១. តារាសម្ដែង Jennifer Aniston ទម្លាប់ក្រោកពីព្រហាម

តារាសម្ដែងរៀមច្បង Jennifer Aniston តែងតែក្រោកពីដំណេកនៅម៉ោង ៤:៣០ព្រឹក ដោយធ្វើកិច្ចការពេលព្រឹកយ៉ាងរហ័សដូចជា​លុបលាងមុខ​ ផឹក​ទឹក​ក្តៅ​ជាមួយ​ក្រូចឆ្មា និងធ្វើ​សមាធិ​រយៈពេល ២០នាទី ។

២. អ្នកនិពន្ធ Oprah Winfrey ទម្លាប់សមាធិ

Oprah ចាប់ផ្តើមរាល់ព្រឹកជាមួយនឹងការធ្វើសមាធិរយៈពេល ២០នាទី រួមទាំងថ្ងៃឈប់សម្រាក និងចុងសប្តាហ៍។ សមាធិ​អាចជួយឱ្យអារម្មណ៍​ស្កប់ស្កល់ និងបង្កើន​ភាព​រីករាយ​។

៣. តារាទូរទស្សន៍ Lea Michele ទម្លាប់សូណា

រៀងរាល់ព្រឹក បន្ទាប់ពីញ៉ាំកាហ្វេមួយកែវភ្លាម Lea Michele ទៅសូណា។ ទម្លាប់​នេះ​ជួយ​ឱ្យ​នាង​បញ្ចេញ​ជាតិពុល និង​បញ្ចេញ​ញើស​ចេញពី​រាងកាយបានយ៉ាងច្រើន​។

៤. តារាសម្ដែង Jessica Alba ទម្លាប់ហាត់ប្រាណជាមួយមិត្តភក្តិ

Jessica សារភាពថា នាងមិនចូលចិត្តហាត់ប្រាណទាល់តែសោះ។ ទោះបីជាយ៉ាងណាក៏ដោយ នាងនៅតែទៅកន្លែងហាត់ប្រាណជាមួយមិត្តភក្តិ ដើម្បីពង្រឹងសុខភាព និងបំបាត់ភាពតានតឹង។ មិត្តភក្តិរបស់នាងតែងតែលើកទឹកចិត្តនាងឱ្យចូលរៀនយូហ្គា ឬជិះកង់ រហូតវាបានបង្កើតទម្លាប់នេះឱ្យនាងអនុវត្តជារៀងរាល់ថ្ងៃ។

៥. តារាសម្ដែង Brittany Snow ទម្លាប់ស្តាប់តន្ត្រី

បន្ទាប់​ពី​ញ៉ាំ​អាហារ​ពេល​ព្រឹក Brittany Snow ចាក់​ចម្រៀង​ដែល​នាងចូលចិត្ត​ ដើម្បី​បង្កើន​អារម្មណ៍ស្រស់ស្រាយ​ឱ្យ​នាង។

៦. តារាសម្ដែង Kate Hudson ទម្លាប់ត្រាំមុខជាមួយទឹកកក

ដំបូង Kate រៀបចំចានមួយដោយដាក់ទឹកកកលាយជាមួយទឹក។ បន្ទាប់មកនាងត្រាំមុខ នៅក្នុងចានឱ្យបានយូរតាមដែលអាចធ្វើបាន។ ទម្លាប់​នេះ​ជួយ​ឱ្យ​អារម្មណ៍​របស់​នាង​ស្វាងឡើង និង​ធ្វើ​ឱ្យ​ស្បែក​មុខ​របស់​នាង​កាន់តែ​ទន់ល្មើយ។

៧. សេដ្ឋីបច្ចេកវិទ្យា Steve Jobs តែងរំលឹកខ្លួនឯងពីសុបិនរាល់ព្រឹក

ថ្លែងនៅក្នុងសុន្ទរកថាមួយនៅ Stanford លោក Steve Jobs ធ្លាប់និយាយថា រាល់ព្រឹកលោកតែងតែឆ្លុះកញ្ចក់ ហើយសួរខ្លួនឯងនូវសំណួរមួយថា “ប្រសិនបើថ្ងៃនេះជាថ្ងៃចុងក្រោយនៃជីវិតរបស់ខ្ញុំ តើខ្ញុំចង់ធ្វើអ្វីនៅថ្ងៃនេះ?” ។ សំណួរមួយនេះ ជួយជម្រុញទឹកចិត្តលោកឱ្យខំធ្វើការ និងព្យាយាមសម្រេចក្ដីសុបិនរបស់ខ្លួនឱ្យក្លាយជាការពិត៕

ប្រែសម្រួល៖ សន្យា

ចុចអាន៖ ជឿអត់ថាមនុស្សឆ្លាត ច្រើនធ្វើទម្លាប់មិនល្អទាំង ១២ នេះ?

The post ទម្លាប់ពេលព្រឹក បង្កើតលទ្ធផលវិជ្ជមាន ពីបុគ្គលល្បីៗ​ ៧រូប មនុស្សភាគច្រើនមិនសូវអនុវត្ត appeared first on Kampuchea Thmey Daily.

១. ទម្លាប់មិនងូតទឹកពេល​ព្រឹក

វេជ្ជបណ្ឌិតមកពីសាកលវិទ្យាល័យ Harvard បានឲ្យដឹងថា​ ការងូតទឹកពេលព្រឹកអាចជួយឲ្យខួរក្បាលរបស់យើងសកម្ម​ និងមិនងាយទទួលការរំខានពីកត្តាផ្សេងៗ ជាពិសេសអាចជួយក្នុងការរកដំណោះស្រាយទៅលើបញ្ហាអ្វីមួយ។ ដូចនេះហើយ យើងមិនគួររំលងការងូតទឹកពេលព្រឹកទេ។

២. ការងូតទឹកក្តៅពេលព្រឹក

ទោះបីទឹកក្តៅអាចជួយបន្ធូរអារម្មណ៍របស់យើង ប៉ុន្តែការងូតទឹកក្តៅនៅពេលព្រឹកអាចធ្វើឲ្យយើង​ចង់ត្រលប់ទៅគេងវិញ។ ការងូតទឹកត្រជាក់នៅពេលព្រឹកអាចជួយឲ្យយើងមានអារម្មណ៍ស្រស់ស្រាយ ជំរុញសកម្មភាពខួរក្បល និងធ្វើឲ្យប្រព័ន្ធភាពស៊ាំធ្វើការកាន់តែល្អជាងមុន។ អ្នកវិទ្យាសាស្ត្របានឲ្យដឹងថា​ ទឹកត្រជាក់មិនធ្វើឲ្យស្បែកស្ងួតដូចទឹកក្តៅទេ ហើយអ្នកដែលងូតទឹកត្រជាក់រៀងរាល់ព្រឹកអាចស្រកទម្ងន់ប្រហែល ៤គីឡូក្រាមក្នុងមួយឆ្នាំ។

