ក្នុង​ឱកាស​អនុញ្ញាត​ឲ្យ​សមាគម​អ្នក​ស្រឡាញ់​បរិស្ថាន និងសង្គម ចូលជួប​សម្តែង​ការ​គួរសម ​លោក​ អ៊ាង សុផល្លែត ​មាន​ប្រសាសន៍​ថា តាម​រយៈ​យុទ្ធសាស្ត្រ​ចក្រា​វិស័យ​បរិស្ថាន គឺ​ទិសដៅ​អាទិភាព​រួម​ចំណែក​លើក​ស្ទួយ​ជីវភាព​ប្រជាសហគមន៍​ឲ្យ​ចាកផុត​ពី​ភាពក្រីក្រ តាមរយៈ​ជំហាន​ចម្បងៗដែល​រួមមាន ការរៀបចំថ្នាលបណ្តុះកូនឈើខ្នាតអន្តរជាតិចំនួន ៤ កន្លែង ស្ថិត​នៅ​ខេត្តកំពង់ស្ពឺ កោះកុង/កំពង់សោម ត្បូងឃ្មុំ និង​ខេត្តសៀមរាប ដែល​អាច​មាន​សមត្ថភាព​បណ្តុះ​កូនឈើយ៉ាងតិចជាង ១ លានដើម។

ចំពោះ​ទី​តាំង​បណ្តុះ​កូន​ឈើ​ទាំង ៤ ​កន្លែង​ រដ្ឋមន្ត្រីក្រសួងបរិស្ថាន សង្កត់ធ្ងន់ថា គ្រោង​រៀប​ចំជា​ទី​តាំងកម្សាន្ត និង​បោះតង់ ទុក​​ឲ្យ​​ប្រជាពលរដ្ឋក្នុង​តំបន់​​អាច​រកចំណូលតាមរយៈការយកថ្លៃសេវាកម្ម ពីភ្ញៀវទេសចរដោយ​អនុវត្ត​នូវគោលការណ៍​​ស្អាតតម្លៃ​​សមរម្យ​ស្របតាម​យុទ្ធសាស្រ្តចក្រាវិស័យបរិស្ថាន ស្អាត បៃតង និង​ចីរភាព ដែល​​កំពុងផ្សព្វផ្សាយ និង​អនុវត្ត​​យ៉ាងសកម្ម ដើម្បីជំរុញឲ្យកម្ពុជាក្លាយជាប្រទេសអព្យាក្រឹតកាបូននៅឆ្នាំ២០៥០។

ទីតាំង​រៀបចំថ្នាលបណ្តុះកូនឈើខ្នាតអន្តរជាតិចំនួន ៤​ កន្លែង បើ​តាម​លោក​រដ្ឋមន្ត្រី​ ​បណ្តុះ​​កូនឈើ ៣ ប្រភេទ ទី១ កូនឈើសម្រាប់​​ចែកជូន​ប្រជាពលរដ្ឋ និង​សិស្សានុសិស្ស​យកទៅដាំ  ទី២ បណ្តុះ​ជា​ឈើ​ជំទង់ និងទី៣ បណ្តុះកូនឈើ​ឲ្យក្លាយជាដើមឈើធំៗសម្រាប់​​លក់ជូនក្រុមហ៊ុន ឬស្ថាប័ន ដែល​មាន​តម្រូវការ​ដាំ​​ឈើលំអ​ក្នុង​បូរី ឬ​ទីកន្លែង​សាធារណៈនានា​​។

ឆ្លើយ​តប​ការ​លើក​ឡើង​របស់​រដ្ឋមន្ត្រី​ក្រសួង​បរិស្ថាន លោក ជុំ ហួត ប្រធាន​សមាគមអ្នកស្រឡាញ់បរិស្ថាន និងសង្គម​​ បាន​ប្តេជ្ញា​ចិត្ត​ចូលរួមសហការ​ជាមួយ​ក្រសួងបរិស្ថាន ដើម្បី​ផ្តល់​ប្រយោជន៍​​ជូន​​ប្រជាពលរដ្ឋ​កម្ពុជា ជា​​ពិសេស​ការផ្សព្វផ្សាយ​​អំពីយុទ្ធនាការនានា ដូច​ជាយុទ្ធនាការកាត់បន្ថយថង់ប្លាស្ទិក និង​យុទ្ធនាការ​ដាំដើម​​ឈើ​ឲ្យច្រើនជាងការកាប់ រួម​ទាំងវិធានការ ៤ ចំណុច ទប់​ស្កាត់​បទល្មើស​ធនធាន​​ធម្មជាតិ ដែល​ក្រសួង​បរិស្ថាន​បាន​ដាក់ចេញ ដើម្បី​បង្កើន​គម្របព្រៃ​​ឈើ​​កម្ពុជា ឲ្យ​បានចំនួន ៦០% នៅឆ្នាំ២០៥០៕

The post ទីតាំងថ្នាលបណ្ដុះកូនឈើខ្នាតអន្តរជាតិ ៤ កន្លែង គ្រោងរៀបចំ​ជា​គោលដៅ​ទាក់ទាញអ្នកទេសចរ appeared first on Kampuchea Thmey Daily.

បើនិយាយពីជម្រើសនៃកន្លែងកម្សាន្ត ក្នុងអំឡុងខែដែលអាកាសធាតុក្តៅខ្លាំងបែបនេះ ទាំងទេសចរជាតិ និងអន្តរជាតិ និយមទៅកម្សាន្តខ្លាំងបំផុតនៅតាមតំបន់រមណីយដ្ឋានដែលមានធម្មជាតិត្រជាក់កាយា ដូចជាតំបន់ទឹកធ្លាក់ បឹង ស្ទឹង ព្រោះមានដើមឈើធំនៅគ្របជាម្លប់។ ឯតំបន់សមុទ្រ បើទោះក្តៅ ប៉ុន្តែជារៀងរាល់រដូវ មិនថាប្រាំង ឬវស្សា គឺមានមនុស្សអ៊ូអរ​ជានិច្ច។

កម្សាន្តរមណីយដ្ឋានធម្មជាតិខេត្តកំពត
១. ទំនប់ប្រទក្សក្រឡា
ទំនប់ប្រទក្សក្រឡា ជារមណីយដ្ឋានធម្មជាតិ ដែលហ៊ុមព័ទ្ធ​​ដោយ​ទេសភាពដ៏ស្រស់ត្រកាលនៃភ្នំព័ទ្ធជុំវិញ និងផ្ទៃទឹកប្រមាណ ៣០០០ហិកតា មានខួបប្រាំងខួបវស្សា មិនចេះរីងស្ងួតឡើយ។ ទំនប់ប្រទក្សក្រឡា គឺមានទីតាំងស្ថិតនៅភូមិបុស្សញេញ ឃុំកូនសត្វ ស្រុកទឹកឈូ​ មិនឆ្ងាយប៉ុន្មានពីឆ្នេរសមុទ្រកែបឡើយ ហើយចម្ងាយ ប្រហែលជា ២០គីឡូម៉ែត្រប៉ុនណោះពីក្រុងកំពត។

២. ទឹកធ្លាក់ជ្រោះឱម៉ាល់
ទឹកធ្លាក់ដែលកំពុងលាក់ខ្លួនក្នុងជ្រលងភ្នំនៃជួរភ្នំបូកគោមួយនេះ ជារមណីយដ្ឋានធម្មជាតិមួយ ដែលមានទីតាំងស្ថិតនៅ ភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ហើយមានចម្ងាយប្រហែល ១១ គីឡូម៉ែត្រ ពីរង្វង់មូលផ្លែទុរេន។ដោយសារស្ថានភាពផ្លូវនៅទីនេះ រថយន្តមិនចូលទៅដល់បាន គឺតម្រូវឱ្យទេសចរធ្វើដំណើរដោយម៉ូតូ កង់ ឬដោយថ្មើរជើងតែម្តង ប្រហែលជា ៤គីឡូម៉ែត្រ ដើម្បីទៅកាន់តំបន់ទឹកធ្លាក់។
ចំពោះការកម្សាន្តទីនេះ ក្រៅពីហែលទឹក កម្សាន្តលេងបានហើយ ថែមទាំអាចដើរទស្សនាចំការដំណាំហូបផ្លែតាមដងផ្លូវ ជាពិសេសចំការទុរេន ហើយក៏អាចពិកនិច ឡើងភ្នំ ឬបោះតង់ ជាដើម។

