យន្ដហោះ Typhoon ត្រូវបានដាក់ពង្រាយពីមូលដ្ឋានទ័ពអាកាស RAF Lossiemouth ដើម្បីតាមដានយន្ដហោះ Tu-142 Bear F របស់រុស្ស៊ី ។

យន្ដហោះ Typhoon គឺជាផ្នែកមួយនៃកម្លាំងប្រតិកម្មរហ័សរបស់ RAF ដែលប្រុងជើងការ ២៤ ម៉ោងក្នុងមួយថ្ងៃ និង ៧ ថ្ងៃក្នុងមួយសប្តាហ៍ ។ ចំណែកយន្តហោះ RAF Voyager ដែលមានមូលដ្ឋាននៅ Brize Norton ក៏ត្រូវបានដាក់ពង្រាយផងដែរដើម្បីផ្តល់ប្រេងសម្រាប់យន្ដហោះល្បឿនលឿនទាំងពីរគ្រឿង នៅពេលដែលពួកគេស្ទាក់ចាប់យន្តហោះរុស្ស៊ី ២ គ្រឿងដែលលាក់ខ្លួន ខណៈយន្តហោះរបស់ RAF ក៏ត្រូវបានគាំទ្រដោយយន្ដហោះអង្គការណាតូផ្សេងទៀតដែរ ។

យោងតាមក្រសួងមហាផ្ទៃក្រសួងអង់គ្លេសបានឲ្យដឹងថា យន្ដហោះ RAF ត្រូវបានដាក់ពង្រាយយ៉ាងលឿននៅមុនម៉ោង ៨ ព្រឹកនៅពេលដែលយន្តហោះរុស្ស៊ីទាំងពីរត្រូវបានរកឃើញ ។ ការស្ទាក់ចាប់ត្រូវបានសម្របសម្រួលដោយអ្នកត្រួតពិនិត្យចរាចរណ៍ផ្លូវអាកាសយោធាដែលមានមូលដ្ឋាននៅ RAF Scampton ។

ក្រសួងការពារជាតិបាននិយាយថា “យន្តហោះយោធារុស្ស៊ីដែលកំពុងប្រតិបត្តិការនៅក្នុងតំបន់ពត៌មានហោះហើរចក្រភពអង់គ្លេសនៅក្នុងដែនអាកាសដ៏មមាញឹកនេះនៅលើសមុទ្រខាងជើងអាចដើរតួជាគ្រោះថ្នាក់ដល់អ្នកប្រើប្រាស់អាកាសផ្សេងទៀត ។ ជាញឹកញយយន្ដហោះទាំងនេះមិនធ្វើចលនាទេ ហើយវាពាក់ព័ន្ធនឹងការបញ្ជូនលេខកូដដើម្បីបញ្ជាក់ពីចេតនា ទីតាំង និងរយៈកម្ពស់របស់យន្តហោះ” ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

The post អង់គ្លេសបញ្ជូនយន្តហោះទៅប្រដេញយន្តហោះប្រឆាំងនាវាមុជទឹករបស់រុស្ស៊ី appeared first on Kampuchea Thmey Daily.