ធនាគារវឌ្ឍនៈ Archives - Kampuchea Thmey Daily

ធនាគារវឌ្ឍនៈ និង Karanak KOI Café សហការគ្នាជាដៃគូយុទ្ធសាស្ត្រ និងឌីជីថល

Sokhom Khon — Tue, 07 Mar 2023 05:08:43 +0000

ធនាគារវឌ្ឍនៈ និងក្រុមហ៊ុន Karanak KOI Café ( KOI Thé) បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា (MoU) ដើម្បីសហការជាដៃគូ យុទ្ធសាស្រ្ត និងឌីជីថល ដែលរួមបញ្ចូលគ្នារវាងជំនាញផ្នែកហិរញ្ញវត្ថុ និងសេវាកម្មរបស់ធនាគារវឌ្ឍនៈ ជាមួយនឹងគុណភាព និងសមត្ថភាពពិសេសរបស់ក្រុមហ៊ុន KOI Thé ដើម្បីបំពេញតម្រូវការអតិថិជន។ ពិធីចុះហត្ថលេខានេះ ត្រូវបានធ្វើឡើងនៅសាខាដ៏ធំបំផុតនៅលើពិភពលោករបស់ក្រុមហ៊ុន KOI Thé ដែលស្ថិតនៅតាមបណ្តោយមហាវិថីកម្ពុជាក្រោម។

ជាផ្នែកមួយនៃកិច្ចសហប្រតិបត្តិការនេះ ធនាគារវឌ្ឍនៈ បានបញ្ចូល KHQR របស់ខ្លួន ទៅក្នុងប្រព័ន្ធទូទាត់របស់ក្រុមហ៊ុន KOI Thé ដែលជាសមទ្ធិផលដ៏សំខាន់មួយទៀតនៅក្នុងដំណើរនវានុវត្តន៍ និងការបំពេញតម្រូវការអតិថិជន។ ឥឡូវនេះ អតិថិជនរបស់ក្រុមហ៊ុន KOI Thé អាចធ្វើការទូទាត់លើការបញ្ជាទិញរបស់ខ្លួនបាន ដោយគ្រាន់តែស្កេន KHQR របស់ធនាគារ វឌ្ឍនៈ ជាការស្រេច។ មុខងារនេះផ្តល់នូវភាពងាយស្រួលជូនអតិថិជនទាំងអស់របស់ក្រុមហ៊ុន KOI Thé ទាំង 37 សាខាក្នុងប្រទេសកម្ពុជា។ រីឯ អ្នកប្រើប្រាស់កាតសមាជិកក្រុមហ៊ុន KOI Thé ក៏អាចបញ្ចូលទឹកប្រាក់របស់ខ្លួន ដោយប្រើកម្មវិធីសេវាធនាគារចល័តធនាគារ វឌ្ឍនៈ ផងដែរ។

លោក Anthony Chin អគ្គនាយកប្រតិបត្តិនៃធនាគារ វឌ្ឍនៈ និង ឧកញ៉ា ឃន ឈុនដារ៉ា អគ្គនាយកប្រតិបត្តិនៃក្រុមហ៊ុន KOI Thé បានបង្ហាញពីចក្ខុវិស័យរួមគ្នា និងមានក្តីសោមនស្សរីករាយក្នុងការផ្តល់នូវបទពិសោធន៍ថ្មីៗ និងគុណតម្លៃពិសេសៗជូនដល់អតិថិជន។ នៅក្នុងសេចក្តីថ្លែងការណ៍ដែលធ្វើឡើងក្នុងពិធីចុះហត្ថលេខាជាផ្លូវការលើអនុស្សរណៈនៃការយោគយល់គ្នានេះ លោក Chin បានមានប្រសាសន៍ថា៖ }យើងមានសេចក្តីរំភើបរីករាយជាពន់ពេកក្នុងការសហការ ជាមួយក្រុមហ៊ុន KOI Thé ដែលជាក្រុមហ៊ុនមួយដែលមានចំណង់ចំណូលចិត្តដូចយើង ក្នុងគំនិតច្នៃប្រឌិតអ្វីថ្មីៗ និងការបំពេញតម្រូវការអតិថិជន។ ដោយសារយើងមានជំនាញក្នុងវិស័យធនាគារ សេវាទូទាត់ និងការយល់ដឹងពីនិន្នាការអ្នកប្រើប្រាស់ រួមផ្សំជាមួយនឹងប្រជាប្រិយភាពរបស់ក្រុមហ៊ុន KOI Thé យើងជឿជាក់ថា ភាពជាដៃគូនេះនឹងជួយយើង នាំយកមកនូវបទពិសោធន៍ថ្មីៗនិងភាពរីករាយជូន អតិថិជន និងសហគមន៍របស់យើងទាំងមូល~។

អគ្គនាយកប្រតិបត្តិទាំងពីរ និងក្រុមការងារ នឹងធ្វើការយ៉ាងជិតស្និទ្ធ ដើម្បីជំរុញការច្នៃប្រឌិតថ្មីៗ និងភាពងាយស្រួលបន្ថែមទៀតដែលផ្តល់អត្ថប្រយោជន៍ជូនអតិថិជនរបស់ធនាគារ វឌ្ឍនៈ និងក្រុមហ៊ុន KOI Thé។ តាមរយៈការប្រើប្រាស់ជំនាញក្នុងវិស័យរៀងៗខ្លួន ធនាគារ វឌ្ឍនៈ និងក្រុមហ៊ុន KOI Thé មានគោលបំណងបង្កើតបទពិសោធន៍ថ្មីជូនអតិថិជនឱ្យកាន់តែប្រសើរ និងពង្រីកចំណែកទីផ្សាររបស់ខ្លួននៅក្នុងប្រទេសកម្ពុជាបន្ថែមទៀត។

កិច្ចសហប្រតិបត្តិការនេះធ្វើឡើងក្នុងពេលវេលាដ៏ពិសេសខណៈពេលដែលមានតម្រូវការពីអតិថិជន និងសេវាកម្មប្រកបដោយភាពច្នៃប្រឌិតនៅក្នុងប្រទេសកម្ពុជា កំពុងកើនឡើង។ ធនាគារ វឌ្ឍនៈ និងក្រុមហ៊ុន KOI Thé យល់អំពីសារៈសំខាន់នៃការនាំមុខគេនៅក្នុងទីផ្សារ តាមរយៈការរួមបញ្ចូលគ្នា និងការកែលម្អថ្មីៗ ដើម្បីបំពេញតម្រូវការអតិថិជនដែលតែងតែផ្លាស់ប្តូរជានិច្ច។ កិច្ចសហប្រតិបត្តិការនេះគឺជាសក្ខីភាពមួយបញ្ជាក់ពីការប្តេជ្ញាចិត្តរួមគ្នារបស់ធនាគារ វឌ្ឍនៈ និងក្រុមហ៊ុន KOI Thé ដើម្បីជំរុញនវានុវត្តន៍ និងផ្តល់គុណតម្លៃជូនអតិថិជន ក្នុងរយៈពេលយូរអង្វែង៕

The post ធនាគារវឌ្ឍនៈ និង Karanak KOI Café សហការគ្នាជាដៃគូយុទ្ធសាស្ត្រ និងឌីជីថល appeared first on Kampuchea Thmey Daily.

