Dholagarh Devi ជា ព្រះក្នុងតំបន់ដែលនៅប្រាសាទក្បែរកន្លែងក្មេងស្រីកើតដែរ ប៉ុន្តែបើតាមគ្រូពេទ្យបានឲ្យដឹងថា វាជាភាពមិនប្រក្រតីដៃហ្សែនប៉ុណ្ណោះ ។

ម្តាយ​របស់​ទារិកា​នេះ​មាន​ឈ្មោះ​ថា Sarju Devi អាយុ​ ២៥ ​ឆ្នាំ នាងសប្បាយចិត្តនឹងកំណើតកូនស្រីជាខ្លាំង ។ ចំណែកឯឪពុកដែលជាប៉ូលិសម្នាក់ឈ្មោះ Gopal Bhattacharya ក៏មានភាពរីករាយចំពោះរឿងនេះដែរ ។

ពាក់ព័ន្ធនឹងករណីក្មេងស្រីលើសម្រាមដៃ ម្រាមជើងខាងលើ វេជ្ជបណ្ឌិត BS Soni មានប្រសាសន៍ថា វាមិនបង្កគ្រោះថ្នាក់ណាមួយឡើយ ក្នុងការមានម្រាមច្រើន ប៉ុន្តែវាគឺជាភាពមិនប្រក្រតីនៃហ្សែន យ៉ាងណាក្ដី ក្មេងស្រីមានសុខភាពល្អធម្មតាទាំងអស់ ៕

ប្រែសម្រួល៖ វារី

ប្រភព៖ dailymail

ចុចអាន៖ ស្ត្រីសម្រាលកូនមានដៃ៤ជើង៤ ទទួលបានការឧបត្ថម្ភពីសប្បុរសជន

The post ទារិកាចម្លែកកើតនៅ ឥណ្ឌា, ឪពុកម្ដាយថា ជាព្រះចាប់ជាតិ appeared first on Kampuchea Thmey Daily.

មន្ត្រីសុខាភិបាលបានឲ្យដឹងថា ស្ត្រីដែលបានសម្រាលកូនមកមិនប្រក្រតីខាងលើនេះមានឈ្មោះ សាំង ឃី​ម អាយុ​៣២​ឆ្នាំ និងមានប្តីឈ្មោះ សុខ ខេន អាយុ​៣៤​ឆ្នាំ មាន​ប្រវត្តិ​ធ្វើ​ចំណាកស្រុក​មក​ពី​ខេត្តកំពង់ធំ ប៉ុន្តែ​បច្ចុប្បន្ន​ធ្វើ​ជា​កម្មករ​នៅ​ស្រុក​សំពៅ​លូន ខេត្តបាត់ដំបង​។

មន្ត្រីដដែលបន្តថា ទារកកើតមកមិនប្រក្រតីនេះមានជើង៤ដៃ៤ ភេទប្រុស មានទម្ងន់៣,៧០០​ក្រាម សម្រាលតាម​ធម្មតា មិនវះកាត់នោះទេ ហើយសុខភាពទារកក៏ធម្មតាដែរ។ ខណះដែលស្ត្រីជាម្តាយបានប្រាប់ថា នេះ​មិនមែន​ជា​កូន​លើក​ដំបូង​ទេ តែ​កូន​មុន​ៗ​មានសុខភាព​ល្អធម្មតា ចម្លែក​តែ​កូន​លើក​នេះ​បែរជា​អភ័ព្វមាន​កាយសម្បទា​ខុស​ប្រក្រតី​ទៅ​វិញ។ ស្ត្រីជាម្តាយបានសំណូមពរដល់គ្រូពេទ្យជួយបញ្ជូនបន្តទៅមន្ទីរពេទ្យគុន្ធបុប្ផាក្រែងជួយកែកុនកូនប្រុសរបស់ខ្លួនបាន ទើប​មន្ត្រីពេទ្យបំពេញបំណង ហើយក៏នាំគ្នាជួយឧបត្ថមថវិការផ្ទាល់ខ្លួនដល់ស្ត្រីរូបនោះថែមទៀតផង។

មន្ត្រីមន្ទីរពេទ្យនៃរដ្ឋបាលខេត្តបានឲ្យដឹងថា “សេវាសម្រាលកូន និងបញ្ជូនត្រូវបានលើកលែងបង់ថ្លៃទាំងអស់” មិនតែប៉ុ
ណ្ណោះ មានសប្បុរសជនបានបរិច្ចាគធនធានថវិកាជូនក្រុមគ្រួសារទារកថែមទៀតផង ដែលក្នុងនោះមាន លោក អ៊ុយ សុធាវី អភិបាលរងខេត្តបាត់ដំបង ២០០ ០០០៛។ លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលនៃរដ្ឋបាលខេត្ត២០០០០០៛។ លោក ហម សំខាន់ អភិបាលស្រុកសំពៅលូន ៥០០ ០០០៛។ លោកវេជ្ជបណ្ឌិត ទូត មករា ២០០ ០០០៛។ លោក ទឹម វិឆ័យ អធិការស្រុកសំពៅលូន ១០០ ០០០៛។ លោក ឡា គង់ ជានាយកសាលា EIS ២០០ ០០០៛។

ករណីនេះត្រូវបានប្រជាពលរដ្ឋ និងមហាជនមើលឃើញថា នេះជាកាយវិកាមនុស្សធម៌ពីមន្ត្រីរាជការដែលបានលះបង់ថវិកាផ្ទាល់ខ្លួនជួយដល់ជនទីទល់ដែលកំពុងប្រឈមនឹងជីវភាពគ្រួសារ។ ក្នុងនោះក្រុមគ្រូសាររបស់ទារកត្រេកអរស្ទើររកពាក្យនិយាយមិនកើតជាមួយនឹងទឹកភ្នែករលីងរលោងអ៊ួលដើមករំភើបខ្លាំងពេក ដែលពួកគាត់សង្ឃឹមថា កូនដ៏អភ័ព្វរបស់ពួកគាត់ នឹងអាចជួយបានដោយសុវត្ថិភាពពីមន្ទីរពេទ្យគុន្ធបុប្ផាតាមដែលអាចជួយទៅបាន៕

អត្ថបទ៖ សៅ សារិទ្ធ

The post ស្ត្រីសម្រាលកូនមានដៃ៤ជើង៤ ទទួលបានការឧបត្ថម្ភពីសប្បុរសជន appeared first on Kampuchea Thmey Daily.