ព្យុះនេះវាយប្រហារនៅម៉ោង៧:៣០នាទីយប់ ដោយពាំនាំមកជាមួយខ្យល់កន្ត្រាក់ ភ្លៀង ផ្គររន្ទះ និងទម្លាក់ទឹកកកអស់រយៈពេលប្រហែល ១៥ទៅ២០នាទី ជាហេតុបង្កការភ្ញាក់ផ្អើល យ៉ាងខ្លាំង។

វាក៏បោកបំបាក់ដើមឈើដួលសង្កត់យានយន្ត និងផ្តាច់ចរន្តអគ្គិសនីផងដែរ ប៉ុន្តែមកទល់ពេលនេះ មិនទាន់មានសេចក្តីរាយការណ៍អំពីមនុស្សរងរបួស ឬបាត់បង់ជីវិតនោះទេ។

តាមការបញ្ជាក់ពីអ្នកក្រុងហាណូយ, ត្បិតព្យុះខ្លាំងបែបនេះ គឺជារឿងតែងកើតមានពិតមែន តែការធ្លាក់ទឹកកកគឺកម្រកើតឡើងណាស់ ហើយទឹកកកនោះទៀតសោតមានទំហំប៉ុនៗមេដៃ។

ទោះបីជាយ៉ាងណាក៏ដោយ អ្នកក្រុងហាណូយ បែរជាសប្បាយរីករាយទៅវិញ ដោយនាំគ្នាចេញក្រៅផ្ទះទៅរើសយកដុំទឹកកក ព្រោះតែនេះគឺជាបាតុភូតកម្រ។ 

មជ្ឈមណ្ឌលជាតិសម្រាប់ការព្យាករធនធានជលសាស្ត្រ បានប្រកាសថា ព្យុះនេះគឺបណ្តាលមកពីប្រព័ន្ធសម្ពាធទាបនៅភាគខាងត្បូង ប្រទេសចិន ហើយបើតាម​ការ​ព្យាករ, ភ្លៀង និង​ផ្គរ​រន្ទះ នឹងបន្តប៉ុន្មានថ្ងៃទៀត អាស្រ័យហេតុនេះ ប្រជាជន ត្រូវប្រុងប្រយ័ត្ន៕

អត្ថបទ៖ សុខ សុវណ្ណ

ចុចអាន៖ ទីក្រុងហាណូយ ជួបគ្រោះរញ្ជួយដីកម្រិត ៤រ៉ិចទ័រ

The post ទីក្រុង ហាណូយ ជួបបាតុភូតកម្រ “ធ្លាក់ទឹកកក” appeared first on Kampuchea Thmey Daily.

WMO បន្តថា កម្រិតទឹកកកសមុទ្រអង់តាក់ទិកកាលពីខែមុន ដែលជាខែក្តៅបំផុតមិនធ្លាប់មានធ្វើឲ្យទឹកកកសមុទ្រមួយនេះ រលាយដល់កម្រិតទាបជាងធម្មតារហូតដល់ ១៧ ភាគរយឯណោះ ។

ពាក់ព័ន្ធនឹងបញ្ហានេះដែរលោក Michael Sparrow ប្រធានកម្មវិធីស្រាវជ្រាវអាកាសធាតុពិភពលោកបានប្រាប់អ្នកយកព័ត៌មាននៅទីក្រុងហ្សឺណែវ នៃប្រទេសស្វីស ថា “យើងធ្លាប់តែឃើញការរលាយទឹកកកនៅតំបន់អាកទិច ប៉ុន្តែមិនមែននៅតំបន់អង់តាកទិចឡើយ ដូច្នេះវាគឺជាការរលាយដ៏ធំមួយ” ។

យោងតាមការព្រមានរបស់ WMO បានឲ្យដឹងថា ក្នុងខែឧសភា និងខែមិថុនា ឆ្នាំ២០២៣ សីតុណ្ហភាពលើផ្ទៃសមុទ្រពិភពលោកបានកើនឡើងយ៉ាងលឿន ។

ក្រៅពីនេះ លំនាំអាកាសធាតុ El Nino ក៏រំពឹងនឹងធ្វើឲ្យសីតុណ្ហភាពកើនឡើងផងដែរ ទាំងនៅលើដីគោក និងក្នុងមហាសមុទ្រ ដែលបណ្ដាលឲ្យមានរលកកម្ដៅសមុទ្រកាន់តែច្រើន និងសីតុណ្ហភាពកាន់តែក្ដៅ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ ទឹកកកសមុទ្រអង់តាក់ទិក រលាយដល់កម្រិតទាបបំផុត

The post ទឹកកក អង់តាកទិច  រលាយដល់កម្រិតទាបបំផុត ធ្វើឲ្យអ្នកវិទ្យាសាស្ត្រព្រួយបារម្ភខ្លាំង appeared first on Kampuchea Thmey Daily.

