លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុង  ថ្លែងថា ប្រតិបត្តិការនេះត្រូវបានអនុវត្តឡើងដោយផ្អែកលើមូលដ្ឋានច្បាប់ និងនីតិវិធីដូចខាងក្រោម៖ ការជូនដំណឹងឱ្យចាកចេញដោយស្ម័គ្រចិត្តចំនួន ០៣លើក រួចមកហើយពីសំណាក់រដ្ឋបាលស្រុកមណ្ឌលសីមា។ ២. ស្មារតីនៃកិច្ចប្រជុំរវាងក្រសួងបរិស្ថាន និងរដ្ឋបាលខេត្តកោះកុង កាលពីថ្ងៃទី២២ ខែមេសា ឆ្នាំ២០២៦ និង លទ្ធផលនៃកិច្ចប្រជុំផ្សព្វផ្សាយអំពី «ក្រមបរិស្ថាន និងធនធានធម្មជាតិ» ជូនដល់តំណាងប្រជាពលរដ្ឋដែលបានចូលទន្ទ្រានកាន់កាប់ដីក្នុងភូមិកោះប៉ោ ឃុំប៉ាក់ខ្លង ស្រុកមណ្ឌលសីមា កាលពីថ្ងៃទី២៧ ខែមេសា ឆ្នាំ២០២៦ កន្លងទៅ។

លោកប្រធានមន្ទីរបរិស្ថានខេត្ត បន្ថែមថា យោងតាមស្មារតីអង្គប្រជុំកាលពីថ្ងៃទី២២ និងថ្ងៃទី២៧ ខែមេសា ឆ្នាំ២០២៦ រវាងរដ្ឋបាលខេត្តកោះកុង និងតំណាងក្រុមអ្នកតាំងលំនៅខុសច្បាប់ក្នុងតំបន់ការពារធម្មជាតិ គណៈបញ្ជាការឯកភាពរដ្ឋបាលខេត្ត បានសម្រេចចុះអនុវត្តវិធានការច្បាប់ចំពោះបុគ្គលដែលរឹងរូសមិនព្រមរុះរើ និងចាកចេញតាមការណែនាំ។ វិធានការនេះ ធ្វើឡើងក្នុងគោលបំណងទប់ស្កាត់បទល្មើសធនធានធម្មជាតិ និងការទន្ទ្រានកាន់កាប់ដីព្រៃខុសច្បាប់ នៅចំណុចជ្រោះដំណាក់ក្បូន ក្នុងឧទ្យានជាតិជួរភ្នំក្រវាញ ស្ថិតក្នុងភូមិកោះប៉ោ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

កន្លងមក អាជ្ញាធរមានសមត្ថកិច្ចបានចុះផ្សព្វផ្សាយ ណែនាំ និងពន្យល់អំពីទិដ្ឋភាពច្បាប់ជាច្រើនលើកច្រើនសារ ដល់បុគ្គលដែលបានចូលមកកាប់គាស់ រុករាន និងកាន់កាប់ដីព្រៃដោយខុសច្បាប់ នៅចំណុចជ្រោះដំណាក់ក្បូន នៃឧទ្យានជាតិជួរភ្នំក្រវាញ។ ជាមួយគ្នានេះ អាជ្ញាធរក៏បានតម្រូវឱ្យពួកគាត់រុះរើសំណង់ និងចាកចេញពីតំបន់នោះជាបន្ទាន់ផងដែរ។

បច្ចុប្បន្ន សំណង់អនាធិបតេយ្យដែលបានសាងសង់ដោយខុសច្បាប់ក្នុងតំបន់ការពារធម្មជាតិនេះ មានប្រមាណជាង ១០០កន្លែង (រួមមាន ខ្ទម តូបលក់ដូរ រោងលំហែ និងបន្ទប់ទឹក)។ សូមជម្រាបថា សកម្មភាពទន្ទ្រានកាន់កាប់ដីធ្លីក្នុងតំបន់ការពារធម្មជាតិខាងលើ គឺជាអំពើល្មើសច្បាប់យ៉ាងធ្ងន់ធ្ងរ ដែលត្រូវផ្ដន្ទាទោសតាមមាត្រា ៨៥១ ចំណុច (ច) នៃក្រមបរិស្ថាន និងធនធានធម្មជាតិ៕ (អត្តបទ:សិរីវឌ្ឍនៈ)

The post ក្រុមការងារចម្រុះខេត្តកោះកុង ចុះអនុវត្តច្បាប់ប្រឆាំងនឹងបទល្មើសធនធានធម្មជាតិ នៅក្នុងឧទ្យានជាតិជួរភ្នំក្រវាញ ក្នុងភូមិសាស្រ្តខេត្តកោះកុង appeared first on Kampuchea Thmey Daily.