៣. រមណីយដ្ឋានទឹកឈូ
មិនហត់ឡើងភ្នំ មិនពិបាកស្វែងរក រមណីយដ្ឋាន​ដ៏ពេញនិយមមួយនេះ គឺមានទីតាំងតាមបណ្តោយផ្លូវជាតិ ក្នុងទឹកដីនៃស្រុក ខេត្តកំពតតែម្តង។ នៅខែនេះ អំណោយផលនឹងការងូតលេងកម្សាន្តជាទីបំផុត ដោយសារទឹកមិនហូរខ្លាំងដូចនៅរដូវវស្សា។ ក្រៅពីនោះ នៅមានកញ្ចុះក្បែរប្របមាត់ទឹក គ្របដោយម្លប់ឈឺត្រឈឹងត្រឈៃ។​

៤. ទឹកធ្លាក់អន្លង់ធំ​
ទឹកធ្លាក់អន្លង់ធំ​ គឺជារមណីយដ្ឋាន​ដែល​ទាក់ចិត្តទេសចរបំផុត ព្រោះតែសម្រស់ទឹកធ្លាក់ពីលើ​ភ្នំបូកគោ ដែល​ហូរ​ធ្លាក់ទៅ​កាន់​តំបន់​សមុទ្រដ៏ស្រស់ស្អាត ដុះស្រោបដោយព្រៃឈើ​ច្រើនច្រូងច្រាង ចាំងឆ្លុះទឹកថ្លាឈ្វេង ស្អាតអស្ចារ្យក្រៃ។ ទីនេះ ទេសចរល្អណាស់ សម្រាប់អ្នក​និយម​ចូលចិត្ត​ហែរទឹកកម្សាន្ត​នៅ​ទី​ភ្នំបែប​ធម្មជាតិ។​ រមណីយដ្ឋាននេះ មានទីតាំងស្ថិត​នៅ​ក្នុង​ភូមិ​ព្រែក​ក្រែង ឃុំព្រែក​ត្នោត ស្រុក​ទឹកឈូ ខេត្តកំពត។

កម្សាន្តរមណីយដ្ឋានធម្មជាតិខេត្តតាកែវ
១. ទឹកធ្លាក់អន្លង់ភ្ញៀវ
ជាទូទៅអ្នកដែលទៅកម្សាន្តលេងនៅរមណីយដ្ឋានកែច្នៃ រមណីយដ្ឋានកំពូលពេជ្រ ក្រៅពីការសម្រាកទទួលទានអាហារ គយគន់​សួនផ្កា​ចម្រុះ ជិះទូកទា ស្នាក់នៅ នឹងមិនរំលងទឹកធ្លាក់អន្លង់ភ្ញៀវនេះឡើយ ដោយសារតែរមណីយដ្ឋាននេះ គឺចូលតាមច្រករមណីយដ្ឋានកំពូលពេជ្រ (អន្លង់ភ្ញៀវ)​ តែម្តង។ នៅទីនេះ គឺមានរៀបចំជាកញ្ចុះ អាចឱ្យទេសចរយកអាហារ​មក​ទទួលទាន និងអាចដើរកម្សាន្តលើភ្នំ ដែលគេមានរៀបជាស្ពានឬស្សីឱ្យដើរឆ្លង។

២. រមណីយដ្ឋានទឹកធ្លាក់ផ្អោក
រមណីយដ្ឋានទឹកធ្លាក់ផ្អាក មានទីតាំងស្ថិតនៅស្រុកគីរីវង់ ខេត្តតាកែវ ដែល​មានទឹកធ្លាក់ប្រវែង​ប្រមាណ​ជា ១០០០ម៉ែត្រ និងទទឹង​ ២ម៉ែត្រ ហូរ​​ពីលើ​ភ្នំ​កាត់​ថ្មដា​តូចៗ បង្កើតជាផ្ទាំងទស្សនីយភាពល្អប្លែក។ បើតាមវេបសាយក្រសួងព្រះបរមរាជវាំង ពីមុនទីតាំងតំបន់នេះជាកន្លែងដែលគេរកត្បូងថ្មទន្ទឹម ប៉ុន្តែបច្ចុប្បន្នខ្សត់ខ្សោយណាស់។ មកកម្សាន្តតំបន់នេះ ទេសចរ​ក៏​អាចរកជាវត្បូង​បាន​ផងដែរ។​

កម្សាន្តរមណីយដ្ឋានធម្មជាតិខេត្តកំពង់ស្ពឺ
១. ទឹកធ្លាក់ជ្រាវ
ទឹក​ធ្លាក់​ជ្រាវ មាន៧ដំណាក់ និងមាន​ព្រៃព្រឹក្សា​បៃតង​ខៀវខ្ចី អាចងូតទឹកលេងកម្សាន្តផង ដើរភ្នំលេងផង និងអាចទទួល​ទាន​អាហារ​នៅកញ្ចុះ​ខាងក្រោម​បានទៀតផង។​ ទឹក​ធ្លាក់​នេះ មាន​ទីតាំង​ស្ថិតនៅ ឃុំ​អម​លាំង ស្រុក​ថ្ពង មាន​ចម្ងាយប្រហែល ​៧១​គីឡូម៉ែត្រ​ ពី​ទី​រួម​ខេត្តកំពង់ស្ពឺ។

២. ទឹកធ្លាក់ចំការក្រូច
រមណីយដ្ឋានទឹកធ្លាក់នេះ គឺនៅផ្លូវតែមួយជាមួយទឹកធ្លាក់ជ្រាវតែម្តង។​ បើនិយាយពីទេសភាពនៅទីនេះ មិនចាញ់នៅ ទឹកធ្លាក់ជ្រាវប៉ុន្មាននោះទេ ហើយក៏មានអ្នកមកលេងកម្សាន្តច្រើនមិនចាញ់គ្នានោះដែរ។ បើពណ៌នាពីបរិយាកាសនៅរមណីយដ្ឋានទឹកធ្លាក់នេះវិញ គឺគួរឱ្យចង់មកកម្សាន្តមិនចង់ឃ្លាតឆ្ងាយ។​ ម៉្យាងវិញទៀត ទេសចរអាចលេងទឹកកម្សាន្ត លើផ្ទាំងថ្មធំរាបស្មើមានរៀងដូចគេច្នៃឡើងបានទៀតផង។

The post ៩កន្លែង ក្នុងខេត្តទាំង៣ សក្តិសមបំផុត សម្រាប់ដំណើរកម្សាន្តខែចូលឆ្នាំខ្មែរ appeared first on Kampuchea Thmey Daily.

១. ទីក្រុង Bucharest

Bucharest គឺជាទីក្រុងធំបំផុតនៅប្រទេសរូម៉ានី ដែលមានប្រជាជន ១.៨២ លាននាក់ (២០២១) គេដាក់រហ័សនាមឲ្យទីក្រុងនេះថា “ប៉ារីសតូច”។ ផ្ទះជួលមួយបន្ទប់ក្នុងទីក្រុងមានតម្លៃជាមធ្យម ៤៦៨.២៥ ដុល្លារ ចំណែកកាហ្វេមួយកែវត្រូវចំណាយជិត ៣ ដុល្លារ និងចំណាយប្រចាំខែសម្រាប់មនុស្សម្នាក់ជាមធ្យមគឺ ៦៣៨.៨០ ដុល្លារ ។ 

២. ទីក្រុងឈៀ​ង​ម៉ៃ

យោងតាម “CIA World Factbook” ទីក្រុងឈៀ​ង​ម៉ៃនៃប្រទេសថៃមានប្រជាជន ១.២១ លាននាក់ក្នុងឆ្នាំ ២០២៣ ។ ថ្លៃចំណាយប្រចាំខែសម្រាប់មនុស្សម្នាក់ជាមធ្យមគឺ  ៥០៩.៨០ ដុល្លារ ចំណែកតម្លៃផ្ទះជួលមួយបន្ទប់ជាមធ្យមគឺ ៣៥១.៨១ ដុល្លារ និងកាហ្វេមួយកែវប្រហែល ២ ដុល្លារ ។

