​ការ​ប្រកាសផ្ដល់សាច់ប្រាក់របស់ធនាគារជាតិ បានធ្វើឡើង​ស្រប​ពេល​ ដែល​ការជូន​ដំណឹងដល់អ្នកដាក់​ប្រាក់បញ្ញើនៅ​ធនា​គារ​ព្រីនស៍​ ​មកទទួលសំណង​ចាប់ពីថ្ងៃទី ​២៣ ខែមីនា ​ឆ្នាំ២០២៦។​

​ឧបករណ៍នេះត្រូវបានបង្កើតឡើង ​ដើម្បីផ្តល់ការគាំទ្រសាច់ប្រាក់រយៈពេលខ្លីដល់គ្រឹះស្ថានធនាគារ និងហិរញ្ញវត្ថុទទួលប្រាក់បញ្ញើ ក្នុងករណីមានការប្រឈមមុខ​នឹងបញ្ហាខ្វះសាច់​ប្រាក់ជា​បណ្តោះ​អាសន្ន ​ដោយធនាគារជាតិនៃកម្ពុជានឹងដើរតួនាទីជាអ្នកឱ្យខ្ចីចុងក្រោយ “Lender of Last Resort” ​ដើម្បីធានា​ថាគ្រឹះស្ថានធនាគារអាចបន្តប្រតិបត្តិការបានយ៉ាងរលូន។

គ្រឹះស្ថានដែលស្នើសុំសាច់ប្រាក់ចាំបាច់​ត្រូវ៖

មានសមាធនភាព៖ គ្រឹះស្ថានត្រូវបានវាយតម្លៃថាមាន​សមាធនភាពលុះត្រាតែមានអនុបាតភាពគ្រប់គ្រាន់នៃដើមទុនយ៉ាងហោចណាស់ស្មើ ឬលើសកម្រិតអប្បបរមា ក្នុងរយៈពេល ៦ ខែចុងក្រោយ និងបង្ហាញថា មានអនុបាតភាពគ្រប់គ្រាន់នៃដើមទុនយ៉ាងហោចណាស់ស្មើ ឬលើសកម្រិតអប្បបរមា ក្នុងរយៈពេល ៣ ខែខាងមុខ។

គ្រឹះស្ថានត្រូវបានវាយតម្លៃថា អាចនៅបន្តដំណើរការអាជីវកម្មជាប្រក្រតី ប្រសិន​បើគ្រឹះស្ថានមានប្រាក់ចំណេញរយៈពេល ៣ ឆ្នាំ ចុងក្រោយ និង​ត្រូវមានទ្រព្យធានាដែលអាចទទួលយកបានគ្រប់គ្រាន់បន្ទាប់ពីដកហ៊ែខាត់ និងមិនជាប់កាតព្វកិច្ច ដូចបានកំណត់ក្នុងប្រការ ៧ នៃ ប្រកាសនេះ។

ធនាគារជាតិនៃកម្ពុជាអាចផ្តល់សន្ទនីយភាពចាំបាច់ បន្ទាប់ពីគ្រឹះស្ថានបានប្រើប្រាស់ជិតអស់ ឬអស់លទ្ធភាពនូវជម្រើសប្រភពទុនរយៈពេលខ្លីផ្សេងៗទៀត ដូចជា មូលនិធិពីទីផ្សាររូបិយវត្ថុ និងអន្តរធនាគារ មូលនិធិរបស់គ្រប និងហ្វាស៊ីលីធីផ្សេងទៀតរបស់ធនាគារជាតិនៃកម្ពុជា ជាដើម។

ចំពោះគ្រឹះស្ថានជាបុត្តសម្ព័ន្ធធនាគារបរទេស ឬសាខាធនាគារបរទេស គ្រឹះស្ថានត្រូវស្នើសុំ ការគាំទ្រពីក្រុមហ៊ុនមេ និង/ឬ ភាគទុនិកឱ្យអស់លទ្ធភាពជាមុនសិន មុននឹងស្នើសុំសន្ទនីយភាព ចាំបាច់ពីធនាគារជាតិនៃកម្ពុជា។

ធនាគារជាតិនៃកម្ពុជា មានឆន្ទានុសិទ្ធិក្នុងការសម្រេចលើសំណើសុំសន្ទនីយភាពចាំបាច់ របស់គ្រឹះស្ថាន ដោយផ្អែកលើ​ការ​វាយតម្លៃសូចនាករ និង/ឬ លក្ខខណ្ឌផ្សេងទៀត តាមករណីជាក់ស្ដែង៕

The post ​ធនាគារជាតិ ​ប្រកាស​ផ្ដល់​សាច់​ប្រាក់​ដល់​គ្រឹះស្ថាន​ធនាគារ​​ ដើម្បីទប់ស្កាត់ហានិភ័យ appeared first on Kampuchea Thmey Daily.