ក្នុងឱកាសនោះ លោក ហ៊ែល តូនី បានលើកឡើងថា គ្មានការរុះរើ ឬកាត់ឆ្វៀលថ្មីៗដើម្បីជូនប្រជាពលរដ្ឋឡើយ។ តែត្រូវគោរព និងអនុវត្តតាមការចង្អុលបង្ហាញ ណែនាំដ៏ខ្ពង់ខ្ពស់របស់សម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រីកម្ពុជា ត្រូវតែការពារដាច់ខាតឱ្យខាងតែបានដើម្បីទុកជាជម្រកត្រីពង ជីវចម្រុះ និងជាធនធានធម្មជាតិកេរដំណែលសម្រាប់កូនចៅជំនាន់ក្រោយ។

លោក ហ៊ែល តូនី បានកោតសរសើរខ្ពស់ដល់អាជ្ញាធរស្រុកស្ទោង ជាពិសេសលោក សាយ គឹមឡម ក្នុងនាមប្រធានគណៈបញ្ជាការឯកភាពរដ្ឋបាលស្រុកស្ទោង និងសហការីព្រមទាំងកងកម្លាំងនៅក្នុង ទីបញ្ជាការស្រាលទាំង៥ទីតាំង ដែលបានលះបង់សព្វបែបយ៉ាងក្នុងការការពារនូវធនធានធម្មជាតិពីការរុករានទន្ទ្រានពីជនឱកាសនិយមបានល្អប្រសើរកន្លងមក។

ជាមួយគ្នានេះ លោកក៏បានអំពាវនាវដោយទទូចដល់ប្រជាពលរដ្ឋនៅក្នុងមូលដ្ឋានស្រុកស្ទោង សូមបន្តវប្បធម៌និងចូលរួមថែរក្សាការពារតំបន់ជីវៈចម្រុះ ទីតាំងអភិរក្សនិងព្រៃរនាមព្រៃលិចទឹក ដែលជាជម្រកត្រីពង និងគម្របធម្មជាតិឱ្យបានគង់វង្សស្ថិតស្ថេរតទៅ ព្រោះជាតំបន់រណប នៃរ៉ាមសារស្ទឹងសែន រ៉ាមសារទន្លេឆ្មា និងបឹងទន្លេសាបផងដែរ៕

អត្ថបទ៖ ឈាង មករា

The post កំពង់ធំ ពង្រឹងវិធានការការពារព្រៃលិចទឹក និងធនធានធម្មជាតិ appeared first on Kampuchea Thmey Daily.

លោក មឿន សុភេទ ប្រធាន​មន្ទីរ​បរិស្ថាន​ខេត្ត​ព្រះវិហារ បាន​ឲ្យ​ដឹង​កាលពី​ថ្ងៃ​ទី ២៤ កុម្ភៈ ថា អគ្គិភ័យ​ដែល​បង្កើត​ចំណុចក្ដៅ​មាន​ប្រភេទ​ផ្សេងៗ គ្នា អាស្រ័យ​លើ​ទីតាំង កន្លែង​ភ្លើង​ឆេះ​ព្រៃ និង​កន្លែង​ប្រជាពលរដ្ឋ​ដុត​សំរាម​ជាដើម។ លោក​ទទួល​ស្គាល់​ថា ពិត​ជា​មាន​ភ្លើង​ឆេះ​ជាច្រើន​កន្លែង​មែន បណ្ដាល​មកពី​ការ​ដុត​ជញ្ជ្រាំង​ស្រូវ ការ​ដុត​ស្មៅ ការ​ដុត​សំណល់​ប្លាស្ទិក​នៅ​តាម​លំនៅឋាន និង​ប្រភព​ផ្សេងៗ ទៀត។

លោក​បាន​បន្ត​ថា កន្លងមក មន្ទីរ​បរិស្ថាន បាន​ធ្វើ​កិច្ច​ការងារ​ជាច្រើន​ពាក់ព័ន្ធ​នឹង​ការ​ផ្សព្វផ្សាយ អប់រំ​ប្រជាពលរដ្ឋ ជំរុញ​ដល់​សហគមន៍ និង​ស្នើ​អាជ្ញាធរ​ពាក់ព័ន្ធ​ទាំងអស់​ចូលរួម​អនុវត្ត​វិធានការ​អប់រំ ផ្សព្វផ្សាយ និង​ចាត់វិធានការ​ទប់ស្កាត់ និង​កាត់បន្ថយ​ការ​បំពុល កាត់បន្ថយ​ការ​ប្រើប្រាស់​ប្លាស្ទិក បង្ការ​ធូលី​ហុយ និង​ទប់ស្កាត់​ករណី​ឆេះ​ផ្សេងៗ ជាពិសេស​ការ​ដុត​ជញ្ជ្រាំង ភ្លើង​ឆេះ​ព្រៃ ការ​ដុត​សំរាម​ប្លាស្ទិក​ផ្សេងៗ ដែល​បង្ក​ការ​បំពុល​ខ្យល់​ក្នុង​បរិយាកាស។

