តាមការចុះផ្សាយរបស់ CNN, យន្តហោះដឹកអ្នកដំណើររបស់ក្រុមហ៊ុន American Airlines បានបុកជាមួយឧទ្ធម្ភាគចក្រ Black Hawk ធ្លាក់ចូលទន្លេ Potomac នៅទីក្រុងវ៉ាស៊ីនតោន។

យន្តហោះដែលដឹកអ្នកដំណើរ៦០នាក់និងអាកាសយានិក៤នាក់នោះគឺជាប្រភេទ CRJ700 ផលិតដោយក្រុមហ៊ុន Bombardier នៅប្រទេសកាណាដា។ វាមានសមត្ថភាពដាក់មនុស្សបានចន្លោះ ៦៨ទៅ៧៨នាក់។

CRJ700 មាន​ម៉ាស៊ីនពីរ​ដែល​បំពាក់​នៅ​ផ្នែកខាង​ក្រោយ។ ស៊េរី CRJ-700 នេះគឺចាប់ផ្តើមហោះហើរលើកដំបូងក្នុងឆ្នាំ១៩៩៩ ប៉ុន្តែយន្តហោះដែលជួបគ្រោះអកុសលនៅអាមេរិក គឺមានលេខកន្ទុយ N709PS ផលិតឡើងក្នុងឆ្នាំ២០០៤។

ចំណែកឧទ្ធម្ភាគចក្រដែលបុកជាមួយយន្តហោះនេះ គឺជាឧទ្ធម្ភាគចក្រយោធាអាមេរិកប្រភេទ UH-60 Black Hawk ផលិតដោយក្រុមហ៊ុន Sikorsky Aircraft ដែលជាសម្ព័ន្ធរបស់ Lockheed Martin។

វាត្រូវបានបំពាក់ដោយម៉ាស៊ីនទួរប៊ីនភ្លោះ និងអាចផ្ទុកទាហានរហូតដល់១២នាក់ នៅក្នុងបេសកកម្មប្រយុទ្ធ។ យោងតាម Lockheed Martin, មានឧទ្ធម្ភាគចក្រ Black Hawks ជាង ៥ ០០០គ្រឿង កំពុងធ្វើប្រតិបត្តិការនៅទូទាំងអង្គភាពយោធាអាមេរិក និងជាមួយប្រទេសចំនួន ៣៥ ផ្សេងទៀតនៅជុំវិញពិភពលោក៕

អត្ថបទ៖ សុខ សុវណ្ណ

ចុចអាន៖ រកឃើញមនុស្សស្លាប់១៨នាក់ហើយ ក្នុងហេតុការណ៍យន្តហោះបុកជាមួយឧទ្ធម្ភាគចក្រ នៅ វ៉ាស៊ីនតោន

The post មកស្គាល់យន្តហោះនិងឧទ្ធម្ភាគចក្រ ដែលបុកគ្នានៅ វ៉ាស៊ីនតោន appeared first on Kampuchea Thmey Daily.

ស្របពេលជាមួយគ្នានោះដែរ ប៉ូលិសបានច្រានចោលសេចក្តីរាយការណ៍របស់សារព័ត៌មានមួយចំនួនដែលថា មានមនុស្សចំនួន៤នាក់ ត្រូវបានរកឃើញនៅរស់។

ហេតុការណ៍ដ៏រន្ធត់នេះ កើតឡើងនៅជិតអាកាសយានដ្ឋាន Ronald Reagan Washington National Airport ​​កាលពីយប់​ថ្ងៃ​ពុធ (ពេលវេលា​នៅសហរដ្ឋអាមេរិក ត្រូវនឹង​​​​ព្រឹកថ្ងៃ​ព្រហស្បតិ៍ ​នៅកម្ពុជា)។

យន្តហោះនេះគឺធ្វើដំណើរចេញពីទីក្រុង Wichita នៃរដ្ឋ Kansas ដោយមានផ្ទុកអ្នកដំណើរចំនួន៦០នាក់ និងអាកាសយានិក ៤នាក់ ចំណែកឧទ្ធម្ភាគចក្រ Black Hawk មានផ្ទុកទាហាន៣នាក់ ដែលកំពុងធ្វើការហោះហើរហ្វឹកហាត់។

ក្រោយកើតហេតុភ្លាមៗ ក្រុមឆ្លើយតបបន្ទាន់ប្រមាណ៣០០នាក់ រួមទាំងប៉ូលិស អ្នកជ្រមុជទឹក និងទូកជាច្រើនគ្រឿងផងដែរនោះ បានបើកប្រតិបត្តិការស្វែងរក ប៉ុន្តែត្រូវជួបឧបសគ្គដោយសារកត្តាអាកាសធាតុនិងទឹកទន្លេមានរលកធំៗនិងហូរខ្លាំងពេក។

