ព្រះរាជអាជ្ញាបាននិយាយថា លោកគឺជាមេខ្លោងធំនៅពីក្រោយការឃុបឃិតគ្នា ជាមួយកងកម្លាំងបរទេសចំនួនពីរករណី ដើម្បីគំរាមកំហែងដល់សន្តិសុខជាតិ និងបទឃុបឃិតគ្នាមួយករណី ដើម្បីបោះពុម្ពផ្សាយអត្ថបទញុះញង់។

កាលពីមុន មហាសេដ្ឋីហុងកុងវ័យ៧៨ឆ្នាំរូបនេះ បានសារភាពថា ខ្លួនមិនមានទោសចំពោះការចោទប្រកាន់ទាំងនោះទេ ប៉ុន្តែឥឡូវនេះបែរជាប្រឈមមុខនឹងការផ្តន្ទាទោសអតិបរមាជាប់ពន្ធនាគារអស់មួយជីវិត នៅពេលដែលគាត់ត្រូវបានកាត់ទោស។

ដោយឡែក ចៅក្រម Esther Toh បានប្រាប់តុលាការថា មិនមានការសង្ស័យទេ ព្រោះកន្លងមកលោក Lai បានលាក់បាំងការអាក់អន់ចិត្ត និងការស្អប់ខ្ពើមរបស់គាត់ចំពោះ PRC អស់រយៈពេលជាច្រើនឆ្នាំមកហើយ។ ជាងនេះទៀតដែរ ការអញ្ជើញឥតឈប់ឈររបស់លោកទៅកាន់អាមេរិក ដើម្បីជួយផ្តួលរំលំរដ្ឋាភិបាលចិន ដោយប្រើលេសជួយប្រជាជនហុងកុង គឺស្រដៀងគ្នាទៅនឹងស្ថានភាពដែលជនជាតិអាមេរិកម្នាក់សុំជំនួយពីរុស្ស៊ី ដើម្បីផ្តួលរំលំរដ្ឋាភិបាលអាមេរិក ក្រោមលេសជួយរដ្ឋកាលីហ្វ័រញ៉ាដូចគ្នា។

មិនតែប៉ុណ្ណោះ ករណីរបស់គាត់ត្រូវបានគេរិះគន់យ៉ាងទូលំទូលាយថា ជាឧទាហរណ៍នៃការបំផ្លាញសេរីភាពនយោបាយក្រោមច្បាប់សន្តិសុខជាតិដែលទីក្រុងប៉េកាំងបានដាក់លើទីក្រុងហុងកុង បន្ទាប់ពីការតវ៉ាគាំទ្រលទ្ធិប្រជាធិបតេយ្យដ៏ធំ និងជួនកាលហិង្សា កាលឆ្នាំ ២០១៩។ ទន្ទឹមនឹងនេះ ទីក្រុងប៉េកាំងបាននិយាយកាលពីថ្ងៃសុក្រថា ខ្លួន «គាំទ្រយ៉ាងរឹងមាំចំពោះទីក្រុងហុងកុងក្នុងការ «ការពារសន្តិសុខជាតិ» ពីអំពើឧក្រិដ្ឋកម្ម៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

កូនប្រុសលោកស្រី ស៊ូជី ស្រែកតវ៉ាជាថ្មី ឲ្យដោះលែងម្ដាយ ខណៈ មីយ៉ាន់ម៉ា កៀកថ្ងៃបោះឆ្នោត

The post មហាសេដ្ឋីហុងកុង ជាប់ពន្ធនាគារអស់មួយជីវិត ពីបទ «គំរាមកំហែងដល់សន្តិសុខជាតិ» appeared first on Kampuchea Thmey Daily.