៣. ការប្រើទូរសព្ទ

បណ្តាញសង្គមគឺជាមូលហេតុចម្បងដែលយើងប្រើទូរស័ព្ទពេលភ្ញាក់ពីគេងភ្លាម។ ជាការយើងគួរចៀសវាងការចូលមើលបណ្តាញសង្គម ហើយងាកមកធ្វើអ្វីផ្សេងដែលធ្វើឲ្យយើងមានអារម្មណ៍ស្រស់ស្រាយដូចជា ការស្តាប់បទភ្លេង ចំណាយពេលជាមួយមនុស្សជាទីស្រលាញ់ ឬអាចចម្អិនអាហារពេលព្រឹកជាដើម។

៤. ការចំណាយពេលលើសម្លៀកបំពាក់

ដើម្បីកាត់បន្ថយការចំណាយពេលលើការជ្រើសរើសសម្លៀកបំពាក់ យើងគួរកាត់បន្ថយនូវជម្រើសសម្លៀកបំពាក់របស់យើង ឬរៀបចំទូរសម្រាប់សម្លៀកបំពាក់ធ្វើការដែលផ្តល់ភាពងាយស្រួលក្នុងការជ្រើសរើស និងយកសម្លៀកបំពាក់ចាស់ៗដែលយើងលែងពាក់ចេញ។

៥. ការញ៉ាំអាហារពេលព្រឹកប្រភេទសឺរៀល (Cereal)

ជាទូទៅអាហារពេលព្រឹកប្រភេទនេះ ៥០ក្រាមស្មើនឹងស្ករសប្រហែលបួនស្លាបព្រាកាហ្វេ។​ ការទទួលទានជាតិស្ករច្រើននៅពេលព្រឹកធ្វើឲ្យអ័រម៉ូនអាំងស៊ុយលីនចូលទៅក្នុងឈាម​ ហើយនៅពេលដែលអស់ប្រសិទ្ធភាព យើងនឹងមានអារម្មណ៍ហត់នឿយ។ ម៉្យាងទៀតការញ៉ាំទឹកដោះគោ ទឹកដោះគោជូរ ឬផ្លែឈើស្រស់ជាមួយសឺរៀល (Cereal) គឺមិនល្អចំពោះសុខភាពទេ។

អ្នកជំនាញខាងចំណីអាហារ លោកស្រី Chelsey Amer បានលើកឡើងថា​ ការញ៉ាំភីហ្សាមួយចំណិតនៅពេលព្រឹកផ្តល់ផលល្អចំពោះសុខភាពជាងអាហារពេលព្រឹកប្រភេទសឺរៀល (Cereal)។ ប៉ុន្តែត្រូវចាំថាញ៉ាំបានតែមួយចំណិតប៉ុណ្ណោះ។ ក្រៅពីភីហ្សា យើងអាចញ៉ាំស៊ុតចៀន cottage cheese ឬសាច់ដែលមិនមានជាតិខ្លាញ់ច្រើន។

៦. កុំដុសធ្មេញក្រោយញ៉ាំអាហារភ្លាម

ក្រោយពីញ៉ាំអាហារ កាចាធ្មេញនឹងទន់ខ្សោយ ជាពិសេសក្រោយពេលញ៉ាំផ្លែឈើ ក្រូចឆ្មារ ឬផឹកសូដាដែលមានផ្ទុកនូវអាស៊ីតស៊ីឌ្រិច និងអាស៊ីតផូស្វ័ររិច។​ យើងអាចធ្វើការសម្អាតដោយខ្ពុរមាត់នឹងទឹក និងប្រើខ្សែអំបិលដើម្បីយកសំណល់ចេញពីធ្មេញ។ យើងក៏អាចដុសធេ្មញ៣០នាទីក្រោយពីញ៉ាំអាហារ។​

៧. ការផឹកកាហ្វេខ្មៅ

ការផឹកកាហ្វេខ្មៅភ្លាមៗក្រោយពីភ្ញាក់ពីគេងអាចធ្វើឲ្យកម្រិតអ័រម៉ូនCortisol ឡើងខ្ពស់ដែលបណ្តាលឲ្យមានការថប់បារម្ភ។ ប្រសិនជាយើងផឹកកាហ្វេនៅពេលឃ្លាន​ក៏អាចបង្កជារោគរលាកក្រពះបានដែរ។ ការស្រាវជ្រាវបានបង្ហាញថា យើងគួរផឹកកាហ្វេចន្លោះពីបីទៅបួនម៉ោងក្រោយពីក្រោកពីដំណេក។ ប្រសិនជាយើងចង់ផឹកកាហ្វេនៅពេលព្រឹក យល់ល្អគួរបន្ថែមនូវទឹកដោះគោ ឬក្រីមដើម្បីកាត់បន្ថយផលប៉ះពាល់ដល់ក្រពះ។

៨. ការរៀបចំគ្រែភ្លាមៗ

នៅពេលដែលរៀបចំគ្រែភ្លាមៗក្រោយពីក្រោកពីដំណេក​ អាចជាឱកាសល្អសម្រាប់ពពួកសត្វល្អិតរស់នៅ​ ពីព្រោះសំណើមដែលនៅលើកម្រាលពូកមិនទាន់ស្ងួតនៅឡើយ​។ អ្នកវិទ្យាសាស្ត្របានណែនាំឲ្យយើងយកភួយចេញពីកម្រាលក្រោយពីក្រោកពីគេងដើម្បីឲ្យកម្រាលស្ងួត៕

អត្ថបទផ្ដល់ដោយ៖Hello Krupet

ចុចអាន៖កាត់បន្ថយទម្លាប់ ៣ យ៉ាងនេះ ដើម្បីសុខភាពល្អ

ចុចអាន៖ផលប៉ះពាល់ និងមូលហេតុបណ្ដាលឲ្យត្អើក

The post ទម្លាប់ពេលព្រឹក ៨ យ៉ាង គួរផ្លាស់ប្តូរដើម្បីប្រយោជន៍សុខភាព appeared first on Kampuchea Thmey Daily.