បើតាមលោក ស សុខា ក្នុងរយៈពេលចុងក្រោយនេះ ក្រសួងមហាផ្ទៃបានទទួលបណ្ដឹងប្រមាណ ២០០បណ្ដឹង ពាក់ព័ន្ធនឹងការបោកប្រាស់ប្រាក់ប្រមាណជាង ៨សែនដុល្លារអាមេរិក ហើយលោកអះអាងថា ប្រាក់នោះត្រូវបានផ្ទេរពីជនរងគ្រោះ ទៅគណនីធនាគាររបស់ជនល្មើស។

លោករដ្ឋមន្ត្រីក្រសួងមហាផ្ទៃ បានលើកឡើងពីរូបភាពនៃការបន្លំបោកប្រាស់ទាំងនោះ ដូចជា បន្លំខ្លួនធ្វើជាមន្ត្រីធនាគារ ឬស្ថាប័នមីក្រូហិរញ្ញវត្ថុ ដោយជនខិលខូចបានទំនាក់ទំនងទូរសព្ទទៅជនរងគ្រោះ ដោយបន្លំថា ទាក់ទងដើម្បីផ្ដល់រង្វាន់សំណាង ប៉ុន្តែបានតម្រូវឱ្យជនរងគ្រោះបង់ប្រាក់ជាមុន។ ករណីខ្លះទៀត ជនខិលខូចបន្លំបោកប្រាស់ តាមរយៈការទិញលក់ទំនិញបញ្ចុះតម្លៃ ដោយតម្រូវឱ្យអតិថិជនជាជនរងគ្រោះផ្ញើប្រាក់ទៅខ្លួនជាមុន ប៉ុន្តែទីបំផុតបានទទួលប្រាក់ហើយក៏បិទផ្ដាច់ទំនាក់ទំនង ខណៈករណីខ្លះ ជនល្មើសបានបន្លំលួចចូលគណនីធនាគាររបស់ជនរងគ្រោះដើម្បីធ្វើសកម្មភាពដក ឬបង្វែរបញ្ជូនសាច់ប្រាក់ជាដើម។

ថ្លែងចេញពីវេទិកាសិក្ខាសាលាពិគ្រោះយោបល់ថ្នាក់ជាតិលើសេចក្តីព្រាងផែនការយុទ្ធសាស្ត្រជាតិស្តីពីអត្តសញ្ញាណកម្ម កាលពីរសៀលថ្ងៃទី២៤ ខែវិច្ឆិកា ឆ្នាំ២០២៥ លោក ស សុខា គូសបញ្ជាក់ថា ដើម្បីដោះស្រាយបញ្ហានេះ ផ្ដើមចេញពីក្រសួងមហាផ្ទៃទៅតែម្ដង ដែលលោកណែនាំឱ្យអង្គភាពជំនាញ រៀបចំក្រុមការងារសហការស្រាវជ្រាវបង្ក្រាបបទល្មើសបោកប្រាស់ដូចបានបញ្ជាក់ខាងលើនេះ។ តាមរយៈយន្តការនេះ លោកអះអាងថា មន្ត្រីជំនាញប្រចាំការ នឹងធ្វើការងារនេះ២៤ម៉ោង ជារៀងរាល់ថ្ងៃ ដើម្បីសហការជាមួយតំណាងធនាគារ និងគ្រឹះស្ថានមីក្រូហិរញ្ញវត្ថុ ក្នុងករណីទទួលបានបណ្ដឹងពីជនរងគ្រោះ ក្នុងនោះក៏រួមទាំងសហការស្នើសុំបង្កកប្រាក់ក្នុងគណនីជនល្មើសជាដើម។

ប្រមុខក្រសួងមហាផ្ទៃ ថ្លែងក្នុងន័យដើមថា៖ «បើមានរឿងអ្វី យើងអាចជជែកគ្នា និងធ្វើការជាមួយគ្នាបន្ទាន់។ ករណីខ្លះកើតមាននៅថ្ងៃសៅរ៍ ឬអាទិត្យ ដូច្នេះទម្រាំមន្ត្រីយើងចូលធ្វើការ សាច់ប្រាក់នោះត្រូវបានបង្វិល ឬដកប្រើប្រាស់រួចរាល់បាត់ទៅហើយ។ ដូច្នេះយើងត្រូវការដោះស្រាយភ្លាមៗ ហើយកងកម្លាំងជំនាញរបស់យើងត្រូវការតំណាងស្ថាប័នធនាគារសហការ ព្រោះដំណាក់កាលនេះឈានចូលដល់សមត្ថកិច្ចរបស់ស្ថាប័នសាមី ទាំងធនាគារ ឬគ្រឹះស្ថានមីក្រូហិរញ្ញវត្ថុ»៕

The post រដ្ឋមន្ត្រីមហាផ្ទៃ ទទូចឱ្យធនាគារផ្ដល់កិច្ចសហការជាមួយសមត្ថកិច្ចក្នុងការបង្ក្រាបបទល្មើសឆបោក appeared first on Kampuchea Thmey Daily.