ខ្យល់​ត្រជាក់​បាន​ជះ​ឥទ្ធិពល​ដល់​តំបន់​ភាគ​ឦសាន និង​ភាគ​ខាងជើង​ភាគ។ នៅទីក្រុងហាណូយ ចាប់ពីរសៀលថ្ងៃទី៨ខែឧសភាទៅ អាកាសធាតុបានប្រែជាត្រជាក់ ហើយនៅតាមសង្កាត់មួយចំនួនដូចជា Thanh Xuan និង Ha Dong ក៏មានភ្លៀងធ្លាក់ផងដែរ។

លើសពីនេះ ព្យុះផ្គររន្ទះ អមដោយខ្យល់បក់បោកខ្លាំង បានបណ្តាលឲ្យផ្ទះប្រជាពលរដ្ឋដួលរលំនៅក្នុងខេត្ត Nghe An។

គេរំពឹងថា ក្នុងអំឡុងពេលរលកខ្យល់ត្រជាក់នេះ សីតុណ្ហភាពនៅទីក្រុងហាណូយ និងខេត្តភាគឦសាន នឹងមានពី២១ទៅ២៤អង្សាសេ ហើយកន្លែងខ្លះនៅលើភ្នំនឹងទាបជាង២១អង្សាសេ។

គួរ​កត់​សម្គាល់​ថា បន្ទាប់​ពី​មាន​កម្ដៅ​ខ្លាំង​មួយ​រយៈ​មក នៅ​តាម​ស្រុក​មួយ​ចំនួន​ក្នុង​ខេត្ត Cao Bang ដូច​ជា Ha Quang និង Trung Khanh គឺស្រាប់តែមាន​ភ្លៀង​ធ្លាក់។

អាជ្ញាធរព្រមានថា លទ្ធភាពនៃគ្រោះធម្មជាតិដែលអមដោយខ្យល់ត្រជាក់ នឹងបន្តកើតមានក្នុងរយៈពេលប៉ុន្មានថ្ងៃខាងមុខ។ អាស្រ័យហេតុនេះ ចាប់ពីថ្ងៃទី៩ខែឧសភាទៅ តំបន់ភាគខាងជើងរួមទាំងទីក្រុងហាណូយ និងតំបន់កណ្តាលខាងជើង នឹងមានភ្លៀងធ្លាក់រាយប៉ាយ និងផ្គររន្ទះ។

គណៈកម្មាធិការជាតិដឹកនាំការពារ និងគ្រប់គ្រងគ្រោះមហន្តរាយធម្មជាតិ ក៏បានព្រមានដែរថា ខ្យល់កន្ត្រាក់ អមដោយបាតុភូតអាកាសធាតុ ដូចជាខ្យល់កួច ផ្លេកបន្ទោរ ធ្លាក់ទឹកកក និងខ្យល់ខ្លាំង អាចប៉ះពាល់ដល់ផលិតកម្មកសិកម្ម និងបំផ្លាញដើមឈើ ខូចខាតផ្ទះសម្បែង កកស្ទះចរាចរណ៍ និងប៉ះពាល់ដល់ហេដ្ឋារចនាសម្ព័ន្ធ ហើយភ្លៀងធ្លាក់ខ្លាំងក្នុងតំបន់ ទំនងជាបណ្តាលឲ្យមានគ្រោះទឹកជំនន់នៅតំបន់ទំនាប៕

ប្រែសម្រួល៖ Vann Vann

ប្រភព៖ Vietnam Post

ចុចអាន៖ អាកាសធាតុនៅវៀតណាម ក្តៅខ្លាំងបំបែកកំណត់ត្រាថ្មី

The post វៀតណាម កំពុងក្តៅសុខៗ ស្រាប់តែប្រែប្រួលអាកាសធាតុ ទៅជាធ្លាក់ទឹកកក appeared first on Kampuchea Thmey Daily.