យ៉ាងណាក្តី ប្រមុខផ្នែកពន្លត់អគ្គិភ័យប្រចាំទីក្រុងវ៉ាស៊ីនតោន John Donnelly បានប្រាប់អ្នកសារព័ត៌មានក្នុនសន្និសីទកាសែតថា «យើងមិនហ៊ានសន្និដ្ឋានឡើយថា អាចនឹងមានមនុស្សនៅរស់ ប៉ុន្តែយ៉ាងណា យើងនឹងខិតខំឲ្យអស់ពីលទ្ធភាពដើម្បីស្វែងរកពួកគេ»។

សូមបញ្ជាក់ថា ការធ្លាក់យន្តហោះលើកចុងក្រោយបំផុតរបស់ក្រុមហ៊ុន American Airlines គឺកើតឡើងក្នុងខែវិច្ឆិកាឆ្នាំ២០០១ នៅជិតអាកាសយានដ្ឋានអន្តរជាតិ John F. Kennedy។ កាលនោះ ជើងហោះហើរលេខ ៥៨៧ ជាប្រភេទយន្តហោះ Airbus A300 បានធ្លាក់ភ្លាមៗក្រោយហោះឡើងមិនបានប៉ុន្មានផង ដោយសម្លាប់មនុស្ស២៦៥នាក់។

ចំណែកបើនិយាយពីការធ្លាក់យន្តហោះពាណិជ្ជកម្មនៅអាមេរិកតែម្តង ហេតុការណ៍ធំលើកចុងក្រោយបំផុតគឺកើតឡើងក្នុងខែកុម្ភៈឆ្នាំ២០០៩ នៅពេលជើងហោះហើររបស់ក្រុមហ៊ុន Continental Airlines ធ្លាក់លើផ្ទះក្នុងទីក្រុង Buffalo សម្លាប់មនុស្សចំនួន៩០នាក់៕

អត្ថបទ៖ សុខ សុវណ្ណ

អត្ថបទ៖ យន្តហោះ​បុកគ្នា​នៅអាមេរិក អ្នកដំណើរ​​ជាង​៦០​នាក់ មិនទាន់ដឹងស្លាប់ឬរស់​​

The post រកឃើញមនុស្សស្លាប់១៨នាក់ហើយ ក្នុងហេតុការណ៍យន្តហោះបុកជាមួយឧទ្ធម្ភាគចក្រ នៅ វ៉ាស៊ីនតោន appeared first on Kampuchea Thmey Daily.

ទន្ទឹមនោះ លោក គីម ជុងអ៊ុន ក៏បានចោទប្រកាន់ទីក្រុងវ៉ាស៊ីនតោនផងដែរថា កំពុងបង្កើនភាពតានតឹង និងចង់បង្កសង្គ្រាមនៅឧបទ្វីបកូរ៉េ ។

នៅក្នុងសុន្ទរកថាមួយនៅឯពិព័រណ៍អភិវឌ្ឍន៍ការពារជាតិដើម្បីប្រារព្ធខួបលើកទី ៧៦ នៃការបង្កើតគណបក្សពលករកំពុងកាន់អំណាច (WPK) កាលពីថ្ងៃអាទិត្យ លោក គីម បាននិយាយថា ការអភិវឌ្ឍអាវុធរបស់កូរ៉េខាងជើងគឺស្ថិតនៅក្នុងការការពារខ្លួន ខណៈរដ្ឋឯកោមួយនេះកំពុងប្រឈមមុខនឹងគោលនយោបាយអរិភាពពីអាមេរិក ហើយការបង្កើនកម្លាំងយោធានៅកូរ៉េខាងត្បូងកំពុងគំរាមកំហែងដល់សន្តិសុខនៅឧបទ្វីបកូរ៉េ ។

លោកបាននិយាយថា “យើងមិនពិភាក្សាអំពីសង្គ្រាមជាមួយនរណាម្នាក់ទេ ប៉ុន្តែជាការការពារសង្រ្គាមដោយខ្លួនឯង និងបង្កើនការរាំងស្ទះសង្គ្រាមដើម្បីការពារអធិបតេយ្យភាពជាតិ” ។

បើទោះបីជាមានសេចក្តីថ្លែងការណ៍ពីទីក្រុងវ៉ាស៊ីនតោនថា ខ្លួនមិនមានអារម្មណ៍បង្កើតសត្រូវជាមួយទីក្រុងព្យុងយ៉ាងក៏ដោយ ក៏ការអះអាងទាំងនោះពិបាកនឹងជឿជាក់ណាស់ ដោយសារការបន្តការវិនិច្ឆ័យខុស និងសកម្មភាពរបស់អាមេរិកនាកន្លងមក ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ស្ងាត់ៗ WHO ធ្វើការបញ្ជូនឧបករណ៍វេជ្ជសាស្ត្រកូវីដទៅ កូរ៉េខាងជើង

The post កូរ៉េខាងជើង ចោទ ទីក្រុងវ៉ាស៊ីនតោន កំពុងបង្កើនភាពតានតឹង និងចង់បង្កសង្គ្រាមនៅឧបទ្វីបកូរ៉េ appeared first on Kampuchea Thmey Daily.