លោក​ប្រធាន​មន្ទីរ​បរិស្ថាន​ខេត្ត​ព្រះវិហារ លើក​ឡើង​ថា ការ​ការពារ​ធនធាន​ធម្មជាតិ គឺ ត្រូវ​មាន​ការ​ចូលរួម​ពី​ប្រជាពលរដ្ឋ អាជ្ញាធរ និង​មន្ត្រី​ពាក់ព័ន្ធ ទើប​អាច​ការពារ​ព្រៃឈើ​បាន​ទាំងស្រុង។ ក្នុង​នោះ លោក​បាន​ស្នើ​ឲ្យ​មាន​ការ​ជួយ​ឧបត្ថម្ភ​ជា​រថយន្ត​ពន្លត់​អគ្គិភ័យ​ដល់​មន្ទីរ​បរិស្ថាន និង​បំពង់​ពន្លត់​អគ្គិភ័យ ដើម្បី​ទុក​ការពារ​ព្រៃឈើ​ឲ្យ​បាន​គង់វង្ស​ត​កូនចៅ។

គួរ​ជម្រាប​ថា អំឡុង​ខែ​កុម្ភៈ ឆ្នាំ ២០២៦ នេះ ក្រសួងបរិស្ថាន បាន​រក​ឃើញ​ចំណុចក្ដៅ (Hotspots) ចំនួន ២,៣៩២ កន្លែង នៅ​ទូទាំង​ប្រទេស ខណៈ​ខេត្ត​ជាប់​ព្រំដែន​ជាមួយ​ប្រទេស​ថៃ មាន​ចំណុចក្ដៅ​ជាង ១,០០០ កន្លែង។ ក្រសួងបរិស្ថាន ក៏បាន​ដាក់​ចេញ​វិធានការ​យ៉ាង​ម៉ឺងម៉ាត់ ដើម្បី​ទប់ស្កាត់​ភ្លើង​ឆេះ​ព្រៃ និង​អំពាវនាវ​ប្រជាពលរដ្ឋ​កាត់បន្ថយ​ការ​ដុត​សំរាម សំណល់​រឹង គល់​ជញ្ជ្រាំង សំណល់​កសិកម្ម​នៅ​ទី​ចំហ ដែល​ធ្វើ​ឲ្យ​មាន​បំភាយ​ឧស្ម័ន​កាបូនឌីអុកស៊ីត បង្ក​ឲ្យ​មាន​ករណី​បំពុល​ខ្យល់ ធ្វើ​ឲ្យ​ប៉ះពាល់​ដល់​សុខភាព និង​ការ​រស់នៅ​របស់​ប្រជាពលរដ្ឋ​ជុំវិញ​ផង​ដែរ៕

អត្ថបទ ៖ ជុន កុសល

The post ប្រធានមន្ទីរបរិស្ថានខេត្តព្រះវិហារ ៖ ការពារធនធានធម្មជាតិ ត្រូវមានការចូលរួមទាំងអស់គ្នា ទើបនៅគង់វង្សបានយូរអង្វែង appeared first on Kampuchea Thmey Daily.

អ្នកនាំពាក្យបន្ថែមថា ទីតាំងអាជីវកម្មខ្សាច់បកមួយកន្លែង ដែលបានដំណើរការ ដោយមានក្រុមហ៊ុនចំនួន២ លើដីទំហំ ចំនួនជិត ២ហិកតា នៅភូមិបាក់អង្រុត ឃុំដងពែង ស្រុកស្រែអំបិល ខេត្តកោះកុង ត្រូវបានពិនិត្យឃើញថាអាចបង្កហានិភ័យ ដល់ធនធានធម្មជាតិនៃស្ទឹងព្រែកកំពង់សោម។

លោក ខ្វៃ អាទិត្យា សង្កត់ធ្ងន់ថា៖«ក្រសួងបរិស្ថាន បានសម្រេចការអនុវត្តអនុវត្តនូវវិធានការច្បាប់ ដើម្បីទប់ស្កាត់ការបំពុលបរិស្ថាន ធានាភាពស្អាតនៅក្នុងទឹក ដោយតម្រូវឲ្យផ្អាកអាជីវកម្មខ្សាច់ជាបណ្តោះអាសន្ន ចាប់ពីពេលនេះទៅ រហូតដល់មានការសម្រេចជាថ្មី របស់អង្គភាពជំនាញពាក់ព័ន្ធ និងតម្រូវឲ្យម្ចាស់អាជីវកម្ម រៀបចំរបាយការណ៍វាយតម្លៃហេតុប៉ះពាល់បរិស្ថានដំបូង ដោយអនុលោមតាមលិខិតបទដ្ឋានគតិយុត្តពាក់ព័ន្ធ ឱ្យបានរួចរាល់ជាមុន ទើបអាចធ្វើអាជីវកម្មបន្តបាន។»។

