ក្នុងដំណើរទស្សនកិច្ចគម្រោងនិរន្តរភាពបរិស្ថាន និងអេកូទេសចរណ៍ លោក ខ្វៃ អាទិត្យា អ្នកនាំពាក្យក្រសួងបរិស្ថាន បានមានប្រសាសន៍ថា តំបន់ការពារធម្មជាតិមានសត្វព្រៃ និងទេសភាពល្អស្អាត ជាសក្តានុពលដែលផ្តល់ប្រាក់ចំណូលសម្រាប់ប្រជាសហគមន៍ តាមរយៈការទាញយកប្រយោជន៍ពី គោលដៅលម្ហែបៃតង ។

លោក បានបន្តថា តំបន់ការពារធម្មជាតិរបស់កម្ពុជាមានសក្តានុពលច្រើនសម្រាប់ការពង្រីក នូវគោលដៅលម្ហែបៃតង ជាក់ស្តែងដូចជាតំបន់ឧទ្យានជាតិព្រះបាទជ័យវរ្ម័ន-នរោត្តមភ្នំគូលែន គឺបានរៀបចំឱ្យមានកន្លែងតង់ស្នាក់លម្ហែបៃតងចំនួន១០កន្លែងសម្រាប់ជូនដល់សហគមន៍ រីឯ ឧទ្យានជាតិព្រះសុរាម្រិតកុសុមៈគីរីរម្យ ក៏មានរៀបចំជាកន្លែងវិបស្សនាសម្រាកលម្ហែបែបសាសនា ក្នុងទីលម្ហែបៃតងផងដែរ។

លោក បានបន្តទៀតថា នៅតាមសហគមន៍ផ្សេងៗទៀត ក្រសួងបរិស្ថាន តាមរយៈដៃគូរអភិវឌ្ឍន៍ ក៏ដូចជាគម្រោងអភិវឌ្ឍន៍បានជួយរៀបចំហេដ្ឋារចនាសម្ព័ន្ធ មានទាំងទឹកស្អាត បន្ទប់អនាម័យ ក៏ដូចជា រៀបចំទីតាំងបោះតង់ឬកន្លែងសម្រាកកម្សាន្តនៅតាមសហគមន៍តំបន់ការពារធម្មជាតិទាំងអស់ដែលមាន សក្តានុពលសម្រាប់ការបង្កើតនូវគោលដៅលម្ហែបៃតងឬហៅថាទីលម្ហែបៃតង។

លោក ក៏បានជំរុញលើកទឹកចិត្តបន្តទៀតដល់អ្នកទេសចរដែលស្រឡាញ់ធម្មជាតិ អញ្ជើញមក តំបន់ការពារធម្មជាតិផ្សេងៗទៀត ដើម្បីស្វែងយល់អំពីមាតុភូមិកម្ពុជាដ៏ស្រស់ស្អាតដែរ។ 

អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន ខ្វៃ អាទិត្យា អំពាវនាវដូច្នេះ៖« សរុបមកវិញគឺសហគមន៍តំបន់ការពារធម្មជាតិ មិនត្រឹមតែមានតួនាទីនូវក្នុងការការពារ  ធនធានធម្មជាតិ ការជំរុញដាំដុះបង្កើត គម្របបៃតងនោះទេ សហគមន៍បានចូលរួមចំណែកយ៉ាង សំខាន់នៅក្នុងការបង្កើនជីវភាពរបស់ប្រជាពលរដ្ឋ តាមរយៈការបង្កើននូវសកម្មភាពនិងកម្មវិធីផ្សេងៗ   ជាពិសេសគោលដៅលម្ហែបៃតងដែលឆ្លើយតបទៅនឹងយុទ្ធសាស្ត្រចក្រាវិស័យបរិស្ថាន។ កាលណាប្រជាពលរដ្ឋមានចំណូលខ្ពស់គឺគាត់មិនទៅប៉ះពាល់ព្រៃឈើទេ ហើយគាត់មានចំណូល ក្នុងគ្រួសារ គ្រួសារគាត់រីកចម្រើនកូនចៅបានរៀនសូត្រខ្ពង់ខ្ពស់ផងដែរ ហើយមួយទៀតស្របតាម ការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា    ដែល កំពុងជំរុញលើកទឹកចិត្ត ធ្វើម៉េចដើម្បីបង្កើនជីវភាពប្រជាសហគមន៍ឱ្យកាន់តែមានការរីកចម្រើន ដើម្បី ចូលរួមចំណែកការអភិវឌ្ឍប្រទេសជាតិប្រកបដោយចីរភាព»។