លោក Wang Wenbin អ្នកនាំពាក្យក្រសួងការបរទេសចិន បានប្រាប់សន្និសីទសារព័ត៌មាន នៅទីក្រុងប៉េកាំងថា “ប្រទេសចិនប្រកាន់ខ្ជាប់មិនបង្កជម្លោះ និងគ្មានការប្រឈមមុខគ្នា ហើយនឹងការពារផលប្រយោជន៍ស្នូល និងអធិបតេយ្យភាពទឹកដី” ។

ដោយជំរុញឲ្យទីក្រុងវ៉ាស៊ីនតោនបញ្ឈប់ការជ្រៀតជ្រែក ចូលកិច្ចការផ្ទៃក្នុងរបស់ចិន លោក Wang បាននិយាយថា “សហរដ្ឋអាមេរិកមិនគួរចាត់ទុកចិន ជាសត្រូវរបស់ខ្លួននោះទេ” ។

ច្បាប់ដែលអនុម័តដោយព្រឹទ្ធសភាអាមេរិក ផ្តល់សិទ្ធិប្រហែល ១៩០ ពាន់លានដុល្លារ សម្រាប់បទប្បញ្ញត្តិដើម្បីពង្រឹងបច្ចេកវិទ្យា និងការស្រាវជ្រាវរបស់សហរដ្ឋអាមេរិក ហើយនឹងអនុម័តដាច់ដោយឡែក ចំនួន ៥៤ ពាន់លានដុល្លារសម្រាប់ផលិតកម្ម និងការស្រាវជ្រាវរបស់ប្រទេសនេះ លើឧបករណ៍អេឡិចត្រូនិច និងឧបករណ៍ទូរគមនាគមន៍ ។

គណៈកម្មាធិការកិច្ចការបរទេស នៃសភាប្រជាជនចិន (NPC) ឬជានីតិកាលជាតិរបស់ប្រទេសចិន បាននិយាយឆ្លើយតបនឹងការអភិវឌ្ឍន៍នេះថា “ច្បាប់នេះ គឺពោពេញទៅដោយផ្នត់គំនិតសង្គ្រាមត្រជាក់ និងការរើសអើងមនោគមន៍វិជ្ជា បង្កាច់បង្ខូចមាគ៌ាអភិវឌ្ឍន៍ និងគោលនយោបាយក្នុងស្រុក និងបរទេសរបស់ចិន ក្រោមបដានៃ “ការច្នៃប្រឌិត និងការប្រកួតប្រជែង” ហើយវាក៏ជ្រៀតជ្រែកចូលកិច្ចការផ្ទៃក្នុងរបស់ប្រទេសចិន និងស្វែងរកការអភិវឌ្ឍរបស់ប្រទេសចិន ជាដើម” ។

NPC បាននិយាយថា “នៅពេលពិភពលោកកំពុងឈានដល់ដំណាក់កាល នៃភាពច្របូកច្របល់ និងការផ្លាស់ប្តូរ ហើយការប្រឆាំងនឹងស្ថានការណ៍នេះ ក៏ដូចជាការអនុវត្តនៃការបន្តកំណត់ទិសដៅ ប្រទេសចិនជាសត្រូវដែលមានសម្មតិកម្ម ប្រឆាំងនឹងនិន្នាការពិភពលោក គឺមិនមានប្រជាប្រិយភាពនោះទេ ហើយវានឹងត្រូវបានបំផ្លាញ” ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ WHO ថា មិនអាចបង្ខំ ចិន ឲ្យផ្តល់ព័ត៌មានបន្ថែមអំពីប្រភពដើមកូវីដ

The post ក្រុងប៉េកាំង ប្រាប់ អាមេរិក ឈប់ស្រមើស្រមៃទុក ចិន ជា “សត្រូវ” ក្រោយអនុម័តច្បាប់ប្រកួតប្រជែងជាមួយបច្ចេកវិទ្យាចិន appeared first on Kampuchea Thmey Daily.