ធនាគារ វឌ្ឍនៈ បានដាក់ឲ្យប្រើប្រាស់កម្មវិធីជំនាន់ថ្មី 2.0 ជាមួយរូបរាងដ៏ស្រស់ស្អាត និងមុខងារពិសេសៗជាច្រើន ព្រមទាំងអាចឲ្យអ្នកប្រើប្រាស់បើកគណនីដំបូងអនឡាញ តាមទូរស័ព្ទដៃបានផងដែរ។

Kang Tola — Fri, 17 Jun 2022 14:25:07 +0000

ភ្នំពេញ ៖ ថ្ងៃទី១៧ ខែមិថុនា ឆ្នាំ២០២២៖ ធនាគារ វឌ្ឍនៈ បានដាក់ឲ្យប្រើប្រាស់ កម្មវិធីទូរស័ព្ទ ជំនាន់ថ្មី ២.០ ដែលផ្តល់បទពិសោធន៍ថ្មី នៃការប្រើសេវាធនាគារ ចល័ត របស់លោកអ្នកអោយកាន់តែមានភាពប្រសើរឡើង ជាមួយដំណើរការប្រើប្រាស់កាន់តែលឿន រូបរាងកាន់តែទំនើប និងការបន្ថែមមុខងារថ្មីៗជាច្រើនទៀត។

លើសពីនេះ ធនាគារក៏បានដាក់អោយប្រើប្រាស់មុខងារ បើកគណនីដំបូងអនឡាញតាមកម្មវិធីទូរស័ព្ទដៃផងដែរ ដែលអនុញ្ញាតឲ្យអតិថិជនថ្មី ដែលមានបំណងប្រើប្រាស់សេវាកម្មធនាគារអាចបើកគណនីបានពីគ្រប់ទីកន្លែង ដោយមិនចាំបាច់មកកាន់សាខាធនាគារ។

កម្មវិធី ធនាគារ វឌ្ឍនៈជំនាន់ថ្មី 2.0

ជាមួយកំណែទម្រង់ដ៏ធំនេះ លោកអ្នកនឹងទទួលបាន សេវាធនាគារចល័តដ៏ល្អបំផុត ទាន់សម័យ និងងាយស្រួលប្រើប្រាស់ជាមួយមុខងារដ៏សម្បូរបែបសម្រាប់លោកអ្នក។

លោក ចាន់ កុក ឆយ អគ្គនាយកប្រតិបត្តិ ធនាគារ វឌ្ឍនៈ បានមានប្រសាសន៍ថា “ក្រៅពីផ្តល់ភាពងាយស្រួលក្នុងការប្រើប្រាស់សេវាផ្សេងៗរបស់ធនាគារតាមទូរស័ព្ទដៃ យើងខ្ញុំក៏ធានាថា អតិថិជនអាចគ្រប់គ្រងហិរញ្ញវត្ថុ របស់ខ្លួន ដោយមានសុវត្ថិភាពបំផុត នៅគ្រប់ពេលវេលា និងគ្រប់ទីកន្លែង។”

លោកបានមានប្រសាសន៍ទៀតថា “បច្ចុប្បន្ន អតិថិជនភាគច្រើន ធ្វើប្រតិបត្តិការហិរញ្ញវត្ថុប្រចាំថ្ងៃរបស់ខ្លួន តាមប្រព័ន្ធឌីជីថល ដូច្នេះយើងខ្ញុំបានបន្តវិនិយោគលើបច្ចេកវិទ្យាថ្មីៗ ដើម្បីធ្វើឲ្យសេវាធនាគារចល័ត កាន់តែមានសុវត្ថិភាព និងភាពងាយស្រួលក្នុងការប្រើប្រាស់។”

ក្រៅពីមុខងារពិសេសៗដែលមានស្រាប់ កម្មវិធី ធនាគារ វឌ្ឍនៈ ផ្តល់ជូននូវមុខងារថ្មីបន្ថែមទៀត ដូចខាងក្រោម៖

● ការបើកគណនីដំបូង First Account៖ បើកគណនីអនឡាញពីទូរស័ព្ទដៃបានយ៉ាងងាយស្រួល ប្រកបដោយសុវត្ថិភាព និងឆាប់រហ័សត្រឹមតែពីរទៅបីនាទីតែប៉ុណ្ណោះ ដោយមិនចាំបាច់ធ្វើដំណើរមកកាន់សាខាធនាគារឡើយ។

● ការកំណត់ផ្ទាល់ខ្លួន Personal Hub – ដាក់មុខងារផ្សេងៗលើទំព័រដើម (Home Screen) របស់កម្មវិធី ដើម្បីងាយស្រួលប្រើប្រាស់បានលឿន

● ប្តូរផ្ទាំងគ្រប់គ្រង Customize Dashboard – ដាក់បង្ហាញឬមិនបង្ហាញផ្នែកណាមួយនៃទំព័រដើម

● មុខងារណែនាំ Suggested Features – ដើម្បីទទួលបានបទពិសោធន៍ល្អបំផុតជាមួយមុខងារ ដែលកម្មវិធិណែនាំអោយលោកអ្នកប្រើ សមស្របជាមួយទូរស័ព្ទរបស់អ្នក

● មុខងារផ្ទៃងងឹត Dark Mode – ជ្រើសរើសរូបរាងថ្មីជាមួយ ផ្ទៃភ្លឺ ឬផ្ទៃងងឹត ឬអោយកម្មវិធីផ្លាស់ប្ដូរជូនលោកអ្នក ដោយស្វ័យប្រវត្តតាមការកំណត់របស់ទូរស័ព្ទ

● ការអភិវឌ្ឍឲ្យកាន់តែប្រសើរ លើមុខងារមួយចំនួន – ដំណើរការកាន់តែលឿន និងការបន្ថែមលើមុខងារជាច្រើនទៀត

មុខងារបើកគណនីដំបូង

លោក ចាន់ កុក ឆយ បានមានប្រសាសន៍ថា “ការដាក់ឱ្យប្រើប្រាស់នូវការបើកគណនីដំបូងអនឡាញ នឹងផ្តល់ភាពងាយស្រួលដល់អតិថិជនដែលមិនទាន់ប្រើប្រាស់សេវាកម្មធនាគារ នូវលទ្ធភាពអាចប្រើប្រាស់ប្រព័ន្ធហិរញ្ញវត្ថុត្រឹមត្រូវ និងមានសុវត្ថិភាពមួយ”។

