ទណ្ឌកម្មសេដ្ឋកិច្ច Archives - Kampuchea Thmey Daily

គ្រឹះស្ថានអប់រំបណ្ដុះបណ្ដាលបច្ចេកទេស អំពាវ នាវសហគមន៍អន្តរជាតិដាក់ទណ្ឌកម្មសេដ្ឋកិច្ចលើថៃ

Samean Lay — Sat, 11 Oct 2025 09:22:16 +0000

តំណាងឱ្យគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ នៃក្រសួងការងារ និងបណ្ដុះបណ្ដាលវិជ្ជាជីវៈ បានថ្កោលទោសកងកម្លាំងសមត្ថកិច្ចថៃ ដែលបានឈ្លានពានលើអធិបតេយ្យភាព និងបូរណភាពទឹកដីរបស់កម្ពុជា កាលពីព្រឹកថ្ងៃទី ១០ ខែតុលា ឆ្នាំ ២០២៥ ហើយបានអំពាវនាវដល់សហគមន៍អន្តរជាតិដាក់ទណ្ឌកម្មសេដ្ឋកិច្ច និងទណ្ឌកម្មផ្សេងទៀតលើប្រទេសថៃ។

លោក តាន់ កុសល នាយកវិទ្យាស្ថានជាតិសហគ្រិនភាព និងនវានុវត្តន៍ (NIEI) លើកឡើងថា សកម្មភាពកងកម្លាំងសមត្ថកិច្ចថៃគឺបានបង្ហាញឱ្យសហគមន៍អន្តរជាតិឃើញថា ជាទង្វើស្មោកគ្រោក និងថោកទាបបំផុត។ ក្នុងនាមជានាយកវិទ្យាស្ថានមួយរូប លោកថ្កោលទោសចំពោះសកម្មភាពនេះ ហើយអំពាវនាវឱ្យសហគមន៍អន្តរជាតិដាក់ទណ្ឌកម្មសេដ្ឋកិច្ច និងទណ្ឌកម្មផ្សេងទៀត លើប្រទេសថៃ។

លោក តាន់ កុសល បានថ្លែងថា«ទីមួយគឺចង់ឱ្យអន្តរជាតិមើលឃើញពីទង្វើថោកទាបរបស់ថៃ ទីពីរចង់ឱ្យអន្តរជាតិដាក់ទណ្ឌកម្មឱ្យបានច្រើ ឱ្យគាត់យល់ថា ស្អីជាអន្តរជាតិ ស្អីជាជាតិ ធម្មតាជាតិនិយម មិនមែនស្រលាញ់តែគាត់ទេ គេគ្រប់ប្រទេស គេស្រលាញ់ដូចគ្នា ប៉ុន្តែគេមិនធ្វើថោកទាបទៅលើប្រទេសគេផ្សេងៗទេ»។

ចំណែកឯលោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម (ITI) បានថ្កោលទោសយ៉ាងធ្ងន់ធ្ងរបំផុត ចំពោះរដ្ឋបាលដែនដីខេត្តស្រះកែវ និងកងកម្លាំងសមត្ថកិច្ចថៃ ដែលបានធ្វើសកម្មភាពឈូសឆាយដីបំពានដែនអធិបតេយ្យភាពរបស់កម្ពុជា ក៏ដូចជាធ្វើទុក្ខបុកម្នេញលើប្រជាពលរដ្ឋខ្មែរ នៅភូមិព្រៃចាន់ កាលពីថ្ងៃទី ១០ ខែតុលាកន្លងទៅនេះ។ លោកក៏បានអំពាវនាវឱ្យសហគមន៍អន្តរជាតិ ចាត់វិធានការណាមួយ ជំរុញឱ្យថៃវិលទៅគោរពបទឈប់បាញ់ និងគោរពអធិបតេយ្យភាពកម្ពុជា។

លោក ជិន តារ៉ា អំពាវនាវបែបនេះថា «ក្នុងនាមជាពលរដ្ឋខ្មែរមួយរូប ខ្ញុំសូមអំពាវនាវដល់សហគមន៍អន្តរជាតិ ជាពិសេសសហរដ្ឋអាមេរិក សហភាពអឺរ៉ុប ចិន អូស្រ្ដាលី ជប៉ុន កូរ៉េ និងសមាជិកអាស៊ាន សូមជួយរកយុត្តិធម៌ជូនកម្ពុជា និងជំរុញឱ្យថៃវិលទៅគោរពបទឈប់បាញ់ និងអធិបតេយ្យភាពកម្ពុជាវិញជាបន្ទាន់»។