១. បង្កើត​ពាក្យ​”សុខភាព​”ជា​អាទិភាព​​​ក្នុង​សកម្មភាព​ប្រចាំ​ថ្ងៃ

ឧទាហរណ៍​​អ្នក​អាច​ដាក់​ស្បែក​ជើង​​រត់​ហាត់​កីឡា​​នៅ​​ក្បែរ​មាត់​ទ្វារ​​ផ្ទះ​ ដូច​នេះ​វា​ជួយ​​រំលឹក​អ្នក​ថា អ្នក​បាន​ដើរ​ហាត់​ប្រាណ​ឬ​អត់​ថ្ងៃ​នេះ ឬ​ហោច​ណាស់​ ក៏​បាន​​ឆ្លៀត​ដើរ​ ឬ​ហាត់​ប្រាណ​ក្រោយ​​ចប់​ម៉ោង​ការងារ​បន្តិច​ដែរ​។

២. បំបែក​ម៉ោង​ហាត់​ប្រាណ​​​ជា​ពេល​ខ្លី​ៗ​

ក្នុង​ការ​បង្កើត​ទម្លាប់​ដំបូង​ៗ ជំនួស​ឱ្យ​ការ​​ដាក់​កំហិត​ខ្លួន​ឯង​១​ម៉ោង​ហាត់​ប្រាណ អ្នក​អាច​​ចាប់​ផ្តើម​​ត្រឹម​តែ​​៣០​នាទី។ ធ្វើ​ដូច​នេះ ខួរ​ក្បាល​អ្នក​ពុំ​សូវ​​មាន​​សម្ពាធ​ច្រើន ហើយ​អាច​អនុវត្ត​​ការ​ហាត់​ប្រាណ​មាន​ប្រសិទ្ធិភាព ធ្វើ​បែប​នេះ​រហូត​ក្លាយ​ជា​ទម្លាប់ នោះ​អ្នក​រីក​រាយ​ធ្វើ​វា​​មិន​ចង់​ឈប់។

៣. ចំណង់​ញ៉ាំ​អាហារ​មិន​ល្អ​សម្រាប់​សុខភាព​

ជា​រឿង​ពិបាក​​សម្រាប់​អ្នក​ចូល​ចិត្ត​ញ៉ាំ​​អាហារ​មិន​ល្អ​សំរាប់សុខភាព​ ប៉ុន្តែ​តិចនិក​ដាក់​ដប​ទឹក​ក្បែរ​​អាហារ​ទាំង​នោះ​អាច​ជួយ​អ្នក​បាន។ ដាក់​ដប​ទឹក ១​ដប​ ២​ដប​នៅ​ក្បែរ​​អាហារ​ទាំង​នោះ មាន​ន័យ​ថា បើ​អ្នក​ចង់​ញ៉ាំ​អាហារមិន​ល្អ​សំរាប់សុខភាព​ គឺ​ស្មើ​​នឹង​ការ​ញ៉ាំ​ទឹក​ឱ្យ​អស់​១​ដប ២​ដប​សិន​ ដើម្បី​ប៉ះ​ប៉ូវ​គ្នា ដូច​នេះ​ អារម្មណ៍​ចង់​ញ៉ាំ​​អាហារ​មិន​ល្អ​សំរាប់​សុខភាព​ក៏​មិន​សូវ​សកម្ម​ជាង​មុន។

៤. ចង់​ញ៉ាំ​តែ​ពេល​យប់​

អ្នក​ខ្លះ​ទម្លាប់​ចង់​ញ៉ាំ​ចំណី​នៅ​ពេល​យប់ ភាគ​ច្រើន​ពុំ​​បាន​ផ្តល់​ផល​ល្អ​នោះ​ទេ​សម្រាប់​សុខភាព​។ យ៉ាង​ណា​មិញ លោក​ស្រី​ Stephanie បាន​​ចែក​រំលែក​​វិធី​ពីរ រារាំង​ទម្លាប់​​មិន​ល្អ​ទាំង​នេះ គឺ​ពេល​ណា​ឃ្លាន​ចង់​ញ៉ាំ អ្នក​គួរ​បង្វែរ​​អារម្មណ៍​​ទៅ​​លាប​ថ្នាំ​ក្រចក​ (សម្រាប់​ស្រ្តី) និង​លាប​ដៃ​នឹង​​ឡេ​លាប​​ផ្តល់​សំណើម​ស្បែក (សំរា​ប់បុរស)។ ធ្វើ​ដូច​នេះ ​ធានា​ថា អ្នក​ពុំ​ចង់​ញ៉ាំ​ចំណី​ដោយ​​ដៃ​ជាប់​ថ្នាំ​ក្រចក ឬ​មាន​ក្លិន និង​សំណើម​ឡេ​នោះ​ឡើយ។

៥. និយាយ​ទៅ​កាន់​ខ្លួន​ឯង​ដោយ​ពាក្យ​ល្អ​ៗ​​

ការ​សិក្សា​​ផ្នែក​ចិត្ត​សាស្រ្ត​ជា​ច្រើន​បាន​បង្ហាញ​ថា​ ការ​និយាយ​ពាក្យ​ល្អ​ៗ​ទៅ​កាន់​ខ្លួន​ឯង​ គឺ​​​ជួយ​​​ទាំង​លើក​ទឹក​ចិត្ត និង​​បង្កើន​ទំនុក​ចិត្ត​ ក្នុង​ការ​បន្ត​សកម្មភាព​វិជ្ជមាន​​ជា​គោល​ដៅ​ល្អ​ៗ​របស់​ខ្លួន។ លោក​ស្រី​ Stephanie បាន​ណែ​នាំ​ថា អ្នក​អាច​សរសេរ​ពាក្យ​សរសើរ​​អំពី​ខ្លួន​អ្នក រួច​​ដាក់​នៅ​ក្នុង​បន្ទប់​ទឹក ឬ​កន្លែង​​ផ្សេង​ទៀត ដែល​អ្នក​អាច​មើល​ឃើញ​រាល់​ថ្ងៃ ដែល​​នេះ​វា​ជួយ​ឱ្យ​ខួរ​ក្បាល​អ្នក​គិត​វិជ្ជមាន​ទៅ​លើ​ខ្លួន​អ្នក ជំរុញឱ្យ​បន្ត​ទម្លាប់​ល្អ​ៗ​សម្រាប់​សុខភាព​ខ្លួន​អ្នក៕ ​​​​​​​​​

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គន្លឹះសំខាន់ៗ ថែរក្សាសុខភាពពេលអាកាសធាតុចុះត្រជាក់

ចុចអាន៖ អ្នកមានសុខភាពខ្សោយ អាចចេញសញ្ញាទាំង ៧នេះ

The post តិចនិកខ្លះពីអ្នកជំនាញ តាំងចិត្តបង្កើតទម្លាប់ល្អដើម្បីសុខភាព appeared first on Kampuchea Thmey Daily.