លោក ចាន់ កុកឆយ មានប្រសាសន៍បន្ថែមទៀតថា “តាមរយៈទូរស័ព្ទស្មាតហ្វូន អតិថិជន គ្រាន់តែមានអត្តសញ្ញាណប័ណ្ណ អាចបើកគណនីជាមួយធនាគារ វឌ្ឍនៈ បានភ្លាមៗ”។

របៀបបើកគណនីដំបូងតាមទូរស័ព្ទគឺងាយស្រួលបំផុត និងមានសុវត្ថិភាពខ្ពស់ផងដែរ។ អតិថិជនអាចពិនិត្យមើលព័ត៌មានខ្លួនបាន ជាមួយបច្ចេកវិទ្យាទំនើប ស្កេនអត្តសញ្ញាណប័ណ្ណ និងផ្ទៀងផ្ទាត់ផ្ទៃមុខដែលដំណើរការយ៉ាងលឿន និងរលូន។ ត្រឹមប៉ុន្មាននាទី លោកអ្នកនឹងអាចប្រើសេវាកម្ម ធនាគារ តាមទូរស័ព្ទដៃបានភ្លាមៗ។

អតិថិជន អាចទាញយក កម្មវិធីធនាគារ វឌ្ឍនៈ Vattanac Bank App ពី App Store ឬ Google Play។

ព័ត៌មានសង្ខេបអំពី ធនាគារ វឌ្ឍនៈ

ធនាគារ វឌ្ឍនៈ ជាធនាគារក្នុងស្រុក បង្កើតឡើងនៅក្នុងឆ្នាំ២០០២ ដោយ អ្នកឧកញ៉ា សំ អាង អ្នកឧកញ៉ា ឈុន លាង និងអ្នកឧកញ៉ា សំអាង វឌ្ឍនៈ។

បច្ចុប្បន្ន ធនាគារ វឌ្ឍនៈ មានបុគ្គលិកជាង ៨០០ នាក់ និង ៣២សាខា ដែលក្នុងនោះ ១៣ សាខា ស្ថិតនៅ រាជធានីភ្នំពេញ និង១៩សាខាទៀតស្ថិតនៅតាមបណ្តាខេត្ត។ ទីស្នាក់ការកណ្តាល ធនាគារ វឌ្ឍនៈ ស្ថិតនៅអគារ វឌ្ឍនៈ កាពីតាល រាជធានីភ្នំពេញ។ ធនាគារ វឌ្ឍនៈ បាននិងកំពុងបន្តសាងសង់សាខាជាច្រើនទីតាំងផ្សេងទៀត ហើយគ្រោងនឹងដាក់ឱ្យដំណើរការជាបន្តបន្ទាប់ទៀត នៅទូទាំងប្រទេស ត្រឹមឆ្នាំ២០២២ ខាងមុខនេះ៕

The post ធនាគារ វឌ្ឍនៈ បានដាក់ឲ្យប្រើប្រាស់កម្មវិធីជំនាន់ថ្មី 2.0 ជាមួយរូបរាងដ៏ស្រស់ស្អាត និងមុខងារពិសេសៗជាច្រើន ព្រមទាំងអាចឲ្យអ្នកប្រើប្រាស់បើកគណនីដំបូងអនឡាញ តាមទូរស័ព្ទដៃបានផងដែរ។ appeared first on Kampuchea Thmey Daily.

ធនាគារ វឌ្ឍនៈ សម្ពោធបើកដំណើរការជាផ្លូវការសាខាខេត្តកំពត ដែលជាសាខាទី ៣១

Sorn Phanith — Tue, 12 Apr 2022 02:59:06 +0000

ធនាគារ វឌ្ឍនៈ បានសម្ពោធបើកដំណើរការជាផ្លូវការសាខាខេត្តកំពត ដែលជាសាខាទី ៣១ នាថ្ងៃទី ៩ ខែមេសា ឆ្នាំ ២០២២។ ធនាគារ វឌ្ឍនៈ សាខាខេត្តកំពត មានអគារខ្ពស់ប្រណិត ដែលមានកម្ពស់ ៨ ជាន់ ស្ថិតនៅអគារលេខ ៩៨ ផ្លូវជាតិលេខ ៣ ភូមិក្រាំង សង្កាត់ក្រាំងអំពិល ក្រុងកំពត។

អ្នកឧកញ៉ា សំ អាង ប្រធានក្រុមប្រឹក្សាភិបាល អ្នកឧកញ៉ា ឈុន លាង បណ្ណាធិការ លោក ចាន់ កុកឆយ អគ្គនាយកប្រតិបត្តិ ធនាគារ វឌ្ឍនៈ ឯកឧត្តម ជឹង ផល្លា ប្រធានក្រុមប្រឹក្សាខេត្តកំពត លោក លាង រឿនសុធី អភិបាល នៃគណៈអភិបាលក្រុងកំពត ឯកឧត្តម អ្នកឧកញ៉ា លី យ៉ុងផាត់ សមាជិក ព្រឹទ្ធសភានៃ ព្រះរាជាណាចក្រកម្ពុជា ព្រមទាំង ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី ដែលជាភ្ញៀវកិត្តិយស បានអញ្ជើញចូលរួមក្នុងពិធីសម្ពោធបើកដំណើរការជាផ្លូវការ ធនាគារ វឌ្ឍនៈ សាខាខេត្តកំពត។

ធនាគារ វឌ្ឍនៈ សាខាខេត្តកំពត នឹងផ្តល់ជូននូវសេវាធនាគារសម្រាប់អាជីវកម្ម និងពាណិជ្ជកម្មគ្រប់ប្រភេទជូនអតិថិជន ដើម្បីគាំទ្រ អាជីវកម្ម និងអ្នករស់នៅក្នុងមូលដ្ឋាន។ សាខាខេត្តកំពត ក៏មានផ្តល់ និងផ្សព្វផ្សាយសេវាធនាគារឌីជីថលរបស់ខ្លួន រួមមាន សេវាធនាគារចល័ត សេវាធនាគារតាមអ៊ីនធឺណិត និងប័ណ្ណ ក៏ដូចជាសេវាបង់ប្រាក់ពន្ធ-អាករ សេវាកម្មទូទាត់សេវាសាធារណៈ ជូនដល់អតិថិជនផងដែរ។ ធនាគារ វឌ្ឍនៈ ក៏មានបញ្ជរបង់ប្រាក់ពន្ធ គ្រប់ប្រភេទ នៅក្នុងសាខាពន្ធដារមួយចំនួនក្នុងរាជធានីភ្នំពេញ និងតាមបណ្តាខេត្តផងដែរ។ ធនាគារ វឌ្ឍនៈ ត្រូវបានទទួលស្គាល់ទាំងនៅក្នុងប្រទេសកម្ពុជា និងអន្តរជាតិ។ ជាក់ស្តែង ក្នុងឆ្នាំ ២០២១ ធនាគារ វឌ្ឍនៈ ទទួលបានពានរង្វាន់អន្តរជាតិសរុបចំនួន ១២ ចំពោះសេវាធនាគារចល័ត អភិបាលកិច្ចល្អបំផុត និងសេវាកម្មអតិថិជនល្អបំផុត។