គួរបញ្ជាក់ឱ្យដឹងថា ក្រសួងបរិស្ថាន បាននិងកំពុងអភិវឌ្ឍគោលដៅលម្ហែបៃតង នៅតាមសហគមន៍តំបន់ ការពារធម្មជាតិ ស្របតាមគោលនយោបាយ និងយុទ្ធសាស្រ្តរបស់រាជរដ្ឋាភិបាលកម្ពុជា ហើយយុទ្ធសាស្រ្ត ចក្រាវិស័យបរិស្ថាន បានកំពុងធ្វើឱ្យសហគមន៍មានចំណូលបន្ថែម និងបង្កើតជម្រើសថ្មី សម្រាប់ការប្រកប មុខរបរចិញ្ចឹមជីវិត ដោយផ្តល់ចំណេះដឹង ជំនាញ និងមុខរបរថ្មី ដូចជាការចិញ្ចឹមសត្វ ការដាំដំណាំរួមផ្សំ ផ្សេងទៀត សម្រាប់ប្រើប្រាស់ប្រចាំថ្ងៃផង និងសម្រាប់លក់នៅលើទីផ្សារផងដែរ ព្រមទាំងជួយរៀបចំ បង្កើតជាអេកូទេសចរណ៍ នៅក្នុងតំបន់សហគមន៍៕

The post មន្ត្រីជាន់ខ្ពស់ក្រសួងបរិស្ថាន អំពាវនាវអ្នកស្រឡាញ់ធម្មជាតិ ទីកម្សាន្តតំបន់ការពារធម្មជាតិឱ្យបានច្រើន ដើម្បីយល់ដឹងពីមាតុភូមិកម្ពុជា appeared first on Kampuchea Thmey Daily.

ដូចនេះ កម្ពុជាថ្មីសូមចែករំលែកឱ្យបានដឹងនូវកត្តាគួរប្រុងប្រយ័ត្នខ្លះ នៅពេលទៅលេងតំបន់ទឹក។

១. រឿងចម្បងទីមួយ មុននឹងសម្រេចចិត្តមកលេងតំបន់ទឹកធ្លាក់ ត្រូវដឹងពីស្ថានភាពអាកាសធាតុ ព្រោះតំបន់ទឹកធ្លាក់ មាន​ហានិភ័យ​នៃគ្រោះថ្នាក់ខ្លាំងនៅរដូវភ្លៀង ពិសេសស្របពេលដែលកម្ពុជា កំពុងបង្កើនការប្រុងប្រយ័ត្នឥទ្ធិពលព្យុះ ពីប្រទេសក្បែរខាងកម្ពុជាផង។

ភ្លៀវធ្លាក់ញឹកញាប់ មិនមែនជាពេលវេលាល្អសម្រាប់ដំណើរកម្សាន្តតំបន់ទឹកធ្លាក់ឡើយ ព្រោះបើតាមបទពិសោធអ្នកប្រកបរបរក្បែរតំបន់ទឹកធ្លាក់ កត់សម្គាល់ឃើញថា រាល់ពេល​ដែលមេឃចាប់ផ្តើមស្រទុំម្តងៗ ទឹកមិនដឹងមកពីណា គឺមកជាគំហុកតែម្តង ពិសេសគឺច្រើនកើតមានឡើងក្នុង​អំឡុង​រដូវ​ភ្លៀង​ធ្លាក់ខែកញ្ញា-តុលា។ ស្ថានភាពភ្លាមៗនេះ ជារឿងដែលមិនអាចស្មានដឹងមុនឡើយ ហេតុនេះដើម្បីសុវត្ថិភាព គប្បីកុំលេងឆ្ងាយពីច្រាំងពេក។

២. មួយវិញទៀត ដើម្បីសុវត្ថិភាពខ្ពស់ពេលលេងទឹក ត្រូវលេងនៅម្តំណាដែលផុតពីល្បាក់ចំណោតដែលទឹកហូរចុះ ព្រោះត្រង់ចំណុចនោះ ទឹកហូរ​ខ្លាំង អាចឱ្យយើងបាត់ជំហរហូរទៅជាមួយទឹក។

៣. កំណត់ចំណាំមួយទៀត ដែលយើងអាចមើលដឹងពី​​ស្ថានភាព​ទឹក​មិនគួរលេង។ ប្រសិនបើលោកអ្នកមើលឃើញកន្លែងណាមានទឹកបែកពពុះសៗខ្លាំង ចូរចាំថាត្រង់នោះហើយ ជាកន្លែងដែលមានកម្លាំងទឹក​ខ្លាំង ហេតុនេះ គួរលេង​នៅកន្លែង​ណា​ដែលចរន្តទឹកមិនសូវខ្លាំង។

ក្រៅពីនេះ កត្តាគួរប្រុងប្រយ័ត្នមួយទៀតនោះ គឺពេលដើរលើថ្ម “ប្រយ័ត្នរអិល” ត្រូវកត់ចំណាំថា កន្លែងណាដែលមិនសូវមានទឹកហូរខ្លាំង គឺច្រើនមានស្លែរកាន់ អាចបង្កគ្រោះថ្នាក់ដល់យើងជាយថាហេតុ៕

The post ៣យ៉ាង ត្រូវកត់ចំណាំ បើសិនទៅកម្សាន្តតំបន់ទឹកធ្លាក់ អំឡុងខែនេះ appeared first on Kampuchea Thmey Daily.