១- ទឹកកក ប៉ះពាល់​ដល់​ការរំលាយ​អាហារ

យោងតាម​ការសិក្សា​គេហទំព័រ​វេជ្ជសាស្ត្រ Journal of Physiology ការផឹកទឹកត្រជាក់ អាច​ប៉ះពាល់​ធ្ងន់ធ្ងរ​ដល់​ប្រព័ន្ធ​រំលាយ​អាហារ។ ការ​ប៉ះពាល់​ខុសគ្នា​ពីមនុស្ស​ម្នាក់ ទៅ​ម្នាក់​ទៀត ប៉ុន្ដែ​ទឹកត្រជាក់ ប៉ះពាល់​ជា​អវិជ្ជមាន​លើ​ការ​រំលាយ​អាហារ។ ប្រសិន​បើ​យើង​ផឹក​ទឹកត្រជាក់ជាមួយ​អាហារ សារធាតុ​ខ្លាញ់នឹង​ឡើង​រឹង ហើយការ​រំលាយ​អាហារដំណើរការ​យឺត ឬ​មិន​ដំណើរការ​តែម្ដង។

ជាមួយ​គ្នា​នេះ ការផឹក​ទឹកត្រជាក់ បណ្ដាល​ឲ្យ​សរសៃឈាមរួមតូច និង​រារាំង​ការ​រំលាយ​អាហារ។ ពេលផឹក​ទឹកត្រជាក់ រាងកាយ​របស់​យើង នឹង​ចំណាយ​ថាមពល ដើម្បី​រក្សា​សីតុណ្ហភាព ជំនួស​មុខងារ​បំបែក និង​ស្រូបយក​សារធាតុ​ចិញ្ចឹម។

២- ទឹកកក ប៉ះពាល់​អវិជ្ជមាន​ដល់​អណ្ដើក (Spleen)

អណ្ដើក (Spleen) មាន​ទីតាំង​នៅ​ត្រង់​ក្រលៀន​ឆ្វេង ផ្នែកខាងក្រោយ នៃ​រាងកាយ​របស់​យើង។ វា​ត្រូវការ​សីតុណ្ហភាព​មធ្យម ដើម្បី​ដំណើការ​មុខងារ​បាន​ល្អ។ វាមាន​មុខងារ​សំខាន់​ណាស់ សម្រាប់​ការ​ការពារ​រាងកាយ​យើង​ពី​មេរោគ និង​ប្រឆាំង​ការ​ឆ្លងមេរោគ។

៣- ទឹកកក ធ្វើឲ្យ​ប្រព័ន្ធ​ការពារ​ចុះខ្សោយ

ផឹកទឹក​ត្រជាក់ ក្រោយ​ញ៉ាំអាហារ បង្កើត​សារធាតុ​រម្អិល (Mucus) ជាច្រើន នៅ​ក្នុង​រាងកាយ​របស់​យើង ហើយ​វា​បណ្ដាល​ឲ្យ​ប្រព័ន្ធ​ការពារ​ចុះខ្សោយ ងាយ​កើត​ផ្ដាសាយ និង​ជំងឺ​ផ្សេងៗ​ទៀត។ ត្បិតផល​ប៉ះពាល់​របស់​វា តិចតួច​មែន តែ​អ្នក​មាន​អាការៈ​ខ្សោយ ហើយ​ផឹក​ទឹកត្រជាក់ ពិតជា​​ជួប​បញ្ហា​សុខភាព។

៤- ទឹកកក អាច​ធ្វើ​ឲ្យ​ស្ថានភាព​សុខភាព​ធ្ងន់ធ្ងរ

សម្រាប់​អ្នក​កើត​ជំងឺ​ហឺត ការ​ផឹក​ទឹកកក បណ្ដាល​ឲ្យ​ស្ថានភាព​ជំងឺ​កាន់តែ​ធ្ងន់ធ្ងរ​ជាង​មុន។ នេះ​បើ​តាម​សមាគម Pediatric Allergy and Immunology របស់​អឺរ៉ុប។ ជាមួយ​គ្នា​នេះ ផឹក​ទឹកត្រជាក់ ក៏​បណ្ដាល​ឲ្យ​ឈឺក្បាល​ផង​ដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចូលចិត្ត​ផឹក​តែ​ទឹកកក​ច្រើន​ ប្រឈម​កើត​ក្រួស​តម្រង​នោម​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ចុចអាន៖ ហេតុផលឪពុកម្ដាយមិនគួរបណ្ដោយឲ្យកូនតូចៗផឹកទឹកកក

The post នេះផលប៉ះពាល់សុខភាព ៤៉យ៉ាង ពីការផឹកទឹកកក យើងគួរចៀសវាង appeared first on Kampuchea Thmey Daily.