លោក ថន ច័ន្ទតារា គឺជាប្រធានសាខា ធនាគារ វឌ្ឍនៈ សាខាខេត្តកំពត ដែលមានបទពិសោធន៍ជាង ១០ ឆ្នាំ ក្នុងវិស័យធនាគារ នឹងដឹកនាំបុគ្គលិកសាខា ដើម្បីបម្រើសេវាកម្មល្អបំផុតជូនអតិថិជន។ បុគ្គលិកទាំងអស់នៃ ធនាគារ វឌ្ឍនៈ សាខាខេត្តកំពត បានត្រៀមខ្លួនរួចជាស្រេច ដើម្បីផ្តល់ជូនអតិថិជននូវបទពិសោធន៍ថ្មីនៃការផ្តល់សេវាកម្មធនាគារដ៏ល្អឯក ប្រកបដោយជំនាញវិជ្ជាជីវៈ និងទំនុកចិត្តខ្ពស់។ អតិថិជនអាចធ្វើការទំនាក់ទំនងមក ធនាគារ វឌ្ឍនៈ សាខាខេត្តកំពត តាមរយៈលេខ ០៣៣ ៩៣២ ៥៥៥។

ព័ត៌មានសង្ខេបអំពី ធនាគារ វឌ្ឍនៈ

ធនាគារ វឌ្ឍនៈ ជាធនាគារក្នុងស្រុក បង្កើតឡើងនៅក្នុងឆ្នាំ ២០០២ ដោយ អ្នកឧកញ៉ា សំ អាង អ្នកឧកញ៉ា ឈុន លាង និងអ្នកឧកញ៉ា សំអាង វឌ្ឍនៈ ។ បច្ចុប្បន្ន ធនាគារ វឌ្ឍនៈ មានបុគ្គលិកជាង ៨០០ នាក់ និង ៣១ សាខា ដែលក្នុងនោះ ១៣ សាខា ស្ថិតនៅ រាជធានីភ្នំពេញ និង ១៨ សាខាទៀតស្ថិតនៅតាមបណ្តាខេត្ត។ ទីស្នាក់ការកណ្តាល ធនាគារ វឌ្ឍនៈ ស្ថិតនៅអគារ វឌ្ឍនៈ កាពីតាល រាជធានីភ្នំពេញ។ ធនាគារ វឌ្ឍនៈ បាននិងកំពុងបន្តសាងសង់សាខាជាច្រើនទីតាំងផ្សេងទៀត ហើយគ្រោងនឹងដាក់ឱ្យដំណើរការជាបន្តបន្ទាប់ទៀត នៅទូទាំងប្រទេស ត្រឹមឆ្នាំ ២០២២ ខាងមុខនេះ។

The post ធនាគារ វឌ្ឍនៈ សម្ពោធបើកដំណើរការជាផ្លូវការសាខាខេត្តកំពត ដែលជាសាខាទី ៣១ appeared first on Kampuchea Thmey Daily.

ធនាគារ វឌ្ឍនៈ សហការជាមួយ EMQ ដើម្បីផ្តល់សេវាទូទាត់ភ្លាមៗនៅក្រៅប្រទេស

Sorn Phanith — Wed, 23 Mar 2022 01:28:33 +0000

កិច្ចសហការនេះ ធ្វើឱ្យធនាគារ វឌ្ឍនៈ ពង្រីក និងពង្រឹងសេវាទូទាត់ពហុរូបិយប័ណ្ណពីប្រទេសកម្ពុជា ទៅបណ្តាប្រទេសសេដ្ឋកិច្ចសំខាន់ៗនៅអាស៊ី តាមរយៈបណ្តាញទូទាត់សកលរបស់ EMQ។

ថ្ងៃទី ២៣ ខែមីនា ឆ្នាំ ២០២២ នៅថ្ងៃនេះ ធនាគារ វឌ្ឍនៈ បានសហការជាមួយនឹងក្រុមហ៊ុន EMQ ដែលជាបណ្តាញទូទាត់សកល ដើម្បីជួយផ្តល់សេវាទូទាត់ភ្លាមៗនៅទូទាំងទ្វីបអាស៊ី និងបណ្តាប្រទេសជាច្រើនផ្សេងទៀតដែលកំពុងតែរៀចចំដាក់ដំណើរការសេវាកម្មនេះ។ តាមរយៈការចូលរួមជាមួយនឹងប្រព័ន្ធទូទាត់ API របស់ EMQ ធនាគារ វឌ្ឍនៈ អាចពង្រីកសេវាបន្ថែមទៀតទៅតំបន់ភូមិសាស្ត្រថ្មី និងផ្តល់ជូនអតិថិជនរបស់ខ្លួន នូវការទូទាត់ពហុរូបិយប័ណ្ណទៅកម្មវិធីសេវាធនាគារចល័តផ្សេងៗ គណនីធនាគារ និងការទទួលសាច់ប្រាក់នៅក្នុងតំបន់។

លោក ចាន់ កុកឆយ អគ្គនាយកប្រតិបត្តិ ធនាគារ វឌ្ឍនៈ មានប្រសាសន៍ថា “អតិថិជនរបស់យើង គឺជាស្នូលនៃអាជីវកម្មរបស់យើង ហើយយើងតែងតែស្វែងរកវិធីផ្សេងៗ ដើម្បីពង្រឹងសេវាកម្មឱ្យកាន់តែល្អ អាចឱ្យអតិថិជនផ្ទេរប្រាក់ និងទទួលប្រាក់បានភ្លាមៗជារូបិយប័ណ្ណតាមតម្រូវការរបស់ខ្លួន។ ល្បឿន និងវិសាលភាពនៃបណ្តាញសកលរបស់ EMQ អាចឱ្យយើង ផ្តល់បទពិសោធន៍ទូទាត់កាន់តែងាយស្រួល ចំណាយតិច និងមានសុវត្ថិភាពជូនអតិថិជនរបស់យើង។ យើងមានសេចក្តីសោមនស្សដែលបានសហការជាមួយនឹង EMQ ដើម្បីពង្រីកសេវាកម្មរបស់យើង ទៅកាន់ទីផ្សារផ្សេងៗក្រៅពីប្រទេសកម្ពុជា”។