ខាងក្រោមជាទម្លាប់ ៣ ដែលយើងត្រូវប្ដូរកំលុង និងក្រោយពេលវិបត្តិកូវីដ-១៩​៖

១. ប្រកាន់ខ្ជាប់ការរក្សាគម្លាត

មុនពេលវិបត្តិកូវីដ-១៩ផ្ទុះឡើង គ្រប់គ្នាមុខតែមិនចាប់អារម្មណ៍រឿងគម្លាតជិត ឬឆ្ងាយពីគ្នានៃការដើរ ឈរ អង្គុយរវាងយើងនិងអ្នកដទៃនោះទេ។ ​

ប៉ុន្តែ ពេលនេះស្ថានភាពប្រែប្រួលហើយ។ យើងត្រូវប្ដូទម្លាប់ថ្មី ដោយយកចិត្តទុកដាក់រក្សាគម្លាតពីអ្នកផ្សេងយ៉ាងហោចណាស់ ១.៥-២ ម៉ែត្រ ដើម្បីការពារពីការចម្លងវីរុសកូវីដ-១៩ ពីមនុស្សម្នាក់ទៅមនុស្សម្នាក់ទៀត។

២. បម្រុងប្រយ័ត្នកន្លែងដើរហើរ

ទោះបីជាពេលនេះឬពេលក្រោយ យើងត្រូវគិតឲ្យបានច្បាស់សិន មុននឹងទៅកន្លែងណាមួយ ព្រោះថាកន្លែងមួយចំនួនប្រឈមហានិភ័យឆ្លងវីរុសខ្លាំង។ ដូច្នេះដើម្បីរក្សាសុវត្ថិភាព គួរចៀសវាងកន្លែងទាំង ៣​ នេះ៖

-កន្លែងដែលបិទជិត និងមិនមានខ្យល់ចេញចូលល្អ​

-កន្លែងដែលអ៊ូអរ និងមានមនុស្សនៅជិតៗគ្នាច្រើន​

-កន្លែងដែលត្រូវការទំនាក់ទំនងជិតស្និទ្ធ ដោយតម្រូវឱ្យយើងត្រូវជជែកកៀកគ្នាខ្លាំងពេក

៣. ប្រកាន់ខ្ជាប់វិធានការសុខភាព

ដើម្បីបញ្ឃប់ការរីករាលដាលនៃវីរុសកូវីដ-១៩ យើងត្រូវបំពេញតួនាទីរបស់ខ្លួនឯងឲ្យបានល្អដោយអនុវត្តនូវគោលការណ៍សុខភាពរួមមាន៖

-កែងដៃ៖ ជាកន្លែងសម្រាប់ខ្ទប់មាត់នៅពេលក្អក ឬកណ្ដាស់

​-ប្រអប់ដៃ៖ ត្រូវលាងសម្អាតឲ្យបានញឹកញាប់​ជាមួយទឹកស្អាតនិងសាប៊ូ ឬអាល់កុល ឬជែល

-សម្ភារ៖ សម្អាតចំពោះវត្ថុនានាដែលប៉ះពាល់ផ្ទាល់ជាប្រចាំ

-មាត់ និងច្រមុះ៖ ពាក់ម៉ាសរាល់ពេលចេញក្រៅផ្ទះ ឬពេលជួបជាមួយសមាជិកដទៃក្រៅពីអ្នកផ្ទះយើង

-បើមានអាការមិនស្រួលខ្លួន ត្រូវសម្រាកនៅផ្ទះ ឬស្វែងរកការព្យាបាលជាបន្ទាន់​។

មកទល់នឹងពេលនេះ ទោះបីមនុស្សភាគច្រើនបានទទួលការការពារពីវ៉ាក់សាំងពិតមែន តែវិធានការ “៣ការពារ ៣កុំ” នៅតែចាំបាច់ជានិច្ច។ ជាពិសេស ទោះបីជា កូវីដបាត់ខ្លួនពីប្រទេសយើង ឬពិភពលោកក៏ដោយ យើងក៏នៅតែរក្សាទម្លាប់ដែលបានរៀបរាប់ខាងលើមកកុំខាន ត្បិតយើងមិនដឹងទេថា បន្ទាប់ពីកូវីដ-១៩ នឹងមានជំងឺអ្វី ឬវីរុសអ្វីដែលសាហាវជាងនេះក៏ថាបាន ៕

អត្ថបទ៖ សន្យា

ចុចអាន៖ អ្នកមានជំងឺ៧មុខនេះត្រូវចាក់វ៉ាក់សាំងកូវីដដាច់ខាត ព្រោះបើឆ្លងហើយ គ្រោះថ្នាក់ដល់ជីវិត

ចុចអាន៖ សិស្សបឋមត្រឡប់ចូលរៀនវិញ ឪពុកម្ដាយគួរត្រៀមខ្លួនបែបណា ដើម្បីការពារសុខភាពកូន?

The post ទង្វើ ៣ យ៉ាងសំខាន់ ត្រូវបន្តអនុវត្ត ទោះបីកូវីដ-១៩រលាយបាត់ appeared first on Kampuchea Thmey Daily.

១. គួរ​គប្បី​កុំ​ប្រើ​ប្រាស់​កន្សែង​​រួម​គ្នា ឬ​ដាក់​ឡូក​ឡំ

របស់​ប្រើ​ប្រាស់​ក្នុង​បន្ទប់​ទឹក នៅ​ពេល​ប្រើ​ប្រាស់​រួម​គ្នា​ញឹក​ញាប់ គឺ​ប្រៀប​ដូច​នឹង​ការ​ចម្លង​មេរោគ​ឱ្យ​គ្នា​ទៅ​វិញ​ទៅ​មក ដោយ​ផ្ទាល់​អ៊ីចឹង បើ​​មាន​សមាជិក​គ្រួសារ​ណា​ម្នាក់ឈឺ​។ បើ​តាម​វេជ្ជបណ្ឌិត Neil Schachter មក​ពី​មន្ទីរពេទ្យ Mount Sinai ក្រុង​ញ៉ូវ​យ៉ក​សហរដ្ឋអាមេរិក បាន​​ណែ​នាំថា​ការ​​មាន​កន្សែង​ផ្ទាល់​ខ្លួន និង​មិន​ឡូក​ឡំ និង​សម្រាប់​សមាជិក​គ្រួសារ​ម្នាក់​ៗ សម្រាប់​ប្រើ​ គឺ​អាច​បញ្ចៀស​ពី​ការ​ឆ្លង​​​មេរោគ​បង្ក​ជំងឺ​ឲ្យ​​គ្នា​បាន​​មួយ​កម្រិត។