៣. ទីក្រុង Larissa

យោងតាម “វិទ្យាស្ថានយូណេស្កូ” បានឲ្យដឹងថា ទីក្រុង Larissa នៃប្រទេសក្រិកមានប្រជាជន ១៦២,០០០ នាក់ប៉ុណ្ណោះ (២០១៧) ហើយថ្លៃចំណាយប្រចាំខែជាមធ្យមសម្រាប់មនុស្សម្នាក់គឺ ៧២១.៥០ ដុល្លារ រួមទាំងផ្ទះជួលមួយបន្ទប់ ២៨៦.៩០ ដុល្លារ និងកាហ្វេមួយកែវប្រហែល ៣ ដុល្លារ ។

៤. ទីក្រុង Puebla

Puebla ជាទីក្រុងធំលំដាប់ទីបួននៃប្រទេសម៉ិកស៊ិក វាមានប្រជាជន ៣.៣ លាននាក់ (២០២២) ដែលត្រូវចំណាយប្រចាំខែជាមធ្យម ៥២៤.២០ ដុល្លារសម្រាប់មនុស្សម្នាក់បូកជាមួយថ្លៃផ្ទះជួលមួយបន្ទប់តម្លៃ ៣៣៥.៨១ ដុល្លាររួចរាល់ និងថ្លៃកាហ្វេមួយកែវ ២.៦ ដុល្លារ ។

៥. ទីក្រុង Santa Cruz

ទីក្រុង Santa Cruz គឺជាមជ្ឈមណ្ឌលពាណិជ្ជកម្មរបស់ប្រទេសបូលីវី បើយោងតាម CIA World Factbook បានឲ្យដឹងថាវាមានប្រជាជន ១.៨២ លាននាក់ក្នុងឆ្នាំ ២០២២ ។ ថ្លៃចំណាយប្រចាំខែជាមធ្យមសម្រាប់មនុស្សម្នាក់គឺ ៤៨៦.៩០ ដុល្លារ ថ្លៃផ្ទះជួលមួយបន្ទប់ ៤០១.៦០ ដុល្លារ និងកាហ្វេមួយកែវ ២.២៦ ដុល្លារប៉ុណ្ណោះ ។

៦. ទីក្រុង Santa Cruz de Tenerife

ទីក្រុង Santa Cruz de Tenerife នៃប្រទេសអេស្ប៉ាញ ជាកន្លែងវិស្សមកាល និងចូលនិវត្តន៍ដ៏ពេញនិយមសម្រាប់ពលរដ្ឋអង់គ្លេស និងអាល្លឺម៉ង់ជាច្រើន ។ ទីនោះមានប្រជាជនចំនួន ២០៨,៨៧៨ នាក់ក្នុងឆ្នាំ ២០២០ ដែលថ្លៃចំណាយប្រចាំខែសម្រាប់មនុស្សម្នាក់ជាមធ្យមគឺ ៦១៧.៩០ ដុល្លារ ចំណែកផ្ទះជួលមួយបន្ទប់តម្លៃ ៦១៧.៩០ ដុល្លារ និងកាហ្វេតម្លៃ ១.៨១ ដុល្លារក្នុងមួយកែវ ៕

ប្រែសម្រួល ៖ វារី

ចុចអាន ៖ រូងភ្នំស្អាតដូចឋានសួគ៌ ៧ កន្លែងជុំវិញពិភពលោក ឃើញហើយចំហមាត់

The post មកដឹងពីតម្លៃចំណាយសំខាន់ៗដើម្បីរស់នៅទីក្រុង ៦ កន្លែងជុំវិញពិភពលោក appeared first on Kampuchea Thmey Daily.

១.រមណីយដ្ឋាន បឹងបៃតង

រមណីយដ្ឋាន បឹងបៃតង​ បែបលក្ខណៈគ្រួសារមួយនេះ មានទីតាំងស្ថិតនៅ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដែលទំហំប្រមាណ ១១ហិចតា និងមានស្រះទឹកសិប្បនិមិត្តនៅទីនោះជម្រៅជិត១០ម៉ែត្រ ព្រមទាំងមានត្រីចិញ្ចឹមសម្រាប់គយគន់ស្ទើរតែគ្រប់ប្រភេទតែម្តង។ នៅរមណីយដ្ឋាន បឹងបៃតង មានជាកន្លែងអង្គុយលេងបណ្តែតមាត់ទឹកជាច្រើន មានសួនកម្សាន្តសម្រាប់ក្មេងលេង សួនបន្លែ មានលក់ម្ហូបគ្រប់មុខ និងការស្ទូចត្រីលេងជាដើម។ នៅទីនោះមានចាប់បើកបម្រើសេវាកម្មជារៀងរាល់ថ្ងៃ ចាប់ពីម៉ោង ៩ព្រឹក ដល់ម៉ោង ៨យប់។

២.ជំនោរកោះនរា

រមណីយដ្ឋាន ជំនោរកោះនរា គឺជាកន្លែងលំហែកាយមួយដែលមានចម្ងាយប្រហែល ១គីឡូម៉ែត្រប៉ុណ្ណោះពីស្ពានច្បារអំពៅ ស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ។ កន្លែងសម្រាកលំហែកាយ និងមានអាហារឆ្ងាញ់ៗនេះ ត្រូវបានរៀបចំឡើងអមជាមួយនឹងទេសភាពដ៏ស្រស់ត្រកាល មានបឹងធម្មជាតិអាចស្ទូចត្រីបាន ព្រមទាំងមានជាកន្លែងអង្គុយលេងបែបលក្ខណៈផ្ទាល់ខ្លួន គយគន់សម្រស់ធម្មជាតិផងដែរ។

៣.ចំការធ្នង់

ចំការធ្នង់ គឺជាទីកន្លែងសម្រាកលំហែកាយមួយទៀតបែបធម្មជាតិ ដែលមានវាលស្មៅ ផ្កាចម្រុះពណ៍ មានបឹងធម្មជាតិសម្រាប់ស្ទូចត្រីលេងកម្សាន្ត អមជាមួយនឹងការរចនាជាស្ពានយោល កន្លែងអង្គុយលេងនៅលើវាលស្មៅស្រស់ស្អាត និងការបោះជំរំសម្រាកលំហែផងដែរ។ នៅទីនោះ ក៏មានបម្រើជាភេសជ្ជៈគ្រប់ប្រភេទ ម្ហូបខ្មែរគ្រប់មុខ ប្រកបដោយផាសុខភាព និងអនាម័យ។ រមណីយដ្ឋាន ចំការធ្នង់ មានទីតាំងស្ថិតនៅ ត្រឹមតែ​ ១២គីឡូម៉ែត្រប៉ុណ្ណោះ ពីកំពង់ចម្លងស្វាយជ្រុំជ្រោយចង្វា ឬ​ ១៤គីឡូម៉ែត្រ ពីកំពង់ចម្លងអរីយ៍ក្សត្រ ឬ អាចឆ្លងតាមស្ពានព្រែកតាមាក់បានដូចគ្នា។

៤.7 NG Sky Land

សួន 7 NG គឺជារីសតមួយនៅក្បែររាជធានីភ្នំពេញ ដែលអាចឲ្យប្រជាពលរដ្ឋខ្មែរសម្រាកលំហែកាយ ឬ ចូលដើរទស្សនាក្នុងរីសតក្បែរភ្នំពេញនោះបានជាមួយនឹងផ្ទៃដីធំល្វឹងល្វើយ និងមានកន្លែងទស្សនាជាច្រើន។ រីសត 7 NG មានជាបន្ទប់បឹងហ្គាឡូ កន្លែងសម្រាប់បោះជំរំ សួនសត្វ អាងហែលទឹកធំទូលាយ សួនក្មេងលេង កន្លែងអង្គុយលំហែលើទឹក ព្រមទាំងរូបភាពដែលមានទស្សនីយភាពប្លែកៗជាច្រើនទៀត។ នៅសូន 7 NG នេះ គឺគិតជាសំបុត្រសម្រាប់ភ្ញៀវគ្រប់រូប ចូលទស្សនា ក្នុងនោះភ្ញៀវជាតិតម្លៃសំបុត្រម្នាក់ ១២,០០០៛​ ឯ ភ្ញៀវបរទេស តម្លៃ ២០,០០០៛។ 7 NG មានទីតាំងស្ថិតនៅ ភូមិវិហារសួគ៌ជើង ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។​