ក្នុងចំណោមនោះ បើតាមការបញ្ជាក់ពីប៉ូលិស, មានសាកសពចំនួន១២៧នាក់ ដែលត្រូវបានកំណត់អត្តសញ្ញាណ ​ខណៈ​ការធ្វើកោសល្យវិច័យកំពុងដំណើរការជាបន្ត។

ទន្ទឹមនោះ មានមនុស្សចំនួន១៣នាក់ហើយ ដែលត្រូវបានចាប់ខ្លួនពាក់ព័ន្ធគ្រោះអគ្គិភ័យប្លុកអាផាតមិន Wang Fuk Court នៅតំបន់ Tai Po ហើយប៉ូលិសបង្ហើបថា អាចនៅមានការចាប់ខ្លួនមនុស្សច្រើននាក់ទៀត។

ខណៈគេនៅមិនទាន់ដឹងច្បាស់អំពីមូលហេតុនៃគ្រោះអគ្គិភ័យនេះ, ថ្នាក់ដឹកនាំទីក្រុងហុងកុង បានបញ្ជាឲ្យបង្កើតគណៈកម្មាធិការត្រួតពិនិត្យឯករាជ្យមួយ ដែលមានប្រធានជាចៅក្រម ដើម្បីស៊ើបអង្កេតរកការពិត។

យ៉ាងណា ជាបឋមអាជ្ញាធរបានឲ្យដឹងថា ក្នុងចំណោមសំណាកនៃសំណាញ់ដែកចំនួន២០ ដែលប្រមូលពីបរិវេណអគារនោះ គឺមាន៧ទៅហើយ ដែលមិនត្រូវតាមស្តង់ដារសុវត្ថិភាពអគ្គិភ័យ។

សូមជម្រាបជាថ្មី គ្រោះមហន្តរាយលើក​​នេះ​ជា​អគ្គិភ័យ​ដ៏​អាក្រក់​បំផុត​របស់​ហុងកុង​ ចាប់តាំងពី​​ហេតុការណ៍​អគ្គិភ័យ​ឆ្នាំ១៩៩៦ នៅ​កូវលូន (Kowloon) ដែល​​សម្លាប់​មនុស្ស៤១នាក់៕

អត្ថបទ៖ សុខ សុវណ្ណ

The post ចំនួនមនុស្សស្លាប់ក្នុងអគ្គិភ័យនៅហុងកុង ហក់ឡើងដល់ ១៥៦នាក់ appeared first on Kampuchea Thmey Daily.

អគ្គីភ័យបានឆាបឆេះអគារតុលាការ Wang Fuk ​កម្ពស់​៣២​ជាន់​ ដោយ​មាន​​ប៉ម​ចំនួនប្រាំបីនៅក្នុងសង្កាត់ភាគខាងជើងនៃ Tai Po កាលពីរសៀល​​​ថ្ងៃពុធទី​២៦​ខែវិច្ឆិកា ដោយ​បង្ក​​ការ​តក់ស្លុតយ៉ាង​ខ្លាំង​​នៅក្នុងពិភពលោក​​។​

ប្រធានមន្ត្រី​សន្តិសុខហុងកុង លោក Chris Tang បាននិយាយនៅក្នុងសន្និសីទសារព័ត៌មានមួយបាននិយាយថា សំឡេងរោទិ៍អគ្គីភ័យនៅក្នុងអគារនេះមិនបានដំណើរការត្រឹមត្រូវទេ។ លោកបាននិយាយថា កិច្ចខិតខំប្រឹងប្រែង​ជួយ​សង្គ្រោះ​ឥឡូវនេះត្រូវបានបញ្ចប់ ហើយយ៉ាងហោចណាស់មនុស្ស ៧៩​​នាក់ រួមទាំងអ្នកពន្លត់អគ្គីភ័យ ១២​នាក់បានរងរបួស។

លំនៅឋានដែល​មាន​មនុស្សជាង ៤៦០០នាក់ត្រូវបានរុំដោយរន្ទាឬស្សី និងសំណាញ់ពណ៌បៃតងសម្រាប់ការងារជួសជុល។

ប៉ូលិសបាននិយាយថា ពួកគេបានចាប់ខ្លួនមន្ត្រីក្រុមហ៊ុនសំណង់ចំនួនបីនាក់​ជាប់​សង្ស័យក្នុង​អំពើឃាតកម្ម ដោយ​ការ​ប្រើប្រាស់សម្ភារៈគ្មានសុវត្ថិភាព រួមទាំងបន្ទះស្នោដែលងាយឆេះបានបិទបាំង​​បង្អួច៕​

The post ​​តួលេខ​ចុង​ក្រោយ​ អ្នកស្លាប់ក្នុងហេតុការ​ឆេះ​អគារ​នៅហុងកុង​​​កើន​ដល់​១២៨នាក់ ប្រមាណ​២០០​នាក់​នៅបាត់ខ្លួន​ appeared first on Kampuchea Thmey Daily.