នៅថ្ងៃទី២៥ ខែមករា ឆ្នាំ២០២៦ ក្រុមការងារអធិការកិច្ចនៃអគ្គនាយកដ្ឋានគាំពារបរិស្ថាន និងនាយកដ្ឋានវាយតម្លៃហេតុប៉ះពាល់បរិស្ថាន ដឹកនាំដោយ លោក ចាប យុធី អនុប្រធាននាយកដ្ឋានអធិការកិច្ច និងមានការចូលរួមពី អាជ្ញាធរឃុំដងពែង និងប្រជាសហគមន៍មូលដ្ឋាន បានចុះពិនិត្យទីតាំងភ្ទាល់ និងបានរកឃើញថា ក្រុមហ៊ុនត្រូវធ្វើការសិក្សាវាយតម្លៃពីការបង្កហានិភ័យ ដល់បរិស្ថាន ឲ្យបានត្រឹមត្រូវ មុននឹងអនុញ្ញាតឲ្យធ្វើអាជីវកម្មរ៉ែខ្សាច់។ យោងតាមស្ថានភាពភូមិសាស្រ្តជាក់ស្តែង ក្រុមការងារបានចុះទៅពិនិត្យផ្ទាល់ទីតាំង ការដ្ឋានអាជីវកម្មខ្សាច់បក គឺស្ថិតនៅក្បែរមាត់ស្ទឹងព្រែកកំពង់សោម និងតំបន់ដែនជម្រកសត្វអណ្តើកហ្លួងផងដែរ។

លោក ខ្វៃ អាទិត្យា រម្លឹកថា កន្លងមកមានការចុះផ្សាយ និងសេចក្តីរាយការណ៍របស់សារព័ត៌មានមួយចំនួន អំពីករណីនេះ ប៉ុន្តែក្រុមការងារបានពិនិត្យឃើញថា សកម្មភាពរបស់ទីតាំងអាជីវកម្មខ្សាច់នៅទីនេះ មិនទាន់មានការបង្កបញ្ហា ឬផលប៉ះពាល់ដល់បរិស្ថាន ដូចការចុះផ្សាយរបស់អ្នកសារព័ត៌មាននោះឡើយ។  អាជីវកម្មខ្សាច់នៅទីនេះ បានបើកដំណើរការ នៅថ្ងៃទី១៥ ខែវិច្ឆិកា ឆ្នាំ២០២៥ និងបានជីកាយ និងបូមខ្សាច់ ទៅចាក់គរទុក មានរណ្តៅដីទំហំប្រហែល ១ហិកតា និងជំរៅ ៣,៥ម។ ទឹកហូរចេញពីគំនរខ្សាច់ ត្រូវបានបង្ហូរចូលក្នុងរណ្តៅដីវិញ ពុំមានទឹកហូរចូលក្នុងស្ទឹងទេ។ ជាមួយគ្នានេះ អាជ្ញាធរឃុំដងពែង និងប្រជាសហគមន៍មូលដ្ឋាន ក៏បានឱ្យដឹងថា អាជីវកម្មខ្សាច់នេះ ពុំមានបង្កបញ្ហាប៉ះពាល់ដល់ការរស់នៅនិងបរិស្ថាននៅឡើយទេ៕

The post ក្រសួងបរិស្ថានផ្អាកអាជីវកម្មខ្សាច់មួយកន្លែងនៅកោះកុង ព្រោះពិនិត្យឃើញថាអាចប៉ះពាល់ដល់ជម្រកអណ្ដើកហ្លួង appeared first on Kampuchea Thmey Daily.

លោក ឌិន ប៊ុនថាច ប្រធានការិយាល័យស្តីទីដែនជម្រកសត្វព្រៃភ្នំព្រេច–លំផាត់ នៃមន្ទីរបរិស្ថានខេត្តមណ្ឌលគិរី បានប្រាប់កម្ពុជាថ្មី នៅថ្ងៃទី៨ ខែមករា ឆ្នាំ២០២៦ថា ដោយមានការណែនាំ និងចង្អុលបង្ហាញពីលោក ហាស់ វីបុល ប្រធានមន្ទីរបរិស្ថានខេត្តមណ្ឌលគិរី មន្ត្រីជំនាញបានចុះល្បាតទប់ស្កាត់ និងបង្ក្រាបបទល្មើសធនធានធម្មជាតិ នៅក្នុងដែនជម្រកសត្វព្រៃភ្នំព្រេច–លំផាត់។ លោកបានបញ្ជាក់ថា ការប្រតិបត្តិការនេះបានអនុវត្តរយៈពេល ២ ថ្ងៃ ចាប់ពីថ្ងៃទី២ ដល់ថ្ងៃទី៣ ខែមករា ដែលជាលទ្ធផល មន្ត្រីជំនាញបានបង្ក្រាបបទល្មើសចំនួន ៣ ករណី រួមមាន ករណីរុករករ៉ែមាសខុសច្បាប់ចំនួន ២ កន្លែង និងករណីកាប់ព្រៃឈើខុសច្បាប់ចំនួន ១ កន្លែង។