វេជ្ជបណ្ឌិត​រូប​នេះ​បាន​ឲ្យ​ដឹង​ថា គ្មាន​ឯកសារ​ផ្លូវការ​ណា​មួយ​ដែល​បញ្ជាក់​ថា ទឹកកក​​​ធ្វើឲ្យ​ប៉ះពាល់​លើ​កុមារ​ឡើយ ទាល់តែ​កុមារ​ទាំង​នោះ​មាន​ជំងឺ​ផ្លូវ​ដង្ហើម ឬ​ជំងឺ​រលាក​បំពង់ក និង​ច្រមុះ ដែល​ធ្វើឲ្យ​ជំងឺ​កាន់តែ​ងាយ​រើ​ឡើង។ អនុ​ប្រធាន​នាយកដ្ឋាន​អាហារូបត្ថម្ភ បាន​បញ្ជាក់​ទៀត​ថា ករណី​ខ្លះ​ដូចជា​ការ​ក្រឡុក​ផ្លែឈើ ធ្វើ​ជា​ការ៉េម ក៏​មាន​អនុញ្ញាត​ដែរ តែ​មិនមែនជា​ការ​ដែល​ឲ្យ​កូន​ញ៉ាំ​ទឹកកក​ទាំង​កែវ​ៗ ដូច​មនុស្ស​ធំ​ធម្មតា​ឡើយ។

តាម​ការ​មើល​ឃើញ​របស់​យើង​គ្រប់​គ្នា ​ក្មេង​ដែលញ៉ាំ ឬ​ផឹក​អ្វី​ត្រជាក់​ៗ​មាន​ឱកាស​ឆ្លង​ជំងឺ​​ផ្ដាសាយ ក្អក ក្ដៅខ្លួន ឬ​ហៀរ​សំបោរ​ជាដើម ដែល​នោះ​មួយ​ផ្នែក​មកពី​ទឹកកក​មែន ដោយសារប្រព័ន្ធការពារ​ខ្លួនឯង មិន​ទាន់រឹងមាំដូច​ក្មេង​ដែល​មាន​អាយុ​ចាប់ពី ៥ ឆ្នាំ​ឡើង​ទៅ​ទេ។ នេះ​ជា​ការ​បញ្ជាក់​បន្ថែម​របស់​វេជ្ជបណ្ឌិត​ខាងលើ។

ក្នុង​ករណី​​ទឹកកក ផលិត​ពី​ទឹក​មិន​ស្អាត ឬ​មាន​ដាក់​សារធាតុ​គីមី​ទៀត​នោះ​នឹង​រឹត​តែមាន​ផល​ប៉ះពាល់​ចំពោះ​សុខភាព​ក្មេង​ធ្ងន់ធ្ងរ។

អ្នក​គ្រូពេទ្យ​ក៏​បន្ថែម​ទៀត​ថា ជា​ធម្មតា​របប​អាហារ​កុមារ គួរតែ​ជា​បន្លែ ផ្លែឈើ និង​អាហារ​ចម្រុះ​ដែល​ជួយ​ឲ្យ​ប្រព័ន្ធ​ភាព​សាំ​រឹងមាំ អាច​ទប់ទល់​នឹង​ជំងឺ​ផ្សេង​ៗ មិនមែន​ជា​ពពួក​អាហារ​ផ្អាប់ ឬ​ភេសជ្ជៈ​កំប៉ុង​ឡើយ៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ ទម្រើសកូន ឲ្យកូនញ៉ាំអាហារ ៥ មុខនេះ ដូចធ្វើបាបកូនអ៊ីចឹង!