អគ្គិភ័យនៅតំបន់ Wang Fuk Court ត្រូវគេចាត់ចូលជាអគ្គិភ័យសាហាវបំផុតមួយ ក្នុងប្រវត្តិសាស្រ្តទីក្រុងហុងកុង ស្របពេលតួលេខជនរងគ្រោះអាចនឹងកើនឡើងជាបន្តទៀត។

ក្រៅពីសោកនាដកម្មនៅ Wang Fuk Court, ហុងកុង ធ្លាប់កើតមានគ្រោះអគ្គិភ័យដ៏ប្រល័យចំនួន២លើក ដូចជា៖

1. អគ្គិភ័យ Happy Valley Racecourse

វាជាគ្រោះមហន្តរាយអគ្គិភ័យដ៏អាក្រក់បំផុត និងសាហាវបំផុតមួយក្នុងប្រវត្តិសាស្ត្រទីក្រុងហុងកុង ដោយមានចំនួនអ្នកស្លាប់ច្រើនជាងគេបំផុត។

អគ្គិភ័យកើតឡើងនៅថ្ងៃទី២៦ខែកុម្ភៈឆ្នាំ១៩១៨ ក្នុងទីលានប្រណាំងសេះ Happy Valley។ អគ្គិភ័យកើតឡើងនៅពេល មនុស្សច្រើនកកកុញចូលរួមទស្សនាការប្រណាំងសេះ។

អគ្គិភ័យក៏ឆាបឆេះបន្ទាប់ពីរោងបណ្តោះអាសន្នដែលធ្វើពីឫស្សី បានបាក់បណ្តាលឲ្យមនុស្សត្រូវភ្លើងឆេះឬជាន់ស្លាប់ ជាង៦០០នាក់។

2. អគ្គិភ័យឃ្លាំង Wing On

អគ្គិភ័យនេះកើតឡើងនៅថ្ងៃទី ២២ ខែកញ្ញា ឆ្នាំ ១៩៤៨ នៅ ឃ្លាំងស្តុកទំនិញ Wing On ស្ថិត លើ ផ្លូវ Des Voeux ខាងលិច បណ្តាលឲ្យមានមនុស្សស្លាប់ ១៧៦ នាក់ និង របួស ៦៩ នាក់។

សោកនាដកម្មនេះ គឺជាគ្រោះអគ្គិភ័យបណ្តាលឲ្យមានចំនួនអ្នកស្លាប់ច្រើនបំផុតលំដាប់ទីពីរ បន្ទាប់ពីគ្រោះមហន្តរាយនៅទីលានប្រណាំងសេះ Happy Valley៕

អត្ថបទ៖ សុខ សុវណ្ណ

The post ហុងកុង ធ្លាប់កើតសោកនាដកម្មអគ្គិភ័យដ៏សាហាវចំនួន២លើក ក្នុងប្រវត្តិសាស្រ្ត appeared first on Kampuchea Thmey Daily.

តាមការផ្សាយរបស់ Reuters, អគ្គិភ័យនៅតំបន់ Wang Fuk Court ក៏បណ្តាលឲ្យមនុស្សច្រើននាក់ទៀតរងរបួសធ្ងន់ផងដែរ ហើយជិត៣០០នាក់កំពុងបាត់ខ្លួន ខណៈក្រុមសង្គ្រោះព្រមានថា តួលេខមនុស្សស្លាប់នឹងបន្តកើនឡើង។

យ៉ាងណា មកទល់ពេលនេះ មូលហេតុបង្កជាអគ្គិភ័យនៅតែមិនទាន់ដឹងច្បាស់ប៉ុន្តែ បើតាមការសន្និដ្ឋានរបស់ប៉ូលិស, វាអាចបណ្តាលមកពីក្រុមហ៊ុនសំណង់មួយដែលធ្វេសប្រហែសខ្លាំង ក្នុងការប្រើប្រាស់សម្ភារៈគ្មានសុវត្ថិភាព។

អគ្គិភ័យបានឆេះរាលដាលក្នុងល្បឿនលឿនមិនធម្មតា បណ្តាលមកពី សម្ភារសំណង់ដែលងាយឆេះ និង រន្ទាឫស្សី ដែលដាក់ជាប់អគារទាំងនោះសម្រាប់ការជួសជុល។