ក្រៅពីនេះ យើងត្រូវរឿងរ៉ាវមួយចំនួនទៀត នៅពេលទៅលេងកម្សាន្តតំបន់ទឹកធ្លាក់ ដើម្បីបង្កើនសុវត្ថិភាពផ្ទាល់ខ្លួន មិនគ្រោះថ្នាក់ដល់អាយុជីវិត។ កម្ពុជាថ្មីសូមចែករំលែកចំណេះដឹងមួយចំនួន នៅពេលទៅលេងតំបន់ទឹកធ្លាក់។

១. សញ្ញានៃការមកដល់របស់កម្លាំងទឹក
ជាទូទៅ ស្ថានភាពទឹកបុកគំហុកខ្លាំងបំផុត នៅពេលដែលមេឃជិតភ្លៀង ឬពេលល្ងាច។ បើតាមបទពិសោធន៍អ្នកប្រកប របរក្បែរតំបន់ទឹកធ្លាក់ កត់សម្គាល់ឃើញថា រាល់ពេលដែលមេឃចាំផ្តើមស្រទុំ ទឹកមិនដឹងមកពីណា មកជាគំហុកតែម្តង ពិសេសច្រើនកើតមានឡើងក្នុងអំឡុងរដូវភ្លៀងធ្លាក់តែម្តង។ ស្ថានភាពភ្លាមៗ ជារឿងដែលមិនអាចស្មានដឹងមុនឡើយ ហេតុនេះ ដើម្បីសុវត្ថិភាព គប្បីកុំលេងឆ្ងាយពីច្រាំងពេក។

២. គ្រោះថ្នាក់ចៃដន្យ
ធម្មតា ទឹកធ្លាក់ គឺជាតំបន់ជ្រលងភ្នំ ដែលមានដើមឈើធំតូចនៅហ៊ុំព័ទ្ទ លើកលែងតែតំបន់ទឹកធ្លាក់ ដំណាក់ក្រោមៗទេ ដែលមិនសម្បូរព្រៃក្រាស និងស្រួលលេង។ បើទោះជាករណីកម្រ ប៉ុន្តែការលេងកម្សាន្តទឹកធ្លាក់នៅរដូវភ្លៀងធ្លាក់ ក៏មាន​ហានិភ័យដែរ ដូចជាការហូរមែកឈើ ឬកំណាត់ឈើមកតាមទឹកជាដើម។ ករណីនេះ អាចកើតមាននៅពេលដែល ចរន្តទឹកកំពុងកើនល្បឿន ហើយវានឹងអាចនាំមកជាមួយនឹងសំណល់មែកឈើដែលបាក់ ឬមែកឈើផុយស្រួយ ដែលនៅ ប្របមាត់ជ្រោះនោះមក។

៣. បង្កើនការប្រុងប្រយ័ត្នពេលលេងទឹក
ដើម្បីសុវត្ថិភាពខ្ពស់ពេលលេងទឹក ត្រូវលេងនៅម្តំណាដែលផុតពីល្បាក់ចំណោតដែលទឹកហូរចុះ ព្រោះត្រង់ចំណុចនោះ ហូរ​ខ្លាំង អាចឱ្យយើងបាត់ជំហរហូរទៅជាមួយទឹក។ កំណត់ចំណាំមួយ យើងអាចមើលដឹងពីកន្លែងដែលស្ថានភាពទឹក មិនគួរលេង កន្លែងណាដែលមានទឹកបែកពពុះសៗ ត្រង់នោះហើយ ជាកន្លែងដែលមានកម្លាំងទឹកខ្លាំង ហេតុនេះ គួរលេង​នៅកន្លែង​ណា​ដែលចរន្តទឹកមិនសូវខ្លាំង។ អ្វីដែលគួរប្រុងប្រយ័ត្នមួយទៀតនោះ គឺពេលដើរលើថ្ម ប្រយ័ត្នរអិល ព្រោះកន្លែងដែលមិនសូវមានទឹកហូរខ្លាំង ច្រើនមានស្លែរកាន់។

៤. កុំពាក់អាវពោងសុវត្តិភាព
អាវពោងសុវត្ថិភាព គ្រោះថ្នាក់ណាស់ បើសិនជាយកមកប្រើពេលលេងទឹកជ្រោះ ព្រោះស្ថានភាពទឹកជ្រោះគឺមានលំហូរ ហើយអាវពោងមិនត្រឹមតែមិនអាចជួយការពារសុវត្ថិភាពយើងបានទេ ថែមទាំងស្របជាមួយកម្លាំងទឹក នាំយកយើងទៅ​ជាមួយ​បានទៀត៕

The post ទៅកម្សាន្តទឹកធ្លាក់ក្នុងរដូវវស្សា មានហានិភ័យណាស់ ដូចនេះត្រូវកត់សម្គាល់រឿងខ្លះ appeared first on Kampuchea Thmey Daily.

ក្រៅពីនេះ យើងត្រូវរឿងរ៉ាវមួយចំនួនទៀត នៅពេលទៅលេងកម្សាន្តតំបន់ទឹកធ្លាក់ ដើម្បីបង្កើនសុវត្ថិភាពផ្ទាល់ខ្លួន មិនគ្រោះថ្នាក់ដល់អាយុជីវិត។ កម្ពុជាថ្មីសូមចែករំលែកចំណេះដឹងមួយចំនួន នៅពេលទៅលេងតំបន់ទឹកធ្លាក់។