២. ឧស្សាហ៍​សម្អាត​របស់​ដែល​​ពាក់​ព័ន្ធ​នឹង​បន្ទប់​ទឹក

របស់​ទាំង​នោះ សំដៅ​ទៅ​លើ និង​រាប់​តាំង​ពី​​ដៃ​ទ្វារ​បន្ទប់​ទឹក បូតុង​ចុច​ទឹក​ចាន​បង្គន់ ក្បាល​រ៉ូប៊ីណេទឹក​ និង​កន្លែង​ទុក​ដាក់​សាប៊ូ​ ឬ​ផលិត​​ផល​ប្រើ​ប្រាស់​ក្នុង​បន្ទប់​ទឹក គឺ​គួរ​គប្បី​​ជូត​សម្អាត​ជា​ញឹក​ញាប់ ព្រោះ​របស់​ទាំង​នោះ​សុទ្ធ​សឹង​​ជា​ចំណែក​​ត្រូវ​ប្រើ​ដោយ​​ផ្ទាល់​នៅ​ក្នុង​បរិយាកាស​នៅ​ក្នុង​បន្ទប់​ទឹក​ ដែល​​នៅ​មាន​មេរោគ​តោង​ជាប់​ជា​និច្ច​ជា​កាល ​​យើង​គួរ​យក​ចិត្ត​ទុក​ដាក់​​សម្អាត។

៣. ឡាបូ​ អាង​ដាក់​ទឹក កម្រាល​ឥដ្ឋ​ និង​ផលិត​ផល​ប្រើ​ប្រាស់​ក្នុង​បន្ទប់​ទឹក​​ ជា​រឿង​គួរ​យក​ចិត្ត​ទុក​ដាក់

យើង​អាច​យក​ចិត្ត​ទុក​ដាក់ សម្អាត​​ត្រង់​កន្លែង​ខាង​លើ​នេះ ​គឺ​ដោយ​សារ​តែ វា​ជា​បណ្តុំ​មេរោគ បាក់​តេរី និង​ពពួក​ផ្សិត​ នៅ​ប្រមូល​ផ្តុំ​ច្រើន​នៅ​ទី​នោះ។ កាល​ណា​សម្អាត​បាន​ស្អាត គឺ​បាន​បន្ថយ​នូវ​​ហានិភ័យ​ចម្លង​មេរោគ ជា​ច្រើន​ ព្រោះ​ពេល​ខ្លះ​គ្នា​យើង​អាច​​ភ្លេច​ខ្លួន​ ប៉ះ​ពាល់​​​របស់​ទាំង​នោះ រួច​ជូត​មុខ​ និង​មាត់​ដោយ​មិន​ដឹង​ខ្លួន។

៤. លាង​សម្អាត​ជា​មុនបើ​សិន​ពុំ​បាន​ប្រើ​អស់​រយៈពេល​យូរ​

របស់​​​របរ​ក្នុង​បន្ទប់​ទឹក ក្រោយ​ពេល​ដែល​យើង​ពុំ​បាន​ប្រើ​ប្រាស់​រយៈ​ពេល​ណា​មួយ គឺ​គួរ​តែ​សម្អាត​ចេញ​ផង​ដែរ ឧទាហរណ៍​ពេល​យើង​​​ទៅ​​វិស្សមកាល​រយៈ​ពេល​ខ្លី​ណា​មួយ ត្រឡប់​មក​វិញ​ យើង​​អាច​​​សម្អាត​ក្បាល​រ៉ូប៊ីណេ​ទឹកឱ្យ​បាន​ស្អាត​មុន​ប្រើ​ប្រាស់​។

៥. លាង​ដៃ​

ប្រាកដ​ណាស់​ ដៃ​យើង​ក្រោយ​ពេល​ប៉ះ​ពាល់​ ប្រើ​ប្រាស់ ឬ​ដុស​សម្អាត​វត្ថុ​​​ផ្សេង​ៗ នៅ​ក្នុង​បន្ទប់​ទឹក គឺ​គប្បី​​​លាង​សម្អាត​ឱ្យ​បាន​ស្អាត ព្រោះ​ថា សារធាតុ​រាវ សំណើម​ផ្សេង​ៗ​នៅ​ក្នុង​បន្ទប់​ទឹក​ គឺ​​មាន​មេរោគ​តោង​ជាប់​ជា​និច្ច ដូច្នេះ​គប្បី​លាង​សម្អាត​ដៃ​ឱ្យ​បាន​ញឹក​ញាប់​៕ ​

អត្ថបទផ្ដល់ដោយ៖​Hello Krupet

ចុចអាន៖បើមានក្លិនមាត់កុំគិតថាមិនអី អាចប្រាប់ពីជំងឺ សាហាវសម្ងំក្នុងខ្លួន

ចុចអាន៖ចេះតែរមាស់ត្រចៀកមិនបាត់ អាចឆ្លងរោគផ្សិតត្រចៀក

The post ទម្លាប់ខ្លះៗ ការពារមិនឲ្យងាយឈឺ​ ដោយមេរោគនៅបន្ទប់ទឹក appeared first on Kampuchea Thmey Daily.

អ្នក​​ជំនាញ​​ជា​ច្រើន​បាន​លើក​​ឡើង​ដូច​​ៗ​គ្នា ទម្លាប់​មួយ​ចំនួន​ តួ​យ៉ាង​ការ​​បង្កើន​គុណភាព​នៃ​ការ​គេង ក៏​ចូល​រួម​ចំណែក​កាត់​បន្ថយ​​ជាតិ​កាល់ឡូរី​ក្នុង​ខ្លួន​ដែរ ដូច​​នេះ​ការ​យល់​ដឹង​ពី ប្រយោជន៍​​តូច​ៗ​ទាំង​នោះ នឹង​​អាច​ជួយ​អ្នក​បាន​៖

១. គេង​ក្នុង​បរិយាកាស​ត្រជាក់​ល្មម
អ្នក​ជំនាញ​​និយាយ​ថា សីតណ្ហភាព​​ក្នុង​បន្ទប់ ឬ​កន្លែង​គេង ដែល​ត្រជាក់ ជួយ​ជម្រុញ​ រាង​កាយ​ដុតរំលាយ​ជាតិ​កាល់​ឡូរី​​បាន។ បើ​អាច គឺ​សីតុណ្ហភាព​​១៨​អង្សាសេ គឺ​ល្អ​ល្មម​សម្រាប់​​ការ​បំផ្លាញ​​​ជាតិ​​ធាត់​នេះ ហើយ​អ្នក​នឹង​មាន​អារម្មណ៍​ថា អ្នក​នឹង​មាន​រាង​សម​សួន​ជាង​មុន នៅ​ពេល​អ្នក​​អាច​ធ្វើ​តាម​ទម្លាប់​នេះ។