រដ្ឋាភិបាលបានរកឃើញក្រុមហ៊ុនម៉ៅការដែលចុះបញ្ជីសម្រាប់អគារនេះគឺ Prestige Construction and Engineering Company Limited ប៉ុន្តែក្រុមហ៊ុនមិនបានឆ្លើយតប នឹងការហៅទូរស័ព្ទជាច្រើនលើកដើម្បីសុំការអត្ថាធិប្បាយនោះទេ។

ជុំវិញសោកនាដកម្មនេះដែរ ប៉ូលិសបានចាប់ខ្លួនបុរសបីនាក់មកពីក្រុមហ៊ុនសំណង់រួចទៅហើយ ដោយជាប់សង្ស័យពីបទមនុស្សឃាតដោយអចេតនា។

សូមជម្រាបថា តំបន់ Wang Fuk Court ជាប្លុកមានអាផាតមិនប្រហែល ២ ០០០ ស្ថិតនៅក្បែរៗគ្នា មានមនុស្សស្នាក់នៅជិត ៤ ៨០០នាក់ ភាគច្រើនជាចាស់ៗ អាយុ៦៥ឆ្នាំឡើង៕

អត្ថបទ៖ សុខ សុវណ្ណ

The post រកឃើញមនុស្សស្លាប់ដល់៩៤នាក់ ក្នុងសោកនាដកម្មអគ្គិភ័យនៅ ហុងកុង appeared first on Kampuchea Thmey Daily.

យោង​តាម​ Al Jazeera នៅ​ថ្ងៃ​ព្រហស្បតិ៍​ទី​២៧​ខែ​វិច្ឆិកា​ឆ្នាំ​២០២៥ ប៉ូលិស​បាន​ចាប់ខ្លួន​នាយក​ពីរ​នាក់ និង​ទីប្រឹក្សា​វិស្វកម្ម​ម្នាក់​ពី​ក្រុមហ៊ុន Prestige Construction & Engineering Company ពី​បទ​សម្លាប់​មនុស្សដោយអចេតនា ក្រោម​ការ​​ចោទប្រកាន់​ថា​មាន«ការ​ធ្វេសប្រហែស​ធ្ងន់ធ្ងរ» ក្នុង​អំឡុង​ពេល​ការងារ​ជួសជុល។ អ្នក​ស៊ើបអង្កេត​ជឿថា សម្ភារៈ​ដែល​ងាយ​ឆេះ​ខ្លាំង ហើយ​មិន​អនុលោម​តាម​ស្តង់ដារ បាន​បង្ក​ឲ្យ​ភ្លើង​រាលដាល​យ៉ាង​លឿន​ឆ្លងកាត់​រន្ទា​ឫស្សី និង​សំណាញ់​សំណង់​ចំ​ពេល​មាន​ខ្យល់​បក់​ខ្លាំង។

អគ្គិភ័យ​បាន​ចាប់ផ្តើម​នៅ​រសៀល​ថ្ងៃ​ពុធ​លើ​រន្ទា​ខាងក្រៅ​អគារ​មួយ​កម្ពស់៣២ជាន់ ហើយ​បាន​រាលដាល​យ៉ាង​លឿន​ទៅ​អគារ៧ ក្នុងចំណោម​អគារ៨នៃ​បរិវេណ​លំនៅឋាន​នោះ។ អ្នក​ពន្លត់​អគ្គិភ័យ​បាន​គ្រប់គ្រង​ស្ថានភាព​នៅ​​អគារ​ចំនួន​៤គិត​ត្រឹម​ថ្ងៃត្រង់​ថ្ងៃ​ព្រហស្បតិ៍នេះ ប៉ុន្តែ​ផ្សែង​ក្រាស់​នៅតែ​បន្ត​ហុយ​ចេញពី​បរិវេណ​​អគារ​លំនៅឋាន​​ផ្សេង​ទៀត​ដែល​ជាកន្លែង​របស់​ពលរដ្ឋ​​ប្រហែល៤៨០០នាក់​ស្នាក់នៅ។