សកម្មភាពទាហានថៃឈូសឆាយចូលដីកម្ពុជាថ្ងៃទី ១០ តុលា

រីឯលោក យ៉ោក សុទ្ធី នាយកវិទ្យាស្ថានជាតិបណ្តុះបណ្តាលបច្ចេកទេស ក៏បានថ្កោលទោស និងចាត់ទុកសកម្មភាពកងកម្លាំងសមត្ថកិច្ចថៃ កាលពីថ្ងៃម្សិលមិញ ថាជាអំពើដ៏អមនុស្សធម៌ និងអសីលធម៌ជាទីបំផុត ព្រមទាំងរំលោភសិទ្ធិមនុស្សយ៉ាងធ្ងន់ធ្ងរ។ លោកបន្ថែមថា «យើងគិតថា ពីមុនប្រជាជនថៃ បញ្ញវន្តថៃ ពោរពេញដោយការអប់រំបានខ្ពស់ តែនៅទីបំផុតយើងទើបតែដឹងថា ប្រជាជនថៃ ប្រជាជនសៀមនេះ គឺប្រៀបបានដូចជាមនុស្សអវិជ្ជា មនុស្សគ្មានការអប់រំ ដែលមិនមានសីលធម៌នៅក្នុងខ្លួន សម្រាប់អ្នករស់នៅជុំវិញខ្លួនរបស់ពួកគាត់»៕

The post គ្រឹះស្ថានអប់រំបណ្ដុះបណ្ដាលបច្ចេកទេស អំពាវ នាវសហគមន៍អន្តរជាតិដាក់ទណ្ឌកម្មសេដ្ឋកិច្ចលើថៃ appeared first on Kampuchea Thmey Daily.

ក្នុងសង្គ្រាមជាង៣ឆ្នាំ រុស្ស៊ីលក់ប្រេងបានចំណូលលើស៣ដង ធៀបជំនួយផ្តល់ឲ្យអ៊ុយក្រែន

Rann Reuy — Fri, 30 May 2025 08:50:33 +0000

ក្នុងសង្គ្រាមរយៈពេលជាង៣និង៣ខែនៅប្រទេសអ៊ុយក្រែនជាមួយមហាអំណាចរុស្ស៊ី ពិភពលោកបានស្រូបយកប្រភពថាមពលពីប្រទេសរុស្ស៊ីយ៉ាងច្រើន ធ្វើឲ្យមហាអំណាចនុយក្លេអ៊ែរនេះទទួលបានប្រភពចំណូលច្រើនសម្រាប់ការបន្តធ្វើសង្គ្រាម ដែលតាមការចុះផ្សាយរបស់ BBC ចំណូលដែលរុស្សីប្រមូលបានមានរហូតដល់ជិត១ពាន់ពាន់លានដុល្លារ ច្រើនជាងដល់ទៅ៣ដង ប្រៀបធៀបមូលនិធិដែលប្រទេសសម្ព័ន្ធមិត្តលោកសេរីផ្តល់ឲ្យប្រទេសអ៊ុយក្រែនសម្រាប់ការធ្វើសង្គ្រាមទប់ទល់រុស្ស៊ី។

កម្មករពង្រីកបំពង់ឧស្ម័នចូលទៅកាន់ប្រទេសស៊ែប៊ីកាលពីឆ្នាំ២០២០។ Reuters

សេចក្តីរាយការណ៍របស់ បណ្តាញផ្សព្វផ្សាយរបស់អង់គ្លេស BBC បានឲ្យដឹងថា មហាអំណាចរុស្ស៊ីទទួលបាន ប្រាក់ចំណូលពីការលក់ប្រេង និងឧស្ម័ន មានចំនួនជិតមួយភាគបីនៃប្រាក់ចំណូលរដ្ឋរបស់រុស្ស៊ី និងច្រើនជាង ៦០% នៃការនាំចេញរបស់ខ្លួន។ ចំណូលនោះ គឺជាគន្លឹះក្នុងការរក្សាម៉ាស៊ីនសង្រ្គាមរបស់រុស្ស៊ីឲ្យនៅអូសបន្លាយបានរហូតមកដល់បច្ចុប្បន្ន និងបន្តទៅមុខទៀត។