២. ញ៉ាំ​ទឹក​ទំពាំង​បាយ​ជូរ

ទឹក​ទំពាំង​បាយ​ជូរ នឹង​ជួយ​អ្នក​ឲ្យ​ដុត​សមាស​ធាតុ​កាល់ឡូរី​បាន​យ៉ាង​មាន​ប្រសិទ្ធិភាព។ ក្នុង​សមាស​ធាតុ​ទំពាំង​បាយ​ជូរ ជួយ​បំលែង​ធាតុ​ខ្លាញ់​ស​ ជា​គ្រាប់​​ខ្លាញ់​​ត្នោត​ខ្ចី (Beige ខ្លាញ់​ល្អ) ដែល​វា​ជា​ធាតុ​ជួយ​រាង​កាយ​រក្សា​កម្តៅ​ខ្លួន ពេល​សីតុណ្ហភាព​ត្រជាក់​។ ញ៉ាំ​ទឹក​ទំពាំង​បាយ​ជូរ មុន​ពេល​ចូល​គេង គឺ​នឹង​ជួយ​ដុត​ជាតិ​ខ្លាញ់​​​បាន តែ​ត្រូវ​ប្រាកដ​ថា ទឹក​ទំពាំង​បាយ​ជូរ​នោះ​គឺ​ធម្មជាតិ ពុំ​​​មែន​ស្ករ។

៣. ទម្លាប់​ចូល​គេង និង​ក្រោក​ទៀង​ម៉ោង​
ទម្លាប់​ចូល​គេង​បែប​នេះ អ្នក​នឹង​រក្សា​អ័រម៉ូន ម៉េឡាតូនីន បាន​ល្អ ជម្រុញ​ឲ្យ​អ័រម៉ូន ​នេះ​រក្សា​ចំណង់​ញ៉ាំ​អាហារ​អ្នក​ឲ្យ​បាន​ល្អ នៅ​ពេល​ក្រោក​ពេល​ព្រឹក ធ្វើ​ឲ្យ​អ្នក​មិន​សូវ​ហេវ​ហត់ អស់​កម្លាំង។

៤. កុំ​ទម្លាប់​​សម្លឹង​អេក្រង់​​ឧបករណ៍​ឌីជីថល មុន​ចូល​គេង

​ពន្លឺ​ខៀវ​ ឬ​ឈ្មោះ​វិទ្យាសាស្រ្ត (Blue Light)នៃ​អេក្រង់​ពពួក​ឧបករណ៍​ អេឡិចត្រូនិច ដូច​ជា​ SmartPhone និង​ Tablet នឹង​​រា​រាំង​ដំណើរ​ផលិត​អ័រម៉ូន​ល្អ មេឡាតូនីន សម្រាប់​ខ្លួន​អ្នក ធ្វើ​ឲ្យ​អ្នក​ទម្លាប់​ចូល​គេង​យប់​ជ្រៅ ជា​ហេតុ​ធ្វើ​​ឲ្យ​ខ្សោយ និង​ឆាប់​ហេវ នឹង​ឈាន​ទៅ​​កាន់​ភាព​ធាត់​។

៥. ញ៉ាំ​អាហារ​ក្រៅ​ណា ដែល​សំបូរ​ជាតិ​ប្រូតេអ៊ីន

អាហារ​ក្រៅ​ពេល​សំបូរ​ជាតិ​ប្រូតេអ៊ីន មាន​ដូច​ជា ទឹក​ដោះ​គោ​ជូរ សាច់​មាន់ សណ្តែក​ដី ជា​ដើម ទាំង​នេះ​ជួយ​ឲ្យ​អ្នក​ឆាប់​ឆ្អែត នឹង​​អភិវឌ្ឍ​បង្កើន​សាច់​ដុំ​អ្នក ឲ្យ​មាន​រាង​សម​សួន​​ផង ពោល​គឺ​រាង​កាយ​ស្អាត។

៦. លំហាត់​ប្រាណ
ពិត​ណាស់​ ទម្លាប់​ហាត់​ប្រាណ នឹង​ធ្វើ​ឲ្យ​អ្នក​ស្រក​គីឡូ។ អ្នក​ជំនាញ​បាន​ណែ​នាំ លំហាត់​ប្រាណ​បែប​កីឡា មួយ​ចំនួន​ដែល​សម​នឹង​រាង​កាយ​ត្រូវ​ការ​ដុត​បំផ្លាញ​កាល់​ឡូរី នោះ​គឺ ការ​ហែល​ទឹក ឬ​លើក​ដុំ​ដែក​ជា​​ដើម។

៧. ញ៉ាំ​តែ​​ហឹរ (ជី ពពួកHerbal Tea)

តែ​ហឹរ ដូច​ជា​ពពួក​ តែ​ខ្ញី តែ​ជី​អង្កាម តែ​ធម្មជាតិ​ សុទ្ធ​សឹង​មាន​គុណ​ប្រយោជន៍​​បញ្ចុះ​ជាតិ​ខ្លាញ់។ មិន​តែ​ប៉ុណ្ណោះ វា​មាន​សារធាតុ​ល្អ ដែល​ប្រឆាំង​នឹង​ដំណើរ​ហើម​រលាក​លើ​​រាង​​កាយ ជួយ​សម្រួល​ការ​រំលាយ​អាហារ និង​សម្រួល​ប្រព័ន្ធ​ប្រសាទ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កាត់បន្ថយទម្លាប់ ៣ យ៉ាងនេះ ដើម្បីសុខភាពល្អ

ចុចអាន៖ បច្ចេកទេស​រត់​ហាត់ប្រាណបែប​សាមញ្ញៗ តែសុខ​ភាព​ល្អ រាង​ស្អាត

The post កែទម្លាប់ ៧យ៉ាងនេះ ក្រែងជួយឲ្យស្រកគីឡូ តាមការចង់បាន appeared first on Kampuchea Thmey Daily.