ក្រុម​អ្នក​ជួយសង្គ្រោះ​បាន​ជម្លៀស​មនុស្ស​ប្រមាណ៩០០នាក់ ដោយ​មាន​មនុស្ស​ចាស់​ជាច្រើន​ក្នុងចំណោម​អ្នក​រងគ្រោះ។ អ្នក​នៅ​រស់រាន​មានជីវិត​ខ្លះ​បាន​រៀបរាប់​ពី​ការ​ព្យាយាម​រត់​គេច​យ៉ាង​ភ័យស្លន់ស្លោ​តាមរយៈ​ច្រករបៀង​ដែល​ពោរពេញ​ដោយ​ផ្សែង ខណៈ​ដែល​ក្រុមគ្រួសារ​កំពុង​រង់ចាំ​ដំណឹង​អំពី​មនុស្ស​ជាទី​ស្រលាញ់​ដែល​នៅតែ​ជាប់​ក្នុង​អគារ។

មេដឹកនាំ​ហុងកុង លោក John Lee បាន​បញ្ជា​ឲ្យ​មាន​ការ​ត្រួតពិនិត្យ​សុវត្ថិភាព​ជា​បន្ទាន់​នៅ​គ្រប់​បរិវេណ​លំនៅឋាន​ដែល​កំពុង​ជួសជុល។ ប្រធានាធិបតី​ចិន លោក ស៊ី ជីនពីង បាន​សម្តែង​ការ​ចូលរួម​រំលែក​ទុក្ខ និង​អំពាវនាវ​ឲ្យ​មាន​កិច្ចខិតខំ​ប្រឹងប្រែង​ទាំង​អស់​ដើម្បី​កាត់បន្ថយ​ចំនួន​អ្នក​ស្លាប់ និង​របួស។

គ្រោះមហន្តរាយលើក​​នេះ​ជា​អគ្គិភ័យ​ដ៏​អាក្រក់​បំផុត​របស់​ហុងកុង​ចាប់តាំងពី​​ហេតុការណ៍​អគ្គិភ័យ​ឆ្នាំ១៩៩៦ នៅ​កូវលូន (Kowloon) ដែល​បាន​សម្លាប់​មនុស្ស៤១នាក់៕

ប្រែសម្រួល៖ ឈាង

The post អ្នក​ស្លាប់​កើនដល់៥៥នាក់ ដោយសារ​អគ្គិភ័យដ៏សាហាវនៅហុងកុង appeared first on Kampuchea Thmey Daily.

តាមរបាយការណ៍ចុហផ្សាយពី Reuters ដោយផ្អែកតាមការសើបអង្កេតដំបូង ប៉ូលិសបានដាក់ការសង្ស័យថា សោកនាដកម្មអគ្គិភ័យនេះអាចបណ្ដាលមកពីបន្ទះឫស្សី សំណាញ់ជ័រ ដែលហុំព័ន្ធអាផាតមិន ដាក់ធ្វើជារនាំងការពារសុវត្ថិភាព ព្រមទាំងសម្ភារៈស្នោ ប្រើក្នុងអំឡុងពេលជួសជុលអគារឡើងវិញ។

ប៉ូលិសបាននិយាយទៀតថា បន្ថែមពីលើអគារដែលគ្របដណ្ដប់ដោយសំណាញ់ការពារ និងផ្លាស្ទិច ដែលមិនបំពេញតាមស្តង់ដារអគ្គិភ័យ ពួកគេបានរកឃើញបង្អួចមួយចំនួននៅលើអគារដែលមិនរងផលប៉ះពាល់មួយត្រូវបានផ្សាភ្ជាប់ជាមួយនឹងសម្ភារៈស្នោ ដំឡើងដោយក្រុមហ៊ុនសំណង់មួយពេលកំពុងអនុវត្តការងារថែទាំ។

លោកស្រី Eileen Chung អធិការប៉ូលិសហុងកុងនិយាយថា «យើងមានហេតុផលដើម្បីជឿថា ភាគីទទួលខុសត្រូវរបស់ក្រុមហ៊ុនមានការធ្វេសប្រហែសយ៉ាងខ្លាំង ដែលនាំឲ្យមានគ្រោះថ្នាក់នេះ និងបណ្តាលឲ្យភ្លើងឆេះរាលដាលមិនអាចគ្រប់គ្រងបាន ដែលបណ្តាលឲ្យមានអ្នកស្លាប់ និងរបួសធ្ងន់ធ្ងរ»។