៥.អាម៉ាហ្សូន រីសត

នៅអាម៉ាហ្សូន រីសត គឺជាកន្លែងមួយដែលនៅជិតរង្វង់មូលកួរស្រូវ មានជាការជិះទាទឹក ទូក និងចែវល្អីលេង ជិះខ្សែរ៉តកាត់ទឹក និងកន្លែងអង្គុយលេងជិតមាត់ទឹកជាដើម។ នៅទីនោះ មានទេសភាពស្រស់ស្អាត ស្រះទឹកសម្បូរទៅដោយឈូកយក្ស រូបចម្លាក់សត្វផ្សេងៗ ក៏ដូចជាទេសភាពពណ៌បៃតងខ្ចី និងមានកន្លែងថបរូបស្អាតៗជាច្រើនទៀត។ មួយវិញទៀត ក៏មានជាការចិញ្ចឹមទន្សាយសម្រាប់ឲ្យលោកអ្នកទស្សនា ដាក់ចំណី ដ៏មានភាពទាក់ទាញ ទទួលបានការគាំទ្រជាបន្តបន្ទាប់ពីសំណាក់ប្រជាជនទៅលេងទីនោះ។

៦.រមណីយដ្ឋានមហាព្រហ្ម

នៅរមណីយដ្ឋានមហាព្រហ្ម ជាទីតាំងលំហែធម្មជាតិក្បែររាជធានីដែលមានខ្យល់អាកាសធម្មជាតិបរិសុទ្ធ មានជាសួនផ្កាដ៏ស្រស់ស្អាត និងចម្រុះពណ៌ មានជាសួនសម្រាប់ក្មេងលេង សួនសត្វ​ សួនកង្ហាវិលជាដើម។ រមណីយដ្ឋានមហាព្រហ្ម ក៏មានជាស្រះទឹកសម្រាប់ភ្ញៀវបានស្ទូចត្រី មានទាទឹកសម្រាប់ជិះមើលត្រី ស្ពានបណ្តែតទឹក និងទឹកធ្លាក់លើភ្នំផងដែរ។ ជាមួយគ្នានោះ ក៏មានជាកន្លែងអង្គុយលេង សម្រាប់ទទួលទានអាហារថ្ងៃត្រង់ដូចគ្នា។ រមណីយដ្ឋានមហាតាព្រហ្ម មានទីតាំងស្ថិតនៅ ផ្លូវ៥១ ភូមិពោធិ៍ ឃុំដំណាក់រាំង ស្រុកឧដុង្គ ខេត្តកំពង់ស្ពឺ មានចម្ងាយ ៤០គីឡូម៉ែត្រ ពីរាជធានីភ្នំពេញ។

៧.ភោជនីយដ្ឋាន លំហែមាត់បឹង

លំហែមាត់បឹង មានទីតាំងស្ថិតនៅពោធិ៍ចិនតុង រាជធានីភ្នំពេញ​ដែលជាកន្លែងសម្រាប់លំហែទទួលទានអាហារ ជជែកគ្នាលេងនៅតាមមាត់បឹងដែលជាជីករួចធ្វើជាបឹងសុប្បនិមិត្តសម្រាប់លំហែកាយ។ នៅ លំហែមាត់បឹង មានជាការជិះទូកលេងមើលទេសភាព និងកន្លែងថតរូបស្រស់ស្អាត មានជាការកម្មង់អាហារជាច្រើនមុខ សុទ្ធសឹងតែជាអាហាររបស់ខ្មែរទាំងអស់។ ភោជនីយដ្ឋាន នៅជាយក្រុងមួយនេះ​ មានបើកលក់ជារៀងរាល់ថ្ងៃ ចាប់ពីម៉ោង ១២ថ្ងៃត្រង់ ដល់ម៉ោង៩យប់។

៨. រមណីយដ្ឋាន ភ្នំឧដុង្គ

ភ្នំឧដុង្គ ជារមណីយដ្ឋានបែបប្រវត្តិសាស្ត្រមួយ មានចម្ងាយពី ៤៦គីឡូម៉ែត្រ ពីរាជធានីភ្នំពេញ ជាកន្លែងដែលប្រជាជនខ្មែរគោរពបូជាមិនដាច់។ ភ្នំនេះត្រូវបានគេដាក់ឈ្មោះឲ្យបីគឺ ភ្នំព្រះរាជទ្រព្យ ភ្នំឧដុង្គ និងភ្នំអដ្ឋរស្ស ដែលជារមណីយដ្ឋានមួយមានចេតីយបុរាណជាច្រើនដែលសល់ពីសម័យមុនមក សម្រាប់ឲ្យប្រជាជនបានទស្សនា បានស្គាល់ និងគោរពបូជា។ មិនតែប៉ុណ្ណោះ ភ្នំឧដុង្គ ក៏មានជាកន្លែងអង្គុយលេង មានលក់ម្ហូបអាហារជាច្រើនសន្ធឹក និងនំប្លែកៗជាច្រើនតំណាងឲ្យតំបន់នោះ។ ភ្នំឧដុង្គ ស្ថិតនៅខេត្តកណ្តាល លោកអ្នកអាចធ្វើដំណើរតាមផ្លូវជាតិលេខ៥ ឬ ផ្លូវ៥១​ សម្រាប់ទៅកម្សាន្តនៅទីនោះ ស្រូបខ្យល់អាកាសធម្មជាតិ។

៩.រមណីយដ្ឋាន កោះដាច់

រមណីយដ្ឋាន ឆ្នេរខ្សាច់កោះដាច់ ជាកន្លែងទេសចរណ៍បែបធម្មជាតិ មានទីតាំងស្ថិតនៅក្នុងភូមិ ក្បាលកោះ សង្កាត់កោះដាច់ ខណ្ឌជ្រោយចង្វា មានចម្ងាយប្រមាណជា៨គីឡូម៉ែត្រ ពីរាជធានីភ្នំពេញ។​ រមណីយដ្ឋាន កោះដាច់ មានជាគ្រែអង្គុយលេងបណ្តែតលើទឹក និងជាម្ហូបកម្មង់ផ្សេងៗទៀត។ អ្នកទៅលេងនៅទៅនោះ អាចទទួលទានម្ហូបអាហារផង ព្រមទាំងលេងទឹកទន្លេនៅទីនោះបានយ៉ាងសប្បាយរីករាយ។

១០. សួនចំការស្នេហ៍

នៅសួនចំការស្នេហ៍ មានជាកន្លែងអង្គុយលេងបែបផ្ទះជនជាតិដើមភាគតិចផង និងបែបធម្មតាផង។ ចំការស្នេហ៍ ក៏មានតាំងពីរបៀបត្បាញសូត្រខ្មែរ ការលក់វត្ថុអនុស្សាវរីយ៍ផ្សេងៗ អាងចិញ្ចឹមក្រពើ សួនចិញ្ចឹមក្ងោក អមជាមួយនឹងរុក្ខជាតិ ព្រមទាំងបរិយាកាសដ៏បរិសុទ្ធនៅទីនោះ។ សួនចំការស្នេហ៍ មានទីតាំងស្ថិតនៅ កោះឧញ្ញាតី ជិះពីស្ពានជ្រោយចង្វារប្រហែលកន្លះម៉ោងអ្នកនឹងឃើញភោជនីយដ្ឋានដ៏ស្រស់ស្អាតមួយនោះជាមិនខាន៕

ដោយ៖ អុន ស្រីមាន

The post ចុងសប្តាហ៍អត់ដឹងទៅណាមែនទេ? តោះ មកស្គាល់កន្លែងកម្សាន្តជាយក្រុង ១០កន្លែងទាំងអស់គ្នា! appeared first on Kampuchea Thmey Daily.