១. រក្សា​របប​អាហារ​​ល្អ​

ពិត​ណាស់​ ការ​ញ៉ាំ​របប​អាហារ​​​មិន​ល្អ​ និង​គ្មាន​តុល្យភាព​អាច​បណ្ដាល​ឲ្យ​កើត​មាន​ជំងឺ​​ដ៏​គ្រោះថ្នាក់​ជា​ច្រើន​ ដូចជា​សម្ពាធ​ឈាម​ខ្ពស់​ និង​ជំងឺ​ទឹក​នោម​ផ្អែម​។​ ​ចំណែក​ឯ​របប​អាហារ​ដែល​មាន​សុខភាព​ល្អ​ គប្បី​​បញ្ចូល​អាហារ​កែច្នៃ​ក្នុង​កម្រិត​តិចតួច​ ​ញ៉ាំគ្រាប់​ធញ្ញជាតិ​ទាំង​មូល​ បន្លែ​ ផ្លែឈើ​ និង​ប្រភព​ធម្មជាតិ​នៃ​ប្រូតេអ៊ីន​ ដូចជា​ត្រី​ និង​សណ្ដែក ឲ្យ​បា​នច្រើន​​។

២. ធ្វើ​លំហាត់​ប្រាណ​ប្រចាំ​ថ្ងៃ​

​ជាមួយ​គ្នា​នេះ​ដែរ​ ​ការ​ធ្វើ​លំហាត់​ប្រាណ​ប្រចាំ​ថ្ងៃ​មាន​សារសំខាន់​ណាស់​។​ យោង​តាម​ការ​សិក្សា​មួយ​ពី​វិទ្យាស្ថាន​ជំងឺ​មហារីក​ថ្នាក់​ជាតិ​ (NCI)​បាន​បង្ហាញ​ថា​ គ្រាន់​តែ​យើង​ធ្វើ​លំហាត់​ប្រាណ​តិចតួច​ប្រចាំថ្ងៃ ក៏​អាច​បង្កើន​អាយុ​របស់​យើង​ដល់​ទៅ​៤,៥​ឆ្នាំ​ផង​ដែរ​។​

​៣. រក្សា​ទម្ងន់​ត្រឹមត្រូវ​

បន្ថែម​ពី​នេះ ការ​គ្រប់គ្រង​ទម្ងន់​ខ្លួន​ឲ្យ​មាន​តុល្យភាព​ក៏​អាច​កាត់បន្ថយ​​ហានិភ័យ​នៃ​​ជំងឺ​ទឹក​នោម​ផ្អែម​ ជំងឺ​សរសៃ​ឈាម​បេះដូង​ និង​ជំងឺ​មហារីក​សុដន់​​ថែម​ទៀត​ផង​។​ ​ជា​ទូទៅ​ ​ទម្ងន់​ខ្លួន​សមស្រប​​របស់​មនុស្ស​ម្នាក់ៗ​មិន​ដូច​គ្នា​ទេ​ ប៉ុន្តែ​ប្រសិនបើ​យើង​មាន​សន្ទស្សន៍​​ម៉ាស​រាងកាយ​(BMI)​ចន្លោះ​ពី​១៨,៥ និង​២៤,៩ បាន​ន័យ​ថា​យើង​មាន​ទម្ងន់​ខ្លួន​ដែល​មាន​សុខភាព​ល្អ​។​

៤.កាត់បន្ថយ​​​​ការ​​​ញ៉ាំ​គ្រឿង​ស្រវឹង

​​​​ជាក់​ស្ដែង ការ​ញ៉ាំ​គ្រឿង​ស្រវឹង​​ផ្ដល់​ផល​ប៉ះពាល់​យ៉ាង​ច្រើន​ដល់​សុខភាព​របស់​យើង​ ​ដូចជា​ការ​ឡើង​​ទំហំ​ចង្កេះ​ និង​បង្កើន​ហានិភ័យ​នៃ​ជំងឺ​មហារីក​​ជាច្រើន​។​ ដូច្នេះ​ហើយ​ គ្នា​យើង​គប្បី​ញ៉ាំ​វា​នៅ​ក្នុង​បរិមាណ​​មួយ​សម​ល្មម​ ​ដោយ​ត្រឹម​តែ​មួយ​កែវ​សម្រាប់​ស្ត្រី​ និង​ពីរ​កែវ​សម្រាប់​បុរស​ក្នុង​មួយ​ថ្ងៃ​។

៥. ជៀសវាង​ការ​ជក់​បារី​

គ្នា​យើង​ប្រហែល​ជា​បាន​ដឹង​ហើយ​ថា​ ការ​ជក់​បារី​ផ្ដល់​ហានិភ័យ​ដល់​​សុខភាព​​របស់​យើង​យ៉ាង​ធ្ងន់ធ្ងរ​។​ បើ​ទោះ​បី​ជា​​ការ​ផ្ដាច់​​បារី​មិន​មែន​ជា​រឿង​ងាយ​ស្រួល​ក៏​ពិត​មែន​ ប៉ុន្តែ​ប្រសិនបើ​យើង​មាន​ការ​តស៊ូ​ព្យាយាម​ និង​ប្ដេជ្ញា​ចិត្ត​ខ្ពស់​ យើង​ច្បាស់​ជា​អាច​ធ្វើ​ទៅ​បាន​​៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ ចង់បានសុខភាពល្អ កុំចោលទម្លាប់ទាំង៦នេះ

ចុចអាន៖ ក្រុម​​អាហារ​ទទួលទាន​ច្រើន​កាលណា​​ អាច​ធ្វើ​ឲ្យ​រាងកាយ​ប្រែជា​មិន​ស្រួល​ខ្លួន​

The post ទម្លាប់​សាមញ្ញ​ទាំង​នេះ​ ​អាច​ជួយ​ឲ្យ​យើង​មាន​​អាយុ​វែង​​​​​​​​​​​​​​​​​​​​​​​​​​​​​​​​​​​​​ appeared first on Kampuchea Thmey Daily.

១. ញ៉ាំ​អាហារ​ពេល​ព្រឹក​​

វា​ជា​ការ​ចាំ​បាច់​ណាស់​ដែល​យើង​ត្រូវ​មាន​អ្វី​ទ្រាប់​ពោះ​នៅ​ពេល​ព្រឹក ដើម្បី​មាន​ដំណើរ​ការ​មេតាប៉ូលិស និង​ចៀសវាង​​ញ៉ាំ​អាហារ​ច្រើន​នៅ​ពេល​បន្ទាប់​។ ការ​សិក្សា​មួយ​ចំនួន​បាន​ក​ឃើញ​ថា​មនុស្ស​ពេញ​វ័យ​ដែល​បាន​ញ៉ាំ​អាហារ​ពេល​ព្រឹក​អាច​បំពេញ​ការងារ​បាន​ល្អ​ជាង​អ្នក​មិ​ញ៉ាំ ហើយ​កូន​ក្មេង​ដែល​ញ៉ាំ​អាហារ​ពេល​ព្រឹក​ប្រឡង​បាន​លទ្ធផល​ល្អ​ជាង​ក្មេង​មិន​បាន​ញ៉ាំ​អាហារ​ពេល​ព្រឹក​។