លោក ង៉ែត ជូ បញ្ជាក់ថា ការលុបចោលបំណុលនេះ ក៏ជាការជួយសម្រួល​ដល់ជីវភាព​ក្រុមគ្រួសារ​របស់ពួកគាត់ (ដែលបាត់បង់សមាជិកក៏ដូចជាបាត់បង់ចំណូល)។

លោក ង៉ែត ជូ យល់ឃើញថា៖ «ការលុបបំណុលនេះមិនធ្វើអោយប៉ះពាល់ខ្លាំងដល់ប្រាក់ចំណេញ ឬស្ថាន​ភាពហិរញ្ញវត្ថុរបស់ស្ថាប័នទាំងនោះទេពីព្រោះចំនួនគ្រួសារយុទ្ធជនពលីមានចំនួនតិចតួចបើធៀបនឹងចំនួនអតិថិជនរាប់លាននាក់ក្នុងវិស័យនេះ។ បើគ្មានពួកគាត់ការពារ ស្ថាប័នទាំងនោះនឹង​រងនូវ​ភាពអន្តរាយធ្ងន់ធ្ងរជាក់ជាមិនខាន»។

រូបភាពតំណង

កម្ពុជា​និង​ថៃ​បាន​ឈាន​ដល់​ការ​សម្រេចបទ​ឈប់​បាញ់​មួយ​កាលពី​ល្ងាច​ថ្ងៃទី​២៨ ខែ​កក្កដា ឆ្នាំ២០២៥ បន្ទាប់ពី​មាន​កិច្ច​ប្រជុំ​ទល់​មុខ​មួយនៅ​ប្រទេស​ម៉ាឡេស៊ី​ ក្រោម​គំនិតផ្ដួចផ្ដើម​របស់​ប្រធានាធិបតីដូណាល់ត្រាំ ហើយ​នាយករដ្ឋមន្ត្រី​ម៉ាឡេស៊ីជាអ្នកសម្របសម្រួល។ កិច្ច​ប្រជុំនោះឈាន​ដល់​មាន​បទ​ឈប់​បាញ់បន្ទាន់​មួយ​នៅ​ម៉ោង​១២​យប់​ថ្ងៃទី​២៨​ខែ​កក្កដា រៀបចំ​កិច្ចប្រជុំក្រៅផ្លូវការ​រវាង​មេបញ្ជាការ​យោធភូមិភាគជាប់ព្រំដែន និងរៀបចំ​កិច្ចប្រជុំគណៈកម្មាធិការ​ព្រំដែនទូទៅ GBC នៅ​ថ្ងៃទី​៤ ខែសីហា ឆ្នាំ២០២៥ ដែល​ធ្វើ​ឡើង​នៅកម្ពុជា។

បន្ទាប់ពីឈាន​ដល់​បទ​ឈប់​បាញ់​នេះប្រធានាធិបតីអាមេរិក ប្រធានាធិបតីបារាំង និង​តំណាងសហភាពអឺរ៉ុប​ បាន​បង្ហាញ​ការ​អបអរសាទរផងដែរ​។ ប្រធានាធិបតី​អាមេរិកលោក ដូណាល់ត្រាំ បាន​លើកឡើងថា ការសម្រេច​បាន​ជោគជ័យ​នៃ​បទឈប់បាញ់​នេះបាន​សង្គ្រោះអាយុជីវិត​មនុស្សរាប់ពាន់នាក់ ហើយលោក​ក៏បាន​បញ្ជាឱ្យ​ក្រុម​ការងារពាណិជ្ជកម្ម​របស់​លោក​ធ្វើការ​ចចារ​ពាណិជ្ជកម្ម​ឡើង​វិញជាមួយ​ប្រទេស​កម្ពុជា​ និង​ថៃ​ផងដែរ។

លោក ដូណាល់ត្រាំ សរសេរថា៖ «ពេល​នេះ​ខ្ញុំ​បាន​បញ្ចប់​សង្គ្រាម​ជា​ច្រើន​ក្នុង​រយៈពេល​៦​ខែ​មក​នេះ ខ្ញុំ​មាន​មោទនភាព​ដែលក្លាយជា​ប្រធានាធិបតី​នៃ​សន្ដិភាព»៕

The post អ្នកជំនាញស្នើដល់គ្រឹះស្ថានហិរញ្ញវត្ថុ ពិចារណា​លុបចោលបំណុលរបស់គ្រួសារកងទ័ពដែលពលីជីវិត appeared first on Kampuchea Thmey Daily.

