ក្នុងអំឡុងពេលកាន់ទុក្ខ អ្នកនាង ទៀង មុំសុធាវី នៅតែស្ថិតក្នុងសភាពក្រៀមក្រំ និងខ្សឹកខ្សួលយ៉ាងខ្លាំង ខណៈសាធារណជនជាច្រើនបានផ្ញើសារចូលរួមរំលែកទុក្ខ និងផ្តល់កម្លាំងចិត្តដល់អ្នកនាង និងក្រុមគ្រួសារ។

អ្វីដែលធ្វើឱ្យមហាជនកាន់តែស្រណោះនោះ គឺកូនប្រុសទាំងពីររបស់អ្នកនាង ដែលជាតំណក់ឈាមនៃចំណងអាពាហ៍ពិពាហ៍រយៈពេល ៦ឆ្នាំ រវាងអ្នកទាំងពីរ ដោយកូនប្រុសច្បងមានអាយុទើបតែ៥ឆ្នាំ ខណៈកូនប្រុសពៅ អាយុ ៣ឆ្នាំប៉ុណ្ណោះ នៅតែសួររកឪពុក។ ក្នុងនាមជាម្តាយ អ្នកនាងបានត្រឹមតែឆ្លើយប្រាប់កូនទាំងទឹកភ្នែកថា «ប៉ាទៅលើមេឃហើយកូន» ដែលជាពាក្យមួយឃ្លាធ្វើឱ្យអ្នកបានឮមានអារម្មណ៍ក្តុកក្តួលយ៉ាងខ្លាំង។

ដោយក្តីអាឡោះអាល័យនឹងឧត្តមស្វាមី អ្នកនាង ទៀង មុំសុធាវី ក៏រំលឹកពីភាពល្អប្រពៃរបស់ស្វាមីជាហូរហែរ និងបង្ហាញការសោកស្តាយចំពោះការបាត់បង់សសរស្តម្ភគ្រួសារមួយរូបនេះជាពន់ពេក។

គួរបញ្ជាក់ថា លោក ជួន សុកាន់ណារិទ្ធ បានទទួលមរណភាពដោយរោគាពាធ ក្នុងជន្មាយុ ៦២ ឆ្នាំ។ សពត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនានៅគេហដ្ឋាន ហើយពិធីបូជាបានប្រព្រឹត្តទៅនៅថ្ងៃទី៣០ ខែឧសភា ឆ្នាំ២០២៦។

បើតាមលិខិតបុណ្យ ពិធីបុណ្យគម្រប់៧ថ្ងៃរនេះ នឹងប្រារព្ធធ្វើឡើងនៅល្ងាចថ្ងៃទី១ ខែមិថុនា ឆ្នាំ២០២៦ នៅគេហដ្ឋានលេខ២៩ ផ្លូវ៥៦៤ ភូមិ១១ ក្រុម៤៤ សង្កាត់បឹងកក់១ ខណ្ឌទួលគោក រាជធានីភ្នំពេញ ខណៈធ្វើកិច្ចបង្ហើយនៅថ្ងៃអង្គារ៍ ទី២ ខែមិថុនា ឆ្នាំ២០២៦។ ទន្ទឹមនឹងនេះ អ្នកនាង និងក្រុមគ្រួសារ ក៏បានថ្លែងអំណរគុណយ៉ាងជ្រាលជ្រៅដល់បងប្អូន និងមិត្តភក្តិទាំងអស់ ដែលបានផ្ញើសារចូលរួមរំលែកទុក្ខ និងផ្តល់កម្លាំងចិត្តដល់ក្រុមគ្រួសារក្នុងគ្រាដ៏សោកសៅនេះ៕ ដោយ៖ ចាន់រ៉ា

The post អ្នកនាង ទៀង មុំសុធាវី នៅតែខ្សឹកខ្សួលនឹងមរណភាពស្វាមី ខណៈសង្វេគបំផុតពេលកូនតូចៗសួររកឪពុក appeared first on Kampuchea Thmey Daily.

ជាក់ស្តែងបើតាមការបង្ហោះឱ្យដឹងនៅលើផេកផ្លូវការរ បស់តារាចម្រៀងអ្នកនាង ទៀងមុំ សុធាវី បានបញ្ជាក់ដោយខ្លីថា”អ្នកនាងកំពុងកាន់ទុក្ខស្វាមី” ។ចំណែកឯតារាចម្រៀងលោក សាវិន ហ្វីលីព ក៏បានបង្ហោះសាររំលែកទុក្ខចំពោះអ្នកនាង ទៀងមុំ សុធាវី សម្រាប់កា របាត់បង់ស្វាមីជាទីស្រឡាញ់។

លោកសាវិន ហ្វីលីពបានរៀបរាប់ថា “ខ្ញុំនិងក្រុមគ្រួសា រសូមចូលរួមរំលែកទុក្ខដល់តារាចម្រៀង ទៀងមុំ សុ ធាវី ដែលបានបាត់បង់ស្វាមី (ឯកឧត្តម ជួន សុកាន់ណារិទ្ធ) នៅថ្ងៃនេះ។ ប្អូនស្រី សុធាវី មានអត្តចរិតសុភាពរាបសាណាស់ហេីយក៏តែងតែបានចូលរួមចែករំលែកធ្វេីអំពេីល្អដល់អ្នកខ្វះខាតជាហូរហែនាពេលក ន្លងមកតាមរយៈមូលនិធិសប្បុរសធម៌របស់ខ្ញុំ”។

តាមរយ:ដំណឹងមរណទុក្ខដ៏ក្រៀមក្រំ និងសោកសៅនេះដែរ គេឃើញមានអ្នកសិល្ប:រួមអាជីពជាច្រើនបានបង្ហាញការចូលរួមរំលែកទុក្ខដ៏សោកសៅជាមួយក្រុមគ្រួសាររបស់តារាចម្រៀងអ្នកនាង ទៀងមុំ សុធាវី ផងដែរ៕ ដោយ៖ ចាន់រ៉ា

The post ស្វាមីតារាចម្រៀង ទៀង មុំសុធាវី ទទួលមរណភាពក្នុងវ័យ៦២ឆ្នាំ appeared first on Kampuchea Thmey Daily.