេះជាកិត្តិយសរបស់កម្ពុជា។

កាលពីថ្ងៃទី ១៣ ខែឧសភា ឆ្នាំ ២០២៦ ក្រសួងប្រៃសណីយ៍ និងទូរគមនាគមន៍ និងក្រសួងសាធារណការ និងដឹកជញ្ជូន បានដាក់ឱ្យប្រើប្រាស់ថ្នាលផ្ទៀងផ្ទាត់បច្ចេកវិទ្យា ដើម្បីផ្ទៀងផ្ទាត់ភាពត្រឹមត្រូវ នៃបណ្ណបើកបរយានយន្ត និងដាក់ឱ្យប្រើប្រាស់ជាផ្លូវការនូវបណ្ណបើកបរទម្រង់ឌីជីថល ដើម្បីបង្កលក្ខណៈកាន់តែងាយស្រួល៕

The post កម្ពុជា ដាក់ផែនការជួយ ម៉ាឡេស៊ី ឡាវ បង់ក្លាដែស បន្ទាប់ពីហ្វីលីពីន ទីម័រឡេស្តេ ដើម្បីអភិវឌ្ឍថ្នាលផ្ទៀងផ្ទាត់ឯកសារ verify.gov appeared first on Kampuchea Thmey Daily.

ក្រសួងប្រៃសណីយ៍ និងទូរគមនាគមន៍ បានគិតគូររៀបចំអភិវឌ្ឍថ្នាលនេះជា «ថ្នាល និងកម្មវិធីរដ្ឋាភិបាលឌីជីថល (Digital Government Products-DGPs» ដើម្បីបង្កើនប្រសិទ្ធភាព និងទំនុកចិត្តលើការផ្តល់សេវាសាធារណៈ ស្របតាមក្របខណ្ឌគោលនយោបាយសេដ្ឋកិច្ច និងសង្គមឌីជីថល និងគោលនយោបាយរដ្ឋាភិបាលឌីជីថល ជាពិសេស ការចូលរួមអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានកំណត់យក បច្ចេកវិទ្យាឌីជីថល សម្រាប់ឆ្លើយតបទៅនឹងនិន្នាការសកលនៃបដិវត្តន៍ឧស្សាហកម្ម ៤.០ និងបរិវត្តកម្មឌីជីថលនៃ សេដ្ឋកិច្ច និងសង្គមកម្ពុជា។

ក្រៅពីអត្ថប្រយោជន៍សម្រាប់វិស័យសាធារណៈថ្នាលផ្ទៀងផ្ទាត់ឯកសារ verify.gov.kh ក៏បានដាក់ឱ្យប្រើប្រាស់ និងទទួលបានការចាប់អារម្មណ៍កាន់តែខ្លាំងក្នុងវិស័យឯកជន និងសាធារណជនទូទៅ ពីព្រោះថា ថ្នាលនេះ អាចជួយដោះស្រាយបញ្ហាប្រឈមដែលមានក្នុងវិស័យឯកជនផងដែរ។

ក្រសួងប្រៃសណីយ៍ និងទូរគមនាគមន៍ក៏គ្រោង នឹងពង្រីកវិសាលភាពនៃការប្រើប្រាស់ឱ្យកាន់តែទូលំទូលាយទៅដល់វិស័យឯកជនបន្ថែមទៀត។

វិស័យឯកជនដែលមានបំណងប្រើប្រាស់ថ្នាលនេះ អាចដាក់សំណើមកក្រសួងប្រៃស​ណីយ៍ និងទូរគមនាគមន៍ ដើម្បីរៀបចំផែនការដាក់បញ្ចូល QR Code ស្តង់ដា ដែលអាចផ្ទៀងផ្ទាត់បាន ថ្នាលផ្ទៀងផ្ទាត់ឯកសារ verify.gov.kh នៅលើឯកសាររបស់ខ្លួន ចាប់ពីថ្ងៃចេញសេចក្តីជូន ដំណឹងនេះតទៅ៕

The post រដ្ឋាភិបាលដាក់ឱ្យប្រាស់ ថ្នាលផ្ទៀងផ្ទាត់ឯកសារ ធ្វើឱ្យចំណេញពេល និងកាត់បន្ថយចំណាយ appeared first on Kampuchea Thmey Daily.