ការវិលត្រឡប់របស់បវរកញ្ញាតំណាងកម្ពុជា ទៀង បូរមី គេសង្ឃឹមថា បងប្អូន និងអ្នកគាំទ្ររបស់កញ្ញា នឹងទៅទទួលបវរកញ្ញាខ្មែររូបនេះឲ្យបានច្រើនកុះករដើម្បីជាការលើកចិត្តចិត្ត និងអបអរសាទរលើភាពជោគជ័យរបស់នាង។ នេះបើ​យោងតាមការបង្ហោះនៅលើផេកផ្លូវការ Miss Teen Universe Cambodia នៅមុននេះបន្តិច។

ប្រភពបានបញ្ជាក់ថា Miss Teen Universe Asia “ទៀង បូរមី” នឹងត្រឡប់មកមាតុភូមិកំណើតវិញដោយនឹងមកដល់អាកាសយាន្តដ្ឋានអន្តរជាតិភ្នំពេញនៅថ្ងៃទី២៣ ខែវិច្ឆិកា ឆ្នាំ២០២២ វេលាម៉ោង១១:២៥នាទីព្រឹក។ ដូច្នេះសង្ឃឹមថា នឹងមានការចូលរួមទទួលលើកទឹកចិត្តពីអ្នកគាំទ្រ។ អ្វីដែលសំខាន់ទៀតនោះ គឺកញ្ញា “ទៀង បូរមី” បាននាំនូវជ័យភីមកកម្ពុជាដូចជា ជាប់នៅវគ្គ Semifinal TOP16 ,ពានរង្វាន់ “Miss Teen Face” និងទទួលបានងារ “Miss Teen Universe Asia” ។

សូមបញ្ជាក់ថា បវរកញ្ញាតំណាងកម្ពុជា ទៀង បូរមី ដែលជាម្ចាស់មកុដ Miss Teen Universe Cambodia 2022 កាលពីថ្ងៃទី១០ ខែវិច្ឆិកា ឆ្នាំ២០២២ បានធ្វើដំណើរចាកចេញពីប្រទេសកម្ពុជាដើម្បីចូលរួមការប្រកួតMiss Teen Universe 2022 នៅទីក្រុង Miami រដ្ឋ Florida សហរដ្ឋអាមេរិក។ ទៀង បូរមី គឺជាបវកញ្ញាយុវតីចក្រវាលនៃកម្ពុជាឆ្នាំ2022 ដែលត្រូវបានជ្រើសរើសជាយុវតីដំបូងគេតំណាងឲ្យកម្ពុជាចូលរួមក្នុងការប្រកួតលើឆាកអន្តរជាតិក្នុងឆ្នាំ២០២២នេះ៕

អត្ថបទ៖ ចាន់រ៉ា

The post ទៀង បូរមី វិលមកកម្ពុជានៅថ្ងៃស្អែកជាមួយ ជ័យភីទាំងនេះ appeared first on Kampuchea Thmey Daily.