តាមរយៈបណ្តាញទូទាត់ភ្លាមៗរបស់ EMQ និងលទ្ធភាពសេវាកម្មរបស់ធនាគារ វឌ្ឍនៈ អតិថិជននៅក្នុងប្រទេសកម្ពុជា អាចធ្វើការផ្ទេរប្រាក់ និងទទួលបានប្រាក់ភ្លាមៗ ឬក្នុងថ្ងៃតែមួយនៅសិង្ហបុរី ម៉ាឡេស៊ី ឥណ្ឌូនេស៊ី វៀតណាម ថៃ និងហ្វីលីពីន ដោយមានជម្រើសច្រើនក្នុងការទទួលសាច់ប្រាក់ រួមមាន តាមរយៈកម្មវិធីសេវាធនាគារចល័ត គណនីធនាគារ និងការដកសាច់ប្រាក់។ ការតភ្ជាប់ជាមួយនឹងប្រព័ន្ធទូទាត់រួមរបស់ EMQ អាចឱ្យគ្រឹះស្ថានហិរញ្ញវត្ថុ និងសហគ្រាស បង្កើតបាននូវដំណោះស្រាយមានលក្ខណៈបត់បែន ដើម្បី គាំទ្រប្រតិបត្តិការផ្សេងៗ ហើយអាចប្រើប្រាស់ផ្ទាល់នូវសេវាទូទាត់ពីគ្រប់ទីកន្លែងនៅទូទាំងពិភពលោក តាមរយៈការតភ្ជាប់ជាមួយ API រួមរបស់ EMQ។

លោក Max Liu សហស្ថាបនិក និងជាអគ្គនាយកប្រតិបត្តិនៅ EMQ មានប្រសាសន៍ថា “EMQ តែងតែផ្តោតសំខាន់លើដំណើរការធ្វើឱ្យសាមញ្ញងាយស្រួលសម្រាប់ការទូទាត់ឆ្លងប្រទេស សម្រាប់អតិថិជនរបស់យើង ពីព្រោះថា យើងបន្តពង្រឹងសមត្ថភាពទូទាត់ភ្លាមៗ ដែលជួយអាជីវកម្ម បង្កើនប្រសិទ្ធផល និងប្រើប្រាស់មូលធនរបស់ខ្លួនប្រកបដោយប្រសិទ្ធភាពខ្ពស់បំផុត។ យើងប្តេជ្ញាចិត្តជួយធនាគារ វឌ្ឍនៈ បង្កើនសមត្ថភាពជានិច្ចដើម្បីព្យាយាមឆ្លើយតបទៅនឹងការវិវត្តតម្រូវការរបស់អតិថិជន ហើយកសាងជំនាន់ថ្មីនៃបទពិសោធន៍សេវាធនាគារ”។

សេវាទូទាត់ភ្លាមៗរបស់ EMQ មាននៅអឺរ៉ុប (តំបន់ SEPA), ហុងកុង, ចិន, ថៃ, សិង្ហបុរី,កូរ៉េខាងត្បូង, ឥណ្ឌា, កម្ពុជា, វៀតណាម, នេប៉ាល់, ប៉ាគីស្ថាន, ហ្វីលីពីន, ចក្រភពអង់គ្លេស និងទីផ្សារចំនួន ១៩ នៅទ្វីបអាហ្វ្រិក ហើយកំពុងពង្រីកទៅសហរដ្ឋអាមេរិក កាណាដា និងអាមេរិកឡាទីន។ បច្ចុប្បន្ននេះ EMQ ទទួលបានអាជ្ញាប័ណ្ណនៅ ហុងកុង, សិង្ហបុរី និង ឥណ្ឌូនេស៊ី ហើយបានចុះបញ្ជីពាណិជ្ជកម្មជាអាជីវកម្មសេវារូបិយប័ណ្ណនៅប្រទេសកាណាដា។

ព័ត៌មានអំពី ធនាគារ វឌ្ឍនៈ

ធនាគារ វឌ្ឍនៈ ជាធនាគារក្នុងស្រុក។ បេសកកម្មសាជីវកម្មរបស់ធនាគារ វឌ្ឍនៈ គឺការប្រកបអាជីវកម្មធនាគារ ដោយភាពស្មោះត្រង់ សុចរិតភាព គណនេយ្យភាព និងភាពទទួលខុសត្រូវ ចំពោះអតិថិជននិងភាគីពាក់ព័ន្ធទាំងអស់។ ទិសដៅធនាគារ គឺការធ្វើឱ្យមានកំណើនអាជីវកម្មប្រកបដោយនិរន្តរភាព សុវត្ថិភាព និងភាពរឹងមាំ ដើម្បីរក្សាចំណាត់ថ្នាក់ជាធនាគារមាន “សុវត្ថិភាព” និងឈានទៅរកចំណាត់ថ្នាក់ល្អជាងនេះ។ ធនាគារ វឌ្ឍនៈ បានចាប់ផ្តើមប្រតិបត្តិការនៅថ្ងៃទី ៨ ខែវិច្ឆិកា ឆ្នាំ ២០០២ ហើយបច្ចុប្បន្ននេះ មាន ៣០ សាខា គិតត្រឹមខែមីនា ឆ្នាំ ២០២២ ដែលក្នុងនោះ ១៣ សាខា ស្ថិតនៅរាជធានីភ្នំពេញ និង ១៧ សាខាទៀត ស្ថិតនៅតាមបណ្តាខេត្ត។ ទីស្នាក់ការកណ្តាលធនាគារ វឌ្ឍនៈ ស្ថិតនៅអគារ វឌ្ឍនៈ កាពីតាល រាជធានីភ្នំពេញ។ ធនាគារ វឌ្ឍនៈ បាននិងកំពុងបន្តសាងសង់សាខាជាច្រើនទីតាំងផ្សេងទៀត ហើយគ្រោងនឹងដាក់ឱ្យដំណើរការជាបន្តបន្ទាប់ទៀតនៅទូទាំងប្រទេស ត្រឹមឆ្នាំ ២០២២ ខាងមុខនេះ។