២. មាន​ផែនការ​អាហារ​

ការ​ចេះ​រៀប​ចំ​ផែន​ការ​អាហារ នឹង​ជួយ​យើង​សន្សំ​បាន​ទាំង​ថវិកា និង​ពេល​វេលា​។ ការ​គិត​ទុក​មុន​ថា​ត្រូវ​ញ៉ាំ​អ្វី អាច​ជួយ​យើង​ដឹង​ថា​អាហារ​ណា​គួរ​ញ៉ាំ និង​មិន​គួរ​ញ៉ាំ។ ដូច​ជា​យើង​ចង់​ស្រក​ទម្ងន់ យើង​ត្រូវ​កាត់​បន្ថយ​អាហារ​មាន​ជាតិ​ផ្អែម ខ្លាញ់ និង​កាបូអ៊ីដ្រាត ឬ​បើ​យើង​ត្រូវ​ការ​វីតាមីន​បន្ថែម យើង​ក៏​បាន​ដឹង​មុន​ដូច​គ្នា​។ ការ​មាន​ផែនការ​អាហារ ជួយ​ឲ្យ​យើង​អាច​គ្រប់​គ្រង​របប​អាហារ​បាន​ត្រឹម​ត្រូវ​។

៣. ផឹកទឹក​គ្រប់គ្រាន់​

ការ​ផឹក​ទឹក​បាន​ច្រើន​​មិន​ត្រឹម​តែ​ជួយ​រក្សា​រាង​កាយ​មិន​ឲ្យ​ខ្វះ​ជាតិ​ទឹក​នោះ​ទេ តែ​ថែម​ទាំង​អាច​ជួយ​ឲ្យ​យើង​ស្រក​គីឡូ​ដែរ​។ គ្នា​យើង​កុំ​គិត​ថា​ការ​ផឹក​ភេសជ្ជៈ​កំប៉ុង​អាច​ជំនួស​ទឹក​បាន​នោះ ភេសជ្ជៈ​ប៉ូវ​កម្លាំង​​មាន​ទំនាក់​ទំនង​នឹង​ជំងឺ​ធាត់ និង​ជំងឺ​ទឹក​នោម​ផ្អែមប្រភេទ២។ ការ​បំពេញ​ជាតិ​ទឹក​ដល់​រាង​កាយ​មិន​មែន​តែ​ការ​ផឹកទឹក​តែ​មួយ​មុខ​នោះ​ទេ តែ​យើង​អាច​ញ៉ាំ​ផ្លែ​ឈើ​ដូច​ជា​ផ្លែ​ក្រូច ឪឡឹក ឬ​ត្រសក់​បន្ថែម ដើម្បី​បំពេញ​ជាតិ​ទឹក​ដែរ​។​​​​​​​

៤. ហាត់​ប្រាណ

ពេល​និយាយ​ដល់​រឿង​ហាត់​ប្រាណ មិន​មែន​គ្រប់​គ្នា​សុទ្ធ​តែ​អាច​ធ្វើ​បាន​នោះ​ទេ។ ប៉ុន្តែ​សម្រាប់​អ្នក​ស្រឡាញ់​សុខភាព​ គឺ​ពិត​ជា​អាច​ធ្វើ​បាន​។ ការ​ហាត់​ប្រាណ​ដូច​ជា​រត់ រាំ ឬ​ជិះ​កង់​សុទ្ធ​តែ​មាន​ប្រយោជន៍​ដល់​សុខ​ភាព​រាង​កាយ និង​ផ្លូវ​ចិត្ត​។ បើ​សិន​ជា​យើង​មិន​ចង់​រត់ ឬ​ជិះ​កង់ យើង​អាច​ចំណាយ​ពេល​ដើរ​ប្រហែល​៣០​នាទី​ក្នុង​មួយ​ថ្ងៃ ក៏​មាន​ប្រយោជន៍​ចំពោះ​សុខភាព​ដូចគ្នា​។

​៥. មិន​ជក់​បារី

បើ​សិន​ជា​យើង​ជា​អ្នក​ជក់​បារី គួរ​បញ្ឈប់​ទៅ​ដើម្បី​សុខភាព​របស់​យើង​។ ការ​ឈប់​ជក់បារី នឹង​ជួយ​ឲ្យ​សុខ​ភាព​យើង​បាន​ល្អ​ឡើង​វិញ ព្រោះ​ថា​រាងកាយ​យើង​នឹង​ជួសជុល​ការ​ខូច​បាន​បាន​លឿន​។ គ្នា​យើង​នឹង​ទេ​ថា គ្រាន់​តែ​២០​នាទី​ក្រោយ​ពី​យើង​ឈប់​ជក់​បារី ចង្វាក់​បេះដូង និង​សម្ពាធ​ឈាម​របស់​យើង​ក៏​ចាប់ផ្ដើម​ធ្លាក់​ចុះ​ដែរ​។ កុំ​នៅ​ចាំ​អី​ទៀត ឆាប់​ផ្ដាច់​បារី បើ​គ្នា​យើង​ធ្វើ​មិន​បាន គ្រូពេទ្យ​អាច​ជួយ​ណែនាំ​យើង​បាន​។

៦. គេង​បាន​គ្រប់​គ្រាន់​

ការ​គេង​បាន​ស្កប់​ស្កល់​មាន​ប្រយោជន៍​ច្រើន​ដល់​សុខភាព ដូច​ជា​ជួយ​ឲ្យ​យើង​​មាន​អារម្មណ៍​ស្រស់ស្រាយ ការ​ចង​ចាំ​ល្អ មានការ​ផ្ដោត​អារម្មណ៍​បាន​ល្អ​ និង​អាច​ជួយ​ឲ្យ​យើង​រៀន​អ្វី​ថ្មី​បាន​លឿន​ផង​ដែរ​។ មួយ​វិញ​ទៀត ការ​គេង​បាន​គ្រប់គ្រាន់​ក៏​ជួយ​ឲ្យ​យើង​បន្ថយ​ហានិភ័យ​កើត​ជំងឺ​បេះដូង​ទៅ​ថ្ងៃមុខ​ផង​ដែរ​។ ក្នុង​មួយ​យប់​ យើង​គួរ​គេង​ឲ្យ​បាន​ចន្លោះ​ពី​ប្រាំពីរ ទៅ​ប្រាំបួន​ម៉ោង​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៥ យ៉ាង​ងាយ​ៗ ​​​សុខភាព​​​​ល្អ​មិន​បាច់​ចំណាយ​ច្រើន​

ចុចអាន៖ ទម្លាប់មិនល្អទាំងនេះ មានន័យថាយើងកំពុងបំផ្លាញប្រព័ន្ធភាពស៊ាំខ្លួនឯង

The post ចង់បានសុខភាពល្អ កុំចោលទម្លាប់ទាំង៦នេះ appeared first on Kampuchea Thmey Daily.