វិស័យធនាគារ គឺជាវិស័យដ៏សំខាន់សម្រាប់ប្រទេសនីមួយៗ ដែលបានតួនាទីសំខាន់ក្នុងការជួយគាំទ្រដល់ការអភិវឌ្ឍប្រទេសជាតិ។ នេះជាការលើកឡើងរបស់សម្ដេចនាយករដ្ឋមន្ត្រី។  

សម្ដេចធិបតី ហ៊ុន ម៉ាណែត បានថ្លែងថា​ «វិស័យធនាគារ គឺសំខាន់ណាស់ ដូចខ្ញុំលើកកាលពីកិច្ចប្រជុំ គឺជាឈាម ពាក្យសាមញ្ញថា ធ្វើអីអត់លុយ ក៏អត់កើតដែរ ប៉ុន្តែបើមានថវិកា មានលុយហើយ អត់មានការគ្រប់គ្រងច្បាស់លាស់ យន្ដការក្នុងការជួយ…ចល័តចរន្តនេះ ក៏វាពិបាកដែរ អញ្ចឹងធនាគារដើរតួនាទីសំខាន់ណាស់ នៅក្នុងការបង្វិល ការប្រមូលផ្ដុំធន និងការបង្វិលវាទៅក្នុងគាំទ្រដល់ដំណើរការសេដ្ឋកិច្ច»។

បើតាមសម្ដេចធិបតី ហ៊ុន ម៉ាណែត ប្រសិទ្ធភាពដំណើរការនៃប្រព័ន្ធធនាគារ គឺធានានូវសុខភាពរបស់សេដ្ឋកិច្ចជាតិ។ «អញ្ចឹងប្រសិទ្ធភាពដំណើរការ នៃប្រព័ន្ធធនាគារយើង គឺធានានូវសុខភាពរបស់សេដ្ឋកិច្ចរបស់យើង នេះគឺវាសាមញ្ញ អញ្ចឹង…ធនាគារដូចបេះដូង ប្រមូលឈាមមក បញ្ចេញឈាមទៅវិញ ចិញ្ចឹមសិរីរាង្គ បើបេះដូងហ្នឹងដើរមិនល្អ សុខភាពយើងក៏មិនល្អ នេះគឺជាកិច្ចការសំខាន់»។ នេះជាការលើកឡើងបន្ថែមរបស់សម្ដេចធិបតី ហ៊ុន ម៉ាណែត។

នៅក្នុងកម្មវិធីដដែលនេះ សម្ដេចធិបតី ហ៊ុន ម៉ាណែត បានបង្ហាញក្ដីសង្ឃឹមថា វិស័យធនាគារនឹងដើរតួនាទីកាន់តែសំខាន់ នៅពេលចរន្តវិនិយោគ និងពាណិជ្ជកម្មកើនឡើងនាពេលខាងមុខ ពីព្រោះដំណើរការការធ្វើពាណិជ្ជកម្ម និងការវិនិយោគ ត្រូវការការសម្របសម្រួលពីវិស័យធនាគារ៕

The post នាយករដ្ឋមន្ត្រី ៖ ប្រសិទ្ធភាពដំណើរការនៃប្រព័ន្ធធនាគារ គឺធានានូវសុខភាពរបស់សេដ្ឋកិច្ចជាតិ appeared first on Kampuchea Thmey Daily.

លោក ស៊ូ វិសាល នាយកគ្រប់គ្រងទូទៅនៅវិទ្យាស្ថានធនាគារ និងហិរញ្ញវត្ថុ បានលើកឡើងក្នុងសន្និសីទសារព័ត៌មាន ស្តីពីជំនាញ និងការងារ នៅព្រឹកថ្ងៃទី០៦ ខែកញ្ញានេះ ថា គោលបំណងនៃការរៀបចំពិព័រណ៍ជំនាញ និងការងារក្នុងវិស័យធនាគារ គឺដើម្បីឆ្លើយតបទៅនឹងសម័យកាលបច្ចុប្បន្ន ដែលជាសម័យឌីជីថល មានភាពជឿនលឿន និងត្រូវការធនធានមនុស្សបន្ថែម។ ពិព័រណ៍ជំនាញ និងការងារក្នុងវិស័យធនាគារនេះ គឺរៀបចំជាលើកដំបូង ក្រោមការរួមសហការជាមួយស្ថាប័នពាក់ព័ន្ធចំនួន៤ខាងលើ ដើម្បីពង្រឹងគុណភាព និងឱ្យប្រាកដថា សមាគមធនាគារពាក់ព័ន្ធដែលចូលរួម នឹងទទួលបាននិស្សិត ឬ បុគ្គលិកដែលចូលរួមដោយមានគុណភាពល្អតែម្តង។