គេហទំព័រ៖ www.vattanacbank.com។

អំពី EMQ

EMQ គឺជាក្រុមហ៊ុនអន្តរជាតិបច្ចេកវិទ្យាហិរញ្ញវត្ថុ ដែលអាចឱ្យអាជីវកម្មគ្រប់ធុន ធ្វើការផ្ទេរប្រាក់ប្រកបដោយប្រសិទ្ធភាព និងផ្តល់សេវាហិរញ្ញវត្ថុផ្ទាល់ជូនអតិថិជនពីគ្រប់ទីកន្លែងនៅលើពិភពលោក តាមរយៈបណ្តាញសកលដ៏ទូលំទូលាយរបស់យើង។ តាមរយៈនវានុវត្តន៍ជាបន្តបន្ទាប់ យើងផ្តល់ជូនហេដ្ឋារចនាសម្ព័ន្ធទូទាត់ប្រកបដោយភាពបត់បែន កាន់តែលឿន កាន់តែមានតម្លាភាព និងកាន់តែច្បាស់លាស់ ដែលជាលក្ខខណ្ដតម្រូវយ៉ាងសំខាន់នៅក្នុងសេដ្ឋកិច្ចឌីជីថល។ ប្រព័ន្ធ API របស់យើង បង្កលក្ខណៈងាយស្រួលសម្រាប់អាជីវកម្មនៅគ្រប់វិស័យ ដើម្បីគ្រប់គ្រងប្រតិបត្តិការឆ្លងប្រទេស និងភ្ជាប់សេវាកម្មហិរញ្ញវត្ថុឱ្យនៅជាប់ជាមួយនឹងផលិតផល។ គេហទំព័រ៖ www.emq.com។

ទំនាក់ទំនងសម្រាប់ប្រព័ន្ធផ្សព្វផ្សាយ

Genevieve Li

EMQ

genevieve@emq.com

Vann Theany

Vattanac Bank

vtheany@vattanacbank.com

The post ធនាគារ វឌ្ឍនៈ សហការជាមួយ EMQ ដើម្បីផ្តល់សេវាទូទាត់ភ្លាមៗនៅក្រៅប្រទេស appeared first on Kampuchea Thmey Daily.

ធនាគារ វឌ្ឍនៈ សម្ពោធបើកដំណើរការជាផ្លូវការសាខាម៉ៅសេទុង ដែលជាសាខាទី ៣០

Sorn Phanith — Sat, 05 Mar 2022 12:13:00 +0000

ធនាគារ វឌ្ឍនៈ បានសម្ពោធបើកដំណើរការជាផ្លូវការសាខាម៉ៅសេទុង ដែលជាសាខាទី ៣០ នាថ្ងៃទី ៥ ខែមីនា ឆ្នាំ ២០២២។ ធនាគារ វឌ្ឍនៈ សាខាម៉ៅសេទុង មានអគារខ្ពស់ប្រណិត ដែលមានកម្ពស់ ១២ ជាន់ ស្ថិតនៅអគារលេខ ២២៤ មហាវិថីម៉ៅសេទុង (ផ្លូវលេខ ២៤៥ ) ភូមិ ៦ សង្កាត់ទួលស្វាយព្រៃទី ១ ខណ្ឌបឹងកេងកង រាជធានីភ្នំពេញ។

អ្នកឧកញ៉ា សំ អាង ប្រធានក្រុមប្រឹក្សាភិបាល អ្នកឧកញ៉ា ឈុន លាង បណ្ណាធិការ លោកជំទាវ សំអាង លក្ខិណា នាយកមិនប្រតិបត្តិ លោកចាន់ កុកឆយ អគ្គនាយកប្រតិបត្តិ ធនាគារ វឌ្ឍនៈ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជា អគ្គនាយកនៃអគ្គនាយកដ្ឋានពន្ធដារ ព្រមទាំង ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី ដែលជាភ្ញៀវកិត្តិយស បានអញ្ជើញចូលរួមក្នុងពិធីសម្ពោធបើកដំណើរការជាផ្លូវការ ធនាគារ វឌ្ឍនៈ សាខាម៉ៅសេទុង។

ធនាគារ វឌ្ឍនៈ សាខាម៉ៅសេទុង នឹងផ្តល់ជូននូវសេវាធនាគារសម្រាប់អាជីវកម្ម និងពាណិជ្ជកម្មគ្រប់ប្រភេទជូនអតិថិជន ដើម្បីគាំទ្រ អាជីវកម្ម និងអ្នករស់នៅក្នុងមូលដ្ឋាន។ សាខាម៉ៅសេទុង ក៏មានផ្តល់ និងផ្សព្វផ្សាយសេវាធនាគារឌីជីថលរបស់ខ្លួន រួមមាន សេវាធនាគារចល័ត សេវាធនាគារតាមអ៊ីនធើណិត និងប័ណ្ណ ក៏ដូចជាសេវាបង់ប្រាក់ពន្ធ-អាករ សេវាកម្មទូទាត់សេវាសាធារណៈ ជូនដល់អតិថិជនផងដែរ។ ធនាគារ វឌ្ឍនៈ ក៏មាន បញ្ជរបង់ប្រាក់ពន្ធ គ្រប់ប្រភេទ នៅក្នុងសាខាពន្ធដារមួយចំនួនក្នុងរាជធានីភ្នំពេញ និងតាមបណ្តាខេត្តផងដែរ។ ធនាគារ វឌ្ឍនៈ ត្រូវបានទទួលស្គាល់ទាំងនៅក្នុងប្រទេសកម្ពុជា និងអន្តរជាតិ។ ជាក់ស្តែង ក្នុងឆ្នាំ ២០២១ ធនាគារ វឌ្ឍនៈ ទទួលបានពានរង្វាន់អន្តរជាតិសរុបចំនួន ១២ ចំពោះសេវាធនាគារចល័ត សេវាកម្មអតិថិជនល្អបំផុត និងអភិបាលកិច្ចល្អបំផុត។

បុគ្គលិកទាំងអស់នៃ ធនាគារ វឌ្ឍនៈ សាខាម៉ៅសេទុង បានត្រៀមខ្លួនរួចជាស្រេច ដើម្បីផ្តល់ជូនអតិថិជននូវបទពិសោធន៍ថ្មីនៃការផ្តល់សេវាកម្មធនាគារដ៏ល្អឯក ប្រកបដោយជំនាញវិជ្ជាជីវៈ និងទំនុកចិត្តខ្ពស់។