ចុចអាន៖ ឪពុកម្តាយត្រូវប្រយ័ត្នកូន! វីរុសបំប្លែងខ្លួន Delta ងាយឆ្លងបំផុតចំពោះក្មេងៗក្រោម ១៤ឆ្នាំ

The post ហេតុផលឪពុកម្ដាយមិនគួរបណ្ដោយឲ្យកូនតូចៗផឹកទឹកកក appeared first on Kampuchea Thmey Daily.

តួយ៉ាង​​​ ទឹកកក​ដុំ​ឬកិន​បំបែក​ឲ្យម៉ត់ ​កំពុង​ពេញនិយមក្នុងសម័យ​បច្ចុប្បន្ន​ ជាពិសេសក្នុងកំឡុង​រោគ​រាតត្បាត។ ដោយឡែក​នៅ​អាស៊ី​យើង ​គឺ​ក្នុង​ប្រទេសថៃតែម្ដង បានរក​ឃើញវីរុស​កូវីដ​នៅ​លើ​ទឹកកក​ដុំ​ និង​ទឹកកក​កិន​ឲ្យ​ម៉ត់​ នៅ​​ខេត្ត​មួយចំនួន។​ ដូច្នេះ​ហើយ​ ទើបប្រជាជន​លែងមាន​ជំនឿចិត្ត ក្នុង​ការ​ទិញ​ទឹកកក​ដើម្បី​យកប្រើប្រាស់។

មន្ទីរសុខាភិបាលបានស្នើសុំកិច្ចសហប្រតិបត្តិការ សម្រាប់រោងចក្រទឹកកកទាំងអស់ ត្រូវមាន​វិធានការណ៍​ត្រួតពិនិត្យ​និង​ការពារ​ ហើយ​ពង្រឹងអនាម័យ ​ដោយ​ឲ្យ​កម្មករដែលធ្វើការត្រួតពិនិត្យ​ជាមុន ​ជាពិសេស​​ម្ចាស់​រោងចក្រ​ត្រូវ​ធ្វើការ​វាយ​តម្លៃ​បញ្ហា​នេះ​ជា​រៀងរាល់​ខែ ។

លោកវេជ្ជបណ្ឌិត Suwanchai អគ្គនាយកមន្ទីរសុខាភិបាល មាន​ប្រសាសន៍​ថា អ្នកប្រើប្រាស់គួរ​តែ​ចៀសវាង​ការទិញទឹកកកកិន​ដោយ​ម៉ាស៊ីន ​ព្រោះដំណើរការផលិត​មាន​ចាប់​ពី​ការ​យក​បាវ​ដាក់​ដុំ​ទឹកកក​ ឬ​កិន​ក្នុង​ម៉ាស៊ីន និងចាប់កាន់ដាក់ថង់​សម្រាប់​លក់​ជាដើម។ ដូច្នេះ​សូមជ្រើសរើសទិញ​ទឹកកក​អនាម័យ​តូចៗជា​រង្វង់​ៗ ​ដែល​មាន​ការ​វេច​ខ្ចប់​បាន​ត្រឹមត្រូវ​ និង​បាន​ធានា​គុណភាព​​​សុវត្ថិភាព​ពី​ជំងឺ​កូវីដ ។

ជាទូទៅ​ហាង​លក់​បង្អែម​ឬភេសជ្ជៈតាមផ្លូវ​ តូប​និងភោជនីយដ្ឋាន​ដែលប្រើ​ម៉ាស៊ីន​កិន​ទឹកកក​ ឬ​ប្រើ​ទឹកកក​ដុំក្លាសេ​អាហារ​ស្រស់ៗ។ ជាពិសេសនៅក្នុងតំបន់ដែល​ត្រូវ​បាន​រក​ឃើញកូវីដ​ច្រើន​ជាង​គេ ​គឺ​តែង​និយម​ប្រើ​ ទឹកកក​គ្មាន​អនាម័យ។

ដើម្បី​កាត់​បន្ថយ​ហានិភ័យ​នៃការ​ឆ្លង​កូវីដ ​អ្នក​ប្រើប្រាស់​គ្រប់គ្នា​ គួរតែវេច​ខ្ចប់​សាច់មាន់ សាច់​ជ្រូក​ បន្លែ​​ដាក់​ក្នុង​ថង់​ប្លាស្ទិក​ មុន​ពេល​យក​ទៅ​ក្លា​សេ ​ហើយ​កុំ​ឲ្យ​ទឹកកក​ចូល​មក​ប៉ះ​ផ្ទាល់​ជាមួយ​អាហារ​ដែល​យើង​ហូប៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖អ្នកវិទ្យាសាស្រ្ត បង្ហាញក្រុមអាយុ ដែលអាចមានបញ្ហាពេញមួយជីវិត ដោយសារជំងឺកូវីដ-១៩