ក្នុងការពិព័រណ៍ខាងមុខ មានស្ថាប័នធនាគារចំនួន២០ នឹងដាក់ស្តង់បង្ហាញការងារ និងមានការងារជាង ៤០០០មុខតំណែង។ ជាមួយគ្នានេះ វិទ្យាស្ថានធនាគារនិងហិរញ្ញវត្ថុ និងមជ្ឈមណ្ឌលការងារនៅសាកលវិទ្យាល័យជាតិគ្រប់គ្រង នឹងរៀបចំជាពិសេសនូវវគ្គបណ្តុះបណ្តាលខ្លីៗទាក់ទងជំនាញរឹង និងជំនាញទន់ក្នុងការទាញយកឱកាសការងារក្នុងវិស័យធនាគារ និងហិរញ្ញវត្ថុដល់សិស្សនិស្សិត។ នេះបើតាមការបញ្ជាក់របស់លោក ស៊ូ វិសាល។

និស្សិតស្រី ឈ្មោះ ជា ស្រីនុត សិក្សាជំនាញធនាគារ និងហិរញ្ញវត្ថុ ឆ្នាំទី៤ នៅសាកលវិទ្យាល័យជាតិគ្រប់គ្រងយល់ថា ពិព័រណ៍ជំនាញ និងការងារនេះ ពិតជាសំខាន់ណាស់សម្រាប់និស្សិត ដើម្បីផ្តល់ឱ្យពួកគេនូវការងារ និងជំនាញមួយដែលស័ក្តិសមជាមួយនឹងសមត្ថភាពរបស់ពួកគេ។ ចំណែក និស្សិតស្រី លី ម៉ីម៉ី អាយុ២២ឆ្នាំ សិក្សាជំនាញដូចគ្នា បានលើកឡើងថា សម្រាប់ការពិព័រណ៍ជំនាញ និងការងារខាងមុខនេះ កញ្ញា ប្រាកដណាស់ថា ខ្លួន និងនិស្សិតឯទៀត នឹងចូលរួម ព្រោះជាឱកាសមួយសម្រាប់កញ្ញា និងនិស្សិតផ្សេងទៀត ក្នុងការស្វែងរកការងារដែលខ្លួនស្រឡាញ់។ និស្សិតស្រីរូបនេះ នឹងផ្សព្វផ្សាយពីការពិព័រណ៍នេះដល់និស្សិតដទៃទៀត ដើម្បីឱ្យពួកគេអាចស្វែងរកការងារណាដែលត្រូវជាមួយជំនាញសិក្សារបស់ខ្លួន។ រីឯ និស្សិតប្រុស លី សុវណ្ណដានូ សិក្សាឆ្នាំទី៤ ជំនាញដូចគ្នា បានប្រាប់ថា ខ្លួនចង់ឱ្យមានការពិព័រណ៍បែបនេះជារៀងរាល់ឆ្នាំ ព្រោះជាឱកាសសម្រាប់និស្សិតគ្រប់រូបមានឱកាសស្វែងរកការងារត្រូវជំនាញពួកគេ។ និស្សិតរូបនេះ រំពឹងថា សម្រាប់ការពិព័រណ៍នេះ នឹងមាននិស្សិតចូលរួមច្រើន សម្រាប់ឱ្យពួកគេដឹងពីឱកាសការងាររបស់ខ្លួនផងដែរ។

យ៉ាងណាមិញ ការពិព័រណ៍ដែលនឹងរៀបចំឆាប់ៗនេះ គឺបើកទូលាយសម្រាប់សាធារណជន និងនិស្សិតគ្រប់រូប ក្នុងការស្វែងរកការងារធ្វើទាក់ទងនឹងវិស័យធនាគារ និងហិរញ្ញវត្ថុ ដោយពួកគេគ្រាន់តែចុះឈ្មោះតាម IBFKH App ដែលមាននៅលើកម្មវិធីទូរស័ព្ទ អេនត្រយ និងអាយអូអេស។

សម្រាប់គម្រោងទៅថ្ងៃអនាគត លោក ស៊ូ វិសាល បានបញ្ជាក់ថា អាចនឹងធ្វើការពិព័រណ៍នេះជារៀងរាល់ឆ្នាំ អាស្រ័យលើស្ថានការណ៍ជាក់ស្តែង ហើយលោកសង្ឃឹមថា នាពេលអនាគត នឹងមានធនាគារ និងក្រុមហ៊ុនកាន់តែច្រើនទៀតរួមសហការក្នុងការពិព័រណ៍មួយនេះ។ ចំពោះការពិព័រណ៍នេះ លោកថា មានភាពខុសពីការពិព័រណ៍ការងារផ្សេងៗ ព្រោះនេះផ្តោតសំខាន់លើវិស័យធនាគារ និងហិរញ្ញវត្ថុស្របតាមសម័យបច្ចុប្បន្ន ហើយក៏មានការពិគ្រោះយោបល់ជាមួយអ្នកចូលរួម ក្នុងការជ្រើសរើសការងារឱ្យត្រូវតាមសមត្ថភាព និងជំនាញរបស់ពួកគេថែមទៀតផង៕

The post ពិព័រណ៍ជំនាញ និងការងារ ក្នុងវិស័យធនាគារ និងហិរញ្ញវត្ថុ នឹងធ្វើជាលើកដំបូងនាចុងខែកញ្ញានេះ appeared first on Kampuchea Thmey Daily.