ព័ត៌មានសង្ខេបអំពី ធនាគារ វឌ្ឍនៈ

ធនាគារ វឌ្ឍនៈ ជាធនាគារក្នុងស្រុក បង្កើតឡើងនៅក្នុងឆ្នាំ ២០០២ ដោយ អ្នកឧកញ៉ា សំ អាង អ្នកឧកញ៉ា ឈុន លាង និងអ្នកឧកញ៉ា សំអាង វឌ្ឍនៈ។ បច្ចុប្បន្ន ធនាគារ វឌ្ឍនៈ មានបុគ្គលិកជាង ៨០០ នាក់ និង ៣០ សាខា ដែលក្នុងនោះ ១៣ សាខា ស្ថិតនៅ រាជធានីភ្នំពេញ និង ១៧ សាខាទៀតស្ថិតនៅតាមបណ្តាខេត្ត។ ទីស្នាក់ការកណ្តាល ធនាគារ វឌ្ឍនៈ ស្ថិតនៅអគារ វឌ្ឍនៈ កាពីតាល រាជធានីភ្នំពេញ។ ធនាគារ វឌ្ឍនៈ បាននិងកំពុងបន្តសាងសង់សាខាជាច្រើនទីតាំងផ្សេងទៀត ហើយគ្រោងនឹងដាក់ឱ្យដំណើរការជាបន្តបន្ទាប់ទៀត នៅទូទាំងប្រទេស ត្រឹមឆ្នាំ២០២២ ខាងមុខនេះ៕

The post ធនាគារ វឌ្ឍនៈ សម្ពោធបើកដំណើរការជាផ្លូវការសាខាម៉ៅសេទុង ដែលជាសាខាទី ៣០ appeared first on Kampuchea Thmey Daily.

ធនាគារ វឌ្ឍនៈ ទទួលបានពានរង្វាន់អន្តរជាតិ ៣ បន្ថែមទៀត

Sorn Phanith — Sat, 26 Feb 2022 02:48:04 +0000

ក្នុងឆ្នាំ ២០២១ ធនាគារ វឌ្ឍនៈ ទទួលបានពានរង្វាន់អន្តរជាតិសរុបចំនួន ១២ លើផ្នែកសេវាធនាគារចល័ត អភិបាលកិច្ចសាជីវកម្ម សេវាកម្មអតិថិជន និងសេវាកម្មមាស។

ដោយឡែកនៅខែធ្នូ ឆ្នាំ ២០២១ ធនាគារ ទទួលបានពានរង្វាន់អន្តរជាតិចំនួន ៣ ដូចខាងក្រោម (បន្ថែមពីលើពានរង្វាន់ចំនួន ៩ ដែលទទួលបានរួចហើយ)៖

១. “ពានរង្វាន់ធនាគារដែលមានការពេញចិត្ត និងភាពរីករាយពីអតិថិជនលើផ្នែកសេវាកម្ម ប្រចាំប្រទេសកម្ពុជា ឆ្នាំ ២០២១” ពីទស្សនាវដ្តី Global Business and Finance Review ពីចក្រភពអង់គ្លេស

២. “ពានរង្វាន់សេវាកម្មធនាគារនវានុវត្តន៍បំផុត ប្រចាំប្រទេសកម្ពុជា ឆ្នាំ ២០២១” ពីទស្សនាវដ្តី Global Business and Finance Review ពីចក្រភពអង់គ្លេស

៣. “ពានរង្វាន់ធនាគារដែលមានទំនួលខុសត្រូវខ្ពស់បំផុត ប្រចាំប្រទេសកម្ពុជា ឆ្នាំ ២០២១” ពីទស្សនាវដ្តី Capital Finance International ពីចក្រភពអង់គ្លេស

កាលពីដើមឆ្នាំ ២០២១ នេះ ធនាគារ វឌ្ឍនៈ ទទួលបានពានរង្វាន់អន្តរជាតិជាច្រើន រួមមាន៖

១. ពានរង្វាន់សេវាធនាគារចល័តដែលងាយស្រួលប្រើប្រាស់បំផុត ប្រចាំប្រទេសកម្ពុជា ឆ្នាំ ២០២១ ពីទស្សនាវដ្តី Global Economics ពីចក្រភពអង់គ្លេស

២. ពានរង្វាន់ធនាគារ ដែលផ្តល់សេវាកម្មអតិថិជនល្អបំផុតប្រចាំប្រទេសកម្ពុជា ឆ្នាំ ២០២១ ពីទស្សនាវដ្តី Finance Derivative ពីប្រទេសហូឡង់

៣. ពានរង្វាន់អភិបាលកិច្ចល្អបំផុត ប្រចាំប្រទេសកម្ពុជា ឆ្នាំ ២០២១ ពីទស្សនាវដ្តី Finance Derivative ពីប្រទេសហូឡង់

៤. ពានរង្វាន់ធនាគារ ដែលផ្តល់សេវាកម្មអតិថិជនល្អបំផុតប្រចាំប្រទេសកម្ពុជា ឆ្នាំ ២០២១ ពីទស្សនាវដ្តី International Business Magazine ពីសភាពអារ៉ាបរួម

៥. ពានរង្វាន់សេវាធនាគារចល័តនវានុវត្តន៍បំផុត ប្រចាំប្រទេសកម្ពុជា ឆ្នាំ ២០២១ ពីទស្សនាវដ្តី International Business Magazine ពីសភាពអារ៉ាបរួម

៦. ពានរង្វាន់អភិបាលកិច្ចល្អបំផុត ពីទស្សនាវដ្តី World Economics Magazine ពីសហរដ្ឋអាមេរិក

៧. ពានរង្វាន់សេវាធនាគារចល័តល្អបំផុត ពីទស្សនាវដ្តី World Economics Magazine ពីសហរដ្ឋអាមេរិក

៨. ពានរង្វាន់ សេវាកម្មមាសល្អបំផុត ពីទស្សនាវដ្តី World Business Outlook ពីប្រទេសសិង្ហបុរី

៩. ពានរង្វាន់សេវាធនាគារចល័តល្អបំផុត ពីទស្សនាវដ្តី World Business Outlook ពីប្រទេសសិង្ហបុរី។

ធនាគារ វឌ្ឍនៈ សូមថ្លែងអំណរគុណយ៉ាងជ្រាលជ្រៅបំផុតជូនចំពោះ អតិថិជន និងដៃគូអាជីវកម្មទាំងអស់ ដែលតែងតែផ្ដល់ការគាំទ្រឥតងាករេតាំងពីដើមរៀងមក។ ធនាគារ វឌ្ឍនៈ ក៏សូមថ្លែងអំណរគុណជូនចំពោះ គណៈគ្រប់គ្រង និងបុគ្គលិក គ្រប់លំដាប់ថ្នាក់ ដែលបាន ខិតខំប្រឹងប្រែងក្នុងការផ្តល់សេវាកម្មលំដាប់ថ្នាក់អន្តរជាតិជូនអតិថិជន៕

The post ធនាគារ វឌ្ឍនៈ ទទួលបានពានរង្វាន់អន្តរជាតិ ៣ បន្ថែមទៀត appeared first on Kampuchea Thmey Daily.