បន្ទាប់ពីលើកទ័ពចូលលុកលុយប្រទេសអ៊ុយក្រែនកាលពីខែកុម្ភៈឆ្នាំ២០២២ សម្ព័ន្ធមិត្តលោកខាងលិច ដឹកមុខដោយសហរដ្ឋអាមេរិកក្នុងរដ្ឋការរបស់អតីតប្រធានាធិបតី ចូ បៃដិន បានដាក់ចេញនូវវិធានការទណ្ឌកម្មសេដ្ឋកិច្ច និង ការបង្កកសាច់ប្រាក់របស់រុស្ស៊ីនៅក្រៅប្រទេស ដែលពួកគេជឿថា នឹងផ្តាច់មូលនិធិ ធ្វើឲ្យរុស្ស៊ីចុះខ្សោយ និងងាកទៅរកការបញ្ចប់សង្គ្រាម។

ទណ្ឌកម្មសេដ្ឋកិច្ចលើប្រទេសរុស្ស៊ី គឺសំដៅជាចំបងលើការនាំចេញប្រេងនិងឧស្ម័ន ដែលជាប្រភពចំណូលដ៏សំខាន់របស់ប្រទេសរុស្ស៊ី ប៉ុន្តែ ផ្ទុយស្រឡះពីការអនុវត្តទណ្ឌកម្មនោះ រុស្ស៊ីបែជាទទួលបានចំណូលកាន់តែច្រើន ពីការនាំចេញប្រេងនិងឧស្ម័នទៅកាន់ទីផ្សារសកលលោក រួមទាំងទីផ្សាររបស់ប្រទេសសមាជិករបស់អង្គការណាតូផង ច្រើនលើសពីជំនួយដែលអ៊ុយក្រែនទទួលបានពីសម្ព័ន្ធមិត្តដែលបានផ្តល់ដើម្បីប្រយុទ្ធប្រឆាំងនឹងប្រទេសរុស្ស៊ី។

BBC បានរាយការណ៍ថា បន្ទាប់ពីការលុកលុយខែកុម្ភៈឆ្នាំ ២០២២ សម្ព័ន្ធមិត្តរបស់អ៊ុយក្រែនបានដាក់ទណ្ឌកម្មលើឥន្ធនៈអ៊ីដ្រូកាបូនរបស់រុស្ស៊ី។ សហរដ្ឋអាមេរិក និងចក្រភពអង់គ្លេសបានហាមប្រាមប្រេង និងឧស្ម័នរបស់រុស្ស៊ី ខណៈ ប្រទេសជាច្រើននៅក្នុងសហភាពអឺរ៉ុប (EU) បានហាមប្រាមការនាំចូលប្រេងឆៅពីសមុទ្ររបស់រុស្ស៊ី ប៉ុន្តែមិនមែនឧស្ម័ន។

សេចក្តីរាយការណ៍នោះ បានរកឃើញថា គិតត្រឹមថ្ងៃទី ២៩ឧសភា ប្រទេសរុស្ស៊ីទទួលបានចំណូលជាង ៨៨៣ ពាន់លានអឺរ៉ូ (៩៧៣ ពាន់លានដុល្លារ) ពីការនាំចេញឥន្ធនៈហ្វូស៊ីលចាប់តាំងពីការចាប់ផ្តើមនៃការលុកលុយពេញលេញកាលពីខែកុម្ភៈ២០២២ រួមទាំងសាច់ប្រាក់ ២២៨ពាន់លានអឺរ៉ូ ពីបណ្តាប្រទេសដាក់ទណ្ឌកម្ម។ នេះបើយោងតាមមជ្ឈមណ្ឌលស្រាវជ្រាវថាមពល និងខ្យល់ស្អាត (CREA) ។

ជាមួយគ្នានេ ប្រទេសអ៊ុយក្រែនទទួលជំនួយគ្រប់ប្រភេទគិតជាសាច់ប្រាក់មានត្រឹមតែ៣០៩ពាន់លានដុល្លារ ប៉ុណ្ណោះ។ នៅក្នុងតារាងដែលវិភាគដោយ BBC ប្រទេសសមាជិកណាតូ បានផ្តល់ជំនួយដល់ប្រទេសអ៊ុយក្រែនមានទឹកប្រាក់២៣៦ពាន់លានដុល្លារ ខណៈរដ្ឋសមាជិកណាតូ បានចំណាយទិញឥន្ធនៈពីរុស្ស៊ីមានរហូតដល់៣៣៥ពាន់លានដុល្លារ។