១. សញ្ញានៃការមកដល់របស់កម្លាំងទឹក
ជាទូទៅ ស្ថានភាពទឹកបុកគំហុកខ្លាំងបំផុត នៅពេលដែលមេឃជិតភ្លៀង ឬពេលល្ងាច។ បើតាមបទពិសោធន៍អ្នកប្រកប របរក្បែរតំបន់ទឹកធ្លាក់ កត់សម្គាល់ឃើញថា រាល់ពេលដែលមេឃចាំផ្តើមស្រទុំ ទឹកមិនដឹងមកពីណា មកជាគំហុកតែម្តង ពិសេសច្រើនកើតមានឡើងក្នុងអំឡុងរដូវភ្លៀងធ្លាក់តែម្តង។ ស្ថានភាពភ្លាមៗ ជារឿងដែលមិនអាចស្មានដឹងមុនឡើយ ហេតុនេះ ដើម្បីសុវត្ថិភាព គប្បីកុំលេងឆ្ងាយពីច្រាំងពេក។

២. គ្រោះថ្នាក់ចៃដន្យ
ធម្មតា ទឹកធ្លាក់ គឺជាតំបន់ជ្រលងភ្នំ ដែលមានដើមឈើធំតូចនៅហ៊ុំព័ទ្ទ លើកលែងតែតំបន់ទឹកធ្លាក់ ដំណាក់ក្រោមៗទេ ដែលមិនសម្បូរព្រៃក្រាស និងស្រួលលេង។ បើទោះជាករណីកម្រ ប៉ុន្តែការលេងកម្សាន្តទឹកធ្លាក់នៅរដូវភ្លៀងធ្លាក់ ក៏មាន​ហានិភ័យដែរ ដូចជាការហូរមែកឈើ ឬកំណាត់ឈើមកតាមទឹកជាដើម។ ករណីនេះ អាចកើតមាននៅពេលដែល ចរន្តទឹកកំពុងកើនល្បឿន ហើយវានឹងអាចនាំមកជាមួយនឹងសំណល់មែកឈើដែលបាក់ ឬមែកឈើផុយស្រួយ ដែលនៅ ប្របមាត់ជ្រោះនោះមក។

៣. បង្កើនការប្រុងប្រយ័ត្នពេលលេងទឹក
ដើម្បីសុវត្ថិភាពខ្ពស់ពេលលេងទឹក ត្រូវលេងនៅម្តំណាដែលផុតពីល្បាក់ចំណោតដែលទឹកហូរចុះ ព្រោះត្រង់ចំណុចនោះ ហូរ​ខ្លាំង អាចឱ្យយើងបាត់ជំហរហូរទៅជាមួយទឹក។ កំណត់ចំណាំមួយ យើងអាចមើលដឹងពីកន្លែងដែលស្ថានភាពទឹក មិនគួរលេង កន្លែងណាដែលមានទឹកបែកពពុះសៗ ត្រង់នោះហើយ ជាកន្លែងដែលមានកម្លាំងទឹកខ្លាំង ហេតុនេះ គួរលេង​នៅកន្លែង​ណា​ដែលចរន្តទឹកមិនសូវខ្លាំង។ អ្វីដែលគួរប្រុងប្រយ័ត្នមួយទៀតនោះ គឺពេលដើរលើថ្ម ប្រយ័ត្នរអិល ព្រោះកន្លែងដែលមិនសូវមានទឹកហូរខ្លាំង ច្រើនមានស្លែរកាន់។

៤. កុំពាក់អាវពោងសុវត្តិភាព
អាវពោងសុវត្ថិភាព គ្រោះថ្នាក់ណាស់ បើសិនជាយកមកប្រើពេលលេងទឹកជ្រោះ ព្រោះស្ថានភាពទឹកជ្រោះគឺមានលំហូរ ហើយអាវពោងមិនត្រឹមតែមិនអាចជួយការពារសុវត្ថិភាពយើងបានទេ ថែមទាំងស្របជាមួយកម្លាំងទឹក នាំយកយើងទៅ​ជាមួយ​បានទៀត៕

The post ចំណុចត្រូវដឹងពេលទៅកម្សាន្តទឹកធ្លាក់ក្នុងរដូវវស្សានេះ ព្រោះមានហានិភ័យណាស់ appeared first on Kampuchea Thmey Daily.

១.ទឹកធ្លាក់ក្បាលស្ពាន

ទឹកធ្លាក់ក្បាលស្ពាន មានឈ្មោះមួយទៀតហៅថា លិង្គមួយពាន់ ដែលជាទីកន្លែងទេសចរណ៍បែបធម្មជាតិ និងជាកន្លែងប្រវត្តិសាស្រ្តមួយក្នុងទឹកដីខេត្តសៀមរាប។ នៅទីនោះ មានទឹកធ្លាក់ ទេសភាពស្រស់ស្អាត ជាពិសេស គេសង្កេតឃើញថា នៅលើផ្ទាំងថ្មមួយចំនួន ដោយមានលេចនូវរូបចម្លាក់ផ្សេងៗបានបន្សល់ពីសម័យបុព្វបុរសផងដែរ។ សំឡេងទឹកធ្លាក់ ជាមួយបរិយាកាសស្រស់ត្រកាល លាយឡំជាមួយនឹងសំឡេងក្សាបក្សីយំយ៉ាងរណ្តំនោះ អាចធ្វើឱ្យអារម្មណ៍លោកអ្នកមានភាពរីករាយខ្លាំង។