សាធារណរដ្ឋ​ម៉ា​សេ​ដូ​នៀ​ខាងជើង ជា​ប្រទេស​ដែលមាន​ទីតាំង​ស្ថិតនៅក្នុង​តំបន់​អឺរ៉ុប​ភាគ​អាគ្នេយ៍​ ដែល​សម្បូរ​ទៅដោយ​ប្រវត្តិសាស្ត្រ វប្បធម៌​និង​ភាព​ទាក់ទាញ​ធម្មជាតិ​ជាច្រើន និង​ត្រូវបាន​គេ​ស្គាល់​ថា​ជាទី​តាំង​ដ៏​មានតម្លៃ​នៃ​ប៉ែក​អឺរ៉ុប​។​

​នៅពេលដែល​ចាប់ផ្តើម​មានការ​ធ្វើ​ទំនើប​ភាវូបនីយកម្ម (​សមាជិកភាព​របស់​ស​ហ​ភាព​អឺរ៉ុប​កំពុង​បន្ត​) និង​សក្តានុពល​ដ៏​ធំធេង​សម្រាប់​កំណើន​នេះ ប្រទេស​ម៉ា​សេ​ដូ​នៀ​ខាងជើង​កំពុងបើក​ទ្វារ​ទទួល វិនិយោគិន​អន្តរជាតិ និង អ្នកមាន​ទេពកោសល្យ តាមរយៈ​កម្មវិធី​វិនិយោគ​ដើម្បី​ទទួលបាន​សញ្ជាតិ​ថ្មី​ជាងគេ និង​មាន​តម្លៃ​សមរម្យ​។ ក្រុមហ៊ុន​ច្បាប់ Harvey Law Group (HLG) ដែលជា​ក្រុមហ៊ុន​ច្បាប់​អន្តោប្រវេសន៍​ឈានមុខ​គេ​នៅ​អាស៊ី​មាន​កិត្តិយស​ ដែល​ត្រូវបានតែងតាំង​ជា​ភ្នាក់ងារ​ជាន់ខ្ពស់​ផ្នែក​ច្បាប់​សម្រាប់​តំបន់​អាស៊ី សម្រាប់​កម្មវិធី​ភាពជា​ពលរដ្ឋ​នៅ​ម៉ា​សេ​ដូ​នៀ​ខាងជើង​។​

​ម៉ា​សេ​ដូ​នៀ​ខាងជើង​បានទទួល​ចំណាប់អារម្មណ៍​យ៉ាង​លឿន​ជា​គោលដៅ​ ដែលមាន​គេ​ចូលចិត្ត​ជាងគេ​នៅ​អឺរ៉ុប​។ ប្រទេស​នេះ​មាន​ព្រំប្រទល់​ជាប់​ប្រទេស​ក្រិ​កនៅ​ភាគខាងត្បូង ជាប់​ប៊ុលហ្គារី​នៅ​ខាងកើត ជាប់​អាល់​បា​នី​នៅ​ភាគ​ខាងលិច ជាប់​កូ​សូ​វ៉ូ​និង​ស៊ែ​ប៊ី​នៅ​ភាគ​ខាងជើង ហើយក៏​ជា​តំបន់​ទាក់ទាញ​ភ្ញៀវ​ទេសចរ​ ដែល​ពោរពេញ​ទៅដោយ​ប្រវត្តិសាស្ត្រ​។ វា​ជា​ជម្រក​របស់​បឹង​អូ​ហ្គ្រី​ន​ដែល​ជាប់​ឈ្មោះ​ក្នុង​តារាង​របស់​យូណេស្កូ និង​មាន​ប្រាសាទបុរាណ​ ដែល​ត្រូវបាន​អភិរក្ស​ល្អ​បំផុត​របស់​អឺរ៉ុប​និង​ជាទី​ក្រុង​សិល្បៈ​បែប​ប៊ី​ថូ​ឡា​ដ៏​ស្រស់ស្អាត​។ ការធ្វើដំណើរ​ឆ្លងកាត់​រាជធានី Skopje បង្ហាញ​ពី​សក្ដានុពល​នៃ​វប្បធម៌​ពី​បុរាណ​បែប​រ៉ូ​ម៉ាំង ប៊ី​ហ្សី​ទីន អាណាចក្រ​ប៊ុលហ្គារី​ដំបូង និង​បែប​អាណាចក្រ​ទួរគី​។ ទេសភាព​ទីក្រុង​ស្ថាបត្យកម្ម​ផ្សេងៗ​គ្នា​នៃ​វិហារ​អ៊ីស្លាម​និង​អគារ​ទំនើប ៗ ឆ្លុះបញ្ចាំង​ពី​ប្រវត្តិសាស្ត្រ​របស់​ប្រទេស​នេះ​និង​ជាការ​ចងចាំ​ពី​អតីតកាល​ដ៏​សម្បូរ​បែប​របស់ Skopje ឆ្ពោះទៅ​អនាគត​ដ៏​មហិមា​មួយ​។​

​ប្រទេស​ម៉ា​សេ​ដូ​នៀ​ខាងជើង​ផ្តល់នូវ​បទពិសោធន៍​ប្លែក​ពី​គេ​ តាមរយៈ​អ្នកស្រុក​ដែល​រួសរាយ​រាក់ទាក់​និង​ស្វាគមន៍​បដិសណ្ឋារកិច្ច និង​បន្សល់ទុក​នូវ​អនុស្សាវរីយ៍​ដែល​មិន​អាច​បំភ្លេចបាន​នៃ​អាហារ​ដ៏​ឈ្ងុយឆ្ងាញ់ និង​ស្រា​នៅជាប់​នឹង​ទេសភាព​ដ៏​ស្រស់ស្អាត​។​

​ទស្សនា​វ​ដ្តី​សេដ្ឋវិទូ​ឈ្មោះ The Economist Magazine បានដាក់​ឈ្មោះ​ប្រទេស​ម៉ា​សេ​ដូ​នៀ​ខាងជើង​ជា​ប្រទេសមួយ​ក្នុងចំណោម​ប្រទេស​ទាំង 5 ដែលមាន​ការរីកចម្រើន​ជាងគេ នៅក្នុង​ឆ្នាំ 2019 ។ បើ​យោងទៅតាម Index របស់​ធនាគារពិភពលោក នៅ​ឆ្នាំ 2019 ប្រទេស​នេះ ក៏បាន​ជាប់​ក្នុងចំណោម Top Ten ខាង​ផ្នែក​ធ្វើ​អាជីវកម្ម​។ មិន​ត្រឹមតែ​ប៉ុណ្ណោះ វា​ក៏​ជាការ​បន្ថែម​តម្លៃ សម្រាប់​ការចេញចូល ដោយ​មិន​មានការ​រឹតត្បិត​ទៅ​សហភាព​អ៊ឺរ៉ុប CEFTA ប្រទេស​ទួរគី អ៊ុយ​ក្រែ​ន និង​មាន​ផលប្រយោជន៍ខាង​ពន្ធ​សាជីវកម្ម​និង​ប្រាក់ចំណូល​ទាប​ជាងគេ​នៅ​សហភាព​អឺរ៉ុប ហើយ​កម្លាំង​ពលកម្ម​មាន​កម្រិត​ជំនាញ​ខ្ពស់ គួបផ្សំ​នឹង​ធនាគារ​ដែល​មាន​បទប្បញ្ញត្តិ​ទទួលស្គាល់​ជា​អន្តរជាតិ និង​គោលនយោបាយ​ដែល​មិន​រឹតត្បិត​ភាពជា​ម្ចាស់​កម្ម​សិទ្ធ​សម្រាប់​ជនបរទេស​លើ​ទ្រព្យសម្បត្តិ​និង​សាជីវកម្ម​ក្នុងស្រុក​។ ដោយហេតុថា​ប្រទេស​នេះ​បាន​ក្លាយជា​សមាជិក​រប​ស់​អង្គការ​ណា​តូ ហើយ​ក្រុមប្រឹក្សា​សហភាព​អឺរ៉ុប​ បាន​សម្រេច​យល់ព្រម​លើ​ការចាប់ផ្តើម​ការចរចា​កិច្ចព្រមព្រៀង​អឺរ៉ុប​ចាប់តាំងពី​ខែមីនា​ឆ្នាំ 2020 ម៉ា​សេ​ដូ​នៀ​ខាងជើង​បាន​ប្រែក្លាយជា​ទឹកដី​ពោរពេញ​ទៅដោយ​ឱកាស ដោយ​បោះជំហាន​ទៅមុខ​យ៉ាង​លឿន​ ដើម្បី​ក្លាយជា​គោលដៅ​ទាក់ទាញ​បំផុត​សម្រាប់ អាជីវកម្ម​និង​ការវិនិយោគ​។​