លោកស្រីបន្ថែមថា បុរស៣នាក់មកពីក្រុមហ៊ុនសំណង់ រួមមាន នាយក២នាក់ និងអ្នកប្រឹក្សាផ្នែកវិស្វកម្មម្នាក់ ត្រូវបានចាប់ខ្លួនពីបទសង្ស័យថា សម្លាប់មនុស្សដោយអចេតនាចំពោះអគ្គិភ័យនៅហុងកុង។

ប៉ូលិសបានប្រាប់សន្និសីទសារព័ត៌មាននៅថ្ងៃដដែលនេះថា អ្នកពន្លត់អគ្គីភ័យម្នាក់ស្ថិតក្នុងចំណោមអ្នកស្លាប់ទាំង ៤៤ នាក់ ដោយមានមនុស្ស ៤៥ នាក់កំពុងសម្រាកព្យាបាលនៅមន្ទីរពេទ្យក្នុងស្ថានភាពធ្ងន់ធ្ងរបំផុត។ ដោយឡែក ចំនួនអ្នកស្លាប់ឥឡូវនេះ គឺខ្ពស់បំផុតនៅក្នុងអគ្គិភ័យនៅហុងកុង ចាប់តាំងពីសង្គ្រាមលោកលើកទីពីរ ដោយលើសពីចំនួនអ្នកស្លាប់ ៤១ នាក់នៅក្នុងអគ្គីភ័យនៅក្នុងអគារពាណិជ្ជកម្មមួយនៅក្នុងស្រុកកូវលូន (Kowloon) ក្នុងខែវិច្ឆិកា ឆ្នាំ ១៩៩៦៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

វៀតណាម ខាតបង់ប្រាក់ជាង ៣ពាន់លានដុល្លារ ដោយសារទឹកជំនន់ និងព្យុះដ៏សាហាវ

The post ចាប់ខ្លួនមនុស្ស៣នាក់ ពាក់ព័ន្ធនឹងសោកនាដកម្មអគ្គិភ័យនៅ ហុងកុង appeared first on Kampuchea Thmey Daily.

តាមការផ្សាយរបស់ BBC, សោកនាដកម្មនេះកើតឡើង កាលពីថ្ងៃពុធទី២៦ខែវិច្ឆិកាឆ្នាំ២០២៥ នៅឯតំបន់ Wang Fuk Court ដែលទីនោះមានអគារខ្ពស់ៗចំនួន៨ស្ថិតនៅជិតៗគ្នា មានមនុស្សស្នាក់នៅជិត ៤ ៨០០នាក់ ភាគច្រើនជាចាស់ៗ។ 

ដោយសារតែភាពកាចសាហាវនៃអគ្គិភ័យ ហុងកុងបានបញ្ជូនអ្នកពន្លត់រហូតដល់ទៅ៨០០នាក់ ដើម្បីប្រយុទ្ធទប់ទល់ ស្របពេលអាជ្ញាធរអះអាងថា តួលេខមនុស្សស្លាប់នឹងកើនឡើងបន្ថែមទៀត។

ទន្ទឹមនោះដែរ មនុស្សជាង៩០០នាក់ ត្រូវបានជម្លៀសទៅកាន់ទីសុវត្ថិភាព។

ចំពោះមូលហេតុនៃអគ្គិភ័យវិញ ដ្បិតថាភ្លាមៗមិនទាន់មានប្រភពណាបញ្ជាក់ច្បាស់ ប៉ុន្តែគេដឹងថា អគ្គិភ័យបានឆេះរាលដាលក្នុងល្បឿនលឿនមិនធម្មតា បណ្តាលមកពី សម្ភារសំណង់ដែលងាយឆេះ និង រន្ទាឫស្សី ដែលគ្របដណ្តប់លើអគារទាំងនោះសម្រាប់ការជួសជុល។

នាយកដ្ឋានពន្លត់អគ្គិភ័យក្រុងហុងកុង ក៏រកឃើញ បន្ទះស្នោដែលត្រូវគេយកទៅបាំងបង្អួចនៅក្នុងអាផាតមិនមួយចំនួនផងដែរ៕

អត្ថបទ៖ សុខ សុវណ្ណ

The post មនុស្ស៤៤នាក់ស្លាប់និង២៧៩នាក់បាត់​ខ្លួន​ក្នុង សោកនាដកម្មអគ្គិភ័យដ៏សាហាវ​នៅ​ហុងកុង  appeared first on Kampuchea Thmey Daily.