ចុចអាន៖នាយកដ្ឋានវេជ្ជសាស្ត្រថៃ ចេញការព្រមានមួយតឹងរ៉ឹង ចំពោះអ្នកប្រើប្រាស់សារធាតុញៀន ៣ ប្រភេទ ក្នុងវិបត្តិរាតត្បាត

The post កុំគិតថាធម្មតា! សូម្បីទឹកកក ក៏អាចជាភ្នាក់ងារចំលងវីរុសកូវីដបានដែរ appeared first on Kampuchea Thmey Daily.

អ្នកខ្លះថា ផឹកទឹកកកនាំឲ្យកើតផ្ដាសាយ ខ្លះថាបណ្ដាលឲ្យងាយឆ្លងជំងឺ និងខ្លះទៀតថានាំឲ្យធាត់ជាដើម។

ដូច្នេះ បើយោងតាមគោលការណ៍សុខាភិបាល តើទឹកកក គួរឬមិនគួរទទួលទាន?

ចម្លើយ គឺអាចទទួលទានបាន!

ទាក់ទិននឹងចម្លើយនេះ លោកគ្រូពេទ្យ កែវ សេងរដ្ឋា ជាបុគ្គលិកគ្លីនិកឯកជនមួយ បានប្រាប់កម្ពុជាថ្មីថា គ្រប់គ្នាអាចទទួលទានទឹកកកបានជាធម្មតា ពុំមានបញ្ហាចោទអ្វីទេ លើកតែអ្នកមានប្រតិកម្មប៉ុណ្ណោះ។ លោកថា អ្នកខ្លះអាចមិនត្រូវធាតុជាមួយភាពត្រជាក់ លុះផឹកទឹកកកកាលណាក៏ទៅជាឈឺ ផ្ដាសាយ មិនស្រួលច្រមុះ និងឈឺក។ល។ ដូច្នេះពួកគេ គួរចៀសវាងទទួលទឹកកកដើម្បីការពារសុខភាពខ្លួនឯង។ ចំណែកអ្នកណាដែលគ្មានប្រតិកម្មអ្វី អាចផឹកទឹកកកជាប្រក្រតី ពុំប៉ះពាល់សុខភាពនោះទេ។

ចំពោះអ្នកយល់ខ្លះថា ការផឹកទឹកកកបណ្តាលឲ្យដុះក្បាលពោះ ឬឡើងទម្ងន់ ព្រោះយល់ថាវាធ្វើឲ្យខ្លាញ់កក នោះក៏ពុំពិតដែរ។ នេះបើតាម ការលើកឡើងរបស់គេហទំព័រ ​Healthline.com។

តាមការពិតទឹកកកមិនបានធ្វើឲ្យខ្លាញ់កកនៅក្នុងខ្លួនឡើយ ផ្ទុយទៅវិញវាថែមទាំងធ្វើឲ្យកោសិកាអាចបំបែកកាឡូរី ដើម្បីកម្តៅទឹកទៀតផង ព្រោះទឹកត្រជាក់ដែលចូលទៅក្នុងបំពង់អាហារ និងពោះវៀនចាំបាច់ត្រូវមានកម្តៅប្រហាក់ប្រហែលនឹងក្នុងខ្លួនមនុស្ស។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ដោយឡែក មូលហេតុមួយដែលគេតែងតែហាមមិនឲ្យផឹកទឹកកកពេលផ្តាសាយ ឬពេលមានក្អក នោះក៏ដោយសារទឹកត្រជាក់ត្រូវបានគេដឹងថាអាចធ្វើឲ្យស្លេសកើនឡើង៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

អត្ថបទ៖ សន្យា

ចុចអាន៖ ភេសជ្ជៈដ៏ល្អវិសេសដែលយើង​មើលរំលង ហើយមានតម្លៃថោក

The post ផឹកទឹកកកពិតជាបណ្ដាលឱ្យឆ្លងជំងឺរហ័ស? appeared first on Kampuchea Thmey Daily.