ក្នុងប្រតិបត្តិការនោះ សមត្ថកិច្ចបានដកហូតវត្ថុតាងមួយចំនួនរួមមាន ម៉ាស៊ីនសាំងសម្រាប់បូមមាស ឈើ និងម៉ូតូសណ្តោងរ៉ឺម៉កគ្មានស្លាកលេខ។ វត្ថុតាងទាំងអស់ត្រូវបានយកមករក្សាទុកនៅស្នាក់ការដែនជម្រកសត្វព្រៃភ្នំព្រេច–លំផាត់ ហើយអាជ្ញាធរកំពុងបន្តស្រាវជ្រាវស្វែងរកជនសង្ស័យពាក់ព័ន្ធ ដើម្បីចាត់វិធានការផ្លូវច្បាប់បន្តទៀត។

ទោះបីជាអាជ្ញាធរបានបង្ក្រាបបទល្មើសធនធានធម្មជាតិជាបន្តបន្ទាប់នៅក្នុងភូមិសាស្ត្រខេត្តមណ្ឌលគិរីក៏ដោយ ក៏នៅតែមានជនខិលខូចមួយចំនួនតូច បន្តចូលទៅក្នុងតំបន់ព្រៃការពារ ធ្វើសកម្មភាពកាប់ឆ្ការ រុករានទន្ទ្រាន និងរុករករ៉ែមាសដោយអនាធិបតេយ្យ។ លោក ឌិន ប៊ុនថាច បានព្រមានដល់ជនទាំងអស់ដែលកំពុងប្រព្រឹត្តបទល្មើសធនធានធម្មជាតិ ឱ្យបញ្ឈប់សកម្មភាពទាំងនេះជាបន្ទាន់ ព្រោះជាអំពើប៉ះពាល់ធ្ងន់ធ្ងរដល់ធនធានធម្មជាតិ នឹងប្រឈមមុខការផ្តន្ទាទោសតាមច្បាប់។

ទន្ទឹមនេះ លោកអំពាវនាវដល់ប្រជាពលរដ្ឋទាំងអស់ដែលរស់នៅតំបន់ក្បែរដែនជម្រកសត្វព្រៃ សូមមេត្តាចូលរួមថែរក្សាសម្បត្តិធនធានធម្មជាតិដ៏សម្បូរបែប ដើម្បីរក្សាព្រៃឈើ សត្វព្រៃ ជាពិសេសផ្តល់អនុផលដល់សហគមន៍អាចរកចំណូលផ្គត់ផ្គង់គ្រួសារ៕

 ដោយ៖ រៀម សុខហេង

The post សមត្ថកិច្ចខេត្តមណ្ឌលគិរី ឆ្មក់បង្ក្រាបបទល្មើសរ៉ែមាសខុសច្បាប់ និងព្រៃឈើ បាន៣ករណី appeared first on Kampuchea Thmey Daily.

ការក្រើនរំឭកនេះ ធ្វើឡើងនាឱកាសលោក សោម ស៊ុន បានដឹកនាំសហការី​ ទៅសំណេះសំណាលសាកសួរសុខទុក្ខ ណែនាំការងារ និងប្រគល់ភារកិច្ច ព្រមទាំងនាំយកស្បៀងអាហារគ្រឿងឧបភោគបរិភោគ ប្រេងឥន្ធនៈ ដែលជាអំណោយរបស់សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនកងកម្លាំងចម្រុះប្រចាំការ​ ការពារទប់ស្កាត់និងបង្ក្រាបបទល្មើសធនធានធម្មជាតិ នៅក្នុងដែនជម្រកសត្វព្រៃបឹងពែរ។ ពិធីនេះប្រព្រឹត្តទៅនៅតំបន់ភ្នំប្រង់ ឃុំសាគ្រាម ស្រុកប្រាសាទបល្ល័ង្ល ខេត្តកំពង់ធំ នៅថ្ងៃទី ២២ ខែមិថុនា ឆ្នាំ ២០២៥។

លោក សោម ស៊ុន បានថ្លែងនូវការកោតសរសើរចំពោះទីបញ្ជាការស្រាលទាំងពីរ ដែលប្រចាំការការពារទប់ស្កាត់និងបង្ក្រាបបទល្មើសធនធានធម្មជាតិនៅក្នុងតំបន់ភ្នំប្រង់ និងតំបន់ជាំក្របី ក្នុងដែនជម្រកសត្វព្រៃបឹងពែរ ដែលបានខិតខំប្រឹងប្រែងបំពេញភារកិច្ចប្រកបដោយស្មារតីទទួលខុសត្រូវខ្ពស់ ក្នុងការការពារទប់ស្កាត់ មិនឱ្យមានកើតឡើងជាថ្មីនូវបទល្មើសកាប់ទន្ទ្រានដីព្រៃរបស់រដ្ឋយកធ្វើជាកម្មសិទ្ធិ។ ជាមួយនោះដែរ ក៏បានចូលរួមទប់ស្កាត់ ការពារដីព្រៃរបស់រដ្ឋ ដែលជនល្មើសលួចកាប់ទន្ទ្រានកន្លងទៅ មិនឱ្យមានការបាត់បង់ទៅវិញ ឬមានការដាំដុះជាថ្មីជាកម្មសិទ្ធិឯកជនរបស់បុគ្គលណាបានឡើយ។