តើការប្រើប្រាស់ក្រដាសប្រាក់កាន់តែថយចុះ ជំនួសដោយការទូទាត់តាមប្រព័ន្ធអេឡិចត្រូនិចនេះ មានផលវិជ្ជមាន និងអវិជ្ជមានដូចម្តេចដែរ?

លោក កាំង តុងងី ប្រធាននាយក​ដ្ឋានទំនាក់ទំនង និងជាអ្នកនាំពាក្យសមាគមមីក្រូហិរញ្ញវត្ថុកម្ពុជា បានប្រាប់កម្ពុជាថ្មីថា និន្នាការនៃការប្រើប្រាស់ ទូទាត់ ឬផ្ទេរប្រាក់តាមប្រព័ន្ធអេឡិចត្រូនិច មានការវិត្តន៍ទូទាំងពិភពលោក មិនមែនតែនៅកម្ពុជា​នោះទេ។ ដោយឡែកនៅកម្ពុជា ការទូទាត់ប្រាក់តាមប្រព័ន្ធអេឡិចត្រូនិច មានការស្ទុះឡើងខ្លាំងគឺនៅអំឡុងពេល​វិបត្តិ​កូវីដ-១៩។ លោកមើលឃើញថា ទៅថ្ងៃខាងមុខ សន្ទុះនៃការទូទាត់តាមប្រព័ន្ធអេឡិចត្រូនិចកាន់តែមានកំណើនខ្លាំង ខណៈការចាយវាយក្រដាសប្រាក់កាន់តែថយចុះ។

បើតាមលោក តុងងី ការកើនឡើងនៃការទូទាត់តាមប្រព័ន្ធអេឡិចត្រូនិច គឺជានិន្នាការល្អសម្រាប់កម្ពុជា ដើម្បីជួយឱ្យការ​ប្រើ​ប្រាស់ហិរញ្ញវត្ថុក្នុងវិស័យសេដ្ឋកិច្ចទៅក្នុងប្រព័ន្ធផ្លូវការដែលមានភាពងាយស្រួល និងអត្ថប្រយោជន៍សម្រាប់អតិថិជន ប្រកបដោយសុវត្ថិភាព។

លោកបណ្ឌិត​ គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានលើកឡើងថា ការទូទាត់តាម​ប្រព័ន្ធ​អេឡិច​ត្រូនិច គឺផ្តល់ភាពងាយស្រួលដល់រាជរដ្ឋាភិបាល ទី១ ក្នុងការប្រមូលពន្ធ និងទី២ កាត់បន្ថយ​ការបោះ​ពុម្ព​ក្រដាសប្រាក់។ លោកបណ្ឌិតបានបន្ថែមថា ការទូទាត់តាមបច្ចេកវិទ្យានេះ នឹងធ្វើឱ្យមាន​ប្រតិបត្តិការ​លំហូរ​ហិរញ្ញ​វត្ថុកាន់តែច្រើនជាងមុន ជួយជំរុញកំណើនសេដ្ឋកិច្ចជាតិផងដែរ។

បើតាមលោកបណ្ឌិត គី សេរីវឌ្ឍន៍ ការចាយវាយតាមប្រព័ន្ធអេឡិចត្រូនិច មិនមានផលប៉ះពាល់អ្វីច្រើនោះទេ គ្រាន់តែថា មនុស្សលែងសូវស្រឡាញ់ និងកាន់ក្រដាសប្រាក់។ ចំណែកការចាយវាយក្រដាសប្រាក់ គឺត្រូវចំណាយលុយ​ដើម្បី​បោះ​ពុម្ព ហើយក្រដាសប្រាក់ប្រើតែងតែសឹកខូចត្រូវបោះថ្មីជានិច្ច។

ទោះយ៉ាងណា លោក កាំង តុងងី ក៏កត់សម្គាល់ឃើញថា ការទូទាត់ប្រាក់តាមបច្ចេកវិទ្យា ឬឌីជីថលនេះ ក៏មានបញ្ហា​ប្រឈម​នឹងហានិភ័យខ្លះដែរ ដែលតម្រូវឱ្យអ្នកប្រើប្រាស់ត្រូវស្វែងយល់ឱ្យបានច្បាស់ និងត្រូវប្រុងប្រយ័ត្នខ្ពស់ ដោយត្រូវ​ទុកដាក់លេខគណនី និងលេខសម្ងាត់ឱ្យមានសុវត្ថិភាពបំផុត ជាពិសេសកុំ​មានការ​ចែករំលែក​ទិន្នន័យផ្ទាល់​ខ្លួនទៅ​ឱ្យអ្នកដទៃ៕

The post តើការប្រើប្រាស់ក្រដាសប្រាក់ថយចុះ មានផលវិជ្ជមាន និងអវិជ្ជមានអ្វីខ្លះ? appeared first on Kampuchea Thmey Daily.