កន្លែងទេសចរណ៍ធម្មជាតិ និងប្រវត្តិសាស្រ្តមួយនេះ មានចម្ងាយ ៦០គីឡូម៉ែត្រ ពីរង្វង់មូលនាគព័ន្ធ ដែលមានទីតាំងស្ថិតនៅ ភូមិឃុនរាម ឃុំឃុនរាម ស្រុកបន្ទាយស្រី ខេត្តសៀមរាប។

២.ទឹកធ្លាក់អន្លង់រុន

អ្នកដែលបានទៅលែងភ្នំគូលែន មិនគួររំលងកន្លែងទេសចរណ៍ធម្មជាតិ ទឹកធ្លាក់អន្លង់រុន នៅលើខ្នងភ្នំគូលែនឡើយ។ តំបន់ទេសចរណ៍មួយនេះ មានទឹកធ្លាក់ថ្លាឈ្វេង ត្រជាក់ខ្លាំង គួរជាទីកម្សាន្ត ម៉្យាងទៀតនៅទីនោះ មានជ្រលងថ្ម និងទឹករាក់ៗអាចជាសុវត្ថិភាពដល់ភ្ញៀវទេសចរណ៍គ្រប់រូប។

បច្ចុប្បន្ន តំបន់ទេសចរណ៍ទឹកធ្លាក់អន្លង់រុន មានទីតាំងស្ថិតនៅក្នុងភូមិពពេល ឃុំខ្នងភ្នំ ស្រុកស្វាយលើ ខេត្តសៀមរាប។

៣.ទឹកធ្លាក់ភ្នំគូលែន

តំបន់ទឹកធ្លាក់ភ្នំគូលែន ជាតំបន់ទេសចរណ៍មួយដែលមានទឹកធ្លាក់យ៉ាងស្រស់ស្អាត និងទីធ្លារធំទូលាយ អាចឱ្យភ្ញៀវទេសចរលេងកម្សាន្តជាមួយក្រុមគ្រួសារ មិត្តភក្តិ គូស្នេហ៍ ដោយភាពរីករាយជាមួយនឹងបរិយាកាសត្រជាក់ និងបែបធម្មជាតិមួយនេះ។ ទឹកធ្លាក់ភ្នំគូលែន ទាក់ទាញភ្ញៀវទេសចរបានយ៉ាងច្រើនកុះករ ព្រោះនៅទីនោះ មានទឹកធ្លាក់ដ៏ស្រស់ស្អាត និងច្រើនដំណាក់ ហើយប្រជាជនក៏មានជំនឿជាក់ថា ទឹកធ្លាក់នៅទីនោះ គឺជាទឹកធ្លាក់ដ៏ស័ក្តិសិទ្ធិជាទីគោរពតាំងពីយូរលង់ណាស់មកហើយ។

ទឹកធ្លាក់ភ្នំគូលែន មានទីតាំងស្ថិតនៅឃុំខ្នងភ្នំ ស្រុកស្វាយលើ ខេត្តសៀមរាប ដោយមានចម្ងាយប្រហែល ៦០គីឡូម៉ែត្រ ពីរង្វង់មូលនាគព័ន្ធ។

៤.ចំការដូងទឹកធ្លាក់អូរមាស

តំបន់ទេសចរណ៍ចំការដូងទឹកធ្លាក់ ជារមណីយដ្ឋានទឹកធ្លាក់បែបធម្មជាតិ ​មានជាកញ្ចុះសម្រាប់អង្គុយលេង កន្លែងហែលទឹក មានជាកន្លែងសម្រាប់ក្មេងលេង ជិះទាទឹក ឬ កាយ៉ាក់ កន្លែងសម្រាប់បោះតង់ ជាមួយនឹងការតុបតែង កែច្នៃយ៉ាងស្រស់ស្អាត។ រមណីយដ្ឋានមួយនេះ មានទីតាំងស្ថិតនៅ ភូមិត្រពាំងភ្លោះ ឃុំពង្រលើ ស្រុកជីក្រែង ខេត្តសៀមរាប៕

ដោយ៖ អុន ស្រីមាន

The post ក្រៅពីប្រាសាទ ខេត្តសៀមរាបមានកន្លែងទឹកធ្លាក់ ៤កន្លែង គួរឱ្យទាក់ទាញ appeared first on Kampuchea Thmey Daily.

១.រមណីយដ្ឋាន ទឹកធ្លាក់តាដាសច្ចំ

រមណីយដ្ឋាន ទឹកធ្លាក់តាដាសច្ចំ ឬ ហៅថា រមណីយដ្ឋានធម្មជាតិ កោះតាដា ស្រុកនៅឃុំស្នំប្រាំពីរ ស្រុកទឹកឈូ ខេត្តកំពត។ ប្រសិនជាលោកអ្នកធ្វើដំណើរពីទីរួមខេត្តកំពត គឺមានចម្ងាយប្រមាណ ១៧គីឡូម៉ែត្រ ចំណាយពេលប្រហែល ៣៥នាទី។ លោកអ្នកអាចទៅដល់ទឹកធ្លាក់តាដាសច្ចំបាន តាមបណ្តោយផ្លូវទឹកឈូ ហួសរមណីយដ្ឋានទឹកឈូបន្តិច នៅខាងឆ្វេងដៃ លោកអ្នកនឹងឃើញស្លាកសញ្ញាមួយដាក់ថា រមណីយដ្ឋានទឹកធ្លាក់តាដាសច្ចំ។