​សម្រាប់​ដំណឹង​ល្អ​បន្ទាប់​ទៀត​គឺ​ក្នុងនាម​ជា​ពលរដ្ឋ​ម៉ា​សេ​ដូ​នៀ​ខាងជើង អ្នក​នឹងមាន​ភាព​បត់បែន​ក្នុងការ​ធ្វើដំណើរ​មកលេង​ប្រទេស​នេះ​តិច​ឬ​ច្រើន​តាម​ដែល​អ្នក​ចង់បាន​។ លើសពីនេះទៅទៀត​អ្នក​នឹងមាន​ជម្រើស​ ក្នុងការ​វិនិយោគ​យ៉ាងសកម្ម​នៅ​ម៉ា​សេ​ដូ​នៀ​ខាងជើង និង​ទាញយក​អត្ថប្រយោជន៍​ពី​សក្តានុពល​នេះ​។ ប្រទេសមួយ​ក្នុងចំណោម​ប្រទេស​ដែល​ស្រស់ស្អាត​បំផុត​នៅ​អឺរ៉ុប​នេះ នឹង​ទទួលយក​ចំនួន​វិនិយោគិន​ ដែលមាន​កំណត់​ត្រឹម (1,000 នាក់​) ដើម្បី​ចូលរួម​កម្មវិធី​សញ្ជាតិ​ថ្មី​របស់ខ្លួន​តាមរយៈ​ក​ម្ម​វិធី​វិនិយោគ​នេះ​។​

​កម្មវិធី​ថ្មី​នេះ​មាន​គោលបំណង​ជំរុញ​សេដ្ឋកិច្ច​និង​សង្គម​ក្នុង​តំបន់​តាមរយៈ​ការនាំ​វិនិយោគិន​អន្តរជាតិ​ចូលមកក្នុង​ប្រទេស​។ ការវិនិយោគ​នេះ​នឹង​ផ្តល់​សិទ្ធិ​ដល់​វិនិយោគិន​និង​គ្រួសារ​របស់​ពួកគេ​ដើម្បី​ដាក់​ពាក្យសុំ​សញ្ជាតិ​និង​លិខិតឆ្លងដែន​ម៉ា​សេ​ដូ​នៀ​ខាងជើង ហើយក៏​អាច​បន្តទៅ​អ្នកជំនាន់ក្រោយ​បាន​ទៀត​។​

​លិខិតឆ្លងដែន​ម៉ា​សេ​ដូ​នៀ​ខាងជើង​អនុញ្ញាត​ឲ្យ​មាន​សិទ្ធ​ចេញចូល​ដោយ​មិនចាំបាច់​មាន​ទិដ្ឋាការ​ទៅ​ជាង 123 ប្រទេស ក្នុងនោះ​រួមមាន​ប្រទេស​នៅ​តំបន់ Schengen ហុងកុង សិង្ហ​បុរី ប្រេ​ស៊ី​ល កាតា តួ​ក​គី​និង​ជប៉ុន​។ លិខិតឆ្លងដែន​នេះ​មាន​សិទ្ធិ​ទទួលបាន​ទិដ្ឋាការ​តាម​online ទៅកាន់​ប្រទេស​អូស្ត្រាលី​ក៏ដូចជា​ទិដ្ឋាការ​ឆ្លងកាត់​ទៅ​ប្រទេស​ចិន​។ កម្មវិធី​នេះ​មិន​តម្រូវឲ្យ​មាន​រយៈពេល​ស្នាក់នៅ​អប្បបរមា ឬ​បទពិសោធន៍​ភាសា ឬ​ការគ្រប់គ្រង​ទេ​។ ប្រទេស​ម៉ា​សេ​ដូ​នៀ​ខាងជើង​ក៏​ជា​ប្រទេស​ដែលមាន​សន្ធិសញ្ញា E-2 ជាមួយ​សហរដ្ឋអាមេរិក​ដូច្នេះ​ជនជាតិ​របស់ខ្លួន​មានឱកាស​ដាក់​ពាក្យសុំ​ទិដ្ឋាការ E-2 ដែលមាន​សុពលភាព​រហូតដល់ 5 ឆ្នាំ​និង​ទទួលបាន​អត្ថប្រយោជន៍​ពី​សិទ្ធិ​ចូលទៅ​រស់នៅ​សហរដ្ឋអាមេរិក​បាន​។

​លោក Jean-François Harvey ជា​ដៃគូ​គ្រប់គ្រង​សកល និង​ជា​ស្ថាបនិក​នៃ​ក្រុមហ៊ុន Harvey Law Group (HLG) បាន​មានប្រសាសន៍ថា “ ក្រុមហ៊ុន HLG ពិតជា​មាន​កិត្តិយស​ណាស់​ដែល​បានទទួល​តួនាទី​ដ៏​សំខាន់​ក្នុងការ​លើកកម្ពស់​កម្ម​វិធី​ភាពជា​ពលរដ្ឋ​ពិសេស​នេះ​នៅ​ទូទាំង​ទ្វីបអាស៊ី​។ ភាពស្មោះត្រង់​និង​ភាពជឿជាក់​របស់​យើង​ក្នុងការ​ផ្តល់នូវ​ដំណោះស្រាយ​ចល័តភាព​នៅ​ទូទាំង​ពិភពលោក​បានទទួល​ការជឿទុកចិត្ត​ពី​ភាគី​លំដាប់​ខ្ពស់ ដូចជា​រដ្ឋាភិបាល​នៃ​ប្រទេស​ម៉ា​សេ​ដូ​នៀ​ខាងជើង អតិថិជន និង​ដៃគូ​របស់​យើង​។ លោក​បាន​បន្តថា “ យើង​សង្ឃឹមថា យើង​នឹង​ផ្តល់ជូន​នូវ​ដំណោះស្រាយ​ជា​ពលរដ្ឋ​ប្រកបដោយ​ជោគជ័យ រួមជាមួយ​គុណប្រយោជន៍​ក្រោម​កម្មវិធី​ភាពជា​ពលរដ្ឋ​ម៉ា​សេ​ដូ​នៀ​ខាងជើង ទៅកាន់​គ្រប់​បណ្តាញ​ការិយាល័យ​របស់​យើង​នៅ​ទូទាំង​ពិភពលោក​” ។​

​បើតាម​សម្តី​របស់លោក Bastien Trelcat ដៃគូ​គ្រប់គ្រង​ក្រុមហ៊ុន Harvey Law Group (HLG) បានអោយដឹងថា “ យើង​មាន​កិត្តិយស​ណាស់​ដែល​ត្រូវបានតែងតាំង​ជា​ភ្នាក់ងារ​ជាន់ខ្ពស់​ផ្នែក​ច្បាប់ សម្រាប់​ទ្វីបអាស៊ី​សម្រាប់​កម្មវិធី​ជា​ពលរដ្ឋ​នៅ​ម៉ា​សេ​ដូ​នៀ​ខាងជើង​។ យើង​សូម​ថ្លែងអំណរគុណ​ដល់​រដ្ឋាភិបាល​នៃ​ប្រទេស​ម៉ា​សេ​ដូ​នៀ​ខាងជើង ក្រុមការងារ និង​អតិថិជន​របស់​យើង សម្រាប់​ការគាំទ្រ​អស់​រយៈពេល​ជាច្រើន​ទសវត្ស​។ ក្នុងនាម​ជា​មេដឹកនាំ​នៅក្នុង​វិស័យ​ការធ្វើ​អន្តោប្រវេសន៍​តាម​ការវិនិយោគ​នេះ ក្រុមហ៊ុន HLG នឹង​បន្ត​បម្រើ​ដោយ​ការជឿទុកចិត្ត​និង​ភាពស្មោះត្រង់ សម្រាប់​ប្រទេស​ម៉ា​សេ​ដូ​នៀ​ខាងជើង​នេះ​។​”