ទិន្នន័យដែលបានចេញផ្សាយដោយទស្សនាវដ្ដី Nature កាលពីថ្ងៃព្រហស្បតិ៍បានឲ្យដឹងថា ការសិក្សានេះមានការចូលរួមពីអ្នកជំងឺជាង ៨៧,០០០ នាក់ ។

ក្រុមអ្នកស៊ើបអង្កេតបានបង្ហាញថា បន្ទាប់ពីមានជំងឺស្រាលរយៈពេល ៣០ ថ្ងៃដំបូង អ្នកផ្ទុកកូវីដ ១៩ ដែលមិនបានទៅសម្រាកព្យាបាលនៅមន្ទីរពេទ្យ មានហានិភ័យនៃការស្លាប់ជិត ៦០ ភាគរយក្នុងរយៈពេល ៦ ខែ បើប្រៀបធៀបនឹងប្រជាជនទូទៅ ។

ការកត់សម្គាល់នៃការស្លាប់ក្នុងរយៈពេល ៦ ខែនេះគឺជាអ្នកជំងឺកូវីដ ១៩ ចំនួន ៨ នាក់ក្នុងចំណោមអ្នកជំងឺ ១,០០០ នាក់ ។ ចំណែកអ្នកជំងឺកូវីដ ១៩ ដែលមិនបានទៅសម្រាកព្យាបាលនៅមន្ទីរពេទ្យ និងអ្នកជំងឺករណីស្រាលរយៈពេល ៣០ ថ្ងៃដំបូងក្នុងនោះមានអ្នកស្លាប់លើស ២៩ នាក់ក្នុងចំណោមអ្នកជំងឺ ១,០០០ នាក់ក្នុងរយៈពេល ៦ ខែបន្ទាប់ ។

លោកវេជ្ជបណ្ឌិត Ziyad Al-Aly ជំនួយការសាស្រ្តាចារ្យនៃសាកលវិទ្យាល័យឱសថសាស្ត្រក្នុងទីក្រុងវ៉ាស៊ីនតោនបាននិយាយថា “ការសិក្សារបស់យើងបង្ហាញថា រហូតដល់ ៦ ខែ បន្ទាប់ពីធ្វើរោគវិនិច្ឆ័យ ហានិភ័យនៃការស្លាប់ បន្ទាប់ពីមានករណីស្រាលនៃជំងឺកូវីដ ១៩ មិនមែនជារឿងតូចតាចនោះទេ ហើយវានឹងបន្តកើនឡើងជាមួយនឹងភាពធ្ងន់ធ្ងរនៃជំងឺនេះ ។ បច្ចុប្បន្នជំងឺកូវីដ ១៩ គឺជា វិបត្តិសុខភាពដ៏ធំបន្ទាប់របស់អាមេរិក” ។

លោកបន្តថា “ខណៈជំងឺកូវីដ ១៩ កំពុងរីករាលដាលយ៉ាងខ្លាំង វាបានបង្ហាញយ៉ាងច្បាស់ថា អ្នកផ្ទុកកូវីដករណីស្រាលដែលមិនបានទៅសម្រាកព្យាបាលនៅមន្ទីរពេទ្យ បានបន្តជួបបញ្ហាសុខភាពរយៈពេលយូរ បន្ទាប់ពីការឆ្លងដំបូង ។ បន្ទាប់មកពួកគេបង្ហាញបញ្ហាជាច្រើនដូចជា បញ្ហាដកដង្ហើម ចង្វាក់បេះដូងលោតមិនទៀងទាត់ ការជ្រុះសក់ និងប៉ះពាល់សុខភាពផ្លូវចិត្ត” ។

គួរបញ្ជាក់ថា គិតត្រឹមពេលនេះ សហរដ្ឋអាមេរិកនៅតែបន្តឈរលើគេនៃករណីឆ្លង និងស្លាប់ដោយសារជំងឺកូវីដ ១៩ នៅលើពិភពលោកដោយមានអ្នកឆ្លងសរុប ៣២,៦៦៩,១២១ និងមានអ្នកស្លាប់ចំនួន ៥៨៤,២២៦ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Stltoday

ចុចអាន ៖ វ៉ាក់សាំង Pfizer មានប្រសិទ្ធភាពមិនធម្មតាការពារអ្នកដែលមានជំងឺរ៉ាំរ៉ៃទាំងនេះ មិនឲ្យឆ្លងកូវីដ

ចុចអាន ៖ WHO ចង់ប្រមូលទិន្នន័យបន្ថែមនៃករណីកំណកឈាមរបស់វ៉ាក់សាំង AstraZeneca ក្រៅពីអឺរ៉ុប

The post ការស្រាវជ្រាវ ៖ អ្នក ជំងឺកូវីដ ១៩ ករណីស្រាលដែលមិនបានទៅសម្រាកព្យាបាលនៅមន្ទីរពេទ្យមានហានិភ័យស្លាប់ក្នុងរយៈពេល ៦ ខែ appeared first on Kampuchea Thmey Daily.