រមណីយដ្ឋានធម្មជាតិនេះ ត្រូវបានបង្កើតឡើងនៅឆ្នាំ២០១៤ មានកម្ពស់ ២៧ម៉ែត្រ មានល្បាក់ថ្ម៣ជាន់។ នៅទីនោះ ជាតំបន់មានទឹកធ្លាក់ ជាមួយនឹងធម្មជាតិខៀវស្រងាត់ អាចនាំអារម្មណ៍ភ្ញៀវទេសចររំសាយទុក្ខកង្វល់ គយគន់ទេសភាពដ៏ស្រស់ស្អាតមួយនេះ។ មិនតែប៉ុណ្ណោះ លោកអ្នកក៏អាចទិញផ្លែឈើធម្មជាតិ ដូចជាធុរេន ចេក ខ្នុរ ដែលលក់ដោយប្រជាជននៅតំបន់នោះជាដើម។

២.ទឹកធ្លាក់ ជ្រោះឱម៉ាល់

រមណីយដ្ឋាន ទឹកធ្លាក់ឱម៉ាល់ ជាតំបន់ទេសចរណ៍មួយកន្លែងដែលមិនសូវមាននរណាបានស្គាល់ឡើយ ព្រោះផ្លូវចូលទឹកធ្លាក់មួយនេះ ជាផ្លូវភ្នំ រៀងពិបាកធ្វើដំណើរ ជាពិសេសក្នុងរដូវវស្សា។ សម្រាប់ភ្ញៀវទេសចរដែលចង់ធ្វើដំណើរកំសាន្តទៅកាន់ទីនោះ អាចជិះម៉ូតូ ឬ កង់ ឬដើរថ្មើរជើងបាន ចំពោះរថយន្តមិនអាចចូលទៅបានឡើយ។ នៅទឹកធ្លាក់ជ្រោះឱម៉ាល់ មានទឹកធ្លាក់ត្រជាក់ដូចទឹកកក អមជាមួយទេសភាពខៀវស្រងាត់ ត្រជាក់ភ្នែក ខ្យល់អាកាសបរិសុទ្ធ នាំអារម្មណ៍លោកអ្នកស្រស់ស្រាយ បានទៅហើយចង់ទៅម្តងទៀត។

ទឹកធ្លាក់ជ្រោះឱម៉ាល់ ស្ថិតនៅក្នុងភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត មានចម្ងាយ ប្រហែល ១១គីឡូម៉ែត្រ ពីទីរួមខេត្តកំពត។ លោកអ្នកអាចធ្វើដំណើរទៅដល់ទីនោះបាន តាមបណ្តោយផ្លូវទឹកឈូ។

៣.ទឹកធ្លាក់៩ជាន់

ទឹកធ្លាក់៩ជាន់ ស្ថិតនៅក្នុង ភូមិអន្លង់ក្មេងលេង ឃុំតេជោអភិវឌ្ឍន៍ ស្រុកឈូក ខេត្តកំពត ជាប់នឹងព្រំប្រទល់ស្រុកភ្នំស្រួចខេត្តកំពង់ស្ពឺ។ សម្រាប់ភ្ញៀវទេសចរអាចធ្វើដំណើរកម្សាន្តនៅទីនោះបានតាមរយៈផ្លូវជាតិលេខ៤។ មិនខុសពីទឹកធ្លាក់ផ្សេងៗ ទឹកធ្លាក់៩ជាន់ មានទេសភាពស្អាត ទឹកធ្លាក់ជាថ្នាក់ៗ ទាបៗ ព្រៃឈើព័ទ្ធជុំវិញទឹកជ្រោះ ជាមួយនឹងទឹកត្រជាក់ចិត្ត។

៤.ទឹកធ្លាក់វាលពួច

លោកអ្នកដែលចង់ទៅកម្សាន្ត ទឹកធ្លាក់វាលពួច នៅខេត្តកំពត ចំណាយពេលត្រឹមប្រមាណ ៨នាទី ឬ ៨គីឡូម៉ែត្រប៉ុណ្ណោះពីទីរួមខេត្តកំពត តាមវត្តវាលពួច ជិតជើងភ្នំបូកគោ។ បន្ទាប់មក ភ្ញៀវទេសចរត្រូវដើរថ្មើរជើងប្រមាណជិត ៣០នាទីទៀត នឹងឃើញទឹកធ្លាក់វាលពួចយ៉ាងថ្លាឈ្វេង គួរឱ្យចង់លេង។ លោកអ្នកអាចលេងទឹកធ្លាក់នេះ ស្តាប់សម្លេងបក្សាបក្សីយំក្នុងព្រៃ នឹងធ្វើឱ្យអារម្មណ៍អ្នកកាន់តែស្រស់ស្រាយបន្ថែមទៀត។