សេវាធនាគារចល័ត ធនាគារ វឌ្ឍនៈ៖ ផ្ញើអាំងប៉ាវ ទៅកាន់ក្រុមគ្រួសារ និងមិត្តភក្តិបានយ៉ាងងាយស្រួល

Sorn Phanith — Tue, 01 Feb 2022 09:38:28 +0000

រីករាយពិធីបុណ្យចូលឆ្នាំចិន! ឥឡូវនេះ កាន់តែងាយស្រួលក្នុងការជូនអាំងប៉ាវ។ លោកអ្នកអាចផ្ញើអាំងប៉ាវតាមបែបឌីជីថល ទៅកាន់ក្រុមគ្រួសារ និងមិត្តភក្ដិ តាមរយៈសេវាធនាគារចល័ត ធនាគារ វឌ្ឍនៈ បានយ៉ាងងាយស្រួល ពីទីណាក៏បាន ពេលណាក៏បាន!

ធនាគារ វឌ្ឍនៈ គឺជាធនាគារដំបូងគេ ដែលបង្ហាញមុខងារផ្ញើអាំងប៉ាវតាមរយៈទូរស័ព្ទដៃនៅក្នុងប្រទេសកម្ពុជា ក្នុងឆ្នាំ 2021 ហើយឆ្នាំនេះគឺជា ឆ្នាំទី២របស់ ធនាគារ វឌ្ឍនៈ។ ក្នុងអំឡុងពេលចូលឆ្នាំថ្មីប្រពៃណីចិន ការផ្ញើអាំងប៉ាវ គឺជាវិធីដ៏ពេញនិយមសម្រាប់អតិថិជនទាំងអស់ក្នុងការ ផ្ញើ/ទទួល “សេចក្តីស្រឡាញ់” ទៅកាន់/ពី មនុស្សជុំវិញខ្លួន។

សូមទស្សនាវីដេអូខាងក្រោម ដើម្បីស្វែងយល់ពីវិធីផ្ញើអាំងប៉ាវ ទៅមនុស្សជាទីស្រលាញ់តាមរយៈកម្មវិធី ធនាគារ វឌ្ឍនៈ៖

“សេវាធនាគារចល័ត ធនាគារ វឌ្ឍនៈ សុវត្ថិភាព និងងាយស្រួល និងរីករាយ!”

The post សេវាធនាគារចល័ត ធនាគារ វឌ្ឍនៈ៖ ផ្ញើអាំងប៉ាវ ទៅកាន់ក្រុមគ្រួសារ និងមិត្តភក្តិបានយ៉ាងងាយស្រួល appeared first on Kampuchea Thmey Daily.

សេវាធនាគារចល័ត ធនាគារ វឌ្ឍនៈ៖ កាន់តែងាយស្រួល! ធ្វើការទូទាត់នានា ដោយគ្រាន់តែចុចលើតំណភ្ជាប់ (Link)

Sorn Phanith — Mon, 24 Jan 2022 03:13:27 +0000

តើលោកអ្នកពិបាកក្នុងការវាយលេខគណនី ឬច្រឡំ ពេលត្រូវការផ្ទេរប្រាក់មែនទេ? ធនាគារ វឌ្ឍនៈ បានរៀបចំសេវាកម្មទូទាត់នានា កាន់តែងាយស្រួល គឺលោកអ្នកអាចធ្វើការទូទាត់នានា ដោយគ្រាន់តែចុចលើតំណភ្ជាប់ (Link) តែប៉ុណ្ណោះ។

លោកអ្នកគ្រាន់តែចុចលើតំណភ្ជាប់ (Link) ដោយមិនចាំបាច់បំពេញព័ត៌មាន របស់អ្នកទទួលនោះទេ រួចធ្វើការទូទាត់បានជាការស្រេច។ ដើម្បីបង្កើតតំណភ្ជាប់ គ្រាន់តែបើកកម្មវិធី សូមចុចលើប៊ូតុង «ស្កេន» រួចចុចលើពាក្យ «មើល QR របស់ខ្ញុំ» និងបន្ទាប់មកជ្រើសរើសប៊ូតុង «ចម្លងតំណភ្ជាប់» ជាការស្រេច។

រីករាយជាមួយបទពិសោធន៍ថ្មី! កាន់តែស្រួល កាន់តែមានសុវត្ថិភាព!

សេវាធនាគារចល័ត ធនាគារ វឌ្ឍនៈ ត្រូវបានបង្កើតឡើងដោយស្នាដៃកូនខ្មែរ សុទ្ធសាធ ក្រោមគំនិតផ្តួចផ្តើមផ្ទាល់របស់ ធនាគារ វឌ្ឍនៈ ដើម្បីបំពេញតម្រូវការរបស់អតិថិជនឱ្យកាន់តែប្រសើរឡើង។ សេវាធនាគារចល័ត ធនាគារ វឌ្ឍនៈ មានផ្តល់ជូនអតិថិជននូវមុខងារចាំបាច់ សំខាន់ៗជាច្រើន ក្នុងការធ្វើប្រតិបត្តិការហិរញ្ញវត្ថុ ប្រកបដោយភាពងាយស្រួល និងមានសុវត្ថិភាពខ្ពស់។ ជាក់ស្តែង ក្នុងឆ្នាំ២០២១ ធនាគារ វឌ្ឍនៈ ទទួលបានពានរង្វាន់អន្តរជាតិចំនួន១២ ដែលក្នុងនោះពានរង្វាន់ចំនួន៥ បានទៅលើសេវាធនាគារចល័ត ធនាគារ វឌ្ឍនៈ។

“សេវាធនាគារចល័ត ធនាគារ វឌ្ឍនៈ សុវត្ថិភាព និង ងាយស្រួល”

Vattanac Mobile Banking: Very easy, make payment with just a tap on a link

(Phnom Penh): Are you having difficulty inputting or confusing account number when you need to transfer? Vattanac Bank has made it easier; you can make payment with just a tap on a link.

You can simply tap on the link to have all details and amounts pre-filled, and then you’re ready to make a transaction. To create a link, simply launch the app, tap on button ‘Scan’, then tap on ‘View my QR’, choose ‘Copy link’.

Enjoy Safe and Easy Experiences with Vattanac Mobile Banking!

Vattanac Mobile Banking was developed by our Cambodian Digital Banking team to meet the needs of our customers. Vattanac Mobile Banking provides many useful functions and features for safe and easy financial transactions. In 2021, Vattanac Bank received 12 international awards, 5 of which are for its Mobile Banking.

“Vattanac Mobile Banking, Safe and Easy”

The post សេវាធនាគារចល័ត ធនាគារ វឌ្ឍនៈ៖ កាន់តែងាយស្រួល! ធ្វើការទូទាត់នានា ដោយគ្រាន់តែចុចលើតំណភ្ជាប់ (Link) appeared first on Kampuchea Thmey Daily.