សេចក្តីរាយការណ៍ រកឃើញថា ប្រទេសអង់គ្លេសដែលជាប្រទេសចេញមុខប្រឆាំងរុស្ស៊ី តាមរយៈការគាំទ្រអ៊ុយក្រែនតាំងការទូតនិងហិរញ្ញវត្ថុ ក៏មានចំណែកនាំចូលឥន្ធនៈពីបណ្តាប្រទេសជាសមាជិករបស់អឺរ៉ុប ដែលមានទឹកប្រាក់២០៩ពាន់លានអឺរ៉ូ។

រដ្ឋសហភាពអឺរ៉ុបបានបន្តការនាំចូលឧស្ម័នតាមបំពង់ដោយផ្ទាល់ពីប្រទេសរុស្ស៊ីរហូតដល់អ៊ុយក្រែនកាត់បន្ថយការដឹកជញ្ជូននៅខែមករាឆ្នាំ ២០២៥ ហើយប្រេងឆៅរបស់រុស្ស៊ីនៅតែត្រូវបានបង្ហូរទៅកាន់ប្រទេសហុងគ្រី និងស្លូវ៉ាគីនៅឡើយទេ។

ឧស្ម័នរុស្ស៊ីនៅតែត្រូវបានបញ្ជូនទៅកាន់អឺរ៉ុបក្នុងបរិមាណកើនឡើងតាមរយៈប្រទេសតួកគី៖ ទិន្នន័យរបស់ CREA បង្ហាញថាបរិមាណរបស់វាបានកើនឡើង ២៦,៧៧ភាគរយ ក្នុងខែមករា និងខែកុម្ភៈ ឆ្នាំ២០២៥ ធៀបរយៈពេលដូចគ្នាក្នុងឆ្នាំ២០២៤។

ប្រទេសហុងគ្រី និងស្លូវ៉ាគី ដែលជាសមាជិកអង្គការណាតូ និងដែលមានមេដឹកនាំមានទំនាក់ទំនងយ៉ាងជិតស្និទ្ធជាមួយប្រធានាធិបតីរុស្ស៊ី វ៉្លាឌីមៀរ ពូទីន នៅតែទទួលបានឧស្ម័នពីរុស្ស៊ីតាមបំពង់បង្ហូរប្រេងពីប្រទេសរុស្ស៊ីតាមរយៈតួកគីនៅឡើយទេ៕

ដោយ រ៉ាន់ រើយ

កប៉ាល់ដឹកប្រេងរបស់ក្រុមហ៊ុនប្រេង Sovcomflot របស់រុស្ស៊ី ដែលចូលចតផ្ទេរនៅកំពង់ផែក្នុងទីក្រុងអ៊ីស្តង់ប៊ុល ប្រទសតួកគីកាលខែមេសាឆ្នាំ២០២៤។ REUTERS

The post ក្នុងសង្គ្រាមជាង៣ឆ្នាំ រុស្ស៊ីលក់ប្រេងបានចំណូលលើស៣ដង ធៀបជំនួយផ្តល់ឲ្យអ៊ុយក្រែន appeared first on Kampuchea Thmey Daily.

ទណ្ឌកម្មសេដ្ឋកិច្ច Archives - Kampuchea Thmey Daily

គ្រឹះស្ថានអប់រំបណ្ដុះបណ្ដាលបច្ចេកទេស អំពាវ នាវសហគមន៍អន្តរជាតិដាក់ទណ្ឌកម្មសេដ្ឋកិច្ចលើថៃ

ក្នុងសង្គ្រាមជាង​៣ឆ្នាំ រុស្ស៊ី​លក់​ប្រេងបាន​ចំណូល​លើស​​​៣ដង ​ធៀប​​ជំនួយ​ផ្តល់​ឲ្យ​អ៊ុយក្រែន​​​

ក្នុងសង្គ្រាមជាង៣ឆ្នាំ រុស្ស៊ីលក់ប្រេងបានចំណូលលើស៣ដង ធៀបជំនួយផ្តល់ឲ្យអ៊ុយក្រែន