៥. ទឹកធ្លាក់អន្លង់ធំ

រមណីយដ្ឋានទឹកធ្លាក់អន្លង់ធំនេះ គេអាចហៅបាន៣ឈ្មោះផ្សេងទៀតដូចជា ទឹកជ្រោះអន្លូងធំ ព្រែកត្នោត, ទឹកជ្រោះព្រែកត្នោត និងទឹកធ្លាក់អន្លង់ខៀវ មានទេសភាពស្រស់ស្អាត ជារមណីយដ្ឋានមានលក់ម្ហូបអាហារគ្រប់មុខ និងជួលកន្លែងអង្គុយលេងផងដែរ។​ ទឹកធ្លាក់អន្លង់ធំ ស្ថិតនៅភូមិព្រែកក្រែង ឃុំព្រែកត្នោត ស្រុកទឹកឈូ ខេត្តកំពត មានចម្ងាយប្រហែល ៣២គីឡូម៉ែត្រ ពីរង្វង់មូលធុរេន៕

អត្ថបទ៖ អុន ស្រីមាន

The post តំបន់ទឹកធ្លាក់ ៥កន្លែងមានទេសភាពស្រស់ស្អាតប្លែកភ្នែកក្នុងទឹកដីខេត្តកំពត appeared first on Kampuchea Thmey Daily.

ថ្ងៃនេះ កម្ពុជាថ្មី​ នឹង​នាំ​អារម្មណ៍​ប្រិយមិត្តទៅស្គាល់រមណីយដ្ឋានទឹកជ្រោះ​ធម្មជាតិល្បីៗ​ និងស្រស់ស្អាត​ទាំង ៥ នៅសហរដ្ឋអាមេរិក។

១ ទឹកធ្លាក់ Niagara Falls នៅទីក្រុង New York

Niagara ជាទឹកធ្លាក់ធំជាងនៅអាមេរិក និងបែងចែកព្រំដែនរវាង New York និង Ontario។ ឧទ្យានទឹកធ្លាក់ធម្មជាតិដ៏​ធំ​នេះ​ លាតសន្ធឹង​នៅ​លើផ្ទៃដី៤០០ ហិចតា មានបីផ្នែក គឺទឹកធ្លាក់ Horseshoe Falls ទឹកធ្លាក់អាមេរិក និងទឹកធ្លាក់ Bridal Veil Falls។ ដោយ​សារ​តែ​សម្រស់​ដ៏​ធំ​សម្បើម​របស់​វា អ្នក​ទស្សនា​ភាគ​ច្រើន​បាន​អះអាង​ថា ​វា​ជា “ឋានសួគ៌​លើ​ផែនដី”។

២ ទឹកធ្លាក់ Yosemite នៅ California

ប្រសិនបើអ្នកចង់ទស្សនាទឹកជ្រោះ ដែល​មាន​កម្ពស់​ខ្ពស់​បំផុត​នៅអាមេរិក អ្នកអាច​ទៅទស្សនា​​ទឹកធ្លាក់ Yosemite ដែល​ស្ថិតនៅ​ក្នុង​ឧទ្យានជាតិ Yosemite National Park ជាមួយនិងកម្ពស់ ២,៤២៥ ហ្វីត វាក៏ជាទឹកធ្លាក់​មួយក្នុង​ចំណោម​ទឹកជ្រោះ​ដែល​ខ្ពស់​បំផុត​នៅលើ​ពិភពលោក​ផងដែរ។ មិន​ត្រឹម​តែ​កម្ពស់​ប៉ុណ្ណោះ​ទេ វា​ក៏​ត្រូវ​បាន​គេ​ចាត់​ទុក​ថា​ជា​ទឹក​ធ្លាក់​ដ៏​ស្រស់​ស្អាត​បំផុត​មួយ ​នៅ​សហរដ្ឋ​អាមេរិក។

៣ ទឹកធ្លាក់ Multnomah នៅ Oregon

Multnomah គឺជា​ទឹកធ្លាក់​ដ៏ពេញនិយមបំផុតមួយនៅក្នុងរដ្ឋ Oregon នៃ​សហរដ្ឋអាមេរិក ជាមួយ​នឹងកម្ពស់ ៦២០ ហ្វីត ដែលមានទឹកហូរពេញមួយឆ្នាំ ​ជាមូយ​ទេសភាពដ៏​ស្រស់ស្អាតពេញ​មួយ​ឆ្នាំ។ ប្រសិនបើអ្នកចង់​ទស្សនា​ទឹកជ្រោះនេះ​ឱ្យកាន់តែជិត អ្នកអាចទៅលើស្ពាន Benson នោះ​នឹង​ទទួល​បាន​បទពិសោធន៍​ថ្មីៗ​ជាមួយ​នឹង​ទឹក​ធ្លាក់ Multnomah បាន។

៤ ទឹកធ្លាក់ Burney នៅ California

ទឹកធ្លាក់ Burney គឺគ្មានអ្វីក្រៅពីឋានសួគ៌ដែលពោរពេញទៅដោយបៃតង និងសម្រស់ធម្មជាតិ ដែល​ធ្លាក់​ពីកម្ពស់ ២៦០ ហ្វីត។ ទឹកជ្រោះនេះ មានទឹកហូរពេញមួយឆ្នាំ ដែ​លអាចឲ្យ​អ្នក​ទៅ​លេង​កន្លែង​នេះ​បាន​គ្រប់ពេលវេលា​ និង​រីករាយ​ជាមួយអាងទឹកដ៏ជ្រៅនិងធំទូលាយ ដែលអនុញ្ញាតឱ្យយើងហែលទឹក​ដ៏រីករាយ ជាមួយពេលវេលា​ប្រកបដោយ​គុណភាព​របស់​អ្នកនៅទីនេះ។