​ក្រុមហ៊ុន HLG ត្រូវបាន​បង្កើតឡើង​តាំងពី​ឆ្នាំ 1992 និង​ជា​ក្រុមហ៊ុន​ច្បាប់​អន្តោប្រវេសន៍​ឈានមុខ​គេ​នៅលើ​ពិភពលោក​ដែល​បាន​ក្លាយជា​ភ្នាក់ងារ​ ដែលមាន​ការអនុញ្ញាត​ត្រឹមត្រូវ​ដែល​តំណាងឲ្យ​កម្មវិធី​ស្នាក់នៅ​និង​កម្មវិធី​វិនិយោគ​យក​សញ្ជាតិ​មកពី​ពាសពេញ​ពិភពលោក​។​ សម្រាប់​ការសាកសួរ​ព័ត៌មាន​បន្ថែម​ ស្តីពី​ឱកាស​ធ្វើ​អន្តោប្រវេសន៍​តាម​ការវិនិយោគ​សូម​ចូលទៅ​កាន់​គេហទំព័រ www.harveylawcorporation.com ឬ ទូរស័ព្ទ​មក​លេខ +85570789330 ឬ​អ៊ី​ម៉ែ​លម​ក​យើង​តាមរយៈ cambodia@harveylawcorporation.com ។​

​អំពី​ក្រុមហ៊ុន​ច្បាប់ Harvey Law Group (HLG)

​ក្រុមហ៊ុន Harvey Law Group (HLG) គឺជា​ក្រុមហ៊ុន​ច្បាប់​អន្តរជាតិ​ដែលមាន​ឯកទេស​ខាងច្បាប់​អន្តោប្រវេសន៍​តាមរយៈ​សាជីវកម្ម និង​ការធ្វើ​វិនិយោគទុន​ដោយមាន​កេរ្តិ៍ឈ្មោះ​ទូទាំង​ពិភពលោក សម្រាប់​តំណាង​អតិថិជន​និង​សាជីវកម្ម​ល្បី ៗ ។ HLG ទទួលបាន​ពានរង្វាន់​ក្រុមហ៊ុន​ច្បាប់​អន្តោប្រវេសន៍​ប្រចាំឆ្នាំ​នៅឯ​ពានរង្វាន់ Macallan ALB Hong Kong Law Awards នៅ​ឆ្នាំ 2014 និង 2017​។ ក្នុងនាម​ជា​អ្នក​ឈានមុខ​គេ​នៅ​អាស៊ី​ក្នុង​ឧស្សាហកម្ម​វិនិយោគ​និង​ទទួលបាន​សញ្ជាតិ​តាម​ការវិនិយោគ HLG បានផ្តល់​សេវាកម្ម​អន្តោប្រវេសន៍​សម្រាប់​ការវិនិយោគ​អស់​រយៈពេល​ជាង 29 ឆ្នាំ ហើយ​។ ។​

​ក្រុមហ៊ុន HLG មាន​ការិយាល័យ​កណ្តាល​នៅ​ទីក្រុង​ហុងកុង​ដែលមាន​ការិយាល័យ​ជាង 23 កន្លែង នៅ​ទូទាំង​ពិភពលោក​រួមមាន​ថៃ វៀតណាម កម្ពុជា ហ្វីលីពីន Ivory Coast ម៉ាឡេស៊ី ឥណ្ឌូនេស៊ី អាហ្វ្រិក​ខាងត្បូង ប្រេ​ស៊ី​ល និង​កំពុង​ពង្រីក​បន្ថែមទៀត​។ HLG ត្រូវបាន​ផ្តល់​សិទ្ធិ​ត្រឹមត្រូវ​ដោយ​កម្មវិធី​អន្តោប្រវេសន៍​តាម​ការវិនិយោគ​ទាំងអស់ ដើម្បី​ជំរុញ​និង​រៀបចំ​ពាក្យស្នើសុំ​ក្នុងនាម​វិនិយោគិន​។ បច្ចុប្បន្ន HLG ផ្តល់​កម្មវិធី​ស្នាក់នៅ​និង​សញ្ជាតិ​ដោយ​ការវិនិយោគ​ដល់​ទៅ 25 ប្រទេស​និង​មាន​ជា​បន្តបន្ទាប់​ទៀត​៕​

www.harveylawcorporation.com

​

The post ក្រុមហ៊ុន HARVEY LAW GROUP បានទទួល​ការតែងតាំង​ជា ភ្នាក់ងារ​ជាន់ខ្ពស់​ផ្នែក​ច្បាប់​តំបន់​អាស៊ី សម្រាប់​កម្មវិធី​ទទួលបាន​សញ្ជាតិ​នៃ​ប្រទេស ម៉ា​សេ​ដូ​នៀ​ខាងជើង​ appeared first on Kampuchea Thmey Daily.

​លោក​ ហ៊ឹល​ រ៉ា​យ៉ា​ បាន​ប្រាប់​ឲ្យ​ដឹង​ថា​ លោក​បាន​ដឹកនាំ​កម្លាំង​ចម្រុះ​បន្តធ្វើ​ការចុះ​ត្រួតពិនិត្យ និង​ជំរុញ​ការអនុវត្ត​គោលការណ៍​ណែនាំ​របស់​រាជរដ្ឋាភិបាល និង​វិធាន​សុវត្ថិភាព​ សម្រាប់​អាជីវកម្ម​សេវាកម្ម​ទូទាំង​ក្រុង​សិរីសោភ័ណ​ ដើម្បី​ទប់ស្កាត់​ការ​រីក​រាលដាល​នៃ​ជំងឺ​កូ​វីដ​១៩ ចូល​ក្នុង​សហគមន៍ និង​សេចក្តី​ជូនដំណឹង​របស់​រដ្ឋបាល​ខេត្ត​ ស្តីពី​ការ​ផ្អាក​ដំណើរការ​អាជីវកម្ម​ក្លឹប​កម្សាន្ត​។​

ក្នុង​ការ​ចុះ​ត្រួតពិនិត្យ​នោះ​ក្រុម​ការងារ ​ក៏បាន​ណែនាំ​ឲ្យ​រាល់​អាជីវកម្ម​អាហារដ្ឋាន ភោជនីយដ្ឋាន​ ដែល​មាន​ត​ន្រី្ត​ចាក់​កំដរ​មេត្តា​ធ្វើការ​ផ្អាក​សកម្មភាព​មាន​ភ្លេង​កំដរ​ ក្នុង​ដំណើរ​អាជីវកម្ម​របស់​ខ្លួន​ចាប់​ពី​ពេល​នេះ​តទៅ​សិន ហើយ​ចំពោះ​អាជីវកម្ម​ម៉ាស្សា​តាម​ផ្ទះល្វែង ក្រុមការងារ​បាន​ស្នើ​ឲ្យ​ម្ចាស់​អាជីវកម្ម​ធ្វើការ​ផ្អាក​ប្រកប​អាជីវកម្ម​ជា​បណ្តោះអាសន្ន​ផង​ដែរ ដើម្បី​បង្ការ​និង​ទប់ស្កាត់​នូវ​ជំងឺ​ដ៏​កាច​សាហាវ​នៅ​ក្នុង​សហគមន៍​នេះ​ផង​ដែរ​៕​

អត្ថបទ៖ វ៉ាន់ ណា​ង​

សូមចុចអាន៖ រដ្ឋបាលខេត្តតាកែវ ណែនាំ ស្ថាប័នពាក់ព័ន្ធបន្តអនុវត្ត សេចក្ដីណែនាំរបស់ក្រសួងសុខាភិបាល និងប្រសាសន៍ សម្តេច តេជោឲ្យបានម៉ឺងម៉ាត់

The post ចុះ​ផ្អាក បណ្តា​ក្លឹប​កម្សាន្ដ និង​ខារ៉ាអូខេ កន្លែង​ម៉ាស្ស​ ក្នុង​ក្រុង​សិរីសោភ័ណ appeared first on Kampuchea Thmey Daily.