ថ្លែងប្រាប់អ្នកសារព័ត៍មានក្រោយពិធីចុះអនុស្សរណៈយោគយល់គ្នារវាងធនគារជាតិនៃកម្ពុជា ជាមួយក្រុមហ៊ុន​យូញៀនផេ នៅរសៀលថ្ងៃទី១០កក្កដានេះ លោក ស្រីបណ្ឌិត  ជាសិរី ទេសាភិបាលរងធនគារជាតិនៃកម្ពុជា បានមានប្រសាសន៍ថា ការចុះអនុស្សរណៈយោគយល់គ្នានេះ គឺផ្តល់ក្របខណ្ឌសហប្រតិបត្តិការរវាង យូញៀនផេ និងប្រព័ន្ធបាគង KHQR ក្នុងការទូទាត់ឆ្លងដែនរវាងប្រទេសកម្ពុជា និងចិន។

លោកស្រីបណ្ឌិត  បានបន្តថា នៅពេលតភ្ជាប់ប្រព័ន្ធរួចរាល់ប្រជាពលរដ្ឋកម្ពុជា ដែលមានប្រមាណជាង ១០លាននាក់ មានភ្ជាប់ KHQR អាចធ្វើការទូទាត់នៅប្រទេសចិនបានតាមរយៈប្រព័ន្ធ យូញៀនផេ អាលីផេ និងវីឆាត។ ប៉ុន្តែត្រូវមាន​គណនីជាប្រាក់រៀល ទើបអាចទូទាត់បាន។ ចំណែកភ្ញៀវទេសចរចិន ឬអ្នកវិនិយោគចិន មកកំសាន្ត ឬធ្វើជំនួញ​នៅកម្ពុជា ក៏អាចទូទាត់ពីប្រាក់យ័នទៅប្រាក់រៀលបានដែរ។ ប៉ុន្តែតម្រូវឱ្យអាជីវករត្រូវមានគណនីជាប្រាក់រៀល ទើបអាចទូទាត់បានបើមានគណនីប្រាក់ដុល្លារមិនអាចទូទាត់បានទេ។

លោកស្រីបណ្ឌិត  បានបន្តទៀតថា ការធ្វើបែបនេះ ដើម្បីជំរុញការប្រើប្រាក់រៀលឱ្យកាន់តែប្រសើរឡើង។ ចំណែកចិន​ក៏ជំរុញការប្រើប្រាស់ប្រាក់យ័នចិនផងដែរ ពោលគឺជំរុញទាំងសងខាង។

មន្រ្តីជាន់ខ្ពស់ធនាគារជាតិ  បានរំពឹងថា ការទូទាត់ឆ្លងដែនរវាងប្រទេសកម្ពុជា និងចិននេះ គ្រោងនឹងដាក់ឱ្យប្រើ​ប្រាស់ជាផ្លូវ​ការនៅចុងឆ្នាំ២០២៣ ឬយ៉ាងយូរនៅដើមឆ្នាំ២០២៤ខាងមុខនេះ។ លោកស្រីបណ្ឌិត​សង្ឃឹមថា នៅពេល​ដំណើរការនឹងជួយសម្រួលយ៉ាងច្រើនដល់ការទូទាត់របស់ប្រជាពលរដ្ឋខ្មែរទៅកំសាន្ត ឬទៅរកស៊ីនៅប្រទេសចិន។ រីឯភ្ញៀវទេសចរចិនឬអ្នកជំនួញចិនវិញក៏មានភាពងាយស្រួលក្នុងការទូទាត់ផងដែរពិសេសវិនិយោគិនខ្មែរចិនអាចទូទាត់ជារូបិយបណ្ណរៀងៗខ្លួន ដោយខ្មែរនាំទំនិញពីចិនអាចទូទាត់ជាប្រាក់រៀលហើយចិននាំទំនិញពីខ្មែរ​ទូទាត់ជាប្រាក់យ័ន​កាត់បន្ថយហានិភ័យអត្រាប្តូរប្រាក់ខណៈពីមុនត្រូវដូរពីដុល្លារទៅជាប្រាក់រៀលឬពីដុល្លារទៅជាប្រាក់យ័នអាចប្រឈមនឹងហានិភ័យខ្ពស់ដោយសារអត្រាប្តូរប្រាក់ដុល្លារមានការឡើងចុះមិនទៀតទាត់។

លោកស្រី បណ្ឌិត ជា សិរីបានបញ្ជាក់ថារហូតមកដល់ពេលនេះកម្ពុជាធ្វើការទូទាត់ឆ្លងដែនជាមួយប្រទេសថៃ និងវៀតណាម​ និងកំពុងរៀបចំធ្វើជាមួយប្រទេសចិន ឡាវនិងឥណ្ឌា៕

អត្ថបទ ៖ សំអឿន

The post កម្ពុជា គ្រោងពង្រីកការទូទាត់ឆ្លងដែន​ទៅកាន់ប្រទេសចិន នៅចុងឆ្នាំ២០២៣ខាងមុខ appeared first on Kampuchea Thmey Daily.