បន្ថែមពីនេះ លោកបានណែនាំដល់កងកម្លាំងចម្រុះ និងស្ថាប័នជំនាញពាក់ព័ន្ធទាំងអស់ រួមជាមួយអាជ្ញាធរដែនដី​ឃុំ​ ភូមិ​ និង​ស្រុកប្រាសាទបល្ល័ង្ក ត្រូវខិតខំអប់រំផ្សព្វផ្សាយ​ច្បាប់​ លិខិត​បទដ្ឋាន​នានា​ ដែល​នៅ​ជា​ធរមាន​ជូន​ប្រជាពលរដ្ឋ ឱ្យ​បាន​យល់​ជ្រួតជ្រាប​ ដើម្បីកុំឱ្យមានការកាប់ទន្ទ្រាន ឬដាំដុះលើដីរបស់រដ្ឋ ដែលរដ្ឋកំពុងគ្រប់គ្រង និងផ្ទៃដីដែលតុលាការបានចេញដីកាដកហូតជាសម្បត្តិរដ្ឋរួចហើយ ដើម្បីចៀសវាងបញ្ហាប្រឈមចំពោះមុខច្បាប់ ។

លោកឧត្តមសេនីយ៍ទោ សោម ស៊ុន ក៏បានព្រមានថា ក្នុងករណីមេខ្លោង ឬជនល្មើសនៅតែរឹងទទឹងទន្ទ្រានកាន់កាប់ដីរបស់រដ្ឋដែលខុសច្បាប់ ត្រូវកសាងសំណុំរឿងបញ្ជូនទៅកាន់តុលាការ ផ្ដន្ទាទោសតាមផ្លូវច្បាប់ ដោយគ្មានការលើកលែងឡើយ៕

The post មេបញ្ជាការតំបន់ ជំរុញកម្លាំងចម្រុះបង្ក្រាបបទល្មើសធនធានធម្មជាតិ និងការពារជម្រកសត្វព្រៃ appeared first on Kampuchea Thmey Daily.

 នៅក្នុងព្រះរាជពិធីទិវាបរិស្ថានជាតិ និងបរិស្ថានពិភពលោក ៥មិថុនា ២០២៥ ព្រះមហាក្សត្រ មានព្រះរាជបន្ទូលបែបនេះ៖«មាតុភូមិកម្ពុជា​ នៃយើងគឺជាទឹកដីដ៏ស្រស់បំព្រង ពោរពេញដោយសម្បត្តិធម្មជាតិ ដែលបុព្វបុរសយើងបានថែរក្សាកេរដំណែលនេះ ទុកសម្រាប់យើងទាំងអស់គ្នា។ ពីជួរភ្នំដ៏ខ្ពស់ត្រដែត ព្រៃឈើខៀវស្រងាត់ស្រស់ត្រកាល  ទន្លេមេគង្គ បឹងទន្លេសាបដែលជាមរតកធនធានធម្មជាតិដ៏សម្បូរបែប រហូតដល់តំបន់ឆ្នេរសមុទ្រដ៏ស្រស់រស់រវើក និងប្រជុំកោះតូចធំជាច្រើន សម្បត្តិធម្មជាតិទាំងអស់នេះជាសសៃឈាម នៃជីវិត និងជាផ្នែកមួយនៃអត្តសញ្ញាជាតិរបស់យើង។ ភាពសុខដុមរមនា រវាងមនុស្ស និងធម្មជាតិ គឺជាឬសគល់នៃវប្បធម៌ ប្រពៃណី និងជំនឿរបស់ប្រជាជនខ្មែរយើងតាំងពីបុរាណកាលមក។ ការរស់នៅដោយគោរពធម្មជាតិ និងមិនបំផ្លាញធម្មជាតិ និងចេះប្រើប្រាស់ធនធានធម្មជាតិ ប្រកបដោយចីរភាព គឺជាកាតព្វកិច្ចដែលត្រូវបន្តថែរក្សាការពារ និងពង្រឹងឱ្យបានខ្ជាប់ខ្ជួនសម្រាប់បន្តដល់កូនចៅជំនាន់ក្រោយ។»។