មន្ត្រី​រដ្ឋបាល​ក្រុង​ប៉ោយប៉ែត​បាន​ឲ្យ​ដឹង​ថា ​នៅ​ក្រុង​ប៉ោយប៉ែត​ជាយដែន​កម្ពុជា-ថៃ មក​ទល់​ពេល​នេះ​មាន ក្លឹប​កម្សាន្ត ក្លឹប​ឌី​ស្កូ​ថេក ខារ៉ាអូខេ​នានា នៅ​មិន​ទាន់​បានផ្អាក​សកម្មភាព​នៅឡើយ មកទល់​យប់​ថ្ងៃ​ទី​២២​ ខែ​កុម្ភៈ​នេះ ​ម្ចាស់​ក្លឹប​ទាំងនោះ ហាក់​ដូច​មើល​រំលងការណែនាំ​របស់​ក្រសួងសុខាភិបាល លិខិត​របស់​ក្រសួងទេសចរណ៍​នៅឡើយ​។​

លោក​ គាត ​ហ៊ុល អភិបាលក្រុង​ប៉ោយប៉ែតបាន​ឲ្យ​ដឹង​ថា បញ្ហា​ក្លិប​កម្សាន្ត ​ខារ៉ាអូខេ​ទាំងនោះ អាជ្ញា​ធរបាន​ចុះ​​ណែនាំ​ផ្ទាល់ និង​ចេញ​សេចក្តីជូនដំណឹង តែ​ម្ចាស់​អាជីវកម្ម​ទាំងនោះមិន​ស្តាប់​តាម​ការណែនាំ​របស់​អាជ្ញាធរ មាន​សមត្ថកិច្ច​ថ្នាក់​ត្រឹម​សង្កាត់ ក្រុង ខេត្ត​ឡើយ​។

យោង​តាម​ប្រជាពលរដ្ឋ អ្នក​រត់​ម៉ូ​តូ​ឌុប និង​ប្រជា​ការពារ​ភូមិ​បាន​ឲ្យ​ដឹង​ថា​ ក្លឹប​កម្សាន្ត​មួយ​ធ្លាប់​​​ផ្ទុះ​​អ្នក​ឆ្លង​កូ​វីដ១៩ លើ​បុគ្គលិក​​ម្តង​រួច​មក​ហើយ​ ប៉ុន្តែ​មក​ទល់​ពេល​នេះ ម្ចាស់​និង​អ្នកបម្រើ​ការងារ​ក្នុង​ទីតាំង​សេវា​កម្សាន្ត​ហាក់​នៅ​តែ​​ធ្វេសប្រហែស ឬ​បណ្តោយ​ឲ្យ​ដាន​ចាស់​នេះ ​បាន​កើត​ឡើងជា​ថ្មី ។

ក្លិប​កម្សាន្ត​មួយ​ចំនួន​ធំ ​នៅ​ក្រុង​ប៉ោយប៉ែត ខេត្ត​បន្ទាយមានជ័យ មកទល់​ថ្ងៃនេះ នៅ​តែ​មាន​បាន​បើក​ដំណើរការ​អាជីវកម្ម​យ៉ាង​ចំហ​នៅឡើយ ​ ក្នុង​នោះ​ក៏បាន​អនុញ្ញាត​ឲ្យ​ជនបរទេស​ចូល​លេង គឺ​មាន​ដូចជា​ជនជាតិ ចិន ឥណ្ឌូនេស៊ី ម៉ាឡេស៊ី និង​មាន​យុវជន​ខ្មែរ​ចូល​លេង​ផង​ដែរ​។​ ក្លឹប​ទាំងនោះ​មានដូចជា ក្លឹប​រេច​ថាច់​ដោ​ន ខារ៉ាអូខេ​ខេ​វ័​ន្ត ក្លឹប ខារ៉ាអូខេ បៀរ​ហ្គា​ដិ​ន អិ​ច​ស្តារ​ថៅកែ​ជនជាតិ​ចិន​ជាដើម​។

អត្ថបទ៖ វ៉ាន់ ណា​ង

សូមចុចអាន៖ ​បិទពីរ​សប្ដាហ៍ បណ្ដោះអាសន្ន​ រោង​ភាព​យន្ត រោង​សម្ដែង សារមន្ទីរ នៅ​ខេត្តកណ្ដាល និង​ភ្នំពេញ

The post ក្លិប​កម្សាន្ត​ក្នុង​ប្លុក​កាស៊ីណូ​ នា​ក្រុង​ប៉ោយប៉ែត​ នៅ​​ដំណើរ​ការ​​ធម្មតា appeared first on Kampuchea Thmey Daily.

​យោងតាម​ប្រភព​ព័ត៌មាន​ពី​លោក ហ៊​ត គឹម​នី អភិបាលរងខណ្ឌ​ច្បារអំពៅ​បាន​ឲ្យ​ដឹង​ថា យោ​ងតាម​បញ្ជរ​ពី​លោក ចេង មុនី​រ៉ា អភិបាលខណ្ឌ​ច្បារអំពៅ​បាន​អនុញ្ញាត​ឲ្យ​រូបលោក និង​លោក លោកស្រី​អភិបាលរងខណ្ឌ​ដឹកនាំ​កម្លាំង​ចម្រុះ​ចុះទៅ​តាម​ទី​បើក​អាជីវកម្ម ខារ៉ាអូខេ​និង​ក្លឹប​កម្សាន្ត​ក្នុង​មូលដ្ឋាន​ខណ្ឌ​ច្បារអំពៅ​តាម​បទបញ្ជា​ពី​លោក ឃួ​ង ស្រេង អភិបាល​រាជធានី​ភ្នំពេញ ស្របតាម​លិខិត​លេខ​២២៣ សខល ចុះ​ថ្ងៃ​ទី​៨ ​ខែ​វិច្ឆិកា ​ឆ្នាំ​២០២០ ​របស់​ក្រសួងសុខាភិបាល​ ខណៈ​ដែលមាន​ការ​ផ្ទុះ​ជំងឺ​កូ​វីដ​១៩​ កាលពី​យប់​រំលង​ថ្ងៃ​ទី​១៩ ​ខែ​កុ​ម្ភៈ រហូតដល់​មាន​អ្នក​ផ្ទុក​រហូតដល់​៣២​នាក់​។

​លោក​អភិបាលរងខណ្ឌ ​បាន​បញ្ជាក់​ថា ខ​ណៈ​ដែល​កម្លាំង​ចម្រុះ​ចុះ​មក​ណែនាំ​ដល់​ម្ចាស់​ទីតាំង​ឲ្យ​ផ្អាក​អាជីវកម្ម​ជា​បណ្ដោះអាសន្ន​មក ​គឺ​បងប្អូន​លោក​បាន​ស្ម័គ្រ​ចិត្ត​ចូលរួម​ផ្អាក​តាម​ការណែនាំ​របស់​អាជ្ញាធរ​ ដោយ​ពុំ​មាន​ការតវ៉ា​ឡើយ​ព្រោះ​ម្ចាស់​អាជីវកម្ម​ ក៏​មាន​ការភ័យខ្លាច​ផង​ដែរ​។​

​ទាក់ទិន​និង​ការ​ផ្អាក​អាជីវកម្មនេះ ​ផងដែរ ​គឺ​មាន​ការ​សាទរ​ពី​បងប្អូន​ប្រជាពលរដ្ឋ ​ព្រោះ​ជំងឺ​ដ៏​សាហាវ​នេះ​ អាច​ចម្លង​ដោយសារ​តែ​មាន​មនុស្ស​កកកុញ​ទៅ​ចូល​លេង​កម្សាន្ត​៕

អត្ថបទ៖ ​ន​រា

សូមចុចអាន៖ ​ឃាត់ខ្លួនមេខ្យល់ម្នាក់ ​ទៅ​តុលាការ ខណៈ​តម្លៃ​នាំ​ចេញ​ទៅ​ប្រទេសថៃ ២០​ម៉ឺន​រៀលក្នុង​មនុស្ស​ម្នាក់

The post ទីតាំង​កម្សាន្តជាច្រើនកន្លែង ​ត្រូវ​អាជ្ញាធរ​ខណ្ឌ​ច្បារអំពៅ​ ចុះ​ផ្អាក​បណ្ដោះអាសន្ន​ បន្ទាប់ពី​ផ្ទុះ​ជំងឺ​កូ​វីដ​១៩​ថ្មីៗ​នេះ appeared first on Kampuchea Thmey Daily.