យោងតាមរបាយការណ៍របស់មន្ត្រីនគរបាលស្រុកខ្សាច់កណ្ដាលបានឲ្យដឹងថា ជនរងគ្រោះឈ្មោះ ពុំ សេរីវិទ្យា ហៅឌី ភេទស្រី អាយុ៥៩ឆ្នាំ ជនជាតិខ្មែរ មុខរបរប្រធានសាខាជាន់ខ្ពស់អម្រឹត សាខាព្រែកតាមាក់ មានទីលំនៅភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។ ចំណែកជនជនសង្ស័យឈ្មោះ ស៊ាង ធារិទ្ធ ភេទប្រុស អាយុ២៩​ឆ្នាំ​ ជនជាតិខ្មែរ មុខរបរមន្ត្រីគ្រឹះស្ថានមីក្រូហិរញ្ញវត្ថុអម្រឹត នៅភូមិអំពិល ឃុំព្រែកដំបូក ស្រុកស្រីសន្ធរ ខេត្តកំពង់ចាម។

ក្នុងរបាយការណ៍បញ្ជាក់ថា ជនសង្ស័យបានចូលបម្រើការងារក្នុងស្ថាប័នគ្រឹះស្ថានមីក្រូហិរញ្ញវត្ថុអម្រឹត រយៈពេលជាង​២​ឆ្នាំមកហើយ ដោយទទួលផ្នែកទំនាក់ទំនងអតិថិជន ដោយរៀបចំឯកសារឲ្យអតិថិជនខ្ចីប្រាក់ និងទទួលប្រាក់ការ និងប្រាក់ដើម ពីអតិថិជនបង់ឲ្យធនាគារវិញ។ ប្រភពដដែលបន្ថែមថា កាលពីខែ០៨ ឆ្នាំ២០២២ ជនសង្ស័យបានទទួលប្រាក់ដើមពីអតិថិជនចំនួន១៧នាក់ ដែលពួកគាត់យកមកបង់ផ្តាច់ឲ្យធនាគារ ជនសង្ស័យបានប្រមូលប្រាក់ទាំងនោះពីអតិថិ​ជន​ចំនួន១៧នាក់ សរុបទឹកប្រាក់ ៣៩.៦៩០.០០០៛ (សាមសិបប្រាំបួនលានហុកសិបប្រាំបួនម៉ឺនរៀល) ហើយជនសង្ស័យ​យកប្រាក់ទាំងនោះទៅសងគេ និងយកទៅលេងល្បែងភ្នាល់បាល់ចាញ់អស់។

របាយការណ៍របស់មន្ត្រីនគរបាលស្រុកខ្សាច់កណ្ដាលបញ្ជាក់បន្ថែមថា លុះមកដល់ថ្ងៃទី២៩ ខែឧសភា ឆ្នាំ២០២៣ វេលា​ម៉ោង៩និង៣០នាទី ជនរងគ្រោះបានហៅជនសង្ស័យមកសាកសួរ​នៅស្នាក់ការ​គ្រឹះស្ថានមីក្រូហិរញ្ញវត្ថុអម្រឹត ស្រុកខ្សាច់កណ្តាល ហើយជនសង្ស័យបានសារភាពថា ខ្លួមពិតជាបានយកប្រាក់ចំនួន ៣៩.៦៩០.០០០៛ (សាមសិបប្រាំបួន​លានហុកសិបប្រាំបួនម៉ឺនរៀល) ពីអតិថិជនចំនួន១៧នាក់ប្រាកដមែន។

រហូតដល់ថ្ងៃទី៣០ ខែឧសភា ឆ្នាំ២០២៣ ជនរងគ្រោះបានមកដាក់បណ្តឹង និងនាំជនសង្ស័យមកកាន់អធិការដ្ឋាននគរបាលស្រុកបន្តអនុវត្តតាមនីតិវិធីតែម្ដង៕

អត្ថបទ៖ សុខុម

The post ចាប់ខ្លួនមន្ត្រីធនាគារម្នាក់ ក្រោយយកលុយពីអតិថិជនជិត៤០លានទៅលេងល្បែង appeared first on Kampuchea Thmey Daily.