ព្រះករុណាព្រះមហាវីរក្សត្រ ព្រះវររាជបិតាជាតិខ្មែរ “ព្រះបរមរតនកោដ្ឋ”  ព្រះបាទសម្តេច នរោត្តម សីហនុបានផ្តួចផ្តើមរៀបចំបង្កើតតំបន់ការពារធម្មជាតិជាច្រើននៅក្នុងប្រទេសកម្ពុជា។ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ចាត់ ទុកការបង្កើតតំបន់ការពារធនធានធម្មជាតិនេះ ថាជាកេរមរតក និង លើកទឹកចិត្តកូនចៅជាទីស្រឡាញ់របស់ព្រះអង្គ ចូលរួមថែរក្សា ការពារ អភិរក្សធនធានធម្មជាតិ នៅទូទាំងព្រះរាជាណាចក្រកម្ពុជា ។

នៅក្នុងព្រះរាជពិធីដដែល ព្រះមហាក្សត្រ មានព្រះរាជបន្ទូលកោតសរសើរថា ក្រោមការដឹកនាំដ៏ប៉ិនប្រសប់ ឈ្លាសវៃ និងដ៏ឆ្នើមរបស់ សម្តេចតេជោ ហ៊ុន សែន ប្រធានព្រឹទ្ធសភា សម្តេច យួន សុដារី ប្រធានរដ្ឋសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ជាប្រមុខដឹកនាំ ពកម្ពុជាបាន និងកំពុងបន្តថែរក្សា ការពារអភិរក្សធនធានធម្មជាតិបានគង់វង្សរីកចម្រើនរហូតទទួលបានការកោត សរសើរពីសហគមន៍អន្តរជាតិ និងមានលទ្ធភាពត្រៀមខ្លួនរួចជាស្រេចដើម្បីបន្សំនឹងផលប៉ះពាល់ ក៏ ដូចជាចូលរួមទប់ស្កាត់ការប្រែប្រួលអាកាសធាតុ។

ព្រះមហាក្សត្រ មានព្រះរាជហឫទ័យរីករាយជាអនេក និងអរព្រះគុណចំពោះវត្តមាន របស់សម្តេចព្រះមហាសង្ឃរាជទាំងពីរគណៈ សម្តេចព្រះសង្ឃ ព្រះថេរានុត្ថេរៈគ្រប់ព្រះអង្គ ថ្នាក់ដឹកនាំជាតិ និងជនរួមជាតិទាំងអស់ ដែលបានចូលរួម ចំណែកគាំពារបរិស្ថាន ការអភិរក្សធនធានធម្មជាតិ និងជីវៈចម្រុះ និងការអភិវឌ្ឍប្រកបដោយនិរន្តរភាព របស់កម្ពុជា៕

The post ព្រះរាជបន្ទូល៖ ការគោរព មិនបំផ្លាញ និងប្រើប្រាស់ធម្មជាតិឱ្យបានយូរអង្វែង គឺជាកាតព្វកិច្ចរបស់ខ្មែរគ្រប់រូប appeared first on Kampuchea Thmey Daily.

លោកផ្តាំបែបនេះ ក្នុងន័យឲ្យប្រធានមន្ទីរបរិស្ថានថ្មី ត្រូវសហការជាមួយ តាមបណ្ដាមន្ទីរ អាជ្ញាធរស្ថាប័នអង្គភាពពាក់ព័ន្ធជុំវិញខេត្ត ខ្លាចមានជនខិលខូចចូលកាប់ទន្ទ្រាន ក្នុងដែនជម្រកព្រៃឈើធនធានធម្មជាតិដោយមិនដឹងខ្លួន ក្នុងដែនសមត្ថកិច្ចរបស់ខ្លួន។ ការលើកឡើងនេះ នៅក្នុងពិធីបើកប្រកាសចូលកាន់ដំណែងរបស់លោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរីថ្មី នៅព្រឹកថ្ងៃទី១០ ខែកុម្ភៈ ឆ្នាំ២០២៥ ជំនួសលោក ឆៅ ប៊ុនធឿន ដែលត្រូវផ្លាស់ប្តូរទៅទីស្តីការក្រសួងបរិស្ថាននាពេលកន្លងមក។

ក្នុងពិធីចូលកាន់ដំណែងនេះ លោករដ្ឋមន្ត្រីថា នៅពេលខាងមុខក្រសួងបរិស្ថាននឹងផ្តល់រថយន្តមួយគ្រឿងមកឲ្យមន្ទីរបរិស្ថានខេត្តមណ្ឌលគិរី ដើម្បីបើកដើរប្រមូលសំរាម នៅក្នុងទីរួមខេត្តក៏ដូចជាតំបន់ផ្សេងៗឲ្យបានស្អាត ជានិច្ច។ បន្ថែមពីនេះ លោកថា ក្នុងនាមប្រធានមន្ទីរបរិស្ថានត្រូវតែអនុវត្តឱ្យបានម៉ឺងម៉ាត់នូវ បទបញ្ជាថ្នាក់លើ ក៏ដូចជាតាមបង្ក្រាប ជនខិលខូចបំផ្លិចបំផ្លាញធានធម្មជាតិនៅក្នុងខេត្តមណ្ឌលគិរី គឺបង្រ្កាបឲ្យបាន១០០% ប្រយ័ត្នចោរចូលផ្ទះដោយមិនដឹងខ្លួន។