៥ ទឹកធ្លាក់ Palouse នៅ LaCrosse

ទោះបីជាទីក្រុងវ៉ាស៊ីនតោន ត្រូវបាន​គេចាត់ទុកថាជារដ្ឋនយោបាយ មួយក្នុងចំណោម​រដ្ឋនយោបាយរបស់​អាមេរិកក៏ដោយ។ ប់ូន្តែក៏មានកន្លែងឧទ្យានជាតិរាប់សិបកន្លែង នៅក្នុងទីក្រុងវ៉ាស៊ីនតោនផងដែរ។ ក្នុងនោះក៏មានទឹកជ្រោះមួយកន្លែងឈ្មោះថា Palouse ជា​កន្លែង​ដែល​ធម្មជាតិ​ បង្ហាញ​សម្រស់​យ៉ាង​ល្អ​បំផុត។ ​ទឹកជ្រោះនេះ មានកម្ពស់ ២០០ ហ្វីត ដែលធ្លាក់ចូលទៅក្នុងទន្លេ Palouse ។ នេះគឺជា​កន្លែងមាន​ទេសភាពល្អឥតខ្ចោះ​ ដើម្បី​ទទួលយកបទពិសោធន៍​នៃទិដ្ឋភាព​ដ៏​ធំទូលាយ​នៃទឹកជ្រោះ។ បន្ថែម​ពី​លើការទស្សនាដ៏អស្ចារ្យ អ្នកក៏អាចរីករាយនឹងការបោះជំរុំ និងការឡើង​ភ្នំនៅកន្លែង​នេះផងដែរ៕

កែសម្រួល៖ នាងតូច

ចុចអាន៖ប្រវត្តិបិសាចសមុទ្រ សាយរ៉ិន ស៊ីសាច់ជាអាហារ និងស្អប់មនុស្សប្រុសខ្លាំង

The post ទឹកធ្លាក់ ៥ កន្លែងនៅ អាមេរិក ល្បីល្បាញស្រស់ស្អាតខ្លាំង និងជាប់ឈ្មោះជា ឋានសួគ៌លើដី appeared first on Kampuchea Thmey Daily.

បាតុភូតនេះ បានធ្វើឲ្យអ្នកស្រុកជិតឆ្ងាយគិតថា ជាអារក្សអារុក្ខ អារក្ខ បារមីសម្តែងឬទ្ធិនិងមានអភិនិហាកើតឡើងចេញពីដើមច្រេសនេះ។

រដ្ឋបាលស្រុកស្រីសន្ធរ ខេត្តកំពង់ចាមបានបញ្ជាក់ថា ដើមច្រេសនោះ ជាប្រភេទដើមច្រេសម្យ៉ាង មានស្លឹកនិងសំបកមានរសជាតិផ្អែមសម្បូរទៅដោយទឹក និងជាជម្រកនៃសត្វរៃ។

តាមការបកស្រាយរបស់មន្ត្រីជំនាញបានឲ្យដឹងថា នៅរាល់រដូវក្តៅពពួកសត្វរៃតែងតែហើរមកប្រជុំគ្នានៅលើដើមច្រេសនេះ ដើម្បីខាំកកេរសំបកឈើផង និងបង្កាត់ពូជគ្នាផង រៃនេះជារៃមួយប្រភេទដែលមានឈ្មោះ ជារៃបឹងមានសម្បុរស ពុកមាត់ខ្លីខ្លួនតូច រៃញីបញ្ចេញទឹកតាមគូទរបស់វាដើម្បីទាក់ទាញរៃឈ្មោលមកបង្កាត់ពូជជាមួយគ្នា មាត់កកេរសំបកឈើបណ្តើរ បញ្ចេញទឹកបណ្តើរ ធ្វើឲ្យមានទឹកផ្សែងចេញដូចរលឹមចេញពីដើមច្រស។

ហេតុការណ៍នេះ បានធ្វើឲ្យប្រជាពលរដ្ឋយល់ច្រលំថា ជាអារក្សអារុក្ខ អារក្ខ បារមីសម្តែងឬទ្ធិនិងមានអភិនិហាកើតឡើង ចេញពីដើមច្រេស នាំគ្នាទៅអុជធូបបន់ស្រន់សូមលាភ សូមជ័យ។

រដ្ឋបាលស្រុកប្រាប់ពលរដ្ឋកុំឲ្យទៅបន់ស្រន់ និងជឿថាមានអភិនិហាកើតឡើង ដែលធ្វើឲ្យប៉ះពាលដល់សុខភាពបងប្អូន នៅពេលដែលយកទឹកចេញពីដើមជ្រៃនោះទៅផឹក៕

អត្ថបទ៖ ឡេង ដេត

The post បកស្រាយអាថ៍កំបាំងអព្ភូតហេតុទឹកធ្លាក់​តែ១កន្លែងនៅកំពង់ចាម appeared first on Kampuchea Thmey Daily.