លោករដ្ឋមន្ត្រី ក៏បានបញ្ជាក់ទៀតថា ក្នុងប្រតិបត្តិការ ចុះល្បាតតាមដែនជម្រកសត្វព្រៃ ទាំង៥ក្នុងភូមិសាស្ត្រខេត្តមណ្ឌលគិរី បើមានការចាំបាច់ខ្លាំង ក្រសួងនឹងផ្ដល់ដ្រូនចំនួន១០គ្រឿង ដើម្បីថតទីតាំងសកម្មភាពផ្សេងៗនៅក្នុងដែនធនធានធម្មជាតិក្នុងភូមិសាស្ត្រខេត្តមណ្ឌលគិរី ដើម្បីឈានទៅដល់ការឃាត់ខ្លួនជនបង្កមកផ្ដន្ទាទោសតាមផ្លូវច្បាប់ផងដែរ។ លោកថា បើមានជនខិលខូចបំផ្លិចបំផ្លាញធានធម្មជាតិនៅក្នុងដែនជម្រកទសត្វព្រៃទាំង៥ក្នុងភូមិសាស្ត្រខេត្តមណ្ឌលគិរី ត្រូវបង្រ្កាបឲ្យខានតែបាន ហើយបើមានចោរចូលផ្ទះហើយ លោកមិនជឿថាចាប់ចោរមិនបាននោះទេ។

ជាមួយគ្នានេះក្នុងឱកាសនោះ លោក ហាស់ វិបុល ដែលទើបតែចូលកាន់តួនាទីជាប្រធានមន្ទីរបរិស្ថានខេត្តមណ្ឌលគិរី ក៏បានធ្វើការប្ដេជ្ញាចិត្តយ៉ាងខ្ពង់ ជូនប្រមុខរាជរដ្ឋាភិបាល ជាពិសេស លោក អ៊ាង សុផល្លែត រដ្ឋមន្ត្រីក្រសួងបរិស្ថា ថា នឹងចូលរួមពង្រឹងកិច្ចសហប្រតិបត្តិការឲ្យកាន់តែស្និទ្ធស្នាលរវាងក្រសួងបរិស្ថាន និងរដ្ឋបាលខេត្តមណ្ឌលគិរី ក៏ដូចជាអាជ្ញាធរមូលដ្ឋានពាក់ព័ន្ធដើម្បីបន្តយុទ្ធនាការ កាត់បន្ថយការប្រើប្រាស់ថង់ប្លាស្ទិក យុទ្ធនាការកម្ពុជាស្អាត ខ្មែរធ្វើបាន យុទ្ធនាការពន្លកបៃតង និងយុទ្ធនាការសម្អាតផ្លូវជាតិ។ លោកបន្តថា លោកនឹងពង្រឹងកិច្ចសហប្រតិបត្តិការជាមួយស្ថាប័នតុលាការអាជ្ញាធរមូលដ្ឋានពាក់ព័ន្ធ កងកម្លាំងប្រដាប់អាវុធអង្គការដៃគូអភិវឌ្ឍន៍ ប្រជាសហគមន៍និងប្រជាពលរដ្ឋទាំងអស់ អំពីការអនុវត្តច្បាប់១០០% របស់មន្ត្រីអនុវត្តច្បាប់ ក្នុងតំបន់ការពារធនធានធម្មជាតិដែនជម្រកសត្វព្រៃទាំង៥ក្នុងភូមិសាស្ត្រខេត្តមណ្ឌលគិរី។

ប្រធានបរិស្ថានថ្មីរូបនេះ បានអះអាងថា បន្តផ្សព្វផ្សាយ ក្រមបរិស្ថាន និងធនធានធម្មជាតិលិខិតបទដ្ឋានគតិយុត្តពាក់ព័ន្ធវិស័យបរិស្ថានការអភិរក្សជីវៈចម្រុះ និងកិច្ចគាំពារបរិស្ថានដើម្បីជំរុញដល់ការចូលរួមអនុវត្តវិធានការច្បាប់មួយរយភាគរយឲ្យបានពេញលេញសំដៅដល់ការរស់នៅប្រកបដោយភាពសុខសាន្តក្រោមដំបូលនៃសន្តិភាព៕

អត្ថបទ៖ រៀ សុខហេង

The post រដ្ឋមន្រ្តីបរិស្ថាន ផ្តាំប្រធានមន្ទីរបរិស្ថានខេត្តមណ្ឌលគិរីថ្មី ត្រូវខិតខំបង្ក្រាបអ្នកបំផ្លាញធនធានធម្មជាតិ appeared first on Kampuchea Thmey Daily.